رواية احلام في عيون وقحه الفصل الحادي والثلاثون 31 بقلم منة محمد
رواية احلام في عيون وقحه الجزء الحادي والثلاثون
رواية احلام في عيون وقحه البارت الحادي والثلاثون
رواية احلام في عيون وقحه الحلقة الحادية والثلاثون
في الطريق الصحرواي واقفين جنب العربيه
سلطان برجاء: يا مايا افهميني معندناش وقت الافضل ننهي كل حاجه وبسرعه بعد كده تقدري تطلبي الطلاق بكل سهوله
مايا بحيره: مش قادره اقرر اي حاجه , بصراحه معنديش الشجاعه , لاء مش هقدر اعمل كده
سلطان: قولي انك مش عايزه تسيبي جوزك هو انتي وقعتي في حبه ولا اية
مايا: مين يقدر يحب واحد عامل زي الاله في البيت دي قيمه حياتي معاه
سلطان: اسمعيني ياقلبي الحياه بنعشها مره واحده فلازم نعشها مع الشخص الي بيحبنا ويهتم بينا ويقدر قيمتنا وانتي جواكي انثي محتاجه احتواء اهتمام رعايه حنان مع راجل بجد يحترمك ويقدرك ويهتم بيكي ويسمعك ويملي فراغك ووحدتك ويحسسك بانوثتك ويخاف عليك وانا اهتمامي بيكي انتي وبس
مايا: انا مشوشه جدا
سلطان: ليه مشوشه قرري حياتك الجايه وفلوسي تقدر تساعدنا ونستقر في اي مكان تختاريه ونحقق كل احلامنا بكل سهوله ليه تفكري كتير _مسك ايدها) هتعيشي مع راجل بيحبك ومستعد يقدملك الدنيا تحت رجليكي وانا عارف ناس تقدر تساعدنا في ده وكله ينتهي يله حياتي لازم نتحرك دلوقت اخلقي اي عذر لـ انور بعدين
مايا مشت بعيد ووقفت تفكر وسلطان راح وقف جنبها وحط ايده ع كتفها وابتسم واخدها للعياده
الممرضه بصتلها: عارفه ان دي جـ ريمه قانونيه يعاقب عليها القانون, ورغم كده بتتعمل في كل مكان متأكده ان ده قرارك رغم غلط
مايا تأفأفت بكل ملل : مفيش داعي تعلميني القانون وترغي كتير , قوليلي لحد امتي هستني
الممرضه كشرت: هنا خدمه ع اعلي مستوي لان المبلغ كبير, الاول هتعملي تحليل وبعد كدا اكتبلك المعاد
مايا بزهق: وامتي هاخد المعاد
الممرضه: بعد يومين او تلاته تعالي اعملك الاختبار
……………………………
رنا: متسكتيش كده قولي حاجه لو فضلتي ساكته كده هتتعبي تاني طلعي الي جواكي
احلام بتنهيده طويله وعاليه : اقولك ايه معنديش كلام عشان اقوله
رنا: ليه انتهت كل مواضيع العالم, اقله اشتمي في اخويا الوقح مروان وانا مش هزعل عليه بالعكس انا هزقته كتير من تلفوني عشان يفتكر حتي لو قتـ لتيه هشهد انك بره الجريمه
احلام: هو مغلطتش لما بقعد مع نفسي وافكر بشوفه مش غلطان , لو اي راجل تاني مكانه هيعمل كده ويمكن اكتر من الي عملة , هو معذور للموقف الي اتحط فيه
رنا: طيب ايه الي حصل مين الراجل الي جه معقول مش هتقوليلي وهتخبي عني
احلام: ارجوكي قومي روحي بيتك دلوقت انا كويسه , انتي كمان محتاجه ترتاحي سهرتي كتير عشاني
رنا بقمص : مش هتقوليلي تمام بس بلاش تطرديني
كانت هتقوم زعلانه بس احلام مسكت ايدها وقعدتها جنبها
احلام بخنقه : رنا ارجوكي متزعليش مني انا ليا مين غيرك انتي وخالي لو زعلتي مني انا( عيطت بصوت عالي)
رنا ضمتها: متعيطيش هدي نفسك الدكتور منعك من التوتر والانفعال خلاص اسكتي
احلام بصتلها: بتمني لو روحي طلعت لما سألني مروان مكنتش عايزه اعيش لحظه
رنا: خلاص عشان خاطري اهدي
احلام بصوت مخنوق: ازاي اقدر اعيش من غيره يا رنا
********قصص منه محمد كاتب********
في الشركه
حامد: سمعت ان الباشمهندس مروان ساب مراته
موظف اخر: عشان كدا اليومين دول ع طول متعصب علينا
حامد: شوفت اسلوبه خايف اكلمه وبسببه المكان كله متلبش شوفت وشه
الموظف شافه وقال: اهو وصل
حماد ضحك بصوت عالي ومروان اتغاظ جدا وسألهم بعصبيه: مين الي كان بيضحك
الموظف: اهدء يا باشمهندس
مروان زقه ومسك حامد من قميصه: ليه كنت بتريق عليا مفكر هتسخر مني من وري دهري ومش هعرف
الموظف بيحاول يسلك ما بينهم : اهدي هو ايه الي حصل
مروان شد حامد اكتر: ازاي تتجرء تتكلم عن بيتي
حامد مسك ايده يبعدها عنه: سبني
مروان: اتكلم ومش هسيبك هتعملي ايه
حامد صرخ: بقولك سبني
انور خرج من مكتبه وراح شد اخوه: مروان بتعمل ايه
مروان صرخ بغضب: بيتريقوا عليا
انور حط إيده ع كتفه : تعالي معايا المكتب وانتم احترموا نفسكم خليكم في شؤنكم
مروان دخل ووقف وهو ع اخره ووشه محمر بشده
انور وهو يتكلم بعصبيه : ايه الي حصل لدرجه متحملتهوش بالشكل ده, انت تخطيت كل الحدود فهمني ده اسلوب بلطجي اكتر من مهندس ايه حكايتك
مروان: انا مغلطتش كانوا بيتريقوا كلهم بره وبيتكلموا عني في ضهري
انور بحده : محدش اتريق عليك ده وهم في عقلك انت بقيت مريض نفسي وبصراحه اكتر انت بقيت غيران من نجاحي عشان كده عايز تهدني كل يوم تخلق مشكله شكل عشان تخسر الشركه بأي طريقه
مروان إحمر وشه وعيونه مصدومه : اازي فكرت فيا كده جاتلك منين اللافكار دي انت اخويا الكبير ومش بس اخويا انا لما اتولدت مشفتش ابويا واعتبرتك مكانه ازاي فكرت كده انت وماما دنيتي وكنت واخدك قدوتي دايما وماشي وراك وانا بقول آمين
انور: ماهي دي المصيبه انك ماشي ورايا عشان كدا عايز توقعني وتتقدم عليا
مروان هز راسه وقال بقهر : اه مايا فهمتك كويس وانا الغبي
انور بقسوة: فضلت اكسب و ابعتلكم لسنين
مروان: مايا حرضتك ضدي انا غبي لما اسلوبك اتغير كان لازم افهم ان الست دي وري كل حاجه ( ميل عليه) انور فتح عنيك كيان البيت بدمره الست دي , حيانتا بقت عذاب بسبب الوقحه دي
انور ضرب سطح المكتب وقام بغضب: بس وبطل قله ادب لو نطقت كلمه تانيه عن مراتي هكسر وشك انا خاب املي فيك ( مسك دفتر الشيكات ووقع) خد نصيبك من البيت وامشي مش عايز اشوف وشك قدامي تاني وحاجه كمان مهما كانت مايا افضل الف مره من احلام
مروان بصله شويه وساب الشيك ع المكتب وعطاله ضهره والقهر والألم مشعلل جواه ومشي وانور حس انه مخنوق
…………………………..
مروان طلع البيت لم كل هدومه واخد الشنطه ونازل بيسحب فيها
مايا بفرحه وسعاده: اخيرا مروان قرر يمشي _ لفت حواليه وأبتسمت أبتسامة شيطانيه _ في يوم كان لازم يحصل ده عشان كده مش هندهش اطلاقا
مروان: مفيش داعي للدهشه قريب ربنا هيعدل الظلم الي عملتيه جايز تخدعي العالم لكن ربنا مطلع وشايف كل افعالك الي بتخرب في بيوت الناس لايمكن تعيشي مرتاحه خافي من الوقت ده واستني امتي دورك جاي
مايا صرخت وهو بتشاورله ع الباب: اخرررج
مروان داس على أسنانه بقوة وصرخ عليها زي البركان : متصرخيش
مايا بصت له باحتقار وووسعت له الطريق وهي بتشاورله ع بره بكل غرور لحد ما موبيلها
رن وجريت ع اوضتها وفتحت الخط: ايوه
سلطان: ليه طلعتي من غير ما تعملي التحليل
مايا: خايفه وقلقانه
سلطان: ليه عطايا القلق والخوف مساحه في قلبك احنا مش كنا اتفاقنا نخلص بسرعه لو استنينا يوم كمان ده مش هيبقي في صالحنا ومش هنعرف نحل المشكله وصدقيني الطفل ده عائق لينا انا معاكي مفيش داعي ابدا للخوف والقلق وانا قولت لك ده الف مره
مايا: لاول مره بخاف
سلطان: قلت لك متخافيش انا معاكي هستناكي بكره يا روحي سلام
مايا قفلت وقررت تروح تجهض ومتعرفش ان الخطوة دي هتفتح النار عليها
…………………….
سراج: يابنتي ايه لزمته تشتغلي بسرعه في البيت سيبي صحتك تتحسن
احلام: انا الحمد لله كويسه وبحس بالزهق وانا لوحدي في الاوضه وكنت بفكر ارجع المدرسه كمان يومين اخدت اجازه طويله
سراج: ليه
اسيا بلهجه مليانه حقد : ليه ايه خليها تروح افرض طردوها من الشغل وهي محتاجه لكل قرش ياعالم الايام مخبيلها ايه ولا عارفين المستقبل والمقدر والمكتوب وشايفه كده ان مروان مش راجع
سراج بغيظ: اعقلي الكلام قبل ما تقوليه عشان العك كده كتير
اسيا عقدت حواجبها : انا قلت ايه انا بتكلم عشان مصلحتها ليه بتاخد كلامي غلط انا واحده بخاف من قدر البنات ربنا يحفظ بنتي من العين الوحشه
احلام نزلت دماغها في الارض ونفسها تصرخ بعلو حسها وتقول كل حاجه
اسيا موبيلها رن: اهي جات ع السيره (ردت) الو لسه كنت في سيرتك واتصلتي بيا عامله ايه كل حاجه بخير….ايه مروان ساب البيت خلاص هتكلم معاكي بعدين
سراج عيونه زاغت في كل مكان واحلام اتجننت ونفسها تطمن ع مروان بأي طريقه وتعرف ليه ساب البيت!
……………….قصص منه محمد كاتب………………
في الشركه
حامد بخبث: ياريس الباشمهندس مروان مجاش الشغل اليوم
انور: مش جاي خلاص قدم استقالته اجتماع بكره مهم جدا ومش شايف اي استعداد بيتم ليك فين العرض الي هقدمه
حامد: الباشمهندس مروان بيجهزه ومعرفش جاهز ولا لاء
انور: الله عليك يا حامد , بجد الله انا عطيتك مكانه يعني كل المسؤليات متحوله عليك دلوقت
حامد: اسف فكرت
انور قطعه بحده: وانا هعمل ايه بتفكيرك ارد ع عميل جاي بصفقه بملايين اقوله ايه حامد لسه بيفكر
حامد:انا هحاول
انور: شكلي عطيتك اكبر من حجمك امشي من هنا ليه واقف امشي
السكرتير خبط ودخل: العرض الي هنقدمه بكره للاجتماع يا فندم جاهز الباشمهندس مروان بعته حالا
انور فتح الملف وانبسط من العرض ودخله في درج المكتب وقام يقابل العميل
………………………….قصص منه محمد كاتب…………………
في لوب الفندق
سلطان: الساعه دلوقت عشره صباحا لما تخلصي هبعتلك السواق يروحك مش عايز عربيتك تقف وحد يشوفك مش عايز نخلق مشكله جديده
مايا قاعده سرحانه في الجريمه البشـ عه الي هترتكبها بأسم الحب
سلطان: مايا مايا
مايا انتبهت: نعم
سلطان: ايه مش سمعاني
مايا: اتكلم سمعاك
سلطان: شوفي ده مش وقت تردد وتفكير في اتخاذ القرار الي خدناه سوي وبكره ولا بعده هتبقي حياتنا ملكنا مره تانيه ومش هيبقي فيه اي عائق فهماني حياتي
مايا: معرفش ومش فاهمه اي حاجه حاسه جوايا بالضعف عايزه اغمض عيني بقوه وافتحها القي كل حاجه خلصت زي ما احنا عايزين
سلطان: هيحصل كده والي بنعيشه حاليا هيبقي عامل زي الحلم المزعج قريب ينتهي واجمل حياتنا الحلوه جايه
مايا: وممكن الطفل ده يبقي جزء من حياتنا
سلطان برفض قطعي: مستحيل no way
انور في نفس الوقت دخل الفندق وراح للاستعلامات يسأل عن رقم غرفه العميل بيضرب بعينه اتفاجأ لما شاف مايا قاعده مع راجل ميعرفوش اتجمد مكانه
انور: اكسكيوزمي الاستاذ ده عميل عندي قديم بس ناسي اسمه
الموظف مبتسم: اه ده سلطان بيه زبون قديم وراجل اعمال كبير
انور تنح شويه وبعدين رد : سلطان
الموظف: ايوه ومعاه مراته السنه الي فاتت كانوا بيجوا هنا كتير لكن اتقطعوا فتره ورجعوا يتقابلوا هنا تاني بجد تثائي جميل
انور كل شئ حواليه سكن. ووقف يستوعب مشهد الخيانه اللي قدامه لحد ما حس انه حرفيا مش قادر يقف سند ع الجدار قبل ما يقع ولنفسه مستحيـل…مستحيل مايا تخونه مع طليقها…مستحيـل حس بألم حاد عاصف شق قلبه…إنسحب من المكان قبل ما تشوفه مايا و قرر يأجل المواجهه
في شقه صغيره في حي بسيط دخل مروان مع زوج اخته رنا
زوج رنا: تعال يا صاحبي دي الشقه شوفها
مروان لف بعيونه فيها: حلوه ومنظمه
زوج رنا: بس الي عملته غلط مكنش المفروض تسيب بيتك انور قلبه طيب وغضبه مؤقت
مروان: عشان كدا محاولش يتصل بيا لو مرة من ليله امبارح يسأل عامل ايه روحت فين انسي وطمني ع الشغل
زوج رنا ابتسم: ياحبيبي الشركه تتمناك تشرفها انت بس شاور ولما تحب انا تحت امرك
مروان: يعني ممكن من بكره ابدء
زوج رنا: ليه مستعجل لو عايز استريح يومين
مروان بضيق: هعمل ايه بالراحه عايز ابدء اشتغل بسرعه عشان امسك قرش واشتري شقه لحد امتي هفضل هنا في شقتك
زوج رنا: ياسلام ولا بتعمل كده عشان تجيب مراتك احلام
مروان كشر جدا: مفيش حاجه من دي
زوج رنا محبش يضغط عليه لان الموضوع حساس وقال: شوف اتفرج ع الشقه هي صغيره بس تكفيفك
مروان بمتنان: متشكر مش عارف من غيرك كنت هعمل ايه
زوج رنا بمرح : ولا حاجه كنت هتلوصي يله تعال افرجهالك كل حاجه فيها
مروان لقاه اسمها بينور ع الشاشه وقف وكلم نفسه: ازاي تتجرء تتصل عليا مش مكسوفه بعد الي حصل مش عارف عايزه ايه وانا مش عايز اتكلم معاها ولا اسمع حتي صوتها
زوج رنا بصله: فيه حاجه يامروان
مروان :لاء سلامتك _قفل الموبيل_
******قصص منه محمد كاتب*****
احلام بغيظ: قفل الموبيل معرفش هو فين زعلان مني جدا مش طايق يسمع صوتي نفسي حد يقولي هو فين مش عايزه حاجه تانيه
اسيا من بره: احلااااااام يا احلا اااااام
احلام طلعتلها: جيت يامراه خالي
اسيا: محدش يعرف عن انور حاجه من ساعات كتيره تلفونه مقفول خايفه يكون عمل حادثه
احلام: بعيد الشر يمكن مشغول ولا حاجه ولا بطاريته خلصت بتحصل
اسيا: متتكلميش كلام اهبل شغل ايه الي لدلوقت اتصلي بمروان قوليله يدور ع اخوه مايا قلقانه هناك
سراج: عشان كدا كنت مش موافق الكل يعيشوا سوي بيت العايله يعني مشاكل وقرف محصلتش المشاكل دي في حياه امهم
اسيا: وهي امهم كانت هتعيش ليوم القيامه كان مسيرها تمشي من الدنيا اتصلي بمروان وقوليله من حقه يعرف ان اخوه مش موجود
سراج طلع يتصل بمروان واحلام واقفه بصالها وساكته
اسيا بشخط: بصالي كده ليه اتصلي
احلام: لانه مش هيرد
اسيا: متخلقش عذر مش حاسه بقلق بنتي ع جوزها اه طبعا مش عايزه تشوفيها مرتاحه لو كانت فعلا اختك كنتي هتعملي البدع عشانها
احلام: مفيش حاجه من دي وربنا يعلم عملت الي فوق البدع لانها اختي وعايزه اشوفها سعيده دايما ومستعده ادفع اغلي تمن عشان كده
اسيا: اذا كان مش عايزه تتصلي وتقوليلي مستعده اعمل البدع
سراج دخل وانفعل عليها: انتي بتتعصبي عليها هي ليه تلفون مروان مقفول بحاول اكلمه من مده روحي صلي وادعي ان انور يرجع بخير , ولا وروحي اسألي بنتك شوفيهم اتخانقوا جايز يبقي ده السبب
……………………
انور وصل وش الفجر وحاطط جاكت البدله ع ايده
مايا بغيظ: كنت فين طول الليل , متتصلش بيا مره واحده عارف انا كنت قلقانه ازي
انور بصلها وماردش عليها ولف وشه عنها لانه شايف انسانه خاينه وضيعه قدامه
مايا بزعيق: متجاهلني كده ليه ماترد كنت فين طول الليل
انور بصراخ: متزعقيش عندي صداع
مايا نبره كلها سخريه: وكنت بتلف طول الليل بالصداع برافو يا انور بجد برافو
انور: الواحد لما يتعب يفكر كويس واحيانا بيتاخر يفهم الي قدامه ويعرف انه بيته مجرد مكان مش بيت والمكان الي بنروحله لكن مش بنعيش فيه
مايا بصتله بتعجب: ايه الكلام المعقد الي عمال تقوله انا مش فاهمه منك اي حاجه واضح فعلا انك عندك صداع اطلع استريح
انور: رايح المكتب هفضل هناك طول اليوم
……………………..
سراج: الحمد لله وصل بيته انا قلت من الاول انور مشغول هو شخصي مش مهمل ولا مستهتر امهم ربيتهم الاتنين احسن تربيه
اسيا مصمصت شفايفها : غريبه بعد الطريقه الي مروان ساب بيها احلام لسه بتشكر فيه انا مستغربه والله
سراج: واضح ان سوء التفاهم بين مروان ومراته زاد كتير واتمني تنطق احلام وتقولي مين هو الراجل ده ونحل الخلاف ونقفل الفجوه الي بينهم
اسيا: لو قالت كلمه هتزود الفجوه ومش بعيد مروان يتهور ويخـ نقها
سراج اتنرفز من اسلوبها : انتي بتقولي كلام ينرفز , فكري قبل ما تتكلمي انتي شايفه اخلاق احلام كده
اسيا: كان فيه راجل ليه خبت احلام, الجوازه دي مش هتكمل لما الراجل يشك في مراته مره الحياه بينهم بتبقي صعبه ولا يمكن يديها الامان
…………قصص منه محمد كاتب…………….
انور صحي وبصلها لقاها رافعه عيونها للسقف بتفكير وفي ايدها الموبيل
انور: ايه الحكايه مشتاقه لحد كتير
مايا إستغربت من كلامه : تقصد ايه
انور: اقصد اتاخرت ومحضرتيش الفطار معني كده انك بتفكري في حاجه مهمه او شخص مهم
مايا: الفطار اتحط من بدري وبرد عشان كدا طلبت يتسخن تاني
انور: سيبك شكرا انك عملت لي حاجه لكن متعمليش حاجه مره تانيه انا اتعودت اعمل كل حاجه بنفسي
مايا رفعت حاجبها : لو ضغط الشفل زاد عليك ومش قادر تتحمل مش معناه
انور قطعها قبل ما تكمل: احسن نأجل الكلام الناقص دلوقت لان انا رايح الشركه
انور بالفعل راح الشركه وعرف من سعاده الموظفين انهم كسبوا الصفقه وطبعا بفضل مروان والعرض الي كتبه سمعه بيتكلم في الموبيل راح ووقف يتسمع
حامد: قولي كله تمام مرتاح يا خويا بخطتك لما خليت المدير في جيبي مش هلاقي مشكله الاغبياء موجودين للشغل واخوك مسيطر جامد انا ذكي جدا مروان ده واحد غبي واهبل اتصلت بيه تلفونه مقفول ومش عارف الشغل ده يتعمل ازاي
انور اتصدم ورجع بسرعه ع مكتبه ووقف قصاد الشباك وقال: صدقت مايا وسمعت كلامها وبعدت اخويا عني بس هو كمان غلط لما عمل مشاكل عن قصد وخلاني طردته واحط حامد مكانه بيعمل ايه ولا حاجة قدري غريب محدش بقا معايا خسرت اخويا
…………………………..قصص منه محمد كاتب
سراج: احلام
احلام : نعم ياخالي
سراج: ليه مروحتيش المدرسه
احلام :فيه رحله قلت اخد اجازه
سراج: ماكنتي تروحي وغيرتي جو
احلام : مش عايزه حابه اقعد في البيت
سراج: خلاص استريحي ليه عملتي الاكل ده كله عندنا عزومه
اسيا دخلت : احلام خلصتي الاكل انا متاخره
احلام :ايوة خلصت حالا اجيبه
سراج بعدم فهم :متاخره ع ايه
اسيا : رايحه عند بنتي
سراج: بنتك ! انا عايز اعرف ايه الداعي انك تروحلها دلوقت كانوا قلقنين طول الليل اكيد زمانهم بيرتاحوا وانتي طول الليل صاحيه ادخلي نامي
اسيا: انا قلقانه ع بنتي لو في ايدي كنت روحتلها بالليل معرفش فيه ايه ولحد ما اطمن انا بالي مش هيرتاح
سراج : ياستي مفهاش حاجه رجال الاعمال وارد جدا يتاخروا وانا فهمتك متدخليش في امورهم ده ميصحش
اسيا : بنتي مش من الشارع عشان يقلقها بالطريقه دي وهي حامل مش هعدي الامر كدا ابدا
( وقفت الكلمه لما هاجمتها دوخه قويه وإيدها ع جبينها وكانت هتقع بس هو لحقها ومسكها )
سراج مسكها تقعد: شوفتي مش بقولك انك تعبانه بس انتي دماغك عنيده امسكي شويه ميه
احلام ماسكه شنطه : مراه خالي جهزت شنطه الاكل
سراج : مراه خالك تعبت هاخدها تكشف رجعي الاكل مكانه
احلام : حاضر
اسيا شاورت لها: لاء يا احلام استني انا طبخت الاكل لبنتي روحي ادهولها وقوللها تيجي تزورني لما تلاقي عندها وقت
احلام بضيق: ازاي بس اروح
اسيا بحده : بقولك روحي ودلها الاكل مش بقولك عيشي هناك ع طول عارفه انك هتبقي قاعده معانا هنا واقعدي شويه معاها متجيش بسرعه
سراج يهز راسه : استغفر الله العظيم روحي يابنتي مش هتسكت طول اليوم ادههولها وارجعي بسرعة وانتي اشربي الميه وادخلي نامي ولا تروحي للدكتور
اسيا: لا هنام مش عايزه دكتور وبلاش تتعصب اظن انت الي منعتني اروح
سراج: مش معني كده تبعتي احلام مفكرتيش قبل ما تبعتيها هتحس بأيه لما تروح وتتقهر
اسيا: هي بتدفع تمن غلطتها فيها ايه لو قالت الحقيقه ليه وقفت ساكته عارف عشان تنقذ الشاب الي جه يقابلها
سراج بنبرة حادة : انتي بتكدبي, انا متأكد انها بريئه , عشان كدا جالها صدمه اكيد فيه سبب اكبر و لايمكن تحسي بالوجع الي في سكوتها وبقيت اخاف من سكوتها وحاسس أن الموضوع فيه حاجه مستخبيه
اسيا بخبث: ولا مستخبيه ولا حاجه هي الي اخدت كل حاجه بتكون عادي لحد ما وصلت للي مش عادي ورجعت تعيط بالدموع والندم بس خلاص معتش ينفع الندم وانت الي ممـ وت روحك عشانها
سراج قال بصوت حاد وغاضب: قومي من هنا قومي
******قصص منه محمد كاتب******
علي الموبيل
مايا: الو
سلطان: انا بره علي اول الشارع اطلعي مستنيكي
مايا: تمام جايه
مايا طلعت تعدي من البوابه لقت الي بتنادي عليها : مايا انتي طالعه رايحه مشوار
مايا برتباك وتوتر وعيون زايغه : لاء مش رايحه
احلام عيونها بتلف في كل حته : امال ليه عيونك هناك هو فيه حد
مايا مسكت دقنها: لاء مفيش حد جيتي ليه
احلام: امك بعتتني كانت جيالك بس تعبت عشان كدا جيت انا
مايا: هنقف هنا مش ناويه تدخلي _سحبتها من ايدها_ تعالي
سلطان اتغاظ وفضل يضرب الدركسيون لما احلام عطلتهم
مايا بصتلها: ايه لزومه كل ده فهمت امي مش عايزه حاجه بس هي مش بتسمع وانتي مكنش يصح تيجي ملكيش علاقه بالبيت هنا ياتري فاهمه الي بحاول اقوله
احلام: مكنتش عايزه اصلا اجي بس امك اصرت
مايا: مروان مش هنا اكيد عرفتي واضح انه مش عايز يرتبط بأي علاقه بالييت وانور زعلان منه جدا ولو شافك هنا هيضايق اكتر
احلام بلهجة عصبيه : ليه عملتي الي عملتيه معايا وانتي عارفه اني بريئه رغم كده انا غبيه واقفه اشتكيلك وانتي سبب في خراب بيتي
مايا بكل عجرفه : وليه متكلمتيش
احلام انفعلت بحده قويه : عشان انقذ حياة خالي لو عرف الحقيقه المشينه
سمعوا صوت حاجه اتكسرت ومايا صرخت: كسروا كل شويه تتقطع ايديكم
احلام هزت دماغها بيأس من اصلاحها ولسه بتلف تمشي سمعت صوت مسدجات وري بعض
ع موبيل مايا بسرعه اخدته وفتحت اول مسدج لما لقت اسم سلطان وبيقولها( تعالي بسرعه اتأخرنا اخدت معاد من العياده والا هنضيع الفرصه من ايدينا واننا نتخلص منه
مايا نزلت مبتسمه: انتي لسه هنا فكرتك رجعتي البيت, الاغبياء كسروا طقم كاسات غالي هخصمه من مرتبهم متبصليش كده عارفه انك متعاطفه معاهم لكن الحمد لله انا مش زيك نو وي وباظ برنامجي بسببك لازم اخرج فين موبيلي ايه ده في ايدك
احلام بصلها من فوق لتحت : جاتلك مكالمه من سلطان مستنيكي بره
مايا: انتي اتكلمتي معاه
احلام: انا سمعت الي قاله الحقير كان بيتكلم بحقاره لو كان ماسك عليكي حاجه
مايا: مفيش حاجه من دي ده قررنا بل قراري وملكيش اي حق تدخلي في حياتي محدش له الحق دي حياتي انا سمعتي
احلام فضلت ساكته بدون أي تعليق ..وعاقده حواجبها بصدمة بتحاول تستوعب جبروتها
مايا بكل جبروت: ليه مصدومه ده طبيعي كل ست من حقها تخلي البيبي او تتخلص منه لو حبت ده مش امر فريد
احلام: والطفل ده ذنبه ايه يدفع فاتوره اخطائك فوقي انتي داخله ع سواد
مايا بصتلها ببرود وغرور : انا حره مش عايزه الطفل ده
احلام مسكت دراعها وبصريخ للجو: اسمعي بقي مش كل مره هيحصل الي انتي عايزه لو عملتي كده هقول عنكم كل حاجه ومش بس كده هبلغ البوليس عنك انتي وشريكك سلطان والمره دي مش ههتم بتعب خالي
احلام حدفت دراعها بقسوه وقالت وهي بتلف تطلع : وانتي حره
مايا ولعت النار في جوفها قهر ونفسها تمسك احلام وتخلص عليها قعدت ع الكرسي تفكر هتعمل ايه
اما احلام طالعه بخطوات سريعه من البيت لقته واقف قدامها
انور اندهش: احلام
احلام بتحاول تضبط أعصابها وعدلت تون صوتها وقالت: ازيك يا ابيه
انور: الحمد لله انتي كويس عامله ايه؟!
احلام: انا كمان الحمد لله كويسه, اسفه مكنش يصح اجي هنا لكن مراه خالي بعتت حاجات معايا لمايا وجيت ادهالها وهمشي دلوقت
انور: متقوليش كدة ده بيتك لو كانت ماما عايشه مكنتيش هتمشي واصلا مكنش كل ده هيحصل
احلام بدمعه حزينه : لو بقي
انور بص في عيونها الدامعه واتنهد بقهر : شكل بيتنا اخد عين وحشه الكل مش سعيد ارجعي هنا قلبي بيقولي انك بريئه
احلام بصوت مخنوق : الف شكر لكن لايمكن ارجع هنا مليش علاقه بالبيت من غير مروان
انور بعد تردد وحيره حط ايده في جيبه وسحب الشيك : خدي ده خليه معاكي
احلام: ايه ده؟
انور: نصيب مروان من ثمن بيع البيت حاولت ادهوله رفض خليه معاكي
احلام: دي مشكلتكم سوي انا ماليش اي علاقه عشان كده مش هقدر اخده عن اذنك
انور اتنهد بضيق ودخل شافها قاعده وماسكه الموبيل وشكلها متوتر
انور سمعت صوته الساخر : واضح اخدتي صدمه كبيره
مايا رفعت عيونها وبصتله شافته بصصلها بنظرات مفهمتهاش وبسؤال: تقصد ايه
انور تابع كلامه وبنفس النظره وقال: اكيد زعلتي ان احلام رجعت لكن متقلقيش مشت اتحايلت عليها تفضل لكن رفضت هو انتي كنتي خارجه
مايا خافت من نظرته : ايوه كنت بس الوقت اتأخر
انور بدون نفس: النهارده قابلت الدكتوره وقالت انك مروحتيش متابعه امبارح الاهمال في حالتك مش كويس بس انا حجزت معاد بكره وهروح معاكي ( لف وبصلها بنظره هزتها وقال) مش بس بكره كل معاد هروح معاكي
مايا قلقت لأن نظرته خوفتها ده غير اسلوبه اللي اتغير فجأه لأنه دايما عكسه معاها
………….قصص منه محمد كاتب…………….
قاعد يفر في صورهم ع الموبيل غمض عيونه وانسابت دموعه بقهر وحزن وضم التلفون لحضنه قد ايه وحشته اوي قام يعمل فنجان قهوه يحارب بيه الصداع سمع نغمة موبيله طفي البوتجاز واخد الموبيل
مروان: الو
سناء: انا سناء
مروان ضم حواجبه: سناء مين
سناء: الشغاله عندكم اسمعني يا مروان هقولك كل حاجه مايا هي السبب في موت الحجا سلوي
مروان قلبه ضرب: بتقولي ايه
سناء: كانت بتعاملها بقله ادب واخر يوم شتمتها واهانتها كتير
مروان وسع عينه بذهول: مايا بقت قذره اوي كده كلمت امي بالشكل القاسي ده
سناء: بقولك الحقيقه والله امك مامتتش من غير سبب مايا قست عليها وطولت لسانها بس الحجا سلوي كانت بتخاف منها في ايامها الاخيره كانت قلقانه عليك انت والست احلام
مروان: قلق ايه قوليلي كل حاجه قالتهالك امي
سناء: الست سلوي كانت عايزكم تمشوا انت واحلام في اقرب وقت من البيت والا مايا هتاّذيك وهددت الست سلوي كمان وقالت لها هتتهمك بفضيحه تطلعلك من البيت
مروان: تتهمني بأيه
سناء: انك لا مؤخده اتحـ رشت بيها وبكده تفرقك انت واحلام وتبعد اخوك عنك وانا خفت منها ومشيت كانت ناويه تلبسني مصيبه لو اتكلمت وقلت لحد عشان كده مقدرتش اوصلك رساله والدتك الله يرحمها وشوفت بالصدفه واحده اعرفها بتخدم في البيت الي جنبكم وعرفت منها انك انت والست احلام انفصلتوا ع فكره الست احلام اتحملت منها ابشع انواع الظلم يما جرحتها بالكلام وحرمتها انها تمد ايدها ع حاجه لكن هي اتحملت لانها بنت اصل وطيبه وبنت حلال اوعي تسمع حاجه تفرق بينكم لان الست سلوي مش هتبقي مرتاحه في قبرها صدقني
…………………………………
يوم جديد بأحداث ساخنه ونمهد لكشف الحقيقه ع الموبيل
سلطان مش بتردي ليه يا مايا
مايا : قلقانه وخايفه
سلطان : خايفه من ايه
مايا : من انور حاسه انه عارف عننا لهجته قاسيه وغريبه جدا كانه مخبي حاجه
سلطان : مفيش داعي تهتمي باسلوبه علاقتك بيه هتنتهي وجايز متسمعيش اسمه مره تانيه
مايا بتنهيدة : عندك حق واضح اني بفكر زياده عن اللزوم
سلطان: تمام نتقابل النهارده ونخلص
مايا بصوت واطي: لايمكن نعمل اي حاجه دلوقت
سلطان زعق فيها : هو انتي بتلعبي بيه ولا ايه حكايتك فهميني
مايا: لاء بس احلام عرفت كل حاجه وسمعت كلامك مقدمناش اي حل غير نستني
سلطان بنفعال : كل ده حصل بسببك انتي ضيعتي وقت كبير كان لازم تجهضي اول ما طلبت منك مكناش هنلاقي عقبات لكن شايفه
مايا اتغاظت جدا وقالت : ليه بتتهمني انت الي بعت فويس كان لازم تبقي حريص متعرفش المشكله الي وقعتني فيها بسبب احلام وقفت قدامي وقللت مني اهانتني لاول مره ومش قادره اتحمل الاهانه
سلطان: اهدي هنلاقي حل للمشكله , انا بحبك ومستعد اهد الدنيا عشانك متقلقيش انا معاكي وبالنسبه لاحلام هشوف انا ممكن أعمل معاها ايه واسكتها للابد
مايا لسه بتقفل الموبيل لقت الي فتح الباب وبصلها وهي جمدت ملامحها من الخوف
استوب ياتري هيحصل ايه ممكن يتخلصوا من احلام 🥹ولا يتخلصوا من انور 😗 ولا يتخلصوا مني انا شخصيا قبل ما اكشفهم للعلن😂😍
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
