رواية احلام في عيون وقحه الفصل العاشر 10 بقلم منة محمد

رواية احلام في عيون وقحه الجزء العاشر

رواية احلام في عيون وقحه البارت العاشر

رواية احلام في عيون وقحه الحلقة العاشرة

ابراهيم: بلغي سلطان اني جيت ولا هو مش هنا
الشغاله بتوتر: سافر البلد من شويه
ابراهيم بدهشه: البلد_ بص لمحتويات السفره وقال_ لما هو مش في البيت لمين الاكل ده للخدم ولا عايزه تفهميني ان فيه حد تاني
الشغاله برتباك: مفيش حاجه من دي حطيت الاكل لسلطان بيه ونسيت اشيله, حالا اخده المطبخ مين هيجي هنا
ابراهيم ضيق عيونه: بتكدبي ولا بتقولي الحقيقه اسمعي انا موتي وسمي الكدب اياك تخبي عليا وتكدبي وقتها هعاقبك عقاب قاسي , سلطان اختفي من فتره وسمعت انه جاب بنت هنا
الشغاله : لاء سلطان بيه نفسيته كانت وحشه وسافر يومين ومكنش بيجي القصر كتير ومفيش بنت جات هنا , احلف لك
ابراهيم برم شنبه الكبير وقالها : مش عارف ليه حاسس ان فيه حاجه لكن مش قادر افهمها ع كل حال مسيري اعرف المستخبي انا ماشي
مايا شافته من فوق بيختفي ومسكت الموبيل تتصل رد عليها صوت غريب بالو
مايا بتعجب :مين انتي
الصوت: انا الشغاله جايه مع الحاجا سلوي حضرتك عايزه مين
مايا :اديني حد من عندك
الشغاله :محدش فاضي يتكلم دلوقت قاعدين بياكلوا والست احلام جات مع جوزها اتكلمي بعدين
مايا حدفت الموبيل بغيظ وقالت بحقد: هايل الست احلام جات ومعاها شغاله ومش فاضيه تتكلم بقت شخصيه مهمه في خلال يومين وانا محدش سائل عني رشا
رشا :نعم يا هانم
مايا : خالي السواق يجهز العربيه
…………..قصص منه محمد كاتب………….
في بيت سراج وصلت احلام ومروان وسلوي واتجمعوا كلهم واحلام اخدت خالها في غرفه لوحدهم
احلام ببتسامه: حبيبي سامح مايا من قلبك هي مفتقداك انت ومراه خالي كتير , خلاص كل الامور بقت بخير مفيش اهم من انها تبقي سعيدة مع سلطان , وهو بيحبها كتير وانا متاكده انه مهتم بيها وبيراعيها
سراج: ايوه بس
احلام قطعته: ارجو متقولش حاجه , ولا كلمه تزعلها ولو قابلت جوزها حلو هتبقي مبسوطه احنا لازم ندور ع سعادتها, لو احنا مهتمناش ممكن ياثر تاثير سلبي ع سلطان
اسيا: شايف ياسراج احلام عاقله اتصل يا خويا ببنتك وانهي الخلافات
سراج: سيبنا مروان لوحه وقعدنا هنا ده مش لطيف اعملي الشاي
اسيا بسعاده: حالا
احلام طلعت وقدمت للكل : اتفضلي يا ماما
سلوي: تعيشي يا بنتي عارفين من ساعه ما احلام دخلت بيتنا وانا نسيت القلق وبجد يا زين ما ربيت بنتي ماشاء الله
سراج ابتسم بفرحه واسيا عوجت شفايفها
احلام : الفضل لمراه خالي
مروان : عمي هنمشي اسمحلنا
سراج: براحتك يابني اكيد عندك شغل بدري, ولازم ترتاح , وانا مبسوط جدا انكم جيتوا
مروان: احلام
احلام بصتله :نعم
مروان: يله نمشي
احلام قامت: اه يله
سراج قام معاهم للباب: اتفضلوا نورتوتا
اسيا :ما تتصل بمايا دي مهما كانت بنتك
سراج: وهي ماتتصلش ليه ما انا لسه ابوها
اسيا: هي قلقانه منك بلاش تشد عليها احضنها دي مهما كانت بنتك وقلقانه منك
سراج ابتسم: احلام بس الي بتقلق عليا, طول الوقت تفضل تسالني اكلت , اخدت علاجك مفكراني طفل طول الوقت بتفكرني ،هي جميله جدا
اسيا بغيظ: انا بتكلم عن مايا لكن انت طول الوقت بتتكلم عن احلام , مش بتفكر في اسم تاني
سراج : انتي لحد اللحظه مش طايقها حالا نسيتي معروفها بسهوله سامحتك لما سرقتي دهب امها انتي وبنتك حطي مايا مكان احلام وفكري مش هتقدري تواجهي نفسك
…………..قصص منه محمد كاتب………………
اسيا : كويس انك جيتي مش هتروحي من هنا غير لما جوزك يرجع والا ازاي هتعيشي لوحدك في القصر الكبير ده
مايا بغرور: انا مش لوحدي هناك شغالين وحرس مفيش داعي للقلق
سراج بصلها بضيق وقال :داخل اوضتي استريح
مايا بابا لسه زعلان مني لحد دلوقت برغم اني معملتش حاجه غلطت انا اتجوزت الي بحبه ودي مش جريمه كبيره والمفروض تفرح ان احلام ومروان اتجوزه بسببي
سراج :مفيش داعي نتكلم عن احلام لو كان مكتوبلها تتجوز مروان مفيش قوه في العالم تقدر تمنع النصيب وكان هيحصل اما بالنسبه لزعلي منك فانا مش زعلان ومفيش حاجه اتغيرت وده يكفي
مايا حدفت الشنطه: شايفه
اسيا : اهدي هيبقي طبيعي بالتدريج, هو كان زعلان اوي , واحلام اتكلمت معاه كتير انه يسامحك ويتصل يقولك تعالي والحمد لله انه فهم
مايا : اه يعني فهم بسبب احلام , هايل ده مقامي دلوقت في البيت ده زايد عن الحد
اسيا راحت وراها: مايا
مايا حاطه الموبيل ع ودنها بغيظ: ما ترد بقي يا سلطان رد
اسيا: خدي اشربي الليمون اه بعد ما مشت احلام حسيت قد ايه كانت شايله شغل البيت كله رغم بتشتغل بس اتحملت مسؤليه البيت
مايا بحقد وبصوت اعلي : هو فيه ايه انتم قصدين بابا بيدافع عنها وانتي بدئتي دلوقت كمان متوقعتش كده منك ،ايه الداعي تعزموها هنا كل يوم وتدوها اهمية زياده عن اللزوم هي مش بنتك
اسيا: مقدرش امنعها ابوكي بيحبها من غير حدود والطريقه الي نهت الخناقه ع دهب امها , تجبرني اقبلها, لا يمكن يكون قلب بنت كبير للدرجه جهزتك بفلوسها
مايا: لسه لحد دلوقت بتفكريني بالدهب ماخلاص بقي موضوع قديم انسيه دي حتي فلوسه كانت قليله ابوها وامها مسبولهاش دهب تشتري مصر
اسيا: مهما كانت فلوس مهمه ليها, لكن لو كانت بالنسبه لك ملاليم رجعيها اظن 400 الف مش مبلغ بالنسبه لك
مايا: وجود الفلوس مش معناه اقعد اوزعها هباء انا مش هرجع حاجه مش هديها مليم واحد فلوسي مش تافهه
اسيا: ازاي تقولي كده انا وعدت ابوكي انك هترجعي الفلوس
مايا: انسي ومفيش داعي تقلقي اتحملنا مصاريفها وعملنا كتير اوي عشانها سنين . واتجوزت من شاب مهندس مكنتش تحلم بيه حتي في احلامها مروان وسيم جدا
اسيا: لما هو وسيم ومحترم ليه رفضتيه
مايا بصتلها بغل وحدفت الكوبايه ع الارض وجريت ع جوه!!!!
اسيا: مايا ايه الوقاحه ي
…………..قصص منه محمد كاتب………………
سلوي: بصراحه معجبيش اسلوب مايا. الايام دي وحشه معقول جات عند ابوها لوحدها وهي اول مره تيجي كان لازم جوزها يبقي معاها
احلام: يا ماما تلاقيها مفكرتش ونفسها تشوفهم
رنا: ويمكن جوزها مش بيهتم بيها ومش بيقدرها بصراحه هي متتقدرش اساسا
سلوي: متخلنيش اتكلم هي اخت احلام ومش عايزه اغلط واقول كلمه تضايقها لان زعلها عزيز عليا
وهما بيتكلموا مروان دخل معاه باقات ورد كتير بألوان مختلفه ووزعها كلها هو والشغاله
سلوي بستغراب: ايه الحكايه مروان مرحش الشغل النهارده ,و عمال يظبط البيت هو فيه مناسبه
احلام بهدوء: اصل مايا جايه للسبب ده
رنا بتعصب: المفروض كنتي ترفضي انها تيجي هنا , ايه الداعي تعزميها وانتي عارفه كل حاجه فيه حد للغباء يا احلام
احلام: مايا زي اختي, ازاي ارفض تيجي بيتي, وكل المواضيع دي قديمه خلاص ولو مسكنا فيها ازاي هنكمل حياتنا
رنا: سواء عدت ولا لاء لكن بحذرك لو مايا اتدخلت في حياتك هتتدمر
سلوي: احلام ع حق يا رنا متعلميش بنتي عادات سيئه
رنا: انا برضو
احلام: ممكن تقعدي مايا اتجوزت الي بتحبه وخلاص بقت في بيت جوزها بقت ملهاش علاقه بالبيت هنا وبعدين هي جايه ضيفه وهتمشي
رنا: ومروان بأي مناسبه اخد اجازه من شغله يستقبلها
احلام: فهمتي تصرفه غلط فيه ضيوف جاين عشان كد هو اخد اجازه مفيش سبب تاني
رنا: مفيش فايده في الكلام معاكي انا ماشيه
احلام مسكتها: هتمشي من غير ما تسلمي ع مايا
رنا: معندش قوه اتحمل اسلوبها همشي احسن
احلام: رنا خليكي
رنا وهي بتجري ناحيه الباب: ماما الي اللقاء انا ماشيه
……………………………………
سراج بضيق: ايه الداعي تروح بيت احلام مش مناسب فهميها
اسيا: انت بتكبر المور زياده هما اخوات معقول مش هيزورا بعض مدي الحياه وانا قولتلها روحي بيت احلام عشان الامور تبقي طبيعيه
سراج: لازم الامور تاخد وقت عشان تبقي طبيعيه وكل ده مـ
مايا قطعته بكبر: رايحه بيت احلام ووصفت للسواق العنوان
اسيا: وماله يابنتي بس بسم الله طالعه جميله جدا ربنا يحفظك من العين
سراج بأمر: ارجعي بري مفيش داعي تقعدي وقت طويل قومي قوللها هتسمعك اكتر
اسيا قامت من مكانها: حاضر هقولها
…………………….
في الارياف
ابراهم بتحقيق: ليه مجتش القريه ومش عارف اتصل بيك وعرفت اخبارك من الشغالين ايه كل ده
سلطان : مفيش عندي شغل وبسببه كنت مشغول عشان كدا مفضتش, لكن ده مش هيحصل مره تانيه , هاجي بستمرار
ابراهيم : لازم يجي سواء حبيت او لاء , الاراضي والمشاريع الي ما بينا , والعلاقات المتبادله مش صعب احطمها في تكه
سلطان خلع نضارته الشمسيه بضيق وقاله: انا قلت لك مش هتلاقي فرصه للشكوي مره تانيه وحاسس حد حرضك ضدي
ابراهيم :مين البت الي انت ماشي معاها
فريال صرخت: بنت اه بيتي اتخرب انا هولع في نفسي كنت عارفه ان بنات البندر هتخرب بيتي دول يخلوا الراجل مجنون بيهم
ابراهيم: اهدي يا فريال
فريال : بتقولي اهدا طب ازاي وفيه بنت دخلت حياته
ابراهيم بنفعال: شايف اختي بتعيط ليل ونهار وانت ولا سائل ولا مهتم , انا قدرت وضعك وقلت مش مهم , مفيش مشكله الرجاله في عيلتنا هما الي بياخدوا اهتمام كبير لكن ده مش معناه انك تهمل اختي
سلطان: انت واخد فكره وحشه عني انا كنت مسافر بره في شغل, اما بالنسبه للبنت هي موظفه عندي وجايز حد شافني معاها
ابراهيم: انت مش بتكدب
سلطان بحمقه: هو انا قدامك غبي عشان اخلي عايلتي تغضب عليا ويبقوا اعدائي , ابراهيم انت كبير العايله , وعارف اني لو اهلي غضبوا عليا هيزعلوني اوي واوعدك مش هدي فرصه ولا مساحه تشتكي مني مره تانيه
ابراهيم: وده لمصلحتك افتكر كلامي وروح طيب خاطر فريال وافتكر كويس ان اختك مراتي امشي واسيها وطمنها
سلطان راح غصب عنه وفتح الباب ع فريال الي قاعده تعيط بنهيار
سلطان طبطب عليها بقرف: فريال انا خلاص جيت انسي وسامحيني
…………..قصص منه محمد كاتب……………….
في منزل مروان وصلت مايا ورحبوا جدا بيها ومروان انضم للقاعده معاهم
احلام بترحاب: اتفضلي اقعدي ومبسوطه خالص انك جيتي
مايا : لما يرجع سلطان هعزمكم ع بيتي , تعال اكيد يا مروان, سلطان هيكون سعيد بمقابلتك
مروان بصلها بخنقه ومردش واحلام ردت بالنيابه عنه انهم اكيد هيزوروها
احلام : وانتي جوزك راجع امتي
مايا حطت رجل ع التانيه وبغرور: مقدرش احدد عنده شغل كتير( بضحكه مستفزه) اظاهر لما بيبقي فيه املاك واراضي وقصور مش هيلاقي وقت عنه , عندي حق يا مروان , عنده موظفين كتير لكن عليه يهتم بالتجاره والحسابات
مروان قام بتكشيره: عن اذنكم راجع تاني افتكرت بس شغل مهم
مايا : ايه ده
احلام : ولا حاجه بس ليه مروحتيش مع سلطان كان لازم تروحي معاه , اهله اكيد هيستقبلوكي ويرحبوا ا بيكي
مايا : بصراحه هو اتحايل عليا كتير بس انا رفضت , عايزه ارتاح لفينا كتير هو مكنش عايز يرجع لكن بسبب اصراري اضطرينا نرجع عايزه استريح واخد راحه كامله بالمناسبه بيتك قديم اوي قصدي لما جه يتقدم لي كان هيغير البيت
احلام: انتي حطيتي شرط لبيت كبير , بس انا سعيده هنا جدا , البيت مريح , ودافي , وكويس
مايا بعجرفه : كويس بالنسبه لك, معذوره اصلك مشفتيش بيت عدل لليوم, يابنتي تعالي شوفي قصري عينك هتخرج من مكانهم كويس جدا اني رفضت مروان واختارت سلطان
احلام: انا مبسوطه هنا وانتي مبسوطه هناك
مايا بصت للسقف وحطت ايدها ع صدرها واتنهدت : ليه مكنش مبسوطه, اتجوزت امير زي سلطان غني وبيحبني والبنت الي تاخد راجل زي ده تبقي محظوظه بالليله القدر
احلام كتمت غيظها وابتسمت غصب عنها وقالت: اممم
مايا: لما تيجي عندي القصر هفرجك ع حاجاتي , سلطان بيحب يشتري كل الماركات والبرندات
احلام بقتضاب : اتفضلي العصير
مايا مسكت ايدها: الخاتم ده مشفتهوش معاكي قبل كده
احلام ابتسمت وهي بتمسك الخاتم بسعاده: مروان اشترهولي عجبك
مايا بدئت الاستفزاز من غيرتها: روعه اظن طلع بيعرف يخطف القلوب
احلام فلتت ايدها منها وقالت بتكشيره: تقصدي ايه مش فاهمه
مايا: الي اقصده جوازكم الي حصل بسرعه ولو قولت تم بالغصب مش هكون غلطانه واشتري خاتم بالسرعه دي ده معناه
احلام قطعتها وقامت : هقوم احضر الغداء لبعدين تتأخري , قومي سلمي ع ماما هي في اوضتها
مايا زمت شفايفها بستياء : لاء هسلم عليها قبل ما امشي مقدرش اتحملها , انا جسمي بيقشعر لما بتخيل اني لاقدر الله كنت هدبس واتجوز مروان , معقول كنت انا هعيش معاه في البيت الصغير وكمان مع امه , بجد كنت هتخنق واموت , فوق ده كله مرتبه البسيط لاء مقدرش اعيش هفضل طول حياتي العن حظي واكره نفسي
احلام بحده وهي بتشاورلها بأيدها : بس كفايه متتكلميش عن عايلتي كده , ماما سلوي ومروان ناس هايلين جدا وانا سعيده معاهم
مايا بصتلها بكل غرور : هو انا بغلط فيهم انا بقول الحقيقه اسمعي مروان ولا حاجه قدام سلطان والحمد لله اني رفضته ده انا قعدت شويه وحسيت بالخنقه الله يكون في عونك
مروان الي كان داخل ووقف سمع كل كلامها وقرر يطنشها ولا كانها موجوده لأنه لو اتكلم معاها هينفجر فيها من الحقد والنار ع انها رفضته احلام دخلت لقته واقف دهره ليها وبيبص من الشباك
احلام: مروان انت كويس
مروان اتنهد بضيق : كويس ايه الي هيحصلي
احلام قربت عليه : امال ليه واقف كده لو فيه حاجه قولي
مروان لف بغضب : انتي ليه بتلاحقيني , قلت مفيش حاجه هو الواحد ميقدرش يقف دقيقتين لوحده في بيته
احلام بهدوء: اتكلم براحه مايا هنا بلاش تسمع
مروان شوحلها بدون اكترث : ميهمنيش, ولا هي تهمني, هو انا مش هعرف كمان اتكلم في بيتي براحتي وبعدين هتفضل هنا اطلعي حالا مشيها
احلام وقفت تبصله ونفسها تواجهه بس مش وقته
مروان انفعل: واقفه ليه امشي مشيها
احلام وهي رايحه ناحيه الباب: هحط الغداء تعال
استوب ومنتظره رايكم واحداث هتولع لما ابراهم يعرف واحلام تثور ع مروان بسبب مايا