رواية اخرجتني من الظلام الفصل الرابع عشر 14 بقلم ريتاج محمد
رواية اخرجتني من الظلام الجزء الرابع عشر
رواية اخرجتني من الظلام البارت الرابع عشر
رواية اخرجتني من الظلام الحلقة الرابعة عشر
غيث !
غيث عامل ايه هو فين ؟
الممرضة مفهمتهاش
فمليكه سألتها بالتركي
والممرضة قالتلها ان حالته مش احسن حاجه وهو دلوقت في العناية
مليكة قالت ودماغها تقيله: انا عايزة اشوفه
وديني اشوفة
انا حالتي مش خطيرة اوي زيه
الممرضة بنفي: ما بقدر مستحيل
مليكةة:هو ايه الي مستحيل
عايزة اتطمن عليه
الممرضة:انتي هلّا تعبانه بس تتشافى بإذن الله
بنوديكي لزوجك
هلّا بس إرتاحي
لإنو كمان هوِ ما فاق
بس يفيق بقلك تمام
وخرجت
ومليكه رجعت راسها لورا وهي بتفكر في غيث وحالته دلوقت وبتدعى ربنا انه يشفية وانه ميصيبهوش اي مكروة
عند رسلان
كان روح البيت وهو باله مشغول على مليكه اوي
فمسك موبايله ورن عليها
عند مليكه الممرضة دخلت عليها وهي بتسألها لو الموبايل الي فإيديها دا بتاعها عشان بيرن بقاله كتير
مليكه قالتلها ايوة واخدته منها وردت على رسلان
رسلتن بزعيق:كل دة عقبال ماتردي
بقالي ازيد من خمس ساعات عمال برن عليكي
وانتي بااااردة كدة
مليكه راسها وجعتها من صوته العالى
فقالت بخفوت و وجع وهي ماسكه راسها بيإدها : في أي يارسلان بتزعق ليه ؟
رسلان بزعيق :بزعق ليه
عشان في عيلة مش راضية ترد على تليفونها ومخلياني هتتجنن
ووقفت يومي كله عشانها
مليكه تأوهت من دماغها بصوت عالي
رسلان باستغراب:مالك ؟
مليكه بتعب :دماغي شدت عليا
رسلان بقلق:شدت عليكي ليه؟
مليكه بأختصار وهي مش قادرة تتكلم:انا لسة طالع من العمليات يارسلان مبقلييش ساعه
رسلان بصدمه:عمليات!
عمليات ايه يامليكه
ايه الي حصل
مليكه بتعب:عملت حادثه
بقولك ايه سلام انا مش قادرة اتكلم
رسلان وهو قلقان عليها :انا هحجز أقرب طيارة واجيلك سلام
عند مليكه بعد ما قفل:اوف يارسلان صدعتني اكتر ما مصدعه
وهتيجي وتاخدني ياربييي مهو دا الي ناقص
يارب ما يلاقي تذكرة
ورجعت راسها على ورا براحه خالص ونامت
بعد اربع ساعات صحيت وهي حاسه بوجع جامد
دخلت الممرضة وادتها اكل وشربتها الدوا
وكانت خارجه
مليكه :لو سمحتي هو غيث عامل ايه دلوقتي ؟
الممرضة ببسمه: فاق وحالته مستقرة وهلّا الطبيب بيكشف علية ومنشوف اذا صارت صحته حلوة منيحع بيودونه على غرفة عادية
لو لا راح يخلوة بالعناية اربع وعشرين ساعه
بس اتطمني باين مؤشراته كتير حلوة
وراح يروح على غرفة عادية
مليكه بتعب:يارب
بقولك ابقى روحي شقري علية وطمنيني كل شوية
اماءت ليها الممرضة
وخرجت
ورجعتلها بعد نص ساعه وهي بتقول :هو هلّا صار بخير ونقلوة عغرفة عادية مليكه وهي بتحاول تقوم :طيب اسنديني اروحله
الممرضة منعتها وهي بتقول:ما يص ما ينفع لساتو جرحك ما طاب
لو سمحتي خليكي
مليكه بعند:لابعدين انتي لسة مدياني مسكن ومش حاسة بحاجه
الممرضة :يعني مارح ترجعي عن قرارك؟
مليكه:لا ولو مسندتنيش هقوم لوحدي
الممرضة هزت راسها بقلة حيله وقالتلها:لكا خليكي هو بس خمس دقايق بجيبلك كرسي بعجل
وأجي
وفعلا راحت جابت كرسي متحرك ورجعت لمليكه وساعدتها تقعد علية وودتها عند اوضة غيث وسابت مليكه تدخل هي
دخلت مليكه عند غيث الي كان عاري الصدر ولافين جرحه ودراعه ملفوف ورجله ببسب انها كانت مفتوحه وراسه بصتله كتير وانفجرت في الضحك وهي بتقول :يخربيت شكلك محتاج تتصور
غيث فتح عينه وبصلها وجابها من فوق لتحت وقال ببسمه : ما بلاش انتي بشكلك دة
مليكه وهي بتبص على نفسها
كانت رجليها متجبسه وراسها ملفوفه ودراعها عشان متخيط
قالت بتكبر:مالي يعنيا
غيث ببسمه:قمر
مليكه اتكسفت
غيث بضحك: وش كسوف أنتي اوي
تعالى تعالى اما اقولك حاجه
مليكه بتضييق عين: عايزني اجي ليه عايز مني ايه ؟
غيث بغيظ:هعوز منك ايه يامعفنه انتي
متيجي
مليكه :هووف طب وزقت الكرسي وراحتله
غيث :قربي اكتر
مليكه :لا بقولك ايه انا عارفة الحركات دي انا بقولك اهو
غيث بضيق:يبنتي ماتقربي هو انا هاكلك
مليكه قربت وقالت:قربت هو انجز قول في أيه
عشان دماغي بدأت توجعني
غيث ببسمه: مش هتزعقى
مليكه بضيق:ياصبر أيوب يارب ،لا مش هزعق
غيث ببسمه وهو مترقب رأكشناتها :احم انا رديتك لعصمتي
مليكه بصتله بوش خالي
بعدين انفجرت في الضحك وهي بتضربة على دراعه بهزار
غيث بألم: ااااااه
مليكه ببسمه سماجه :يبني والله هزارك الايام دي بقى تقيل اوي
مرة عايز تموتني غرقانه ومرة عايز تموتني مجلوطه متهزرش معايا تاني
غيث بألم: ياجموسة بتضربيني على مكان الجرح
بعدين انا مش بهزر
انا رديتك بجد
مليكه قربت منه بشر وحطت ايدها السليمه على رقبته وكانت قريبة اوي منه وهي بتقول :سمعني بقى كدة تاني عملت ايه
غيث ببسمه وهو بيقول ببطئ: ر د ي ت ك لعصمتي
مليكة ضغطت على رقبته بس براحه وهي بتقول بتحذير:متخلنيش اتهور على اهلك
هو اي الي رديتك دي انت ازاي تعمل كدة
غيث :علفكرة مش من دلوقت
انا ردك بقالي فترة
امال كنت بتعامل معاكي بأريحية كدة لية
مليكه بصدمه وغيظ:كمااااااان
اتاررريك سوسة
ولاااا طلقني يلا انا مش عايزة ابقى متجوزة انا راضية بمطلقة بس متجوزة لاا ابسليوتلي
يحبيبي
غيث :حبيبي طالعه من بوقك زي العسل
مليكه بقرف:اصطاد في المايه العكرة اصطاد
دنت سمج
غيث وهو قاصد ينقطها : سمج طالعه سكر من بوقك
يمراتي ياعسل انتي
مليكه بعصبية:انت هتخيب ولا ايه ياض
متلم نفسك
غيث بضحك:منا لامم نفسي اهو
بقولك ايه متجيبي بوسة يعني بما انك مراتي
مليكه بغضب:اقسم بالله هلطشك بالقلم ومش هراعي انك متزفت تعبان
غيث وهو قاصد يغيظها:اي حاجه مقبولة منك يمرااااا….. ااااه
قالها لمت مليكه ضربته بعصبية على جرح صدرة
غيث وشة قلب وبان علية التعب والتألم
حط ايدة مكان الجرح يحاول يخفف الألم
مليكه بندم :انا انا آسفة والله مكنتش اقصد اني اضربك في الجرح بس انت الي عصبتني
غيث بتعب وصدرة بيعلى ويهبط جامد:خلاص
روحي اوضتك
مليكه بدموع وهي شايفاة بيتوجع:انا آسفة والله مكنتش اقصد والله وريني كدة
وكانت هتحط ايدها عالجرح غيث مسك ايدها
وخفى المه ببراعه وقال ببسمه مصتنعه:خلاص مفيش
الوجع راح ماتقلقيش
مليكه بفرح:بجد راح
غيث ببسمه مصطنعه:اه
مليكه قربت نفسها منه وحضنته بأسف
وهي بتقول بندم:بجد انا آسفة والله
انا حمارة عشان مخدتش بالي
معلش متزعلش
غيث بألم بس ابتسم وقال:وهو بعد الحضن دا هحس بوجع برضو
بعدين انتي جاية تحضنيني وانا تعبان مكانتش تيجي منك غير دلوقت
روحي يامليكه ربنا يهديكي اوضتك مش هتبقى انتي والجرح عليا
مليكه بخجل:مهو انا حضنتك دلوقتي عشان انا غلطت وبعدين مراتك ف عادي وكدة
لكن قبل كدة لا انت فاهم
غيث ببسمه وتناسى ألمه:يعني انتي مش زعلانه انك مراتي؟
مليكه:….
غيث ببسمه وتناسى ألمه:يعني انتي مش زعلانه انك مراتي؟
مليكه بضحك :هو انت صدقت يلا اني مراتك
ولا ايه هو ايه الي رديتك لعصمتى
وانا مليش عدة اصلا ياغبي
غيث بصدمه:اه صح
طب والحضن الي حضنتهولي ومراتك و…
مليكه بضحك: بجاريك يا اهبل
بعدين دا حضن برئ لله
بس ايه رأيك تقمصت الدور انا صح
غيث بغباء:وانا اقول مالها مقامتش تجيب حاجه ترقعني بيها ليه
اتاريكي سهونه
مليكه بفخر:عيب عليك
وكمل وهي بتمسكه من ودنه جامد : بعدين ايه بقى الي كنت بتعامل معاكي بأريحية عشان كدة
انا امتى يلا سيبتك تتعامل معايا بأريحية
غيث بألم:اااه ياغبية كان قصدي عالفطار والغدا وكدة ولما وديتك المستشفى
ولما حجزتلك الاوضة
مليكه سابته وقالت :امم بحسب
وكملت وهي بتمشي ناحيه باب الاوضة
يلا انا ماشية بقى يا هه طليقي
ابقى عيش احلام العصر مع نفسك
سلاموز ياروش
خرجت وغيث قال بغيظ:ياقادرة
ااااة ايدا انا صدري شد تاني لية
ماكنا ماشيين كويس
رجع راسة على ورا وقال بسرحان: دلوقتي طليقك اة
بس صدقيني الاسبوع دا مش هيكمَل الا وانتي في بيتي وعلى اسمي يامليكه
عند مليكه راحت اوضتها والممرضة جت وساعدتها تقعد عالسرير
ومشيت
ومليكه وفردت نفسها وهي بتقول بسخرية:قال مراتك قال بلا غم هو انا ناقصة
اشحال مش حمل حياة العزوبية هستحمل عش الزوجية ، وكملت ببسمه ،
لا لا بس كنت هايله في التمثيل الله عليا بجد
انا اصلا مكاني مش هنا
انا مكاني كان المفروض يبقى قدام كاميرة التصوير
ههههه لا بس دخلت علية قال مراته قال
جت تنام على جنبها دماغها وجعتها جامد فأتعدلت وهي بتقول بضيق:ادي اخرة الي يجيب في سيرة عالم غم
عند رسلان كان بيلبس لأن معاد الطيارة بعد ساعه
لانه بعد ماقفل مع مليكه حجز تذكرة على طول
وعدى من ساعتها حوالي خمس ساعات
والطيارة بعد ساعه
خرج برا الفيلا وركب عربيته وراح عالمطار
واستنى الطيارة
وهو مقرر انه مش هيقول لأبوة وأمة عشان ميتخضوش
واستني لحد ما بدأوا ينادوا عالركاب
وطلع ركب الطيارة
في مكان اول مرة نروحه في كندة
وخاصتنا عند رائد “صاحب غيث وابن خالة مليكه”
في بيته كان قاعد بيتمرن
ضغط وهو بيقول بينه وبين نفسه:خلاص هانت زمانهم نزلوا مصر وهيمسكوهم هناك
وانا بقى اخلص
من ام التمثيلية دي
وبدأ يفتكر
“الحكاية ابتدت لما
العصابه الي هجموا على أصحاب غيث زمان وق$تلوهم
و هربوا لبرا مصر في كندا
ورائد اتبعت لكندا هناك عشان يراقبهم
وفضلوا مستينهم ينزلوا مصر بعدها بكام يوم ويمسكوهم هناك بس مش دا الي حصل
فقرروا يلعبوا معاهم لعبه ان غيث” الي هو كان مصدر رئيسي فم$وت كتير من العصابة ”
اتعمى وهو ف المهمة
واتقاعد وبقى خارج العمل
وعرفوا بعدها انهم مراقبين تليفوناتهم ومراقبينهم هما شخصيا
فعشان كدة غيث مكانش قايل لأمه ولا ابوة
عشان العصابة متشكش في حاجه
وعشان كدة رائد لما كان بيكلم غيث كان بيكلمه على أنه أعمى وكان بيحاول
يقنعه يعمل العملية
وكانوا بيراقبوهم وهما فاكرين ان غيث بقى فريسة سهلة بما انه بقى اعمى
لكن الي ميعرفهوش ان رائد كان هناك بيراقبهم وكل فترة والتانية كان بيخلص على جزء من العصابة بطريقة مفاجئة بحيث ميعرفوش مين الي عمل كدة
وفضلوا عالحال دا لمدة طويلة
لحد ما قررت العصابة تنزل مصر
او دا الي كانوا فاكرينه
وغيث فكر ان بما انهم هيمسكوهم في مصر وهو مش هيبقى لية دور في الموضوع دا
فيروح تركيا زي ما ابوة طلب منه
لكن ميعرفش انه هو الهدف الأساسي من نزولهم مصر اصلا
وراحوا وراه تركيا بعد ما اكتشفوا انه مش أعمى وأنهم طلعوا مغفلين
وطبعا غيث كان مفهم الكل انه خارج عن العمل حتى مروان
لحد ما هجموا عليهم في الطريق
بس طبعا لسة المعلومات دي موصلتلهمش انهم هجموا على غيث ومليكه ”
قام رائد وهو بيحرك رقبته يمين وشمال وراح ناحية المطبخ وصب كوباية لبن وطقش عليها بيضة
وقلبها بمعقلة وشربها كلها على بق واحد
وقال وهو بيحط الكوباية عالرخامه :يارب توب علينا من ام الهباب دا
وطلع اوضته اخد دوش وغير هدومه
ومدد عالسرير وهو بيبص لصورة ملك الي معلقها عالحيطه وبيقول ببسمه وهيام:هييح امتى بقى اخلص من الي انا فية واجي اتقدملك بس
ياااه لو مكنتش في مهمة كل الوقت دا
كان زمانك في بيتي دلوقت اما اشوف آخر أخبارها ايه
مسك موبايلة وفتح الفيس على صفحتها
وكان مبتسم بس ابتسامته اختفت
لما قرأ اخر بوست هي منزلاة والي كان عبارة عن “الحمد لله الذي بنعمته تتم الصالحات
‘ قرينا الفاتحه ‘
وعامله منشن لشخص
رائد الموبايل وقع من ايدة وهو مصدوم
يعني ايه اتقرت فتحتها
دا بقالوا خمس سنين بيحب فيها في الخفى
لا بيحب ايه دا بيعشقها
وكلم ابوها كذا مرة قالوا بعد المهمة ابقى تعالى
ودلوقتي هي مقري فتحتها على واحد تاني
دمعه نزلت من عينه من غير مايحس على حب عمرة الي طار فلحظة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اخرجتني من الظلام)
