رواية احببت اخي الفصل الأول 1 بقلم هاجر أحمد
رواية احببت اخي البارت الأول
رواية احببت اخي الجزء الأول
رواية احببت اخي الحلقة الأولى
من يريد ان يهلك قلبه فا عليه ان يقع في الحب من طرف واحد ,كلا منا لديه ذاك الشخص المقرب الذى يمثل دور كبير في الحياه لكن سوف يكون من سوء حظك لو ارتكبت خطأ الوقوع في حب ذاك الشخص,ان وقعت في هذا الخطأ اعلم انك حكمت على قلبك بالهلاك .
في حى بسيط من احياء الاسكندريه فتاه أكملت عقدها الثاني,تعيش مع جدتها بسبب ظروف الحياه المأساويه,فقد مات والدها وهى في سن العشر سنوات وتزوجت والدتها حتى تعيش حياتها ولا تضيع عمرها هبائا فتركت تلك الصغيره ذو العشر أعوام تصارع في الحياه وحيده دون احد.
كلا منا لديه كابوسه الخاص الذى يستيقظ من نومه يوميا يصارع أنفاسه التي تلاحق بعضها من شدة الخوف من رؤايه ذاك الكابوس ,لكن كابوس بحر يلازمها منذ الصغر
بحر تتحدث وهى نائمه: ارجوكي متسبنيش يا ماما التعبان ده عوز ياذيني ارجوكي انا خايفه يا ماما التعبان بيقرب عليا لا ارجوكي
وتستيقظ بحر تتنفس بصوت عالى والعرق يغطي جبينها وترتجف جميع اطرفها من شدة الخوف
الجده: نفس الكابوس برضو يا بحر
بحر: اه يا تيته نفس الكابوس ,كل يوم التعبان بيقرب مني اكتر وبطلب من بنتك متسبنيش وكالعاده بتديني ضهرها وتمشي
الجده: متنسيش يا بحر مامتك سنها كان صغير وكان لازم تعيش حياتها
بحر بستهزق: هي تعيش حياتها وانا حياتي تبوظ مش كده هو ده العدل بنسبالكم بتتحججو بعذر يخليني اكرها اكتر واكتر
الجده: وانتي بتكرهى امك يا بحر
بحر بقهر: اه بكرها يا تيته عشان هي السبب في أي حاجه وحشه في حياتي , هي السبب في اني مكملش تعليم ,هي السبب في المهدات اللي بخدها ,هي السبب في اني اتصنف مريضه نفسيه, ومش بس كده تمنع اخواتي عني وتزرع الكره بينا ,الحاجه الوحيده اللي استفدتها من جوازتها دي اخواتي وبرضو استكترت وجودهم في حياتي, اللي زي دي متستهلش تكون ام , ام ايه اللي تتنمر على شكل بنتها المفروض والطبيعي ان لو بنتك وحشه وجسمها ملغبط زي ما هي كانت بتقول عليا والدنيا كلها شايفاني وحشه المفروض أكون في عينها احلى بنت في العالم, لكن بنتك يا تيته كانت بتتعمد توريني الوحش اللي فيا لحد ما وصلت للي هي عوزه
الجده: وايه اللي هي عوزها يا بحر من وجهة نظرك
بحر: اقولك انا اللى هي كانت عوزه توصله ايه, كانت يتنتقم من بابا فيا يا تيته كهرها لي كان بيظهرلى انا , اصل هو خلاص مبقاش موجود فهتنتقم من مين غيري
الجده: بس انتي بنتها يا بحر وتعبت فيكي وشالتك تسع شهور
بحر بحزن: انتي مصدقه كلامك يا تيته ده انتي اكتر واحده شوفتي اللي حصل فيا بسببها هي وجوزها
الجده بقلة حيله: مش عارفه اقولك ايه غير صفى قلبك يا بنتي الدنيا مش مستهله وانتي اول واحده هتجرى عليها لو جرالها حاجه
بحر: تؤتؤتؤ انسي يا تيته انسي ان ده يحصل انا خصيمه معاها ليوم الدين هقف قصاد ربنا وهقوله يارب عوزه حقى عوزه حق قهرتي وكل دمعه نزلت من عيني بسببها وهتشوفي يا تيته الدنيا دواره وحقى هيرجعلى وساعتها هقف اتفرج
الجده: خير يا بنتي ربنا يصفى النفوس بينكم ,يلا عشان متتاخريش علي شغلك
بحر: حاضر
نهضت بحر لتجهيز ذهابها للعمل, بدات في تاديت فرضها وارتداء ملابسها المميزه لمن يراها لان بحر لها ترازها الخاص في ارتداء الملابس فا هي تردي الفضفاض والخمار ليس كاباقي فتيات جيلها
ذهبت بحر لعملها فهي تعمل لدي محل أدوات كهربائيه في الحسابات
بحر: الو ايوه يا أستاذ احمد
احمد مدير بحر: ايه يا بحر انتي فين اتاخرتي اوي
بحر: انا في الطريق اهو قربت أوصل الموصلات كانت زحمه
احمد بحده: ماشي يا بحر بسرعه ومتنسيش ان انتي اللي بتفتحى المعرض مينفعش كل يوم تأخير كده
بحر بتأفف: حاضر يا أستاذ احمد بعدين حضرتك عملت ايه في الولد اللي المفروض يجي يشتغل معايا عشان انا تعبت من كل يوم افتح البابين لوحدي وحضرتك عارف الباب تقيل عليا
احمد بلامبالاه: بعدين بعدين يلا سلام
بحر: يارب توب عليا بقا
بحر تتحدث مع ابنة عمها وصديقتها المقربه ورد التي تصغرها بثلاث سنوات على احدى تطبيقات الهاتف
بحر بغيظ: انتي يا زفته
ورد: ايه يقلب الزفته
بحر: يخربيت برودك يا بت انا قولتلك تعملى ايه امبارح
ورد: ما انا كنت بتفرج على المسلسل ونسيت
بحر بغيظ: ربنا يخدك انتي والمسلسلات التركي اللي لحست عقلك دي
ورد بضحك: عارفه يا بت بحور
بحر بعصبيه: قولتلك مليون مره بلاش بحور دي بتنرفزني يا زفته
ورد: يا ستي خلاص انا غلطانه اني بدلعك عالم وش فقر
بحر: ماشي يا حلوه قولي كنتي عوزه تقولى ايه بقا
ورد: امبارح البطله كانت بتتجوز في المسلسل اتخيلتك اوي وانتي عروسه وفارس احلامك واخدك وماشي يااااه كنتي زي القمر
بحر: معتقدش ان فارس احلامي ده موجود
ورد: ليه يا بومه
بحر بهيام: ليا موصفات خاصه لازم تكون فيه مش فارقلي الشكل خالص بس مستحب لو كان اسمراني يعني بس اهم حاجه يكون سند وضهر ليا ويقدر ياخد دور الاب في حياتي واهم حاجه يكون حنين حنين حنين اهم حاجه الحنيه يا ورد اكتر حاجه انا مفتقدها في حياتى
ورد بتريقه: حنين حنين حنين خمسه حنين في وش العدو
بحر بغيظ: صدقى بالله يا بت انا حيوانه انى بتكلم مع جحشه زيك
ورد بضحك: ههههههه خلاص يستى والله بهزر معاكى ربنا يرزقك بواحد يكون حنين زى سوما العاشق
بحر بضحك: هههههه ده كده هيبقا نحنوح مش حنين
ورد: ههههه
بحر : يلا اجرى من هنا يا بت عشان هنزل من العربيه هكلمك لما افتح المحل واخلص اللى ورايا
ورد: اشطا ياباشا باى
بحر: سلام
تقف بحر امام المحل التي تعمل به لكنها تنظر حولها وكانها تبحث عن احد
بحر بعصبيه: يادي النيله حتى عم عبده مش موجود مين هيفتحلى الباب دلوقتي اوووووف هفتح انا وامرى لله
شرعت بحر بفتح باب المحل لكنه كان اثقل مما اعتقدت كانت تحاول رفع الباب لكن باتت كل محاولاتها بالفشل , حتي ارتفع الباب معاها مره واحده فاعتقدت بحر انها من رافعت الباب وشعرت بالسعاده وبدات تصفق كالاطفال
بحر بفرحه: هييييييه عرفت ارفع الباب لوحدي وييييي
: نعم؟؟؟؟
بحر بخضه: خضتني يا اخينا بعدين انت مين
تاج بضحك: ههه سلامتك من الخضه انا العفريت اللي فتحلك الباب
بحر بخيبة امل: ايه ده يعني مش انا اللي فتحته
ابتسم تاج: لا للأسف انا اللي فتحته
بحر: يلا مش مهم المهم انه اتفتح شكرا يا اخ
تاج برخمه: العفو يا اخت
تحرك تاج من امام بحر الى محل عمله و نظرت بحر في اثره بستغراب
بحر: مين الواد ده انا اول مره اشوفه هنا
عم عبده يقطع حبل أفكار بحر: صباح الخير يا بحر يا بنتي
بحر بخضه: صباح الفل يعم عبده يعسل
عم عبده: غلابويه من يوم معرفتك
بحر: هههه انا ده انا غلبانه
عم عبده: طبعا طبعا انتي هتقوليلي المهم حقك عليا سبتك تفتحي الباب لوحدك انهارده بس كنت بشترى شويه حاجات للقهوه
بحر: ولا يهمك يا عم عبده أصلا مش انا اللي فتحت
عم عبده: اومال مين يا بنتي
بحر وهي تفكر في ملامح تاج: واحد حليوه ابيضاني وعينه خضراء كده يا عم عبده تحسه مصاص دماء
عم عبده بضحك: هههههه بخربيت فقرك بقا تاج مصاص دماء
بحر: مين تاج ده بقا
عم عبده: ده شغال بقالو كام يوم هنا في معرض العربيات اللي جمبك على طول
بحر: اول مره اشوفه انهارده
عم عبده: عادي مكنش لسه حصل نصيب انكو تتقابلو
بحر: على رايك المهم يلا هتلى كوبية القهوه بتاعتي عشان اشوف اللي ورايا يا راجل يا طيب
عم عبده: عنيا ليكي
بحر: تسلم عينيك يارب
بحر بصوت خافت : تاج يعني قمر واسمه قمرين ده الوقعه دي يارب
انقضت الأيام على هذا المنوال يوميا تذهب بحر الى عملها وترى تاج صدفه لكن لا يتحدثون اطلاقا
بحر بغيظ: يا أستاذ احمد مش لازم كل يوم حضرتك تعرض الحاجه قريب من القهوه لما حضرتك بتمشي وبتضطر انا اللي اقفل مش بعرف اجبها من جمب القهوه وكده مش هينفع
احمد: هو انتيب تحبي تكبرى كل حاجه كده يا بحر وفيها ايه لما تروحي تجبيها يعني
بحر: فيها ان الاشكال اللى على القهوه بتفضل تبصلي وانا بجيب الحاجه
احمد بتافف: متزهقنيش يا بحر ابقي خلى حد يجبهملك وخلصينا انا ماشي سلام
بحر بغيظ: كتك داهيه في راخمتك
انقض اليوم سريعا وحان وقت اغلاق المحل لكن بحر توجه مشكله من وجهة نظرها وهي ان تدخل البضائع المعروضه امام القهوه الى داخل المحل ,على هذا الوضع الي ما يقرب نصف ساعه حتى رأت تاج يخرج من المعرض,ظلت تفكر هل تطلب منه المساعده ام لا حتى اتخذت قرارها و لوحت بيدها الي تاج
نظر لها تاج باستغراب ونظر خلفه وعاد بنظره اليها مرات متتاليه بنظرات استغراب
تاج: بتشاوريلى انا
بحر: اه انت اومال امى
تاج: عبيطه دى ولا ايه
ذهب تاج اليها وكلما اقترب منها كلمها تاهت بحر في ملامح وجهه الملائكى كما تقول
تاج: نعم يا انسه
بحر: معلش لو مفيهاش ازعاج ورخامة يعني ممكن تجبلي الحاجات اللي قدام القهوه دي عشان مكسوفه اروح اجيبهم
ابتسم تاج: هو فيها ازعاج ورخامه بصراحه بس عنيا ليكي يا ست البنات
بحر: تسلم عينك
ادخل تاج البضائع واغلق أبواب المحل لبحر
تاج: اهو يا ستي تؤمريني بحاجه تانيه
ابتسمت بحر: شكرا تعبتك معايا
تاج: ولا تعب ولا حاجه أي وقت تحتاجي حاجه قولي يا تاج هتلاقيني عندك
بحر: ماشي يا عم
تاج : اشطا عليهم
بحر باستغراب : هما مين دول
تاج بضحك: هههههه مش حد بس دي كلمه عاديه بقولها يعني
بحر: اه فهمت
تاج: انتي ساكنه فين صحيح
بحر: في****
تاج: يااااه بتيجي كل يوم المسافه دي
بحر: اه هعمل أيه ملقتش شغل غيره
تاج: ربنا يقويكي , هو انتي اسمك ايه صح
بحر: اسمي بحر
تاج بأعجاب: اسمك حلو اوي
بحر: ده من زوقك تسلم, عن اذنك انا همشي عشان اتاخرت
تاج: اشوفك بكره مع السلامه
بحر: ان شاء الله مع السلامه
تحركت بحر من امام تاج وكانت في غاية السعاده لانها تحدثت معه وعلى الفور امسكت الهاتف ودقت على ورد
ورد بنوم: الو
بحر: انتي على طول مخموده ياللي تنشكي
ورد: جيت من الشغل تعبانه ونمت
بحر: الطبيعي بتاعك يعني ايه الجديد
ورد: خلصينا في ايه عوزه اكمل نوم
بحر بهيام: سمعتي ام كلثوم لما قالت وقابلتك انت لاقيتك بتغير كل حيااااتي معرفش ازاي حبيتك معرفش ازاي يا حياتي
ورد: أيه ده ايه ده انتي لاقيتي الحنين الاسمراني ولا ايه
بحر بضحك: ههه حنين اه اسمراني لا
ورد بتساؤل: اومال ايه احكيلي
بحر: ابيضاني وعينه خضرا زي خضار الزرع بالظبط حتة قمر يا بت با ورور
ورد بضحك: انتي مبتقوليش ورور دي غير لما بتكوني مبسوطه وطالما انتي مبسوطه يبقا حبتيه
بحر بتفكير: مش عارفه والله يا ورد بس معتقدش انه حب ده انا لسه عارفه من كام يوم مش معقول يكون حب
ورد: ممم انا كمان مش عارفه سيبها للايام يا حبيبتي
بحر: حاضر المهم قومي البسي ويلا عشان تنزلي معايا نشترى شوية حاجات
ورد بكسل: لا ونبي سيبيني انام انا تعابنه
بحر بتحذير: ساعه وهكون وصلت يا ورد لو ملقتكيش لابسه ومستنياني هجي اجيبك من شعرك انا قولتلك اهو
ورد بغيظ: طيب طيب هقوم ربنا على الظالم و المفترى
بحر بضحك: هههه شطوره يلا سلام
ذهبت وعد الى السوبر ماركت القريب من محل عملها وهناك يوجد هيما صديقها كام تطلق عليه
بحر بمشاغبه: واد يا هيما عوزه كرت فكه
إبراهيم: يا معفنه ما تبطلى كروت فكه وتعملي باقه بقا
بحر تدعى المسكنه: منين يا حسره
إبراهيم: يا بت ده انتي على قلبك قد كده
بحر: روح الهي اللي معايا يبقا معاك يا إبراهيم يا ابن حواء و ادم
إبراهيم بضحك: هههه الواحد ميعرفش يغلبك في الكلام ابدا
بحر: طبعا طبعا بعدين انجز يلا هتاخر
إبراهيم: سيبي رقمك هشحنلك كمان شويه عشان الشبكه واقفه
وقبل ان تكمل بحر حديثها جائها صوت تاج من الخلف
تاج بصوت عالى: إبراهيم جبت السجاير ولا لسه
التفت بحر و نظرت في عين تاج وقالت بصوت واضح لتاج: يالهوي علي عينه من قريب
اقترب تاج بخبث وقال: ومالها بقا عيني من قريب
بحر بخجل: هاا لا ملهاش
تاج ابتسم: لا سمعيني
التفتت بحر الى إبراهيم قائله: هات ورقه وقلم عشان اكتبلك الرقم
إبراهيم: معيش ورقه وقلم قوليه وانا هسجله
بحر بسرعه: 01********* اهو متنساش بس يا هيما بالله عليك يلا سلام
تحركت بحر سريعا وبعد عداد خطوات التفت لتنظر الي تاج الذى كان يمزح مع إبراهيم ولم ينتبه لنظراتها ابتسمت وتحركت لتلحق الموصلات قبل الزحام…….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببت اخي)
