رواية احببتها في ابتلائي الفصل الرابع 4 بقلم هنا مصطفى
رواية احببتها في ابتلائي الجزء الرابع
رواية احببتها في ابتلائي البارت الرابع
رواية احببتها في ابتلائي الحلقة الرابعة
تاني يوم
وفي قصر الشافعي
صحيت فيروز بدري على صوت عالي من تحت غيرت هدومها وطلعت بصت من علي السلم لقت صبا وبنتها سيرين وفريدة بتستقبلهم بترحاب شديد
فيروز بصت بقرف وقالت في سِرها:والله حاسه انكم حرابيق ومش مرياحني صراحه .
وراحت عند أوضة عمر وخبطت وازنلها تدخل
فيروز : صباح الخير عامل اي
عمر ابتسم :الحمدالله يا فيروز .. اه بقولك هو ايه الصوت الي تحت دا؟
فيروز دي ..وكانت هتكمل كلامها لقت فريده دخلت وبتقول بغرور: يلا يا عمر جهز نفسك علشان ترحب ب خالتو صبا وسيرين بنتها جايين وهيقعدو معانا كام يوم
عمر اتصدم وقالها وسط دهشه و ضيق : اممم .. حااضر
فريده بعجرفه وهي بتبص ل فيروز : وانتى ابقي شوفيهم هيشربوا ايه
فيروز الدم غلي في عروقها وحست انها عاوزه تقتلها بس تملكت نفسها وبصتلها ببرود اعصاب شديد :والله يا مدام فريدة انا مش خدامة هِنا انا ممرضه بجهز استاذ عمر علشان يعمل العملية ف شوفي حضرتك عاوزه اي واطلبية من حد تانى اظن اني كدا وضّحت الامور لحضرتك .
فريده كانت هترد عليها بس كارم دخل وقال : ممكن يا فيروز اتكلم معاكي في المكتب ؟
فيروز : اكيد طبعًا بس هدّي ل عمر الدوا وهاجي علطول
خلصت ونزلت وراه ودخلت المكتب
كارم : بصى يا فيروز انتي من يوم ما جيتي هِنا وانا بعتبرك زي بناتي نيرة و رهف .. أنا عاوز اعرفك حاجة بس ماتستفسريش فيها ولا حد يعرف حاجة
فيروز اتوترت : خيير؟
كارم : ص .. صبا و سيرين متامنيش ليهم وخلي عينك دايما عليهم ولو لاحظتي اي حاجة قوليلي
فيروز شكت والف سوأل و سوأل جم في دماغها بس محبتش تتكلم وقالت : تمام حاضر
لقو حد بيفتح باب المكتب ودخلت بنت شبه عمر جدًا وقالت : بابي عامل ايه وحشتني اووي
• Stoooop
تعالو بقى اعرفكم علي الشخصيات الباقيين :
كارم والد عمر دكتور مخ واعصاب صاحب دكتور معتز عنده ٥٥ سنه
فريده مامة عمر عندها ٤٩ سنه متعجرفه زي مانتوا شوفتوا وكل الي يهمها المظاهر وبس مبيهمهاش اي حد واي حاجه عندها مُقاسه ب الفلوس
ونيجي بقى عند عمر : عنده ٢٨ سنه مهندس و (businessman )
فاتح شركات استيراد وتصدير بيحب شغله جدًا بس بعد الحادثة بقى بيشتغل من البيت في حاجات مهمه اوي هنعرفها ال chapters الجايه عن عمر
نيرة : اخت عمر عندها ٢٢ سنه في آخر سنه السن ايطالي
صبا : اخت فريده عندها ٥١ سنه زي فريدة بالضبط بس بتخطط لحاجه مهمه هنعرفها بعدين
سيرين :بنت صبا عندها ٢١ سنه اقل ما يقال عنها متربتش .. اه والله متربتش بتحب عمر أو بمعنى أصح ليها مصلحه فيييي …. ولا بلاش اقول نكتشف بعدين
• ويلا بقى :
• Back …
كارم : حبيبتي يا نيره وحشتيني جدًا وبعدها فيروز قامت ونيره بصتلها :انا شكلى فاتني حاجات كتير اوي علشان كنت مسافره هي مين دي يا بابي ؟؟
كارم : دي ياستي فيروز بتّأهل عمر للعملية الي هيعملها
نيرة : مدت ايديها بحماس وقالت : اهلًا يا فيروز عامله ايه .. شكلنا هنبقا صحاب
فيروز مدت ايديها وسلمت عليها بأبتسامه: اكيد طبعًا يا حبيبتي
بصت ل كارم : عن اذنك يا دكتور
خرجت فيروز وبالها مشغول بكمية الحاجات الي بتحصل في حياتها مش عارفه ترتب أفكارها كل مره تيجي حاجة تبوظ الي هي بترتبه.
طلعت ل عمر وقالت : انا اسفة جدًا والله وو..
عمر قاطعها :عادى يا فيروز انا شفت بابا انه استعجلك وخلاكي تنزلي بسرعه
فيروز ابتسمتله : طب يلا بقى نعمل الاكل سوا
عمر : يلا
في شقة حامد العامري
سعيد ب غضب: انهاردة الفرح ياااا استااذ! وبنتك مش موجووودة … تقدر تقولي هنعمل ايه … هااا !!
حامد : وانا اعمل ايييه !…. اعمل ايه مالقتهاش وامها ماتعرفش حاجه وشوفت ف كل حتى مش لاقييها !!!!
نشوى كالعادة حبت تولع الدنيا : اه ما هي لو كانت اتربت عدل مكانتش البت عملت كدا
حامد : تعرفى تسكتي يكون اريح
نشوى ب صوت واطي : الي على راسو بطحه بقى
حامد بزعيق: بتقولي حاااجه؟؟!
نشوى :مابقولش …مابقولش
في القصر
عند عمر وفيروز
عمر :فيروز هو انا هفضل اتأهل لحد امتى؟؟
فيروز على حسب ما جسمك يستجيب يعني مثلًا ممكن ناس تقعد شهر ممكن ناس تقعد سنه على حسب
عمر : تمام . طب انتي تتوقعي اخد وقت قد ايه
فيروز مارضيتش تقوله انه ممكن يطول شويه لأنه ماتعالجش علطول و قالت بأبتسامه : ربنا يكرم ان شاء الله على حسب التأهيل ماعنديش خلفية بصراحه لأنك لسه ف الأول .
فيروز سكتت و قالت بعد لحظات : هو .. هو انت ليه كنت رافض العلاج
عمر ب شرود وغضب : علشان مينفعش .. مينفعش وأنا مكنتش نضيف
فيروز حست انه هيجيله panic attack من طريقته
جابت الدوا وبدأت تديهوله وهي بتفكر في كلامة
خرجت برا اوضته ونزلت تجيب موبايلها وطلعت وهي طالعه لقت سيرين بتعمل …..
• Stoooop
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببتها في ابتلائي)
