رواية احببت منتقبه الجزء الثاني الفصل الثالث عشر 13 بقلم ياسر الأنصاري
رواية احببت منتقبه الجزء الثاني الجزء الثالث عشر
رواية احببت منتقبه الجزء الثاني الفصل الثالث عشر
رواية احببت منتقبه الجزء الثاني الحلقه الثالثة عشر
وجاءت اللحظه الصعبه لحظه خروج الجنازة
وسط صراخ وبكي ودموع تسقي الزراعات
دخل صهيب وجمال ومحمود وابن عم مصطفي يشيلو الكرب ووراهم حشد كبير من الناس ولا يقولون إلا ….. لا اله الا الله محمد رسول الله. لا اله الا الله محمد رسول الله..لا اله الا الله محمد رسول الله ….
خلصو الدفنه ورجعو …..
وكانت الزهراء شبه غايبه وصفاء ف دنيا تانيه والصمت عنوانهم
ونصبو الصوان .. والقارئ بدأ
وصهيب ومحمود وجمال وصابر بيستقبلو الناس
جمال. هو اخو المرحوم فين !
صهيب. تقريبا زعلان من اخوه عشان ابنه ومجاش
جمال. خلاص مش مهم احنا بردو أهله
صهيب. اهله بس الأصول مفيش احسن منها. انا هروح مشوار ع السريع وراجع
صهيب راح ناحية الزهراء واخدها ع جمب. عامله ايه دلوقتي يا حبيبي
الزهراء. كويسه الحمدلله
صهيب. شدي حيلك كدا انتي مؤمنه بالله وعارفه الموت حق ولكل أجل كتاب ..وكل نفس ذائقه الموت. هو بس الفراق مش اكتر فهماني يا الزهراء وادعيله كتير
الزهراء. حاضر يا صهيب
صهيب. انا هروح مشوار ع السريع كدا وراجع
الزهراء. رايح فين ف الظروف دي !
صهيب. متقلقيش مشوار بردو تبع الظروف لما اجي هقولك عليه المهم. اندهي والدتك اطمن عليها
ودخلت الزهراء ندهتها.
صهيب. ست الكل عامله ايه دلوقتي
صفاء. الحمدلله يبني
صهيب. شدي حيلك كدا يا امي وكلنا لها وخليكي فاكره اني الموت حق ومصير كل واحد فيها ومكانا الأساسي هناك مش هنا ادعيله با الرحمه واني ربنا يجمعكم في مكان احسن من هنا
صفاء بابتسامه. إن شاء الله يا صهيب. ربنا يخليك يبني
صهيب. تسلمي يا ست الكل تقدري تدخلي ولو محتاجه حاجه رني بس
صفاء. حاضر يبني
صهيب ركب عربيته وراح ناحيه القسم الي موجود فيه اسلام ونزل أستاذن من الضابط لزياره اسلام والضابط وافق
اسلام. ايه الي جابك تاني
صهيب. صدقني لو عليا مش عاوز اشوف خلقتك
اسلام. آمال جاي ليه عشان تشمت فيا
صهيب. ولا فوق اشمت مين انتا عارف كويس اني راحتي ف موتك مش اشمت فيك
اسلام. ومعملتهاش ليه ع الأقل كان يبقي احسن من الي انا فيه دا
صهيب بحزن. معملتهاش عشان عم مصطفي شالك من تحت ايدي وأنا بقدره وبحبه ومقدرش ع زعله
اسلام. بردو مش فاهم انتا جاي ليه
صهيب. اسمعني كويس يبني عمك مصطفي ف ذمه الله
اسلام بتأثر …عمي عمي مات وهو زعلان مني
صهيب. بايدك دلوقتي ترضيه
اسلام بسرعه. قولي ازاي وانا هعمل كدا
صهيب. للاسف تقريبا انتا طالع لابوك قلوبكم سودا. تعرف اني ابوك مجاش لا دفنة عمك ولا واجبه !
اسلام. ابويا انا مستحيل
صهيب. ولا مستحيل ولا حاجه الي بقوله حصل ابوك عشان زعلان ع ابنه الغلطان مراحش دفنة اخوه. المهم دلوقتي أنا هطلعك من هنا وتوقف ف عزاء عمك وتجيب ابوك كمان ويوقف
اسلام بعياط . حاضر ربنا يباركلك يارب
صهيب. بس ف شرطين
اسلام. تحت امرك
صهيب. الامر لله وحده. الاول انك ملكش دعوه ولا علاقه بمراتي نهائي لو شوفتها في الشارع عينك تبعدها عنها ومتعتبرش نفسك ابن عمها…ثانيا من بعد الواجب والعزاء ملكش دعوه ببيت عم مصطفي لا زياره ولا كلام ولا تقرب منهم انتا متستهلش انك تكون من العيله دي اصلا. انا عاوزك توقف ف الواجب عشان نظره الناس بس مش اكتر غير كدا يمين بالله كنت خليتك قضيت حياتك كلها هنا
اسلام. حاضر يا دكتور ولا كاني اعرفهم
صهيب. حلو اوووي. طلع الفون من جيبه وكلم محمود..محمود كلم حد من الضباط الي هنا عاوز اسلام يروح دلوقتي
محمود. انتا بتقول ايه
صهيب. اعمل الي بقولك عليه وبعدين هفهمك
محمود. حاضر
محمود كلم مأمور المركز وبا الفعل وافق اني اسلام يمشي مع صهيب
واسلام ركب مع صهيب واتحركو وبمجرد وصولهم البلد …انزل ع بيتكم البس حاجه كويسه وهات ابوك وانا مستنيك هنا
اسلام. حاضر
وبعد عشر دقائق كان طلع اسلام وأبوه وركبو العربيه …
ابو اسلام. سلام عليكم
صهيب. وعليكم السلام. نتحرك ولا ايه
ابو اسلام. يبني مش عارف اشك
صهيب بمقاطعه. مش وقت كلام ابنك معاك اهو المهم دلوقتي نوقف ف الواجب
واتحرك صهيب ومداش فرصه لحد فيهم يتكلم
وصلو الواجب وبمجرد ما نزلو الكل اتفاجي
صابر اتحرك نحيتهم…. ايه الي جابك هنا يا زباله يمين بالله لولا الظروف الي احنا فيها كنت كسرت عضمك .. وانتا يا عمي جاي ليه دلوقتي لسا بدري
صهيب. اهدي يا صابر انا الي جبتهم. اتفضلو انتو ادخلو الواجب. تعالي يا صابر عاوزك
مشي صابر وصهيب. ايه الي عملته دا يا صهيب ازاي تخرجه بس
صهيب. ابوك كان بيحبه يا صابر افهم بقي …وكمان لازم يكونو معاك ف العزاء حتي لو مجرد صوره او شو
صابر. ليه يعني !
صهيب. عشان الناس يا صابر الناس ملهاش غير الي شيفاه لما تلاقيك واقف لوحدك اينعم احنا معاك بس الناس دي متعرفناش ..طب فين اخوه ! طيب وابن اخوه ! واسأله كتير احنا ف غني عنها
صابر. فهمتك يا دكتور
صهيب. ايواه بالله عليك يلا بينا نرجع الواجب ومعلش استحمل بس لحد اخر الواجب وبعد كدا لا تعرفوهم ولا يعرفوكم انا شرطت عليهم بكدا
صابر. والله احلي حاجه
رجعو ووقفوا كلهم جمب بعض بما فيهم اسلام وأبوه وجمال ومحمود وصهيب وصابر
وفجاه فون صهيب رن. سلام عليكم. احنا داخلين عليكم يا صهيب
صهيب. وعليكم السلام. ف انتظاركم يا عمي
قفل معاه. بابا اعمامي والعيله كلها شكلها جات
جمال. يشرفو. بس بقولك ايه تسلم يبني ع الي عملته انا فعلا مسالتش بس فهمت بدون ما اسال انتا عملت ايه ربنا يبارك فيك يبني
صهيب .. تسلم يا بابا الأصول مفيش احسن منها
وفجاه ظهرت عربيات لا عدد لها جميع الماركات ورجاله كتير جدا وكمان معاهم ستات دخلو يعزو الحريم والرجاله دخلت الواجب
صهيب. شكر الله سعيكم جميعا
الجميع. غفر الله ذنبك
الناس عزت وخلاص ماشين وصهيب وأبوه وأخوه وصابر واقفين ليهم وبا الفعل مشيو
صابر. والله ما عارف اقولكم ايه يا دكتور صهيب
صهيب. ع ايه !
صابر. ع الي بتعملوه ف واجب ابويا دا
صهيب. وهو ابوك لوحدك يبني استهدي بالله كدا وعيب عليك. هروح أشوف اختك وراجع
صهيب راح للزهراء ونده عليها من برا عشان الستات الي جواه وطلعتله … عامله ايه دلوقتي يا بابا
الزهراء. الحمد لله يا صهيب .. ايه الي انتا عملته دا ؟
صهيب. عملت ايه
الزهراء. ليه خرجت اسلام وجايبه هو وأبوه واجب ابويا يا صهيب !
صهيب. لاني دا الي كان لازم يحصل يا حبيبي
الزهراء. مش هما دول يا صهيب الي تعمل معاهم كدا
صهيب. وانا عملت كدا عشانهم ولا عشان عم مصطفي عليه رحمة الله
الزهراء باقتناع. ربنا يبارك فيك يا حبيبي… ااااه اااااه صهيب
صهيب بخضه. مالك يا حبيبي ف ايه
الزهراء. الحقني يا صهيب
صهيب ساندها. ايه بيوجعك يا الزهراء مالك
الزهراء. ااااااااااه بولد
صهيب. ايه بتولدي طب اعملها ايه دي تعالي اقعدي هنا
صهيب ريحها ومش عارف يعمل ايه واخته وأمه وام الزهراء الكل طلع وصهيب رايح يجيب العربيه لكن اول مره يحصل معاه موقف زي دا مش عارف يفرح ولا يزعل هو كان بيفكر ف حاجه واحده بس أنه يجررررررررري 😂
يخربيت ام كدا انا مالي تايه كدا هيا العربيه فين. محمود هي عربيتي فين
محمود. يبني مكان منتا راكنها اهي
صهيب جري عليها ووراه محمود. ف اي يبني
صهيب. الزهراء بتولد
وركبها العربيه والكل راح الي معاهم والي وراهم وصابر فضل ف الواجب ومعاه عمه وابن عمه
اول لما وصلو المستشفي صهيب شال الزهراء ع ايده ودخل بيها …. دكتوووووووووورة نسا وتوليد بسرررررررعه
ممرض. عنك يا فندم
صهيب. ابعد عن وشي عني ايه روح شوف دكتوره نسا وتوليد بسرعه
الممرض اتحرك وهو مش فاهم حاجه
صهيب دخلها اوضه الاستقبال
ممرض. طلعها قسم النسا فوق
صهيب شالها وطلعها ودخلوها اوضه العمليات
وصهيب واقف برا
وفجاه دكتور داخل عند الزهراء صهيب وقفه. لو سمحت انتا رايح فين ؟
الدكتور. نعم
صهيب. كلامي واضح بقول لحضرتك رايح فين
الدكتور. رايح اشوف شغلي
صهيب. شغلك !
الدكتور. ايواه يا استاذ عندي حاله ولاده جواه
صهيب بغضب. لا متشكرين احنا عاوزين دكتوره
الدكتور. وهتفرق ف ايه وبعدين انتا مين اصلا
صهيب. هتفرق كتير وانا الدكتور صهيب جمال ومراتي الي جواه دي
الدكتور. تشرفنا يا دكتور بس للاسف مفيش دكتوره نسا وتوليد هنا
صهيب. طيب شكرا. بعد اذنك
صهيب دخل للزهراء. معلش يا بابا احنا هنمشي من هنا ونروح اي عياده خاصه
الزهراء بتصرخ. ليييييييه
صهيب. الي هيولدك هنا دكتور راجل… ايه رايك
الزهراء. لا يلا نمشي
صهيب بابتسامه. جدعه يا بت. لبسها هدومها واتحركو وكلم محمود يشوف مستشفي خاصه بسرعه واتحرك عليها وكلهم كانو مستنينه هناك
صهيب دخل الزهراء واتاكد أنها دكتوره مش دكتور وصمم يدخل معاها بحجه أنه دكتور وكدا لكن الحقيقه أنه كان عاوز يفضل معاها وبا الفعل بداو ف العمليه
صهيب متوتر قلقان خايف حب عمره ف اصعب اختبار ومش عارف يعمل ايه غير أنه ماسك أيدها وهي ف دنيا تانيه وبمجرد ما الدكتور بدأت تشوف شغلها
صهيب. مش قادر مش قادر انا هستني برا
وبا الفعل خرج صهيب ومستغرب رد فعله طب مهو دكتور وبيعمل عمليات ف القلب اخطر واكبر من كدا بكتير اشمعنا مقدرش يشوف الزهراء وهي في الحاله دي
صفاء. هي عامله ايه دلوقت
صهيب. اهو شغالين ربنا يعديها ع خير
والكل قاعد ع أعصابه
محمود. متقلقش أن شاء الله خير
صهيب. يارررب
وفجاه سمعو صوت طفل الكل قام وقف
وصهيب قرب من الباب
الممرضه طلعت.. مبروك يا دكتور
صهيب. هي المهم هي عامله ايه ؟
الممرضه. زي الفل شويه وتفوق
صهيب بارتياح. الحمدلله
الممرضه. يعني مش عاوز تعرف جابت ايه !
صهيب. كل الي يجيبه ربنا حلو بس قوليلي جابت ايه
الممرضه. جابت ولد زي القمر
صهيب بفرحه. ولد. اللهم لك الحمد. ونزل سجد ع الأرض
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت منتقبه)
