رواية ارجوك اقتلني برفق الفصل الثاني 2 بقلم مجهول

رواية ارجوك اقتلني برفق الفصل الثاني 2 بقلم مجهول

رواية ارجوك اقتلني برفق الجزء الثاني

رواية ارجوك اقتلني برفق البارت الثاني

رواية ارجوك اقتلني برفق الحلقة الثانية

آدم اتعرض لحادثة في شبابه والحادثة دي سببتله عجز جنسي تام ، أو على حد تعبيره فقد رجولته للأبد ، دي الجملة اللي قريتها في مذكراته اللي كان كاتبها واللي لقيتها بالصدفة وانا بقلب في الحاجات القديمة ، كنت لسه هقراها كلها بالتفصيل بس ملحقتش ، لقيته دخل عليا فجأة وخطف الورق من ايدي بعصبية
– بتعملي ايه ، ووصلتي للورق دا ازاي
= مفيش ، انا لقيت الدنيا متكركبة وكنت هرمي الورق دا ، هو ورق مهم وللا ايه
– اه مهم ، انتي قريتيه
= لا ، وأنا اقراه ليه ، انا شايفه انه ورق قديم وعامل زحمة على الفاضي فكنت لسه هرميه في الزبالة ، هو فيه ايه الورق دا يا دومي
– بنت ، قولتلك 100 مرة بلاش دومي دي

= الله ، ايه يا عم انت هتقفش عليا هنا كمان وللا ايه ، مش كفاية خانقها علينا في الشغل ومخليني اقولك يا باشمهندس ، هيبقى هنا كمان
– أيوه طبعا الشغل شغل
= ماشي يا حبيبي ما احنا هنا مش في الشغل ، المهم ، اتعشيت ؟
– اه
= أخص عليك ، كلت لوحدك
– يعني عايزاني اقعد لحد دلوقتي من غير عشا
= واشمعنى انا بقى قاعدة لحد دلوقتي من غير عشا ومستنية حضرتك
– يا سلااااام ، ماشي يا اختي ، انا موافق ، عاملالنا ايه بقى على العشا
= لا انا معملتش أكل
– امال مستنياني لحد دلوقتي ليه ، كنت هاكل طوب
= لا كنت هتطلبلنا بيتزا
– اااااه ، قولي كدا بقى ، انتي قاعدة مستنياني عشان تدبسيني في حساب الاوردر
= فشر ، مين دي ، انا كنت هعزمك اصلا
– يا سلام ؟
= امال ايه ، انا دلوقتي بشتغل يا بيه وعندي مرتب ، خلاص بقيت سترونج اندبندنت وومن
– يا بت ، ماشي ، خليها عليا انا المرادي ، اعملي الاوردر وانا عازمك
= لا خلاص بقى انا هنام خفيفة
– طب يالا ، تصبحي على خير يا لوكة
= ايه دا انت هتنام ؟؟
– لو معندكيش مانع
= طب ما تحكيلي حدوتة
– بذمتك فيه سترونج وومن تقول احكيلي حدوتة ، مش لايقة عليكي حكاية الفيمينست دي خالص
= مش انا بنوتك يا دومي

– بنوتي بس ، دا انتي حياتي كلها يا لوكة ، انتي بنتي اللي مخلفتهاش
= ما بلاش حكاية بنتي دي بقى ، انت عايز تكبر نفسك وخلاص
– بقولك ايه ، انا عندي بنطلونات من اللي كنتي بتعملي عليهم لسه ما نشفوش أخش اجيبهملك من جوا
= ماشي يا آدم ، اجرح كبرياء أنوثتي أوي براحتك وانا ماليش توكيل
– ادخلي نامي يا بت عشان بكرا فيه ميتنج مهم ولو جيتي متأخرة هخصملك آمين ؟؟
= براحتك يا قاسي ، براحتك خااالص
آدم سابني ودخل ينام بس خد الورق معاه ، كنت عايزه اعرف ايه حكاية الحادثة اللي فقد فيها رجولته دي ، كنت مصدومة جدا ومتاخده بس مبينتش دا قدامه عشان ميعرفش اني قريت الورق ..
يعني آدم ما اتجوزش لحد دلوقتي عشان كدا ، اكيد بابا كان عارف القصة دي عشان كدا كان دايما بيقول أنه عمره ما هيتجوز ..
بس انا بحب آدم ، بحبه حب مختلف عن حب اي ست لأي راجل ، انا مش عايزه منه أي حاجة غير أنه يحس بيا ، ويشيل من دماغه حكاية بنته دي ..

بس برضو مش هيقدر يقاوم ، مفيش راجل في الدنيا يقدر يقاوم واحدة ست لو حطته في دماغها ..
مخبي ايه يا آدم ، هعرف ، مبقاش مليكة لو ما عرفتش ايه السر اللي انت مخبيه ..
انا جاتلي فكرة دلوقتي ابليس نفسه هيلعب ماتش اعتزاله بعدها

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية ارجوك اقتلني برفق)