رواية اروى في الجنوب الفصل السادس عشر 16 بقلم جوري محمد

رواية اروى في الجنوب الجزء السادس عشر

رواية اروى في الجنوب البارت السادس عشر

رواية اروى في الجنوب الحلقة السادسة عشر

من عند اروى
اروى….. بس هو ما قاليش هو عاش ازاي بعد ما احنا دفناه ده جاي من فرنسا في تابوت انا هاتصل وهو يقول لي عملها ازاي دي ولا هو قال لي وانا ما خذتش بالي
سليم كنت عارف اني هوحشك ال 10 دقائق دول
اروى…. وحشتني ايه بس انا عايزه اسالك انت عشت ازاي
سليم…… انتي فعلا مصريه اصيله انت فصلتيني كنت فاكرك هتقولي وحشتني يا سليم قلت اقول لك كلمتين حلوين قبل ما تنام
اروى….. سليم احنا في الظروف دي و افكر اقول لك كلمتين حلوين
سليم….. خلاص يا استاذه النكد يا مصريه يا اصيله
اروى….. لا الاحلى عروسه الهنا ثم انا فعلا مصريه اصيله قل لي بقى يحسن دماغي بتودي وتجيب
سليم …..بصي يا ستي هابدا من فرنسا
سليم ….انا لازم اخرج من هنا
مارك….. مش هيسيبوك تخرج المطارات كلها متراقبه
سليم ….مين قال لك انا هخرج عن طريق البحر بدل. ما اخرج عن طريق الجو
مارك….. حتى البحر متراقب لازم نفكر في طريقه ثانيه علشان الاخت جاكلين موجوده في كل الطرق
سليم …..في طريقه واحده فاكر الحقنتين اللي
مارك…. اوع تكون بتفكر تجيبهم
سليم ….ايوه ومش اول مره نجربها
مارك…. بس المرة دي الوقت هيبقى طويل واخاف ان القلب يقف بجد
سليم….. احنا هنجرب واحنا ونصيبنا ومع شويه شغل من بتاع الافلام كل حاجه هتعدي تمام
مارك ….انت بتخاطر بكل حاجه يا صاحبي
سليم…. انت ناوي تخون ههههه
مارك….. علشان ايه يا عم عشان قلت يا صحابي هههه
سليم… خلينا بقى في المهم انت فعلا هتتخني
مارك….. ازاي يعني
سليم …….هتروح تتفق علي مع جاكلين وبعد كده هتقتلني و هترحل جثتي مصر وانت هتروح معي بحجه انك انت عايز توصلها لحد هناك وتتأكد اني ادفنت خلاص
مارك… بالله عليك انت دماغك ايه سم
سليم….. افهم بقى كويس عشان كل حاجه هتبقى محسوبة ب الدقيقة لا ما اموت بجد
مارك… لا ما تخافش كل حاجه هنفذها صح
سليم …..وعملنا كل حاجه ومارك اداني انا الحقنه اثناء ما انا وهو بنحاول نقتل بعض قدام طبعا جاكلين النور قطع و اخذت الحقنه وجاكلين شافتني وانا ميت ولما جئت مصر مارك طبعا كان معي والباقي كله خلص بالفلوس والرشاوي حتى اللي غسلوني اخذوا مبلغ حلو وبعد ما الكل مشي بعد الدفنه مارك فتح لي وخرجت ثاني
اروى طب والله دي مشاهد زي مشاهد في افلام سلفستر ستلوني
سليم يا بنتي انا اجدع منه هو انا بلعب ولا ايه
اروى.. ما هو كل ده بيحصل لنا من مشيك العوج ما هو انت لو كنت ماشي مستقيم وماشي تحت طاعه ربنا ما كانش ده كله حصل وكان زماننا دلوقت عندنا فريد وفريده واشرف وشريفه
سليم…. ايه اللاسامي اللي انت هتسميها دي
اروى…. وحشه هي ولا ايه اسامي حلوه دول توائم لازم اساميهم تبقى ماشيه مع بعض
. سليم… خلاص بعد كده هنبقى نجيبهم ان كان في العمر بقيه
اروى ….لا ما تقولش كده يا سليم ان شاء الله ربنا هيكتب لك العمر الطويل.ان شاء الله وهنا دخلت
زينب خلصي بقى يا اروى يحسن انا زهقت من القعدة بره
اروى ….خلاص يا سليم نتكلم بعدين
سليم…. على العموم الخط شغال دلوقت على طول في اي وقت اي حاجه تحصل بلغينى بها سلام يا عروسه الهنا
اروى …سلام يا قلبي انا
ونسيبهم علشان الكل نام ومع بدايه يوم جديد و احداث جديده نبدأ بها من عند رباب وصفيه
رباب.. انا لازم اروح اجيب اروى هنا بحجه انها تقعد تاخذ عزاء جوزها في بيته
صفيه.. وساعتها تخلصي عليها
رباب.. في اعشاب جبتها من عند العطار هتخلي اروى تنزف لحد الجنين ما ينزل خالص
صفيه …عطار انت ما بتبطلش تخطيط خالص الحمد لله ان انا بنت كنت خططتي تخلصي مني
رباب هه تصدقي ما فكرتش في الحكايه دي
ونسيبهم ونروح عند اروى
زينب .. خدي الساندويتش ده جبته لك من وراهم علشان هم فاكرين انت ما بتاكليش عشان زعلانه
اروى… جاء في وقته ده انا بطني فيها حنشاه بتجري وتلعب وراء بعضها لو واحد فيهم طالت تأني هياكلوا على طول وهنا جاءت
ماجده عامله ايه يا قلبي النهارده
اروى الحمد لله يا مرات ابويا
ماجد….طيب خلصي وجهزي علشان تحضر العزاء تحت وتروحي مع رباب جايه تاخدك علشان تاخذي معها العزاء الحريم هناك
زينب.. طيب ما هي تعبانه
ماجده… ايوه بس ابوها وافق وقال هي دي الاصول تقعد هناك لحد ما تولد في بيت المرحوم بس باقول لك ايه حرصي على اللي في بطنك يحسن رباب ان طالت هتولع فيك انت ولدك
زينب… طيب ما اروى ما تمشيش
ماجده… يا ريته يا بنتي ينفع بس ابوها حكم خلاص
اروى ….طيب سيبوني اجهز نفسي وانزل تحت على طول
ما جده….. براحتك يا حبيبتي و بعد ما مشيوا
اروى اتصلت على سليم اروى الحقني يا سليم رباب عايزه تأخذني معها السرايا
سليم… كنت متوقع ان ده يحصل روحي معها وقبل ما توصل هناك هتكون بنت عمتي هناك وهي هتعرف ازاي تحميك
اروى…. اياك تكون فاكرني انا خايفه منها لا انا خايفه لا تعرف اني مش حامل
سليم…. ما تقلقيش هي مش هتعرف اي حاجه سلام
اروى…. ربنا يسترها وبعد كده نزلت اروى تحت
عزت… يا حبيبتي عامله ايه دلوقتي والله يا قلبي لولا الاصول كنت فضلت قاعدة معي بس اعمل ايه
اروى…. ولا يهمك يا ابويا هنا ولا هناك بيتي
شريف…. طيب يلا علشان اوصلك انت و مرات ابو المرحوم
اروى ..حاضر
وشريف….. بيكلم نفسه طب دلوقتي انا هشوفها ازاي كنت الاول هشوفها هنا علشان ده بيت عمي انما هناك هاروح بحجه ايه لازم الاقي حد يساعدني
وصل الجميع للسرايا
رباب…. ادخل يا ولدي
شريف لا هامشي بقى لو احتاجتي اي حاجه اتصل بي على طول
صفيه…. الحقي يا ماما في واحده بتقول انها بنت عم سليم
رباب…. ايوه انا كنت اعرف ان في بنت عمته بس مسافره الكويت تقريبا او السعودية مش عارفه يمكن عرفت وجاءت تعزي وتمشي
ودخلوا كلهم
اروى اللهم صل على النبي الست الضخمة دي الطول ده كله ده سليم باعث لي بودي جارد
نجوى انت يا حبيبتي مرات سليم
اروى ايوه
نجوى تعالي في حضني يا حبيبتي يامرات الغالي وسلمت عليها
ورباب اهلا وسهلا شرفتينا
نجوى وانت بقى رباب مرات المرحوم خالي
رباب ايوه يا حبيبتي
نجوى….. كنت عايزه اجي من زمان بس الظروف هي اللي منعتني والله حزينة ان يوم ما اجي الاقي السرايا فاضيه الغالي مش فيها
رباب…. معلش نصيب بقى الله يرحمه تعالى يا حبيبتي اوريك الاوضه بتاعتك فين
نجوى….. انا اخترتها
رباب ماشي الاوضه اللي تعجبك براحتك
اروى طيب انا هطلع ارتاح فوق
نجوى ليه تعال انا عايزه اقعد احكي معك
اروى ماشي هطلع اغير هدومي و انزل نتكلم
نجوى….. براحتك
وبكده الفصل انتهى بس اروى بتقول يا ترى نجوى دي مين وايه الست الغريبة دي و شريف بيحاول يتقرب ازاي علشان يشوف اروى كل يوم وهل سليم هيسكت لما يعرف كده ده اللي هنعرفه الفصل الجاي