رواية احلام في عيون وقحه الفصل الثامن 8 بقلم منة محمد

رواية احلام في عيون وقحه الجزء الثامن

رواية احلام في عيون وقحه البارت الثامن

رواية احلام في عيون وقحه الحلقة الثامنة

قاعده وفارده الهدوم الي فصلتها اسيا لمايا وهي رفضت تاخدها
رنا دخلت: انتي لسه مجهزتيش لدلوقت ياعروسه ورانا صبغه شعر
احلام: ايه الي حصل ليه مروان مرفضتش ازاي وافق عن الجواز مني ،هو مش بيحبني اطلاقا
رنا :وانتي فيكي ايه عشان ميحبكيش هو بس لما شاف مايا فقد عقله وقتها واتجنن شويه. بس اطمني كل حاجه هتحصل بس واحده واحده وبالتدريج
احلام بدموع: مفيش حاجه هتبقي بخير مروان بيحب مايا اكيد امه اجبرته والمسكين ضحي
رنا: انتي كمان وافقتي بسبب خالك مش عايزه يتالم والاكنتي ترفضي ومحدش يقدر يجبرك
احلام: انتي مش عارفه لما انسان يكرهك
رنا: ع فكره مروان كان بيقدرك ويعزك جدا ومايا الله يسامحها جات في النص ما بينكم
احلام: انا الي جيت بين مايا ومروان اكيد بيكرهني جدا
رنا: هو مش بيفكر كدا اطلاقا عارف ان مايا رفضته بنفسها لانها بتحب سلطان
احلام: وبالحب ده مايا اخدت اكبر سعاده ليها ومفكرتش لمره واحده مين هيتحمل نتيجه افعالها هنا
رنا: احلام متفكريش ابدا فيها الفرق كبير بينك وبينها انتي مش زيها ابدا وراي متفتكرهاش حاليا انسيها
احلام: الانانين بس هما الي بيجنوا السعاده الي بيعيشوا لنفسهم ويفكروا في نفسهم ومش مهم غيرهم ومستعدين يخطوا ع اي حد تحت رجليهم عشان يوصلوا لسعادتهم
رنا: احلام والله لتعيشي سعيده مع مروان , وبكره تشوفي بنفسك , وقريب هيعرف معدنك الطيب الاصيل ويقدر قيمتك
احلام اتنهدت بحزن: هو يستاهل الشفقه اكتر مني لما يترفض ويتجبر ع واحده غير مرغوب فيها معرفش بيفكر ازاي
رنا: ممكن تقومي نروح مشوارنا بسرعه هنتأخر خليكي مطيعه واسمعي الكلام
………..قصص منه محمد كاتب………..
في العربيه للساحل
مايا: احلام متصلتش بيا مره واحده كنت بقول هتطلب مني احضر فرحها عشنا مع بعض سنين وفي ليله فرحها نسيتني معرفش انها جاحده كده
سلطان بصلها وقال: هتعملي ايه هناك بلاش تعكري مزاجك وكل شويه تعيدي وتزيدي في نفس الموال وبعدين ده فرح عادي واحنا رايحين الساحل عرسان جداد وياريت ترسمي حتي لو ابتسامه كدابه واحمدي ربنا انك مش هتبقي هناك
مايا: بس شعور التجاهل بيوجعني اكتر ما ابقي هناك بابا واحلام اعتبروني مستحقش اكون معاهم العايله والمنطقه هيكونوا هناك وهيفرحوا بأحلام وانا
سلطان: مش عارف انتي ليه مضايقه حياتنا فوق الامور العاديه لما تقعدي في الطياره هتنسي كل القلق الي انتي ولو عايزه اتصلي انتي بيها , انا مش فارض عليكي قيود
مايا بحقد: هي متصلتش بيا ولما متفكرش ليه انا اسال عنها
………………….قصص منه محمد كاتب………………
في غرفه اسيا بعد كتب الكتاب
اسيا: انا اتهددت اليوم كتير ،كتب الكتاب كان فيه معازيم يما والفرقه طولت اوي حسيت ان الناس مش عايزين يروحوا بيوتهم وام مروان قاعده بهدوء وكئنها مش مستعجله تمشي
سراج: انا بشكر الست دي جدا بسببها حصل كل ده ولا كنا هنرد ع الناس بأيه
اسيا: وكل اقاربنا كانوا بيسالوني ليه مايا اتجوزت من غير فرح زي البنات وليه مجاتش تحضر كتب كتاب احلام
سراج :كان لازم تقوللهم ان جوزها غني جدا بس مش بيحب المظاهر والفشخره عشان كدا كنا عاجزين فعملنا جوزها ع السكت وبساطه
اسيا كشرت: بتتريق فهماك كويس
سراج ضحك: معنديش الجراه اتريق عليكي ومن بنتك لايمكن
اسيا: هو انت بتكتب ايه
سراج: دي قايمه بجهاز احلام وضروري تنزلي من النجمه بكره وتروحي تشترلها كل لوازمها
اسيا بصت في الورقه وشهقت وقالت: ازاي نقدر نشتري كل ده وبسرعه
سراج سحبها بغيظ : تقصدي ايه بتقولي كلام غريب عايزني ابعتها لبيت جوزها من غير جهاز مش هيحصل اه مش هقدر اشترلها نفس مايا لكن هجبلها ع اد امكانياتي حتي لو عملت قرض تاني حاولي تفهمي كل ده, ده قليل ومش كتير لو عملت مقارنه مع الي اخدته مايا ده جنبه قليل والحمد لله احلام عندها دهب كتير الي سابته امها مراه اخويا كانت بتحب تشتري دهب لاحلام شوفتي الحياه واقفه معاها هو ملك لاحلام دلوقت , انا مبسوط ومرتاح انها هتاخده معاها لان دي امانه ويبقي كدا حافظت عليها وانا هكتب دهبها كله في القايمه هنا , ده حقها وياعالم يمكن يحصل في الامور امور لاقدر الله يبقي حقها عند مروان محفوظ وهو ابن حلال وهيزودهولها قومي هاتيه
اسيا: هو ايه
سراج: الدهب عشان اكتبه
اسيا قامت متوتره وفضلت تشيل وتحط وتمثل انها بتدور عن مفتاح للدولاب :مش لقياه مفتاح الدولاب
سراج: انتي ست مهمله فضلت افهمك خالي بالك الدهب ميتحطش في البيت , تعالي نحطه في خزنه في البنك لكن انتي ولا بتسمعي
اسيا: دلوقت ايه ذنبي بدور وانت واقف ع دماغي اسمع انا دلوقت عندي صداع ومش قادره ادور ع المفتاح هشوفه الصبح انسي الموضوع دلوقت
سراج: الصبح تشوفيه والا هجيب واحد يكسر القفل هعمل ايه غير كده
اسيا: بقولك اطلع استريح فيه شغل كتير في البيت الصبح
سراج: لاء هكمل كتابه القايمه دي مهمه جدا نامي وانا هطلع اقعد بره
اسيا خالته طلع ودفنت المفتاح تحت مخدتها ونامت بس مرعوبه من الخوف
…………قصص منه محمد كاتب…………..
في الصباح في منزل سراج
رنا: ياعروسه هانم اتفضلي الفطار الطازه بسرعه
احلام ببتسامه: ليه عملتيه انا كنت رايحه اعمله
رنا : معقول تعملي حاجه وانا هنا, لاء يا حبيبتي العروسه متعملش حاجه في سلو عايلتنا , وماما سلوي منبه عليا جامد جدا
اسيا طلعت: رنا عايزه اتكلم مع احلام لوحدنا
رنا حطت الصنيه : حاضر
احلام: فيه حاجه حصلت يا مراه خالي خير
اسيا بتوتر وخوف : مش خير عملت اكبر غلطه , ومعرفش لو سراج عرف هيحصل ايه انقذيني
احلام: احكيلي عملتي ايه انا خفت
اسيا: لما تعرفي هتضايقي كتير, لكن لازم تنقذيني من سراج , هيتصدم صدمه كبيره صحته مش كويسه وانا خايفه لحاله قلبه تسوء
احلام: بعيد الشر عليه, قوليلي انا اعمل ايه
اسيا: هشتريلك دهب بس واحده واحده, اصل جوازتك تمت بسرعه , عشان كدا مقدرتش اعمل حاجه لكن اطمني مايا جايه هتكلم معاها واخد منها الفلوس واشتريلك دهب زيه بالظبط
احلام: انتي بتقولي ايه؟ انا مش فاهمه حاجه
اسيا: احنا بعنا دهبك كله انا ومايا بس انتي هتقولي لخالك انك هتسبيه معايا لحد ما فرحك يخلص وتبقي تاخديه ها فهمتي هتقولي ايه احلام انتي الوحيده الي تقدري توقفي الفوضي الكبيره الي هتحصل وخالك هيصدقك انا خبيت المفتاح منه وممكن ينتهي الامر بسهوله و نبقي نشوف الامر التاني بعدين
احلام بدموع: يعني عطيتها كل دهب امي مبقاش منه اي حاجه, اكيد احتفظتي ليا بأي حاجه من ريحتها
اسيا: اه فاضل تقريبا خاتم احتفظي بيه بس حلي المشكله دلوقت سراج هيقف فوق دماغي زي المصيبه انا منمتش طول الليل يله
دخلوا شافه سراج واقف بطوله وزي ما يكون مستنيهم من ملامح وشه المكهفره
اسيا: احلام عايزه تقولك حاجه انا رفضت انا اصل عارفه انك مش هتوافق بس هي اصرت تتكلم معاك بنفسها
سراج: اتكلمي عايزه تقولي ايه
احلام بكسره: خالي كنت هقول دهب امي الي متعان مع مراه خالي خاليه هنا كام يوم لاني متعودتش احتفظ بالحاجات دي قبل كده واكيد هيضيع منه حاجه وهبقي اخده بعد اسبوع كده
سراج بص لاسيا بغضب شديد وقال: انتي حفظتيها الدرس
اسيا بتوتر ملحوظ: ليه اعمل كده
سراج: ليه تعملي كده معاكي حق ليه تعملي كده , مش عارفه ليه تعملي كده ( فتح الدرج وطلع علبه وحدفها تحت رجليها وقال) عشان كدا( حدف علبه اكبر وقال) عشان كده انتي لازم تتكسفي ده الي كنتي مخبياه عني وعماله تكدبي عليا الف مره ودلوقت خليتي البريئه ضمن كدبك الي مش قادر ابص في وشها
احلام: متقولش كده مش عايزه حاجه منها ومراه خالي مغلطتش
سراج بزعيق: لاء غلت غلطه كبيره مفكرتش حتي انك بتسرقي مال اليتيم والمسكينه اليتيمه احنا امناء ع فلوسها كان لازم نحافظ لها عليها ازاي هننجا من عذاب ربنا
اسيا بقوه عين: مفيش داعي للفضيحه ياسراج , انا مش هاكل دهبها , لو متجوزتش بسرعه كنت اشترتلها غيرهم , انا عارفه الحلال والحرام انا مش كافره لكن اسمع لايمكن كنت ابعت بنتي ايدها فاضيه من البيت
صرخ سراج من الغيظ منها بتتكلم بقوه عين بانتصار ولا كأنها عملت حاجة وقال: انتي جنسك ايه , بتقولي كل ده وبجاحه مش ندمانه ع عملتك منين هتجيبي كل الفلوس دي انا لايمكن اكسبهم حتي لو مـ وت نفسي في الشغل ليل مع نهار
اسيا: عارفه ده كويس انك متقدرش تكسبه , احلام هرجعلك كل فلوسك متقلقيش
احلام ببكاء بضعف: مش عايزه حاجه ولا قرش واحد , مايا اختي ولو استفادت منه انا مبسوطه بده _مسكت ايده_ خالي انا لحد اليوم سمعت كل كلامك, النهارده اسمعني ارجوك اوعدني متقولش كلمه لمراه خالي عن الموضوع ده , ارجوك اوعدني انك تنهي الامر اليوم , ارجوك اوعدني
سراج بص لـ اسيا بنظرات حاده ومشي حرفيا مقهور واسيا طلعت بكل برود
احلام بتضرب بعينها لقت خاتم مرمي ع السرير اخدته باسته وضمتها بقوه وهي بتاخد نفس تهدي نفسها منه واخدت بعضها وطلعت!
……………قصص منه محمد كاتب…………
في الساحل واقفه تحط ميكب قدام المرايا
سلطان ضمها من وسطها: هو انا بحلم البنت الي اتمنتها دايما بقت ملكي اليوم بجد جميله جدا
مايا لفت واتعلقت في رقبته وبدلع: وايه كمان
سلطان: تعرفي لما بخرج معاكي الناس بيبصولي بعين الحسد
مايا حركت شعرها بدلال : وايه كمان
سلطان: انتي عملتي فيا معروف لما قبلتيني اكون جوزك ومستحيل انسي معروفك ابدآ
مايا: كنت اتمني لو اخدنا القرار من وقت طويل
سلطان: كنتي مفكرني طالب غلبان وحالته ع قده مصدقتنيش اني غني
مايا: انا معذوره ازاي شاب غني ويلبس عادي وبيركب عربيه اقدم موديل معرفش انك بتحب تكافح من مالك الخاص رغم والدك مليونير بس ع اي حال رجعنا لبعض وفهمنا ان الوقت مكنش حائل بينا ولا الوقت ولا اي حد تاني
سلطان لسه هيبوسها موبيله رن سابها وراح يرد وشاورلها تسكت خالص
مايا : مين
سلطان طلع بسرعه ع بره عشان صوتها عالي
مايا بعناد: سلطان’ سلللللطاااان
سلطان قفل و رجعلها وبشخط: انتي زدوتيها ليه بتنادي عليا بصوتك العالي , اكيد صوتك سمعه الطرف التاني وانا عمال اشاورلك تسكتي
مايا ربعت ايدها قدام صدرها وبرفعه حاجب : وايه يعني لو صوتي سمعه الطرف التاني ليه قلقان وخايف اوي كده عايزه افهم
سلطان: عشان لازم اقلق , محدش عرف اننا متجوزين غير قله من صحابي المقربين, ومش عايز حد يعرف ده لمصلحتنا
مايا بهدم مبالاه: ليه نخبي احنا فعلا متجوزين وسواء النهارده او بكره الكل يعرف
سلطان: يبقي نشوف وقتها لما يحصل , لكن دلوقت لازم ندفن جوازنا خصوصه عايلتي مش لازم يعرفوا مصلحتنا في الكتمان افهمي , ويله اتاخرنا
مايا : مين الي كان معاك ع التلفون
سلطان :فريال
مايا :مين دي
سلطان :مراتي
مايا وشها اتخطف وعيونها اتملوا بالدموع: عشان كدا واقف تزعقلي للدرجه مهمه
سلطان رفع راسها ومسح دموعها بحنان : مهمه بس مش اهم منك
مايا :بأمره ايه هي في النور وانا في الضلمه مش كده
سلطان مسح ع شعرها : مايا انا بتمناكي من زمان وانتي عارفه ولما اتقابلنا بعد كذا سنه مضيعتش الوقت واتجوزتك انا معاكي ليه قلقانه
مايا: ليه عشان هي اكبر حقيقه في حياتك وانت عطتها اهميه اكتر مني وبقولك مش هتحمل ده اطلاقا
سلطان: حبي الي بينا علاقه قويه اما هي علاقه هشه
مايا : علاقتنا مش قويه العلاقه الي في الضلمه وخايفين نقولها للناس علاقه بتضعف بسرعه وفريال الكل عارف انها مراتك اما انا
سلطان مسك دقنها: هيعرفوا اديني بس شويه وقت واوعدك ان فريال مش هتدخل ابدا في حياتنا علاقتي معاها اجباري ومحافظ عليها شكليا, لكن انتي حبي الوحيد الي من غيره ابقي ولا حاجه يله حبيبتي فرفشي وتعالي نتعشاء ع البحر
مايا شدته ليها: قولي الاول هي فريال عامله ازاي هي جميله ولا عاديه قولي عايزه اعرف
سلطان: صدقيني عاديه واقل من العاديه ومش استيل وبلدي جدا ارتاحي مفيش في قلبي غيرك
…………..قصص منه محمد كاتب……………..
في منزل مروان ماسكه صورته بشتياق جارف
مروان: مشتاقه لـ اخويا انور
سلوي ضمت الصوره: اوي
مروان: عارف انك بتحبيه اكتر مني, لكن متزعليش نازل اخر السنه
سلوي بصت في الصوره: ان شاء الله يجي واجوزه بسرعه ويعيش معانا هنا ومش يسيبنا تاني ويسافر
مروان : ممكن تبصيلي وتقوليلي انا طالع ايه
سلوي رفعت عيونها عليه بنبهار :ماشاء لله عريس زي القمر ربنا يحرسك من عين الحاسدين امير بالظبط
رنا قربت عليهم ببتسامه : وانا مش اميره ولا مروان بس , هو حلو بس عادي جدا ,واننا نشبه بالامير والله كتير عليه
مروان : ده كلام ام وابنها تدخي ليه انتي بت غيوره وصفراء
رنا بمرح: يظهر واخد مقلب كبير في نفسك وعيب احترمني انا اختك الكبيره واخت مراتك
كمان
وتم الفرحه ع خير وسلام ومروان مثل انه في منتهي السعاده ودخل بأحلام الي قعدت مكسوفه لكن في نفس الوقت فرحانه لكن إختفت إبتسامتها وتلاشت واتغير وشها من كلامه واسلوبه الاذع
مروان بصلها: حصل الي قولتيه في الاخر ده الي كنتي عايزه مش كده انتي عارضتي جوازي من مايا من اول يوم قلت لي ارفضها بنفسي وكان هتنتهي العلاقه في اليوم ده لكن لو متصلتش بيا مايا ووضحتلي سوء الفهم هي كانت سعيده وانا كمان لكن انتي لعبتي لعبه خبيثه حرضتيها ضدي لحد ما رفضتني
احلام صرخت فيه : بس كفايه انت لازم تتكسف من نفسك وبلاش تقول كلام قذر لدرجه مش هتقدر تواجهني مره تانيه عارفه انك اتالمت كتير , كنت بتحب مايا والي حصل معاك في متتهي السفاله , لكن ده مش معناه تتهمني اي اتهام وهقبله , انا مكنتش مهتمه سواء تتجوزها اولا لاء
مروان بصلها بغيظ : انتي مصره بقي انك بريئه بس انا صعب يخيل عليا الحركات دي ماهو السارق مش ممكن يعترف بسرقته , بس مسيري هثبت انك انتي الي نهيتي علاقتنا انا ومايا وهقول حقيقتك للدنيا كلها بسببك اتجوزت من سلطان لانها عاجزه
احلام إنقهرت من أسلوبه وبجاحته ومدت صوبعها قدامه : وانا مش هديك مبرر فكر زي ما انت عايز
مروان : عندك ايه تقوليه ها, ولا حاجه ماما ورنا بيحبوكي لانهم مشفوش وشك الحقيقي لكن انا مش مغفل اتخدع بالسرعه دي, انا اتجوزتك بس عشان خاطر امي مش عايزها تزعل في السن ده , اهتمي بكلامي وكل الكره الي بينا اياك تعرف ماما بيه مش عايزها تتالم لـ اي سبب ومتعمليش حاجه قذره عشان تاخدي شفقتها وقتها مش هرحمك انتي سامعه
إحلام اترمت ع سريرها تبكي بقوه…تبكي ضعفها وحزنها وألمها لكن قررت تبقي اقوي ويا جبل ما يهزك ريح