رواية اختلس قلبي الفصل الثاني عشر 12 بقلم رولا
رواية اختلس قلبي الجزء الثاني عشر
رواية اختلس قلبي البارت الثاني عشر
رواية اختلس قلبي الحلقة الثانية عشر
بصتله بتوتر ومكنتش عارفه تجمع كلامها ، حاولت تلملم شتاتها وقالتله :_ توقعت ، اصل اكيد مش واخدني عشان سواد عيوني ..
بصلها بهدوء مخيف وبعدين ابتسم وسابها وخرج برا الاوضه ، مقفلش الباب عليها بالمفتاح اول م خرج حطت ايديها علي قلبها وحاولت تهدي اعصابها وأنفاسها ، لقته داخل عليها تاني فاتفزعت من دخوله :_ جاي تاني لي !!
بصلها بخبث وقالها :_ مالك خو*فتي لي !!
م مخوفتش ، هخاف لي ، مش من عوايدك بس تدخل بعد م تخرج فاستغربت
_ عامتا انا جاي عشان اديلك دول بس وامشي تاني …
اي دول !؟ قالتها دنيا بأستغراب فرد عليها مصعب بعد ما حط الشنط علي الارض وراح وقف عند الباب اللي كان ماسكه بإيده :_ افتحيهم وانتي تعرفي .. قفل الباب وراه فقامت بسرعه عشان تشوف اللي جايبهولها ، فلقت كل الحاجات اللي كانت مختاراها وقاستها ف المول ف ابتسمت وقالت :_ يشيخ ، كنت بحسبها متف*جرات
عدي اليوم عادي وتاني يوم دخل عليها الاوضه لقاها نايمه فحط الاكل جمبها وساب لها ورقه علي الصينيه وخرج
واول ما فاقت مسكت الورقه وقرأت اللي كاتبهولها :_ البسي الفستان اللي اختارتيه وجهزي نفسك عندنا مشوار بليل ..
اتنهدت وسابت الورقه وقامت دخلت الحمام غسلت وشها وخرجت قعدت كلت ..
عدي الوقت بسرعه محستش بنفسها غير وحد بيخبط علي الباب
مين !؟
انا هند يمدام البيه بيقول لحضرتك اجهزي ، هو جاي ف السكه
دنيا بملل :_ تمام يهند روحي انتي …
قامت لبست الفستان مكنش في حواليها اي مساحيق تجميل فضلت تفتش ف الدولار والادراج ملقيتش حاجه غير كحل وزبده فحطت منهم ، وفردت شعرها وقعدت استنته لحد ما خبط عليها الباب :_ لو جاهزه انزلي ..
خدت نفس طويل وقامت خرجتله ، كان مديها ضهره فحمحمت بخفه :_ احمم
بصلها وكانت في ابتسامه عريضه علي وشه ابتسامه خلتها تستغربه مكانتش فاهمه بيضحك اوي كدا ليه :_ اي الحلاوه دي
ضحكت بإستهزاء وقالتله :_ الحلاوه حلاوة روح بقي ..
_ طب يلا ، قالها وهو بيمدلها ايده ، فضلت تبص عليها دقايق واخيرا قررت تمسك ايده بعد تفكير طويل
نزلو سوا لقت ناس قاعدين تحت وفي واحد معاه حاجه زي الكتاب وباين عليه ……. !! اي دا ده المأذون ، بيت لمصعب بسرعه فغمض عيونه كإنه بيطمنها ، قربت لودنه وقالتله :_ انت مج*نون ، انت اي اللي بتعمله دا
_ عشان ابقي جوزك قدام الناس و عشان تعرفي تواجهي الكل من غير خ*وف و عشان ابقي أمانك وسندك ف الدنيا ي ……. دنياا
فكرت للحظات وبعد شويه كان المأذون بيقول
(بارك الله لكما وبارك عليكما وجمع بينكما في خير )
الكل خرج ومبقاش غيرهم شدها من ايديها وقعد علي الكنبه وشدها وقعت علي رجله ، اتصدمت من اللي عمله بس مقدرتش تتنفس فجأه لقته بيخرج موبايله وبيفتح لايف وبيتكلم فيه :_ اهلا يشباب ازيكم ، انا مصعب علي زهران ، وريث امبراطورية زهران
ودي مراتي دنيا ، انا حبيت بس اشاركم اجمل حاجه عملتها ف حياتي وهي جوازي منها ، وبعد يومين هنطلع تشوفو قسيمة جوازنا وعندي ليكم خبر رائع جديد ، انتظرونا …
قفل اللايف فقامت دنيا بسرعه من علي رجله وقالتله بنرفزه :_ انت اتج*ننت !؟ انت ازاي تعمل كده
قرب منها وحط ايده علي خدها بحنيه وقالها :_ وفيها اي منتي مراتي وكل حاجه ف حياتي كمان
ف الوقت ده شافت ذكريات مشوشه والدنيا بدأت تلف بيها وفجأه وقعت بين ايده ومحستش بنفسها غير وهي عند الدكتور اللي قال لمصعب :_ مبروك ، مدامك حاامل ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اختلس قلبي)
