رواية احببته ولكن الفصل الرابع 4 بقلم دودي عماد
رواية احببته ولكن الجزء الرابع
رواية احببته ولكن البارت الرابع
رواية احببته ولكن الحلقة الرابعة
* في مكان اول مرة نروحه *
كان قاعد في مكتبه في شركة باباه ودخلت عليه السكرتيرة بعد ما خلطت واذنلها بالدخول
ريم السكرتيرة : باشمهندس سيف باشمهندس يوسف عايز حضرتك في مكتبه
سيف : طيب قوليله جاي
ريم : حاضر ومشيت وسيف راح ليوسف مكتبه وخبط ودخل
سيف : خير يا بابا ريم قالتلي أن حضرتك عايزني
يوسف : اقعد يا سيف وسيف قعد
يوسف : بتكلم اختك
سيف مستغرب سؤاله بس رد : اه بكلمها
يوسف : اخر مرة كلمتها امتى
سيف : هو فيه ايه يا بابا
يوسف : فيه انك مبقتش عاجبني ده انتوا كنتوا اقرب اتنين لبعض فجأة كده مبقتش بتكلموا بعض وكل ده ليه عشان اتجوزت واحد بتحبه وبيحبها
سيف : يا بابا هو مش بيحبها والله ما بيحبها انتوا اللي مش واخدين بالكم منه وهتتصدموا فيه بعد كده وهتقولوا سيف قال
يوسف : يابني حرام عليك أنا مش هعيشلكم العمر كله انتوا مالكوش غير بعض
سيف : متقولش كده يا بابا بعد الشر عليك ربنا يديك الصحة
يوسف : الموت علينا حق يا سيف ولو بتحبني قرب من اختك تاني وارجعوا زي الاول
سيف : حاضر يا بابا اوعدك أننا هنرجع زي الاول
* عند رودينا وجودي *
انس : اتفضلوا
جودي : انس
انس حس أن الصوت مش غريب عليه ورفع عينيه ليهم وشافهم واتصدم لما شاف جودي ومعاها رودينا وقام وقف بصدمة كبيرة وقرب منهم واخيرا نطق وقال
انس : جاية ليه
جودي : أنا
رودينا بمقاطعة : دي اختك يا انس و
انس قاطعها : اسكتي انتي مش عايز اسمع صوتك
رودينا باستغراب : ده انا
انس : أيوة انتي ياريت متدخليش بينا
رودينا اتحرجت جدا وقالت : أنا هستناكي بره يا جودي
جودي : استني يا رودي .. احنا جايين مع بعض وهنمشي مع بعض وقالت لانس : كان نفسي تسمعني وتسامحني. والتفتت عشان تمشي ووقفها انس وهو بيقول : بردو ما قولتيش جاية ليه
جودي من غير ما تبصله ودموعها نزلت : مالوش لازمة اعتبرني مجيتش .. يلا يا رودي ومشيوا
انس لنفسه بضيق : غبي .. ازاي تقولها كده
* عند رودينا وجودي*
جودي بدموع : مش قولتلك مش هيرضى حتى يسمعني
رودينا بذهول منها : مش انتي اللي قولتيله مالوش لازمة واعتبرني مجيتش وهو كان عايز يعرف انتي رايحاله ليه
جودي : المفروض كان يصر يعرف وياخدني في حضنه ويقولي أنا ماليش غيرك وانتي مالكيش غيري
رودينا متضايقة أنه احرجها بس بتحاول تهدي جودي : طب بس يا حبيبتي اهدي متعمليش في نفسك كده
جودي بعياط : أنا مبقاش ليا حد يا رودي كله بيسيبني ويمشي وبتخدع فيهم
رودينا اخدتها في حضنها وقالتها : أن شاء الله كل حاجة هتبقى تمام وبعدين مالكيش حد ازاي وانا روحت فين
جودي بعدت عنها وقالت : انتي اختي اللي امي مخلفتهاش .. انتي اللي مهونة عليا كل الوحش اللي في حياتي .. ربنا ميحرمنيش منك
رودينا : ولا يحرمني منك يا حبيبتي ورجعوا كل واحدة لبيتها
* عند انس *
كان قاعد مخنوق جدا بسبب اللي عمله مع أخته بس هي اللي احتارت من الاول أنها تتجوز واحد هو مش موافق عليه واتجوزته لمجرد أنها بتحبه مع أنه هو مبيحبهاش وبيضحك عليها بس هي اللي غبية ومش شايفة ده وهتفضل كده لحد ما تدمر نفسها بنفسها وعند النقطة دي قام من مكانه وهو بيقول : لا أنا مش هسمحلها تضيع نفسها اكتر من كده .. لازم افوقها وافضل في ضهرها .. أنا مش عارف انا ازاي سيبتها اصلا من الاول من كانش ينفع اسيبها كان لازم ابقى معاها حتى لو مش موافق على الجوازة دي بس كان اكون سندها وضهرها .. أنا مش عارف ازاي قدرت اعمل كده بس خلاص المرة دي
مش هسيبها هي لما جت كان باين في عينيها الحزن والألم وانا متأكد أن ال….. اللي هي متجوزاه هو السبب فيهم بس والله ما هسيبه وهندمه على كل حاجة لو كان هو السبب كفاية اني مكنتش جنبها الفترة اللي فاتت واللي كان جنبها مين؟ رودينا صاحبتها
واول ما افتكر الاسم سرح .. سرح في جمالها وعيونها الملونة كل عين بلون وبياض بشرتها الناصع وشعرها البني الحريري وضحكتها اللي بتخليه ينسى اسمه .. لحظة .. هي فين ضحكتها دي ده انت احرجتها جدا وهي كمان كان فيه نظرة حزن في عينيا يا ترى النظرة دي سببها ايه .. أنه احرجها مثلا لا هي كانت جاية وعينيها مليانة حزن والحزن كمان باين على ملامحها .. ممكن يكون السبب .. جوزها .. احتمال ليه لا هو اصلا بيكرهه من ساعة ما عرف انها هتتجوز .. بيكرهه وهو عمره ما شافه قبل كده بس بيكرهه جدا … بس ده مش وقته يا انس انت حاليا لازم تروح تصالح اختك وكفاية بعد لحد كده انتوا مالكوش غير بعض خليك في ضهرها ولو لمرة واحدة حتى
واخيرا قرر انس أنه يروح لجودي يصالحها ويرجعوا قريبين من بعض زي الاول واحسن من الاول كمان
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببته ولكن)
