رواية روح الفصل الأول 1 بقلم مجهول

رواية روح الجزء الأول

رواية روح البارت الأول

رواية روح الحلقة الأولى

في محافظه من محافظات القاهره تسكن ريم 19سنه مع ابوها وامها واخواتها اختها الكبيره روح 22 سنه واخوها يوسف18سنه ابوها محاسب في بنك وامها مدرسه مستواتهم المادي كويس اوي……
ساره صديقه ريم في الجامعه
ساره‘‘‘ريم ياريم انا عندي ليكي خبر بمليووون جنيه
ريم‘‘‘خير ربنا يستر يا ساره
ساره‘‘‘مش انتي كنتي عايزه تسلي نفسك وتشتغلي انا بقى لقيتلك شغل
ريم‘‘‘ايوه انا عايزه بس بابا مش موافق منتي عارفه بيقولي انتي مش محتاجه الشغل في حاجه
ساره‘‘‘بصي ياستي انتي عارفه اني بشتغل في شركه كبيره وعارفه بردو اني هسافر في الاجازه لبابا في الكويت فعايزاكي تروحي مكاني بس التلات شهور دول اكيد باباكي مش هيمانع والنبي ياريم انا لو ملقيتش حد مكاني الشغل هيروح مني
ريم ‘‘‘خلاص انا هتكلم مع بابا وربنا يسهل
ساره ‘‘‘خلاص وانا هسافر بعد اسبوع بس لازم تردي عليا بسرعه
ريم ‘‘‘خلاص ماشي هكلمو النهارده
وفعلا ريم كلمت والدها ووافق بالعافيه بعد ماسأل عالشركه ولقاها شركه كبيره وحترمه وراحت ريم تستلم شغلها
…………………………..
روح‘‘‘‘‘مخلصه جامعه ومخطوبه من سنه لاحمد حواز تقليدي حلوه اوي ومحجبه وعيونها احلى مافيها لونها اسود اوي لدرجه انها بتلمع
ريم ….ريم مالك يابنتي انا بنادي عليكي من زمان سرحانه ليه كده
ريم‘‘‘مفيش حاجه ياروح عايزه حاجه
روح‘‘‘‘ريم من ساعه ماجيتي من الشغل وانتي فيكي حاجه مش مظبوطه مع انك بقالك يومين بس في ايه انا اختك فهميني
ريم‘‘‘رفعت عنيها لروح وفضلت تعيط واترمت في حضنها وهي بتقول انا في مصيبه… مصيبه ياروح
روح‘‘‘وهي مخضوضه طيب اهدي وفهميني مصيبه ايه حاجه حصلتلك في حد عملك حاجه
ريم‘‘‘‘ياريت في مصيبه ومعرفش حلها وملهاش حل
روح ‘‘‘طب احكيلي
…………………………….
ريم عالمكتب في اول يوم مبسوطه اوي
الباب اللي قدامها يتفتح ويدخل المدير راجل كبير اربعيني وعلامات الوقار عليه بص لريم انتي السكرتيره الجديده
ريم‘‘‘ايوه يافندم انا ريم
اهلا وسهلا وعلامات الاستغراب عليه وانا الاستاذ محمود المدير التنفيذي في الشركه تعالي معايا لو سمحتي
ريم‘‘‘راحت وراه وسابت باب المكتب مفتوح
محمود ‘‘‘بصلها واستغرب من تصرفها وشافعا قدامو محجبه ولسها شيك بس محترم… سكت شويه وقالها انتي عارفه انتي جايه ليه
ريم‘‘‘ايوه طبعا يافندم
محمود‘‘‘مضيتي العقد
ريم‘‘‘لا يافندم لسه
محمود‘‘‘‘طيب تعرفي الشروط اللي في العقد
ريم ‘‘‘وهي متلخبطه لان ساره مقلتش ليها اي حاجه بس خافت لا الشغل يروح منها ومن صاحبتها
ردت عليه…. ايوه يافندم عرفتها
محمود‘‘‘متأكده
ريم‘‘‘‘ايوه حضرتك متأكده
محمود‘‘‘خلاص ماشي وطلع العقد وريم مضت عليه……. اتفضلي على مكتبك والاستاذ جاسر هيحضر كمان ساعتين عشان تتفقوا
ريم‘‘‘‘بتكلم نفسها (نتفق على ايه) حاضر عن اذنك
راحت ريم عالمكتب وفضلت تفكر هيتفقو على ايه انا مش فاهمه حاجه هو انا سيكرتيره لمين بالظبط
……………
ريم كانت قاعد المكتب تحاول تصبر نفسها لان مفيش حد طلب منها تعمل اي حاجه وفجأه الباب اتفتح ودخل واحد طويل وعريض خمري اللون تلاتيني وشعرو اسود وناعم ولابس بدله رصاصي وشكلو كان من الناس الاغنيا اللي محدش بيشوفهم غير في التلفزيون وقف قدامها وريم فضلت بصالو قامت من مكانها بسرعه وقف قدامها يبصلها من فوق لتحت بكر جرأه. وقالها……تعالي ورايا ودخل المكتب
ريم‘‘‘‘قامت بسرعه وراه خبطت عالباب ودخلت لقتو قاعد حاطط رجل على رجل وبيشاورليها تقعد وطلب مت محمود يخرج ويقفل الباب
ريم‘‘كانت مرعوبه من شكلو فضلت عنيها في الارض وهو خد وقت يبصلها جامد…
انتي اسمك ايه
ريم‘‘‘ريم اسمي ريم
وانا جاسر رئيس مجموعه شركات الاتصالات دي
جاسر‘‘‘عندك كام سنه
ريم‘‘‘19
جاسر‘‘‘ساره قالت ليكي عالشغل
ريم‘‘ايوه يافندم
جاسر‘‘‘كويس اوي عشان هنسافر كمان تلات ايام
ريم‘‘‘رفعت عنيها ‘نسافر نسافر فين حضرتك
جاسر‘‘‘هوانتي مقرتيش العقد ولا ايه
ريم‘‘‘وعنيها فالأرض بصراحه انا قولت كده ومضيت عشان مضيعش مني الشغل وساره لو كانت عرفت هتزعل لانها طلبت مني احافظلها عليه على ماترجع
جاسر‘‘‘فتح الدرج وطلع المعقد واداهولها(اتفضلي شوفيه)
ريم‘‘‘شافت العقد وقامت من مكانها ورفعت ايديها على قلبها وعلى كلمه واحده (يانهار اسود ايه اللي مكتوب ده هي مين دي اللي هتتجوز)
جاسر‘‘‘انتي
ريم‘‘‘انا جايه اشتغل سيكرتيره مكان ساره
جاسر ‘‘‘وعنييه كلها برود… شوفي الاتفاق ده اصلا كان مع صاحبتك ولما اخدت اول دفعه من الفلوس قالتلي انها لازم تسافر وانهارهتشوف حد في نفس ظروفها يحل مكانها واخدت الفلوس وانتي اللي حليتي مكانها
ريم‘‘‘وهي بتعيط لا يايافندم هي كل اللي قالتو ان هستغل مكانها والله ده اللي حصل
جاسر‘‘‘انا مليش دعوه هنسافر وانتي هتيجي معايا ولو معملتيش كده تدفعي الشرط الجزائي مليون دولار ايه رايك
ريم‘‘‘كان هيغمى عليها… يافندم انا ليا اهل ازاي هتجوزك واسافر واقعد معاك سنه واهلي اقولهم ايه
جاسر‘‘‘انا ملبش دعوه بالكلام ده كلو انا لما اخترت ساره اخترتها عشان ظروفها وان ابوها وامها منفصلين وكل واحد فيهم متجوز وملوش دعوه بيها وقالتلي اللي هتحل مكانها هتبقى في نفس ظروفها
ريم‘‘‘ازاي ساره تعمل فيا كده دا انا صاحبتها الوحيده ازاي وبعدين انت ليه عايز تتجوز بالطريقه دي انا مش فاهمه حاجه
جاسر‘‘‘هتعرفي مل حاجه في وقتها
ريم‘‘‘بس انا مينفعش اسافر هسافر ازاي واهلي
جاسر ‘‘‘‘قام من مكانو وقالها(المقابله انتهت وياريت تكوني جاهزه بعد تلات ايام) وسابها ومشي
ريم‘‘‘فضلت تعيط وكانت هتموت من اللي حصل ومش مصدقه ان ساره تعمل فيها كده
………………………………….
روح‘‘‘يالهوي انتي ايه اللي بتقوليه ده وازاي تمضي على حاجه متعرفيهاش يابسمهندسه يامحترمه
ريم‘‘‘وهي بتعيط هو ده اللي حصل انا مش عارفه اتصرف ازاي ياروح اقول لبابا
روح‘‘‘‘لا بابا لا دا ممكن يروح فيها انتي ناسيه ان عندو القلب
ريم‘‘‘خلاص اهرب واسافر معاه
روح‘‘‘تهربي فين انتي اتجننتي انتي عايزه تموتي ابوكي بحصرتو
ريم‘‘‘‘طب اعمل ايه اعمل ايه دا الشرط الجزائي مليون دولار عارفه يعني ايه مليون دولار روح‘‘‘سكتت فتره وقالتلها هو لسه هنا ولا سافر
ريم‘‘‘لا لسه هنا هيسافر بعد بكره
روح‘‘‘هاتي العنوان
ريم‘‘‘هتعملي ايه ياروح
روح‘‘‘هحاول تصرف من غير محد يعرف فاهمه محدش يعرف حاجه ابدا يا ريم
ريم‘‘‘حاضر
……………………………..
تاني يوم الصبح قامت روح وصلت ولبست هدومها
روح كانت جميله بطريقه ملفته بلبسها المحترم والشيك ومكياجها الهادي اللي يكاد يكون مش موجود…. اضطرت تكدب على امها عشان تخرج وده مبيحصلش منها ابدا وتوكلت على الله وراحت الشركه اللي كانت جميله جدا وكبيره اوي وطلبت انها تقابل الاستاذ جاسم بعد ماعرفت نفسها انها اخت ريم
……………………………..
دخلت روح المكتب وقبل وسابت الباب مفتوح وراها لقتو كبير اوي وواحد واقف ظهرو ليها
روح‘‘‘السلام عليكم
جاسر‘‘‘مردش عليها وشاور لبها انها تقعد من غير مايبصلها
روح‘‘‘مفهمتش هو عايز ايه فسكتت
جاسر ‘‘‘دور وشو ليها وبصلها اوي وفضل مركز عليها ويبوصلها من فوق لتحت
روح‘‘‘اتصايقت من نظراتو لس سكتت وبصت في الارض ووشها احمر من نظراتو الجريئه
جاسر‘‘‘اتفضلي اقعدي واقفه ليه وبعديم انتي ليه سبتي الباب مفتوح
روح‘‘‘معلش لوسمحت سيبو مفتوح
جاسر‘‘‘ليه
روح‘‘‘عشان هو ده الصح
جاسر ‘‘‘عقد حواجبو باستغراب وقعد وقالها(خير في حاجه)
روح‘‘‘خدت نفسها وقالتلو (ريم قالتلي على كل حاجه وانا جايه اشوف معاك حل)
جاسر‘‘‘حل ايه ياآنسه روح دا عقد وهي مضت عليه ولو عايزه تتراجع تدفع الشرط الجزائي وده بردو مايمنعش انها تحت تصرفي لمده سنه
روح‘‘‘‘يا استاذ جاسر ساره ضحكت عليها وسافرت اختي مالها
جاسر‘‘‘مضت العقد وانا عايز الموضوع ده يخلص في اقرب وقت ومعنديش كلام تاني اقولو
روح‘‘‘لو سمحت افهم دي طالبه في كليه هندسه وماما وبابا لو عرفو هيروحو فيها ارحوك افهم وقدر الموقف شوف اي واحده تانيه
جاسر‘‘‘انا مش فاضي للكلام ده يا اختك تجهز بعد يومين ياتشوفيلي واحده غيرها
روح‘‘‘اشوفلك ايه هي لعبه اللي هشوفهالك
جاسر‘‘‘حضرتك بتتريقي
روح‘‘‘انت اللي بتتكلم بعبط انت عايز واحده وخلاص شوفلك واحده من البنات اللي متفرقش معاها ليه جاي على بنات الناس
جاسر‘‘‘بصلها بغضب وقام مكانو وقالها(بما اني بتكلم بعبط فاختك لو مجهزتش للسفر مش هيحصل كويس)
روح‘‘‘هي سايبه انا ممكن ابلغ عنك
جاسر‘‘‘ضحك اوي وقالها روحي بلغي براحتك ياحلوه انتي شكلك متعرفيش حاجه انا ممكن البسك انتي واهلك قواضي متخرجوش منها ابدا مش انا اللي يتضحك عليا
روح‘‘‘‘سكتت كتير ومعرفتش ترد عليه (طيب هتفرق معاك ريم او غيرها)
جاسر‘‘‘‘مش فاهم تقصدي ايه هتشوفيلي واحده تانيه يعني وترجع تعمل معايا اللي انتي بتعمليه دلوقتي انا مش فاضي للعب العيال ده وعلى صوتو وروح اتخضت منو وخافت منو
روح‘‘‘طيب ممكن تسمعني لوسمحت انا عندي حل بس محتاج منك شويه حاجات
جاسر‘‘‘‘فلوس يعني وهو بيبوصلها
روح ‘‘‘بصتلو بغضب وقالتلو لا مش فلوس في ناس مبتهماش فلوسك ولا حتى اللي زيك
جاسر‘‘‘‘سكت وعجبو اوي انها بترد علبه ومش خايفه منو(حل ايه)
روح‘‘‘انا هسافر معاك مكان ريم
جاسر ‘‘‘استغرب اوي منها وبص في ايديها لقى دبله
وخطيبك هتعملي في ايه
روح‘‘‘مسكت الدبله ونزل منها دمعه غصب عنها وقالتلو ملكش دعوه بخطيبي انا هتصرف (انا هسافر معاك لس تجوزني هنا من أهلي)
جاسر‘‘‘انتي شكلك مش فاهمه حاجه انا مش عايز حد يعرف اني هتجوز ولا عايز اتجوز اصلا انا عايز واحده تجيبلي طفل وتمشي
روح‘‘‘قامت من مكانها وبصوت عالي (ااانت بتقول ايه طفل)