رواية اختطاف لا ينسى الفصل الأول 1 بقلم سلمى جاد

رواية اختطاف لا ينسى الجزء الأول

رواية اختطاف لا ينسى البارت الأول

رواية اختطاف لا ينسى الحلقة الأولى

_ مين اللي الصوره دول يا غبي ،مش دول الواد والبت اللي المفروض تخطفهم
منعم بص لبلال ونور بصدمه .. أمال مين دول ؟!
💫💫💫💫💫💫💫💫💫💫
نور فاقت من ذكرياتها علي صوت مدرس الفيزياء بتاعها ..نور ،انتي يابنتي ركزي
نور بخضه ..معلش يا مستر سرحت
المستر ..طيب قوليلي طلعتي الزمن بكام في المسأله اللي علي السبوره
نور بصت في الكشكول بتاعها بتوتر وبعد ثواني قالت ..-34 دقيقه
المستر بانفعال .. يابنتي حرام عليكي هتجلط بسببك أنا لو سيبت مهنة التدريس وسرحت بأنابيب في الشارع هيكون بسببك انتي
السنتر كله ضحك علي نور اللي بصت حواليها بإحراج شديد ،لكن فجأة جت عينيها في عيون بلال اللي كان
باصصلها بابتسامة وهز راسه ليها بتشجيع فابتسمت بخجل ودورت وشها
في الناحية التانيه وعند بلال اللي كان سرحان هو كمان وبيفكر في اليوم اللي غير جواه حاجات كتير
عدى شهر علي اليوم ده وذكرياته محفوره في عقله ،
اليوم ده كان فعلا ” اختطاف لا ينسي” بالنسبه لبلال ونور
صلاح ومنعم سابوهم يمشوا بعد ما اكتشفوا إنهم خطفوهم بالغلط ، وإنهم مش المقصودين
ولكن طبعا الموضوع مكانش سهل بسبب منعم اللي كان خايف يسيبهم لايبلغوا عنهم البوليس
لكن بلال ونور وعدوهم إنهم مش هيبلغوا ولا يعرفوا حد باللي حصل خصوصا إنهم معملوش ليهم حاجه وحشه أو آذوهم بأي طريقه
بلال افتكر ايه اللي حصل بعد ماخرجوا من المكان
«فلاش باك»
نور بتجري بفرحه ..عااا أنا مش مصدقه نفسي ،احنا عايشين معقول خرجنا بالسهولة دي
بلال وهو بيتأمل فرحتها ..ولا أنا كمان مصدق ،دي أقصر مدة خطف اتخطفتها في حياتي
نور بحماس ..ايه ده انت اتخطفت قبل كده
بلال اتكلم بمرح ..لا بس تصدقي الموضوع طلع Fun أنا عن نفسي استمتعت ،ونتي ؟
نور بحماس ..ااه استمتعت جدا ،أنا خلاص بقيت
بيج فان للخطف من النهارده
بلال بضحك ..أنا بجد مش متخيل إن اللي خطفونا دول المفروض عصابه وخطر بقى وكده ،دول طيببين ولذاذ اووي
نور ..ايوة فعلا ،حتي أونكل منعم اللي كنت بحسبه شرير طلع لطيف خصوصا لما طلبلنا شاورما علي حسابه عشان يعتذرلنا
بلال ..أهو عشان طيبتهم وهبلهم مش هنبلغ عنهم البوليس
نور ..تحس كده إن حوار العصابات والخطف مش لايق عليهم،بجد مش متخيله منعم وصلاح غير إنهم حاطين فيونكه بينك علي راسهم وبيقولوا مع بعض في صوت واحد
We are just عصابة 🥺🎀
بلال بضحك ..ههههه مش قادر بجد ،هيبقوا كيوت جدا وبعدين اتنهد وقال بحزن خفي .. خلاص كده اليوم خلص
نور بضيق بتحاول تداريه بمرحها المعتاد ..ايوه خلص وهنرجع لحياتنا المعتادة بين المذاكرة والدروس والسناتر
بلال وقف فجأة واتكلم ..نور ،أنا قررت أدخل صيدله
💫💫💫💫💫💫💫💫💫💫💫
بلال فاق من ذكرياته علي صوت زين صاحبه اللي فجأة اتكلم بصوت عالي ..نور !
بلال بخضه ..فيه ايه مالها نور
بلال لاحظ أنظار زين الموجهه علي كشكوله فنقل نظره للكشكول ولقي نفسه كاتب اسم نور وحواليه قلوب كتير ماليه الورقة
بلال اتصدم إنه كتب اسمها بدون وعي
زين بصدمة ..انت حبيتها ولا ايه
(زين عارف كل اللي حصل)
بلال بحيره .. مش عارف
زين ..بص يا بلال أنا هنصحك بصفتي صاحبك اللي بيحبك وبيخاف عليك ، ركز السنادي عشان ده اللي
هيحدد مستقبلك هيبقي عامل ازاي وكمان عشان تبقي قد وعدك وتدخل معاها نفس الكليه
بلال اتنهد بحزن ..عندك حق
💫💫💫💫💫💫💫💫💫
عدى الوقت بسرعه عكس ما نور وبلال كانوا معتقدين
عدت سنه كامله كل واحد فيهم بيحاول يوفي بوعده للتاني وأخيرا وبعد اجتهاد وصبر وتوفيق ربنا قبل كل شيء ،نور وبلال قدروا يدخلوا كلية الصيدلة ولكن لسه ميعرفوش حاجه عن بعض
وفي أول يوم في الكليه ومع أول محاضره ،نور كانت قاعده بكل حماس وشغف وتركيزها كله مع الدكتور اللي بيشرح ومخدتش بالها من الشخص اللي جيه وقعد جانبها بهدوء وسند بكتفه علي البينش وتأملها بابتسامة
نور أخيرا لاحظت النظرات الموجهه ليها وبمجرد ما بصت جنبها اتكلمت بصدمه وصوت واطي ..بلال
بلال ابتسملها وبعدين شاور بصباعه علي بوقه عشان تسكت وبص قدامه بهدوء عكس قلبه اللي بيدق من الفرحه
نور ابتسمت بفرحة وبعدين بصت قدامها وحاولت تركز مع شرح الدكتور ولكن فشلت فشل ذريع
💫💫💫💫💫💫💫💫💫💫
بعد شويه وفي طريق جانبي قصاد الكليه
نور بفرحة ..وفيت بوعدك ليا يا بلال
بلال بحب ..كان لازم أكون قد كلمتي ليكي يا نور
نور ابتسمت بحب .. يمكن اللي قربنا من بعض كانت صدفه غريبه مع ناس أغرب بس منكرش إنها غيرت فيا كتير
بلال بابتسامة ..كانت فعلا صدفه غريبه، أنا وانتي نتخطف وبالغلط وفي نفس المكان كان فعلا
” اختطاف لا ينسي ”
نور أنا ،أنا بحــ
وفجأة وبدون أي مقدمات جيه شخصين من ورا بلال ونور وشدوهم علي عربيه وفي لمح البصر العربية كانت اتحركت
صلاح واللي كان سايق المره دي لف واتكلم بحب .. ليكم وحشه والله يعيال ،سنه كامله متقابلناش
نور ..أونكل صلاح وحشني والله ،وانت كمان والله يا أونكل منعم رغم الخلاف اللي بيني وبينك بس وحشني بردو
بلال اتكلم بمرح ..والله بجماعة مكانش ليها لزوم الخضه دي عشان وحشناكو
كان ممكن نتكلم بهدوء ده أنا والله افتكرت اننا اتخطفنا تاني
في الوقت ده منعم لف واتكلم بخبث ..ومين قالك إنكم مش مخطوفين فعلا
بلال ونور باستغراب .. اييه
منعم ..المره دي انتو مطلوبين بالاسم الثلاثي وصوركم اتبعتت لينا ومطلوب مننا نخطفكم بحق وحقيقي
صلاح كمل بخبث وهو بيراقب تعابير وش نور وبلال واللي ظهر عليها الخوف..يعني المره دي يا حلوين انتو اللي مطلوب خطفكم بجد
بلال ونور بصوا لبعض بفزع وبعدين اتكلموا في صوت واحد ..
لاااااااااااااااااااااااااااا
سنين ومرت زي الثواني في حبك أنت
وإن كنت أقدر أحب تاني أحبك أنت ⁦♡