رواية احتواء الفصل الثاني 2 بقلم ندى علي
رواية احتواء الجزء الثاني
رواية احتواء البارت الثاني
رواية احتواء الحلقة الثانية
فاقت نور لكن ساكته رافضه الكلام مع اي حد ودايما سرحانه وكل ما احاول اتكلم معاها تلتزم الصمت .
-نور تعرفي ان الجو حلو اوي النهارده!!
-…….
-طب بصي يستي انا بصراحه كدا مبحبش اكل المستشفي وطلبت بيتزا جامده اووي ،تجربي معايا؟
-………
-طب مش حابه تتكلمي معايا ؟وندردش سوا ؟
-………
حقيقي حسيت باحباط رهيب معرفش لي بالرغم ان انا متعود ع كدا ،متعود ع كل الحالات بتاعتي افضل اتكلم ومحدش يرد عليا ،لدرجه اوقات بحس نفسي مجنون وبكلم في نفسي ،بس بس دي غير فيها كميه براءه رهيبه وجميله جماال وكأنها ملاك ،بس فيه حاجات كتير عايزه اعرفها،انا متأكد انها اتأذت لدرجه عقلها مش قادر يرجع لطبيعته وبيفضل الهروب من الواقع ،حاسس انها بريئه .
بعد اسبوع بمحاولات معاها بلا فائده…
-صباح الفل ينور .
-……….
-هبعتلك الاكل مع الممرضه ،تاكلي وتاخدي العلاج ،تمام؟
-……..
فقدت الامل وقررت الخروج من اوضتها
-أنا مقتلت..همش ،هم ال قت.. لو .
اتلفت بسرعه وجريت قعدت ع كرسي جنبها ..
-ايه ال حصل ؟احكيلي .
-هو كان كويس اووي ،بيخاف عليا ،عمره مطلب مني طلب مش كويس زي باقي الشباب ال مرتبطين ،كان بيشرحلي كل حاجه مش فهماها ،لما راح اتقدملي اول مره واترفض ،قابلته يومها وانهرت من العياط وقلتله يرفضوك ليه ؟رد قالي مش عارف ابوكي اول مسمع اسمي طردني .
-وبعدين مهو مش معقول ينور حد يتقدم لواحده كذا مره وأهلها رافضينه يقومو يقت…لوه ،اكيد فيه سبب ،احكي هساعدك والله .
-سمعت مره ابويا بيحكي مع عمي …
فلاش باك …..
-عيله المهداوي رجعت من تاني .وعايزين يأذونا .
-قصدك ايه بالكلام دا؟؟
– محمد المهداوي ال كان السبب في خساره العيله ل زينه شبابها اسلام الغالي ،وخسارتنا أكبر فلوس فضلنا سنين نبني فيها ،رجع من جديد والمره دي اللعب ع كبير .
– ايه ال رجع الناس الزب..اله دول تاني يااخوي .
بااك ……
-ها كملي اي حصل بعد كدا ؟
-سمعت حركه بالبيت وامي لقيتها قدامي واتخانقت معايا عشان محضرتش الغدا فسبتهم ومعرفتش اي حصل بعد كدا .
-طيب محاولتيش تتكلمي مع عمر علي الكلام ال سمعتيه ؟يمكن عنده معلومه ومين عيله المهداوي دي؟
-مهو اسمه عمر المهداوي .
-قصدك ان الحوار حوار تار مثلا بين العيلتين ،فأدي الي انهم رفضو جوازكم من بعض عشان حد من عيله عمر قتل ال اسمه اسلام دا صح؟؟
-لا عمر مش من الصعيد ،عمر واهله عايشين حياتهم كلها ف الاردن ومنزلوش مصر بس الا وقت كليه عمر ،وهم اصلهم من اسكندريه ،ملهمش علاقه بالصعيد ،حتي لما حكتله ،قالي انه ميعرفش حاجه خالص ولا كان يعرف عيلتنا نهائي .
-طب اي ال حصل بعد كدا ؟
-بقلك يا دكتور عمر جالي امبارح وقال ليا هياخدني من هنا قريب أووي بس قالي مقلش لحد عشان يعرف يخرجني.
-ابتسمت لابتسامتها ،طب وليه قلتيلي ؟مش خايفه مني؟
-ردت ببراءه :تؤ انت مش هتخوني زيهم ،وبنبره حزن ودموع :ولا هتوجع قلبي زيهم ،وهتوديني لعمر صح؟وأمي وحشتني ،كانت بتحب عمر وكنت بوريها صوره.
-قلبي وجعني أووي عليها :طب ماما فين دلوقتي؟وعمر؟
-ماما ف البيت بتعملي الرز بلبن ال بحبه عشان هاكل منه انا وعمر .
وفجأه لقيتها نامت وهي بتبتسم .
ابتسمت بوجع علي حالها ،بس دا بين ليا انها عندها ……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احتواء)
