رواية احلام في عيون وقحه الفصل التاسع عشر 19 بقلم منة محمد
رواية احلام في عيون وقحه الجزء التاسع عشر
رواية احلام في عيون وقحه البارت التاسع عشر
رواية احلام في عيون وقحه الحلقة التاسعة عشر
اسيا: ياه انبهرت كتير من اخو مروان
مايا بغرور: وايه المبهر في كده ما المتعلمين كتير في البلد
اسيا: ايوه لكن المتربينين والمحترم قليلين وانتي عارفه ده من اخلاق مروان ابن ناس ومحترم واثبت ده كذا مره الاحترام مش مكتوب ع الجبين بنحسه بس , وانور اخوه وامهم واحده وده كفايه يثبت انه مؤدب ومحترم
مايا نفخت بملل: خلصتي ياريت كفايه وبعدين قلتي راجعه بسرعه بس اتاخرتي متعمده
اسيا بضحكه خفيفه: اعمل ايه احلام خدتني اتفرج ع الهدايا الي جبهالهم انور, اقولك ايه بجد هدايا حلوه اوي وغاليه , وعمري ما شوفت زيها قبل كده , ومقدرتش اشوفها كلها واضح انه كسب مبالغ كبيره في السفر
مايا: الناس كلها معاها فلوس, بس المفروض اقول ان احلام لعب معاها الزهر والا هي مشفتش عز وفخامه من دي قبل كده , بس واحده تفكيرها محدود مش قادره تبعتلي اي هديه
اسيا: انور شاب كويس هيعجبك لما تقابليه
…………قصص منه محمد كاتب………….
انور قعد يكتب ع الاب توب المشروع الي انور ناوي يعمله في القاهره لدرجه سحله وهو زهق وانور دخل الحمام ومروان قفل الجهاز وقام جري وراح لحبيبته ملقهاش في غرفه نومهم فضل يدور عليها لحد ما شافها في البلكونه نايمه في المرجيحه بعد شعرها عن وشها
احلام فاقت وبصتله: عيوني غفلت وانا قاعده
مروان قعد جنبها ومبتسم: دورت عليكي في البيت كله وانتي نايمه هنا
احلام فركت عيوها: اصل انت وابيه انور قعدتوا تشتغلوا وماما نايمه وخلصت شغل البيت
مروان مسك دقنها ويبص في عيونها وهمس : طول الوقت بتشتغلي ممكن حبيبه قلبي تديني شويه وقت انا غلبان محدش مهتم بيا
احلام: احلف ده انت طول الوقت الكل بينادي عليك في البيت لدرجه بحس ان ابيه انور وماما ميقدروش يعملوا حاجه من غيرك
مروان بصلها بحب وقال: وانتي
احلام عيونها دمعت: انا اقولك ايه انت كملت حياتي الناقصه ومش عايزه غيرك انت
مروان مسح دموعها وابتسم.: هو انتي لما تزعلي تعيطي ولما تفرحي برضوه تعيطي انتي بتعملي في نفسك كده ليه
احلام: انا كده مقدرش اتغير
مروان: اوعي تتغيري خليكي كده انا قابلك بكل تفاصيلك عارفه كنت بقعد هنا اقلب في الصور بتعاتنا لما بتوحشيني ونفسي كنت اخدك احبسك في قفص
احلام ضحكت اوي: عشان كده خلتني اخد اجازه مفتوحه من المدرسه
مروان مسك ايدها بين ايده : انا اصلا مش حابب انك تشتغلي وحد غيري يشوفك انت ملكه ماينفعش تخرجي من البيت انتي الاميره بتاعتي انا , محدش يشوفك غيري
احلام : بحبك اوي
مروان خلاص اتفاقنا مفيش شغل
احلام طبعا هو انت ينفع تقول كلمه وانا ارفض كلامك يمشي عليا يا سيد الرجاله
مروان : والله بحبك يا اغلي حاجه في عمري يالولو انتي هديه من ربنا انتي نعمه في حياتي انا مش عارف كنت عايش ازاي قبل ما اشوفك انتي محليه حياتي يا سكر حياتي
احلام: طيب ارد انا بقي ع الكلام ده ازاي , كنت فين من زمان بدل العصبيه
مروان : حبي عايز اقولك ع شويه حاجات فيا عشان نبقي ع نور من الاول وبرضو تفهمي شخصيتي اكتر من البدايه
احلام : طبعا اتفضل
مروان: انا شخص عصبي جدا جدا ومش بحب حد يعصبني يعني مثلا متعمليش تصرفات تثير غيرتي وتزعلي لما اتعصب سيان بقي وكمان مش بحب تخرجي من غير ما تقوليلي
احلام : حرمت ده انت يا ساتر عصبيتك وحشه اوي يا مروان
مروان: انتي حاولي متعصبنيش, وشوفي انا هقولك كلمتين الحب مش اننا نختار شخص كامل لان مفيش شخص كامل اهم حاجه اننا نقدر نعيش مع بعض بعيوبنا ونقدر نحل مشاكلنا الحب الحقيقي اننا نواجهه العالم مع بعض وبكل عيوبنا نستحمل بعض لاننا اكيد هنزعل الحياه مش ع طول وردي
احلام : صح انا اهم حاجه عندي تحبني وتبقي حنين عليا , وتعرف تحتويني هنبقا اسعد اتنين مهما واجهنا فاهمني
مروان: كلامك حلو ودماغك عجباني اتمني نعيش حياه سعيده
احلام حطت دماغها ع كتفه :يارب
……………..قصص منه محمد كاتب………….
سلوي بنفعال: عشان كدا بقالك اسيبوع عمال تلف هنا وهناك وانا الي قولت خلاص رجع بعد سنين غربه وهيلتفت لشغله ويعيش حياته اراجع تنزعني من جدوري
انور: يا ماما فيها ايه نجرب لو معجبكيش نشوف بيت غيره
سلوي انا رافضه المبدء كله ازاي اسيب بئتي وييتي الي عشت فيه سنين شوف يا بني واضح انك قررت انك مش عايز تعيش هنا ايه فايده عجبني بقي ولا لاء اعمل الي يعجبك المهم انا مش منقوله من بيتي حتي لو كان قصر
احلام بقتراح تهدي الوضع ماما ليه منجوزش ابيه انور ويروح بيته مع مراته واحنا نفضل نا هو يبقي سعيد واحنا كمان
انور برفض لاء طبعا ايه ده يا احلام هنروح كلنا سوي والا كلنا هنفضل هنا انا عشت سنين من غيركم مستحيل ابعد تاني وواضح انكم مش عايزين تعيشوا معايا
مروان نطق بسرعه مفيش حاجه من دي يا انر احلام مكنتش تقصد هي قالت كده بسبب مامام
احلام باح ا لو اضايقت من كلامي انا بجد اسفه
انور بضيق: اتس اوكيه, تماما انهوا الموضوع, ماما مش عايزه تمشي انا هلغي الاتفاق
انور مسك الموبيل يكلم صاحب البيت ومروان شاور بسرعه لاحلام وقعدوا جنب سلوي يقنعوها
سلوي قامت: استني يا انور طالما دي سعادتك , همشي معاك , كلنا هنمشي معاك
انور باس راسها بفرحه: تسلمي يا احلي ام, ده حلمي البيت جميل جدا ودوبلكس
مروان: شكرا انك وافقتي
…………..
سلوي بتلم هدومها في الشنطه وعيونها بتنزل في دموع ازاي تسيب مكان اتربت ونشات فيه كل ذكرياتها مع زوجها الراحل هنا
احلام دخلت اخدت منها الملابس وقالت لها: ماما متزعليش وحياني ع فكره البيت جميل هيعجبك ان شاء الله
لوي ربنا يجعله مبروك عليكم انا معنديش اهم ولا اغلي منكم لكن البيت مش مهم انا ماشيه عشانكم
احلام ابيه عاش لوحده كتير ورجع بعد سنين طويله معقوله هنسيبه يعيش وحيد لكن اوعدك لو مرتحتيش هناك نجوزه ونرجع احنا بيتنا وهو يعيش مبسوط واحنا كمان يله تعالي نشرب كوبايتين شاي ونرجع نلم هدومنا
سلوي ماشي بس انا هقفل البيت زي ماهو اكيد البيت الي اشتراه فيه كل حاجه عشان لما نحب نرجع نقدر نرجع
احلام ابتسمت ايوه انا اختارت الاثاث ع ذوقي واظن انتي عارفه ذوقي
سلوي : احلام عجبني كلامك عن انور احنا لازم نجوزه شوفيله واحده بنت حلال معاكي ف يالمدرسه
احلام بصدمه: انا
سلوي هزت دماغها بأبتسامه: ايوه انتي
احلام ماشي معايا بنت محترمه مؤدبه ورنا عرفاها
سلوي خلاص لو كويسه ع بركه الله اصله طيب اوي مش عايزه بندب في واحده منعرفهاش
احلام مسكت ايدها: تمام يله نشرب الشاي ونجهز حاجاتنا
سلوي قامت معاها: يله يا بنتي
……………….قصص منه محمد كاتب………………
اسيا قاعده وراها بتسرحلها شعرها وبتعمله ضفاير وبتحكلها ع البيت الجديد
مايا بحقد وغيره : هايل احلام هتعيش في بيت دوبلكس , هو انتي بتهزري
اسيا بنفعال: واهزر ليه هي بلغت ابوكي بنفسها وبتقوله البيت تلات ادوار وواسع وجنينه وحمام سباحه وحاجه ابهه وخلاص هيعيشوا فيه وكانت فرحانه زي المجنونه
مايا قامت: والله واتحققت امنيه بابا اكيد فرحان اكتر من احلام دايما عيزها تبقي قدامي مش هسامحه ابدا
اسيا : حصلك ايه احنا كنا بنتكلم عن احلام روحتي فين هي حظها نار اخدت كل حاجه
مايا ماهو بسببكم لو مكنتش اتجوزت مروان كانت زمانها مرميه هنا عانس لحد دلوقت
اسيا : مفيش حاجه من دي اظن اتقدم لها ناس كتير ومكنوش مستوي عشان كدا ابوكي رفض
مايا اتكت ع اسنانها بغل: ياريت اتجوزت واحد منهم ع الاقل هيفضل وضعها مكانه
اسيا : يابنتي ده قسمه ونصيب , وان جيتي للحق لو متجوزتيش سلطان كان زمانك معاكي كل حاجه , بيت انور اكبر من بيت سلطان واختار العفش كله ع ذوق احلام , فرجتني البيت كله
مايا : ع ذوقها وهي دي عندها اصلا ذوق, عشان تعرف تشتري ايه وتحطه فين ده لو البيت جنه هيبقي بلدي وبيئه, مسيري اشوف بيتها اكيد هروح , ومفيش داعي تأنبيني كل شويه ببسلطان, و ابقي بلغيني وقوليلي امتي هنروح نزور احلام ونتفرج ع ذوقها البيئه ونتريق
…………..قصص منه محمد كاتب……………..
انور: ها يا ماما ايه رايك
سلوي قعدت: ماشاء الله البيت جميل ربنا يباركلنا فيه والديكور والعفش حلوين
انور : بصراحه كل ده بجهد مروان واحلام, كل حاجه من اختيارهم وحقيقي نظمته من قلبها
سلوي : احلام طيبه وبنت حلال, وذوقها يجنن شايف خلت البيت كانه قصر ملكي
مرون : اهي جات دي بتيجي اول ماماما تشكر فيها شايف يا انور زي القط
احلام ضحكت اوي: هو انتم بتتكلموا عليا
انور : كالعاده ماما بتكشر جدا فيكي, ومبسوطه جدا منك
سلوي : وانا مش بمدح من فراغ هي تستاهل كل خير , ومروان ربنا بيحبه لما اخدها وخلاها مراته
مروان: المفروض اور يبقي حظه زي حظي وبقولك ندورله ع واحده بنت حلال ويتجوزها قريب
سلوي : انا عطيت احلام المسؤليه هي تدور ع بنت شبها
احلام: بالحق يا ابيه توافق تتجوز واحده من اختياري
انور هرش وري ودنه وقال :هو ممكن تحطي الاكل اصل انا جعان , مش كدا يا مروان وبعدين نتكلم عن مشروع الجواز
مروان: تمام حطي يا احلام الاكل
احلام وهي خارجه: حالا في خلال دقيقيتين
سلوي: انور خليك في الييت معانا بكره , هعزم سراج واسيا يتفرجوا ع البيت
انور: اوكيه مش احلام ليها بنت خال تقريبا
مروان قفل وشه بضيق وسلوي كشرت وقالت : اه
…………..قصص منه محمد كاتب…………….
اسيا: الشاي
سراج بصلها: كان لازم ترفضي الناس لسه رايحين بقالهم يومين الاصول بتقول احنا نروح ع الاقل بعد اسبوع ليه نحمل احلام عبئ زايد بس
مايا بغيظ: هو الحمل هيزيد لما تعمل حساب تلات افراد ع الغداء , ده انا قلت هتكون عزومه كبيره بمناسبه البيت الجديد بس هما مش هيعملوا كده
سراج بضيق منها : ده قرارهم وحياتهم مفيش داعي تدينا رايك
اسيا : هات علبه حلويات كبيره وانت راجع من المدرسه , وهات فاكهه لاننا اول مره ندخل بيتهم جديد
مايا نبره كلها سخريه: ايه الداعي لكل ده هما مشتروش قصر , دي حيالله حتت بيت والناس عداي بتشتري ايه الجديد
سراج: دول ناس محترمه ومروان شاب زوق وبيهتم بالامور الصغيره
اسيا: معاك حق الاخين هايلين ومحترمين جد, وبالذات انور مؤهل عالي وبيتكلم لغات وغني
مايا قامت وحدفت الفنجان بغضب: ما بس بقي حطيتوا عايله احلام فوق دماغكم دايما تمجدوها كفااايه الكيل طفح
اسيا بفزع: حصلها ايه
سراج بقهر: يعني مش عارفه
…………..قصص منه محمد كاتب…………
في الجنينه
احلام: امسكي العصير
رنا اخدته وفضلت بصالها اوي والابتسامه مرسومه ع وشها
احلام ضمت حواجبها: حصلك ايه ليه متنحه فيا كده
رنا :بتأمل ابتسامتك الواسعه , اكيد مروان قالك انك جميله لما تبتسمي عشان كدا فتحاها ع البحري عندي حق
احلام: بصراحه عندك حق
رنا : ربنا يسعدك دايما قلت لك اخويا انسان جميل
احلام ببتسامه سعيده: وعرفت انه طيب وجميل وبحمد ربنا انه في حياتي محي الخوف والحزن والقلق من قاموس حياتي وخلصني من الاوهام ومبقتش بس مراته بقينا اصحاب مقربين كمان وحاسه اني اعرفه من زمان انا بجد سعيده معاه
رنا : جميل, بس قوليلي مين جايلنا النهارده
احلام: خالي ومراته ومايا
رنا كشرت : مايا ودي جايه ليه المفروض تمنعيها
احلام بصدمه :بتقولي ايه دي اختي , وعدت بمحنه صعبه
رنا بعصبيه شديده: انا ميهمنيش هي عدت بايه , بس بقولك ابعديها عن بيتك , دي حقوده مش بتتحمل سعاده حد , ولا يمكن هتطيق تشوف سعادتك انا ماشيه
احلام رايحه فين خليكي معانا
رنا : هاجي يوم تاني مش عايزه اشوف البت دي قدامي, لاني ممكن اتجنن واطردها , ووقتها انتي هتزعلي
احلام جريت وراها: يارنا استني
……………قصص منه محمد كاتب…………….
اسيا دخلت بعجاله: مايا هتلبسي لحد امتي ابوكي مستني
مايا لفتلها ورمت موبيلها بغيظ وقرف في شنطتها
اسيا بأعجاب: ماشاء الله بنتي جميله جدا, تقول للقمر قوم وانا اقعد مكانك, يارب يكون نصيبك جميل كمان
مايا : كان جميل بس عين الحاسدين حـ روقوه ودمروني
اسيا : انسي الي فات ليه تفتكري الامور القديمه, الحياه قدامك هتلاقي شاب افضل من سلطان باذن الله شهلي اتاخرنا
كلهم طلعوا بره البيت شافوه مروان نزل من العربيه اسيا بهمس لمايا: عربيه جدبده اشتراها انور من فتره
مروان سلم : السلام عليكم ازيكم يا جماعه
سراج سلم بحراره:وعليكم السلام
اسيا: ازيك يابني
مروان : الحمد لله عامله ايه يا مايا
مايا بعجرفه: انا بخير انتم بتطلعوا شويه بشويه, بيت جديد وعربيه جديده ايها لحكايه وقعتوا ع كنر علي بابا
سراج بصلها بضيق وهي بتكلم الناس بعجرفه واهانه واسيا اتوترت ليثور عليها
مروان حكم اعصابه ورد عليها وقال :ا لبيت والعربيه اشتراهم اخويا انور لكن الي سعدنا اكتر انه رجع وبقا وسطينا يله ياعمي ماما مستنياك
سراج اه يله يابني
مروان ركن العربيه ونزل وبترحاب: تعال يا عمي
انور: اهلا وسهلا
سرا صافحه: عامل ايه يابني
انور بهدوء: الحمد لله انت الي عامل ايه
سراج: الحمد لله
اسيا: دي مايا بنتي اكيد سمعت عنها
انور بنظرات اعجاب: اه احلام بتتكلم عنها وسعيد بمقابلتك
مايا بدون نفس: وانا كمان
اسيا بتوتر: هي منكنتش عايزه تيجي بس انا جبتها بالعافيه قلتلها ده بيت اختها زي بيتها مفيش داعي تتحرج لتزعلوا
سراج بصلها وكشر وقال: رآي ندخل جوه
مرون: اه تعال ياعمي
انور: اتفضلوا
سراج دخل وسلم عليهم وبسعاده: عاجبني البيت كتير ماشاء الله ربنا يجعله وش الخير عليكم دايما
سلوي: امين بصراحه من يوم ما دخلت احلام بيتنا الخير هل علينا
مروان ابتسم وقال: فعلا
سلوي: دي بركه في عيلتنا من اول ماجات وانور جه وراها وجبلنا عربيه جديده وبيت كبير
مايا إتغاظت منها وقالت بغيظ وغيره: بس مش شايفه ده بفضلها البيت والعربيه بنشتريهم بالفلوس وانور معاه فلوس واشتري كل حاجه احلام هتكون محظوظه لو اشتراهم مروان , مش انور عشان تمتلك كل ده ولا هي حيلتها ايه ولا حاجه مع المسكينه
الكل سكت وانور إنصدم وهو بصصلها وحواجبه معقوده وسراج إنقهر جدا ومسك الكرسي وحاسس ان قلبه هيقف ويقع مـ يت في الحال ومروان بصلها من فوق لتحت الود وده يقوم
يضـ ربها
مايا كملت بكل برود: حصل ايه قلت حاجه غلط
احلام حست بغضب مروان وتعب خالها بسرعه قالت: انتم ليه اخدتوه كلامها بجد هي متعوده تهزر _ سحبتها من ايدها_ قومي افرجك ع البيت
سراج بابتسامه مهزوزه : هي بتحب تهزر كده
انور وشه ارتاح نسبيا واسيا عيونها زاغت بخوف ومروان ضغط ع كف ايده
بيتمشوا في الجنينه
احلام: انور شخص طيب وحنين جدا البيت نور بعد ما رجع
مايا وقفت وبصتلها: وبقي الوضع افضل كمان, ولا مين بصدق انكم هتيجوا من بيت صغير لبيت كبير كده
احلام: فعلا
مايا: والمفروض اقول انك محظوظه جدا , اتجوزتي من واحد زي مروان , ومن حياه عاديه لحياه فايف استار بفضل انور
احلام اضايقت منها: لاء بفضل الله وجايز دعاء خالي ليا , وانا بحمد الله لانه انعم عليا كتير
مايا: ساعات بناخد حاجات مؤقته احنا الاغيبياء بنفكرها لينا ومش عارفين امتي حظنا وحش وبختنا قليل
احلام: متفكريش في المواضيع القديمه افهمي سلطان مكنش يستهلك
انور خرج وبصوت عالي : احلام مش ناويه تحطلنا الغداء الكل منتظر من وقت طويل
احلام بضحكه: حا حطه اتكلم شويه مع مايا ع ما اجهز السفره.
انور: اوكيه
اما احلام دخلت المطبخ وبدئت هي والبنت الشغاله يجهزوا الاكل
مروان دخلها: احلام
احلام بصتله: نعم
مروان مسك دراعها وسحبها بعيد وقال : تعالي ع جنب, انا عايز افهم ليه عطيتي مايا اهميه كبيره دي قليله الادب مين هي عشان تهينك بالشكل ده , والله العظيم انا مسكت نفسي بالعافيه والا كنت مسحت بيها البلاط
احلام: اهدء يامروان كويس انك مسكت نفسك هي ضيفه
مروان بغيظ مكتوم : اظن دي تستاهل المعامله بالمثل
احلام : معقول تهين الضيف حتي لو هي عملت كده , افرض ولو خالي تعب واليوم يتنكد
مروان مسح وشه بغضب : انا سكت عشان خالك بس وقاحتها بتزيد وانا مبقتش مستحمل
احلام بهدوء: هي مريضه نفسيه اعذرها بقت حاده وقاسيه وانا بشفق عليها
مرون: اهانه غيرها بسبب حقدها , دي واحده معندهاش انسانيه ولا متربيه بجد مش عايز اناقش اخلاقها معاكي لكن بحذرك ابعدي عنها حسدها وغيرتها وقله ادبها بتزيد سفاله وواقحه
………
انور: انا بتكلم من فتره وانتي ساكته مش بتحبي تتكلمي كتير
مايا قالت بغرور: انا طبيعتي صعب اخد ع حد غريب بسرعه , مش ببقي عارفه المفروض اقول ايه
انور ببتسامه: غريب اظن اتعرفنا من وقت قصير عشان كدا مبقتش غريب لو اتكلمتي معايا شويه الشعور ده هيختفي
مايا : تمام قولي اقول ايه
انور ابتسم : كلميني عن نفسك ايه الي بيعجبك وايه لاء , جايز اختيارتنا تطلع واحده , او مختلفه
مايا رفعت راسها بغرور وثقه: كل شخص مختلف عن التاني , وانا مختلفه تماما , وحاجات بسيطه بتعجبني وحاجات كتيره بتفضل ع طول متعجبنيش ومن ضمنها ناس كتير
انور : ياتري ده انا كمان في قايمه عدم اعجابك
مايا رفعت كتافها: لحد دلوقت لسه
انور حك حاجبه بصوبع ايده وبص لها: الحمد لله ده انا خفت
احلام : الاكل اتحط يله تعالوا الكل مستنيكم
انور: اه يله جاين
…………..قصص منه محمد كاتب………….
بعد واجب الضيافه الراجاله راحت تصلي المغروب والبنات طلعوا الجنينه
اسيا بخبث: مش ان الاوان تجوزي انور مروان اسم الله اصغر منه واتجوز رغم الاصول هو الاول
سلوي: دي قسمه ونصيب لو انور كان هنا جايز كان اتجوز قبله بس طالما رجع هجوزه
اسيا: فيه واحده حاطه عينك عليها ولا هو عارف واحده وبيحبها
سلوي:لاء انا عطيت المسؤليه دي لاحلام تشوف له واحده بنت حلال ومؤدبه عشان البيت يعيش في راحه وسلام اصل هيبقوا سلايف لازم يحبه بعض هما جدار البيت والي زي احلام دول نادرين
اسيا: عندك حق
سلوي قامت: عن اذنك اروح اصلي المغرب
اسيا استغلت الفرصه وراحت تدور ع احلام لقتها في الجنينه شدتها وكلمتها عن مايا تبقي زوجه انور
احلام برتباك: انا صعب اتكلم عن مايا ازاي اطلب منه امر زي ده الوضع بجد مخجل وغريب
اسيا: اظن احنا جوزناكي مروان بدل مايا مكنش امر مخجل وغريب وبعدين فيها ايه , ايه الي ناقص بنتي جميله وذكيه اتكلمي وانا متأكده ان انور هيوافق فورا
احلام: كلام ماما هو الاهم هنا لازم كل حاجه تم بموافتها اولا
اسيا: عشان كدا بقولك هي بتحبك ومش هترفض كلامك وهتوافق
احلام: يا مراه خالي ده جواز لازم يختارها هو بنفسه
اسيا: زي ما مروان اختارك مش كدا اسمعي يا احلام مايا مش هتلاقي انسب من انور وانتي تقدري تجوزيهاله لما مايا تتجوز هتتعدل وخالك قلقه كله هيروح وصحته هتتحسن
احلام بصالها ونفسها تصرخ وتقولها مايا هتحول البيت لـ دمار وخالها جايز يتحسن لكن سلوي هي الي هتتقـ هر ويمكن تنـ جلط
اسيا بشخط : فيه ايه ليه ساكته مش عايزه مايا تيجي هنا
احلام بلعت ريقها: لاء ليه هعوز كده
اسيا برجاء: خلاص اتكلمي مع انور وهستني بكره ردك
………….قصص منه محمد كاتب……………
احلام فتحت الستاير: مروان قوم يله اتأخرت جدا ع الشغل هو انت مش رايح ولا ايه؟
مروان: اه لان انا سبت الشغل
احلام إنصدمت ووشها بهت : ايه
مروان اتعدل: ايوه بصالي كده ليه
احلام: سيبت الشغل وليه مقولتليش
مروان: واهو قولت لك واظن كنا بنتكلم بقالنا كذا يوم اني هروح عند انور في شركته
احلام: ايوه بس كنت فضلت في وظيفتك
مروان: تقصدي ايه ارفض شغل اخويا ومقفش جنبه واسيبه لوحده
احلام شافت عيونه الحاده بص لها بغيظ وعصبيه قالت: انا مقلتش كده لكن كنت خليك في وظيفتك واخدت اجازه شهرين من غير مرتب
مروان: تقصدي اني مش اثق في اخويا فأركن وظيفتي ع جنب امان واسيبه لوحده وارجع شغلي ده قصدك
احلام: مقلتش كده برضه معنديش اي مشكله تشتغل مع ابيه انور انا
مروان قاطعها بنرفزه : لما سكتي للوقاحه قليله الربابيه الي بتسميها اختك, عشان كدا لما تيجي تتكلمي عن اخويا تفكري
احلام حست بالخوف والإرتباك : مقلتش كده بس فيه موضوع تاني
مروان: موضوع تاني بجد قولهولي عايز اعرفه
احلام: بقول موضوع عن مايا
مروان: مايا ايه الي جابها في الكلام
احلام: مراه خالي عايزه ابيه انور يتجوزها
مروان بصلها: هي مراه خالك دي غابت منها مين يتجوز مين
احلام إنتفضت من عصبيته وصوته وقالت بخوف: هي طلبت مني اكلمه والفت نظره لمايا
مروان بغيظ : وانتي كالعاده وافقتي مش كده
احلام: يامروان افهمني ارجوك
مروان بغضب وصرامه: انا لا عايز افهم ولا حتي اسمع
سلوي خبطت ودخلت: فيه ايه ياولاد صوتكم واصل للشارع
مروان: اسمعي وشوفي الهانم مراتي بتطلب ايه لمايا
سلوي بتعجب: مايا مالها عايزه ايه
مروان بسخريه: قال ايه مراه خالها عايزه اخويا انور يتجوز بنتها
احلام: ارجوك وطي حسك
مروان: بالذمه بعد كلامك عايزني اعمل ايه
سلوي بغضب: ايه الكلام ده يا احلام هو القرارت دي بتتاخد كده فجأه
احلام: حضرتك قررتي بخصوص مروان فورا ومسألتيش مروان عن رآيه
سلوي: عشان اختارتك بقلبي واعرفك منا لما كنتي في المدرسه مع بنتي
مروان: احلام كفايه بجد مش عايزك تقولي كلمه عدله في حق الوقحه دي الي لا تصلح زوجه ولا هتعرف تتأقلم معانا ابدا دي مختلفه عننا تماما
احلام: ايوه مش هتتأقلم معانا لكن ممكن تتأقلم مع ابيه انور
انور دخل ووزع نظراته عليهم: خير فيه ايه, واضح انكم بتتناقشوا عن امر خاص يله شاركوني
الكل سكت وهو تابع: هتقولولي ولا هتسبوني اطرش في الزفه
سلوي بضيق: احلام عايزه تجوزك مايا
قاطع كلامهم تلفون احلام الي رن وحد بيلبغها ان خالها دخل المستشفي وحالته خطيره
………….قصص منه محمد كاتب………..
في بيت سراج
اسيا: لاء ملوش لزوم كل شئ قسمه ونصيب
مايا طالعه من غرفتها: بتكلمي مين ع الصبح
اسيا: ابدا جارتنا كانت جيبالك عريس بس انا رفضت قلت ملوش داعي
مايا قعدت وحطت رجل ع التانيه بغرور: عملتي الصح انا عمري ما هاخد واحد جواز صالونات مش بحب الطريقه دي ابدا انا مش عارفه ازاي فيه بنت تحب الاهانه الكبيره دي واحد يقعد يشوفها وياتعجبه يا لاء
اسيا: وانتي بسم الله ماشاء الله جميله يجيلك واحد لحد عندك
مايا اتأففت بضيق: اه بس مش هيبقي زي احلام تاخد كل حاجه بسهوله شوفتي الكل كان بيمدحوها ازاي اتحملت بالعافيه اوف كأن مفيش غيرها محور الكون
اسيا: متتعصبيش كتير هي مش وحشه وانا متأكده انها مش عايزلك الشر
مايا بسخريه: هي اصلا متقدرش تعملي حاجه وحشه دي تقدر تعمل ايه حياتها استقرت بصعوبه
اسيا: ممكن تغيري تفكيرك واسلوبك , انتي محتاجه عقل في حياتك الجايه, شوفتي انور شاب كويس ومميزاته هايله متعلم ومثقف وغني كمان واقوي من مروان بكتير مفيش داعي تتصرفي بغباء تاني قلت لاحلام تلمحله عنك
مايا: عملتي ايه
اسيا: اه منا مش هضيعه من ايدك ( حط الموبيل ع ودنها) لما اتصل اسالها
مايا شدت منها الموبيل بحقد: متتصليش بيها سامعه
اسيا: يابنتي سبيني اعرف نيته واعرف رد اهله وقالولها ايه
مايا: قلت لك متتصليش بيها هحس بالاهانه مفيش ادعي تتسرعي
اسيا :ده انا لازم استعجل ليطير لواحده تانيه يابنتي لو اتقدم لغيرك هتخطفه هواء
اثناء كلامه الموبيل رن في ايد مايا واسيا خطفته زي المجنونه: احلام مستنياكي من الصبح قوليله كلمتيهم وقالولك ايه عن مايا…ايه بتقولي ايه سراج في المستشفي
مايا اتفزعت وخطفت الموبيل: الو شكلها قفلت السكه
اسيا حطت ايدها ع قلبها: ابوكي دخل المستشفي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
