رواية احلام في عيون وقحه الفصل الرابع عشر 14 بقلم منة محمد
رواية احلام في عيون وقحه الجزء الرابع عشر
رواية احلام في عيون وقحه البارت الرابع عشر
رواية احلام في عيون وقحه الحلقة الرابعة عشر
ابراهيم: جيت القاهره عشان عمل وقلت اقبلك لاني شايف كان الصح تفضل في القريه فتره كمان
سلطان: شوف يا ابراهيم انا فاهم سبب مجيتك , فريال بعتتك تتجسس عليا , هي بتشك فيا ومش مصدقه كلامي , بس انا بجد تعبت , وزهقت اظن قعدت معاها شهر كامل
ابراهيم : متضايقش يا سلطان بصلها هي ربه منزل بسيطه , وقلقانه بسبب اوهامها وبعدين هي ليها مين غيرك معندهاش حتي عيل تنشغل بيه
سلطان بعصبيه: دي اراده الله ليه متقولهاش ان حياه الانسان مش لازم ياخدها 24 قراط دايما الحياه بنعيشها ناقصه وهي حظها احسن من غيرها عايشه في رفاهيه لكن مش بتحمد ربنا
ابراهيم بنفعال: سلطان اياك تجرؤ تتكلم عن اختي كلمه سيئه, اياك تنسي هي اخت واحده لسبع اخوات رجاله وجبنلها العفش ده كله في جهازها _قعد بغرور وقال_ حتي القصر ده بأسمها
سلطان: انا مكنتش اقصد كلامي يا ابراهيم كل الي عايزه تعيش سعيده وتسبني في حالي
ابراهيم: هاتها تعيش معاك سعيده هنا فين المشكله
سلطان حرك دماغه بنفي: لا يمكن تعيش هنا انا طول الوقت مش في البيت ازاي هتعيش لوحدها في القريه اهلها وناسها كلهم حواليها وانا هاجي كل فتره اطمن عليها
ابراهيم: تمام همشي( بيحط ايده ع المسند لقاه ازازه صغيره في ايده بصلها لقاها علبه مانكيراخدها وقام _ لما اجي المره الجايه نتكلم بالتفصيل
سلطان شاف وشه الي اتير وسأله: حصل ايه
ابراهيم بضيق: ولا حاجه سلام
سلطان رفع كتافه بلا مبالاه: سلام
………….قصص منه محمد كاتب……………..
صحي بدري عن ميعاده شغله بيبص ع السرير مكانها ملقهاش جنبه قلق وطلع الجنينه وفكر انه يخترع اي حاجه ويكلمها
مروان هرش في دراعه: فيه ناموس كتير هنا ليه متصلتيش بالشركه ترش مبيد حشرات
احلام بصتله وقالت: مفيش ناموس في بيتنا , اسفه قصدي اقول مفيش ناموس في بيتك
مروان بضيق: ممكن توقفي واتكلمي من غير تريقه, يله تعال فطريني هتاخر ع شغلي
احلام بصتله ونزلت دماغها في الارض وشكلها محتاجه تعيط
مروان مسك دقنها وبقلق: ايه الي حصل, فيه مشكله انا ملاحظ سكوتك من ساعه ما رجعنا من بيت خالك حزينه جدا, لو فيه حاجه ممكن تشاركيني مفيش داعي تفكري لوحدك قوليلي
احلام ؛شكرا , اقدر احل مشكلتي بنفسي , انت عملت كتير عشاني متحملني من شهور في بيتك عشان كدا بقولك شكرا
سلوي بصوت عالي: يله ياولاد الفطار هيبرد
احلام: مليش نفس يا ماما دلوقت هشرب النسكافيه
سلوي بقلق: ليه مالك انتي عيانه
احلام: لاء مش عيانه متقلقيش كده
مروان بستياء: تمام يا ماما انا اكلت هتحرك
سلوي: مستعجل ليه كده خير
مروان : ابدا عشان الحق قبل السكه ما تتزحم
سلوي :في امان الله يابني
مروان راح باس دماغها: همشي ونتقابل المساء
سلوي بأبتسامه: مع الف سلامه (شاورت للاحلام توصله
مروان لف: مفيش داعي توصليني كل يوم ممكن نشيل ما بينا الرسميات
احلام كشرت : ماما عايزه كده لو مش عجبك ارفض وانا مش هطلع وراك
مروان: ا وكيه النهارده لو مفيش مظاهرات في البلد هاجي اخدك لعمي سراج مع السلامه
احلام لمت الفطار وراجعه سمعت تلفونها بيرن ردت: الو
مايا: شكلك كده لسه في البيت بتعملي ايه لو اتأخرتي مش هتلاقي سلطان في القصر ازاي هتتكلمي معاه ولا مش مهتمه بمشكلتي
احلام: مايا اقدر اكلمه ع التلفون مش لازم ارح بيته والي هقول كلامي تلفون
مايا: ابدا هتروحي وتتكلمي الي يتقال وجها لوجه لايمكن يطلع زي الي ع التلفون استعجلي عشان يجي ياخدني من هنا والا بابا هيمرض كل ما يشوفني هنا فكري
احلام: طيب هروح
…………..قصص منه محمد كاتب…………..
سلطان رايح جاي في الغرفه قلقان من شكل ابراهيم لما اتغير
رشا: يابيه فيه ضيفه بتقول اسمها احلام
سلطان انتبه: ها
رشا كررت: فيه واحده تحت اسمها احلام
سلطان: احلام تمام قوللها تقعد تستناني انا جاي
رشا: حاضر
سلطان لنفسه: ليه احلام جايه هنا
سلطان نزلها: ليه جايه هنا؟!
احلام: السلام عليكم
سلطان اتحرج ورد: وعليكم السلام
احلام: ازاي حضرتك
سلطان: الحمد لله جايه لوحدك
احلام: عايزه اتكلم معاك في حاجه مهمه عن مايا
سلطان اقعدي سامعك
احلام قعدت وقالت: صدقني هي ملهاش اي علاقه مع جوزي واتقابله سوي بالصدفه واضطريت تركب معاه ومن حقك طبعا تفهم غلط بس مايا انجرحت كتير من سوء فهمك ومن غضبك لكن مفيش حاجه بين مروان ومايا
سلطان عارف اني انفعلت كتير لكن هي عصبتني المفروض تبقي ذكيه وتمتص الاول غضبي لكن بالعكس خلتني اثور واغضب اكتر بدل ما تقعد وتوضح سوء فهمي وبصراحه اكتر مقدرتش اتجاهل ان مروان مايا كانوا هيتجوزه
احلام :ايوه كانوا بس ده محصلش مايا رفضته وخالفت البيت كله ووقفت ضدنا عشانك انت لدرجه زعلت خالي منها ودلوقت بقت مراتك وسعيده معاك وميهماش حد غيرك صدقني بقولك الحقيقه
سلطان : صدقيني مكنتش عايز اللامر يكبر , وكنت اتمني لو مايا عاقله حقيقي مكنتش كبرت المشكله
احلام: هي عصبيه ومش بتقدر تسيطر ع نفسها وقت الغضب بس انت عاقل انهي المشكله وروح دلوقت رجعها هي مستنياك
سلطان: مشت بنفسها رغم وقفتها
احلام: وانا بعتذرلك بالنيابه عنها ارجوك سامحها
سلطان بأعجاب: مفيش لزوم للاعتذار
احلام: احنا يهمنا تعيشوا في سعاده عارف خالي تعب جدا بسبب رجوعها للبيت لدرجه قلبه تعب لو رجعتها بيتك كل الامور هتبقي بخير هناك
سلطان: تمام هرجعها اليوم , لكن لازم تكون عاقله , وحقيقي الباشمهندس محظوظ انه ارتبط ببنت طبيعتها لطيفه, وجميله, ومتواضعه زيك
احلام قامت وقفت: الف شكر استأذن انا
سلطان بكل احترام وتقدير: السواق هيوصلك
احلام بأبتسامه بسيطه: مفيش داعي سلامو عليكم
سلطان رايح معاها ناحيه الباب: مع الف سلامه
احلام طلعت عشان تركب اي تاكسي مفيش افتكرت ان مروان قالها احتمال فيه مظاهرات غلطت نفسها انها خرجت اكيد امه قلت جدا عليها طلعت موبيلها لقت مقفول فتحته بسرعه لقت مكالمات كتير فايته من مروان بسرعه اتصلت بيه: الو
مروان بغضب: ايه الداعي تخرجي من البيت في يوم زي ده تعرفي انا وماما قلقنا عليكي ازاي…..متبرريش قوليلي حالا انتي فين ابعت لي الليوكشن بسرعه……_صرخ _ ايه ليه روحتي هناك
……………قصص منه محمد كاتب………………..
فتحت الباب ودخلت لقتها بترص الشنطه بصتلها بتعجب
مايا ابتسمت وقالت: ليه بصالي كده همشي سلطان جاي ياخدني اتصل من شويه وجاي
اسيا: الحمد لله انا صليت ودعيت لك كتير ومفيش داعي ده يحصل مره تانيه سيطري ع اعصابك شويه المره دي جاي ياخدك, ياعالم المره الجايه , الراجل مش بيحب مرارآ ينحني قدام الست هي الي لازم تنحني وترخا وتلين شويه
مايا حطت كوعها ع كتف اسيا وقالت: انا عارفه همك ايه كويس
اسيا: اسمعي متكرريش غبائك تاني
مايا بضحكه مستفزه: انا سبت الغباء كل مهمتي اطلق فريال وانهي حكايتها اه بلغي بابا اني ماشيه عشان يسترد صحته (زقتها) روحي اتأخرت
……………………قصص منه محمد كاتب………………….
في العربيه
مروان بغضب: ليه لما منعتك روحتي قولتلك قبل ما اطلع من البيت ان النهارده مظاهرات والبلد مقلوبه تمشي , وممكن يحصلك حاجه انا من وقت ما امي بلغتني وانا حرفيا ع اعصابي لو عايزه تروحي قوليلي وانا اخدك لكن لاء كرامتك تتهان , وتحسي كبريائك اتخدش لما تطلبي مني حاجه , العالم كله في نظرك جميل ولطيف, الا انا اوحش واحد عندك
احلام زاد بكائها هي اتحملت نفوره منها وانه اتجوزها غصب عنه ورغم كل ده راحت تصلح غلطه فيها واتحملت كلام مايا عشان حبها لخالها وكل ده ومحدش عجبه
مروان مستغرب من بكائها : ليه بتعيطي ردي عليا روحتي ليه هناك ؟!
احلام بلعت غصتها وكتمت شهقاتها وقالت بصوت مخنوق : مايا طلبت مني اروح
مروان اتنرفز : وتسمعي كلامها وتروحي بيت واحد غريب لوحدك , افرضي مثلا الراجل ده طلع الله اعلم مش كويس ولا نيته وحشه ولا عمل فيكي حاجه او حصلت مشكله مش عارف انتي صغيره وساذجه للدرجه ولا دي جرائه منك وقلب ميت
احلام حركت راسها وصوتها مخنوق : صدقني مكنتش عايزه اروح مشوار زي ده
مروان ضغط ع الدركسيون بقهر : لكن روحتي
احلام مسحت دموعها اللي مغرقه وشها بإيديها المرتجفه : افهم روحت غصب عني
مروان اتجنن عليها اكتر : انا عايز افهم واحده عندها مشكله بينها وبين جوزها وليها كبير يحل مشاكلها لكن هي تتعدي الاصول وتغلط , يبقي احنا ملناش دعوه بمشاكل حد
احلام نزلت من العربيه ودخلت البيت بسرعه وهو فلتت منه كل اعصابه وضغط إتصال وكلمها وقال بنفعال: ابعدي عن مراتي انتي ازاي تتجرئي تبعتها هناك مفكرها ايه عبده عندك تنفذ اوامرك ابعدي عن مراتي بمشاكلك انتي سامعه
مايا ببرود : قالت لك كل حاجه تؤ تؤ متستحملش تخبي امر صغير , وبعدين متزعقش اوي كده هي راحت بسببك مش بسببي , وربما بسبب خالها كمان اصله ياحرام ضغطه ارتفع
مروان :قصدك ايه
مايا: اقصد ان سبب خناقتي مع جوزي كانت بسببك انت , والمشكله كبرت فكان واجب ع مراتك تصلخ غلطك
مروان وشه اتغير وقالها بغضب : الكلام القذر ده تقوليه واحده قذره زيك والحمد لله ان احلام مش زيك بعد النهارده لو حاولتي تدخلي مراتي في مشاكلك اعرفي اني هقفلك مراتي مش لوحدها انا معاها
احلام مسحت دموعها وانبسطت اوي انه دعمها اما هو رمى نفسه ع الكنبه وحط إيده ع راسه معقول دي كان في يوم بيحبها
…………….قصص منه محمد كاتب……….
في بيت سراج
اسيا بأبتسمه واسعه: تعال يابني اتفضل
سراج: تعال يا سلطان اقعد
سلطان قعد ورفع رجل فوق التانيه : عامل ايه دلوقت
سراج: الحمد لله حاليا بخير قومي يا اسيا هاتي الشاي
اسيا بفرحه كبيره: ده انا هحط الغداء
سلطان: لاء مفيش لزوم انا جاي اخد مايا وامشي ع طول
سراج ابتسمله: وانا مبسوط انكم اتصالحتوا انت متعرفش الموضوع ده كان قلقني ازاي اسيا اطلبي مايا
سلطان: بصراحه انا جيت بسبب احلام النهارده, جات لي ووضحت سوء فهمي وبتقولي ارجع مايا والا مكنتش هرجعها
سراج بدهشه : احلام بنتي جاتلك
سلطان: ايوه ياعمي بنت قلبها جميل النهارده عرفت معدنها الطيب حتي اعتذرت بالنيابه عن مايا , لانكم اكيد عارفين مايا مش ممكن تعتذر لحد , بس احلام بتحبك اوي كانت قلقانه عشانك اننا اتخانقنا وده اثر ع صحتك عشان كدا جات لي
سراج: انا كمان بحبها كتير قومي نادي مايا
اسيا وشها اتغير من الغيظ والقهرانه مدح احلام وقالت بضيق : حاضر
مايا طلعت مبتسمه: انا جيت
سلطان قام ولسراج: اسمحلنا
سراج: امشي يابني
سلطان : سلامو عليكم
مايا طلعت وركبت العربيه وهي حاسه انها جابته لحد عندها
سلطان بصلها: عايز اقولك كلمتين متحاوليش تكبري الامور كده مره تانيه , المره دي احلام صلحتنا ع بعض لكن لو اتكرر ده تاني
مايا بصتله وقالت : انت محتاج للسيطره مش انا لو متعصبتش كنت ليه هرجع بيتنا ومفيش داعي تكون ممتن للاحلام هي عملت كدا عشان توضح موقف جوزها مش حاجه تانيه
سلطان : هنتكلم بعدين في كده يله وصلنا انزلي
مايا نزلت ووقفته: سلطان قبل ما ندخل القصر اسمع كلامي واعتبره شرطي بمناسبه الصلح
سلطان : ايه هو
مايا بحقد : طلق فريال
سلطان : بتقولي ايه ده مش ممكن
مايا وهي بتجري وراه: طلق فريال دي متستهلكش
فريال قامت من مكانها : يطلق مين يا زبـ اله ياحـ شره انتي مين عشان تقرري استاهل الراجل ده ولا لاء, بصي لقيمتك وبعدها اتكلمي
مايا بغرور: متتكلميش عن قيمتي (حطت ايدها في دراعه وقالت_ انا بحكم قلب جوزك انا مراته متعرفيش انه اتجوزني انا مايا عليكي انتي
فريال لطمت ع خدها وصرخت: سامع يا ابراهيم
ابراهيم نازال السلم بغضب: ايه الكلام الفارغ ده الست دي بتقول الحقيقه انت اتجوزتها من غير ما نعرف خبيت علينا انت خدعتنا
سلطان بتوتر وخوف: ابراهيم كنت عايز اقولك بس ملقتش الفرصه المناسبه انا مخدعتكش تعال نتكلم جوه في اوضه المكتب
مايا بسيطره: كل الكلام هيبقي هنا قدامهم قول الي انت عايزه مفيش داعي تخاف منها والا هطردها من هنا
ابراهيم صرخ فيه : قول للوليه دي تقفل بؤها الا وديني اسحبها من شعرها لحد بره انا مش هقدر اتحمل اللاهانه والظلم لـ اختي فاهم
سلطان مسك دراعها: مايا اطلعي اوضتك هنتكلم بعدين متكبريش الموقف
مايا شدت ايدها منه وقالت: ليه خايف منهم عارفه انك عليك ضغط من الناس والعائله لكن ده مش معناها يجوا يهددونا في بيتنا
ابراهيم عيونه مبرقه فيها : بيتكم
مايا بصت له باحتقار وقالت بغرور: قول للراجل ده ميبصليش كدا شوفت كتير اوغاد زيه بيلفوا في كل مكان
سلطان صرخ فيها : مايا اسكتي , ولما تتكلمي اتكلمي بحترام وادب, ابراهيم مش بس كبير العايله , ده عمده البلد كمان لايمكن اسمح بأهانته كده اعتذري حالا
مايا: انت اتجننت في نفوخك ليه اعتذر للراجل ده عمده في بلده لكن في نظري مجرم
سلطان: احترمي نفسك
ابراهيم: سيبها دي مش متربيه ومتعرفش معني الادب ولا الاحترام والا مكنتش اتكلمت كده قدامي شوف اختي واقفه ساكته برغم عليها ظلم حالا تقرر بشأن الست دي فريال تقبلي تبقي درتك
فريال صرخت بكل حقد : ازاي تسألني السؤال ده ياخويا اقبل بدره ده مستحيل اكيد لفت ع عقله وسيطرت عليه دي لو كانت عندنا في البلد كنت خليتها تتمني المـ وت خربيت بيتي
سلطان مسك إيديهاو صرخ فيها بحده: فريال لو سمحتي اسكتي ليه بتصوتي زي الستات الجاهله
مايا بصتلها بقرف وقالت: عندك حق بس انا مش مضايقه خالص من كلام واحده جاهله
فريال دموعها مغطيه وشها: شايف يا خويا واقف يهزقني عشان الوليه دي
سلطان: الجواز تاني مش جـ ريمه رجال العايله اتجوزه اكتر من مرة , وانا مش هطلق مايا
مايا بصت لفريال بنتصار وغرور وثقه وابراهيم لف طالع ع فوق ومايا طالعه وراه سلطان وقفها وراح هو وراه
سلطان بهدوء : ابراهيم فاهم الي بتقوله بس معنديش استعداد اسيب مايا انا بجد بحبها
ابراهيم لف وبصله برفعه حاجب : وعارف النتيجه هتبقي حـ رب مش هتنتهي , وانا هطلق اختك وهي ام لخمس اطفال , والثروه هتتقسم والعلاقات هتبقي مشتته , وهتتحول لعـ داوه
مش هتخلص هل مستعد
سلطان نزل دماغه وقال: لو حبيت ممكن تلاقي حل اظن الشرع حلل للراجل اربعه, وانا هعدل بينهم ومش هظلم فريال , اتحمل مايا وانا هتحمل فريال, والا لو الخناق كبر الاوضاع هتسوء بينا
ابراهيم حرك دماغه كذا مره وقال: تمام
……………….قصص منه محمد كاتب………………
اسيا بسعاده: الشاي
سراج اتنهد برتياح: الحمد لله ان المشكله اتحلت حاولي تعقليها مترجعش بمشاكل هيكون صعب نصلح غلاطها شوفتي جوزها كان بيمدح في احلام ازاي متخيلتش انها بتحبي اوي كده تجازف وتروحله عشاني
اسيا عوجت بوزها: ايه المجازفه في كده احلام واحده من البيت وطبيعي تقلق ع اهلها
سراج البنات مش زي بعض لو كانت سألتني احلام كنت رفضت ومعرفش قالت لجوزها ولا راحت من وراه بس اكيد مقلتلهوش المسكينه
اسيا: ربنا يسعدهم احلام ومايا , ومايا مش وحشه هي بس عصبيه وعنيده شويه ده انا حسيت الارض اتحركت من تحت رجلي لما جات غضبنه
سراج : انتي قويه , والا انا اتحركت الارض من تحت رجلي, لما وقفت سلطان قدامي قبل فرحها بيومين
اسيا: انسي الي حصل وروح بيت بنتك هتبقي فرحانه وده هياثر بالايجاب ع سلطان ده جوز بنتنا
سراج : معاكي حق عجبتني طريقته اوي لما مدح في احلام , وشكله بيفهم في معادن الناس
اسيا بسعاده: الحمد لله ان فيه حاجه عجبتك ويارب يسعد بنتنا
سراج: امين علي كلا سبيني اشرب كوبايه الشاي
اسيا طبطت ع كتفه بأبتسامه وقالت : يله يا خويا اشرب الشاي وبعدها خد العلاج
…………………..قصص منه محمد كاتب………………
فريال قلعت الشوز وراحت قعدت وربعت ع الانتريه
مايا : متعرفيش تقعدي بأدب في بيت العالم نزلي رجلك تحت
فريال ضحكت بغيظ: حلوه دي , هتعلميني الادب في بيتي , ده بيتي وكل الي فيه جبته في جهازي
مايا فتحت عيونها بصدمه : انتي بتقولي ايه يا فلاحه
فريال وإيدها تلعب بخصل شعرها: مش مصدقاني اسالي سلطان , رشا هاتي القهوه دماغي صدعت بسبب رغي الحرمه دي , معرفش جات من انهي مصيبه وعماله توزع اللادب بالمجاني
مايا طلعت فوق وقعدت ع السرير وهي حاسه بالنار مشعلله جواها
سلطان خبط ودخل وبصلها: خلاص ابراهيم سمحلنا وقبل جوزنا خلاص مفيش داعي للقلق محدش هيقدر يبعدنا ابدا عن بعض
مايا قانت بنفعال ده بيت فريال
سلطان ارتبك ده قصر عايلتنا واحنا شركاه فيه
مايا القصر بأسمها واللعفش كه بتاعها ده كدب ولا حقيقه
سلطان: اه مظبوط بس ايه يهم , انتي هتعيشي فيه
مايا : مش عايزه صدقه , الست دي اهانتني كتير لما قالت لي ان ده بيتها ومش بيتي
سلطان: وده يهمك في ايه , مش معني انه مكتوب بأسمها تبقي امتكلته , الراجل فينا هو المالك الوحيد اسم فريال مجرد اجراء ع الورق وبس
مايا: وهيفضل اسمها مكتوب دايما ع الورق ليه قلتلي انك هتكتبه بأسمي
سلطان: هجبلك غيره اديني بس شويه وقت قليل لكن دلوقت الوضع صعب
مايا بقهر: مش اكتر من وضعي احلامي كلها اتبخرت القصر مش ليا مبقاش عندي بيت
سلطان مسك كتافها وباس خدها : ياحبيتي مفيش حاجه من دي اهدي وثقي فيا انا بحبك فوق ما تتصوري
مايا بأمر: قلهم يمشوا من هنا حالا, مش عايزه اشوف شكل البومه دي هنا , قولها ترجع بلدها الفلاحه تمشي من هنا
سلطان رفع راسه لفوق وقال : فريال مش هتروح اي مكان
مايا: ايه انت قلت ايه
سلطان بصلها :فريال هتعيش معنا هنا
استوب ومنتظره رايكم واحداث مولعه بين فريال ومايا اما مروان نبدء قصه حبهم بقي ونولع مايا لما مروان يهينها بكل احترام لدرجه يجبلها انهار عصبي هههههههه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
