رواية احببت منتقبه الجزء الثاني الفصل التاسع 9 بقلم ياسر الأنصاري
رواية احببت منتقبه الجزء الثاني الجزء التاسع
رواية احببت منتقبه الجزء الثاني الفصل التاسع
رواية احببت منتقبه الجزء الثاني الحلقه التاسعة
مدير المخابرات بضحكه. لا قصدي الي قولته مبروك عليك الترقيه يا سيادة اللواء. وانتا كمان يا سيدة المقدم
محمود. انا انا بقيت مقدم
المدير. طبعا يلا استأذن انا بقي سلام عليكم
وفجاه الغم والنكد قلب فرحه وزغاريط للواء ومقدم مره واحده ولسا الي جاي احلي ♥️😊
صهيب. ما شاء الله للواء مخابرات ومقدم مخابرات اروح اقتل اي حد وانا مطمن يعني
جمال بضحكه. والله اسلمك بايدي مفيش حد فوق القانون
محمود بضحكه. اؤيد الرأي وبشده
صهيب باستغراب. وأنا الي بقول بقيتو حمايتي
جمال. حمايتك وضهرك في الصح يا عيون ابوك
صهيب. ماشي يا حاج انتا تقول الي عاوزه
محمود. بقولكم ايه انا مش عاوز اقعد هنا عاوز اروح
صهيب. انتا اتجننت ولا ايه كمل علاجك يبني
جمال. مينفعش يا محمود لازم تطلع من هنا سليم
محمود. والله صدقوني انا هرتاح في البيت اكتر
جمال. دماغك ناشفه زي ابوك. طيب ثواني وراجعلك
اتحرك جمال ناحيه مكتب الدكاتره
جمال. السلام عليكم. بعد اذنك يا دكتور كنا عاوزين نعمل خروج للمقدم محمود جمال
الدكتور. بس كدا مينفعش لازم يكمل حاله الاستشفاء كامله
جمال. معلش يا دكتور أصله مش مرتاح ف المستشفي هنا
الدكتور. خلاص كدا مضطرين نخليه يمضي ع إقرار أنه هو الي حابب كدا وغير مسئولين عن اي حاجه
جمال. اوي اوي تقدر تجيب الإقرار وانا همضيه بنفسي
الدكتور جابر الإقرار وجمال مضي عليه ورجع عند
محمود …يلا يا بطل وافقوا انك تروح يا عم
محمود. والله انتا برنس يا بابا
جمال بضحكه. وعم الشباب كمان ياض تنكر ولا ايه
عائشه. بس يا اخويا مالك جاي علي الواد كدا ليه دا لسا تعبان
جمال. مين دا الي تعبان ! انتا تعبان يلا
محمود بإشارة من ايده. لا
عائشه. انا غلطانه يا رخم
محمود. مقصدش يا ست الكل بس انتي كدا بتوقعيني مع لواء عارفه يعني ايه لواء وف الجهاز بتاعي.. الطيب احسن بالله عليكي. كلهم ضحكو وبدأو يلمو ف الحاجه عشان يرجعو البيت
وقضو وقت لذيذ جدا ف الطريق لحد لما وصلو البيت
وكلهم دخلو بس جمال فضل واقف برا
صهيب. ف ايه يا بابا تعالي ادخل هعزمك في بيتك
عائشه. هتفضل واقف كدا كتير يا ابو صهيب
جمال. لا هدخل اهو …ودخل جمال وبدأ يركز ويبص ع كل ركن ف البيت ويسرح
صهيب. وحشك مش كدا
جمال. عارف يا صهيب لما كنت مسافر كان في اغنيه بتقول. البيت وناسه والخمسه سته الي احنا منهم .. مفيش مره عدت عليا الاغنيه دي الا لما قلبي بيوجعني واسرح با الساعات
صهيب. واهو رجعت للبيت وناسه يا ابو صهيب بس يارب تكون اخر غيبه دي بقي
جمال. يارب يا صهيب عشان مبقتش حمل بعد عنكم ومحتاج اصلح الي باظ من غيابي
عائشه. اقعدو مع بعض لحد لما احضرلكم العشا
صهيب. اشطا يا ست الكل
هدير. انا طالعه اوضتي. ومشيت
صهيب. والله ما عارف مالها البت دي
جمال. سيبها بس دلوقتي تحاول تستوعب واحده واحده. البت بنت الكلب بتقولي ابويا صهيب …كلهم ماتوا من الضحك 😂
صهيب. لا وانا اقدر اسد مكانك بردو يا حاج
جمال بابتسامه. سديت وكفيت يا صهيب يبني وعملت الي لو انا كنت موجود يمكن مكنتش عرفت عملته
صهيب. عيب الكلام دا يابابا احنا تلاميذك
الزهراء. بس كنت متوقعه انك هتكون غير كدا خالص يا بابا بصراحه
جمال باستغراب. غير كدا ازاي يعني يا الزهراء
الزهراء بكسوف. يعني حسيت انك هتكون حد غامض قليل الكلام جاحد القلب ومتزعلش مني طبعا والي مستغرباه اني دمك خفيف وبتضحك زينا
جمال. يااااه انا فيا كل دا
عائشه.. الاكل جاهز يلا تعالو
جمال بابتسامه.. انتو متخيلين بقالي قد ايه محروم من كلمه عائشه دي
صهيب. معلش ايام وراحت لحالها
جمال بضحكه. قصدك سنين
صهيب. مش هتفرق كتير بقي المهم اني كلنا بخير. يلا ناكل يا بابا
مشيو كلهم جمال وصهيب والزهراء واميره ومحمود وعائشه يأكلو
عائشه. امال هدير فين
صهيب. سبيها دلوقتي يا ماما
جمال. قوم من هنا يلا
محمود. ف ايه بس يا بابا
جمال. انا الي هقعد بين أميره وبين الزهراء ولا مش قد الرهان
صهيب بضحكه. لا بقولكم ايه رهانتكم دي بعيد عن الزهراء تعالي هنا جنبي يا بت (وبيضحك
جمال بضحكه. بتسحب مراتك من جمبي يا واطي
صهيب. اسف بس الزهراء لا تقبل القسمه ع اثنان هو أنا وبس
عائشه. وبعدين معاك يا ابو صهيب مش ماليه عينك ولا ايه
جمال بابتسامه. لا والله ماليه عيوني ومكفياني لدرجه اني بفكر اقوم اخدك من وسط اولادك وزوجاتهم واطلع بيكي فوق ( وبيغمز بعينه
عائشه. اختشي يا راجل عيب العيال قاعدين وبعدين لسا ورانا تصفيه حساب
صهيب بضحكه. انتو خليتو فيها عيال
محمود. ولا ولا متبقاش رخم الراجل بقاله سنين بعيد عن بيته ومراته انا لو عليا بصراحه اوصلهاله لحد الاوضه
عائشه. اه منك يا ابن ابوك انتا
صهيب. سكت اهو ولا اقولكم انا الي هاخد الزهراء ونطلع فوق
الزهراء بضربه في كتف صهيب. عييييب
أميره. وانتا يا قدري مش ناوي تشد حيلك ولا ايه
محمود بضحكه . احم احم شكلي بقي وحش اوووووووووووي ليكي عليا اول لما اقوم هوريكي قدرك كويس ونحدد الزفاف ع طول
جمال. ايواه كدا عاوزين افراح بقي .. دقيقه وراجع
وطلع لهدير فوق خبط ع الباب
هدير… ادخل
جمال. معتقدش انك لو عرفتي اني انا الي برا كنتي هتقولي كدا
هدير بصتله وساكته
جمال. طيب تسمحيلي اقعد معاكي دقيقتين مش اكتر
هدير بزهق . اتفضل
جمال. بصراحه كدا انا مش فاهم ليه انتي شايله مني اوووووووووووي كدا انا مقدر ظروفك وتفكيرك اني سبتك ومشيت وانتي لسا صغيره واني اكيد مش بحبك ومش فارقه معايا بس أنا هقولك حاجه واحده ايه دليلك ع دا ؟
هدير. مش فاهمه
جمال. قصدي ايه دليلك اني مش بحبك وانك مش فارقه معايا
هدير. اكبر دليل هروبك
جمال بحزم . لو هنكمل كلام مع بعض ياريت تنقي كلامك وتعرفي انك بتكلمي ابوكي حتي لو مش من باب الحب والتقدير يبقي من باب الاحترام
هدير. حاضر
جمال. اولا يا ستي انا بشتغل ضابط مخابرات عامه ودا من الاجهزه الي بتفرق مبتجمعش ومن اول لما تزوجت امك قولتلها با الحرف. ظروف شغلي صعبه وهيكون ليكي الدور الأكبر في تربيه الاولاد دا ف حاله وجودي وبردو حطيت افتراض ف حاله غيابي الموقت أو الدائم ..يعني ايه الكلام دا الغياب الموقت الظروف الي احنا فيها دلوقتي غياب سنه اتنين عشره عشرين. غياب دائم بقي اني ربنا يختارني عنده وامك وافقت وتفهمت الموقف وبصراحه كانت قائمه با الدور كا ام واب برغم وجودي يعني كنت أنا وامك معاكم يعني انتو متربين مرتين
هدير . تمام كمل حضرتك
جمال بابتسامه. حضرتك يبقي بداتي تحترميني أو تفهمي …المهم يا ست البنات اول غياب ليا كان سنتين وسعتها كنت مهدد با الاغتيال من اجهزه اجنبيه وكنت مراقبكم أربعه وعشرين ساعه من بعيد مره جنايني ومره عامل نظافه… وجيتي ف مره كنتي صغيره وطلعتي جري من امك سعتها كان لازم أتدخل والحقك من العربيات والشارع وشوفتيني يا ستي وبابا بابا يا بنتي انا مش بابا لا انتا بابا يهديك يخيرك مفيش فايده لحد لما تعبت منك وقولتلك ايوا انا بابا بس لو حفظتي السر هرجع البيت تاني ولو قولتي لحد اني موجود وشايفكم مش هرجع تاني. وبتلقائية طفولتك حفظتي السر حتي الساعه دي … فاكره ولا نسيتي يا قروبه
هدير بابتسامه. فاكره
جمال. وبس كدا يا ستي وهنكمل كلام ف وقت تاني لاني بصراحه هموت من الجوع ومش متحرك من هنا غير لما تنزلي تأكلي معايا
هدير بضحكه. لا تقدر تنزل انتا أنا مليش نفس
جمال. يعني ابوكي ملوش خاطر عندك. طب وغلاوة نادر لتنزلي تأكلي معايا
هدير بتوتر. نادر مين ؟
جمال بضحكه. عليا انا الكلام دا بردو نادر زميلك ف الدفعه الواد الي معجب بيكي وانتي معجبه بيه من سكات هااا اقول تاني ولا كفايه كدا
هدير بضحكه… لا لا خالص كفايه كدا بالله عليك
جمال. هاااا هننزل ولا ايه ؟
هدير. هننزل بس حضرتك عرفت منين
جمال. لما ابقي عايش ع وش الدنيا ومعرفش بنتي بتكلم مين وبتحب مين وبتاكل ايه وزعلانه من ايه ميبقاش ليا لازمه. يلا بينا يا بابا !
هدير. يلا بينا يا حبيبي
جمال باستغراب.. حبيبك انتي قولتي حبيبي
هدير. اه قولت حبيبي
جمال قام شالها من فرحته وفضل يلف بيها .. يمين بالله لنزلك تحت شايلك انا عندي اغلي من اخر العنقود ♥️
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت منتقبه)
