رواية عقاب بلا جريمة 2 الفصل الثاني 2 بقلم زينب سعيد
رواية عقاب بلا جريمة 2 البارت الثاني
رواية عقاب بلا جريمة 2 الجزء الثاني
رواية عقاب بلا جريمة 2 الحلقة الثانية
سليم بتساؤل:يعني كنتي روحتي تشوفي والدتك وبعدها مشيتي.
جنة بهدوء:أيوة.
سليم بإستغراب:بس أنا كنت متاكد علي الظابط أي حد يجي يتحفظ عليه ويكلمني.
جنة ببرود :دخلت المشرحة علي أني ممرضة لأن واحدة صاحبتي كانت شغالة هناك.
سليم بهدوء:وبعدين بعد ما سفرتوا الصعيد قابلته حسام أزاي.
جنة ……
★★★★★★★★★★★★★★★★
فلاش باك.
بعدها سافرت أنا وسلمي مع الحجة وسعاد وإبنها وعشنا معاهم في الصعيد كانوا عايشين في قصر كبير هي وأبنها علي وجوزها وإبنها التاني ومراته وبصراحة الناس كانوا بيعاملونا أحسن معاملة وقعدنا فترة هناك وأشتغلت أنا وسلمي في المزرعة بتاعتهم بعد ما حالة سلمي أتحسنت .
وفي يوم وأنا وسلمي راحين الشغل الحجة سعاد رفضت وقالت ده جاي ضيف ليهم وعاملين عزومة وطلبت مننا نفضل معاهم في اليوم ده وفعلا فضلنا معاهم.
لغاية ما الضيف جه وحضرنا الغدا وإتفجات أنا وسلمي بحسام وأنه هو الضيف وعرفنا بعد كده أن حسام يعرف أخت الحجة سعاد وعرفهم عن طريقها لما أشتغل في الصعيد وبقي صاحب أبنها.
وبعدها حسام قعد معايا أنا وسلمي وحكي لينا كل حاجة حصلت معاه وأنك بتدور عليا ساعتها أنا رفضت لإنك صفحة وأتقفلت من حياتي وبعدها حسام أشتغل معانا في المزرعة.
★★★★★★★★★★★★★★★★
في أحد الأيام.
تجلس سلمي وجنة ينتاولون الغداء في وقت الراحة.
ليأتي حسام ويجلس معهم:أزيكم يا بنات.
جنة بهدوء:الله يسلمك.
سلمي بهدوء:الله يسلمك.
حسام بإرتباك:سلمي مش أنتي سامحتيني صح.
سلمي بإستغراب:أسمحك علي أيه بس يا حسام
قولتلك قبل كده إنك ملكش ذنب في حاجة.
حسام بتوتر:يعني لو قررت عرض جوازي منك هتوافقي.
لتصمت سلمي بخجل لينظر له حسام بخيبة أمل خلاص يا سلمي أنا أسف ليأتي كي ينهض.
لتتحدث جنة بلهفة:أية يا سيادة المقدم مسمعتش قبل كده أن السكوت علامة الرضا.
حسام بفرحة:بجد يعني أنتي موافقة يا سلمي.
سلمي بخجل:موافقة
حسام بتوتر:بس أنتي عارفة طبعاً أني يعتبر لسه ببدأ من جديد يا دوب الفلوس إلي بتجيلي من شغلي في المزرعة أما فلوس ورثي وإلي في البنوك أتخلصت منها بس أنا عندي شقة في القاهرة وعربيتي دول بس إلي من مالي الخاص.
سلمي بهدوء:كل إلي قولته ما يهمنيش يا حسام أنا هتجوزك أنت مش فلوسك.
حسام براحة:طمنتي قلبي طيب أنا هكلم الحجة سعاد وأخطبك منها ونتفق علي كل حاجة.
سلمي بخجل:زي ما تحب بس جنة مش هقدر أسيبها.
جنة برفض:لا يا سلمي أنا هفضل مع الحجة سعاد.
حسام بهدوء:بس أنتوا الأتنين أنا كده كده مقرر إنك هتفضلي معانا.
جنة برفض:لا مش هينفع.
حسام بهدوء :مش هينفع تفضلي هناك علي محترم أه والناس هناك في قمة الاحترام بس ده راجل عازب وبعدين أغلب الناس إلي هنا فاكرين أنتي وسلمي تبقوا أخوات فده أفضل ليكم.
جنة برفض:بردو لا أنا هشوفلي مكان أعيش فيه بس بردو مش هفضل معاكم.
حسام بتفكير:طيب الشقة إلي جمبي فاضية أيه رأيك أشوفها ليكي .
جنة بموافقة :تمام دي فكرة كويسة.
حسام بهدوء:تمام هاجي أكلم الحجة سعاد وجوزها .
سلمي بهدوء:معلشي يا حسام أنا مش عايزة فرح.
حسام بإستغراب:ليه.
سلمي بحزن :الفرح عشان الأهل يا حسام لكن دلوقتي أنا وأنت مالناش حد.
حسام بحزن:عندك حق هنعمل كتب كتاب علي الضايق.
سلمي بهدوء:كده أفضل.
جنة بفرحة:ربنا يتمم ليكم علي خير.
سلمي بإبتسامة:الله يبارك فيكي يا حبيبتي.
حسام بهدوء:عقبال لما ترجعي لسليم ونفرح بيكم.
جنة بحسرة:مبقاش ينفع يلا بقي يا سلمي عشان نرجع الشغل .
سلمي :يلا بينا.
★★★★★★★★★★★★★★★★
في المساء.
ذهب حسام للحجة سعاد وزوجها وخطب منهم سلمي وأتفقوا علي كل شئ وأن يتم عقد القران بعد أسبوع فشقة حسام جاهزة بكل شئ يتبقي شراء بعض الأغراض لسلمي فقط وحسام أصر علي أن يتزوجوا بسرعة فوافق الجميع وأصرت الحاجة سعاد علي عمل حفل زفاف لهم ليوافق سلمي وحسام بقلة حيلة.
★★★★★★★★★★★★★★★★
بعد مرور أسبوع.
يوم عقد قران سلمي.
تجلس سلمي وهي ترتدي فستان زفافها وبجوارها جنة وهي ترتدي عباءة صعيدى سوداء مزكرشة ومعهم الحجة سعاد.
الحجة سعاد بفرح:ماشاء الله عليكي يا بتي وشك كيف الجمر في ليلة تمامه.
سلمي بفرحة:تسلمي يا خالة .
لتنظر الحجة سعاد لجنة بإستغراب:مالك يا بتي وشك مصفر أجده ليه لسه تعبانة بردك.
جنة بتعب:مش عارفة يا خالة دايخة من الصبح ومعدتي تعبانة .
الحاجة سعاد بتوجس:لتكوني حملة يا بتي.
لتنهض جنة بصدمة :حامل لا طبعا أكيد مش حامل.
الحاجة سعاد بقلة حيلة:ياريت يا بتي بس أنتي من كام يوم وشك مصفر وعلي طول دايخة .
سلمي بقلق:طيب ما تعملي إختبار حمل يا جنة عشان نطمئن.
لتجلس جنة مكانها وهي تفكر بشئ ما فآخر مرة جاءت عادتها فيها كانت قبل إعتداء سليم عليها ومن وقتها لم تأتي وقد مرة شهرين ولكنها لم تأتي كانت ترجع تأخرها لسوء حالتها النفسية لكن بعد هذه الأعراض فيبدو أنها تحمل طفل سليم في أحشائها لتفيق من شرودها علي صوت سلمي القلق.
سلمي بقلق:مالك يا جنة.
جنة بشرود:شكلي حامل فعلا.
الحجة سعاد بهدوء:وده بردك يزعلك يا بتي مش يمكن ربنا حب يعوضك بالعيل ده ويبجي السبب في صلحك مع أبوها .
جنة برفض: حتي لو أنا حامل مش هرجع لسليم.
الحجة سعاد بحزن:زي ما تريدين يا بتي بكره الصبح ندلي للحكيمة تتوكدي.
جنة بقلة حيلة :تمام.
ليطرق الباب وتدخل سهير زوجة إبن الحاجة سعاد الأكبر ووتتحدث بلهفة:يلا يا عروسة الشيخ عجد خلاص وتقوم بإطلاق عدة زغاريد .
ليبارك الجميع لسلمي وينزلوا بعدها ويجلسوا مع النساء حتي ينتهي الزفاف ويأتي حسام ويأخذ سلمي.
★★★★★★★★★★★★★★★★
في شقة حسام .
يفتح حسام الباب وبعدها يحمل سلمي وسط خجلها ويدخلها للدخل ويغلق الباب بقدمه وينزلها أرضاً برقة ويقف قبالتها ويمسك يدها.
حسام بحنان:مبروك يا قلبي.
سلمي بخجل:الله يبارك فيك.
حسام بحنان:بس أيه الجمال ده يا سلمي كنتي مخبية الجمال ده فين عروسة قمر يا ناس أنتي إلي محلية الفستان خدي بالك.
سلمي بخجل:وأنت كمان.
حسام بضحك:وأنا كمان أيه محلي الفستان.
سلمي بخجل: قصدي حلو.
حسام بحب :بعشقك يا قلبي هو أحنا هنقضيها كلام يا قلبي ما تيجي أفرجك علي الشقة .
سلمي بتوتر:لا خلينا قاعدين أصلي رجلي وجعاني .
حسام بمكر :ودي تيجي فكرتني همشيكي علي رجلك ده عبلة في حقي يا قلبي لينهض فجأة ويحملها ويتجه لغرفة النوم ويغلق الباب خلفه.
★★★★★★★★★★★★★★★★
بعد مرور عدة أيام.
ذهبت جنة للطبيبة والتي أخبرتها أنها حامل بشهرها الثاني لتحزن بشدة فما سيكون مصيره فبالتأكيد سليم لن يتقبله وهي لن تستطيع أن تسجله عند ميلاده فهي لا تمتلك قسيمة زواج من الأساس.
لتضطر إخبار حسام بحملها دون إخباره بأي تفاصيل فهو لا يعلم ما فعله سليم معها.
ليصر حسام أن تسافر لإخبار سليم لترفض جنة في البداية لكن مع إصرارهم إضطرت للموافقة لكن تضطر لتأجيل السفر حتي تمر شهورها الأولي.
★★★★★★★★★★★★★★★★
بعد مرور ثلاث أشهر.
أصبحت جنة في شهرها الخامس وأيضا علموا بحمل سلمي وها هي في شهرها الثاني.
في أحد الأيام.
تجلس سلمي مع جنة في شقة سلمي يشاهدون التلفاز حتي يعود حسام حتي لا تترك سلمي وحدها.
ليفتح الباب أخيرا ويدخل يسلم عليهم ويجلس بجوارهم.
حسام بلهفة:كويس إنك هنا يا جنة سليم كلمني النهاردة
جنة بصدمة:هو عرف أني معاك .
حسام بنفي:لا كلمني يعزمني علي فرح أخته أيه رأيك تيجي معايا وتشوفيه وتتكلموا .
جنة بتوتر:مش عارفة.
حسام بهدوء:مافيش حاجة إسمها مش عارفة الطفل إلي جاي ده ملوش ذنب يتولد من غير أب.
سلمي بموافقة:حسام عنده حق يا جنة أنتي خلاص بقيتي في الخامس.
جنة بحزن :حاضر.
بعد يومين .
سافر حسام وجنة التي أصرت علي إرتداء نقاب أثناء سفرها فهي لا تريد أن يعرفها أحد عند عودتها للقاهرة لكن سلمي لم تأتي معهم نظرا لأنها في شعورها الآولي كما أن العملية تؤثر عليها وعلي حركتها.
في المساء.
يصل حسام وجنة إلي الفندق الذي سيقام به حفل الزفاف.
حسام بهدوء:أنزلي أسبقيني يا جنة وأنا هركن وهحصلك.
جنة بقلة حيلة:تمام.
لتنزل جنة وتتجه للقاعة وتدخل بتوتر وهي تبحث عن سليم للتفاجئ به يقف مع فتاة أقل ما يقال أنها ملكة جمال وتضحك بشدة معه لتنظر له بحسرة وتفر هاربة وتقابل حسام وتخبره أنها لن تقابله ليستغرب حسام ويضطر أنا يدخل القاعة ليقابل سليم أثناء دخوله ويدخلوا سويا.
عودة.
سليم بتساؤل:يعني أنا مكنش بتهيالي سعتها حسيت أن في حد بيبص عليا وخرجت أدور ملقتش حد وساعتها قالبت حسام.
جنة بحزن:أيوة كنت موجودة.
رامي بفضول :طيب ليه ماقبلتيش سليم ساعتها وكنت هتفهمي منه.
جنة……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عقاب بلا جريمة 2)
