رواية احنا والبحر الفصل الثالث 3 بقلم سلسبيل أحمد
رواية احنا والبحر الجزء الثالث
رواية احنا والبحر البارت الثالث
رواية احنا والبحر الحلقة الثالثة
= انتي كويسة؟ بصيلي انا جمبك
– انا عاوزة انام
= طيب تعالي
_ خدني فحضنك وخليك جمبي
= حاضر
– ومتبعدش خالص
مسك ايدي وقربني لصدره = اطمني ، مش هبعد
_____________________
بضحك – هغرقك فالمياه يا ياسين
= هاهاهاها انا مش بغرق اصلا
– في موجه جايه تيجي نتسابق.؟
= امممم هكسبك كدا كدا يا ليلي
– انت بتخسر كل مره يكداب
= طب يلا اههيييي
– هيييييه كسبتك … ياسين؟؟؟
يااااااسين انت فين بطل هزار ….. ياسين؟
ياسين!!!!!!!!!!
______________________
– ليلي اهدي في اية
ليلي صحيت و فضلت تسرخ بأسم ياسين و مصطفي مخضوض ومش فاهم خدها فحضنه بقوة وليلي بدأت تحس بيه:
– اهدي ده مجرد حلم انا جمبك يا ليلي اهدي
هديت بين ايديه ونامت وهو فضل حاضنها ومسح دموعها وقعد يمسح على شعرها بحنيه وهو قلبه قايد نا**ر بسبب معاناتها دي
^^
– ليلي.. حببتي مش هتقومي بقي الساعه واحده
فتحت عيوني الى مرهقين وفيهم حزن يكفي بلد وكل ده راح اول ما لاقيته جمبي وبصيت لملامحه الى باين فيها قلق عليا
– صحيتي خلاص يا كسولة.؟
مردتش حاسه ان الكلام بقي تقيل عليا بصلي بنظره حنيه و حب:
= تعالي طيب
خدني فحضنه وطبطب عليا كتير وفضل ماسك ايدي
– قوليلي اية الحلم الوحش اوي ده الى جالك امبارح ده زي الى بيجولك دايما؟
= لا ده كان اوحش
– طيب لو مش هتقدري تحكيلي عادي استني لما تهدي وتبقي كويسة ، انا بس عاوز اعرف سبب الاحلام دي
= انا عمري ما قولتلك واعتقد لازم اقولك
– قولي انا جمبك مهما حصل
قعدت قدامه وتجاهلت عيونه شوية:
= ياسين اخويا
بصلي بنظرات حزينه واستغراب:
– الله يرحمه ماله.؟
دموعي نزلت بسرعه وكأن كل ما افتكر اعيط بدون أراده..
= يوم ما مشي و سابني كنا عالبحر وبنلعب قولتله نعوم فالبحر وماما مكنتش موجوده هي قالتلي اخد بالي منه بس دخلنا انا الى خليته يدخل فضل أغرقه وارش عليه مياه كنا بنضحك كان فرحان اوي وضحكته جميلة
ابتسمت لما افتكرت ضحكته و مسحت دموعي الى ملت وشي ومصطفي مسك ايدي فا كملت:
– قولتله هنتسابق في موجه جايه هنشوف مين هيسكب اتحداني انوه هو الى هيكسب و الموجه كانت كبيرة اوي واول ما جت نزلت تحت المياه وطلعت انا الى طلعت الاول بصيت عليه اشوفه فين مطلعش ملقتوش فضلت مستنيا يطلع حتي لو هقوله انه كسبني مش مهم بس مطلعش؟ البحر خده مني خد اغلي حاجه عندي! خده ومن ساعتها مشفتوش تاني هو مشي بسببي صح يا مصطفي مكنش مفروض ادخله البحر صح هو كان صغير كان مفروض اخلي بالي منه بس خلاص
ليلي دخلت في نوبه عياط وللاسف مصطفي مقدرش يعمل اي حاجه ليها العياط والحزن سيطر عليها تماما شعورها بالذنب كان طاغي على تفكيرها
وللاسف هستريا العياط انتهت بيها فالمستشفي بعد ما وقعت و ضغطها وطي..
– خير طمني ارجوك يا دكتور هي كويسة؟؟؟؟
= في مشاكل نفسيه وضغط شديد لازم تروح لدكتور لان الحاله ممكن تسوء ده يعتبر اكتأب حاد
– دكتور نفسي؟؟؟ هي كويسة انا متأكد!
= متخفش هي كويسة لكن لازم دكتور يشوفها
حطيت وشي بين ايديا والدنيا لفت بيا انا كل ده بسببي كان مفروض اسمع كلامها ومنتجوزش في شقة عالبحر ياريتك فهمتيني وقتها يا ليلي ياريت
مسكت نفسي وحاولت اهدا عشان اطمنها.
– ليلي حمدالله على السلامه كدا تخضيني عليكي!
= فين ياسين؟ ماما لاقته؟؟ لاقته صح
اتصدمت من الجملة وكأن جردل مياه سقعه ادلق عليا:
– ياسين كويس يا ليلي المهم انتي ممكن تيجي معايا مشوار صغير؟
خدتها وركبنا العربية مفكرتش و روحت عند الدكتور في ساعتها ودخلت معاها فهمت هي فين ودخلت بهدوء ولكن لما الدكتور بدء يتكلم معاها ويسألها عن حاجات عشان يقدر يحدد حالتها مردتش
– مصطفي انا تعبت اوي يلا نروح
= حاضر خدي المفتاح اقعدي فالعربيه وانا جاي وراكي..
: زي ما حضرتك شوفت يا دكتور هي مش بتحب تتكلم مع اي حد واخوها اتوفي من سنين احنا اتجوزنا من تلت شهور ودي اول مره تحصلها
– هي كانت في مرحله عدم تصديق وبتتعامل كل يوم مع مو**ت اخوها كأنه هيرجع تاني ، لكن دلوقتي الكو*ابيس سببتلها هاجس ولازم تشوفه
= هتشوفه ازاي؟ يادكتور هو متوفي وبعدين هي كانت كويسه طول السنين دي
– في حالات كده بتفضل شايلة جواها ، وخصوصا حاله مراتك لان عندها انطواء نفسي وكمان حاسه ان الحدثه دي هي السبب فيها
= طب وبعدين ، هي اكيد مش هتعرف تشوفه
– فاهم انا بشرحلك هي بتمر ب اية ، انت لازم تطمنها ومحدش غيرك هيعرف يعمل ده بما تنها مش بتكلم مع اي حد فا هقولك تعمل اية
نزلت من عند الدكتور و وصلنا البيت وقعدت معاها
– هي فين ماما يا مصطفي
= ليلي طنط فالقاهره احنا في اسكندرية؟
– امم طب قولها تيجي وتجيب ياسين عشان بيحب البحر
= ليلي تعالي نتكلم شوية ماشي؟
– ماشي
قعدتها قدامي ومسكت ايدها وطلعت صورة من معايا اخر صوره ليها مع ياسين:
– فاكره الصورة دي؟
مسكتها وايدها بتترعش وبصتلي بجمود:
ايوا يوم ما انا وياسين خرجنا
= فاكره الى حصل يومها؟
– ايوا ياسين غرق
= وبعدين؟
سكتت وعيونها بصت في كل ركن حولينا وفضلت تفرك في ايدها: مش عارفه
سكت فا اتكلمت هي:
= مصطفي ، ياسين هيرجع
مسكت ايدها وقربت منها:
– ليلي ياسين فالجنه هو مشي
زقت ايدي وبصتلي بغضب:
= ممشيش انا بقولك هيجي تاني هو بيهزر معايا انت مش مصدقني!
غمضت عيوني وفتحتها:
– ليلي ياسين راح في مكان احسن
زعقت = لاء
– هو كان بيحبك وان شاء الله نتجمع بيه فالجنه انتوا كنتوا بتلعبوا فاكره؟ ملكيش ذنب هو كان مبسوط والى حصل كان غصب عنك مش غلطتك ابدا ودلوقتي هو فالجنه يا ليلي
= انا مو**ته!! ياسين ما**ت؟؟؟؟؟؟
اعترفت بمو**ته وده كان تقدم الدكتور قالي انها هتنكر فتره ولازم اتكلم معاها وافهمها ولكن هي استوعبت
خدتها فحضني بسرعه:
– ششششش اهدي ياسين محتاج ندعيله دلوقتي انتي عارفه انه مشي مش انتي بتثقي فيا انا بقولك انوه شايفك ومينفعش يعرف انك بتعيطي عشان ميزعلش صح اوعي تعيطي اهدي..
عدينا من مرحله الانكار وصدقت ان ياسين اتوفي كان باقي اقلل شعورها بالذنب والي الدكتور قالي هياخد وقت شوية يمكن
= انا السبب يا مصطفي انا السبب
– اهدي يا ليلي ياسين بيحبك وده قضاء وقدر خليكي فاكره انوه هيفضل يحبك مهما حصل
اتكلمت بمشاعر طفوليه: يعني هو بيحبني؟؟
= طبعا يا ليلي! بيحبك جدا كمان
طمنتها على قد ما اقدر اتعاملت زي ما قالي الدكتور بالظبط و روحنا فالنوم انا وهي لحد ما قلقت الصبح بدري وملقتهاش جمبي واتصدمت لما بصيت من الازاز لقتها واقفه قدام البحر وبتقرب منه خرجت بسرعه:
– ليلي !
رفعت ايدها كأنها بتحذرني اني اقرب = اهدا ، انا كويسة
– ليلي بتعملي اية مش مفروض تقربي من البحر كدا
قربت اكتر والمياه لمست رجلها..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احنا والبحر)
