رواية احببت فلاح الفصل الرابع والثلاثون 34 بقلم زينب غوالي
رواية احببت فلاح الجزء الرابع والثلاثون
رواية احببت فلاح البارت الرابع والثلاثون
رواية احببت فلاح الحلقة الرابعة والثلاثون
صحي علي من النوم اتوضاء وصلى الصبح ونزل بدرى جري لجده عشان يسأله عمل ايه مع الحاج يوسف صباح الخير ياحاج حمد رد صباح النور ياعلي ها عملت ايه في اللى كلمتك عنه امبارح رد الحاج حمد بضحكه خفيفه انت قولتلى على ايه ياعلي مش فاكر رد علي موضوع زينة ياجدي كلمت الحاج يوسف ولا لاء رد ايوا ايوا افتكرت قاله وانت لحقت تنسا ياجدي ضحك جده وقاله مستعجل ليه كده هيا ها تطير رد علي قاله ايوا وحكاله على اللى حصل يوم ما مصطفي راح ليها قدام المعهد بصله الحاج حمد وهو مدايق وانت اتاخرت عليها ليه قاله وانا كنت اعرف ان الحيوان ده هايكون هناك وبعدين قولت لزينه انها ماتقولش للحاج يوسف عشان هايقلق عليها بصله جده وقاله خلص اللى وراك وجهز نفسك عشان هانروح مشوار بليل حاضر ياجدي ..
خرج علي وطلع الحاج يوسف تليفونه وكلم الحاج يوسف وقاله انه هايعدي عليه عشان يكلمه ف موضوع زية وعلي وقاله انهم هايشيلو زينه ف عنيهم وطمنه عليها عندهم لانه عارف زينه بالنسبه ليه ايه رحب الحاج يوسف وقاله تشرف وانا ها اطلع اسئل زينه واللى فيه الخير يقدمه ربنا
زينه في اوضتها قاعده بتخلص تصاميم عشان تلحق الافتتاح والشغل خبطت باب اوضتها دخل باباها عليها
سابت اللى ف ايديها وقالتله خير يابابا قالها تعالى يازينه عايزك في موضوع مهم زينه اتوترت حست ان ابوها هايكلمها في موضوع علي
قالها ايه رايك في علي بصت زينه ل ابوها بكسوف بخصوص ايه يابابا قالها شخصيته زينه بكسوف مش عارفه يابابا اخد الحاج يوسف باله من كسوفها قالها علي متقدم ليكي يازينه ايه رايك يابنتي مش هانلاقي احسن منهم الحاج حمد والحاج محمود ناس محترمه واصلهم طيب وحريم البيت عندهم كلهم بيحبوكي وعلي شاب مكافح وبيجتهد وماشاء الله عليهم زينه بكسوف طيب يابابا ممكن تديني فرصه افكر رد عليها طيب هما جايين النهاردة اقولهم ايه زينه يجو ف اي وقت يابابا دا بيتهم بس ممكن تسيبني اخد وقتى افكر و وشها كله كسوف باباها فهم انها موافقه بس مكسوفه تتكلم خرج باباها وقال ل الحاجه مريم انها تجهز الدينا عشان اما يجو الضيوف ….
زينه قعدت على سريرها وضربات قلبها مش ملاحقها وشها كله كسوف افتكرت كلام علي ف العربيه وانه كان يقصد الخطوبه فرحت وقلقت في نفس الوقت زينه رجعت ل وعيها وقامت تخلص اللى وراها وقررت تاخد التصاميم وتروح تطمن على دكتور فريد وتعرضهم عليه عشان لو فيه اي ملاحظه تساعدها ف المشروع بتاعها
وفي الليل راح علي لجده عشان المشوار اللى قاله عليه خرج الحاج حمد وركب جنب علي وقاله على فين رد عليه على بيت الحاج يوسف قاله علي ليه قاله انت اهبل يا ابني مش عايز بنته زينه فرح علي وقاله طب يلا عشان مانتاخرش ف الطريق الحاج حمد طلب من علي يخلي اتنين يراقبو زينه ف كل مكان من بعيد ل بعيد عشان لو حصل حاجه زي دي من مصطفي تانى يكون عنيهم عليها وصلو الاتنين ل بيت الحاج يوسف رحب بيهم ودخلو قعدو سلمت عليهم الحاجة مريم وقعدو الحاج حمد طبعا ياحاج يوسف انت عارف احنا هنا ليه عايز اقولك ان زينه دي حفيدتي وربنا يعلم غلاوتها عندي وعند اهل بيتي والله الحاجة امال ديما تقولى خليها تيجي وتحب وجودها ف البيت على طول واحنا طبعا عارفين اللى حصل قبل كده وانت ياحاج يوسف عارف علي وعارفنا كويس رد الحاج يوسف احسن ناس اصلكم طيب ياحاج حمد دا احنا عشرة وانا مش هالاقي لا ارجل ولا احسن من علي انا كلمت زينه وقالت اسيبها تفكر يومين تلاته مش عايزة تستعجل زي المرة اللى فاتت بس هيا مكسوفه وانا عارف بنتى انها هاتوافق ان شاء الله بص ل علي وقاله هاتاخد بالك منها يا علي رد عليه اكيد ياحاج يوسف دي ف عنينا ندهت الحاجة مريم ل زينه تنزل تسلم على الحاج حمد نزلت زينه وقلبها بيرتعش من الكسوف دخلت عليهم سلمت على الحاج حمد وقعدت جنبه قالها انتى عارفه طبعا ياست البنات احنا هنا ليه زينه عنيها ف الارض
بصت ل علي وشدت قلبها ونفسها عشان تغيظه وقالت للحاج حمد انا قولت ل بابا افكر وبصت لعلي وكملت كلامها لازم اخد وقت وافكر كويس وان شاء الله ربنا يسهل بس لو ما حصلش نصيب ياحاج حمد هاتزعل منى فهم الحاج حمد انها بتغيظ علي من نظراتهم لبعض قالها لا يا زينه ها اجبلك عريس احسن منه وضحكو بصله علي وقاله يلا ياحاج حمد يلا الله يخليك شكلك جي تبوظ الموضوع سلمو عليهم وقامو مشيو ف العربيه علي هايموت و يوصل بسرعة عشان يكلم زينه
الحاج حمد مستعجل ليه يا ابنى على مهلك رد علي وانت رايح ياجدي تبوظ الموضوع انت معايا ولا عليا رد جده هاتفضل طول عمرك دبش وضحك وصلو البيت طلع علي اوضته بسرعه اخد شاور وغير هدومه ومسك تليفونه واتصل ب زينه رن تليفونها شافت اسمه اتخضت وقلبها اتنفض جمدت قلبها وردت عليه
الو : ايوا
هو :ايوا ياست زينه هاتفكري لغايه امتى عشان ابقا عارف بس
ردت زينه مش عارفه ممكن شهر شهرين على حسب وبعدين انت ليه ما كلمتنيش وعرفتنى ناوى علي ايه قالها ما انتى عارفه انا ناوى على ايه من زمان قالتله لا ما اعرفش رد عليها ناوى انك تكوني ملكي انا وبس ناوى انك ماتطلعيش من بين حضني ابدا ناوى انى اصحا وانام وانتى جنبي زينه ب خجل وكسوف وتهته انت انت انت قالها انا بحبك يازينه بلاش العند ده انا مقدرش اعيش من غيرك ردت زينه عليه بكسوف وقلبها مش سيعاه الفرحه ردى هايكون كمان يومين تلاته لازم افكر كويس ياعلي قالها كده كده هانتجوز يازينه قالتله طب يلا اقفل ياعلي عشان اخلص اللى ورايا عشان عندى ميعاد مع دكتور فريد بكره عشان التصاميم اللى هانصنعها قالها على دكتور فريد ده انا مش مرتحله زينه عارفه انه بيغير عليها قالته سلام ياعلي ….
زينه من قلبها وعقلها موافقه بس بتتقل عليه ازاى ترفض اول واحد قلبها دق عشانه قررت انها كمان يومين تبلغ والدها ب الموافقه قفل علي التليفون و هو واثق انها هاتوافق علي بيحط تليفونه جنبه عشان ينام اخد باله من خيال حد جنب الباب اتسحب علي عشان يشوف ميين مشي ب الراحه لقي مروة معاها هدوم و واقفه شافته اتخضت قالها بتعملى ايه هنا ردت كنت جيبالك الغسيل قالها وماخبطيش ليه تد خليه ردت ب تهته انا انا …. دا انا لسه طالعه حالا علي بدا يتوغوش منها قالها طب غورى على شغلك واياك تقفي كده تانى نزلت جري على المطبخ تكلم هدى وحكتلها على اللى سمعته قفلت معاها وكلمت مصطفي قالتله احنا لازم ناخد الخطوة الجايه علي هايتجوز زينه اتغاظ اكتر منه وافتكر اما ضربه ف المزرعه واتاكد انه كان بيحب زينه
اتفقو الاتنين علي خطه يحرقو قلب زينه وعلي على بعض…..
يتبع…
لقراءة الرواية كاملة اضغط على : (رواية احببت فلاح)
