رواية احببت منتقبه الفصل السادس 6 بقلم ياسر الانصاري
رواية احببت منتقبه الجزء السادس
رواية احببت منتقبه البارت السادس
رواية احببت منتقبه الحلقة السادسة
شكرا جدا علي دعمكم وتعويضا علي تاخيري امبارح هنزل البارت السادس النهارده بردو . بس مش ملاحظين اني لحد دلوقتي مفيش ولا بارت من الخمسه عدي ال 1000 اموجن ؟.😅
وبعد شويه رغي مش كتير
صهيب. عمي محمود اخويا اختار يكمل نص دينه مع بنت حضرتك واحنا النهارده هنا عشان نطلب ايد البشمهندسه أميره. لحضرة الضابط محمود !
عصام. طبعا يبني فوق دماغنا وزيارتكم علي راسنا. ومحمود ابن ناس ومحترم وميترفض وعشان كدا يبني
انا معنديش بنات للجواز
الكل مصدوم ومش عارف ينطق حرف
أميره. بابا
عصام. اخرسي انتي.
محمود بصوت عالي وغضب . يعني ايه معني كلامك دا
صهيب. محمود مسمعش صوتك هتعرف تتكلم براحه وهدوء ماشي غير كدا لا. فاهم ولا لا
محمود بص ف الأرض. فاهم
صهيب. بص يا عصام بيه طبعا احنا عارفين انك الوحيد الي تقدر تحدد بنتك تكون مع مين كويس ، ومش هتكلم معاك ف اه أو لا. بس هو سوال بسيط. ليه ؟
عصام . إبن شاريكي طالب أيدها وانا وافقت عليه
محمود. لا دا كدا باظت اوووووووووووي منك
صهيب بزعيق . اهددددددددي يا محمود
محمود بص لاميره بصة لوم وعتاب أنها معرفتوش الموضوع دا ومعني سكوتها دلوقتي أنها موافقه ع كلام ابوها.
أميره. بابا انتا عارف اني مبحبش في الكون حد قدك وانك كل حاجه بنسبالي بس ابن شريكك دا لو ع جثتي مش هيقرب مني ، وانا اختارت محمود يا بابا.
محمود الي شوفته نسخه منك ف رجولته وحبه لاهل بيته في نجاحه .
كلهم ساكتين وبيسمعو الحوار الي بين اميره وأبوها
عصام. أميره انا قولت لا والموضوع دا يتقفل نهائي
اميره . لا ليه يا بابا يعيبه ايه محمود راجل محترم واخلاق عاليه وابن ناس ويعرف ربنا لا ليه قولي
عصام بزعل . علشان شغله يا بنتي ، انا مقدرش بعد كل التعب الي تعبته عشانك وتيجي في يوم وليله تبقي ارمله وتروحي مني وافضل واقف من بعيد اتفرج عليكي ومقدرش اعملك حاجه
اميره. يا بابا انا موافقه ومستعده لداه وبعدين دا نصيب الموت ممكن يجي لحد مكانك مش لازم تكون شغال شغله خطيرة يعني
عصام. ولو بردو يا بنتي.
محمود قام وقف وسحب سلاحه وشد الأجزاء ووجه الطبنجه علي رأس عصام
كلهم مصدومين ومتلخبطين والكلام مش عاوز يطلع
صهيب. محمود محمود بصلي اهدي الي بتعمله دا غلط دا أبو حبيبتك والبنت الي بتتمناها ارمي السلاح يا محمود
محمود بضحك. متقلقش يا دكتور انا مش متهور أو مجنون اوووووووووووي كدا. لما كنت في الكليه كانت التدريبات النفسيه اكتر من البدنيه. تعرف يا صهيب وانا في اختبار كليه الشرطه. اللواء قالي ايه عشان يشوف مدي تحكمك ف اعصابك. قالي امك معاها راجل في البيت. سعتها ضحكت وقولتو ابويا يا فندم. وبعدها قالي معاها اتنين رجاله. قولتو ابويا واخويا يا فندم. وبعدها قالي معاها ثلاثه قولتو مهو ابويا واخويا. وخالي جاي يزور أخته. متصور بعد كل دا هبقي غبي ومتسرع واعمل حاجه زي دي
صهيب. امال انتا بتعمل كل دا ليه ؟
محمود. هتعرف دلوقتي .. عصام بيه. حضرتك بتشتغل ضابط ؟
عصام. لا يبني
محمود. طيب بتشتغل اي شغل في ولو نسبه بسيطه من الخطوره.
عصام . لا يبني. بس قصدك ايه من الاساله دي
محمود بضحك. حبيت اعرف اني الموت ملوش علاقه لا بوظيفه ولا مكان . هو إذن من ربنا وضغطه صباع من ايدي وشكرا
ورجع سلاحه في جمبه وقعد وكلهم ماتو من الخضه
عصام خوفه سيطر عليه وبدأ يفك الكرفته لانه حس أنه اتخنق.
عصام. حد قالك قبل كدا انك مجنون يا محمود ؟
كلهم ضحكو.
محمود. يووووووه كتير أولهم صهيب الي قاعد جمبك دا
صهيب. انا اسف جدا لحضرتك بسبب سوء التفاهم دا بس للاسف الظباط معندهمش نظري لازم يوصلك وجهه نظره وعملي ( وضحك )
عصام. مفيش داعي للاسف يبني. بس تعرف يا محمود انتا مجنون واميره أجن منك ومتنفعوش غير لبعض ومش هبقي انا الشيطان الي بيبعدكم عن بعض. أنا موافق يبني
… الكل مذهول ومتلخبط
محمود بفرحه. انتا قولت قولت موافق صح قولت موافق
عصام بابتسامه. ايواه يبني موافق بس اهدي كدا. با الطريقه دي هتموت من الفرحه قبل ما تلبسها الدبله حتي
صهيب. انا كدا ارتاحت نفسيا ربنا يبارك فيك يا عم عصام والف مبروك يا محمود انتا واميره
عائشه قامت حضنت ابنها من الفرحه هي وهدير. وقعدو اتفقو اني هيعملو خطوبه بعد اسبوعين من دلوقتي.
وشربو عصير واتعشو مع بعض.
صهيب. انا هستاذن بقي انا والحاجه وهدير وانتا يا محمود لو عاوز تقعد شويه مع خطيبتك استأذن عمك عصام وخليك.
عصام. بدون استأذن. بس لسا بدري خليكم قاعدين
صهيب. لا ربنا يباركلك. يلا سلام عليكم
اتحرك صهيب وأمه واخته وسابو محمود عند اميره.
و الطريق كلها فرحه وضحك
روحو البيت اخد الشاور بتاعه وقاعد قدام الشاشه فونه رن بس كان رقم غريب.
صهيب. السلام عليكم
مصطفي. وعليكم السلام. اخبارك ايه يا دكتور صهيب انا عمك مصطفى والد الزهراء
صهيب بفرحه. اه اه عامل ايه يا عمي طمني عليك
مصطفي. في نعمه يبني والله. طمني عملتو ايه مع محمود بيه
صهيب. الحمدلله تمت بخير وخطوبته بعد اسبوعين من دلوقتي جهزو نفسكم من دلوقتي عشان مش هنقبل اعزار
مصطفي. الف الف مبروك يبني وطبعا منقدرش نقصر. بس أنا الي مش هقبل اعزار منك
صهيب. مقدرش اتاخر منك يا عمي خير ان شاء الله؟
مصطفي. بعد بكرا أن شاء الله قراية فاتحه الزهراء علي ابن عمها ومش هتنازل عن انك تشرفنا
صهيب راح ف دوامه تانيه قرايه فاتحه ومين الزهراء !
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت منتقبه)
