رواية احببته رغم كبريائي الفصل الخامس 5 بقلم مريم أحمد
رواية احببته رغم كبريائي الجزء الخامس
رواية احببته رغم كبريائي البارت الخامس
رواية احببته رغم كبريائي الحلقة الخامسة
جريوا بسرعه على اوضة حبيبه لاقوها فاضية بس سمعوا صوت مياه و باب الحمام مفتوح
راحت كاميليا و حنان ليها لاقوها بتغسل ايدها و هي شايله نوح بالايد التانيه
كاميليا…ايه الي حصل كنتي بتصوتي كدا ليه !!
اول م حبيبه سمعت صوتها بصتلها و هي بتديها نوح و تقولها
حبيبه…امسكي يا حبيبتي ابنك دا و سيبوني ف حالي دلوقتي
و رجعت كملت غسل ايديها و هي عماله تحط صابون
صرخت حنان فيها و هي بتقولها
حنان…ايييه كفاية الصابون هيخلص
قفلت الماية و نشفت ايدها و هي خرجت لاقيت اسلام و ابوها و رضوى ف وشها
اسلام…مالك يا حبيبه ؟؟
قالتله بصوتها الي كله حزن
حبيبه…ابنك رجـ.ـع على ايدي
بصتلهم من صمتهم بس زاد غضبها لما لاقتهم كلهم ضحكوا عليها
قالتلهم بغضب
حبيبه …انتوا بتضحكوا على ايه
شمت ايدها و قالت
حبيبه…إف
ريأكشنها زاد من ضحكهم اكتر و اكتر و دا خلا حبيبه تتعصب اكتر
حبيبه…هو اييي الي يضحك اوووي كدا !!!
حنان…في ايه يا بت انتي …و م انتي ياما رجعتي علينا كان حد اتكلم
حبيبه…انا عمري م اعمل كدا
حنان…طب معلش انا كدابه
كانت كاميليا واقفه بتحاول تكتم ضحكتها و حظها ان حبيبه شافتها
حبيبه…اضحكي اضحكي
كاميليا…و انا مالي انا م انا حذرتك !!
علاء…طيب خلاص يلا بقى زمان الاكل برد
و راحوا ياكلوا و طبعا حبيبه كانت قرفانه و مكلتش كتير
خلصت الاكل و قعدت معاهم شويه و اسلام و كاميليا و ايناس و نوح روحوا و بعدين دخلت هي اوضتها تذاكر المحاضرتين الي محضرتهمش
….لا اله الا الله محمد رسول الله
بعد شوية لاقيت الباب بيخبط و رضوى دخلت
ابتسمتلها حبيبه و قالتلها
حبيبه…عايزه حاجه يا دودو..؟
هزت رضوى راسها و قالتلها
رضوى…ممكن توصليني بكرة المدرسه ؟
استغربت حبيبه و قالتلها
حبيبه…اشمعنى بكره انتي ديما بتروحي لوحدك
رضوى…عندي بكره امتحان و كنت عايزاكي توصليني عشان مبقاش خايفه و اعرف احل حلو
حبيبه…نازله بكره امتى .؟؟
رضوى…المفروض اني ابقى هناك سبعه سبعه الا كدا
سكتت لأن اول محاضرة ليها هتبدأ الساعه تمنيه
بصتلها رضوى بمعنى قولتي ايه
بالرغم من انها عارفه انها هتتأخر الا انها ابتسمتلها و قالتلها
حبيبه…حاضر
حضنتها رصوى بفرحه و قالتلها
رضوي…شكرا يا حبيبه
ابتسمت حبيبه و قالتلها
حبيبه…العغو يا روحي روحي راجعي بقى عشان تعرفي تحلي
رضوى…حاضر
و خرجت و حبيبه اتنهدت بقلة حيله و رجعت كملت مذاكرة
…..استغفر الله العظيم و اتوب اليه
تاني يوم الصبح
كانت واقفه قدام المدرسه و هي بتقول لأختها بحب
حبيبه…حلي كويس و اول م تخلصي كاميني طمنيني اوكيه
هزت رضوى راسها و قالتلها
رضوى…حاضر
ابتسمتلها حبيبه و رضوى كملت كلامها و هي بتقول
رضوى…شكرا انك وافقتي تيجي
ابتسمت حبيبه و قالتلها
حبيبه…العفو يا روحي
التيمتلها رضوى و دخلت المدرسه و حبيبه بصت ف الساعه و قالت
حبيبه…كدا اتأكدت اني هطرد من المحاضرة الي انا اصلا معرفش هي اي
و ركبت تاكسي يوصلها للكلية
…سبحان الله و بحمده سبحان الله العظيم
وصلت الكليه على الساعة تمنية و شوية راحت بسرعة للمدرج ..
ابتسمت بسخرية لما لاقيت باب المدرج مقفول
خبطت على الباب و فتحت و ابتسمت بسخريه لما لاقيت مروان
حبيبه…اهي كملت و
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببته رغم كبريائي)
