رواية احلام في عيون وقحه الفصل السابع 7 بقلم منة محمد
رواية احلام في عيون وقحه الجزء السابع
رواية احلام في عيون وقحه البارت السابع
رواية احلام في عيون وقحه الحلقة السابعة
مروان: ماما طعم الاكل بجد تحفه انتي مسؤله تعلمي مايا تعملنا نفس الطعم
سلوي: لو عندها استعداد تتعلم اكيد هعلمها, بس هي مش مهتميه بلاكل امها قالتلي
مروان بتكشيره: وده اكبر غلط ازاي تتكلم عن عيوب بنتها بنفسها
سلوي: هي قاصده حاجه تانيه انت متفهمهاش
مروان بصلها بهتمام: لو فهمتيني هفهم
سلوي: عايزنا منطلبش من بنتها تمسح وتطبخ
مروان ابتسم: بصراحه البنت تستاهل, معقول تطبخ ويبقي ريحتها كلها توم وبصل , وبعدين ماهو عشان كدا جبتلكم شغاله وهي هتعمل كل حاجه
سلوي: طبعا انت مابتصدق فرصه تمدح فيها هي واهلها
مروان بستياء: وانتي ما بتصدفي فرصه تشكري في احلام (موبيله رن بصلها وقال) ده عمي سراج بيتصل
سلوي: خير رد يابني
مروان حط الموبيل ع ودنه وببتسامه: اهلا يا عمي…..ايوه..دلوقت فيه حاجه مهمه…لا احنا جاين حالا
سلوي بقلق: بيقولك ايه
مروان: عايزنا نروحله دلوقت حالا
سلوي: دلوقت خير
مروان: لما نروح هنعرف
…………..قصص منه محمد كاتب…………..
في بيت سراج
احلام واقفه تعيط وقالت بشهقات عاليه : ليه مقولتيش لخالي اني قولت لك عن سلطان ده من اول مره, كان بيبصلي بقهر ماليش عين اروح قدامه خلاص نزلت من نظره
اسيا :ازاي اقوله كل اللوم هيقع عليا اهاني قدام الكل كتير ومعرفش فاضل ايه تاني اسمعه وكفايه تأنيب فيا انتي مش في مصيبه المساله متعلقه بمصير بنتي كله يارب ساعدها
احلام: وانا مين يساعدني فهميني
اسيا بشخط فيها: بس كفايه انتي مش في مشكله انت دلوعته دايما هينسي غلطك في خلال يومين انا وبنتي الي هنقع في المشاكل اتفضلي الجرس رن اكيد مروان وامه ربنا العالم ايه الي هيحصل روحي دخليهم الصالون خالك هناك اتحركي يا احلام
احلام فتحت الباب وبصت لمروان الي لف وشه منها لكن قالت لسلوي: ازيك يا ماما
سلوي بأبتسامه: ازيك انتي صباحك فل
احلام: صباح النور عامله ايه
سلوي: انا الحمد لله بس هو فيه ايه خالك جبنا ع ملا وشنا وشكلك معيط
احلام حاولت تبتسم لكن اختفت الابتسامه لما شافت مروان بيبصلها بغيظ
سلوي: انتي زعلانه عشان مايا , ده شئ طبيعي, لعبتوا سوي من وانتم اطفال لحد ما كبرتوا وبينكم علاقه دم , بس دي سنه الحياه , وبكره تروحي انتي كمان بيتك , والحياه بتستمر كده
مروان بضيق: ممكن ندخل
احلام وسعت الطريق: اه اتفضلوا
مروان وسلوي دخلوا وسراج حكالهم اللامر وان مايا رفضت مروان
سراج: انا غلطت في حقكم عقبوني زي ما تحبوا كنت غافل عن بناتي وقلت دول بنات كفايه تربيهم امهم قضيت حياتي اعلم واربي عيال غيري لكن كان ايه غير كده في ايدي ولا حاجه
اسيا: منقدرش نغصب بناتنا يتجوزه بالعافيه ومايا من الاول مكنتش موافقه نعمل ايه الاحسن كل واحديروح لحاله وتنتهي العلاقه دي
سراج: احنا حطناكم في موقف وحش معانا , قوله لعايلتكم والناس اي حاجه, اي حاجه عننا قوله احنا ناس مش كويسه , منستهلش تنسبونا اي كلام تلاقوه مناسب
مروان قام من مكانه: انا راجع
سراج بقهر: بكره كتب كتاب مايا وبعدها مش هيكون بيني وبينها اي علاقه
سلوي: متقولش كده دي مهما كان بنتك واحنا نتفهم غلطهم, دول ولادنا لو منعت دعائك ليها ازاي هتعيش سعيده ربنا يجعل نصيبها افضل من مروان وجايز دي ارده الله
سراج: ربنا يسعدك ويحفظك احنا مالناش في الطيبين نصيب لاننا هنتحرم من عطفك وقلبك الطيب ومايا دمرتنا
سلوي: خلاص هون ع نفسك اكيد ربنا له حكمه في كده احلام نادي لي مروان
احلام طلعت شافته بيجاهد يمنع دموعه ندهت عليه وهما داخلين وقفوا الاتنين بصدمه
سلوي: اجمد يا استاذ سراج وان شاء الله كله هيكون بخير والنسب بينا مش هينتهي ومش هنضطر نوضح حاجه للناس انا بطلب منك ايد احلام لابني مروان
مروان لف بسرعه وبص لصدمه احلام
سلوي تابعت: جايز ربنا يكون عمل كده عشان يجمعهم مع بعض وقول رآيك بصراحه موافق بكلامي انت ربيت البنتين ومروان ابني الي بينفذ كل كلمه اقولهاله تبقي امر وانا متأكده مش هيخيب املي وواثقه جدا
………….قصص منه محمد كاتب…………..
في منزل مروان
مروان :ليه رفضتني بالشكل ده وفرحنا كان بكره انا فيا حاجه ولا قليل للدرجه
سلوي :انت مش قليل ولا ناقص عشان تترفض ابدا
مروان :امال ليه
سلوي: اقعد مع نفسك يمكن تفهم حكمه ربنا انها مكملتش ربنا نجاك ولسه ع البر تخيل لو كنت اتجوزت وخلفت كنت هتبقي مدبس فيها للابد ربنا هيعوضك خير عنها
مروان بقهر: انا كنت فرحان انها خلاص هتبقي ليا
سلوي: يابني متزعلش ابدا عليها هي مش من نصيبك, مكنتش هتاخدها مهما عملت
مروان: تمام هي مش من قسمتي ونصيبي , ايه بقي الداعي تتكلمي عن احلام مش ضروري اتجوز دلوقت لو مايا رفضتني انتهي اللامر ليه اتكلمتي عن احلام هو انا لعبه ليه مسالتنيش او اخدتي رآي مقدرش اتجوزها
سلوي: هو انا مليش حق عليك انا قلت لما اخد القرار ليك مش هترفضه ابدا لكن يظهر فهمت غلطت
مروان: ماما انتي عارفه انا بحبك اد ايه ولحد اليوم عمري ما رفضت كلامك لكن ارجوكي حاولي تفهميني احلام بنت خال مايا مقدرش ادي مكانها بالسرعه دي ل لاحلام , ده لايمكن
…………….قصص منه محمد كتاب…………
في بيت سراج
سراج بغضب: كنتي عارفه كل حاجه, كنتي عارفه كويس يا احلام عن الي بيحصل بين سلطان ومايا وانتي خبيتي كل ده وعطيتهم فرصه , كنت اتمني لو قولتيلي او لمراه خالك
ع الاقل مكناش هنواجهه الاهانه الي حصلت
احلام بشهقه: ياخالي
اسيا ضربتها بنظره وقطعتها: انسي الي حصل والموضوع كله انتهي وكل المشكله اتحلت ولا كأن حاجه حصلت وانت اتجاهله
سراج بتهكم:اتجاهله هو سهل تقوليلي كده, الاهانه الي عدت عليا خلتني سقطت في نظر نفسي
اسيا: ليه تتعب صحتك العيال بيغلطوا والكبار بيسامحوه
احلام: بس انا مغلطتش ياخالي في اليوم ده كنت
اسيا قطعتها بسرعه وقالت: اه عايزه تقولي انك شوفتي سلطان اول مره في اليوم الي جه ده قصدها وسامحها
سراج: مش واثق في كلامك ولا قادر اصدق كلامكم انا شاكر جدا لام مروان الي عطت لعايلتي الاحترام مره تانيه شافت نستحق التقدير واختارتك لابنها
احلام: بس انا مقدرش اتجوز مروان
سراج: قلتي ايه. انتي كمان يا احلام, هو انتم قررتوا تدوني الحزن مره واحده بعد التانيه , بنتي الاولي قبل الفرح بيومين بلغتني قرارها انها اختارت راجل تاني , والتانيه رفضت الجوازه بوضوح, ياتري انا ليه قيمه في البيت ولا ماليش
اسيا بشخط؛ احلام ليه تعصبي خالك القرار الي اخده عشان قرار سليم وعين العقل مش هتلاقي شاب احسن من مروان
سراج بزعيق فيها :متقوليش نصايح كنتي ادي النصيحه دي لـ بنتك قبل ما تقولهالها اطلعي عايز اتكلم مع احلام لوحدنا
اسيا :بس ياسراج
سراج :قلت اطلعي
اسيا ردت بغيظ :طيب
سراج برفق : يابنتي اتكلمي ليه رافضه مروان
احلام :خالي مروان بيحب مايا وعايز يتجوزها ازاي انا
سراج :امه ست عاقله وطيبه ومتعاطفه وطلبت ايدك بنفسها وبالنسبه لمروان مسيره ينسي كل حاجه بمرور الوقت صدقيني هتعيشي سعيده جدا هناك ثقي في كلامي
احلام :كل ده مش سهل ازاي بس اشرحلك
سراج بحده: مش عايز اتناقش معاكي واتكلم عن قيمه احترامي عندك, لان الامور دي من غير فايده , لكن الي خبتيه بخصوص سلطان ملزومه تصلحيه, والا مش هقدر ابص في وش حد
احلام ببكاء : مقدرش اتجوزه
سراج : تمام امشي واعملي الي انتي عايزه
احلام ببكاء ورجاء: خالي
سراج: امشي يا احلام امشي
……………قصص منه محمد كاتب……………
يوم كتب الكتاب قاعده في زاويا تبكي ع مصيرها
اسيا: انتي غريبه يا احلام, لسه قاعده عندك لحد دلوقت , الناس جاين عشان كتب كتاب مايا قومي شوفي لو فيه حاجه ناقصه انا هعمل كله لوحدي , مش كفايه جوازه بنتي بالشكل ده عمري ما كنت اتخيل اجوزها كده
احلام وقفت: ليه مقولتيش لخالي اني كنت عايزه اقوله عن سلطان كذا مره وانتي منعتيني
اسيا: هو انتي عايزه يهزقني في السن ده , عارفه لو قولتله كان هيعمل فيا ايه , اول حاجه هيطردني من البيت للابد, غلطك ممكن يتغاضا ويعفو عنه لكن انا مستحيل يسامحني لحد موته فهمتي
احلام: وهو مش هيسامحني عطاني عقاب كبير
اسيا: احمدي ربنا انك لقيتي شاب كويس , وكان مسيرك تتجوزي ,حتي احسن بنات الدنيا مش بيلاقوه شاب زي مروان مهندس ووسيم , وشيك , واخلاقه عاليه مش ناقصه حاجه , عايزه ايه احسن من كده
احلام: لما كل الصفات الهايله دي فيه ليه مايا رفضته ليه مقولتلهاش كل ده!
اسيا: بطلي قله ادب , فيه فرق بينك وبين مايا روحي شوفي شغل البيت فيه شغل كتير
احلام دخلت عند مايا ربما تقدر تقنع ابوها يلغي قراره
مايا: طالعه ازاي جميله جدا اضطريت البس عقد عمتي بابا منع سلطان يجب لي شبكه , ولا كان جابلي خاتم الماظ بملايين عارفه كان مصمم يشترالي واحد بس رفضت قلت له بابا وافق وده كفايه, كل همي امشي من البيت هنا , وبعد كده اي حاجه عايزها هشتريها بنفسي
احلام: الف مبروك انا كل دعائي انك تعيشي مبسوطه دايما
مايا : وراي مروان شاب كويس جدا , وامه بتحبك كمان, وهي سعيده وانتي كمان , وانا الحمد لله نفدت بجلدي
احلام :مايا انا مش عايزه اتجوز مروان , وقفي الجوازه دي باي طريقه الكل هنا هيسمعولك
مايا :انتي اتجننتي عايزني اغضب بابا مره تانيه , لاء مقدرش لاهقول ولا هعمل اي حاجه وبالمناسبه هو انتي ليكي اختيار تاني زي ما كان ليا لاء
بنت ما :يله اهل العريس وصلوا
مايا :امشي اهل جوزي وصلوا اتحركي
ووصل بالفعل ناس قليله مع سلطان وسراج ع اخره وفي قمه غضبه وتم كتب الكتاب
سراج دخلها وقال للبنات الي معاها: عايز اتكلم مع مايا لوحدنا
مايا بصتله ومتوقعه انه هيباركلها زي اي بنت ليله فرحها
سراج: احنا كتبنا كتابك ع سلطان اتجوزتيه برغبتك , من غير ادني اهتمام بأي حد, وجيتلك دلوقت عشان اقولك كلمه واحده انتي بعد اليوم متخطيش برجلك جوه البيت هنا ابدآآ وطبعا بعد ما تعيشي في القصر البيت البسيط هنا مش هيعجبك لكن صدقيني مجيتك هنا انا مش حببها اكتر منك بكتير حطي ده في عقلك
…………………………..قصص منه محمد كاتب…………….
في الجنينه
سلوي: ليه رافض تفطر يابني ده انا عملتهولك بأيدي
مروان بحزن: مش جعان
سلوي : انت رجعت البيت متأخر, ومعرفش لو كنت اكلت بالليل ولا لاء انت كويس
مروان قام من مكانه: انا كويس اطمني رايح شغل مهم
سلوي : رايح فين اخدت اجازه من الشركه , ولسه كام ساعه ع ما المحلات تفتح
مروان بضيق: قلت راجع يا ماما
سلوي : يابني عارفه انك زعلان مني عندك حق مكنش المفروض اخد قرار لحياتك من غير ما اخد رايك , بس خلاص حصل الي حصل سامح امك
مروان مسح دموعها بحنان: بتقولي ايه انتي امي وليكي حق عليا وهيحصل الي بتقوليه هتجوز احلام
سلوي: انت مفكر اني ام انانيه مش حاسه بالوجع الي انت فيه لكن صدقني هيجي يوم وتتأكد لما تعرف قيمه احلام
مروان ضم وشها بين ايديه ومشها ع خدها بحنان: انتي سعيده
سلوي بفرحه وسعاده كبيره : ايوه
مروان بلع كل الوجع : وده كفايه بالنسبه لي
سلوي باست دماغه وهو باس ايدها ومشي وهي فضلت تدعيله ان ربنا يوهب السلام والامن والامان الطمأنينه وراحه البال
…………قصص منه محمد كاتب…………………….
يةم جديد
احلام قربت منه وهي متردده وتفرك ايدها في بعض : صباح الخير يا خالي
سراج بهدوء: صباح الخير قولي عايزه ايه انا سامعك وصدقيني مش هضايق
احلام ركعت تحت رجليه: خالي عايزه اقولك انا معنديش مانع ع قرارك وموافقه عليه تقدر تجوزني بالي انت عايزه مش هعترض
سراج مسح برفق ع شعرها: ربنا يكملك بعقلك وتعيشي سعيده
احلام: اعملك شاي
سراج: ياريت دماغي هتنفجر
اسيا جات قعدت وبدئت الفقره: عمري ما كنت اتخيل اجوز بنتي الوحيده بالشكل ده انا يما حلمت احلام وكلها بقت مدفونه في قلبي لو عملت فرح وضجه كانت الدنيا هتشوف كل ده
سراج :انتي بقيتي جاحده بنتك اتجوزت بختيارها واخدت سعادتها ايه احسن من كده وجبتلها جهاز بالوفات ومش عارف جبتي كل الفلوس دي منين لكن طمعك مش هينتهي
اسيا لوت بوزها ومش عاجبها: كل الناس بتجهز بنتهم كده , احنا معملناش امر غريب ولا زياده عن كل الناس _ ندهت بصوت عالي_ احلام
سراج: ممكن تسيبي احلام في حالها , بلاش تشغليها في البيت دلوقت ممكن, فرحها بعد يومين من حقها ترتاح لبيتها
احلام قربت : نعم يامراه خالي
اسيا : سلطان ومايا هياكلوا اليوم معانا , شوفي هنعملهم اكل ايه ولو مفيش اكتبي في ورقه
احلام : مايا مش ناويه تيجي هنا
اسيا ضمت حواجبها : بتقولي ايه
احلام: هي اتصلت وقالت مسافرين يومين للساحل وبعدها شهر عسل لـ اروبا
اسيا بفرحه: ماشاء الله سلطان قلبه طيب , شوفت ياسراج هيسعد بنتنا , وانت كنت مقهور من غير داعي هقوم اكلمها
سراج : احلام اقعدي عايزك قلت لك كلام كتير وانا متعصب ومنفعل وطلعت عليكي غضبي من مايا, لكن عايز اعرف ليه خبيتي عني وعن مراه خالك موضوع سلطان , عايز اجابه لاني متاكد انك لايمكن ترضي بالي حصل , فهميني مراتي منعتك تقوليلي
احلام نزلت راسها في الارض وسكتت
سراج : كنت بشك من الاول انه كله حصل بسبب اسيا, تمام بعد ما يتم جوازك ع خير ليا كلام تاني معاها
احلام بخوف: لاء يا خالي هي مغلطتش , انا خفت عشان كدا مقولتش حاجه
سراج بهدوء قبل العاصفه: تمام يابنتي تمام
…………..قصص منه محمد كاتب……………….
في القصر بدء مراحل التعذيب والانتقام
سلطان مسك وسطها وبضحكه خبيثه: دلوقت ده بقي بيتنا وهنعيش فيه مبسوطين جدا والحمد لله اننا اخدنا قرار سريع في الوقت الصح , وبالطريقه دي حفظنا ع سعادتنا سوي والمغرب هنسافر رحله يوم للساحل , ولحد دلوقت مجهزناش شنطنا يله نلم حاجتنا
مايا : بقول لو نأجل الرحله بعد فرح احلام ونحضره الاول كل العايله والجيران هيكونوا هناك عايزهم يشوفني معاك ويعرفه ان حظي حلو
سلطان بيرش برفن في المرايا: الايام جايه للكلام ده , وانا هعمل ايه وسط اقاربك ايه علاقتي بيهم , وانا مش عايزك تفكري في حد غيري , وع فكره هيكون هناك خطيبك السابق الي هيتجوز قريبتك حاليا عايزه تروحي عشانه
مايا بصتله بغيظ: ايه التخريف الي بتقوله ده, ايه علاقتي بيه يظهر انك نسيت انا رفضته عشانك
سلطان خبطها في كتفها : بهزر معاكي انتي زعلتي انا بجد اسف
مايا بتكشيره : ماما بتتصل هكلمها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
