رواية احلام في عيون وقحه الفصل السادس 6 بقلم منة محمد
رواية احلام في عيون وقحه الجزء السادس
رواية احلام في عيون وقحه البارت السادس
رواية احلام في عيون وقحه الحلقة السادسة
رجاء يبقي فيه تقدير من الناس الجديده عشان لو كده اوقفها حاليا والله بكتب بالعافيه فيها
سراج: الحمد لله زمايلي المدرسين شالوه جدولي اسبوع وقالولي متقلقش اطلاقا , اهتم انت بضيوفك, واحنا هنقوم بالواجب, وهيتحملوا المسؤليه
اسيا بتنهيده عاليه: عقبالي لما اخلص الي ناقص , فاضل ايام معدوده ع الفرح لما تخش بيتها هحس براحه
احلام دخلت راجعه بشنطه من السوق: السلام عليكم
سراج: وعليكم السلام , كنت مستنيكي قومي يا اسيا حضري الغداء لان انا جعان اوي
اسيا: احلام غيري هدومك واعملي الرز
احلام: حاضر اغير واعمله
سراج بصلها بغيظ: قولي لمايا تقوم تعمله هي لسه راجعه من السوق
اسيا : هي مش في البيت راحت تعزم واحدة صاحبتها
سراج رفع حاجب: اي صاحبه الا عمري ما شوفتلها صاحبه , قوليلي يا احلام تعرفي صاحبتها
اسيا شاورت بعيونها لاحلام انها تكدب وهي اضايقت ازاي تكدب ع خالها بس لو قالت عكس كده هتعمل فتنه وهتبقي فضايح وخالها قلبه مش هيتحمل وهي عندها استعداد تخسر نفسها بس متخسرش خالها ابدا لكن رجعت اسيا تغزلها تأكد ع كلامها
احلام بعد تردد ردت: ايوه ياخالي من ايام الجامعه
اسيا: وبعدين هي عيله صغيره , دي هتتجوز كمان ايام, لما تروح بيتها هتبقي تسالها راحت فين , ورجعت امتي
سراج بقهر: هي بتعمل العمايل دي طول عمرها من وهي طفله , ولحد اليوم بتنفذ الي في دماغها هي وبس, ده انا المفروض اشكرها انها وافقت تتجوز
اسيا قامت: لما اقوم اعمل الرز
سراج: وانا هفرد جسمي ولما تخلصوا صحوني
اسيا دخلت وري احلام المطبخ وسحبت شيكاره الرز وحطته في الحوض
احلام: مكنتش لازم تخالي مايا تطلع من البيت اكيد راحت تقابل سلطان ده
اسيا: سلطان مين.
احلام: الشاب الي بيجي كل يوم الصبح سمعتها بتتكلم معاه
اسيا: يعني اعمل ايه في عقلك ايه. لو قولتيلي كنت منعتها
احلام: انا معرفش انها مش هتقولك , هي ع اخرها مني ولو منعتها هتتعصب مني اكتر
اسيا: استر يارب وترجع بخير وقبل ما خالك يصحا, والا هيسود عيشتني كالعاده , بس الغلط عندك انتي ازاي الولد ده قدر يوصلها كان لازم تمنعيه
احلام: بتقولي كده لانك مشفتهوش واضح انه مش هيسمع الكلام , حد بيتكلم بقوه وثقه لدرجه بيخالي الشخص الي واقف قدامه ميقدرش يقول اي كلمه, وانا مقدرش اقف قدامه
اسيا مسكت دماغها: اعمل ايه انا دلوقت يارب توصل بالسلامه اتصلي بيها
احلام: اتصلت تلفونها مقفول هنعمل ايه
…………..قصص منه محمد كاتب………….
في قصر سلطان نزلت من العربيه ودخلت الجنينه المبهره ومشت في ممر طويل وهي عيونها مش مصدقه كئنها دخلت الجنه ع الارض لحد ما دخلت لحد جوه وشافت الاثاث حاجه فوق الخيال
مايا: قولي صحيح انت فعلا متجوز، والي ردت عليا دي تبقي مراتك
سطان بهدوء: ايوه الست الي كلمتك مراتي لكن دي جواز صفقه اضطريت اعملها بسبب عجزي مكنتش اختياري ابدآ
مايا: عجزك, كلمه متنطبقش ع راجل ،ده مش هزار تبقي متجوز وتخبي عني ،شايف مش من حقي اعرف وتقولي
سلطان: مايا اسمعيني
مايا بنرفزه : مقدرش اسامحك ع ده ابدا وبعد وجودها مليش مكان
سلطان : هحكيلك كل حاجه واكيد كنت هقولك لو لقيت وقت في اليوم الي تقابلنا فيه بعد فتره طويله كانت بالنسبه صدفه جميله بالنسبه لي وعرفت انك لسه سنجل متتخيليش مدي سعادتي ان حبي رجعلي لانك البنت الوحيده الي حبتها من قلبي
مايا : مفيش فايده من ده دلوقت , متحطنيش في اختبار تاني ,انت متجوز وانا هتجوز ربما بعد اليوم مش هنتقابل , ويمكن ده افضل لينا انا ماشيه
سلطان لحقها ومسكها من دراعها وقال : لايمكن تمشي قبل ما تسمعي كل كلامي
مايا بعدت ايده عنها : سبني لو سمحت
سلطان بنظرات كلها رجاء: ارجوكي تعالي نقعد ونفكر مع بعض بهدوء ونقرر
مايا :وبعد كده هيحصل ايه , انا اصلا غلطانه اني جيت هنا
سلطان مسك ايدها واخدها تقعد جنبه: اقعدي من فضلك, هحكيلك كل حاجه بالتفصيل اضطريت انزل القاهره اهتم بوالدي في مرضه بما اني ابنه الوحيد لحد ما مات والسياسه والعداوه شئ عادي في بيتنا وعشان العيله تفضل متماسكه وقويه انجبرت اتجوزها لانها بنت عمي
مايا : مش عايزه اعرف اي حاجه في النهايه مراتك
سلطان : صدقيني مش هيكون ليها علاقه بحياتنا , وعمرها ما دخلت القصر هنا ولا هتيجي وهنعيش حياتنا في متتهي السعاده , فكري لمرة واحده القدر بيدينا فرصه تانيه عشان نكون سوي بلاش ترفضي , انا وكل ثروتي والقصر ده هنكون ليكي, فكري لما الناس يغيروا منك
مايا بقتناع: وصلني البيت
سلطان: امسكي ده كارت فيه رقمي الخاص محدش يعرفه غيرك انتي, ابعتيلي رساله مهما تكون وهنتظر ردك بفارغ الصبر , واتمني يطلع لصالحي
…………….قصص منه محمد كاتب……………
في منزل مروان ع الموبيل
مروان: ايه الكلام ده يا انور بجد زعلتني….هو انا ليا اخ غيرك لو محضرتش فرحي ازاي هيتم..فاهم لكن اوعدني لما تلاقي فرصه تنزل مصر فورا….تمام انا هحس بغيابك يوم فرحي ..لاء ماما زعلانه جدا منك ومش راضيه تكلمك بتقولك تصبح ع خير….هههه مع السلامه
مروان قفل وبصلها: انور بيسلم كتير عليكي كان لازم تكلميه
سلوي: مش هكلمه ابدا ده سافر ولا كأنه له ام يقول لما انزل اجازه عشانها وكمان مش عايز يحضر فرحك
مروان: ماما انتي عارفه هو شغال في شركه كبيره ميقدرش ياخد اجازه فجأه بس وعدني هينزل قريب
سلوي: اه كل مرة يقول كده ولا مره صدق وعده, انسي وقولي ايه راآيك اشترتهم هديه لمايا
مروان مسك الفساتين: وربنا حلوين اوي ,بجد حلوين , ماما مايا جميله صح
سلوي: عشان عيونك شايفها جميله, لكن في عيني انا شايفه الاجمل منها ,ولو قولتلك مين هتضايق
مروان ميل عليها بمرح: وشوفتي فين الاجمل منها قوليلي مين هي؟!
سلوي بتنهيده: احلام
مروان كشر: مش عارف ليه بتحبي احلام
سلوي: مش هتفهم ليه بحبها
……………قصص منه محمد كاتب……………
مايا وصلت البيت وهي بتطلع المفتاح الكارت وقع منها من غير ما تاخد بالها ودخلت متعصبه
احلام قابلتها: كنتي كل ده فين؟؟!!
مايا: فين يعني ايه
احلام: كنتي مع سلطان ع العموم , انا بلغت امك هي تتصرف معاكي
مايا بتعنيف : بلغتيها مش قادره تخبي حاجه صغيره , عادتك تتكلمي عن كل حاجه انا مهربتش مع سلطان عشان تنقليها في البيت كله
احلام: اظن قولت لامك بس , كنت قلقانه وخايفه عليكي هو راجل مش كويس
مايا: ليه مكتوب ع جبينه انه وحش , ولا بقيتي تعرفي تقرئي الوشوش عشان تقولي عنه كده
اسيا دخلت: ليه تتخانقي معاها , اتكلمي معايا وعرفيني مين سلطان, مسمعتش اسمه قبل كده ووصل للبيت كمان وروحتي تقابليه ايه الحكايه فهميني
مايا: قابلته مره , وجه البيت يقابلني , ودي مشته من عند الباب ,ومكلفتش نفسها تقولي , اسأليها ليه عملت كده
احلام بنرفزه: قوللها انك انتي الي قولتيلي
اسيا: كفايه قوليلي قابلتي مين لما خرجتي
مايا: قولتلك رايحه اقابل بنات صحابي , وانتي فكرتيني زيها , روحت اقابل سلطان , انا بكلمه ع الموبيل . لكن الكل بيشك فيا
اسيا: خلاص متعكريش مزاجك , جبتلك الهدوم من عند الخياطه هطلعهالك تشوفيها
مايا قعدت ع السرير وهي مولعه غيظ: مش عايزه اشوف حاجه وشوفي كل ما ارجع البيت يتعكر مزاجي
احلام حست بنار من كلامهم و طلعت تجري ع بره من عمايلهم الفوق الوصف بتضرب بعينها لمحت كارت مرمي نخت اخدته لقت باسم سلطان
سراج لمحها رايح عليها وهو بيسألها: ليه واقفه بره في المطر( قرب) هو انتي معيطه
احلام خبت بسرعه الكارت ومسحت موعها:لاء ياخالي عيني وجعاني حطيت قطره
سراج بنظرة عطف ونبرة صوت حانية : وليه مقولتليش اخدك نكشف
احلام: ربنا يخليك ليا ودايما تبقي سندي ودهري في الدنيا
سراج مسح ع شعرها : فاكره كنتي دايما تقوليلي كده وانتي طفله
احلام: ايوه فاكره وكنت بقول خالي مستحيل يخاف من الاسد
سراج ضحك وسألها: رجعت مايا
احلام: اه جوه في اوضتها
سراج اتنهد برتياح: الحمد لله ولا هفضل قلقان عليها افتحي الباب طالع بالموتسكل
…………..قصص منه محمد كاتب………….
يوم جديد تحديدا في المطبخ
اسيا دخلت لاحلام وبمكر: قلقنا طلع ع الفاضي , ومكنش فيه حاجه تستاهل القلق , سلطان جه من نفسه وشوفتي مدخلنهوش عيب , اصل مايا بتقول انه شاب كويس, وهي امبارح كانت بتعزم اصحابها وانتي خوفتيني من غير سبب
احلام: انتي شايفه كده
اسيا: ايوه ومتتكلميش معاها هي ضيفه ليومين صبي الشاي باللبن لو خلصتيه
في نفس الوقت مايا قلبت الدنيا ع الكارت لكن ملقتهوش في اي مكان طلعت تجري ع المدخل ره تدور زي المجنونه وداخله لغرفه احلام
سراج: مايا صاحيه بدري ليه, وكنتي بتعملي ايه بره
اسيا: لو عايزه حاجه كنت قولي لاحلام
مايا: مش عايزه حاجه صحيت بدري قولت افطر معاكم
احلام بشك فيها: تحبي اعملك شاي باللبن
مايا كشرت: مش عايزه
سراج: مش بتقولي صاحيه تفطري
مايا: لاء رجعت في كلامي داخله اكمل نوم
سراج بتسغراب: الاول تقول هتفطر وترجع تقول هتكمل نوم معرفش ماله مزاجها
احلام سابتهم ودخلت غرفتها والي توقعته لقته وبربع ايدها قدام صدرها: بتعملي ايه في اوضتي
مايا بتوتر: كنت بدور ع حاجه
احلام: مفيش حاجه ليكي هنا اوضتي فهمتي غلط
مايا: بدور ع الدبوس الدهبي وجيت اشوف يمكن نسيته عنك
احلام: وبعدين لقتيه
مايا: لاء واسفه بهدلتك حاجتك
احلام: ولايهمك هلمهم ولو لقيته هدهولك
مايا: هو ايه
احلام: الدبوس الي بتدوري عليه
……………قصص منه محمد كاتب…………….
قبل الحنه في غرفه اسيا
اسيا طلعت الفستان: شوفي ده ايه رايك
احلام فردته بأنبهار: الله حلو اوي الفستان ده يامراه خالي
اسيا ابتسمتلها: طرزته بأيدي واخد مني جهد كبير حلو
احلام: اوي اوي ده اجمل فستان في فساتين مايا
مايا دخلت وزعقت: مين الي قطع سلك التلفون الارضي , انا قلقانه من الصبح مفيش اشاره في تلفوني
اسيا: اكيد اتقطع واحنا بنضف تعالي شوفي فستان الحنه حلو اوي , عجب احلام بتقول اجمل من كل فساتينك
مايا بغرور:لو عجبها اوي ادهولها
اسيا بنفعال:ايه قله الاب دي فكري قبل ما تتكلمي ده فستان حنتك مش هزار عيب
مايا: انا مش بهزر مش ضروري عشان انتي عملتيه البسه ممكن غيري يلبسه
اسيا: كفايه لو مش عجبك قوليلها بصراحه
احلام: متزعليش منها يامراه خالي هي قصدها لو عجبني اخده ونجبلها واحد غيره بس للاسف مفيش وقت ولازم تلبسيه حطي عليكي هتطلعي قمر فيه
مايا شدت الفستان ورمته ع السرير بوقاحه: عارفه
اسيا: معلش يابنتي علقيه
احلام علقت الهدوم راحتلها وشالت اللحاف: هبات معاكي الليله حتي لو مش عجبك
مايا: المسأله مش عجبني ولا لاء انتي بس واخده ع اوضتك وسريرك مش هترتاحي هنا
احلام مبتسمه: لاء منا مش هنام هنفضل نتكلم خلاص انتي ماشيه
مايا: احلام انا خايفه شكلي اتسرعت لما قبلت مروان
احلام بتعجب: بتقولي ايه انتي وافقتي بأرداتك عليه واتكلمتي معاه
مايا بغيظ من نفسها: اتهبلت في عقلي طول عمري متسرعه وعصبيه زياده مش بتأخر في اذيه نفسي , والناس بتستغل ده
احلام: مين استغله
مايا: خالك مين غيره كل همه يجوزني بسرعه
احلام: والقرار الي اخده صح هتشوفي هتعيشي سعيده مع مروان
مايا: ازاي سعيده مفكره السعاده ليها حد معين , الي هي واحده للكل ,لاء معني السعاده عندي مختلف وشكلي بالجوازه دي عمري ماهشوفها
احلام: لكن سعادتنا مرتبطه ببعض, مينفعش نبقي انانين ونفكر بس في نفسنا , وبعدين ليه بتفكري كتير وتشغلي عقلك نامي ياعروسه
مايا نامت و عنيها علي الموبيل اللي ع الكمدينو لحد ما جالها مسدج وبناء عليه قررت تنفذ الي في دماغها وتحقق احلامها حتي لو حساب غيرها مش مهم ……المهم نفسها وبس
قصص منه محمد كاتب
يوم الفرح الصبح بدري
احلام بفرحه وسعاده: خالي اتصل الراجل الكهربائي وقال جاي يعلق فروع النور
سراج بصلها: ماشي يا بنتي عقبالك
احلام: في حياتك ياخالي
اثناء كلامهم باب المدخل خبط وسراج فتح شاف قدامه واقف شخص شيك جدا ومعاه بودي جارد في عربيه فخمه تتقدر بملايين
سراج بتعجب: نعم عايز مين
سلطان: ربما انت , مش انت الاستاذ سراج
سراج: ايوه انا سراج بس انا معرفكش
احلام طلعت وشافته ووشها جاب كذا لون
سلطان: اسمي سلطان كنت زميل مايا في الجامعه , وحبيت اتكلم معاك بخصوصها, ممكن تسأل بنتك مايا عني وبصراحه جيت كذا مره عشان اتكلم معاك _شاور ع احلام_ ودي عارفه كويس
سراج بص لـ احلام الي حركت دماغها بـ لاء لدرجه من الخوف وقعت الصنيه بالكاسات من ايدها
سراج: ادخل
سلطان دخل وقال: انا وبنتك بنحب بعض وعليك تقبل قرارنا ملكش حق تغصب مايا حياتها ملكها تقدر تاخد قرارتها بنفسها
سراج بغضب: وقف هطل وامشي اطلع من بيتي , والعيب مش عليك عليا انا الي دخلتك لحد هنا , لكن ع اي حال اخرج حالا من بيتي ومش عايز اشوف وشك مره تانيه
سلطان بنظره مخيفه: انت ملكش حق تهيني كده , انا احترمتك كتير, والافضل تسمعني بهدوء لان انا وهي قررنا نتجوز اسألها لو عايز
سراج اتك ع اسنانه لدرجه طحنهم: انت شكلك مش بتفهم قلت اتفضل اطلع بررررره , اطلع حالا من بيتي قبل ما اطلب من الجيران يرموك من فوق السطح
مايا بوقاحه: مفيش داعي انا وهو عايزين نتجوز متنفعلش اذا سمحت , ده غلطتي انا الي اتأخرت اخد القرار
سراج بص لبنته بقهر: كل ده كان بيحصل وانا نايم ع وداني , ممكن تقوليلي كان فين البيه عشان يظهر يوم فرحك ويجي فجأه عشان يهين فينا , قوليلي الحقيقه مفيش داعي تتكسفي انطقي
مايا بقوه عين: انا بقابله من زمان وهو جه يقابلك
اسيا بتوتر: مايا ادخلي اوضتك هتكلم معاكي
سلطان وزع نظراته الحاده عليهم وسابهم ومشي !!
سراج صرخ فيها: اي ام انتي , انتي ام عظيمه جدا, بنتك بتعمل كل ده ومش عارفه , بس الغلط عندي عطيت واحد مستهتره غير مسؤليه تربي بنتي
مايا عيونها قلبت بحقد وراحت شدت احلام بأهانه: دي غلطته,ا اسألها كانت عارفه عن علاقتي مع سلطان اسألها ليه خبت
سراج فضل بصصلها بصدمه: يعني كلكم خدعتوني حتي انتي يا احلام خيبتي امالي انتي كمان
احلام انهارت في العياط ومايا بصتلها نظرات احتقار ودخلت غرفتها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
