رواية احببت منتقبه الجزء الثاني الفصل الأول 1 بقلم ياسر الأنصاري
رواية احببت منتقبه الجزء الثاني الجزء الأول
رواية احببت منتقبه الجزء الثاني البارت الأول
رواية احببت منتقبه الجزء الثاني الحلقه الاولي
رجعنا بعد غياب مش كبير عشان نكمل مسيرة صهيب و الزهراء ومحمود واميره ونشوف الجديد لاني في أحداث كتير جديده وشخصيات كمان
“ونبدا ببسم الله ”
حابه نقضي شهر العسل فين بقي يا قمري العمرة والحمدلله اعتمرنا هااااا حابه نروح فين لأننا هنتحرك من هنا مش هنرجع مصر غير بعد شهر العسل
الزهراء.. امممم مش عارفه ممكن تفكر معايا
صهيب. وماله ايه رايك في باريس مثلا مدريد موسكو بيروت اختاري يا ستي
الزهراء.. لا والله هو أنا بقولك قولي اسماء المناطق طب منا عارفه انا عاوزك تختار المكان نفسه يا خفيف
صهيب بضحكه. حاضر يا ستي مدريد حلوه عشان نقابل هناك الدون( كرستيانو رونالدو) لاني بعشق أمه بس يا خساره هو حاليا هنا في السعوديه
الزهراء بتعجب. لا والله هو شهر عسل ولا تعارف ع الشخصيات الكرويه بطل رخامه بقي
صهيب بضحكه. حاضر هبطل. طب ايه رايك نروح باريس وهناك نشوف برج ايفل وهنقضي احلي اوقات
الزهراء. حلو دا
صهيب. ومش بس كدا. هناك هنقابل ميسي( ليونيل ميسي) وحكيمي ومبابي وراموس وغيرهم
الزهراء. ابو رخامتك يا اخي
صهيب. ثانكس خالص ع المجامله اللطيفه دي
الزهراء. بجد بجد طيب تيجي نروح بيروت واهي لبنان قريبه مننا ولغتهم سهله بردو
صهيب. فكره بردو بس قوليلي هو انتي ساقطه فرانس ولا ايه ( بيضحك)
الزهراء . لا يا روحي مش ساقطة فرانس بس مش لهلوبه فيه يعني
صهيب. يعني خلاص نتوكل ع الله بيروت اخر كلام
الزهراء. اه اخر كلام.
اتحرك صهيب حجز الطياره والاقامه الي هناك عن طريق اميل خاص با الاوتيل ورجع
الزهراء. عملت ايه
صهيب. خلصت كل حاجه السفر بعد ساعتين ونص من دلوقتي يلا نجهز شنطنا
الزهراء. يلا يا روحي
خلصو كل حاجه وخلاص جاهزين للسفر وميعاد الطياره كان جيه وبداو يتحركو
وصلو المطار وعدو ركبو الطياره وخلاص ع استعداد للسفر وكله زي الفل فجاه دخل عليهم فرض من العاملين في الطياره ( مضيف)
مساء الخير يا فندم ياريت نربط الاحزمه بعد اذنكم
صهيب لسا بيقوله حاضر وبدأو يربطو الاحزمه..
الشخص دا بيساعد الزهراء عشان تربط الحزام وأيده علي ايدها وهي اتخضت
صهيب قام من مكانه . انتا عبيط ولا ايه يا بني ادم انتا
المضيف. شو حصل يا استاذ
صهيب. بلا شو بلا بو اخفي يا عم من وشي والي حصل دا لو اتكرر تاني مش هيعدي علي خير
بدأت الناس تيجي مضيفين وإداريين وغيرهم ويهدو الموقف من اعتزار وغيره
صهيب. مش عاوز منه اعتزار ولا غيره بس مش عاوز اشوف وشه تاني وميقربش من جمبي انا ومراتي
مضيف تاني .. حاضر سيدي الي حضرتك بدك ياه هنعمله
صهيب. اشكرك
وبدأت الرحله وطول الطريق صهيب متضايق والزهراء بتحاول تفكه بس مش عارفه
بدأت تقرب منه وتلف أيدها ع ايده .. حبيبي خلاص بقي انتا عملت الواجب وزياده ايه الي مزعلك دلوقتي
صهيب. مش زعلان يا بابا بس الموقف نفسه يضايق
الزهراء. خلاص بقي سيبك منه دا عبيط ولا يسوي واخد الي فيها النصيب
صهيب بضحكه. اهي لبنان يا ستي من اولها بيقولي شو حصل يا استاذ.
الزهراء فصلت ضحك ومش قادره تتكلم. يلا موقف وعدي بس الواد خاف يا عيني
صهيب. احسن كدا عشان يحرم يعملها تاني معانا أو مع غيرنا
الزهراء. بس أنا لحد دلوقتي مش فاهمه هو عمل كدا ليه وازاي اصلا
صهيب. بصي يا بابا الي حصل من شويه مني دا رد فعل بناء ع الراجل الشرقي أو الصعيدي الي جوايا لكن في رجاله تانيه كتير وتحديدا في الغرب الي حصل دا عادي جدا بنسبالهم وممكن يشكروه كمان
الزهراء بخضه. يشكروه ؟
صهيب. اه طبعا لاني هو كدا بنسباله بيساعد مراته كأن عندنا مثلا لو حد شاف ست شايله حاجه تقيله واخدها منها وبعدها الست دي حكيت لجوزها أو ابنها هيعملو ايه
الزهراء. هيشكروه
صهيب. دا با الضبط الي عاوز أقوله مجتمع عن مجتمع يفرق عن عاداته وتقاليده واعرافه
الزهراء. اي مجتمع الي يسمح لراجل غريب يلمس ايد مراتك وانتا تشكره
صهيب بضحكه. نفس المجتمع الي دعم الالوان والبسكلتات وهو نفسه المجتمع الي أهان رسول الله عليه افضل الصلاه واتم التسليم بكلامه ولوحات الكاريكاتير وهو نفسه المجتمع الي بيسمح بتحرر المراه ودياثه الراجل هو بقي نفس المجتمع الي بيقول أن الإسلام أهان المرأة وظلمها شوفتي بقي هما مين
الزهراء. اعوذ بالله ايه الناس دي يلا ربنا يصلح حالهم
صهيب. أو ياخدهم
كانو خلاص وصلو ونزلو من الطياره وكانو تعبو من السفر واتفقوا أنهم هيريحو شويه الاول ف الاوتيل وبعدين ينزلو براحتهم
طلعو الاوتيل واخدو مفتاح الاوضه ودخلو
صهيب. يخربيت ام السفر ع الي يسافرو ايه دا يا بنتي دا انا فصلت
الزهراء بضحك. ومين سمعك أنا ميته اصلا وبتحاسب
صهيب.. هقوم اخد شاور بسرعه ولا اقولك تعالي معايا
الزهراء. بس بقي اجي فين
صهيب. لا والله هتستعبطي هي اول مره يعني انجزي يا بت
الزهراء ف دور الانكسار. حاضر
صهيب بيضرب كف ع كف. حقيقي يتمتعن وهن الراغبات
دخلو خلصو الشاور وسط ضحك وشويه هزار ع شويه لعب ميمنعش من شويه رومانسيه …( بس مش هزكر احداث عشان العذاب الي زي حلاتي 😂
خلصو وخرجو كان فون صهيب بيرن ورد عليه
اقسم بالله العظيم انتا واطي هو كان شك بس أصبح اكيد بقي يا واطي اربع ايام ولا ترن ولا تسأل علينا
صهيب. حبيب قلبي يا حوده وربنا وحشني ياض. بس قبل ما تاكلني في الكلام هقولك حاجه
محمود. قول يا سيدي
صهيب. بالله عليك ينفع يكون معاك حتت كريمه با الفراوله وعليها حبت قطايف كدا وحلويات واسيبها واروح اكلم طبق فول سوداني محمض ؟
محمود. لا بصراحه مينفعش بس ايه دخل دا بلي بقوله !
صهيب بضحكه. مهو انتا طبق فول السواني المحمض يبني
محمود. والله ما كذبت لما قولت عليك واطي. طب خد امك عاوز تكلمك
صهيب. هاتها بسرعه
عائشه. حبيبي الي نسيني بس بصراحه من حقك يبني حد يبقي بيزور رسول الله ومعاه الزهراء ويفتكر حاجه تاني
صهيب.. انا مقدرش انساكي في اي وقت يا ست الكل وبعدين متهزريش مش امبارح مكلمك بيني وبينك وقولتلك متقوليش لحد بخصوص حوار أميره ومحمود
عائشه. احم. فاهمه فاهمه المهم انتا عامل ايه يا حبيبي.. بس بقي يا محمود بكلم اخوك
صهيب بضحكه. خلاص فهمت أنه جمبك
عائشه. ابن بطني بصحيح. المهم انتا مبسوط هناك يا حبيبي
صهيب. زي الفل يا ماما والله. انا ف لبنان دلوقتي
عائشه. ربنا يسعدكم يبني يلا مش هطول عليكم بس سلملي ع الزهراء كتير
صهيب. حاضر يا ماما يلا سلام عليكم
وقفلو المكالمه وكانو بيجهزو عشان ينزلو
وبا الفعل نزلو وايدهم في ايد بعض
الزهراء. الله جميله اوووووووووووي لبنان وطبيعتها شايف الجبال عاليه ازاي ومنظر الخضار القمر دا
صهيب. شايف يا قلبي المهم تكوني مبسوطه بس
الزهراء.. مبسوطه اوووووووووووي بس مش قد انبساطك لما تسمع الخبر الي عاوزه أقوله
صهيب. وساكته ليه ما تقولي يا بنتي
الزهراء بضحكه. هقول اهو متزقش يا عم
صهيب. طب قولي
الزهراء. هاتلي الاول ايس كريم من الراجل دا
صهيب. حاضر يا ستي يعني مش هتقولي
الزهراء. هقولك بس هات الايسكريم الاول
صهيب. حاضر. وراح يجيب الايس كريم
بس الزهراء ندهت عليه بصوت عالي .. صهيب اعمل حسابك في ثلاثه مش اتنين ع عددنا با الضبط
صهيب غير طريقه ورجع تاني. بتقولي ايه ثلاثه ! وعددنا
هو انتي !
الزهراء. حامل يا حبيبي 🤭🥺
صهيب وقف ثانيه بيستوعب وبعدها محسش بنفسه غير وهو شايلها وبيلف بيها وبعلو صوتو بيقولو. يا احلي خبر في حياتي انا هيتقالي بابا ♥️
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت منتقبه الجزء الثاني)
