رواية احلام في عيون وقحه الفصل الثالث 3 بقلم منة محمد
رواية احلام في عيون وقحه الجزء الثالث
رواية احلام في عيون وقحه البارت الثالث
رواية احلام في عيون وقحه الحلقة الثالثة
مروان: ها يا ماما عجبك اختياري , انا حظي حلو لاني ارتبطت ببنت زي مايا , انا بشكر ربنا المرحله الصعبه عدت بسهوله وكل ده بفضلك
سلوي: انا منايا تطلع تربيتها واخلاقها كويسه, اصل الحلاوة مش كل حاجه , و بصراحه عجبتني احلام حبوبه وبسيطه
مروان ابتسم: مايا كمان حبوبه متتخيرش عنها , هي بنت جميله ازاي تكون اخلاقها وحشه
سلوي بتنهيده: يابني انا مقولتش وحشه بس مغروره بجمالها , فوق كدا امها دماغها بايظه مشوفتش طريقه كلامها وتصرفاتها , اكيد بوظت دماغ بنتها
مروان ضحك: يا ماما انتي بقيتي حماه من دلوقت, طب الاول خليها تيجي البيت , وواحده واحده هتتأقلم
سلوي: يابني كل الي بتمناه تأقلم نفسها زي ما تعوز انت ,لانك هتبقي مبسوط لو ريحتك , وهبقي انا كمان مرتاحه , وانت عارف طول عمري نفسي اجوزك وافرح بيك وتملي عليا البيت , اظن عارف بدئت اخاف كل ما يقرب جواز اختك , وبتخيل شكل البيت وهو فاضي عليا
مروان بحزن: كنت اتمني لو اخويا انور موجود في القاهرة , اكيد فرحتنا هتبقي مضاعفه
رنا دخلت بمرح: هاي عليكم
مروان: حلو رنا جات بدري ناكل اما امك عملت شويه سمبوسه هايله , ماما بكره اعمللنا محشي ورق عنب بقالي يما نفسي فيه
سلوي بابتسامه واسعه: من عيوني هجهز الخلطه من بالليل والفه الصبح
رنا: ما تتلم بقي يا مروان هي ماما تقدر تقعد تلفلك ورق عنب في السن ده , هو انت ع طول تطلب اكل صعب الاكل ده بياخد جهد كبير
مروان مدلها لسانه: وانتي غيرانه ليه امي لسه صغيره , ومش بحب اكل غير من ايدها لان محدش يعرف يعمل زيها حتي انتي فاشله
رنا بصت لسلوي بغيظ: سامعه يا ماما انتي دلعتيه, لما نشوف مايا هتعملك اكل طعمه ايه لما تيجي ولمعلوماتك هي مش بتمد ايدها في حاجه في بيتهم, طنط اسيا واحلام هما الي بيعملوا كل حاجه , هشوف وقتها هتطلب من مين؟!
سلوي: بتتكلمي بجد يا رنا مايا مش بتعرف تطبخ , لاء اكيد بتعرف اي حاجه
رنا: ممكن تسلق بيضه وتعمل كوبايه شاي , بس حتي ده مش متأكده انا بخمن
مروان بضيق: متصدقهاش يا ماما دي بتحرضك ضد خطيبتي من غيظها مني
رنا: لاء يا حبيبي انا بقول الحقيقه
مروان قام حدفها بخدديه الانتريه وقال بنفعال: اسكتي بقي سبيني اتجوز ع خير, انا مصدقت الموضوع تم وانتي ( بغيظ) مش هتكلم معاكي
سلوي: والله يابنتي انا ما بالعه الخطوبه دي بس وافقت عشانه هو وبس والا
رنا: والا ايه
سلوي: يعني مش عارفه البت مغروره جدا , واسلوب امها فيه عجرفه وكبر, بس الشهاده لله الاستاذ سراج محترم ومتواضع وبيفهم في الاصول , وبسببه هو كملت العلاقه, والا كان هيبقي صعب
رنا : يا ماما سلوي مايا بنت كويسه , انا قلت كده عشان اضايق مروان متقلقيش
سلوي : تعرفه عجبتني احلام لمروان , عاقله ,ومؤدبه ,ومتواضعه , وبسيطه , بس القلب وما يرد نعمل ايه
…………………………………………..
اسيا: اسمعني يا سراج بنتك مش موافقه معقول نغصبها
سراج: تبقي اتجننت في عقلها , بس الذنب مش عليها انتي كمان مذنبه, فهميها بطريقتها الغلط حياتها هتـ دمر
اسيا اتعصبت عليه: جرالك ايه, تقول اي حاجه تخطر ع بالك , بعيد الشر يحصل لبنتي حاجه وحشه , وبالمناسبه انت الي وافقت ع مروان من غير ما تاخد رآي حد, ايه الداعي تستعجل عايزه اعرف , انت حطتني في وضع مهين قدام الكل
سراج: فين الاهانه, انتي لازم تحمدي ربنا شاب كويس لمايا , والا كنت فقدت الامل , تقدري تقوليلي رفضت كام عريس لحد دلوقت
اسيا: اظن حقها
سراج: وايه حقوقنا علي ولادنا , اننا نفهمهم وننصحهم لو ضلوا الطريق, ونرجعهم للطريق الصح
اسي: بنتي ذكيه مش غبيه عارفه طريق الخير من الشر كويس
سراج: ده من سوء فهمك, لو كانت عارفه وفاهمه كانت قررت لحياتها كويس
اسيا :مستنيه لحد ما تلاقي راجل يناسبها غير كده مش هتتجوز
سراج : والله وايه هو الي يناسبها, الغني الفاحش والبيت الكبير, والسفر لبلاد الاجانب والهدايا الغاليه , والعربيات الابهه , عايزه العز احنا مش مختلفين عن باقي العالم الحمد لله الستر والرضا كل دول اهم من الحاجات التانيه , بدول احنا مش ناقصنا حاجه كل الحاجات دي كمليات للحياه مش ضروريات
اسيا بملامح مسيطره: دي قناعتك انت , لكن انا شايفه ان كل دول مهمين في كل خطوه في الحياة , ولا عجبك عيشتنا بنمشي ع القد وندبر ازاي هنكمل الشهر , وبنخاف نخش المحلات الغاليه ونشتري من الاكازيونات او الهدوم المستعمله , وبناكل العدس ع الميه كل يوم ونعمله بكذا طريقه جديده , انا استحملت وصبرت , بس مش هعيش بنتي عيشتي , ومش هسمحلك انت سامع
………………..قصص منه محمد كاتب…………………..
في غرفه مايا ع الموبيل
مايا نفخت بزهق: اخيرا قريت رسالتي
سلطان: انتي عملتي الصح انك رفضتي , لما ارجع مصر هقابل ابوكي , متقلقيش القدر جمعنا مره تانيه بعد سنين اكيد فيه سبب لكده
مايا: تعال قريب, انا قلقان جدا بابا مصمم ع رايه , ومش مدي لرفضي اي اهميه انا بجد خايفه
سلطان: انتي مش لوحدك انا معاكي , بس انا مضطر افضل في لندن عندي شويه مشاكل في الشغل احلها وانزلك , انا شلت المسؤليه بعد موت ابويا ولازم ابقي قدها
مايا: ياريت مرفضتكش زمان دي غلطتي
سلطان ابتسم: مفيش مشكله, بيقوله كل شئ في وقته
مايا: انا هقفل دلوقت خليك ع اتصل بيا , ولما اتصل ترد ع طول, لما مش بترد بقلق اوي
سلطان :عندي شغل كتير , وتلفوني بيفضل مقفول, ولما الاقي وقت هتصل بيكي, فمتقلقيش
مايا :ماشي سلام
سلطان سلام
……………قصص منه محمد كاتب……………………..
في منزل عائله سراج الساعه 9 صباحا
سراج طالع بيحط الشنطه ع كتفه: انا ماشي
احلام شافته: خالي انت رايح فين انت مفطرتش وهتمشي كدا من غير فطار حالا هرص الاكل بسرعه
سراج: مش جعان ومليش نفس اكل
احلام: ازاي يعني بلاش تعاند تعال
سراج بخنقه: هو انتي ليه عنديه وتصري من غير سبب
احلام: خالي هو انت زعلان
سراج: لاء
احلام: طيب قولي رايح فين دلوقت النهارده الجمعه اجازه من المدرسه والدروس يبقي رايح فين
سراج: لقيت شغلانه في محل بويات وهاخد مرتب كويس ورايح اقابل صاحب الشغل
احلام: ازاي هتشتغل وانت عندك مدرسه وحصص كدا هتتعب كتير انسي خالص
اسيا: احلام ليه تعطليه ميصحش نوقف حد وهو ماشي مش كدا ممكن الشغلانه تروح منه
احلام بقهر :اسفه يا مراه خالي
اسيا: طالما مرتب زياده مترفضش لاننا محتاجين فلوس للبيت نشتري الي ناقصنا ومرتبك مش مكفي حاجه
سراج بصلها قد ايه انانيه مش خايفه ع صحته اهم حاجه نفسها والفلوس وبس!!! اخد بعضه ومشي مقهور
اسيا: اسمعي يا احلام مايا مكلتش لقمه من امبارح وحالها يصعب ع الكافر بتعيط طول الليل وخالك مش عايز يفهم الشده والغصب متنفعش في المواضيع دي انا خايفه تعاند خدي الفطار لـ اوضتها
احلام سمعت الكلام وراحت المطبخ حضرت الصنيه وراحت فتحت الباب
مايا: ممكن تبطلي تزعجيني انا ع اخري خدي الاكل مش عايزه كل شويه اتخانق معاكي
احلام قعدت بهدوء: مايا معرفش ان الموضوع هيكبر كده انتي عارفه رنا شكرت في مروان كتير قلت هو ده الي انتي عايزه لكن لو مش عجبك مفيش فايده تكملي في العلاقه دي
مايا قامت بعصبيه :ما هو ده الي بقوله من مده مفيش فايده,ومش عجبني ليه بابا مش بيفهم هو واخد رفضي انه عند فقال يعند معايا ومش مستعد يسمع حاجه ملوش حق يجبرني هو مش عافيه
احلام بندم: كل ده حصل بسببي كان المفروض اسألك قبل ما يجوا اسفه بجد متزعليش مني انتي عارفه انا مش عامله كده متعمده
مايا: اسمعي مش هتجوز مروان , وعارفه بسبب قراري خالك مش هيبقي مبسوط, لكن انا مش مسؤله انتي , لانك بدئتي كل ده عاملتي عامله بايخه جدا معايا ومع خالك
احلام: بلاش تقولي كده ع الاقل , فكري مره تانيه في مروان هو شاب كويس ,ومتعلم , وموظف في شركه كبيره وكمان
مايا قطعتها: وكمان فيه راجل دخل في حياتي افضل الف مره من مروان , بالظبط نفس ما حلمت , وقريب هيطلبني من بابا ارتاحتي , حالا تروحي تنهي حكايه مروان من غير ما تدخلي خالك في النص يله روحي
احلام بصتلها بستياء لان حطتها في موقف بايخ!!!
……………قصص منه محمد كاتب………………..
في المدرسه
رنا عيونها برزت لقدام : ازاي يعني بعد ما الاتفاقات تمت , ده ماما ومروان بلغوا كل العايله عندك فكره شكلنا هيبقي عامل ازاي هنقول ايه للناس
احلام بخنقه: ايوه بس هو مش عجبها, ولو غصبناها تتجوزه ده اكبر غلط
رنا : اكيد فيه حد تاني , والا فيه بنت عاقله ترفض شاب زي مروان , عندي حق مش كده
احلام هزت دماغها بنفي: مفيش حاجه من دي , مايا مش كده , كل الحكايه انه مش عجبها واحنا علينا نحترم رغبتها
رنا مسكت دماغها بحيره وقالت: قوليلي اعمل ايه في الوضع الي حطتنا بنت عمتك فيه , عندك حل للمشكله , عقلي وقف , مروان سعيد جدا لا يمكن تتخيلي بدء يحبها كتير وبدء يستعد للجواز وبيجهز في البيت, مش عارفه اعمل ايه بجد, ازاي مفهمتش اسلوب مايا كان وحش جدا في اليوم ده , كنت اتمني خالك لاحظ ومتسرعش في الموافقه, مكناش هنلاقي صعوبه ابلغهم رفضها قوليلي اقول لـ اخويا وماما سلوي ايه؟!
احلام: قولي اي حاجه, المهم تفهمي مروان ان الرفض يجي منه , ودي مجرد خطوبه تتفركش , لو رفض المشكله كلها هتتحل
رنا: وخالك فكرتي فيه
احلام : ايوه فكرت , وعارفه انه هيزعل اوي , لكن الزعل اهون من الوجع الي هيحس بيه لما مايا هي الي ترفض وكانها كسرت كلمته , وبجد مش هيقدر يتحمل
رنا : قولي كل همك تنقذي مايا وبس وطز في مشاعر اي حد حتي خالك
احلام بتوسل ورجاء : صدقيني يا رنا ده لمصلحه الكل
رنا : تمام قابلي بنفسك مروان واشرحيله وجهه نظرك
احلام شاورت ع نفسها: انا
رنا :اه انتي هتصل بيه ونقابله بعد المدرسه نوضح له الامر ونخلص
وبالفعل خلصوا اليوم الدراسي ونزلوا في كافيه جنب المدرسه
رنا : جاي دلوقت ولما يجي اتكلمي معاه
احلام : هو جاي امتي
مروان هل ببتسامته الجميله: هالو عامله ايه انسه احلام
رنا : احلام كويسه وكانت عايزه تتكلم معاك
مروان عقد حاجبه: خير فيه حاجه مهمه
رنا قامت من مكانها: هي هتقولك, انا لازم امشي عشان ماما لوحدها
مروان سحب كرسي وقعد : بمناسبه اننا بقينا اهل وبينا نسب تقدري تطلبي اي حاجه ولازم انفذها انتي اخت مراتي
احلام نزلت دماغها لتحت بأحراج: انا مكسوفه جدا بصراحه هي مش عايزه تتجوزك وبالموقف ده تفهم ان فيه مشكله كبيره في بيتنا
مروان اتغير وشه وإنقهر: ليه بتقوليلي كده اتكلمي مع خالك ده قراره
احلام : محدش يقدر يتحدي خالي في قرار اخده , ولسوء الحظ ان هو ومايا معاندين جدا وواثقه مفيش حد فيهم هيتراجع, انت الوحيد الي يقدر يخرجنا من المشكله دي , وبجد هكون شاكره فضلك يعني لو الرفض جه من عندك , الامر كله هينتهي وع فكره لو اتجوزتها مش هتبقي مبسوط ولا هي كمان
مروان :هي الي طلبت منك تقولي كده
احلام هزت له دماغها: لاء انا بقول ده من نفسي, لاني عارفه مايا مش هتتراجع عن قرارها ,وهي رفضت بوضوح بانها مش عايزاك
مروان كان بيسمعلها حس بقلبه وقف من كلامها معقول حبه اتحول لسراب
…………….قصص منه محمد كاتب…………………
في غرفه مايا مسكت الموبيل تتصل بسلطان لكن ردت عليها واحده وقالتلها انها مراته وهو مش فاضي يرد ع حد ومتتصلش هنا تاني
في نفس اللحظه احلام دخلت تتسحب وقفلت عليهم الباب وقربت وأأعدت قدامها: انا اتكلمت مع مروان وقولتله يرفض الجوزاه, بس بجد زعلت عليه جدا كان متأثر ومضايق , لكن عملت نفس ما قولتيلي اظن دلوقت مش زعلانه مني, هيرفض وينتهي الموضوع
مايا بخبث : وايه الي خلاكي تستعجلي هو انا قولتلك تقولي كل ده لمروان
احلام بصدمه وبكل عصبيه : هو فيه ايه , هو انتي مش طلبتي اروح اتكلم معاه فهميني وضعك
مايا ببرود: قلت وغيرت رآي , وموافقه اتجوزه منفعله ليه
احلام بعصبيه: ايه الكلام الفارغ ده , هي قرارت الحياه بتتاخد كده , امبارح مكنتيش طايقة تسمعي اسم مروان ورفضتي رفض قطعي
مايا ببرود : كلامي مش قرآن , انا قعدت وفكرت وقلت بابا اخد القرار السليم , واظن وجعتي دماغي بمروان انه شاب كويس, المفروض تكوني مبسوطه اني سمعت كلامك , الاول رفضت وبعدين وافقت
احلام بحمقه وغيظ: هايل, بجد هايل, انتي مش بتغيري رايك بسهوله, انا حفظاكي كويس فيه حد تاني
مايا بصوت حاد مسحوب بتهزيئ: ملكيش اي حق تساليني كده ,افتكري يا ماما انتي عايشه في بيتنا فخليكي مؤدبه شويه
احلام شدتها من دراعها بغل وزعقت فيها: مين هو الي هيجي يكلم خالي , حالا تقوليلي مين هو الي ظهر في حياتك
مايا خبطتها بخفه علي دماغها بنظرات كلها احتقار: ده ميخصكيش , انا حره في حياتي, و انتي تعملي بس الي بطلبه منك قولي لمروان انك فهمت كلامي غلط وبس وينتهي الامر
اسيا دخلت بستفسار: حصل ايه صوتكم واصل لحد بره
مايا : كويس انك جيتي كنت جايلك( مثلت ومسكت دماغها بدلع مستفز) اه عندي صداع, احلام اعمليلي كوبايه شاي , دماغي مصدعه جامد
احلام بلعت غصتها انها بتعاملها كانها شغاله او عبده عندها وطلعت بره تبكي ع ضعفها
اسيا: مايا اوعي توافقي بسبب ابوكي شوفي متقلقيش انا معاكي بكل الاحوال مهما حصل
مايا :مفيش حاجه من دي بابا مش عدوي عشان نعمل احزاب في البيت وهريحه واتجوز مروان عشان باله يرتاح
اسيا : يابنتي ما تستني فرصه احسن جايز يجي شاب غني
مايا :لاء انا كبرت فعلا واستنيت كتير وانا بخدع نفسي كفايه لحد كده عايزه اتجوز وافتح بيت واعيش وراسي مرفوعه_ لفوق كملت بغرور_ ولون مروان ميستهلنيش , بس لازم اخليه يستهلني , وهيستاهلني وهتشوفي ده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
