رواية احلام في عيون وقحه الفصل السابع والعشرون 27 بقلم منة محمد
رواية احلام في عيون وقحه الجزء السابع والعشرون
رواية احلام في عيون وقحه البارت السابع والعشرون
رواية احلام في عيون وقحه الحلقة السابعة والعشرون
في الشركه تحديدا مكتب انور قاعد معاه موظف نفسه يزيح مروان وياخد مكانه
حامد بمدح مزيف : خليت شركتك اشهر من نار ع علم في فتره قصيره الموظفين مدهوشين من نجاحك انت حقيقي شخص ناجح
انور ابتسم بفخر: دي نعمه من الله ولما بيشتغل معايا ناس موهبين زيك النجاح مؤكد انا بؤمن بالعمل الجماعي والا مكنتش عملت كل ده لوحدي
الموظف : العمل الجماعي كويس جدا يا مستر انور لكن الكل هنا مهتمين بالباشمهندس مروان الموظفين بيمدحه هو وبس وطول الوقت بيتكلموا عنه
انور بضيق : مش بفكر في كده
الموظف بمكر: لاء لازم تفكر , والا هتنتهي سيرتك لحد امتي الناس هتربط نجاحك بالباشمهندس فكر شويه لو استمر الوضع كده هتكون انت فيك بكره, لازم تقلل مسؤليات الباشمهندس وحالا ( قام) انا ماشي ورايا شغل
انور فضل يربط كلام مايا بكلام الموظف وقرر يركن مروان تماما ويحطه ع الرف لحد ما الباب خبط ومروان دخل ووقف
انور رفع عينه عن الاوراق وبصله: فيه ايه اتكلم
مروان: ولا حاجه جيت اشوفك الوقت اتاخر وانت لسه شغال لحد دلوقت كله تمام
انور : الوقت اخدني وانا بشتغل لكن انت عينك ع الساعه
مروان اندهش: افندم قلت ايه
انور اتصنع الابتسامه بالعافيه : بهزر لو فاضي تقدر ترجع البيت انا لسه قدامي شغل واول ما اخلص هروح, مفيش داعي تستناني
مروان: انا مش مستعجل لو فيه حاجه ومحتاج مساعده اقدر اساعد انت بس قولي
انور رجع عينه ع الاوراق وقال بأسلوب جفاء: لاء ومش محتاج مساعده من حد , فيه شغل لازم اعمله بنفسي ومش حابب اشارك حد فيه
مروان كشر من اسلوبه الجاف وقال: اسف ازعجتك
انور: اه اسمع فيه خبر انا رقيت ناس في الشركه كان المفروض اعمل ده من فتره هتعرفهم قريب
مروان ابتسم بسعاده لانه فكر انه واحد منهم وهز دماغه ومشي
…………………قصص منه محمد كاتب……………..
لبست درس روز عليه كعب عالي وشعرها لمته ديل حصان وحطت مكياج صارخ وروج أحمر فاقع ….حطت برفيوم ريحته تجنن وقعدت تحط مناكير ابيض…. واخدت شنطتها ونزلت شافتها رايحه جايه
مايا قربت منها: مستنيه مروان انا كمان مستنيه انور اصل احنا خارجين نتعشا بره قوليلي طالعه ازي
احلام بدون نفس بصتلها: كالعادة طالعه جميله
مايا مسكت خصل شعرها بغرور :عارفه فيه ناس كتير معندهمش الجمال والمفرض يحسنوا من نفسهم بس انتي متقدريش تعملي كدة بسبب شغلك اليومي هيختفي لمعان وشك وكله كمان
احلام بصتلها واتنهدت بضيق وسايبها وماشيه
مايا : اكيد بتحسي بالعقد لما تشوفيني اصل تشوفي حد اجمل منك في الدنيا مؤلم جدا انا عن نفسي متحملش كده واشوف حد افضل مني سواء بقي لبس ولا مجوهرات مش بتحمل اطلاقا
احلام بقرف : بجد الرد عليكي منتهي التفاهه
مايا : ليه
احلام لفت وبصتلها وهي طالعه السلم: لان انا مش حاسه اني اقلل من اي واحده ولا حتي منك سميه رضا قناعه او يمكن معنديش الطبع ده جايز لاني البنات الي في وضعي بيكونوا كده من غير احساس
مايا حركت دماغها: مسكينة ( طلعت الموبيل واتصلت وحطته ع ودنها لحد مارد: الو ايه يا انور انت كل ده فين مستنياك من بدري
انور رد بعجاله: مايا انا في اجتماع الغي خروجه الليله اتس اوكيه
مايا لسه هتتكلم لقته قفل الخط اضايقت جدا وفضلت قاعده مستنياه لحد ما نامت
***********……..**********
يوم جديد طلع النهار وانور بيلبس الجرافت وشاف وشها المقلوب في انعاكس المرايا
انور لف بصلها : مالك شكلك ع اخرك حد زعلك
مايا بعصبيه : انت
انورمد شفايفه بستغراب: انا ليه عملت ايه
مايا نطت من السرير بحمقه :عملت ايه انت ولا اهتميت بمشاعري اطلاقا امبارح اتفاقنا نخرج سوي من البيت بعد وقت طويل بعد مرض امك وسلسله العذاء الي مش بتخلص وانت بتكمل وتتجاهلني
انور بخنقه: قولت لك كان عندي شغل كتير والاجتماع طول واتاخرت لان وصلني اميلات مستعجله وكان لازم ارد عليها
مايا : كل اعماك مهمه , وانا ايه مش مهمه مليش اي قيمه ولا اعتبار , فضلت مستنياك طول اليوم زي الغبيه ومعرفش هترجع امتي وانت ولا حتي هان عليك تبلغني
انور : نسيت بسبب ضغط الشغل , وانتي مش مقدره بتكبري كل حاجه
مايا شاورت ع نفسها بغيظ: انا بكبر كل حاجه , ولا انت ،انت حتي مش حاسس انك المفروض تعتذر بعد تصرفك المخجل
انور بصلها في منتهي البرود وقال : تمام اسف هاخد بالي المره الجايه , وبعدين انتي غريبه قاعده طول الوقت في البيت اخرجي اعملي شوبنج روحي النادي استمتعي حتي روحي النهارده يله انا ماشي جود باي
مايا راحت وراه : انور هو مروان طلب نصيبه من فلوس البيت
انور حرك دماغه بنفي : لاء انا دخلت الفلوس كلها في الاستثمار وقلت لما اخد الفايدة هديله فلوسه كلها دفعه واحدة
مايا : مفيش داعي تديله حاجه انت صرفت عليه سنين طوال وشقيت وتعبت الفلوس دي حقك لما كنت مغترب بره كان هو بيعمل ايه , قاعد في البيت وشوف دلوقت هو ومراته بيستمتعوا
انور: تمام همشي
…………قصص منه محمد كاتب………..
احلام بتعلق الملابس في الدولاب: رنا قالت لي اركب اتوبيس المدرسه لان كل يوم بتوصلني وسكتك غير سكتي وبعطلك فوافقت اركب معاها ها عملت الصح
مروان قاعد يفرك في صوابع ايده ومش مركز معاها
احلام بصتله: ايه الحكايه مروان سرحان فيه ايه
مروان بصلها : ايه
احلام بتحاول تتصنع الأبتسامة : الشاي برد هعملك غيره
مروان مسك ايدها: لاء مفيش داعي اسف قلتي ايه اصل مسمعتش
احلام قعدت جنبه: انت قلقان من حاجه قولي لو حصلت حاجه
مروان : مبقتش فاهم يا احلام انور عمره ما زعلني او اتعصب عليا قبل كده وشكله فاهمني غلط والا هو مش كدا ابدا
احلام بهدوء : اتكلم معاه بصراحه جايز فيه حاجه مش فاهمها سواء انت او هو
مروان اتنهد : اقوله ايه انا بحبه كتير وبحترمه اكتر هو اخويا مليش غيره وعمره ما كان بينا مسافه بالشكل ده لو كانت ماما عايشه مكنتش هتسيب المسافه دي تتخلق
احلام : مفيش مسافه يامروان متقلقش روح قوله وواجهه بالي مزعلك يمكن يكون ميعرفش وممكن انت فاهمه غلط ارجوك
مروان: اوكيه هتكلم
*******قص منه محمد كاتب********.
في المدرسه
رنا بحزن شديد : ايه الي بيحصل ده يا احلام مروان مقبضش مرتب من شهور كتيره والعيشه انفصلت هو ده عادي
احلام: انتي شايفه انه عادي
رنا: كل ده بسبب مايا هي مكنتش تقدر تعمل العمايل في في حياه ماما سلوي بس دلوقت عملت كل حاجه خلت حياتكم صعبه اوي
احلام : انا بدعي دايما ان تزول الخلافات بين الاخوات عارفه مروان بيحب ابيه انور ازاي لو كبر الامر مروان مش هيتحمل الايا م دي عايش في توتر وقلق
رنا : انا مش عارفه مايا الشر دي عايزه توصل لايه بلوة بلانا بيها ربنا , مش كفايه قطعت رجلي من بيت اهلي وباعت بيت ابويا بقت انانيه جشعه وطماعه اتمني من ربنا ميصدقهاش اخويا انور ولا هتزيد بينا المشاكل
احلام : عندك حق
رنا: لو مش عارفه مروان هيضايق انا كنت روحت كلمت انور بنفسي
احلام برجاء: لاء اوعي يا رنا بلاش ارجوكي انا مش عايزكي انتي كمان تعملي تاتش معاه انا عارفاكي عصبيه
رنا فتحت شنطتها وحطت مبلغ في ايدها : خدي دول واوعي ترفضي والا هزعل جدا منك واقول بتعبريني واحده غريبه ومليش حق عليكي ولا حق ع اخويا
احلام هزت راسها: لاء هاخدهم بس لما يبقي معايا تاخديهم اتفاقنا
رنا بأبتسامه: طيب وانا مش مستعجله لما يكون معاكي رجعيهم
احلام :ادعي ان مروان يتوفق في شغله
رنا قامت تلم ادواتها: ان شاء الله يحصل يله لما اقوم ادخل الحصه سلام
احلام: سلام
……………….قصص منه محمد كاتب……………
احلام فرحت بالفلوس وراحت السوق واشترت لوازم الاسبوع ورجعت البيت
مايا : واو اليوم عملتي شوبنج كتير قبضتي مقدم
احلام ردت بتكشيره : المرتب بناخده اخر الشهر مش اوله
مايا : طيب فرجيني اشتريتي ايه(فضلت تفتش وتشوف الاكياس ومره واحده ضحكت بسخريه) انا غبيه والله قلت بس اشترت حاجات كتيره
الشغاله الجديده: هاتيهم يا ست احلام احطهملك في المطبخ
مايا اتريقت عليها بسخريه لازعه: هاتيهم يا ست احلام احطهملك في المطبخ ( بشخط) امشي شوفي شغلك
الشغاله جريت من قوه صوتها واحلام بصتلها بكره شديد
مايا : شوفي يا حوحو لازم تتعودي تعملي حاجاتك بنفسك المسكين مروان ميقدرش يتحمل مرتب شغاله عشان معذور معندهوش فلوس كتير, ووضعك الجاي هيزيد اسوء من بعد ما حطيت حدود منا مش هسيب السائب في السايب كده , لكن قوليلي يا حوحو هتعملي ايه لو سبتني الحياه الممتعه هنا , مش عايزاكي حقيقي تواجهي مشاكل بزمتك مش معايا حق
احلام : لو خلصتي كلامك سبيني امشي عندي حاجات كتير اعملها
مايا بهمس تسمعه: مفكره نفسها مين
احلام سمعت وقفت ولفت: انتي قلتي ايه تلفونك بيرن احسن لك تردي
مايا ردت: الو مين ايه سلطان
…………………….قصص منه محمد كاتب…………..
في الجنينه
مروان بفرحه: انور هيعمل حمله ترقيات لبعض الموظفين في الشركه ومحدش يعرف ده غيري معني كده انه قالي انا بس
احلام : ممكن تسأله ليه واخد جنب منك وفين مرتبك
مروان حط أيديه على كتفها : كله هيحصل هو بس مشغول جدا لان الشغل ماشي زي النار في الشركه وانا غلطان اضايقت كتير ونسيت ان انور متعود يمشي شغله بطريقة و سيستم معين , فكك بقي من الشغل وقوليلي ليه مضايقه وانا مبسوط
احلام : عشان مش بتحمل اشوفك مضايق او زعلان لما تبتسم قلبي بيبتسم معاك لان سعادتي من سعادتك وكنت قلقانه عليك يامروان
مروان باس أيديها وراسها بحنيه : تسلمي يا كل حاجه حلوه عوضني بيها ربنا طول الفتره الي فاتت وقفتي جنبي واقفه بميه راجل , حقيقي عوض ربنا طلع حلو اوي, وربنا يقدرني واقدر ارد جزء من الكتير الحلو الي حسستيني بيه و اثبت لي ان الحب الحقيقي انك تطمني جنب الي بتحبه
احلام: وانت جوزي وحبيبي ومهما حصل هفضل معاك ع الحلوه والمره وربنا يخلينا دايما مع بعض
مروان قرب منها ومسك خدها: عملتي ايه في قلبي عشان يتمناكي للدرجه دي , حبيتي عايز اقولك انا اسف ع كل حاجه حصلت مني اسف ع كل يوم زعلتك مني واسف لو قلت لك في يوم كلمه من غير قصد وجرحتك اسف اني قصرت في حقك , حقك عليا
احلام بهدوء وبصوت ناعم: وانا مش زعلانه منك ابدا , لاني مقدرش اعيش من غيرك
مروان بأبتسامة: بحبك عارفه يعني ايه بحبك
احلام بمرح: اه عارفه I love you interj
مروان ضحك بصوت عالي: ماشي لولو عايز أقضي باقي عمري معاكي مش عايزك في يوم تبعدي عني
احلام لعبت حواجبها بشقاوه: اهو ده الي مش ممكن ابدا هفضل قاعده كدا ع قلبك ومربعه
مروان ابتسم اوي وضمها لصدره : بحبك اوي يا بنوتي
لكن مش واخدين بالهم عن العيون الي بتراقبهم وكلها حقد وغيره لحد ما سمعت موبيلها بيرن
مايا: ايوه
انور : مايا اسمعي انا مضطر اتأخر الليله اتعشي متسننيش
مايا :انور انا محتاجه اتكلم معاك من شويه حـ
انور قطعها بحده: قلت اني مشغول بعدين نتكلم وقبل ما تشتكي اتصلت واظن لازم تتعودي من دلوقت وتتاقلمي مع جدول اعمالي اوكيه باي
مايا رمت الموبيل من ايدها وقررت هتتبع معاه اسلوب تاني خالص
*******قصص منه محمد كاتب*********
قاعده تفر في رسايل من سلطان ع الموبيل ومكشره ع اخيرها!!!
انور بيلبس الجرافته : مايا قومي حضري الفطار اتاخرت , انتي طردتي سناء كمان وهي كانت كويسه
مايا بتعب: معنديش جهد روح قول لاحلام تحضرهولك, هي بتعمل لمروان بالمره
انور : مروان راح الشغل واحلام راحت المدرسه , اظاهر انك نسيتي عزلتيهم عننا باي وش اروح اطلب منها
مايا بخبث :انا فاهمه كويس احلام عايزه الحريه مش سجن البيت , والشغل حجه الاول كانت طول يومها بره البيت والله اعلم بتروح فين فعلا المدرسه ولا مكان تاني , ماهو محدش بيسألها ولا بيحاسبها
انور بعصبية : هسال احلام بعدين لكن دلوقت عايز افطر
مايا ببرود : وانا قلت لك معنديش حيل, انت بتاكل طول اليوم بره افطر في الشغل ولا نسيت كلام الدكتور لازم ارتاح
انور وهو بيحاول يتمالك أعصابه ويبعد: غلطت وطلبت ومتعمليش حاجه ارتاحي
مايا: اسمع بلغت مروان انه مبقاش في مكانه القديم في الشركه
انور بضيق: هيعرف لما يوصل الشركه!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
