رواية احببتها في ابتلائي الفصل السادس عشر 16 بقلم هنا مصطفى
رواية احببتها في ابتلائي الجزء السادس عشر
رواية احببتها في ابتلائي البارت السادس عشر
رواية احببتها في ابتلائي الحلقة السادسة عشر
• { Chapter 16 } .
ريم وصلت الديسك.و و دخلت و قابلت خالد هناك
خالد وهو معلي صوته عشان صوت الموسيقى العالي : ريمو وحشاني
ريم و هي بتشر.ب : تمام مش المفروض كتب كتابك انهاردة ولا اي
خالد : كتب كتاب ايه بقى .. أنا أصلا مستحيل اتجوزها
ريم مادتش اهميه للموضوع : اممم.. طيب يا خالد ..
………
تاني يوم
عند فيروز
كانت قاعدة بعد ما رجعت من الشغل .. لقت الباب بيخبط قامت فتحت لقت صندوق قدام باب الشقة اخدت الصندوق وكانت هتدخل الاوضه بس قابلت علا و هي ماشيه
علا : اومال اي الصندوق دا
فيروز : مش عارفه هشوف اهو
فيروز دخلت اوضتها
و فتحت الصندوق و اتصدمت لما لقت جواه ثعبان و ورقه
فيروز بعدت علطول عن للصندوق بس قربت تاني
بس فيروز عندها خبرة مع الثعابين و الحيوانات السامه بس لا مش عشان هي كانت عايشة مع حامد و الباقيين .. لا لا لا 😂
هي كانت بتحب تقرأ عن طرق التعامل معاهم
مسكت الورقه و فتحتها وكان محتواها : مساء الخير يا دكتورة فيروز دا أنذار بسيط بس عشان قربتي من عمر المره الجايه هتزعلى اوي .
فيروز صورت الصندوق بالورقه
وخدت الورقه خبتها
و خدت الصندوق و خرجت من الاوضه
علا : اي يا حبيبتى الصندوق اللي ف إيدك دا؟؟
فيروز : طرد يا ماما .. بس جه غلط .
علا : طب انتى راحه فين
فيروز : هروح بقا شركه الشحن ارجعه ليها
و مشيت من قدامها
نزلت فيروز و ركبت العربيه ماكانتش عارفه تعمل ايه بالثعبان دا
اتجهت فيروز بعد تفكير ل مكان مليان زرع بس ماحدش بيروحه و سابته هناك جوا الصندوق و مشيت
فيروز رجعت العربيه و قعدت تفكر مين ممكن يعمل كدا ؟؟
………………………………………………………
ف قصر الشافعي
خبط الباب و فتحت المساعدة
حازم دخل هو و قاسم و فارس صاحبهم من الطفوله
حازم بصوت عالي : ياض يا عمر انت فيين !!
فارس : أعم عمر انت فين !!
عمر نزل من على السلم: انا اهو ، اي يا عم الصداع دا أنت وهو !
قاسم : انت مستني اي من حازم و فارس مثلا 😂
عمر : اه مثلا 😂
دخلوا و قعدوا
حازم : اي يا صاحبي .. أنت كنت فين إمبارح؟؟
عمر :كنت بتقدم ل فيروز
فارس : الف مبروك يا صاحبي ربنا يكملك على خير
عمر : الله يبارك فيك يا فارس
حازم ضحك : اصلا !! يعم نفسي ف نص هدوئك دا الف مبروك يا باشا
عمر : الله يبارك فيك
فارس : استأذن انا بقى عشان لازم ارجع القاهرة عشان ماما سايبها هناك لوحدها .
و مشي و بعدها بشوية مشي حازم
حازم كلم سيرين و قال : نفذتي ؟
سيرين : تم يا boss زمانها مات.ت كمان
حازم ضحك: زي الفل
• خدتوا الصدمه صح ؟؟
تعالو اعرفكم علي حازم و فارس و ريم
حازم المحلاوي : عنده ٢٧ سنه متخرج من هندسه و شريك مع عمر و قاسم ف الشركه و ….
ولا بعدين بقا😂
فارس العدوي : عنده ٢٦ سنه قد عمر متخرج من هندسه فرفوش جدا .
ريم المنياوي : عندها ٢١ سنه ف كلية تجارة مستهتره جدا زي ما هو واضح .. كانت جارة فيروز و هما صغيرين قبل ما ينقلوا الفيلا بتاعتهم .
المهم نكمل بقا
……………….
ف بيت فيروز
فيروز كانت روحت و اتصلت ب عمر
عمر : الو يا فيروز عامله اي؟؟
فيروز : بخير الحمدالله يا عمر انت عامل اي؟؟
عمر : الحمدالله .
فيروز : كنت عاوزة اقولك على حاجة .
عمر : قولي خير ؟؟
فيروز : اصل من شوية كان ….
و حكتله اللي حصل و بعتتله الصورة اللي صورتها
عمر قلق من كلامها : طب انتي كويسه حصلك حاجه طمنيني عليكي؟؟
فيروز : انا كويسه ماتقلقش .. أنا بس مش عارفة مين ممكن يعمل كدا ..
عمر اتنهد : مش عارف بصراحه مين هيكون ليه مصلحه ل كدا .. ، طب سيبيلي الموضوع دا و ماتقلقيش من حاجة لأن انا واثق إن الشخص دا من عندي انا .
فيروز : اه انا برضو حسيت ب كدا ، شكرا يا عمر .
………………………………………………………….
ف بيت حامد العامري
سعيد : انا عديييت اللي حصل بمزاجي !!! لأني عااارف انك بتخطط ل حاجه بس اقسم بالله لو عرفت إنك هتسيبها تتجوز اللي اسمه عمر دا .. هتحصل مشكلة كبيرة اويي !!
حامد : اكيد مش هسيبها تتجوزه .. أنا حتى مشيت المأذون عشان نسيب فرصة نعرف نفكر اهدى بقا !
نشوى : اومال ايه اللي خلى ملامحك تتبدل كدا لما عمر دا جه يكلمك ؟؟
حامد اتوتر : لا ولا حاجه
نشوى شكت فيه : طيب
___________________________
عند ريم
كانت ريم مشغله اغاني بصوت عالي جدا وهي سايقه العربيه .. ركنت على جمب و هي بتركن خبطت العربيه اللي قدامها .. نزل فارس و هو ف قمة غضبه
فارس : مش تفتحي يا عاميه انتي
ريم : اي يا بتاع انت ما خلاص محصلش حاجه هدفعلك فلوس تصليحها .
فارس : والله !!!! دا بدل ما تعتذري !!
ريم : و اعتذر ليه ! انا ماغلطتش ، عموما دي الفلوس اللي هتصلح بيها العربيه
و حطت الفلوس على العربيه و سابته و ركبت عربيتها و شغلت الاغاني و مشيت و لا أكنها عملت اي حاجه
فارس كان كل واقف تحت تأثير الصدمة و باصص ل مكانها بذهول
ركب بعدها و مشي هو كمان و هو عمال يشتم فيها
______________
يوم قراية الفاتحه بتاعت عمر و فيروز
الصبح
ف قصر الشافعي
عمر صحي من النوم و هو متحمس و مبسوط جدا قام و نزل تحت لقى مامته كالعادة قالبه وشها و كارم بيفطر و هو بيتكلم مع قاسم .. و رهف و نيرة بيتكلموا مع بعض برضو
عمر : صباح الخير
كارم : صباح الفل يا حبيبي تعالى
رهف : صباح النور يا عريس
نيرة : عريسنا القمر
قاسم : اخويا العريس
عمر ضحك : صباح الخير يا حبايبي
فريدة ب قرف : انا مش فاهمة انتو ازاي مبسوطين بجد ! بقا احنا .. عيله الشافعي .. نناسب دي !
عمر اتنهد بغضب و ماعلقش
كارم همس ف ودنها بضيق و هو بيجز على اسنانه: اهمدي شوية بقا يا فريدة .. سيبي الواد يفرح من غير ما تعكنني عليه .
كلهم تجاهلوها عشان ميفسدوش فرحه عمر باليوم دا .
عمر :انا الحمدالله شبعت يلا انا قايم عشان الحق اجهز
قاسم : استني ياض انا جاي معاك
و طلعوا مع بعض
……………………………………………………
ف بيت فيروز
علا دخلت على فيروز الاوضه عشان تصحيها و هي بتزغرط
علا فتحت الستاير : صباح الخير يا عروسه
فيروز : صباح النور يا ماما
علا : يلا قومي بسرعه عشان تجهزي
فيروز : اه يلا
طلعت فيروز و هي بتدعك عنيها سمعت الباب بيخبط راحت تفتح لقت مريم و ريم
مريم : يا عروسه صباح الخير
ريم : صباح الفل يا روزا
فيروز : صباح الخير يا حبايبي ادخلو
دخلو و فطروا مع بعض تحت ضحكهم و هزارهم
……………………………..
……………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببتها في ابتلائي)
