رواية احببته اعمى الفصل السادس عشر 16 بقلم نور ابراهيم
رواية احببته اعمى الجزء السادس عشر
رواية احببته اعمى البارت السادس عشر
رواية احببته اعمى الحلقة السادسة عشر
ازيك يا أدهم وحشتنى اووى
أدهم بغضب : انتيييى اى اللى جابك هنا
ميرنا : اى يا أدهم هو انا موحشتكش ولا اى
أدهم : اطلعى برا يا رخيصة
عشق بذهول : أدهم مين دى وليه بتتكلموا كدا
ميرنا بخبث : أى دا انتى بقى مرات أدهم المنشاوى بس زوقك بقى بلدى اوى
أدهم وقد عماه الغضب : اطلعى يا ميرنا بهدوء بدل م تطلعي بفضيحة زى زمان ولا مش فاكرة اللى حصل
كريم : تطلع ازاى يا أدهم وهى مراتى
أدهم بغضب : اى اللى بتقوله دا ازاى تدخل فى عيلة المنشاوى واحدة زى دى انت فاهم انت عملت اى
ميرنا بغيظ : اهدى كدا يا أدهم اظن مش انا لوحدى اللى كدا وانت فاهم قصدى كويس
عشق بغيرة : أدهم ممكن افهم اى دا
أدهم بغضب : ملكيش دعوة يا عشق انا مش ناقصك انتى كمان وهنا فرت دمعة هاربة من عيون تلك البريئة و تركتهم وصعدت إلى الجناح الخاص بها
ميرنا : اهدى كدا يا أدهم مش المفروض تعرفها انا مين ولا اى وقاطع حديثهم دخول حاتم وامينه حينما وجدوا الجو متوتر
حاتم بغضب : انتى اى اللى جابك هنا انتى ليكى عين تدخلى قصر المنشاوي تانى يا رخيصة اطلعى برا
كريم بغضب : بابا لوسمحت انا مقبلش حد يكلم مراتى كدا
حاتم : اى اللى بتقوله دا مراتك ازاى يعنى
و كان سوف ينقض عليه أدهم ولكن منعه حاتم وقال اهدى يا أدهم عشان خاطرى على م الناس تمشى مش عاوزين فضايح
أدهم : حاضر بس اعمل حسابك يا كريم كلها شوية و هتطلع برا انت و الرخيصة اللى معاك
وتركهم أدهم وذهب إلى حسام الذى كان يشاهد الحوار من بعيد
************* *************
حسام : أدهم اى اللى جاب ميرنا هنا تانى
أدهم بغضب : كريم وبيقول انها مراته ليه دايما بيحاول يفكرنى باللى حصل ليه دايما بيحاول يدمر حياتى انا عملت اى معاه لكل دا انا مبقتش فاهم حاجة
حسام : اهدى بس يا أدهم وبعدين انت ليه زعلت مراتك هى ذنبها اى
أدهم : انا مكنتش اقصد بس هى بتسأل كتير فى الموضوع و دا ضايقني
حسام : دا غصب عنها يا أدهم هى شايفة العداوة اللى بينكم غريبة وكمان فجأة لقت واحدة بتكلمك بالطريقة دى عاوزها تعمل اى هتقف تتفرج اكيد عشق كانت غيرانه عليك منها ودا اللى خلاها تسألك قدامهم
أدهم : مفيش الكلام دا اكيد مش غيرانه لأنها مش بتحبنى اصلا احنا اه قربنا من بعض يس مش لدرجة حب يعنى
حسام : شوف نظرتها ليك ولهفتها عليك وانت تعبان وانت هتفهم شوف شكلها وكأنها كانت عاوزة تاكل ميرنا وهى بتقولك وحشتنى وانت هتفهم بلاش يا أدهم تخسر عشق دى الوحيدة اللى وقفت جنبك وقدمت ليك كل حاجة حلوة فهمها اللى حصل وافتح ليها قلبك واحكى ليها ماضيك
أدهم بتأنيب ضمير : انا عارف انى بغلط فى حقها كتير بس صدقنى غصب دا انا اما شوفت ميرنا انهاردة افتكرت كل حاجة افتكرت أسوأ مشهد شوفته فى حياتى افتكرت قد اى انى كرهت الحب بسببها
حسام : اهدى يا صاحبى كل دا هيتحل بس عشق غيرهم كلهم عشق وقفت جنبك من غير اى مقابل ومن غير م تطلب اى حاجة
بلاش تخسرها بسبب تجربة وحشة عدت
*************** ****************
وبعد مدة انتهت الحفلة ..
أدهم بغضب : انا عملتها زمان وطردتك بطولك المرة دى هعملها و اطردك تانى بس انت و مراتك
كريم : اى يا أدهم طايب المرة اللى فاتت طردتنى عشان سبب مقنع المرة دى هتطردنى عشان قاعد انا و مراتى فى بيتى
المرة دى يا أدهم انا مش همشى القصر دا من حقى زى م هو من حقك وان كنت مش قابل وجودى اطلع انت برا
حاتم : كرييييم و صفعه على وجهه انت زودتها كتير وبدأت تتخطى حدودك
كريم بغل : انتم ليه كدا ليه كل حاجة أدهم أدهم انا بكرهه اه بكرهه كل حاجة ليه كل حاجه من حقه حتى حب الناس و النجاح له هو انا فين من كل دا
أدهم : كريم انت مريض و المرة دى فعلا مش هينفع اطردك مش علشان مقدرش علشان متبقاش فضيحة ل عيلة المنشاوى بسبب ناس رخيصة زيكم ان كنت انت ولا مراتك
ميرنا : بقولك اى انا ساكته من الصبح لكن انت اتخطيت حدودك
أدهم : انتى عارفة انا مش بمد ايدى على واحدة ست بس لو طلب الأمر بسبب بجاحتها هعملها وصفعها بالقلم على خدها القلم دا كان المفروض تاخديه من زمان بس اتأجل و دا الوقت المناسب له
ميرنا بتوعد : هتدفع تمن القلم دا كبير يا أدهم بس المرة دى هيكون التمن كبير
ولكن لم يلقى إليها اى اهتمام وصعد إلى الجناح الخاص به
وعندما فتح باب غرفته وجد عشق ملقاه على السرير و تبكى بحرقة
أدهم بخضة وهو بيركض نحوها : عشق مالك يا حبيبتى ولم لم يتلقى رد سوى بعض الشهقات التى تصدر منها
وهى بيرفع رأسها عشق حبيبتى ردى عليا عشان خاطرى
انا اسف والله مكنتش اقصد انى ازعلك صدقينى كان غصب عنى
عشق : كل مرة يا أدهم غصب عنك كل مرة متقصدش انا كنت بسألك مين دى اللى داخلة تقولك وحشتنى انا ليا حق اعرف بس انت زعقتلى قدامهم
أدهم بخبث : و ليكى الحق تعرفى ليه
عشق باندفاع : ليا الحق عشان انت جوزى و حبيبى انا وهى ملهاش حق تقولك كدا
أدهم وهو يمسك وجهها بين يديه : و انتى حبيبتى انا بس انا والله مكنتش اقصد ازعلك
بس صدقينى مجرد انى شوفت ميرنا افتكرت كل حاجة حصلت زمان و مكنتش شايف قدامى غير قلة حيلتى و كسرتى اللى سببوها ليا وفرت من عيونه دمعة هاربة وكانت اول مرة تنزل دموعة أمام امرأة
أخذته عشق بين احضانها وظلت ترتب على رأسه كى يهدأ وينسى كل اللى حصل
عشق : احكى يا أدهم انا سمعاك و دايما معاك بس احكى كل اللى فى قلبك
ولكن صمت أدهم ولم ينطق حرفا واحدا
عشق بقلة حيلة : خلاص يا أدهم انا اسفة ارتاح دلوقتى اليوم كان طويل عليك
أدهم : كنت بحبها اوى كانت كل حياتى
عشق : مين دى يا أدهم
أدهم : ميرنا كانت زميلتى فى الجامعة وكنت بحبها اوى بس عشان انا كنت بحب اعتمد على نفسى فى كل حاجة مرضتش أتقدم ليها غير لما اشتغل وأثبت نفسى وفعلا عملت كدا و روحت اتقدمت ليها وأهلها وافقم و كنت مبسوط اوى أنى قدرت آخد اللى بحبها وأنى نجحت فى شغلى رغم ان حسام حذرنى منها كتير بس حبى ليها كان اعمى وبعدين ….
عشق: كمل يا أدهم وبعدين اى اللى حصل
أدهم : خلاص حددنا ميعاد الفرح و جبت فيلا عشان نعيش فيها لوحدنا و كان معاها مفاتيح الفيلا و كانت كل شوية تطلب انى ابعت ليها فلوس على حسابها و كنت بقول هى هتبقى مراتى
و كنت ببعت ليها كل اللى تطلبه
و فى يوم كنت عاوز اجيب حاجة من الفيلا و روحت الفيلا بدرى قبل م اروح الشغل
ولما دخلت الفيلا شوفت مشهد لحد دلوقتي مش قادر انساه مشهد قتلني خلانى كرهت الحب مشهد دمرلى كل حياتى وفرت منه دمعة نزلت على يد عشق مدت ايديها مسحت له دموعه
عشق: احكى يا أدهم انا سمعاك طلع كل اللى فى قلبك علشان ترتاح
أدهم : لقيت اللى بحبها واللى كانت هتبقى مراتى بعد كام يوم نايمة فى حضن اخويا كانت بتمثل الحب عليا المشهد دا مش قادر انساه مشهد كسرنى اوى يا عشق
و يومها فسخت الخطوبة و قولت لأهلها على اللى عملته وطردوها وانا طردت كريم من البيت و يومها رايح اسهر بس كنت كنت سايق بسرعة اوى لقيت عربية خبطت فيا وساعتها الضربة قصرت على عينى وفقدت النور منهم و كنت بشوف الشفقة من الكل و سيبت الشركة و قدمت استقالتي فى المخابرات الحادثة دى دمرتني و دمرت كل حياتى فقدت كل حاجة بسببهم ولما شوفتهم انهاردة افتكرت كل حاجة
عشق وهى تضمه بقوة : ياااه كل دا يا أدهم وساكت مش بتحكى ازاى قدرت تستحمل كل دا ازاى قدرت تكتم جواك كل السنين دى
أدهم وهو يمسك بيدها : بلاش يا عشق بلاش تعملى زيهم و تخونيني و تسبينى خليكى دايما معايا انا بحبك اوى يا عشق
عشق وهى تقبل يده : عمرى م هسيبك يا أدهم بس انسى كل اللى حصل انسى كل اللى عملوه وتعالى نبدأ من جديد انا وانت سوا بعيد عنهم وعن كرههم
أدهم : هحاول انسى واعيش طبيعى رغم ان دا صعب عليا اوى طول م انا شايفهم قدامى
عشق : مفيش حاجة صعبة احنا نقدر نتجاوز اى حاجة مع بعض
***********************
عند كريم …
كريم بغضب : أدهم خلاص جاب آخره معايا مش عارف ازاى عايش بعد كل اللى خطت ليه عشان اموته
ميرنا بخبث : عشان انت غبى يا حبيبى
كريم : ميرنا انا مش ناقصك دلوقتى المهم اننا نخلص منه
ميرنا : تؤتؤ اهدى كدا لازم الاول نخلص من اللى اسمها عشق دى عشان لما علاقتهم تبوظ هنقدر ناخد كل اللى احنا عاوزينه و تقدر ناخد حياة أدهم نفسها
كريم : طايب ازاى هنقدر نعمل كدا
ميرنا : طايب اسمعنى كدا و ركز فى كل كلمه هقولها المرة دى
محدش فيهم هينجى و……….
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية احببته اعمى)
