رواية احلام المراهقه الفصل الثاني 2 بقلم هي جنته
رواية احلام المراهقه الجزء الثاني
رواية احلام المراهقه البارت الثاني
رواية احلام المراهقه الحلقة الثانية
الممرض :دكتوره سلمي د/علي عايز حضرتك في موضوع مهم جدا هو في مكتبه
سلمي: حاضر ثواني وجايه
بدأت تظبط حجابها وهي بتقول ياتري د/علي عايزني في ايه ؟
وقفت قدام باب المكتب وخبطت ولما سمعت صوت د/على بيأذنها بالدخول فتحت الباب ودخلت
سلمي : السلام عليكم ورحمه الله وبركاته د/علي كنت عايزني
د/علي :اتفضلي يادكتوره اقعدي بصراحه عندي خبر هيفرحك جدا انتي كنتي بتحلمي بأيه وانتي صغيره
سلمي:بأيه مش فاكره 🤔
علي:مش فاكره ولا مش عايزه تفتكري
سلمي وهي بتتنهد :احلام ؟خلاص ياعمو بطلت احلم معنديش دلوقتي الا حلم واحد بس ودا اللي بحاول احققه عشان بابا يبقي مبسوط مني
علي:وايه المانع انك تحققي حلمك وحلم والدك في نفس الوقت
سلمي :ازاي ياعمو وانا من يوم بابا مامات وانا اتخليت عن حلمي واتخليت عن ضحكتي وفرحتي بالدنيا وبقتش عايزه حاجه من الدنيا خالص غير اني ابقي دكتوره شاطره وانقذ ارواح الناس
علي :وعلشان كدا اخترتك انتي للبعثه دي
سلمي:بعثه بعثة ايه؟
على:بعثه علميه لكوريا هتروحي اشهر مشفي لجراحه المخ والأعصاب هتتعلمي تحت ايد اشهر دكاتره هناك وهي مدتها سنه واحده بس
سلمي لماسمعت كدا افتكرت لما كانت نفسها تسافر كوريا وتتجوز واحد كوري ابتسمت ابتسامه مطفيه وقالت :انت لسه فاكر ياعمو وكمان سنه بحاله هبعد عن ماما
علي :,هو انا اقدر انسي حاجه زى دي ويمكن عايز اسفرك انتي عشان تخرجي من الحاله اللي بقالك فيها اكتر من عشر سنين نفسي اشوف ضحكتك فين سلمي البنوته اللي كانت ماليه الدنيا كلها مرح وضحك وهزار وحب فين سلمي دي يابنتي دي فاطمه مقهوره عشانك وسنه مش كتير عايزك تتعلمي اللي ممكن تتعلميه ف سنين تحصليه في السنه دي وترجعي امهر دكتوره في جراحة المخ والأعصاب
سلمي:سلمي دى ماتت مع ابوها معادش في حاجه في الدنيا تفرحني ياعمو
علي: طب انا وماما روحنا فين
سلمي :انتوعارفين انا بحبكم قد ايه بس ….
علي:خلاص بطلي تشائم يابنت ويلا استعدي قدامك ١٥يوم تجهزي وتجهزي شنطتك بس تجبيلي جواز سفرك الاول عشان نخلص اجراءات السفر
سلمي:حاضر ياعمو الله المستعان
بعد ماخلصت شغل روحت البيت
سلمي:ماما …ياماما
فاطمه:تعالي سلمي انا في اوضة النوم
سلمي: السلام عليكم ياحبيبتي
فاطمه: وعليكم السلام ياحبيبة ماما تعالي ياحبيبتي ثواني واجهز الاكل
سلمي: استني ياماما في موضوع عايزه اقولك عليه
فاطمه:خير ياقلبي ف ايه قلقتيني
سلمي:لا ياحبيبتي اطمني د/علي النهارده قالي اني هسافر بعثه برا مصر
فاطمه: برا مصر وتسافري وتسيبيني
سلمي: والله ياماما انا مش عايزه اسافر بس الدكتور علي قالي انها فرصه كويسه للتعليم علي ايد دكاتره مشهورين في كوريا
فاطمه: كوريا كوريا!
سلمي:ايوا كوريا
فاطمه :،🙂فاكره كنتي بتحلمي بايه كان نفسك تسافري كوريا وتتجوزي واحد كوري وحطت ايدها علي خدها وهي بتقلد سلمي نفسي اتجوز واد حلو زي الممثل دا طويل وشعر ناعم وعيون ضيقه جميله وانف مدبب ههههههههههه
سلمي انتي لسه فاكره دا كان زمان دلوقتي هسافر بس مش عشان اتجوز واحد كوري هسافر عشان اتعلم بس
عدت الايام في تجهيزات السفر وتحضير الشنطه وجه يوم السفر
د/علي وهو بيوصلها المطار هو وفاطمه:بصي يابنتي عايز اقولك كلمتين العالم برا منفتح جدا يمكن انتي سمعتي وشوفتي ف التلفزيون كتيربس الواقع اكتر من كدا وفي الغربه هتلاقي الكويس وهتلاقي الوحش وانا عارف ان ربنا رزقك بصيره بتقدري تشوفي قلب الشخص اللي قدامك وتعرفي هو حلو ولا لأ امشي ورا قلبك وشوفي هيدلك على ايه واهم حاجه اتمسكي بدينك وبقرآنك وبحجابك وبطهارة قلبك صفاء نفسك وفوضي امرك الي الله ولو حسيتي انك هتزلي في لحظه الجأي الي الله بركعتين في جوف الليل هتنور طريقك
وكمان انا وصيت عليكي د/تيان مدير المشفي وكمان في سكن للأطباء قريب من المشفي هتقعدي فيه يعني مش هتحتاري ولا هتلفي ولا هتحتاجي مواصلات وهتلاقي اللي هيقابلك في المطار هناك تروحي وترجعي بالسلامه ياقلب عمك
وصلو المطار
فاطمه:😭😭😭خلي بالك من نفسك ياسلمي وكلميني كل يوم واول لما توصلي كلميني
سلمي وهي بتحضنها وبتبكي وهي وامها : حاضر ياماما وخلي بالك من نفسك انتي كمان خلي بالك من ماما ياعمو
ركبت الطيار ه وبعد ساعات طوال وصلت المطار وخلصت الإجراءات ولقت شاب طويل ووسيم وشعر ناعم زى الممثلين والبنات كلها في المطار واقفه هيكلوه بعنيهم وقفت مكانها بتدور علي الشاب اللي د /علي قال هيقابلها وهي بتلتفت لمحت مع الشاب الوسيم لافته مكتوب اسمه بالانجليزي فقربت منه وكلمته بالانجليزي انا سلمي عاصم السيوطي
فبصلها بتعجب وقال وهو بيمد يده بالسلام :اهلا د/سلمي انا د/رى ون
فنزلت راسها وحطت ايدها علي صدرهاا وقالت انا لا اصافح الرجال
فقال ري ون:عادي لا عليكي
وركبت معاه العربيه وقالها الاول هوصلك للسكن عشان ترتاحي وبكرا الساعه ٧صباحا تجهزي عشان اخدك للمشفي
فقالها قلبها ان الدكتور دا محترم لانه احترمها وبصلهاش بصه واحده
وصلو السكن وضرب جرس الباب ففتحت بنت شكلها من دوله عربيه تكشف من جسمها اكتر من الكوريين لابسه بلوزه حمالات رفيعه وهوت شورت واول لما شافت رى ون
بدأت تسبيل وليونه وقالت بصوت ناعم جدا :د/ري ون اتفضل ادخل ومسكته من ايده ودخلته فشد ايده من ايدها
وقال اهلا د/مايا دى دكتوره سلمي مصريه هتسكن معاكم من النهارده
مايا بصت لسلمي من فوق لتحت علي حجابها وعلي لبسها الواسع الفضفاض بقرف وقالت :انتي مصريه ؟،،😒
سلمي وقلبها بيقولها البنت دي مش كويسه فتجنبيها قالت:ايوا انا مصريه وانتي
مايا :انا لبنانيه
طلعت بنتين كوريتين
قالت الاولي وهي مبتسمه انا د/هانا دكتوره اطفال
وقالت التانيه وهي بتشاور لها وهي مبسوطه انا سونج مي دكتورة اسنان انتي هتقعدي معانا في غرفه هنا اهي بس مفيهاش حمام
وبسرعة البرق اتكلمت مايا لا في غرفه تانيه فيها حمام اجمل بكتير من دي وفيها شباك علي مناظر طبيعيه
هانا: ،بلاش الغرفه دي
مايا: لا دي جميله جدا
وقعدو يتكلم مع بعض بالكوري وطبعا سلمي
مش فاهمه حاجه وهانا متعصبه علي مايا
سلمي :انا هقعد في الغرفه اللي فيها حمام
عشان ابقي براحتي
هانا:بس
مسكتها مايا وحطت ايدها علي بقها وقالت
لسلمي الغرفه اهي ودا مفتاحها اتفضلي
ياتري ايه سر الغرفه دى وايه اللي هيحصل لسلمي ف الغرفه
دا اللي هنعرفه في الفصل القادم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احلام المراهقه)
