رواية احببتها في ابتلائي الفصل السادس والعشرون 26 بقلم هنا مصطفى

رواية احببتها في ابتلائي الجزء السادس والعشرون

رواية احببتها في ابتلائي البارت السادس والعشرون

رواية احببتها في ابتلائي الحلقة السادسة والعشرون

عمر : مالك يا فيروز في ايه؟؟
فيروز و هي بتترعش : ماما ، ماما اتخطفت يا عمر !!
كارم : ايه ازاي !!
فيروز اتفتحت ف العياط : ماعرفش انا في واحد كلمني دلوقتي و قالي انه ماما معاه و اني اجيله كمان ساعتين على العنوان اللي سايبهولي ف ورقه ف الشقه و حط التليفون على ودن ماما و سمعتها بتقولي ماجيش عشان عايزين يقتلو.ني انا و عمر !!
عمر قرب منها و هو بيهديها
و قاسم قال ساعتها : اهدي احنا ممكن نحدد مكان مامتك بس محتاجك تنفذي اللي هنقولك انا و عمر عليه
فيروز : تمام بس لازم اروح الشقه هو سايبلي العنوان ف ورقه هناك
الينور: اهدي يا فيروز هتوصليلها ان شاء الله
فيروز : ان شاء الله
عمر : اللي خاطفها دا زكى ، عشان احنا كنا ممكن نتتبع الرقم اللي مبعوت منه العنوان ، بس ماتقلقيش هنوصلها
فيروز : انا كنت جيبالها سلسله في GPS ممكن تكون لابسها .
فتحت تليفونها و تتبعت السلسله بس لقت السلسله جيبالها عنوان بيتها
فيروز افت : متسابه ف البيت
كارم : ماتقلقيش هنروح البيت بس بسرعه يلا
و نزلوا كلهم معادا الينور بس حطولها حراسه عند البيت و راحوا بيت فيروز و طلعوا لقوا التليفون بتاع علا مرمي على الكنبه ، فيروز وطت لقت السلسه بتاعت مامتها مقطوعه و مرميه على الارض مسكتها و بصت ل عمر و قالت بصوت واطي : عرفوا ان فيها GPS و قطعوها
عمر عرف ان الناس دول مش ساهلين ابدا : اهدي طيب
فيروز لقت ورقه مرميه على الأرض: اهلا دكتورة فيروز لو عاوزة مامتك تعيش تعالي على العنوان دا ……. مع عمر بس ، لو عرفتي حد تانى التمن هيكون مامتك ، سلام .
فيروز طلعت تليفونها و اتدعت انها كلمت ريم على التليفون : ايوا يا ريم كدا تخضينا على ماما اتاريها عندك قلقتني
ماشي يا ستي هي هتبات عندك انهاردة ، لأ لأ انا هاجي اخدها سلام سلام .
قاسم مثل : طب كويس ابقى طمنينا يلا احنا كمان ننزل نروح عاوزة حاجه
فيروز : لا شكرا مع السلامه معلش تعبتكوا
فيروز : يلا يا عمر نروح ناخدها
بس فيروز حست انها متراقبه و هما كمان شاورتلهم يسكتوا خالص و كتبت لهم على ورقه : احنا تقريبا متراقبين لازم نبين انكوا مش عارفين حاجه انا و عمر هنتصرف .
فيروز كانت حاسه بعد اللي عملوه انه تليفوناتهم كلهم متراقبه ب مكانهم و احتمال يكونوا سامعين مكانهم .
فيروز جابت دفتر
و كارم كتبلها ف ورقه : هتعملي ايه؟؟
فيروز كتبتله : هتشوف اهو
فيروز : التليفون هيفصل هحطوا على الشحن و اجي
و هما طلعوا تليفونتهم و حطوها ف اوضه و قفلوا الباب
و دخلت فيروز اوضتها و فتحت خزنه سريه طلعت منها دبوس حجاب في GPS و دبابيس تانيه برضوا فيها GPS و طلعت مسد.سين مترخصين و اربع سكاك.ين صغيرين بيتقفلوا و سماعات خرجت
طلعت و شاورتلهم يوطوا صوتهم و طلعت دبوس الحجاب لبسته و السماعات و ادتلهم سماعات و اخدت السكين.تين حطتها عند الكوتش من ورا و غطتها بالبنطلون كل واحدة ف فردة كوتشي
و لسه هتعمر السلا.ح لقت عمر مسك ايدها و قال بصوت واطي : انتي بتعملي ايه !!
فيروز : لازم اروح بيه ، دا مترخص على فكره
و حطته في التيشيرت من ورا و قالت لهم : دلوقتي اللي ظهرلي ف ال location انه ماما مخطو.فه ف بيت أو مخزن مهجور انا هروح مع عمر و انتوا هتبقوا ورانا و لو حصل حاجه هنتواصل من السماعه الصغيرة اوي دي ، هتطلبوا البوليس اول اما اقولكم انا أو عمر ، و الدبابيس دي تحطوها ف هدومكوا هي صغيرا اوي برضو و مش هتبان ، عشان لو غدروا بينا .
و فيروز أديت ل عمر مسد.س تاني
شاله معاه و ادته سكين.تين شالهم زيها برضوا و ركب الدبوس ف هدومه
كارم : خلوا بالكم على نفسكوا
قاسم : اللاب ف العربيه هفتحه و اشوف مكانكم عشان لو حصل اي حاجه
عمر : تمام يا قاسم ، يلا يا فيروز
و نزلوا ركبوا العربيه
و عمر كان سايق و فيروز فاتحه ال location
وصلوا المكان و كان بيت مهجور وسط صحرا
و اول اما وصلوا فيروز لقت تليفونها بيرن ردت و فتحت ال speaker
المجهول: يلا يا دكتورة ادخلي انتي و بشمهندس عمر من الباب اللي قدامكوا هتلاقوا حد مستنيكم هياخدكم ل المكان المقصود ، بفكركوا تاني اي حركه غدر التمن هيكون ماما علا .
و قفل الخط
دخلوا الاتنين و هما متئهبين لأي حركه غير محسوبه
لقوا راجل مستنيهم غمى عنيهم و خدهم وداهم قعدهم على كراسي و ربطوهم
طلعت سيرين و كانت واقفه ب ثقه وغرور و فكتلهم الربطه اللي على عنيهم .
و عمر و فيروز اتصدموا من وجودها
سيرين: اهلا يا مارو انت و فيروز عاملين ايه .
و قعدت قدامهم : معلش بقى المكان مش قد المقام
عمر : اه يا بنت ال !!
سيرين : توء توء ، عيب كدا يا عموري مش فيروز بتقولك يا عموري برضو
فيروز كتمت غضبها بس عنيها كانت سوده من خضبها الداخلي: بصي انتي تلخصي علشان مش فضيالك عاوزة ايه !
سيرين: جد اوي انتي مابتحبيش التطويل
و قالت للحراس : امشوا انتوا
فيروز ب سخريه : خلقي ضيق بقى
سيرين ضحكت لها و خرجت فريدة مع مامت فيروز من اوضه و هي ممشيها و علا كان وشها كلوا مخربش و متعور
عمر : ماما !!
فريدة : ماما اي بقا !!
فيروز كتمت غضبها من منظر مامتها اللي يحزن هي لو اتعصبت أو اتصرفت غلط هتخسر كل حاجه لازم تبقى عاقله و رزينه ف تفكيرها هي صباعها تحت ضرسها ، يبقى لازم تسايسها للأسف .
علا : جيتوا لييه !
فيروز بصتلها نظرة هي فهمتها و كملت : انجزوا عاوزين أي؟؟
فريدة : مش هترحبي بيا يا فيروز ، ولا الينور حماتك احلى !!
فيروز ب خبث : ما اكيد الينور أحلى ، انتي بتقرني اي ب ايه !
فريدة اتغاظت جدا و قعدت جمب سيرين
عمر وشه اتحول و غضب : طب طلاما انتي عارفه بقى .. ف مالهاش لازمه التمثيليه دي ، عايزين ايه !!
فيروز : كدا ناقص صبا بقا و تبقى العصابه كملت
خرج حازم و قال : لا ما هو مافيش صبا ، سبناها ، اصلها مانفذتش اتفقها و طردناها من البيت أصله قلبها خفيف اوي
عمر قال بصوت عالي : حازم ! صاحب عمري ! ليه عملت كدا !!!
حازم قعد جمبهم : لا مافيش ليه !
فيروز زغدت عمر برجلها ب معنى ماتعصبهوش : انجزوا عايزين اي !!
سيرين طلعت ورقه و حطتها قدامها هي و عمر
سيرين: بصو بقا دي ورقه جواز عُر.في ، بص يا عموري أنت هتبصم هنا ، اما انتي يا انسة فيروز ف هتبصمي على التنازل دا ، دا تنازل عن كل ما تُملكيه ، الشركه بتاعت والدك ، شقتك ، شقة والدك ، كل حاجه
فيروز : و انا ايه يضمنلي انك تسيبي امي !
فريدة : لا يا حلوة مافيش ضمانات !!
فيروز ببرود : لا يا حبيبتي انا اي يضمنلي انكوا تسبوها ، بقولكوا اي ! ماحدش قلكم اني لا مؤاخذة مختومه على قفايا !!
عمر : و انا زي فيروز مش همضي غير لما طنط علا تمشي
فريدة : امم يعني مش هتمضوا !!
فيروز : اضمن ان امي تمشي امضي غير كدا مافيش أمضى !
عمر : ريحي و استريحي ، مشيها و نمضي يا فريدة !
فريدة : فريدة حاف كدا !!
فيروز ب استفزاز : هخليه يحطلك عليها طحينه ، انجزي بقا !
فريدة فهمت انهم قد كلامهم
فريدة : قبل ما افكها و امشيها هقولك على حاجه يا عمر ..
و قعدت قدام عمر و قالت بهستيريه : الينور امك دي ست وقحه اوي عارف ليه !! عشان هيا اتجوزت ابوك و انا حبيته !! حبيته قبلها ، بس هي اخدته منيي !! خدته ! انا انا ، حبيت ابوك بس هو ماحبش غيرهااا ! حتى بعد ما سخنت عمي عليه ! و خليته يطلقها ! برضو كان بيحبها اوي !! كان بيقولي انتي ماتسويش جمبها حاجه ، حتى .. حتى لما خلفت رهف و نيرة كنت كرهاهم !! عارف ليه ! لأني ماكناش عاوزة اي حاجه تضيعلي وقتي و كنت عاوزة اتفرغ لأبوك ، عشان ينسى الينور و يحبني انا ! كنت بكرهك انت و قاسم اويي ! بس انت اكتر !! عشان انت نسخه منهاااا !! نفس شكلها و عنيها الزرقه و شعرها الدهبي !!! انت زيها بالظبط ، كنت كل ما بشوفك بفتكرها !! قاسم ماكرهتوش على قد ما كرهتك !! كرهته بس لانه ابنها ، بس هو شبه ابوك !!
انا ماكرهتش ف حياتي قدك انت و قاسم و الينور و فيروز !! و لو اتعاد بيا الزمن هرتبلك حادث.تك دي تاني !! عارف ليه !! عشان كنت عاوزة امو.تك و اخلص منك ! و هرتبلك موضوع سما برضو ! عشان قلبك يتكسر بدل المرة الف ، بس للأسف انت ماحبتهاش اصلا ! بس كفاية انك عشت عاجز لمدة خمس سنين ! كفاية اني كنت بجيبلك ممرضات يدوك ادويه تخلي حالتك تسوء ، بس لما ابوك قرر يجيب فيروز ، مانكرش اني اتشلت و اتحطيت و لما شوفت و عرفت انها دكتورة و انها معتبراك حاله شخصيه قبل ما تحبك ، قررت اني اخلى سيرين تبدلك الدوا ! بس فيروز اكتشفت بسرعه بنت الذكية ، عارف انا نفسي اخلص منكوا اوي انت و فيروز اللي بوظتلي خططي دي ! كنت زمانك دلوقتي زي منتا بس انت اتعالجت و رجعت تمشي للأسف !!
و خرجت مسد.س و صوبته علي راس عمر
فريدة : اتشاهد على روحك بقا !!!
فيروز ف الوقت دا كانت خرجت سكي.نه من كمها و فكت بيه الحبل و مسكت المسد.س و ف ثانيه كانت ماسكه فريدة و رافعه ايدها اللي فيها المسد.س و الطلقه جت ف الهوا و حازم مسك علا و فكها و فيروز قالت : اي حركه غدر همو.تها اخرجي يا ماما هتلاقي عربيه مستنياكي فيها قاسم و عمي يلااا
علا خرجت بسرعه و حازم فك عمر و عمر مسك سيرين اللي كانت بتجري و طلع سكي.نه حطها على رقبتها
حازم وقف قدامها و عمر ماسكها : بقا انتي فكراني يا سيرين هقدر اغدر بصاحب عمري اللي كلت معاه عيش و ملح و فتحلي بيته !! تبقى هبله !! انا فعلا كنت حبيتك !! وانتي استغليتي دا عشان توصلي ل هدفك ، توصلي ل عمر و تئذي فيروز ، غبيه انتي اوي بس انا جاريتك انتي و فريدة ف لعبتكوا الهبله دي ، اللي ماتخيلش اصلا على عيل صغير حتى !!
عمر ابتسمله : كنت واثق انك عمرك ما هتعمل كدا
حازم : ثقتك ف محلها يا كبير
سيرين : اه يا حيوان يا ابن !! دا انت ياض ماتجيش ف سوق الرجاله ب نكله حتى !
فيروز ضحكت : اي دا سيرين هانم طلعت بتردح و الله انا كنت شاكه فيكي بالنفخ اللي انتي عملاه دا
حازم و عمر ضحكوا
حازم : خطيبتك مابتسيبش فرصة و الا تستغلها 😂
عمر : انت لسه شوفت حاجه 😂
فيروز : بقولك اي يا عمر تعالى نبدل خد مرات ابوك و هات الحلوه اللي بتقولك يا عموري دي
عمر ضحك و فعلا بدلو مع بعض
عمر : ياما نفسي ادب.حك دلوقتي بس مش هودي نفسي ف داهيه على واحدة رخيصه زيك كدا !
فريدة: هقتل.ك يا عمر انت و فيروز !!!! هقتل.كوا كلكوا
عمر: يا شيخه بتهدديني و انتي رقبتك تحت سكي.نتي !!
فيروز داست على السماعه و جه ل كارم و قاسم إشارة ب معني اطلب البوليس
فيروز ب غيرة قاتله و ضاغطه ب ايدها على رقبة سيرين : بقولك اي يا سيرين .. انتي كنتي بتقولي لمين عموري !
سيرين كحت : ماقولتش حاجه خلاص بقا هم.وت
فيروز ضحكت ب استهزاء: ما هو دا المراد يا روحي سيرين ف ثانيه طلعت سكي.نه من جيبها و عورت فيروز ف رجلها و فريدة ف نفس اللحظه طلعت مشر.ط و عورت عمر ف دراعه
و حاولوا يهربوا بس حازم مسكهم و البوليس ساعتها وصل
و اخدهم و اخد من فيروز التسجيل بتاع اعترافاتهم
عمر و هو بيتألم و بيضحك ف نفس الوقت : طلعتي مش سهله انا اخاف على نفسي منك 😂
فيروز قالت : لا انا بزعل اللي بيضايقني بس 😂
قعدت على الأرض بسبب رجلها اللي بتنذف بس عمر مالاحظش جرحها بسبب إنها كانت لابسه بنطلون اسود واسع
عمر قعد جمبها
و بصو ل بعض و ابتسموا
فيروز : عملناها ، اول مغامرة ف تاريخ خطوبتنا
عمر : هنسجلها مع تاريخ الرقص تحت المطر
فيروز ابتسمت و خدت علبه الاسعافات الأولية اللي كانت مع قاسم
فيروز حضنت علا و اتطمنت عليها و عقمتلها الجر.وح
فيروز لاحظت جر.ح عمر
فيروز : وريني دراعك
عمر وراها الجر.ح
و عقمتهوله
فيروز : جرح سطحي مش هيتخيط
عمر : فايدة انك تتجوز دكتورة
فيروز ضحكتله : هتغير عليه كل يوم
عمر : لا انا هاجيلك انتي تعمليهولي عشان اشوفك كل يوم 😂
فيروز : ما شاء الله على الاستغلال 😂
عمر : خطيبتي بقى و كدا 😂
دخل كارم ساعتها اللي كان مع البوليس برا
كارم : حمدالله على سلامتكوا يا ولاد
عمر : الله يسلمك يا بابا
فيروز : الله يسلمك يا عمي
و ضحكت : دا الينور طلعت غايظه فريدة اوي يا عمي
دخلت الينور و قالت : ايوا طبعًا يا بنتي انا المشطشطه😂
فيروز ضحكت
و الينور حضنت علا : علاعيلو حبيبتي كويس فيروز عقمتلك جروحك
عمر : أنتوا لحقتها تتعرفوا على بعض
قاسم ضحك : لو شفتهم برا كانوا بيعملوا اييي !! طنط علا كانت بتقول ل ماما طريقه الملوخيه و المكرونة بالبشاميل عشان ماما مابتعرفش تعملهم حلو و بابا بيحبهم و ماما تقول ل علاعيلو طريقه اكلة فرنسيه اسمها … كان اسمها اي يا ماما؟؟
الينور : اسمها راتاتويى يا جاهل 😂
عمر : شغل حموات بقا 😂
فيروز : مش دي اللي كانت ف كارتون ال ratatouille
الينور : ايواا بالضبط😂
قاسم : و بابا يقولهم عيالكوا جوا ف خط.ر طنط علا تقولي ماتخافش على فيروز انت مش عارفها ، و الينور تقوله عمر مايتخافش عليه
عمر : من ناحية فيروز ف هي مايتخافش عليها بصراحه ، هي يتخاف منها 😂
فيروز : والله !! طيب ماناش عملالك الجرح كل يوم يا عمر 😂
عمر : خلاص يا فيروزتي ماحصلش حاجه 😂
كارم : انا اتطمنت على مستقبل ابني خلاص😂😂
فيروز : اومال ايه هشيله ف عيني قرة عيني دا ، و هاخد كورسات عند لولي كمان😂
كلهم ضحكوا
فيروز اتألمت و بصت ل رجلها و عمر لاحظ الجر.ح
عمر: انتي اتعورتي !
فيروز : عادي بس هو غويط شويه مش هعرف اخيطه هنا ، عشان رجلي ، هربطه بشاش لحد ما الإسعاف توصل
الإسعاف وصلت و خدت فيروز و خيطولها الجرح
و روح كل واحد على بيته
فيروز لقت عمر بعتلها message مكتوب فيها :
شكرا انك معايا دايمًا يا فيروزتي ، حابب افكرك اني بحبك 🤍
فيروز ابتسمت بحب و دي كانت آخر حاجة تقرأها قبل ما تنام
_اختاروا اللي يحبكوا ، اختاروا اللي شاريكوا ، اختاروا اللي معاكوا ف وقت حزنكوا ، تعبكوا ، مشاكلوا ، اختاروا اللي يحسسكوا انكوا اغلى حاجه عنده ب افعاله و اقواله ، مافيش حياة و دُنيا وردي ، مافيش اتنين متفاهمين و مابيتخانقوش ، بس الشخص العاقل و الواعي هو اللي يختار صح ، يختار اللي عقله و قلبه اختاروه ، يختار اللي يعرف يتعامل مع طباعه السيئه قبل الحلوة ، أحسنوا اختياركم ف شريك حياتكوا عشان الحياة بنعيشها مرة واحدة بس ♡ .