رواية احتاج اليك الفصل الثاني 2 بقلم محمد مالك
رواية احتاج اليك البارت الثاني
رواية احتاج اليك الجزء الثاني
رواية احتاج اليك الحلقة الثانية
مني .. مش فاهم بجد ولا فاهم وعامل عبيط ؟!!
جمال .. انا بتمني اللي فهمته من كلامك يطلع غلط
مني .. لا مش غلط اللي فهمته صح .. انا عايزاك يا جمال عايزاك ثم تحاول ان تحضنه وجمال يبعدها عنه
جمال بغضب .. ابعدي عني يا سافلة ثم يصفعها علي وجهها
مني .. انت بتضربني انا ابويا عمره ما عملها !!
جمال .. عشان كده بقيتي بالقذارة دي
مني .. قذارة !!
جمال .. ايوه انتي في منتهي القذارة .. انتي اتجننتي؟ انتي ازاي تقوليلي الكلام ده؟! ده انا ابويا لو عرف هايقتلك
مني .. ياريت يقتلني ويريحني من العذاب اللي انا فيه
جمال .. مكنتش اتوقع انك بالسفالة دي ابدا
ثم يقترب نحو باب الشقة ينوي الانصراف
مني تنادي .. جمال
جمال يقف وينظر اليها نظرة استحقار
مني .. هتقول لأبوك بجد ؟!
جمال .. متخافيش مش هقوله .. مش عشانك انتي .. عشان ابويا راجل كبير وتعبان ممكن يروح فيها .. وانا معنديش استعداد اخسر ابويا عشان بني آدمه رخيصة زيك
مني .. طب هتيجي تاني ؟!
جمال .. لا واتمني ماشوفش خلقتك دي تاني وياريت تشوفي حل وتخلي ابويا يطلقك لأنك بعد اللي حصل ده مش هاخليكي تشوفي يوم راحة في حياتك لأنك ست رخيصة وملكيش امان
مني بتأثر شديد .. كفاية بقي يا اخي تجريح فيا حرام عليك .. انا هاريحكم مني خالص
جمال .. انتي بتعملي ايه يا مجنونة؟؟؟؟؟؟؟؟
نوال ام مني وزوجها سيد والد مني في غرفة نومهما سيد يرتدي عباية استعدادا للنوم ونوال تعلق بدلة حميد علي الشماعة وتضعها في الدولاب
سيد .. روحتي لبنتك انهارده؟
نوال .. ايوه وياريتني ما روحت
سيد .. ليه مالها ؟
نوال .. يهمك تعرف مالها ؟!
سيد .. ايه هو ده ؟! مالك يا وليه ما تتعدلي في كلامك اومال !! ايه اللي يهمني اعرف مالها ده ؟ هي مش بنتي زي ما هي بنتك ولا ايه ؟!
نوال .. بنتك مقولناش حاجة بس انت السبب في اللي هي فيه ده
سيد .. وايه اللي هي فيه بالظبط؟! دي عايشة عيشة بنت وزير تتمناها
نوال .. الفلوس مش كل حاجة يا حميد
سيد .. لا كل حاجة يا نوال .. احنا في زمن دلوقتي اللي معاه قرش يساوي قرش
نوال .. بنتك تعبانه يا سيد البنت كل يوم بتدبل عن اللي قبله
سيد .. وايه اللي تاعبها يعني ناقصها ايه ؟!
نوال .. ناقصها راجل يا سيد !!
سيد .. ليه واللي معاها مش راجل يملي عنيها ولا ايه ؟!
نوال .. يا راجل اختشي علي دمك ده قد بنتك ٣ مرات ومفهوش حته سليمه ده نفس طالع ونفس داخل وخلاص !! زي خيال المئاته لا يصد ولا يرد
سيد .. عليا الطلاق بنتك دي حمارة ما هي دي كلها مميزات يعني راجل بالحالة دي تبقي ايامه في الدنيا معدودة وشوفي بقي طاقة القدر اللي هتفتح لبنتك لما يموت .. والله العظيم بنتك دي فقرية بنت فقرية !!
نوال .. البنت مش حاسة معاه انها زوجة يا سيد حاسة دايما بالوحدة
سيد .. بكره ربنا يرزقها بحتة عيل يملي عليها البيت ويشغل حياتها
نوال .. ويجي منين العيل بقي ان شاء الله ؟! بلا وكسة ده من ساعة ما اتجوزها وهو مش عارف يقرب منها حيل وصحة مفيش .. بنتك فرسة يا سيد وعاوزة شاب في سنها يشد لجامها الا وهتفلت ومحدش هيقدر عليها انا بقولك اهوه
سيد .. بطلي بس الكلام العبيط ده وروحي اعمليلي فنجان قهوه .. بلا فرسة بلا حمارة جاتك نيلة انتي وهي
نوال .. ادي اللي واخداه منك طولة لسان وبس اما اروح اعملك القهوه
ونعود لمني حيث يحاول حميد الاتصال بها بعد ان علم من جمال ابنه ما حدث لها كي يطمئن عليها حيث يجلس علي السرير بجوار زوجته عايدة ام جمال وعايدة تراقب زوجها ويبدوا انها في قمة الغضب
عايدة .. مالك من ساعة ما عرفت ان الغندورة اتعورت في صباعها وانت زي المجنون مش مبطل رن عليها !!
حميد .. ويارتها بترد !!
عايدة . متخفش عليها اوي كده دي حتة تعويرة في صباعها لا راحت ولا جت كل يوم بتعور زيها في المطبخ خمس ست مرات
حميد .. وانتي هتشبهي نفسك بيها يا ولية انتي دي بنت رقيقة زي بسكوت النواعم متستحملش خدش حتي
عايدة .. بسكوت نواعم !!
حميد .. اه بسكوت نواعم مش زيك حجر صوان مبيحسش ولا عنده مشاعر
عايدة .. انا مبحسش يا حميد ؟!
حميد .. اه يا عايدة انتي خلاص راحت عليكي
عايدة تضحك بسخرية .. ههههههه علي اساس انك بسلامتك مبقتش خلاص خارج نطاق الخدمة ده انا بفكر اكهنك يا راجل واجيب مكانك ريبوت صيني يمكن يقضي مصلحة بدالك بلا نيلة !!
حميد .. بقي كده ؟! طب عليا الطلاق بالتلاته ما قاعدلك فيها
عايدة .. رايح فين ؟!
حميد .. رايح للغندورة
عايدة .. انت مش كنت عندها امبارح انهارده يومي يا راجل !!
حميد .. هاروحلها وابقي هاتي الريبوت الصيني خليه ينفعك
عايدة .. استني يا حميد الله يحرقك يا مني يا بنت يا نوال
ونذهب لمني حيث ذهبت اليها صديقتها الانتيم غادة وهم مع بعضهما في غرفة النوم
غادة .. بقولك ايه انا قرفانه من اللي بعمله ده انا مش عارفة ازاي وافقتك علي حاجة زي دي !!
مني .. دا انتي جيتي في وقتك انا كنت خلاص قربت اتجنن
غادة .. انا رأيي تفكك من جوزك العيان ده وشوفيلك شاب في سنك احسن حرام تضيعي عمرك بالشكل ده
مني .. ايدي ع كتفك طلبت منه الطلاق مليون مرة ورفض اعمل ايه انا بقي مستنية الفرج من عند ربنا
غادة .. طب يلا نلبس هدومنا بقي عشان انا اتأخرت علي الراجل والعيال
مني .. بقولك ايه ما تباتي معايا انهارده وحسام عارف اني تعبانه مش هيتكلم
غادة .. وابات معاكي ليه بقي ان شاء الله ما انتي زي العفريت اهوه
مني .. محتاجالك بصراحة
غادة .. لا انتي كده بقيتي اوفر لازم تشوفي حل في المشكلة دي حتي لو روحتي لدكتور
مني .. واروح لدكتور اقوله ايه بقي ؟! اقوله اني محتاجة راجل عشان يغ تصبني صح .. هههههه .. بقولك ايه انتي هتباتي معايا يعني هتباتي معايا وهدومك اهه
ثم تمسك ملابس غادة وترميها من الشباك
غادة .. يخرب بيتك يا مجنونة انتي رميتي هدومي من الشباك هروح ازاي انا بقي
مني .. وادي هدومي انا كمان .. انا وانتي هنبات م لط انهارده
تسقط ملابس غادة علي رأس حميد
حميد .. ايه ده ؟! هدوم مين دي ؟! دي هدوم مني
يصعد حميد الي العمارة مسرعا ويفتح باب الشقة بالمفتاح الذي معه ويتسلل الي غرفة النوم ؟؟؟؟؟؟؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احتاج اليك)
