رواية احتاج اليك الفصل الرابع 4 بقلم محمد مالك
رواية احتاج اليك البارت الرابع
رواية احتاج اليك الجزء الرابع
رواية احتاج اليك الحلقة الرابعة
الطبيب .. لا ما طلع فيه لبس في الموضوع يا حج
حميد .. يعني ايه مش فاهم ؟!
الطبيب .. انا علي الاعراض اللي حكيتهالي مدام مني فكرت انها حامل بس لما عملت فحص من شوية طلع مفيش حمل ولا حاجة شوية انتفاخات وتعب بالمعدة عاملين اعراض زي الحمل تمام
حميد .. اومال ايه حكاية عاوزة تنزل العيل دي ؟!
الطبيب مرتبك .. ما انا قولت لسيادتك انه كان فيه لبس في الموضوع
حميد .. الخلاصة فيه حمل ولا مفيش ؟!
الطبيب .. لا مفيش للأسف
حميد .. الف سلامه يا مني .. طيب نستأذن احنا يا دكتور
الطبيب .. في رعاية الله يا حج
حميد .. اتفضلي يا مدام .. سلاموا عليكم
الطبيب .. وعليكم السلام ورحمة الله
ثم يهمس في اذن جمال
الطبيب .. هتحولي الفلوس امتي علي حسابي ؟
جمال ..بكره الصبح ان شاء الله
الطبيب .. طيب في انتظارك مع السلامة
وتعود مني وحميد للمنزل
حميد .. الف سلامه عليكي يامني
مني .. الله يسلمك
حميد .. تحبي نروح لدكتور تاني لو لسة تعبانه
مني .. انا كويسة الحمد لله
حميد .. طيب بالاذن انا بقي لو عوزتي حاجة كلميني في التليفون
مني .. ايه.. انت مش هتبات معايا ولا ايه ؟!
حميد .. لا ما هو مش يومك يا جميل انهارده
مني .. اه .. بس انا تعبانه دلوقتي والمفروض تبقي جنبي انهارده ع الاقل
حميد .. ما انتي لسة قايلة انك بقيتي كويسة وبعدين انا معاكي ع التليفون رنيلي ثواني اكون عندك
مني .. يا حميد انا عاوزاك تبات في مرة معايا احس بوجودك جنبي احنا من ساعة ما اتجوزنا وانت يا اما مسافر يا اما عند حد من نسوانك التانيين قولي كام مرة بيت معايا فيها من ساعة ما اتجوزنا
حميد .. اوعدك الاسبوع الجاي كله هيكون بتاعك
مني .. وياتري الاسبوع الجاي هتبقي زي ما انت ولا هيبقي فيه جديد
حميد .. مش فاهم ؟!
مني .. يعني هاحس اني متجوزة بجد ولا يبقي الحال علي ما هو عليه .. جواز مع ايقاف التنفيذ!!
حميد .. اه فهمت .. لا ان شاء الله فيه جديد
مني .. طيب لما نشوف وياريت لو مفيش جديد متجيش احسن عشان انا خلاص جبت اخري
حميد .. هو فيه ايه يا مني انتي عاوزة تتخانقي معايا وخلاص .. ولا بتفكريني اني ليكي حقوق عندي وانا مش قادر اديهالك ؟! عارف اني مقصر معاكي بس ان شاء الله اليومين الجايين هاكون حديد وهتشوفي بنفسك
مني .. تمام اتمني ذلك بس افتكر انك بقالك خمس سنين بتقول نفس الكلام وانا كل مرة بعمل نفسي مصدقاك!!
حميد غاضب .. سلاموا عليكم
مني .. مع السلامة
وبعد ان ينصرف يرن جمال
مني .. الو
جمال مرتبك .. ابويا عمل معاكي ايه ؟
مني .. ولا حاجة لسة ماشي حالا
جمال .. ايه صدق الكلام بتاع الدكتور ؟
مني .. تقريبا صدق لأنه ماتكلمش معايا تاني
جمال .. طيب الحمد لله .. بكره الصبح بقي اعدي عليكي عشان الدكتور مستنينا
مني .. ليه ؟
جمال .. ايه هو االي ليه ؟! عشان تنزلي العيل اللي في بطنك
مني .. لا ما انا خلاص قررت احتفظ بالبيبي
جمال .. ازاي ؟! تحتفظي بعيل ابن حرام ؟!
مني .. ابن حرام بقي ولا ابن حلال .. المهم هاحتفظ بيه كفاية انه حته منك
جمال .. انتي بتقولي ايه ؟! مينفعش طبعا .. الولد ده لازم ينزل انتي بكده بتفتحي علي نفسك وعليا ابواب جهنم
مني .. متخفش انا هاظبط كل حاجة
جمال .. الولد ده لازم ينزل يا مني وده قرار نهائي
مني .. مش هنزله يا جمال واقفل بقي عشان انا تعبانه .. اف
هشام اخو جمال الكبير من ام تاني دخل السجن في قضية شروع في ق.تل واتحكم عليه ب ٥ سنين هلاث وانتهازي وكل الصفات الوحشة مجتمعه فيه هشام قاعد القهوة بيشرب الشيشية ومعاه عباس الصبي بتاع ابوه
عباس .. كفارة يا معلم هشام
هشام .. تسلم ياض يا عباس
عباس .. ده احنا من غيرك كنا تايهين ع الاخر مش عارفين نلقط رزقنا
هشام .. ايه اخبار الشغل ؟
عباس .. شغل ايه بقي ما الحال واقف من ساعة ما انت دخلت السجن
هشام .. عشان تعرفوا قيمتي يا بهايم
عباس .. عرفنا والله يا سيد الناس
هشام .. قال ابويا اتجوز واحدة جديدة اول ما دخلت السجن
عباس .. وحياتك تاني يوم ما دخلت السجن علطول كان كاتب كتابه عليها
هشام .. اغص عليك يا ابويا .. وبيجيب حيل منين للنسوان دي كلها!! هي مش تبقي بردوا البت مني بت سيد العرف بتاع الفراخ
عباس .. ايوه هي .. حتة بت صاروخ
هشام .. ما انا عارفها
عباس .. بس عدم لا مؤاخذة طلع من فترة كده كلام حواليها مش كويس
هشام .. ايه هو الكلام ده ؟
عباس .. قالوا كانت حامل وسقطت باين والواد مش ابن ابوك وكلام من هذ القبيل
هشام .. ايه الكلام التقيل ده !! وهي كانت حامل فعلا ؟
عباس .. الله اعلم
هشام .. طب وايه المشكلة انها تحمل ماهي متجوزة يا بقف
عباس .. متجوزة ابوك والناس كلها عارفة ان ابوك عدم لامؤاخذة مبيعرفش ما هو اصل نسوان ابوك ومنهم امك فاضحينه في كل حته
هشام .. الله يكسفك يا حج بدال ما اذا بليتم فاسستتروا وتتهد وتهمد وتركن علي جنب وتسيبك من الجري ورا النسوان!! . وبعدين
عباس .. ولا قابلين .. الموضوع اتلم ومحدش عارف الحقيقة ايه بالظبط
هشام .. اها .. بقي كده .. طيب
ونذهب ل مني تتصل ب جمال ولا يجيب
حميد .. يابني رد علي التليفون ده اللي صدعني من الصبح !!
جمال .. متحطش في دماغك يا حج ده صاحب رخم ومش عايز ارد عليه
حميد .. طب اعمله صامت ولا اقفلة حتي صدع دماغي
جمال .. اديني عملته فيبريشن
حميد .. يعني ايه الكلمة دي ؟!
جمال .. يعني هزاز يا حج
مني علي الناحية الاخري في قمة الغيظ
مني تحادث نفسها .. بقي كده يا جمال ارنلك مش عاوز ترد !! بتتهرب مني !! خلاص مبقتش طايقني .. طب وحياة امك هاخليك ترد زي الكلب
تكتب له رسالة .. رد يا اما وحياتك عندي هاقول لابوك علي اللي حصل بينا بالظبط وابنك اللي كان في بطني قدامك ساعة واحدة وانت حر
حميد .. وصلنا لحد فين يا جمال يا بني ؟
جمال .. بقولك ايه يا حاج اوصل الحمام حكم ابنك مزنوق من الصبح
حميد .. يابني عاوزين نشتغل في يومنا اللي مش معدي ده !!
جمال .. معلش ثواني وراجعلك
ويذهب جمال الي الحمام ويترك المحمول علي الطربيزة مني ارسلت الرسالة وتعاود الاتصال ب جمال مرة اخري والتليفون علي الوضع الهزاز وحميد يلاحظ التليفون يهتز
حميد .. هو انت اللي بتهز كده وانا اقول الصوت ده جاي منين ؟! يابني قولتلك اعملوا صامت طالما مش عاوز ترد لما اشوف مين ابن الكلب الغتت ده اللي ولا جمال مش عاوز يرد عليه .. ثم يمسك بتليفون جمال
ثم يأتي جمال مسرعا ويخطف التليفون من ايد ابوه
جمال .. معلش يا حاج عاوز اعمل مكالمة مهمه
جمال ينصرف ورد فعل علي وجه حميد
حميد .. ايه الواد المرعوش ده !!
جمال يتصل ب مني .. ايه في ايه ؟؟
مني .. مش عاوز ترد عليا ليه ؟
جمال .. مشغول
مني .. مشغول ولا مقموص عشان قولتلك مش هنزل الولد ؟!
جمال .. الاتنين بصراحة وبعدين ايه الرسالة اللي انتي بعتيها دي ؟! التليفون كان في ايد ابويا ولولا لحقته في اخر لحظة كنا هنروح في ستين داهية .. مش هتبطلي الجنان بتاعك ده ؟!
مني .. لما انت تبطل تقل عليا .. بقولك ايه عاوزة اشوفك انهارده
جمال .. لا مش هاجي
مني .. لا هاتيجي ولو مجتش انت عارف انا ممكن اعمل ايه
جمال .. وبعدين معاكي ؟
مني .. هاتيجي منتظراك .. يلا باي
وتمر الايام ويذهب حميد الي مني حيث وعدها بقضاء اسبوع معها واستطاعت مني بمكرها ودهائها ان تحتفظ بالجنين الذي في بطنها بعد ان عاشرها حميد معاشرة الازواج فاستغلت تلك الفرصة لتخبره بأنها حامل منه وتمر الايام وتضع مني مولودها ويظن حميد انه ابنه ويفرح به فرحا شديدا وطول تلك الفترة وهشام اخو جمال يراقب ما يحدث حوله ويستطيع جمع معلومات واسرار مهمه يستغل بها مني لأغراضه الدنيئة
هشام في شقة مني يتشاجر معها ويجذبها من شعرها
هشام .. يا عني يا روح امك نمتي مع طوب الارض حتي النسوان مسلمتش منك ولا نسيتي صحبتك غادة !! ها .. وجيتي عندي انا وعاملة الخضرا الشريفة هو اخويا جمال احسن مني في ايه؟ .. ها .. ما تجربي يمكن اطلع احسن منه
مني تتألم .. سيب شعري يا متخلف يا حيوان
هشام .. انا حيوان يا رمة النسوان اوعي يابت تفكري اني مش عارف عنك كل حاجة انا دبة النملة عارفها عنك والواد ابن الحرام ده اللي متلقح ع الكنبة هناك .. مش ده ابن جمال اخويا وعملتوا قصة علي ابويا انتوا الاتنين عشان تقنعوه ان الواد ده ابنه !! انتي عارفة ابويا لو عرف هيعمل فيكي ايه ؟!! هيقطعك زي الدبيحة ويرمي لحمك لكلاب السكك
مني .. انت كداب ده مش ابن جمال اخوك ده ابن حميد
هشام .. لا والنبي باكل انا من الكلام ده يا روح امك..علي اساس اني مش عارف ان ابويا مقضيها بوس بقاله سنين !! بقولك ايه يا بنت انتي تلبسي قميص النوم ده وتستنيني لحد ما ارجعلك وتعمليلي جو رومانسي وتظبطي عشا تمام .. فاهمه ؟ وابقي استحمي الاول عشان ريحتك معفنه من كتر الوساخة .. داهية تقرفك
هشام ينصرف ومني تنهار من البكاء
مني .. ماشي يا ابن الكلب هادفعك التمن غالي يا هشام ؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احتاج اليك)
