رواية احلام في عيون وقحه الفصل العشرون 20 بقلم منة محمد

رواية احلام في عيون وقحه الجزء العشرون

رواية احلام في عيون وقحه البارت العشرون

رواية احلام في عيون وقحه الحلقة العشرون

احلام طالعه بتجري ومروان قدامها راحو الاستعلامات وسألوا عن غرفه سراج ودخلوا
د/ الضغط عندك عالي جدا كان ممكن يحصل جلطه بس الحمد لله الوضع تحت السيطره خليك حريص كتبت لك علاج وتقدر تخرج انت كويس
مروان بلهفه: عامل ايه ياعمي؟
سراج: انا كويس
اسيا بنفعال: هو انت متعرفش تاخد بالك من صحتك كذا مره حذرتك خد بالك
سراج: جيتي ليه انا كويس ومعنديش مشكله
اسيا: ازاي مجيش انا خفت لما لتلفون جالي احلام تعالي معايا
احلام بصت لمروان الي شاورلها تروح معاها
اسيا: شايفه خالك صحته بتسوء كل يوم والتاني ومتأكده هيجراله حاجه
احلام مسحت دموعها: كفالله الشر مش هيحصل حاجه خالي هيبقي بخير وزي الفل
اسيا: ازاي يعني هيبقي كويس هو مقهور ومتحسر ع مايا وانا قلت لك كده من خوفي عليه اهتمي بجواز مايا ده واجبك لكن محدش بينفع حد كله بيقول يله نفسي احنا بس الي عايشين في العذاب
احلام :مراه خالي ابيه انور موافق ع مايا وكنت هقولك
اسيا مسكت ايدها وبصتلها بعدم تصديق: بجد اتكلمتي معاه وقالك ايه واهله رفضوا بس هو وافق مفيش مشكله لو رفضوا اغضبني وتعالي اقعدي عندي وسبيهم انتي بتخدميهم وهما هيعرفوا قيمتك لو ضغطي عليهم وممكن يوافقوا
احلام بصتلها ومش عجبها الاسلوب وقالت: مفيش داعي اغضب, هما وافقوا لان ابيه انور وافق هو نفسه معجب بمايا
اسيا بفرحه: والنبي بتقولي الحقيقه
احلام : ايوه
اسيا : الحمد لله انهم وافقوا
مايا واقفه من بعيد وسمعت كلامهم وبقت الفرحه مش سيعاها
…………………………..
يوم الفرح
سراج دخل من السوق وحط الاكياس كلها ع التربيزه وفيه علبه مجوهرات حمره حطها ع الكنبه
سراج قعد وقالها :شوفي الحاجات اهيه لو ناقصه هضطر ارجع السوق تاني
اسيا فتحت الاكياس وقالت : ده ناقص لسه كتير , واحلام مجاتش تساعدني فالحه بس تخدم اهل جوزها وتبقي هايله في نظرهم
سراج بضيق :مالك ومال الغلبانه , , ما هي بتجيلنا كتير وبتعمل كل حاجه رغم بيتها هناك, ليه متطلبش من بنتك بتعمل ايه طول النهار قاعده لا شغله ولا مشغله
اسيا بشخط: بتقول ايه هي العروسه بتعمل حاجه دي ضيفه يوم هنا ده واجب احلام مش دي اختها الوحيدة
سراج اتنهد: احلام عملت فوق واجبها وزياده , المفروض نشكرها لو مكنتش عايزه الجوازه دي مكنتش تمت ابدا
اسيا: لاء انور اعجب بمايا
سراج بتصميم :وهي لو مااقنعتش حماتها وجوزها كانوا رفضوا بالتلاته
اسيا :ليه هما لو لفوا الدنيا هيلاقوا بنت جميله زي بنتي , وانور اختارها بنفسه محدش ضربه ع ايده
سراج هز راسه بيأس : مفيش فايده مفيش فايده
اسيا :سيبك ايه العلبه دي
سرج اخدها : ولا حاجه امانه حد شوفي حاجاتك وبس
اسيا عيونها ع العلبه : راجعه
سراج هز دماغه : توبه يا رب توبه
…………………………
في غرفه مايا قاعدين بنات الحاره بيعملولها حنه وتاتو
بنت 1 بترسم التاتو ع دراع مايا وقالت : جميله يا عروسه وهتبقي اجمل في فستان فرحك
بنت تانيه: شكله ايه العريس اكيد قمر زيك و لا هيخيب املنا
البنت الاولي : انا بقول احلام لقت عريس كويس واكيد هيبقي قمر زي اخوه مروان
البت التانيه : بصراحه احلام طول عمرها طيبه وبنت حلال عشان كدا ربنا عطاها راجل كويس
مايا شدت ايدها وبنرفزه: كفايه تعبت من القاعدة هقوم استريح
البنات قاموا مستغربين عصبيتها وقالوا بهدوء: تمام هنمشي
مايا بوقاحه: بالسلامه
اسيا دخلت وبتعجب :يوه مشتيهم ليه بسرعه ليه ممنتعتهمش ده انا جيباهم يهيصولك شويه
مايا: يغوره انا مش عايزه هيصه وانتي عارفه مش بحب وجود الناس دول جبولي صداع من كتر الرغي
اسيا : يابنتي حاولي تغيري من نفسك, لازم تختلطي بالناس غصب عنك واحمدي ربنا ان احلام هتبقي معاكي في البيت لو كانت واحده غيرها كانوا اهل جوزك رفضوكي
مايا اتكت ع اسنانها بغل :كفايه انا مش غبيه عشان تعلميني اعيش ازاي مع اهل جوزي هعيش بطريقتي
مايا :اقفي هنا
…………………..
احلام طلعت تستقبلها بابتسامه : بنت حلال ماما لسه بتٍسالني عليكي عامله ايه؟
رنا بحده: زي الزفت ايه المهزله الي بتحصل دي
احلام ضمت حواجبها: حصل ايه
رنا :انتي بتغلطي معقول تجيبي الوقحه دي هنا , فهمتك وحذرتك كتير بس انتي مصممه متفهميش
احلام : ده همك اعمل ايه قوليلي ان شاء الله مايا تتغير وتتعدل , هي ساعات بتبقي هاديه واحيانا بتبقي مختلفه
رنا بتهكم :احيانا قولي ع طول انانيه وانتي انسانه بجد غريبه وشاذه كان لازم ترفضي بشده واضح انك مش عايزه السلام للبيت انتي واحده غبيه جدا وبيتك هيتخرب لما تحط دي رجليها هنا وابقي قولي رنا قالت
احلام: انتي مكبره الامور انا متربيه معاها من واحنا اطفال وكبرنا سوي اسمعيني يا رنا انا خالي اخدني وانا طفله صفيره لدرجه مش فاكره شكل ابويا وامي , وهما بقوا كل حاجه عندي
رنا : ارد اقولك ايه ع الاقل مستفزنيش وتقارنيهم كلهم ببعض
احلام :بصي محدش في العالم يقدر ياخد مكان خالي لان مرار مراته وبنته ولا حاجه جنب حب وحنيه خالي عليا وندعي ان ربنا يغيرها وتتعدل
رنا: اتمني وقوليلي جبتي ايه لفرح انور دي اول مناسبه بعد جوازك لازم يصرف مارو كتير
احلام بضحكه :تعالي هوريكي فستاني
……………قصص منه محمد كاتب……………
يوم الفرح احلام راحت عشان تفضل طول النهار مع مايا وهتطلع من هناك ع القاعه
سراج مبتسم :تعالي يا احلام
احلام قربت عليه: ائمرني يا اخالي
سراج فتح الطقم وقالها: شوفي ده ليكي مقدرتش ارد دينك , لكن اعذريني اني مش هقدر ودي استطاعه خالك
احلام : هزعل منك انت عملت لي كتير الي محدش بيعمله مع حد ايه لزومه بس
سراج مسح ع شعرها برفق: بصراحه حبيت افاجئك واخترته بنفسي ومش عارف ذوقي هيعجبك وانا في السن ده قوليلي رايك
احلام :جميل جدا
اسيا قربت عليهم وهي بتقول: الوقت اتاخر وانتم لسه واقفين تتكلموا
سراج: انا عن نفسي جاهز خلصو انتم
احلام حطت الكوليه ع رقبتها بسعاده :مراه خالي خالي جاب لي الطقم مش جميل
اسيا وشها اتغير وقالت :بجد جبته لاحلام
سراج :ايوه
اسيا بضيق: ع الاقل كنت قولتلي
سراج :حبيت ادي لبنتي الهديه دي في ايدها , حبيت افاجئها فلو قولت لك مش هتبقي مفاجأه
احلام: خالي حلو ع رقبتي
سراج : عسل وزي القمر ربنا يسعدك دايما يله البسي طرحتك العريس زمانه جاي
احلام ضمته ليها بفرحه :حالا والف شكر ياخالي
سراج طبطب ع دهرها وهو سعيد لفرحتها: تعيشي مبسوطه يله استعجلي
………………قصص منه محمد كاتب…………………
بعد الفرح الي كان اسطوري وبعد الزفه دخلت مايا للبيت وهي رافعه راسها بشموخ واحلام بتعدلها الطرحه زقت ايدها كانها حشره وده بدايه الغيث احلام وقفت متجمده مكانها وسلوي بترش ورد عليهم
مروان داخل شافها : لولو ليه واقفه كده العريس والعروسه دخلوا
احلام: مروان انت كل ده كنت فين؟
مروان: واقف بسلم ع البنات
احلام: بتسلم ع بنات مين
مروان: ولاد خالي وخالتي
احلام : وليه مندهنتش عليا عشان اسلم معاك
مروان : انا بصيت ملقتكيش
احلام : يا سلام ولا فرحان بوقفه البنات حواليك
مروان بغمزه: ايه ده هو انتي غيرتي عليا ولا ايه
احلام اتنرفزت وضربت الارض برجولها: ايوه بغير عليك ارتاحت بغير حتي من هدومك
مروان ابتسم وقرب عليها وحط ايده الاتنين ع كتافها: وانا بعشقك , وهو انا كان لازم اعمل الشويتين دول عشان اخليكي تغيري واسمع منك الكلام الحلو ده
احلام بغيظ : يعني كنت بتستفزني
مروان ابتسم و قال: بصراحه اه لان الهانم تقيله زياده عن اللزوم
احلام نغزته في كتفه: ياابن الايه يخلص الفرح وابهدلك
مروان ضم وسطها: اهون عليكي
احلام: لاء طبعا ده انت حته مني
مروان ميل عليها و باس خدها بسرعه وضحك وقال: وانا بحبك والليله سهره صباحي محتاج لحضنك لحضنك ايه انا محتاجلك كلك ع بعضك
احلام وشها احمر وجريت من قدامه راحت لسلوي وعطتها العلاج بعد ما سلوي غيرت هدومها وقعدت
سلوي :الحمد لله الليله تمت ع خير وبدعي يهدي الحال ويبقي النسب وشه خير للعايلتين
احلام : أمين ويارب ابيه انور ومايا يعيشوا دايما في سعاده كانوا حلوين
سلوي ببتسامه:فعلا حلوين
احلام: تعرفي اول مره اشوف خالي فرحان ومطمن من بعد ايام طويله والا هو يا حبيبي دايما قلقان وكنت مرعوبه ليحصله حاجه هو حساس ونفسه عزيزه
سلوي: فعلا سراج خالك انسان بمعني الكلمه ومحظوظ انه عنده بنوتة طيبه واميره زيك بتهتم بيه طول الوقت
احلام :ماما من بكره هعمل الفطار بس ناويه اعمل اكل مميز لـ ابيه انور
سلوي :ابقي قوميني اساعد معاكي
احلام: نو انتي تستريحي تعبتي كتير الليله نامي براحتك
سلوي رقدت ع السرير:ماشي بس لو عوزتي مساعده اطلبي من مروان
………….قصص منه محمد كاتب………….
اسيا ممدده جنبه: ايه لزومه تدي احلام طقم غالي كده , جوزها واخوه جابولها كده اخدت من الطرفين
سراج: متقوليش من الطرفين المسكينه مخدتش حقها الي سابته امها امانه معنا وانتي عطيته كله لبنتك
اسيا نفخت بملل: ع طول تعيد وتزيد نفس الموضوع , احلام عطت لمايا كل حاجه وهي سعيده قدامي ازاي ارفض , وبعدين هما ولحد سواء عند مايا ولا احلام
سراج: لو زي ما بتقولي واحد ليه مجهزتيش احلام زي مايا
اسيا ارتبكت وقالت: لو مجوزتهاش بسرعه كنت هجبلها نفس بنتي واكتر انت الغلطان
سراج اتنهد بضيق : لاء يا اسيا لايمكن تعملي كده وتعدلي بينهم , لان مايا هي الي بنتك, واحلام بنت اختي المرحومه وبحذرك انك تعملي ده تاني لو عايزه بنتك تعيش سعيده في بيتها
اسيا : انا قلت لك ايه كلمه صغيره وانت مسكت فيها
سراج لف نفسه باللحاف : ملكيش حل
…………………………………
لبست فستان طويل مفتوح من الجانبين وكات و حطيت ع وشها الميك أب ناعم أبرز جمالها. وسابت شعرها منسدل ع اكتافها بشكل جذاب..
التفت للباب وشافت احلام داخله مبتسمه وقفت شويه تتأملها وقالت: بجد زي القمر لكن
مايا رفعت حاجب: لكن ايه بلاش تعكنني مزاجي
احلام بجديه: مايا البسي لبس غيره محتشم ويناسبك لكن
مايا قطعتها : لكن تاني . عارفه لو قولتي كلمه لكن في كلامك لا يمكن اسمعك
احلام: انتي عروسه جديده البسي لبس يليق بيكي
مايا بسخري : قصدك ايه البس فستان فرحي انتي بجد زودتيها
احلام : ماما سلوي جابتلك فساتين جميله البسي منهم ماما هتبقي مبسوطه شوفي هختارلك واحد
مايا بغضب: اقفي عندك واضح انك نسيتي اني مش بحب حد يلمس دولابي
احلام : سوري نسيت اختاري بنفسك
مايا : اختارت الي عجبني ولبسته والهلاهيل الي بتمدحي كتير فيهم مفيش ولا واحد فيهم يستاهل البسه واحطه ع جسمي بالعربي كده مش ناويه اصلا البس منهم فهمتي
احلام: مايا الهدوم دي كلها غاليه وبرندات وماما اختارتهم بنفسها عشانك لو رفضتي تلبسي منهم وطلعتي بده ماما هتضايق كتير مش بقولك البسي منهم ع طول لحد ما تقدمي يومين كده
مايا: اوف سلوي دي عذاب , وبعدين انتي كفايه بتسعديها انا مش بحب شغل المحلسه ده يله اخرجي
…………………………..
ع السفره
سلوي : مايا انتي مره الابن الكبير في البيت وبدعي تعيشو في منتهي السعاده سوي
انور بدعاء: امين
احلام بتحط في طبق سلوي وهي بتضحك مع مروان
سلوي بصتلها : كفايه يا لولو هتخليني اطخن
انور بضحكه: احلام متبوظيش رجيم ماما. بس كلمه حق يا ماما احلام مخلتناش نقلق عليكي بتعتني بيكي كتير افضل مننا
مروان بصلها بحب وقال : هي بتهتم بينا كلنا
انور :فعلآ يا مروان وبقولها ثاكيو
مايا قاعده وجواها غيظ وغيره
احلام ابتسمت : هو انت هتكسفني ليه بقي , انا يعني بعملكم ايه , مايا مدي ايدك الاكل طعمه تحفه
انور: وانا اراهن اللاكل طعمه يجنن طالما احلام الي عملته بايدها دي بريمو في الاكل مش كدا يا مايا ياتري انتي طالعه زيها بتعرفي تطبخي اكل حلو زي احلام
مايا بقرف وحقد وكرهه: بصراحه انا مش بحب الاكل كتير , لدرجه مش بلاحظ طعم الاكل الي بتعمله
احلام قربت منه الطبق: كده مدي ايدك ودوقيه
مايا زقت الطبق وبصتلها بنظرات وكئنها نفسها تحـ رقها: ده بيتي وهاخد لو عايزه مفيش داعي تهتمي
مروان بصلها بستياء ورجع بص لاحلام وقالها: ليه تهتمي بيها بتعملي اكل من الصبح واكيد تعبانه كلي وملكيش دعوه بحد ,اكلك جميل
انور: مارو في دي عندك حق اسمع مسـ
مايا قطعته وقالت بحده قويه : انور بعد الفطار عايزه اروح لماما
سلوي بخبث: انا بقول روحي احسن
مايا اتنرفزت من اسلوبها وحطت الفنجان من القهر وقامت وهي مولعه غيظ
استوب تعالوا لما سلوي ومروان يجبه لمايا انهيار عصبي حاد 🥰
البنت دي فرساني زي البت المستفزه ذات ولسه مايا اصعب بمراحل عن ذات 😂😍😂