رواية احببت يوسف الفصل التاسع 9 بقلم زينا أحمد
رواية احببت يوسف الجزء التاسع
رواية احببت يوسف البارت التاسع
رواية احببت يوسف الحلقة التاسعة
رحمه: ي نهارك اسود ي انجي انتي بتحضنيه ليه ها
يوسف بعد عن انجي باستغراب من حركتها انها تحضنه يعني
انجي بعياط: اصل اصل اني كنت في المطبخ وشوفت فار وجري ورايا ولقيت يوسف و و
رحمه: و روحتي ماصدقتي وحضنتيه صح يختي فار اما يأرومك بت انتي قسم بالله لو شوفتك ناحيه جوزي ما هيحصلك خير انتي فاهمه
انجي بصت ليوسف وشافت في عينه نظره العشق لرحمه والفرحه من انها غيرانه عليه
انجي قالتلها حاضر وهي حاطه وشها في الارض وبتعيط لانها عرفت وتاكدت انو يوسف استحاله يبوصلها مع انها كانت عندها امل انو يكون ليها بس الامل ده ادمر في اللحظه ديه وقررت انها تبعد عنه
رحمه بضيق: يوسف فين البت الصفرا
يوسف: اهه قصدك اماليا في اوضتها تعالي نشوفها
وراحوا عند اماليا
اما انجي فجريت علي اوضتها وفضلت تعيط بحرقه وتقول
اني حبيتك ي يوسف والله اني حبيتك من كل قلبي كان نفسي تشوف الحب في عيني وتبقي ليا ليا انا وبس لكن انت مش في قلبك غيرها وعمرك ما هتحبني ولاهتشوفني غير اختك ثم مسحت دموعها وقالت انا هشيلك من قلبي وهنساك ي يوسف صدقني وهبعد وهتمنالك الخير انا مش وحشه لو علي التضحيه فايوه انا هضحي بحبي ليك عشان تكون فرحان ربنا يسعدك انت ومراتك ي ابن عمي
اما عند اماليا ف اول ما دخل يوسف ورحمه جريت اماليا وحضنت يوسف
رحمه: بت بت ابعدي ي بت عنه
وشدتها بعيد عنه
وانت ي استاذ مشاء الله فاتح حضنك للكل كده
يوسف ببراءه: صدقيني هو مفتوح ليكي بس بس هما بيجوا اقولهم لا يعني
رحمه بسخريه: يعيني وانت طيب مبتحبش تزعل حد
اماليا: ماذا تتحدثون ي چو
يوسف: ولا شئ جينا نقول لكي ان الفطور جهز هيا بنا نذهب
رحمه: عزيزتي اماليا سوف اقول لكي شئ واحدا انك اذا قولتي ل يوسف چو فلن يحصل خير ابدا ي روحي فهمتي ي عزيزتي
اماليا بخوف لان نظره رحمه ترعب اصلا: حسنا ولكن من انتي
رحمه: انا اكون زوجته ي عزيزتي
اماليا: لماذا لم تخبرني يا ج اقصد ي يوسف انك اصبحت متزوج ولا انت نسيت وعودك ليا
رحمه وهي تنظر ليوسف وتكاد تفرقع من الغضب والغيره: وعود اي اللي بتتكلم عنها الصفرا ديه
يوسف: احم هفهمك مش حاجه صدقيني انا كنت واعدها بالجواز بس مش اكتر
رحمه بغيره وسخريه: بالجواز ومش اكتر صح
يوسف: هيا بنا ي جماعه ننزل هيا اماليا والوعود هذه خلاص نستها في امريكا ي اماليا
اماليا: حسنا چو مع انك كنت عاجبني بس لا مشكله لما هرجع هتجوز مايكل
قالت جملتها ونزلت
رحمه بضحك: هههههههه البت كانت شرياك اوي
يوسف بضيق: يعني انتي مخدتيش بالك من عاجبني وخدتي بالك من انها هتتجوز مايكل
رحمه: تصدق كنت لسه هقطعلها لسانها بس اول ما قالت مايكل قولت خلاص
يوسف: انتي متاكده انك مش غيرانه عليا
رحمه: احم لا طبعا وبعدين حتي لو هغير فدا عشان انت صحبي بس
يوسف: اهه صحبك مع اني شامم ريحه غيره واحده علي جوزها مش واحده لصاحب الطفوله
رحمه اتوترت:احم جدي بينادي ياله
الجد: صباح الخيرتعال ي ولدي اقعد
اسر كان علي السفره مع العيله
فيوسف بصله بقرف وقال صباح النور للكل
وقعدوا ورحمه شبعت فقامت خدت طبقها ودخلت المطبخ
اسر: ي جماعه عن اذنكوا هروح اغسل ايدي ممكن تقوليلي الحمام فين ي اميره
اميره: يارا معلش وديه
يارا: اتفضل معايا بوص اهو علي اليمين جنب المطبخ
هروح انا بقا اكمل اكل وانت ابقي تعالي
اسر دخل المطبخ عشان يتكلم مع رحمه
لاقها بتكلم نفسها وماسكه المغرفه وبتقول بقا انجي الزفته ديه تحضنه طب ليه عشان فار هو فين اصلا
اسر: احم اي لسه بتكلمي نفسك زي زمان
رحمه بشهقه: اخص عليك ي اسر خضتني
اسر: اعيش واخضك
رحمه: عاوز اي ي اسر
اسر: رحمه اسمعيني انتي عارفه اني بحبك صح
رحمه: اسر بوص انا دلوقتي متجوزه وصدقني انت مش بتحبني ده اعجاب بس وهيروح لوحده ولوسمحت متتكلمش معايا تاني عشان انا بحب جوزي ومكتفيه بيه
اسر: بس هو انتي مش متجوزاه وهتتطلقي بعد اما عمي يرجع ولا كلام خالتي ام اميره غلط ولا اي
رحمه بعصبيه: اه غلط ملكش كلام معايا تاني فاهم ابعد عني انا مش عارفه الوليه ديه عوزه اي مني
دخلت خالتها: عوزه كل خير ي بنت خطافه الرجاله
رحمه شدتها من ايديها وخرجتها بره وبصت للكل وقالت جماعه هي ساعه بس هخرج هصفي حساب قديم مع خالتي وجايه
اميره: استني عندك انتي واخده امي فين
رحمه: ادم ابعدها عن وشي انا قولت حساب قديم ملكيش دعوه انتي
صفاء خالت رحمه وديه تبقي الاخت الاصغر لمامت رحمه: ايوه ي رحمه وانا جايه معاكي احنا لازم ننهي الموضوع ده
جيه يوسف يتكلم مسكه الجد من ايده وقاله ديه مشاكل عائليه ملكش دعوه انت
يوسف: ي جدي بس ديه مراتي
الجد: ي ولدي اسمع كلامي
خرجت رحمه وصفاء وام اميره (ناهد)
ووصلوا مكان قدام بحر (ايوه ي جماعه رحمه خدت عربيه يوسف وراحت نفس المكان اللي وداها فيه قبل كده)
رحمه انزلوا
رحمه: انتي ازاي تتجرئ وتقولي علي امي خطافه رجاله
ناهد بانهيار: ايوه لانها خطفت مني الراجل اللي حبيته خطفت مني احمد هو الوحيد اللي حبيته
صفاء: لا ي ناهد هو حبها هي وجيه عشان يخطبها وانتي عشان كونتي بتشوفيه في الشغل عشان كونتوا بتشتغلوا سوا فكرتي انو جاي ليكي انتي وفكرتي انو لما شاف خديجه هي قدرت بجملها تخطفه منك بس لا هو اصلا كان بيشوفها لما كانت بتيجي معاكي وحبها هي وانتي هو كان شيفك زي اخته بس
ناهد بعياط: لا لا هو حبني انا انا بكرهكوا كلكوا بسببكوا انتوا انا اضطريت اتجوز اخو صحبه واعيش معاه وانا مبحبهوش
صفاء: محدش ضربك علي ايدك وقالك تتجوزيه هو اتقدملك وانتي وافقتي
ناهد بعياط: انا كنت بحسب انو لما يشوفني اني مخطوبه لاخوه صحبه هيسيب خديجه ويجي يخطبني لانه غار عليا بس لا محصلش كده واتجبرت بعدين اني لازم اكمل الجوازه ديه كل ده بسبب جدك ي رحمه اتجبرت اني اتجوز واحد مبحبهوش واعيش معاه واجيب منه بنت كمان كله بسبب ابويا يا ما قولتله ي بابا انا مبحبش مسعود وخلينا نفسخ الخطوبه فضل يقولي لا ده لما ابوه يموت هو هياخد النصيب الاكبر في الورث لانو ابوه بيحبه اكتر واحد في اخواته وهيبقي كل حاجه ليكي لانه بيحبك وهيبقي سهل عليكي تضحكي عليه وعارفه ي رحمه لما قولتله اني بحب احمد ضربني بالقلم وحبسني في اوضتي لمده شهر وقالي انتي بتبوصي لجوز اختك المستقبلي
رحمه كانت بتسمع كلامها وبتعيط علي حال خالتها فرغم ان خالتها كانت ديما تعامل رحمه وحش حتي لما كانت رحمه صغيره كانت تروح تقولها تعالي ي خالتو نلعب سوا كانت بتضربها وتقولها لا انا لو هلعب هلعب مع بنتي انما انتي لا روحي عند امك وكانت بتمنع اميره انها تلعب معاها
ناهد: انا والله ي رحمه بحب امك انا وهي كنا قرايبين من بعض اوي بس اما حبيبت اتعميت وكرهت اختي واعتبرتها خطافه رجاله انا اسفه ليكي اوي ي رحمه انا بحبك وبحب خديجه بس انا لسه قلبي واجعني منها
رحمه: طب هي ماما كانت تعرف انك بتحبي بابا
ناهد: كانت عارفه اني معجبه بيه بس لما جيه اتقدم وخطبها فضلت تسالني اذا كنت بحبه ولا لا
صفاء: بس انتي كنتي بتقوليلها اي بقا
ناهد بحسره: كنت مضطره اني اقولها اني نسيته
رحمه راحت مسكت ايد خالتها وقالت: صدقيني ي خالتو انا متاكده انو لو ماما كانت عارفه انك بتحبي بابا استحاله كانت تتجوزه بس انتي مينفعش اللي انتي عملتيه انتي عاقبتيني انا وخاصمتي امي طول السنين ديه لحد لما ماما ماتت وحتي عزاها مجتيش فيه وفي الاخير انتي بتعاقبيها علي حاجه مكنتش تعرفها
ناهد حضنت رحمه وقالت: انا اسفه انا اسفه بجد انا فعلا الكره والحقد عماني انا اسفه بجد سامحيني ي بنتي متبقيش قلبك اسي عليا خليكي زي خديجه قلبك ابيض وسامحيني
رحمه حضنتها هي كمان وقالت: برغم انو كلامك عليا وعلي امي مش سهل وتصرفك معايا وتحريض اميره عليا كان وحش بس انا مسمحاكي
صفاء: طب وانا احضنوني مش كفايه سايبه ابن بنتي الله يرحمها هناك وجايه معاكوا
رحمه: الله يرحمها منار كانت كويسه
صفاء بعياط: ماتت قلب امها وهي بتولد وجوزها الله لايسامحه اول ما عرف انها ماتت مشفش ابنه حتي وراح اتجوز عليها
رحمه وناهد حضنوها
عند يوسف
مروان الصغير حفيد صفاء
تعالي ي عمو العب معايا
حاضر ي حبيب قلبي تعالي نلعب بلاستيشن اي رايك انا جايبه معايا من القاهره
مروان: ياله ي عمو وفضلوا يلعبوا
يارا: احم اتفضل ي اسر بيه كوبايه العصير
اسر: شكرا ي يارا صح انتي مخطوبه مثلا
يارا بخجل: لا بس ليه
اسر: احم سؤال مش اكتر
ورجعوا البيت واميره عرفت اللي حصل من مامتها وعرفت انها ظلمت رحمه وراحت اعتذرت منها ورحمه سامحتها
تسريع الاحداث
وبعد شهريين من اليوم ده يوسف كان خلص المهمه بتاعته واماليا رجعت بلدها تاني
واسر خطب يارا
وادم واميره اتجوزوا وكان يوم عسل
(وصح ي اصحابي عشان متهوش مني ام اميره ليها بيت تاني غير بيت حماها اصل مسعود كان عنده بيت تاني وسابه ليها بعد وفاته مات في حادث عربيه لما اميره كان عندها ١١سنه المهم يعني انو ناهد كانت عايشه في بيتها الاساسي بس قبل حنه اميره بيومين جت وقعدت في بيت العيله ده لحد اما بنتها تتجوز)(مسعود يبقي اخو ابو يوسف اللي هو جلال انتيم احمد ابو رحمه قولت اوضحلكم عشان لو في حاجه مش واضحه)(واللي هيسال علي انجي هي وامها وابوها راحوا عند عيله مامتها بعد فرح اخوها ادم علي طول)
(وعمر اخو يارا بعد خطوبه اخته سافر يشتغل بره البلد)
بعد شهرين كمان رحمه ويوسف رجعوا القاهر بيتهم وودعوا العيله هما المفروض كانوا هيقضوا الفرح ويمشوا بس جدهم اصر انهم يقعدوا معاه فتره
في الصباح
يوسف بتفكير انا بقول انو كده كفايه البت ديه مش نافع معاها تلميح هههههههه بقالي عشر سنين بلمح لازم قصتنا تخلص بقا انا النهارده بليل هعملها سوربرايز واعترف بحبي ليها واطلب ايديها للجواز لحظه ي يوسف انت اهبل ماانتوا متجوزين امممم لا طلب ايديها تاني عادي (بيكلم نفسه ي جماعه عادي يعني كلنا بنعمل كده)
رحمه بفرحه: يوسف يوسف بابا كالمني ووقالي انه خف ي يوسف وهيرجع بعد شهر انا فرحانه اوي
يوسف حضنها وقالها: وقالها وانا كمان فرحان انو عمي خف
بعدت عنه وقالته احم وعمو جلال كمان بخير وبيسلم عليك
يوسف وهو بيحك في شعره طب جهزي نفسك لبليل في مشوار كده هنروحوا وهيغير حياتنا ١٨٠درجه
رحمه باستغراب: مشوار اي ده
يوسف هتعرفي بليل
رحمه: تمام
رحمه دخلت الاوضه وقالت بصوت واطي انا بحب يوسف ايوه انا بحبه لالا ده انا عشقته بس انا خايفه ليطلب هو الطلاق لما بابا يرجع انا عارفه انو في الفتره ديه زهقته في عشته بس انا نفسي ازهقه بقيت حياته
في المساء كانت رحمه ترتدي فستان ابيض ستان وعليه حزام اسود وفارده شعرها
ونزلت ليوسف تحت
يوسف خرج من العربيه وفتحلها الباب
وقالها اي الجمال ده كله
رحمه بتوتر: شكرا بس انت مقولتليش رايحين فين
يوسف :هتعرفي لما نوصل
يوسف نزلها وقالها ادخلي في المطعم ده وانا هجيب حاجه وجاي
ودخلت وشافت قاعده عسل اوي علي البحر وفي ورد وبلالين وطرابيزه مزينه بالورد والشمع ومنظر البحر اصلا لوحده يهبل
رحمه الله المكان سكره اوي
يوسف من وراها
عشان انتي موجوده فيه بس
لفت لقته راكع علي ركبته معاه خاتم وبيقولها انا بحبكككككككك لا ده انا بقيت بعشقكككككك تقبلي تتجوزيني تاني والمره ديه نبقي فعلا متجوزين
رحمه اتوترت اوي اوي بجد وقالت لا
يوسف سمع الكلمه ديه واتعصب جامد وراح كسر الطربيزه ومشي ركب عربيته وساق بسرعه جامده اوي
رحمه بعياط: ي لهوي اي اللي انا هببته ده بدل ما تعرفيله انو انتي كمان بتحبيه تروحي تقوليله لا غبيه
وطلبت تاكسي وروحت البيت وفضلت مستنيه يوسف بالساعات وكان قلبها مقبوض ومش مطمنه بس كانت بتكذب احساسها
لحد ما جالها اتصال
رحمه: الو ي يوسف ارجع انا اسفه و
الشخص: حضرتك انا مش يوسف انا لقيت الموبايل ده في عربيه الراجل اللي عمل حادثه
رحمه بصدمه: اي عمل حادثه
هو في اني مستشفي
الشخص: في مستشفي*******
رحمه بعياط وخوف: تمام انا جايه
وخدت تاكسي وطول الطريق وهي عماله تدعي ربنا يقومه بالسلامه
رحمه لوسمحتي جالكوا يوسف جوزي هو فين
الاستقبال: انتي تقربي للحاله اللي لسه جايه من شويه اللي عامله حادث علي الطريق السريع
رحمه قلبها اتقبض وقالت لها بعياط وانهيار: ايوه ايوه هو جوزي هو فين وديني عنده
الاستقبال: اهدي بس ي مدام اطلعي فوق علي الشمال هتلاقي غرفه العمليات هو هناك
رحمه: اي هو في العمليات
الاستقبال: ايوه لانه كان جاي غرقان في دمه وحالته خطيره
رحمه جريت علي فوق وفضلت تعيط واتصلت علي ادم ابن عمه لانها مكنتش عارفه تتصرف ازاي
والدكتور خرج بعد ٣ساعات
رحمه بانهيار: ها ي دكتور طمني هو كويس بالله عليك قولي انه كويس
الدكتور: انتي تقربيله اي
رحمه: انا مراته
الدكتور: هو كان جاي حالته خطيره اوي بس عملناله العمليه والحمدلله بقا احسن وهنقله لاوضه عاديه بس هيفضل هنا لمده اسبوع لحد ما نطمن عليه لانو حالته كانت صعبه اوي
رحمه: الحمدلله انو بخير ممكن اشوفه لو سمحت
الدكتور: اول ماننقله ممكن تروحي تشوفيه
واتنقل يوسف لغرفه عاديه ورحمه كانت قاعده علي الكرسي اللي جانبه وبتعيطت لحد مانامت علي ايده
في الصباح
فتح يوسف عينه وبص علي ايده لقه رحمه نايمه علي ايده
رحمه حست بحركته وفتحت عنيها وقالت يوسف انت كويس هروح انادي االدكتور
يوسف بصلها وقالها وانا فارق معاكي اوي يعني
رحمه: ايوه ي يوسف طبعا فارقلي انت جوزي
يوسف: والله
رحمه رجعت قعدت علي الكرس تاني وقالته طبعا ي يوسف انا بحبك لا مش بحبك انا بعشقكك كان نفسي اقولك كده بس اانا اتوترت وانت اكتر واحد عارفني لما بتوتر بكون عامله ازاي
يوسف بفرحه شديده: بعني انتي بجد بتحبيني ااااه
رحمه: علي مهلك انت لسه تعبان متقومش
يوسف عدل نفسه علي السرير وقال: ردي علي سؤالي
رحمه قالته اه ورمت نفسها في حضنه
يوسف: يلهوي يعني الواحد كان لازم يعمل حادثه عشان تعترفي وتحضنيني كمان ياريت اعمل كل يوم حادثه بقا
رحمه: هششش تف من بوقك ي يوسف بعد الشر عنك ي حبيبي
يوسف: لاكده كتير بجد والله
ادم دخل هو واميره وقال: احم نحن هنا
رحمه خرجت من حضن يوسف وقالت: احم كويس انكم جيتوا
يوسف: انت جيب هنا ازاي
رحمه بصتله وقالته انا اتصلت عليه عشان مكنتش عارفه اتصرف من خوفي عليك
المهم عدي اسبوع ويوسف في المستشفي وخرج
في المساء
يوسف: شكرا ي ادم بجد تعبتك معايا انت واميره
ادم واميره في صوت واحد: ولا تعب ولا حاجه
اميره: سلام ي رحومه ياله بقا ي ادم نرجع الصعيد بقا وكمان عشان اقول لماما اني حامل
رحمه: تمام ي حبيبتي والف مليون مبروك لتاني مره علي الحمل
ومشيوا
يوسف كان قاعد علي الكنبه بيحط المخده عشان ينام
رحمه: يوسف نام علي السرير
يوسف: لا ي رحمه مش عشان لسه خارج من المستشفي وكده هتعطفي عليا وتخليني انام علي السرير وانتي تنامي علي الكنبه انا اصلا بقيت كويس اوي
رحمه: ومين قالك اني هنام علي الكنبه اصلا انا هنام جنبك علي السرير
يوسف بجد يعني خلاص هنام علي السرير يفرج الله ي رب
وراح نط علي السرير
وبعد شهرين رحمه اكتشفت انها حامل وفرحت موت ويوسف فرح اكتر منها بمراحل
وبعد تسع شهور
بليل
يوسف كان نايم ورحمه قاعده جنبه علي السرير بتتفرج علي التلفزيون علي فلم رومانسي وبتعيط وبتاكل شكولاته وكان جبها علي الكوميدنو شيبسي كتير ولب ومصاصاتةوشكولاتات وبيتزا وبيبسي وغيره
رحمه بعياط وصويت وهي بتتضرب يوسف اعاااااااااااا يوسف الحقني
يوسف: ي بت بطلي ضرب فيا بقا اي البطل مات معلشي ي حبيبتي وكمل نوم تاني ف يوسف متعود علي تقلبتها عشان من ساعه ما حملت وهي كل يوم بحاله ده حتي انو في مره طلبت منه الطلاق ويوسف ضحك وقالها حاضر بكره الصبح وهي نامت وصحبت نسيت هي اصلا قالت اي
رحمه بصريخ وهي بتاكل الشكولاته: اااااااااااااه ممتش ي يوسف انا بولد ي ابن الهبله قوم اااااااااه
يوسف: اي بتولدي اعمل اي بس
وفضل يلف في الاوضه
رحمه: شيلني وديني المستشفي بسرعه ي غبي
يوسف بصلها كده وقال: هشيلك ازاي بس انتي ناقصلك سيكه وتفرقعي
رحمه بعياط: قصدك اني انا تخنت ي يوسف طلقني ي ولا
يوسف: مش قصدي ي حبيبتي امري لله بقي
وشالها وقال اي ي ضهري
رحمه بصويت: الشيبسي ي يوسف هاته
يوسف: شيبسي اي بس انتي فيكي حيل
رحمه: نزلني ي يوسف انا مش هتحرك من غير كيس الشيبسي بتاعي
يوسف جبلها الشيبسي ووداها المستشفي والحمدلله فرجت ام االمستشفي عليهم
الدكتور: جهزوها لوضه العمليات بسرعه
رحمه بصريخ: يوسف هيجي معايا صح
الدكتور: لا مينفعش
رحمه قالت قرب وراحت مسكاه من هدومه وزعقت فيه وقالته لاااااااااا هيجي معايا اومال انا هعض مييييين
يوسف: يمفتريه يعني انتي عوزاني عشان مصلحتك
الدكتور: ي مدام سيبيني مينفعش كده انا دكتور وليا مركزي
يوسف بص للدكتور وقاله انا متيقلي تنسي المركز خالص وانك دكتور وتنفذ كلامها
الدكتور: خلاص ي مدام وحياه امك سيبيني خلاص هدخله وهخليكي تعضيه
ودخلوا ورحمه بتولد واول ماجت تولد عضت يوسف والاتنين بقوا بيصوتوا
يوسف بيصوت من وجع ايده من عضتها وهي من وجع الولاده
والحمدلله ربنا رزقهم بتوام بنت وولد
رحمه انا اللي هسمي
يوسف اشمعنا
رحمه هو كده بقا الولد هيكون اسمه عمر والبنت دانه
وتاتي يوم رحمه رجعت شقتها وجم عيله عمر وعيله رحمه يطمونوا عليها وابوها كان من ضمن الموجودين
وبعد مرور ست سنين
كان يوسف حاضن رحمه وواقفين في البلكونة وبيتفرجوا علي القمر والنجوم ومشغلين اغنيه
يالي ابتديت الحب معاك عمري الحقيقي ابتدا ويالك 🥹
وفجاه دخل عليهم دانه وعمر
عمر بابا بابا انا مش عارف انام وعاوز اقعد معاكوا
دانه وانا كمان
رحمه ويوسف بحب تعالوا ي حبايبي وحضنوا كلهم بعض وفضلوا يتفرجوا علي القمر والنجوم اللي في السما
رحمه همست ليوسف وقالته بحبك ياللي كنت معتبراك اخويا الكبير
ويوسف قالها بردو بضحك وبحب صادق وباين في لمعه عنيه بعشقكك يالي كنت مفتكرك اختي الصغيره
تمت 🥹
وفي النهايه…
(احلي ما في حياتي حبك وعشقكك واروع القلوب هو قلبك واجمل الكلام همسك✨🖤)
لقراءة الرواية كاملة اضغط على : (رواية احببت يوسف)
