رواية احتراق الليل الفصل الأول 1 بقلم آية المهدي

رواية احتراق الليل الجزء الأول

رواية احتراق الليل البارت الأول

رواية احتراق الليل الحلقة الأولى

صباح يوما لجديد في مدينة الإسكندرية نجد فتاة جميلة لحد ما تقف علي الشاطئ وهي تتذكر كل ما حدث معها منذ خمس سنوات
فلاش باك ما حدث في الماضي:::
طبعا اعمار الابطال في الماضي مش زي ما كتبت في الشخصيات كانوا اصغر ب٥ سنين
في أحدي مدن القاهرة تشرق شمس جديدة بيوم جديد والجميع يركض هنا وهناك فاليوم زفاف بطلتنا الجميلة ليل
حسناء : يلا يا بنات خلصوا بسرعه مافيش وقت الناس علي وصول
رانيا : مبروك يا حسناء اخيرا انهاردة فرح اول الاحفاد وليل بنت حلال وطيبة وهيبقي وشها خير علينا
حسناء بفرحة : الله يبارك فيكي يا رانيا انا كنت بتمني اليوم ده من زمان وان شاء الله اشوف ولاد غيث حواليا عقبال ولادك يا حبيبتي
الجدة إيمان : بترغوا في ايه يا حسناءانتي ورانيا ده وقته يلا الناس علي وصول عمك عثمان مش عايز حد يمشي من غير عشا
علي الناحية الأخري في منزل عاصم العناني شقيق عثمان العناني
ليل بتوتر : انا خايفة قوي قمر
قمر : يا بنتي اهدي ومتتوريش
قمر تبلغ من العمر 23 عاما شقيقة ليل الصغري
جاء شقيقهم الأكبر وهو سعيد للغاية فاليوم زفاف شقيقته الغالية ليل
مراد يبلغ من العمر 30 عاما شقيق ليل وقمر الأكبر
مراد : عروستنا الحلوة بتعمل ايه هي لسه صاحبتك مجتش ولا ايه مافيش وقت هتلحقي تجهزي كلميها يا قمر احنا متآخرين قوي
ليل بدموع : مراد انا مش عايزة اتجوز انا عايزة افضل معاكوا هنا
مراد بحزن بداخله : يا حبيبتي دي سنة الحياة لازم كل بنت هتتجوز وتعمل بيت وأسرة وبعدين انتي جمبنا علي طول وجدو عثمان مش غريب وغيث يعتبر ابن عمك كلهم عيلتنا وانتي وقت ما تحبي تيجي دي خطوتين بس تعالي كل يوم وهاتي الواد غيث معاكي بطلي عياط بقا وفري شوية لليل
قمر ببكاء طفولي : ابعد كده يا مراد انتوا هتقلبوها نكد كده ليه خلينا نفرح شوية وبعدين الجرس بيرن بقاله كتير تلاقيها البت ليان جت
ليان : انهاردة فرحي يا جدعان عايز كله يبقي تمام
قمر بقرف : بس بس ايه التلوث السمعي ده وبعدين متأخرة ليه يا هانم ده كله اعترفي كنتي فين
ليان : يا بنتي ماما مكانتش عايزة تنزلني غير وانا مخلصة ليها كل حاجة فين ليل هاا
ليان صديقة ليل وقمر المقربة تبلغ من العمر 23 عاما
قمر : يلا مستنيانا فوق وانجزي يا ليان الوقت بيجري وليل اصلا متوترة لوحدها
علي الناحية الأخري في غرفة الشباب
عاصي : أيوة يا عريس الليلة ليلتك يا عم
غيث بزهق : عاصي انا مش فايقلك سيبني في حالي
إيهاب : مالك يا غيث مضايق ليه
غيث بحزن : انتوا عارفين اني بحب سيدرا قوي ومكنتش اتوقع انه انهاردة فرحي علي واحدة غيرها
كرم بخوف : يخربيتك اسكت لحد يسمعك وبعدين ليل تعتبر بنت عمك وهي كويسة وبنت حلال وبكرة تحبها وانا بقولك اهو انسي البنت دي خالص فكر في ليل واياك جدك يعرف انت عارف جدك بيحب ليل واخواتها ازاي ليل واخواتها خسروا امهم وابوهم وجدك عاصي كان بيخاف عليها ودول احفاد اخوه مش هيسمح لحد يآذيهم هدي الأمور يا غيث ارجوك
غيث بعصبية : وانا مالي بده كله هو علشان بيحبها يحرمني من سعادتي ويدبسني في بنت تانية كان جوزها لواحد فيكوا
ريان ببرود : انت الحفيد الكبير فينا وبعدين لو عندك الشجاعة انزل قول لجدك الكلام ده
علي الناحية الأخري في أحدي القصور
نجد شخص تبدو ملامحه قاسية وحادة للغاية يبلغ من العمر 48 عاما
دياب بحدة : انت عارف ومتأكد أنه اللي يحاول يلعب معايا مصيره الموت وأخرج سلاحة وأطلق عليه رصاصة واحدة أنهت حياته
دياب بصوت عالي : شوقي تعال شيل وادفنه في اي مكان انت فاهم وهاتلي العراف لحد هنا
شوقي : تحت امرك يا دياب بيه وذهب ليخفي اثار جريمة سيده
وبعد قليل اتي العراف شخص مخيف الملامح وغامض للغاية
دياب بترحيب : اهلا اهلا بالعراف
العراف بصوت غليط : طلبتني ليه يا ديااب
دياب : عايزة اعرف المستقبل وانت معايا من 15 سنة كل حاجة كنت بتقولها ليا كانت بتبقي في محلها
اخرج العراف اشيائه الخاصة وظل ينظر لتلك الكرة التي أمامه بغموض شديد
دياب باستغراب : ايه اللي قدامك ومخليك ساكت كده
العراف : بنت قدامي وهي اللي هتكتب نهايتك
دياب بضحك : انت خرفت ولا ايه راجل بقا نهاية دياب العزازي علي ايد بنت لا واضح أنه السن آثر عليك
العراف : مش تستهون بكلامي البنت من دم العناني ونهايتك هتبقي علي ايديها وده قريب مش بعيد
دياب بخوف قليلا : مين هي البنت دي احفاد العناني كتير وبعدين الماضي لو اتفتح في ناس كتير هتموت
العراف : بكرة هجيلك اعرفك مين هي البنت دي بس اعرف انك مش هتعرف تغير نهاية اللي جاي مهما هربت وبعدت قدرك هتشوف لو بعد مية سنة
دياب بهمس : لا مش هيحصل مش بعد ده كله تبقي نهايتي وعلي ايد بنت ومن دم العناني لا مش هيحصل انا الاقوي انا الاقوي وظل يضحك بهسترية شديدة وأمر الحراس أن يشددوا الحراسة اكتر فهو يعتقد بذلك سوف ينجو بحياته