رواية احببت مخادعه الفصل السادس 6 بقلم نورسين

رواية احببت مخادعه الجزء السادس

رواية احببت مخادعه البارت السادس

رواية احببت مخادعه الحلقة السادسة

~~اه ابن خالها واخوها فى الرضاعه هو مسافر دلوقتى وهيجى كمان كام يوم
مجاش نهائى فى دماغ ادم ان اخوها ده يكون حسن
اتدخلت مامت ادم
>طب مش يلا بقا نلبس الشبكه سمعونا زغروطه يا جماعه
خديجه طبعًا متتوصاش مفصلتش كل ثانيه تزغرط
كنت قاعده جمبه وهو بيلبسنى الشبكه كانت رقيقه وجميله فعلًا ذوقى
مدلى ايدو عشان البسه دبلته لبستهاله وانا بحاول اضحك عشان ابعد اى شكوك
=طب يا جماعه استأذنكم اخرج مع خطيبتى عشان نتعرف اكتر
اتدخل علي
:لا احنا معندناش الكلام ده بعد كتب الكتاب تبقو تخرجه ولو دلوقتى فا هاجى انا وخديجه
ابتسمت لعلي وعملتله قلب صغير من بعيد لمحنى ادم بطرف عنيه
واتكلم ادم وهو بيحز على سنانه
=طب نقعد لوحدنا حتى هِنا فى البيت
كان على هيعترض لكن ماما اتكلمت وهى بتطبطب على كتفه ووجه كلامها ليا
>خديه السطح يا هَنا
وبعدها وجهت كلامها لادم
>معلش يا بنى علي بيحب هَنا جدا وبيعتبرها اخته
هز ادم دماغه ليها بمعنى عادى
طلعت السطح وانا متعصبه وهو طالع ورايا
كان السطح عندنا كله زرع و فيه مكان للقاعده
وفيه نور اصفر متعلق كنت انا وحسن عملناه مع بعض وفيه كمان كوفى كورنر
لمحت نظره الاعجاب على وشه من المكان لكنى تجاهلت كل ده وقعدت استنيت يقعد عشان اتكلم
_اتمنى دلوقتى تكون مبسوط بعد ما عملت الفى دماغك
=انتِ الوصلتينا لكده كان زمانا دلوقتى اسعد اتنين فى الدنيا
جاوبته بحده
_انا عملت ايه فهمنى بعد ما رفعتنى سابع سما نزلتنى سابع ارض فى يوم وليله سمعتنى كلام محدش يستحمله بس انا برضه بديك فرصه وفى كل مره واقول اكيد المره دى هيفهمنى فى ايه
خلصت كلامى وانا الدموع متجمعه فى عينى
=انتِ ليه مصممه تعملى نفسك مش عارفه
قاطعته بعصبيه
_عشان فعلًا مش عارفه هعرف منين فهمنى
=عايزه تعرفى انا هقولك
_لا خلاص انا مش عايزه اعرف معدش يهمنى انت خلصت كل فرصك معايا
وقفت وانا بمسح دمعه نزلت من عينى
_عملية زين امتى
=عاصم قالى الاسبوع الجاى
_انت او كملت الى فى دماغك اعرف ان عمرى ما هسامحك يا ادم
خلصت كلامى ونزلت وسبته نزل ورايا بعدها
اليوم خلص وروحو ماما حبت اهلو وفضلت تتكلم عنه وعن اخلاقه وانا بسماعها ونفسى احكلها
=الو يا هنون
كانت رقيه بتتكلم بفرحه
_ده ايه الحماس ده خشى عليا بالاخبار
=أحمد كلم بابا يا هَنا خلاص بعد ما رفضه ٥مرات وافق اخيرا
اتكلمت بفرحه
_بجد مش قادره اوصفلك فرحتى مبروك يا روكا ربنا يهنيكم
=الله يبارك فيكى عقبالك يا هنون
بصيت على الدبله الفى ايدى وجاوبتها بسخريه
_لا ما انا سبقتك بقا
=سبقتينى ازاى
شهقت بصوت عالى وكملت بعصبيه
=انتِ اتخطبتى لادم
_اه
=ليه
_ما انتِ عارفه عشان خاطر زين
=طب وانتِ و مشاعرك وقلبك؟
غصب عنى عينى اتملت بالدموع السؤال ده كنت خايفه اسئله حتى لنفسى طب وانا فين من كل ده بعد ما فتحت قلبى ليه واتعلقت انا من النوع البتعلق بسرعه عشان كده كنت بتجنب التعامل مع حد بس هو كسر كل الحواجز وكانت دى النتيجه الخذلان منه
جوبتها بإرهاق
_مش عارفه يا رقيه انا اهم حاجه عندى زين يبقا بخير
بعد يومين
صحيت من النوم وانا لسه مقفله عينى ووشى محمر شويه وشعرى منكوش ده بيقا شكلى لما بصحى
_صباح الخير يا ماما
اتكلمت وانا بدخل الحمام
غسلت وشى وسنانى وسرحت شعرى و طلعت
كانت ماما قاعده فى ايديها فنجان القهوه
_استر يارب انا عارفاها القاعده دى
قعدت جنبها بعد ما اتأكدت ان فى حاجه
=ادم كلمنى
كنت لسه هحطت عنبايه من الطبق القدامى فى بوقى لكن وقفنى كلام ماما سألتها بإستغراب
_كلمك ليه
=بيقولى انك مش بتردى عليه
_تليفونى كان فاصل شحن
=فاصل بقاله يومين
اتكلمت بسخريه
_انتِ عارفه الشبكه عندنا وحشه
اتكلمت هى بحده
=هَنا انا مش بهزر انتِ مش عايزه ادم
_لا ياماما عايزه هكون وافقت عليه ليه
=طب مش بتردى عليه ليه
سندت راسى على ايدى ولفيت ليها
_بعلمه الادب مش انتِ قوليتلى متخليش راجل يزعلك
هزت راسها بمعنى اه
_وانا بقا بعمله ازاى يعرف يزعلنى
بوستها من دماغها ودخلت اوضتى عشان اغير و اروح الشغل
_امم بعنى طلع عندها اخ
اتكلم حازم وهو بيقطع شريحه اللحمه القدامه
=اه مامتها قالت مفيش كتب كتاب من غير ما اخوها يحضر
_طب هو فين
=مش عارف بس شكله مسافر
_هتكمل برضو الفى دماغك
=هتصدقنى لو قلتلك مش عارف انا عايزها بس مش قادر انسى الحصل
_انا عرفت مين البعتلك الصور
=مين
سأله بلهفه بيحاول يلاقى اى حاجه تطلعها بريئه
_زينب عبدالله السيوفي دكتور جديده فى المستشفى
سكت ادم وهو بيشبه على اسم زينب
=هى صحبته هَنا صح تقريبًا دى هى الدكتور القالتلى ان معندهاش اخوات ولاد
_الفهمته انهم مش صحاب للدرجه بس فى بينهم كلام
=طب و ايه مصلحة زينب
_بتحب حسن وكانه خلاص هيخطبها بس حسن سبها
=ليه
_عشان هَنا لما سألتها قالتلى انها كانت بتحاول تقرب منه وانه فضلها عليها
كور ادم ايده بغضب كل حاجه ضدها
_ادم انا مش عايزك تتهور ادينى بس يومين وانا هعرف كل حاجه
=بعد يومين هيبقا كتب الكتاب
خلص كلامه ومشى
سمع رنت تليفونه كان دكتور عاصم
=ايوا يا دكتور
_انا كلمتك عشان دكتوره هَنا وزين جم المستشفى زى ما طلبت ابغلك
=ماشى شكرا يا دكتور
رحت المستشفى انا وزين عشان يكشف
_دودو ممكن تقعد هِنا فى المكتب من غير ما تتحرك عقبال ما اشوف دكتور عاصم
هز راسه بالموافقه
=حاضر يا نونا بس متتأخريش
قرصته من خده
_مش هتأخر يا حبيبى
رحت لدكتور عاصم عشان اعرف مين هيبقا مسؤل عن حاله زين
=انا ارشحلك دكتور مجدى او الدكتوره زينب بس افضل مجدى
_طب هو دكتور مجدى موجود
=لا هو شفته خلص تقريبا هيجى بكرا الصبح
سبته وجبت هقوه وشكولاته لادم
وانا ماشيه قبلت زينب اتكلمت بإبتسامه
_عمله ايه بقالى كتير مشوفتكيش
=بخير وانتِ
كان باين عليها الضيق
_مالك انتِ كويسه
سألتها بفضول وانا معرفش ان الضيق ده منى انا
=لا مليش
_لو مواركيش شغل تعالى اقعدى معايا فى المكتب
اتجهنا انا وهى للمكتب فتحته وانا ببتسم لزين لكنى اتفاجئت من الجمب زين
_ادم
قام زين وحضنى كانت دماغه وصله لوسطى
=اتأخرتى ليه يا نونا
طبطت على دماغه وانا لسه بصه لادم بستغراب وهو كان باصص لزينب بطريقه غريبه
_معلش يا دودو بص جبتلك ايه
ادتله الشكولاته
حسيت ان الجو متوتر بينا
_دى زينب دكتوره معانا و صحبتى
بدأت كلامى وانا بشارر عليها ونهيته وانا بطبط على كتفها بإبتسامه
_وده استاذ ادم من المتبرعين للمستشفى
قطعنى ادم
=وخطيبها
عين زينب اتسعت من الصدمه
~~خطيبها
سألت بصدمه كانت باينه على ملامحها
وجهت كلامها ليا
~~امتى اتخطبتو امتى
اتدخل ادم للمره التانيه
=من اسبوعين
بصتلى بجمود
~~مقلتيش يعنى
_معلش جت فاجئه مش هتبركيلى ولا ايه
حاولت الطف الجو
~~لا طبعا هباركلك
بصت على ايدى
~~بس فين دبلتك
اتكلمت بإحراج من الموقف ومن نظرات ادم
_نسيتها فى الحمام شكلى الصبح
همهمت ليا وقربت حضنتنى
~~مبروك يا حبيبتى بجد انا فرحت اوى عشانك
مشت زينب من المكتب ونطرات ادم لسه عليها
=هى صحبتك اوى
_لا عادى يعنى انا محدش قريب منى غير رقيه انت عارف
مسك ايدى
=وفين دبلتِك
سحبت ايدى منه
_زى ما سمعت نستها
من وجهه ادم
كان باين على ملامح زينب الضيق والصدمه لما عرفت اننا اتخطبنا وصدمتها الاكبر لما قولتلها من اسبوعين معنى كده اننا متخنقناش اصلا لحظت ازاى كانت بتحاول تحرج هَنا قدامى
خرجنى من تفكيرى زين وهو بينادينى
>مش يلا عشان نكمل لعب
بصتله وابتسمت على لطافته
=يلا نكمل
كنت بلعب مع زين وانا مراقب حركتها وهى بتشتغل على الورق القدامها وبتقرا فيه كانت كل ما تتخنق تشرب مايه او تحط القلم على شفايفها
المره دى هسمع قلبى ويارب تتطلع بريئه فعلًا
فاضل يومين على كتب الكتاب ماما وافقت عشان عرفتها ان حسن يعرف ادم وانه هيجى يوم كتب الكتاب
=عرفتى هتلبسى ايه فى كتب الكتاب
_وانت مالك
جاوبنى ادم بحده
=يعنى ايه وانت مالك ماتتكلمى عدل يا هَنا
_اولا متتعصبش عليا ثانيًا ايوا فعلا انت مالك اوعى تاخد موضوع كتب الكتاب ده بجد زين يعمل العمليه وهنهى السخافات دى
=مش بمزاجك ومتقلعيش دبلتك تانى انا عدتها اول مده بمزاجى
_يعنى ايه متستفزنيش يا ادم انت سامع والبسها او اقلعها دى حاجه بمزاجى وسلام عشان مش فاضيه
قفلت السكه مستنتش رده تعبت خلاص من كتر الضغط عليا منه ومن حسن الى شاكك فى علاقتنا
كنت قاعده على سطح بتنا مستانيه رقيه تيجى ونقعد قعدتنا زى العاده بكوبايتين الشاى
_اخيرا جيتى
=معلش انتِ عارف انى مش فاضيه
قعدت جمبى وانا سندت راسى على كتفها الحركه دى بتريحنى
طبطت على ايدى
_ايدك ساقعه كده ليه اجبلك حاجه تحطيها عليكى
جاوبتنى بمرحها المعتاد وهى بترفع ايديها فى وشى
=لا مرسى دبلت خطيبى مدفيانى
ضحكت من قلبى على كلامها وطريقتها وبصيت على دبلتى
_امال انا دبلتى مش مدفيانى ليه
=عشان رفيعه بس هو ادم معهوش فلوس ولا ايه
ضربتها على كتفها وانا بضحك
_على القليله من التى لبساها لبسه اسوره فى صوبعك هو احمد المختارها ولا ايه
اتكلمت بطريقه بلدى
=لا اسكوزمى كله إلا زوق حموكش
كملت وهى بتضحك
=هو فعلا الختارها مرضتش احرجه كانت عجباه اوى دى اكبر من الحلق الى فى ودنى
ضحكنا انا وهيا
_تموتى انتِ فى جبر الخواطر
كملنا قعدتنا وضحكنا حقيقى مفيش غيرها بيفك عنى وحسن كمان طبعًا
يوم كتب الكتاب
صحيت على اغانى فى الشقه فتحت عينى وانا بطلع من الاوضه عايزه اطفيها عشان اكمل نوم
لقيت حسن واقف فى الصاله و حاواليه كياس
وكان بيغنى وبيرقص وهو ماسك ماما
جريت عليه وحضنته
_حسن وحشتنى اوى بجد
شد على حضنه ليا
=طلامه قولتى حسن يبقا فعلًا وحشتك
بعدنى عن حضنه وهو يفتح الكياس طلعلى منها فستان وعلبه فيها هيلز
=دى هديه كتب الكتاب لاختى واغلى حاجه عندى
عينى اتملت بالدموع قربت منه وحضنته
_بجد يا حسن انت احلى حاجه فى حياتى
~~ربنا يخليكو لبعض يا حبايبى
كان صوت ماما فتحتلها دراعه عشان تدخل معانا فى الحضن
بدأت اجهز لبست الفستان كان ابيض ستان ضيق من فوق ونازل على واسع بعد الركبه بشويه مقفول من فوق فردت شعرى وحطيت ميكب ولبست الهيلز كانت بيضا ورقيقه
خلصت لبس وطلعت كان الباقى خلص ومستانينى سمعت تصفير حسن
=ايه الصاروخ ده انا مش موافق على الجوازه دى
قربت منه وشبكت ايدى فى دراعه
_يا بكاش للدرجه دى
=واكتر ده انتِ الحته الجوانبه
ضحكت على كلامه
وصلنا المكان الى كان من اختيار ادم بس طلع على ذوقى!
كان روف على البحر متزين بورد ابيض و وكراسى بيضا عليها فينكه روز مترتبين ورا بعض وطرابيزه كتب الكتاب متزينه بالورد كل حاجه كانت ممتازة
=اطلعو انتم وانا هعمل حاجه وجاى
مسكته من ايده
_رايح فين يا سوس
=اشوف هتجوز امتى انا كمان
غمزلى اخر كلامه بصتله بإستغراب
سبنا ومشى واحنا طلعنا كان المكان بدأ يتملى بقاريبنا وقرايبه
جه سلم على ماما و اهلى
وفضل باصصلى نظرات انا عارفها نظرات ادم القديم نظرات حب باينه فى عنيه كان لابس بنطلون اسود وقميص اسود وعليه بليز رصاصى ورافع شعره كان جميل بس كان فى كدمه جمب عينه
قرب منى وهو بيبص فى عنيا
=شكلك جميل اوى
فضلت بصه للكدمه
_دى من ايه
اتكلمت وانا بشار جمب عينه من بعيد
حط ايده عليها
=لا ولا حاجه اتخبط
همهمت ليه واتكلم وانا بسيه عشان اسلم على مامته
_على العموم شكرا
ما انا مش هخليه يضحك عليا تانى ولا يصعب عليا
سلمت على طنط واتعرف على عمته الحربايه وبنتها الخبث كان باين على وشهم
قعدت على ترابيزه كتب الكتاب وهو جه قعد جمبى
كانت بنت عمته لسه بتبصلى بقرف
قربت منه وانا بتكلم
_هو كل قرايبك هِنا
=اه ليه
سألنى بإستغراب
_ولا حاجه بفكر افضحك ازاى
بصلى بصدمه لما خلصت كلامى
قربت منه تانى وانا بكمل بهمس
_تعرف لسه شايفه فيديو لعروسه قلعت الجزمه وضرب بيها بنت عم العريس عشان بتبصلها بقرف
كنت بتكلم وانت موجهه نطرى لبنت عمه وهو بص مكان ما ببص وفهم قصدى
نزلت ايدى تحت الترابيزه بفك الجزمه مسك ايدى بسرعه
=اهدى يا هَنا انتِ اتجننى
نزل هو ايده عند الجزمه بيقفلهالى
=بلاش جنان ملكيش دعوه بيها
ضحكت بخبث وانا بغمز لبنت عمته لانها شافته وهو بيعدلى الجزمه الغيظ بان عليها و واقفت بعيد لحظ ادم الحصل مسك ايدى وهو بيشد عليها عشان اقرب منه
واتكلم بمرح مش عارفه هو سُخن ولا ايه
=مش كفايه شقاوه بقا ولا ايه
بصتله وطلعتله لسانى بحركه طفوليه
ضحك على حركتى
كنت باصه على الباب بترقب مستانيه حسن
لفت نظرى دخول داليدا الاول وبعدها بشويه حسن
اه يا خلابيص
لما حسن دخل وقفت وانا بسحب ايدى من ادم الى مش راضى يسبها ابتسمت لحسن
_اهو ده دكتور حسن اخويا يا ادم
جاوبنى بهدوء و وقف جمبى و هى لسه ماسك ايدى
=عارف