رواية احلام في عيون وقحه الفصل السادس عشر 16 بقلم منة محمد
رواية احلام في عيون وقحه الجزء السادس عشر
رواية احلام في عيون وقحه البارت السادس عشر
رواية احلام في عيون وقحه الحلقة السادسة عشر
اسيا من ساعه طلاق مايا وهي قـ اتله روحها من العياط لان حصلها صدمه وانهارت وعطوها مهدء
احلام خرجتها بره وبحنيه: اطمني يا مراه خالي ده اثر المنوم لما تصحا هتبقي بخير
اسيا ببكاء:ايه الي هيبقي بخير بعد ما طلق بنتي ودمر حياتها , سلطان ماسبش باب موارب قفل كل البيبان باللضبه والمفتاح , مش مصدقه كل ده يحصل فجأه
اخلام : خليكي شجاعه لو ضعفتي مين هيدعم مايا ربنا يصلح الامور
اسيا : خلاص عقلي وقلبي مبقاش فيهم قوه مش عارفه ازاي هقف تاني ع رجلي، سلطان دمرنا منه لله ربنا ياخدلنا حقنا منه
احلام : كفايه يا مراه خالي تعالي معايا اوضتك استريحي يله
احلام هديتها وراحت لخالها الي قاعد مقهور ودموعه ع خده سيول قعدت جنبه وحطت دماغها ع كتفه وهو مسح دموعه وقال: ده الي كنت خايف منه عنادها وعصيانها وقله سمع النصيحه والكلام خلانا نشوف اليوم الصعب ده ازاي الوقت هيمر لا مش ممكن يعدي ويمر هي كانت عايزه كده تدمر حياتها بنفسها
احلام رفعت دماغها وبصتله: ليه هتبقي عايزه كده ياخالي كانت سعيده جدا معاه وده غلطه راجل قذر عمل النداله معاها
سرج: لاء انتي مش فاهمه انتي طيبه وغلبانه جدا وبفتخر بطاعتك وبرك بينا كنت اتمني لو مايا اتعلمت منك حاجه هو مغلطش بنتي الي مش متربيه وقليله ادب وعنيده ومغروره غرور زائف قادر يدمر كل شئ والاستغناء مفيش اسهل منه
احلام مسحت دموعه برحمه وقالت: خالي ارجوك كفايه عشان صحتك محدش هيعوضهالك
……………قصص منه محمد كاتب……………
مايا دماغها في حجر اسيا حطت إيدها ع راسها والصداع يضرب فيها: عندي صداع
اسيا بتمسح ع شعرها برفق: خليك حاطه راسك ارتاحي
مايا بقهر: فين الراحه سلطان انهي كل حاجه فريال انتصرت عليا في منتهي السهوله
اسيا: متفكريش كتير في فريال انسيها احلام هاتي القهوه لمايا
احلام داخله بصنيه: جبتها اهيه يامراه خالي وجبت سندوتشات لمايا معاها, ها عامله ايه دلوقت يا مايا
مايا اتجننت انها شاف ضعفها قامت بغضب: ليه جبتيها هنا . ليه جبتيها عايزه الدنيا كلها تشوف انهياري امشي من هنا مش طايقه اشوفك انا غلطت غلطه كبيره لما بعتك بيتي مشفتش قصر فخد زيه قبل كده هي حسدتني حطت عينها الصفراء ع بيتي
احلام بصتلها بستياء: وليه احسدك بلاش تتهميني بكده لان انا مش كده
اسيا : جرالك ايه دي احلام جايه مخصوص عشانك وفضلت معاكي طول الليل
مايا بعصبيه : عملت معروف كبير قوللها مش عايزها انا مش بموت
اسيا: اهدي مش كدا
مايا مسكت كتاف احلام ترجها بحقد: انتي شمتانه فيا ان بيتي اتخرب قوليلي مبسوطه شمتانه
اسيا زقتها : انتي بتعملي ايه
مايا بصريخ: مش متحمله وجودها خرجيها من هنا قوللها تمشي
اسيا: خلاص هدي نفسك
مايا: انا عارفه حقيقتها
احلام وقفت بره نفسها ترد عليها لكن الوضع الان متأزم قررت تسكت بس عشان وضع خالها الصحي مش وقت صد ورد لمحته داخل
احلام: خالي كنت فين كده
سراج قعد بتعب : ناوليني شويه ميه
احلام ناولته: ها روحت فين بتصل بيك من بدري
سراج: روحت لبيت سلطان
اسيا خرجت وراحت عليه: انت روحت هناك وضع البيت عامل ازاي
احلام: مكنش ينفع تروح لوحدك كنت قولي كنت روحت معاك افرض حصل حاجه
سراج بلع ريقه بقهر وقال: محصلش اصلا حاجه سلطان سافر واجر القصر
اسيا شهقت ببكاء : ايه
احلام بتأثير: متعيطيش يامراه خالي , ربنا يعاقبه ع الي عمله , ده ظلم كبير ربنا ما يسامحه
سراج ضرب كف بالتاني: عشان كده كنت ضد الجوازه دي لكن لافهمتي انتي ولا بنتك عيطي عليها هي كانت عايزه عربيه احدث موديل وبيت كبير وفلوس كتيره عشان ترسم انها بنت ناس واو الطمع والجشع وعدم الرضا والقناعه يعملوا اكتر من كده عيطي
احلام: خالي ارجوك متتعصبش
اسيا: يعني حقها راح كده مش هنقدر نعمل حاجه
سراج بصلها وقفل ملامحه بتهكم: ملناش حق نقول ولا نعمل حاجه, الراجل بعت مصاريف سنه مع المهر ودهبها معاها مبروك كنتي عايزه لبنتك كل ده
اسيا بنفعال: بتقول ايه , ايه قيمه الفلوس قدام طلاقها بلاش تأنبني لوجهه الله انا مش ناقصه
احلام: خالي هي ذنبها ايه وبعدين مش انت كنت دايما بتقولنا ان ربنا بيعمل كل امر لمصلحتنا وكنت بتقولنا نصبر وربنا هيكرمنا متقلقش ربنا اكيد شايلها الافضل مراه خالي متعيطيش
هقوم اعملكم شاي
احلام راحت المطبخ وحطت البراد لقتها داخله بصتلها وقالت: جيتي ليه يا مراه خالي اقعدي انا هعمل كل حاجه
اسيا بأحراج: متزعليش مني يا احلام ارجعي بيتك ده افضل دلوقت
احلام بقهره: هو ده مش بيتي
اسيا: لاء طبعا بيتك بس شايفه حاله مايا مش عارفه تميز بين الغلط والصح في وضعها وقالت لك كل ده
احلام: وانا عشان مقدره وضعها سكت ومتضايقتش, لاني قادره افهم حالتها النفسيه, بتمر بوقت صعب
اسيا : مش عايزه يحصلها ضغط تاني ومش عايزكي تقفي قدامها , متعتبرنيش انانيه, لما تبقي طبيبعيه هتطلبك بنفسها
احلام : حاضر اطمني همشي اعمل لخالي الاول الفطار والشاي
اسيا: كملي جميلك و اقنعي خالك بأي حجه
احلام طلعت ناولت لسراج الشاي: خالي انا همشي النهارده
سراج بصلها بتعجب: ليه عايزه تمشي, مينفعش تمشي دلوقت, خليكي يومين كمان انا محتاجلك هتكلم مع مروان وهستأذن حماتك تسيبك يومين
احلام متماسكه مش عايزه تنزل دمعه قدامه وتبين له قالت : هاجي تاني يا خالي ماما سلوي متقدرتش تهتم بالبيت لوحدها هي بتحس بالوحده ارجوك سبني امشي دلوقت
سراج بحزن: زي ما تحبي يا بنتي , نسيت اني مليش حق عليكي نفس الاول
احلام نزلت دمعه مسحتها بسرعه وقالت: متقولش كده يا خالي ده انت ابويا
سراج اخدها في حضنه ومسح ع شعرها وقال: وانتي بنتي حبيبتي ربنا يسعدك في بيتك امشي يا بنتي
اسيا اتنهدت برتياح انه مصممش وتفضل قصاد مايا وده يجننها اكتر
…………….قصص منه محمد كاتب………..
شافت مروان قاعد وقدامه لابتوب بيشتغل فيه رفع نظره عليها وبصلها وسألها: مالك يا ماما
سلوي: منمتش طول الليل فضلت افكر في سراج واسيا وجع الاولاد كسره معرفش هيتحملوا ازاي خراب البيت وطلاق بنتهم , سبحان الله رغم الاتنين اختاروا بعض واتحدوا العالم ازاي وصل المطاف للطلاق بالسرعه دي انت عارف حاجه
مروان بضيق : معرفش ايه علاقتي بيهم, اسألي احلام هي عارفه ومتعاطفه جدا مع مايا ومستعده تعمل اي حاجه
سلوي: مفيش داعي تتريق ع احلام طول الوقت واظن فهمتك وضع خالها المرضي ضغط عليها وهي اعتذر لك
مروان: اه اعتذرت تغلط في حقي وتخلص ع معلش
سلوي : واخرتها يابني هتفضل شايل منها كده
مروان ايوه انتي متعرفيش لما كلمتيني وقولتيلي خرجت وانا القلق والخوف عمل فيا ايه جنني المفروض بعد ده كله اتصرف معاها ازاي
سلوي : انت غير معقول , بلاش يا حبيبي تضايقها هي بتحب الكل ربنا خلق قلبها كده
مروان كشر :مش الكل بتحب بس الي هي عايزه تحبه ومش بتهتم بالباقين
سلوي : يابني لما تحاول تصالحك بلاش تستقوي عليها
مروان ابتسم لما موبيله رن وقالها: اخويا انور بيتصل
سلوي كشرت :الحمد لله انه افتكر،ده انا قلت نسينا
مروان: اكيد متصل يسمع صوتك
سلوي شاورت له: مش هكلمه
مروان كلم اخوه وقفل وراحلها وبس خدها: : انور بيسلم عليكي وبعتلك البوسه دي وبيقولك متزعليش
سلوي بتكشيره : لاء زعلانه
مروان: : خلاص اتراضي , وتعالي كلي لقمه انتي مكلتيش ولازم تاخدي علاجك, هنعمل ايه لو تعبتي
سلوي : مش عايزه , قلت كده كذا مره مش عايزه , لما اجوع هاكل , مهتم بيا وانت مش قادر تهتم بنفسك
مروان ضحك: يعني هتطلعي غضبك عليا, وبعدين اخويا انور راجع الشهر الجاي رجوع بلا عوده لازم تكوني مبسوطه
سلوي: مش مصدقه كلامه ده بياع كلام
مروان بحيره: طيب اقنعك ازاي واخليكي تصدقي المره دي
سلوي: مش هصدق غير لما يقف قدامي وبعدين انا قلقانه ع بيت سراج سيب مراتك هناك يومين كمان هي بنتهم اكيد يابني محتاجين لها هناك هتديهم الدعم
مروان سرح فيها الشوق ليها والفقدان لعدم وجودها حواليه عرف منهم قد ايه هي حرفيا وحشه اتنهد وقال بحزن: وانا كنت منعتها , تعمل الي هي عايزه , تروح لما تحب تروح
احلام زقت باب البوابه وقربت عليهم : ازيك يا ماما
سلوي بتهليل وفرحه: اهلا وسهلا ببنتي،كنا لسه في سيرتك بس ليه رجعتي بسرعه كان المفروض تفضلي هناك هيطمنوا بسببك
مروان بصلها وتامل كل جزء فيها بجد حس انها كانت وحشاه وفقدها
احلام بتجاهد تمنع دموعها تنزل: كنت وحشاني ها اخدتي العلاج
سلوي: بصراحه لاء
احلام: كنت واثقه انك ماخدتهوش حالا هجبهولك
سلوي: شكلها معيطه اطلع يابني شوفها
مروان دخل سمع بكائها في الحمام خبط ع الباب: احلام افتحي
احلام اتفجرت دموعها بألم وذل لدرجه صوت شهقتها زادت ازاي تطرد من بيت خالها هي كانت عملت ايه عشان يحصل فيها كل ده وكلام مايا عنها واتهامها البشع انهار كيانها عيطت اكتر بانهيار
مروان اترعب وخبط بجنون: احلام لو سمحتي افتحي, انا قلقت
احلام مسحت دموعها بسرعه وقالت: طيب
مروان بص في عيونها الدامعه واتصدم : قوليلي ليه بتعيطي حصل ايه
احلام مسحت دموعها بكف ايدها وقالت بصوت مخنوق مجروح : ممنوع اعيط, اهلي بيمروا بوقت صعب , مقدرش اعيط, لو فيه حجر اني اعيط في البيت قولي , وانا اعيط في مكان تاتي
مروان مسك ايدها: لاء مقصدتش
احلام سحبت إيده من إيدها بهدوء وراحت تجهز الفطار برغم كانت محتاجه لحضن تفضفض له يخفف عنها …. اما مروان نزل قعد مع امه وفكره كله عندها
سلوي بسؤال : مالها يابني
مروان رفع كتافه : معرفش
سلوي بحزن: شكلها معيطه عيونها وارمين وانا زعلانه كده
مروان اتنهد : وانا اعملها ايه
سلوي بغيظ :تعمل ايه اهتم بمرتك شويه شكلها مقهوره قهره كبيره وانت لازم تعرف مالها انا قلبي واجعني عليها كتير
مروان: انا حاولت رفضت تقولي مالها , بس اطمني شويه وهترجع لطبيعتها وواخد بالي منها متقلقيش
سلوي: تعيش يا حبيبي كنت متوقعه منك ده ربنا يسعدك
احلام قربت: ماما علاجك ويله اطلعك اوضتك
سلوي: بتخدميني كتير ربنا يسعدك
احلام مدت لها ايدها بحنيه: يله
مروان عيونه عليها واتقهر لما شاف رغم الحزن الي فيها لكن مهتمه بيه وبأمه معقول فيها كل الصفات الحلوه دي لازم قدامها قلبه يلين ويحبها لانها تستحق قلبه وحبه
……………………………..
مايا قاعده تحط روج احمر فاقع وتنقي اكسسورات تلبسهم
اسيا لمحتها راحت لها: مايا لابسه ورايحه كده ع فين
مابا: هتكلم مع سلطان بنفسي تلفونه مقفول ع طول
اسيا: فاضل ايه تقوليه كل الي بينكم انتهي مفيش داعي تروحي
مايا حدفت القلم وقامت: ازاي ينتهي كده, فيه حل , وهتشوفي لما اقابله هينسي غضبه في لحظه
اسيا: يابنتي فوقي لايمكن ده يحصل الطلاق مفهوش هزار, ابوكي اتكلم مع المحامي مفيش حل, وانتي اقبلي الحقيقه , القصر اجروه وفضوه في خلال يومين , ولموا العفش وحطه في عربيه وبعتوه البلد
مايا بحزن: سالتوا عنه في الشركه
اسيا: ايوه محطوط عليها قفل وهتتباع مروان لسه راجع من هناك
مايا: مروان, واحلام مجاتش
اسيا: جات ليوم واحد وبسبب خوفها منك مقربتش ناحيتك . قعدت مع ابوكي ومشت اه انتي في شهور عده بلاش تخرجي بره البيت
مايا: هتحبسوني
اسيا بنرفزه وهي رايحه في اتجاه الباب : ده الدين افهمي
مايا طلعت بره وشافت مروان قاعد مع ابوها اتقهرت انها فرطت فيه لاحلام
سراج: الف شكر يابني انك وقفت جنبنا في اصعب وقت مر علينا ومسبتنيش لوحدي
مروان مبتسم: انت مش لوحدك انا معاك. واعتبرني ابنك اظن عارف احلام بتحبك كتير ازاي
سراج إبتسم بفرحه : عارف يابني هي دايما بتثبت حبها , و انا سعيد جدا لانها اخدت شريك لحياتها شاب زيك اصيل ومعادن الناس بتبان في المواقف وقت الشده اسيا اعملي شاي
مروان قام: مفيش داعي عاملني من غير رسميات ارجوك
سراج: حاضر يابني , بس قمت ليه اقعد معايا شويه
مروان: كان نفسي بس عندي شغل همشي وارجع مره تانيه ومعايا احلام
سراج: تمام زي ما تحب بلغ سلامي لـ والدتك هي عامله ايه؟!
مروان: لما عرفت ان اخويا انور جاي كمان شهر راح تعبها من تلقاء نفسه
سراج بضحكه: يرجع بالسلامه بلغ بنتي اني زعلان اوي منها وخليها تيجي تبص عليا
مروان: حاضر هبلغها استأذن ياعمي
سراج: مع الف سلامه
مايا مراقبه مروان من بعيد وماتت غيظ وقهر ودخلت لامها وقالت بحقد واضح من نبره صوتها : علي شأن احلام لما اتجوزت مروان معرفش شايفه نفسها ع ايه دي لازم تشكرني انها اتجوزت بفضلي شاب زي مروان والا كان زمانها لحد اليوم عانس هنا
اسيا: انتي بتقولي ايه بطلي غلط
مايا اتعصبت: انا مش غلطانه , انا رفضت اتجوزه امه المحترمه طلبت ايدها عشان حبها فينا وانتم كأنكم مستنين جوزتوها منه بسرعه البرق
اسيا: كنا نعمل ايه , وكنا هنرد ع اهلنا نقولهم ايه , انتي عملتي الي انتي عايزه والحمد لله ان الموضوع تم وقمنا بواجبنا مع احلام كان وقت صعب علينا اوي
مايا وهي هتفور قهر وغضب: وانا مقهوره , الا عمرها ما جالها عريس عليه القيمه كلهم تافهين حتي مكنوش بيوافقوا بيها , ده انا فئدت الامل انها اصلا تتجوز لكن شوفي بفضلي اتجوزت مهندس عظيم زي مروان
اسيا بحده : متفتحيش بؤك , انتي رفضتي تتجوزيه بنفسك, من امتي بدئتي تشوفيه شاب كويس وعظيم فجأه_ بتحذير مشدد_ اسمعي متقوليش الكلام ده قدام ابوكي , والله ليطلع عفريته علينا
مايا لفت لأمها باصرار: هي عفريته بتطلع من كل كلمه بقولها احلام بس الكيوت اللطيفه في نظره اخدت كل دعائه حتي شوفي حظها
اسيا قامت بنرفزه: مفيش فايده من الكلام معاكي
مايا بتفكير شيطاني وحقد قررت تهين احلام وتبعد مروان عنها بأي طريقه لكن متعرفش ان كل ده هينقلب عليها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
