رواية احلام في عيون وقحه الفصل الحادي والعشرون 21 بقلم منة محمد
رواية احلام في عيون وقحه الجزء الحادي والعشرون
رواية احلام في عيون وقحه البارت الحادي والعشرون
![احلام في عيون وقحه](https://camo3blog.com/wp-content/uploads/2024/07/احلام-في-عيون-وقحه-213x300.jpg)
رواية احلام في عيون وقحه الحلقة الحادية والعشرون
سلوي بهدوء: ماشين امتي يا انور يابني
انور بص في ساعته : اول مايا ما تنزل
سلوي : قومي يا احلام روحي اطمني ع خالك معاهم
احلام بأبتسامه واسعه: حاضر يا ماما ده انا نفسي اشوفه اوي
مروان : بس انجزي متتلكعيش
احلام بصتله وشهقت: حرام عليك انا بتلعك ده انا بلبس في ثواني شوف نفسك الاول
مروان رفع حاجب: انا عارف نهايه علقتنا نهايه مـ أساويه ووحشه واخرتها ننكد ع بعض
احلام: ليه هو انا نكديه
مروان بستفزاز: طبعا
احلام: طبعا ايه
مروان بتريقه : طبعا نكديه دي الصراحه ان تكون مؤمنا بعيوبك خيرا من تجاهلها وخداع الناس والمجتمع دي مقوله انا مألفها
سلوي : هو اي هري وخلاص انت الي لكعي وبتاخد وقت طويل في لبسك
انور ضحك عليه : وشهد شاهد من اهلها
مروان: شايف يا ياخويا ادي اخره حب الحماه لمراه ابنها تلاقي نفسك عايش حياه مليئه بالظلم
احلام: هتفضل تغيظني كده كتير هقلب عليك واعضك
مروان ابتسم ولعب حواجبه: انتي ست عظيمه وسأقف امام نساء العالم واقولهم اني مكتفي بيك ومكتفي بنكدك وهو كفايه عليا
احلام بغل وغيظ منه: كدا بجد كتير انا هسيبك واقوم
سلوي: ياواد بطل تضايقها
مروان: لاء هي عارفه قد ايه انا بحبها وبعشق التراب الي بتمشي عليه
مايا وهي نازله سمعت اخر جمله والنار قادت فيها وقررت تفرق ما بينهم!
………………
مايا لفت وسألتها: هو انتي رايحه معانا ولا ايه
احلام: خالي قال لي اجي معاكم
مايا بنظرات حقد: انسي كلام خالك هو عايز يخليكي في ضله, بس انتي ع الاقل فكري احنا لسه متجوزين من يومين وانا وجوزي محتاجين نقضي وقت سوي لكن مصممه تدخلي بينا
انور طالع: انا اسف اتأخرت يله نمشي
احلام وشها اتغير بقهره ولفت داخله البيت وهي متضايقه جدا !
انور وقفها: رايحه فين يا احلام
احلام نزلت راسها بإحراج : روحوا انتم افتكرت حاجه مهمه هروح بعدين
انور حرك دماغه برفض: لاء انا مش عايز اروح من غيرك
احلام: امشوا انتم اتأخرتوا
انور بأبتسامه واسعه: اوكيه لكن المرة الجايه هتروحي معانا
مايا بغيظ: انوووووور يله
احلام رجعت البيت وشكلها متضايقه
سلوي بصتلها مدهوشه : الله رجعتي ليه مروحتيش معاهم
احلام إبتسمت غصب عنها : افتكرت حاجه مهمه رنا عطتني كراسات اصححها قلت اعملها الاول مش هلاقي وقت فاضي بعد كده
سلوي: يابنتي خالك قالي ع التلفون انك وحشاه وانا وعدته انك هتروحي هيزعل لما ميلقكيش معاهم وده تصرف مش سليم قوم وصلها يا مروان
احلام: لاء هروح مره تانيه مش النهارده
سلوي: يابنتي بس خالك مستنيكي اقعدي معاه لو حتي شويه
مروان فهم ان اكيد مايا ضايقتها ورد وقال: سبيها يا ماما طالما مش عايزه مش هنجبرها واكيد فيه سبب ومش عايزه تقولنا عنه
احلام مفيش حاجه يامروان انا قلت هصحح الكراسات حتي مايا ضغطت عليا كتير وانا رفضت هتصل بخالي يا ماما
سلوي بقهر : ده الي كنت خايفه منه مايا بدئت وقاحتها بسرعه ده الي كنت متوقعاه
مروان ضم كتافها: ماما اهدي مفيش حاجه من دي هما اقارب وفاهمين بعض متتوهميش بحاجه
سلوي اقطع دراعي حرقت دمها عشان كدا مراتك رجعت بس ابدا مش هخليها تغلت ع البنت الغلبانه قوم اعمل حاجه
مروان: اعمل ايه يا ماما
سلوي: هقولك
……………..قصص منه محمد كاتب………….
في العربيه
انور وقف وبصلها بسؤال: مايا هو انتي سعيده معايا؟
مايا نظراتها لقدام ومكشره: اه ممكن تقول كده
انور ضم حواجبه: مش فاهم قصدك الشخص بيقول سعيد او لاء احيانا ببقي صعب افم مشاعر الي قدامي لكن الانسان بيعبر عن مشاعره فهل انتي سعيده
مايا بصتله: مقدرش اكون سعيده جدا بحس ان السعاده الكامله بعيدة وحتما عشان احصل عليها لازم اخد كتير ,الاشياء البسيطه الصغيره بتخالي الانسان وري وانا مش من دول
انور: عارفه الي مش بيكون سعيد في عيلتنا بنسميه ايه؟
مايا: ايه
انور: انسي لانك هتضايقي
مايا: وانا مصممه اعرف قولي بتسميهم عايلتك ايه ؟!
انور: جاحدين للنعمه ماما بتقولي ان البني ادم الي بيشتكي دائما بيبقي جاحد وناقم وده مستحيل يعيش مرتاح ابدا الانسان مننا حتما يعيش يحمد ربنا ع كل حال
مايا: هو كوني اني عايزه اتقدم واطلع ابقي جاحده ده اعتقاد متخلف لو الانسان معندوش طموح ورغبه مستحيل يتقدم في حياته احنا اتعودنا نخلط الامور بعضها
انور: وانا قولت لك الي بسمعه من الطفوله
مايا: والي بقلهولك دلوقت سمعته طول حياتي فهمت شغل العربيه
مايا وصلت هي وانور ودخلت لغرفه امها لما ابوها كانت مقابلته ليها بارده جافه ودخلت تحط ع احلام وانها محط اهتمام من الكل
اسيا :احلام بتحب تخدم الكل خليها تخدم, وعيشي انتي هانم
مايا: الشغاله تقدرتعمل كده واكتر من كده ومفيش داعي انتي كمان تفرسيني وتمدحي فيها ودن انفجرت في خلال يومين الكل بيشكر فيها لدرجه تقولي محدش له اهميه غيرها
اسيا: يابنتي اتي مراه انور يعني الفلوس والشركه وكل حاجة بيعملها عشانك يبقي مين المالك انتي عيشي سعيده مع الكل وكل الامور هتتحسن واحده واحده
مايا انفعلت بغيظ من كلامها : انا سعيده ليه الكل بيسألني نفس السؤال انا عايشه سعيده
سراج دخل وقالهم: ليه وافقين هنا انا وانور قاعدين بره , اطلعوا واهتموا بالراجل عيب كده
مايا بصتله بضيق وبسرعه خرجت لانها عارفه انه مش متقبل وجودها
اسيا بعتاب: انت زودتها ازاي تكلمها كده هي اتجوزت خلاص وكنت بنصحها تعيش سعيده
سراج: علميها الاول طريقه تعدل لبسها , امه دقه قديمه , واكيد مش عجبها, انور عايز يمشي بدري حطي الاكل
اسيا ببرطمه: لسه جاين ومستعجلين معرفش ليه جم اصلا
…………قصص منه محمد كاتب…………..
قاعدين ع صخره وقدامهم منظر البحر
مروان بصلها: ها حصل ايه
احلام: محصلش حاجه
مروان هي بتتلذذ بأهانه البني ادمين وللاسف اتعودت ع كده تبيع وتشتري في الناس وانتي عشان ملكيش اي رد فعل فالموضوع بيخلص لصالحها هي مش لصالح الي قدامها والي بتعمله معاكي غيره وحقد منك
احلام: انا مليش رد فعل عشان ظروف صحه خالي وانت عارف
مروان اتنهد بضيق: وللاسف دي نقطه ضعفك وبتلوي دراعك بيها
احلام: مروان افهم خالي عمره ما كلمني كلمه وحشه وعمره ما في مره زعلني , هو كل حاجه بالنسبه لي . هو سندي , ودهري, ودعمي
مروان رفع حاجبه : اخص عليكي وانا ايه في حياتك بقي برفان
احلام ضحكت ع شكله: انت الامان عارف يعني ايه الامان
مروان بخفه دمه: اه يعني Safety
احلام ضربته في كتفه: يخربيت رخمتك , انت بقيت رخم اوي
مروان غمزلها: والاول كنت غلس صح
احلام: مش قوي , بس مقولتليش يعني لما ماما حطتك قدام الامر الواقع وقالت لها بلاها مايا خد احلام قلت ايه
مروان: كنت بقول احنا مينفعش لبعض ولو كنتي قدامي هخبطك بحاجه تجيب اجلك
احلام ضحكت جامد: ودلوقت
مروان: دلوقت بقول لو حد اخدك مني هقطعه حتت
احلام خفق قلبها بسعاده: بتغير عليا
مروان: شور مش المزه بتاعتي , قوليلي بقي كلام يهز مشاعري
احلام: اقولك ايه اني لو لفيت الدنيا دي كلها
مروان: ايوه
احلام: رجلي هتوجعني
مروان: انتي واحده فصيله
احلام ضحكت: بهزر بهزر انا بجد لو لفيت الدنيا دي كلها مستحيل القي شخص حنون زيك
مروان انا كمان بحبك اوي ووجوك فارق معايا ومش هضيعك من ايدا ابدا وتفضلي في حياتي كده منورها
احلام: ياريت كان ليا قلبين كنت احبك بيهم
مروان : ها يا صغنن قلبي تحبي اجبلك ايس كريم
احلام قامت: احنا دخلنا ع المغرب يله نمشي زمان ماما قاعده لوحدها مستنينا
مروان قعدها مكانها: محدش مستني اطمني ماما اصرت تخرجي وانتي الي كنتي رافضه
احلام: ايوه بس الوقت اتأخر كفايه تسليه يله بينا لازم نكون في البيت قبل وصول ابيه ومايا
مروان: ليه احنا حرس الشرف بصي الجو هادي والبحر جميل وانتي كنتي عروسه جديده وانا مقصرتش في اذيتك _مسك ايدها وبصلها بعشق_ قوليلي بصراحه سامحتيني من قلبك
احلام: ايوه سامحتك يله بينا
مروان: ابدا لما اجبلك ايس كريم
احلام: حبيبي مش عايزه اتعبك معايا
مروان: تعبك راحه يانور عيني ها اجبلك نوعها ايه
احلام : هات ع ذوقك
مروان: بتحبي الفراوله
احلام اه جدا عشان انت بتحبها انا حبيتها والحاجه لما بشاركها معاك بيبقي ليه طعم تاني
مروان: تمام اجبلك واحده بتنين جنيه ونص
احلام: انت مشكله
مروان ميل عليها وقال وانتي زي القمر ونفسي اخدك في حضني دلوقت
احلام وشها فراوله: شيل الشنطه
مروان: عقبال ما اشيل ولادنا امين
……………قصص منه محمد كاتب…………………..
مايا رجعت من بره قعدت وخلعت الشوز : سناء هات لي شويه ميه
سلوي بصتلها شكلها ع اخرها: اهلك بخير ابوكي وامك كويسين
مايا ردت عليها بغيظ : مش بخير امي مستنياني من للصبح وانور صمم يرجع من اول ما وصلنا ايه الداعي يروح_ نفخت بقوه_
سلوي: متضايقيش روحي بكره والبيت مش بعيد
مايا للشغاله: قولي لاحلام تعملي فنجان قهوه
سلوي: سناء اعملي القهوه لمايا
مايا للشغاله بنظره حاده: مش انتي احلام انا بحب القهوه الي بتعملها بنفسها كتير
سلوي: احلام مش في البيت
مايا: مش في البيت راحت فين دلوقت
سلوي: خرجت مع مروان , بتشتغل في البيت طول النهار هي كمان انسانه من حقها تتنفس قومي اعملي قهوتك بنفسك
مايا شعللت كتله نـ ار رمتها بنظرات حـ اده واخدت الشوز في ايدها وقامت متنرفزه وفضلت مستنيه رجوعهم بفارغ الصبر لحد ما شافتهم داخلين وبيضحكوا ويهزروا سوي اتفرست وبقت نا.ر موجوجه
احلام شافتها: ايه ده رجعتي بدري
مروان لاحلام: انا طالع اخد شور
مايا: روحتي فين واتأخرتي كتير, ايه مكنتيش عايزه ترجعي البيت
احلام بصفو نيه :بصراحه طول منا مع مروان ببقي مش عايزه ارجع , جبته بالعافيه هو بيحب يتمشي كتير وبينسي طريق البيت
مايا بحقد مشعلله: واضح لانه فاضي طول الوقت ولا شغل ولا مسؤليه كل العبئ متحمله انور وجوزك ساب وظيفته وشكله كده ولا مهتم
احلام بضيق : مفيش حاجه من ي مروان دايما متحمل المسؤليه وكانت وظيفته كويسه وسابها لما طلب ابيه منه عشان يساعده في تاسيس شغله
مايا بسخريه: كلام وبس هو انا عاميه مش شايفه مروان طول النهار في البيت , لما اخد كل حاجه بدون جهد وتعب ايه الداعي يشتغل _وهي ماشيه_ فيه حد للوقاحه
……………………….
احلام طلعت وطلبت من مروان يرجع شغله بأي طريقه ويقسم وقته بين شغله وشغل اخوه
مروان بصلها بحده وزعق: كفايه يا احلام كم مره شرحت لك وفهمتك انا واخويا واحد وعشرين وظيفه زي دي فداء اخويا لو انا موقفتش جنبه ودعمته مين يقف الغريب
احلام صوته فزعها: مين منعك تدعمه لكن ده شغله هو وراس ماله هو افهمني
مروان: فاهمك جدا متحاوليش تخلقي حاجز بين الاخوات انتي بس الي هتخسري انا مش من الرجاله الي يسمع كلام مراته ويمشي وراه سامعه
احلام: انا مقصدتش كده افهم
مروان: خلاص ولا كلمه متتكلميش تاني ايه الجنان ده ربنا عطانا عقل
احلام خافت من صوته وبنظرات رجاء: انا عايزه انقذك من المشاكل الجايه لله حاول تفهمني صح
مروان: انا فاهم وعارف كل حاجه انتي متعرفهاش دي طريقه تخلق مشاكل في البيت ما انتي اخت مايا ضيق الافق لازم تنضح عليكي
استوب رايكم مهم جدا ع الحلقه ونقول لمروان اعقل انت الي ضيق الافق تستاهل الي يجرالك بقي يا حلو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)