رواية احببتها في ابتلائي الفصل الخامس عشر 15 بقلم هنا مصطفى
رواية احببتها في ابتلائي الجزء الخامس عشر
رواية احببتها في ابتلائي البارت الخامس عشر
رواية احببتها في ابتلائي الحلقة الخامسة عشر
فاقوا الاتنين على صوت عالي و كان صوت حامد : ازاااي !! انت بتعمل هِنا !! و بعدين حب ايه انت كمان اللي بتقول عليه داا !! انا بنتي مش هتتجوز غير خالد و أعلى ما ف خيلك اركبه !!!
عمر قرب منه بهدوء عكس اللي كان جواه و فيروز كانت متبعاه ب عنيها
عمر همس ليه بخبث : بقولك ايه يا عمى بلاش الكلام الجميل دا لأن انا عندي حاجات لو قولتها هتزعل ، هتزعل اوي كمان ، زي مثلًا موضوع انك كنت بتختلس من شركتك انت و سعيد فلوس منغير ما تقوله ؛ تخيل بقا رد فعله هيبقى ايه ؟؟ .. بص فيروز مش هتكون غير ليا .. تمام !! ؛ يا تخلي المأذون يفضل و يكتب كتابنا ، يا يمشي و نقرأ الفاتحه انا و هيا ، شفت انا طيب ازاي يلا بقا اختار . آه .. و لو اخترت انك تمشي المأذون ، يبقي هنكتب الكتاب ف يوم انا و هي هنحددة ، دا اللي عندي .
و اتعدل تاني و وقف
حامد ب توتر : اتفضل انت يا شيخنا معلش كتب الكتاب اتلغى
المأذون مشي
خالد بصله بنظرة مرعبه : دا اي دا بقااا ان شاء الله !! هاا افهم بس عشان ماطربقهاش على دماغكوا كلكوا دلوقتي !!!
هند : تعالي يا خالد يا بني نطلع شقتنا .. دول عيله واطيه اصلا . و ميملاش عنيهم غير التراب .!!
وطلعوا الشقه و خالد عمال يشتم فيهم
عمر همس ب استفزاز وهو بيضحك : شاطر يا عمى
حامد بصله ب كره و طلع وراهم .
عمر ابتسم و قرب من فيروز و قال لها ف ودنها : هتفضلي متنحه كدا كتير؟؟؟
فيروز فاقت على صوته : يعني حضرتك ما شاء الله شايفاك واقف على رجلك و لغيت كتب الكتاب و كل دا حصل ف اقل من ربع ساعه عاوزني استوعب كُل دا ازاي ؟؟
و بعدين بصتله بتفحص من فوق ل تحت وضحكت : بس طلعت طويل اوي يا عمر ما شاء الله عليك 😂
عمر : انتي اللي اوزعه يا حبيبتي .. أنا طولي طبيعي 😂 .
فيروز: والله علفكرا انا طول ١٧٠ سم !!
عمر شد خدها : اه والله اوزعه بس عسل ؛ ياختي جميلة 😂
فيروز : عمر !!!
عمر : خلاص دا انتي قلابه 😂
فيروز : اه صح انت ازاي جيت هِنا ؟؟
عمر حب يرخم عليها : بالعربيه ، تصدقي السواقة كانت وحشاني .
فيروز : هههه خفه ياض
عمر : عارف . مش مستني رأيك 😂
فيروز : لا بجد عملت كدا ازاي ؟؟
و بصت ل مامتها : و بعدين انتي يا ماما فتحتي
عادي كدا .. اي دا اوعوا يكون اللي ف بالي ؟
علا ضحكت على طريقتها : بصي يا ستي
………………… ……………….
• Flashback
من يومين
علا كانت نايمه
صحيت علي صوت تليفونها و هو بيرن و كان رقم غريب
علا : السلام عليكم
عمر: عليكم السلام ، مدام علا معايا؟؟
علا : ايوا مين؟؟
عمر عرفها ب نفسه و بعدها قال: فيروز والدها جه اخدها و انا ف العمليات اختي حاكتلي بعد ما خرجت ، انا عاوز بس حضرتك تكلمي والدها و تقوليله ………
علا : تمام يا عمر هعمل كدا و اقولك اللي حصل .
علا قفلت مع عمر و بعدها كلمت حامد
علا بطريقة واقفه : الو
حامد بسزاجه : ايوا يا ست الحُسن و الجمال انا عارف انك مكلماني عشان اللي عملته فيكي و ……
علا قاطعته : لا لا .. مش مكلماك عشان كدا .. أنت ابو بنتي برضو .
حامد : أصيلة يا أم فيروز . اه صح مش أنا لقيت المحروسة بنتك .. لا و كمان هجوزها ل خالد ، يعني كُكللل اللي عملته السنه اللي فاتت مافدهاش ف اي حاجه ، هبله بصحيح .
علا خفت قرافها منه و قالت و هي بتدعي الخوف : ماتئذيهاش يا حامد دي بنتك برضو ، و أنا يا سيدي ماعنديش مُشكلة تجوزها ل خالد ، بس خليني على الاقل ابقى معاها .
و كملت كلامها و هي بتمثل العياط :خليني ابقى معاها ، أنت عارف إنها بنتي الوحيدة ..
حامد : طب ابقى تعالي .. كتب الكتاب كمان اسبوع ف الشقة هِنا ، هستناكي يا قمر .
قفلت معاه و بعدها كلمت عمر و حكتله اللي حصل
• Back
علا : بس دا إللى حصل و بعدها اتفقت أنا و عمر إن هو ييجي و يعمل اللي عمله دا ..
فيروز و هي لسه تحت تأثير الصدمة : اه كل دا ما شاء الله … لا عرفتوا تتصرفوا .
علا : طب اسيبكوا انا بقى و أقوم احضر شنطة فيروز ..
علا دخلت الأوضة
و عمر قال : فيروز .. أنا …. أنا بحبك عارف إنك قريتي الورقه و عرفتى بس كنت عاوز اقولها ليكي و أنا باصصلك ، عاوز اعرف مشاعرك نحيتى ، و هل موافقه تتجوزيني؟؟
فيروز ابتسمت بخجل : .. موافقه .. بس الرأى رأي ماما في الاول .
علا طلعت من الاوضه و هي بتزغرط : الاوضه لازقه ف الصاله ف سمعتكوا بقى ، انا موافقه .. مواقفه علي عمر .
عمر و فيروز بصولها و ضحكوا و بصو ل بعض
عمر همس ل فيروز : طب و السؤال الأول مالوش إجابة
فيروز : بعد الفرح و عليك خير بقاا 😂
عمر : اممم شكلك كدا عاوزة تتروقي 😂
فيروز ضحكتله ضحكه صفرا : ماتقدرش
بعدها عمر وجه كلامه ل علا : طب بقولك يا طنط بقا انا هجيب اهلي و نيجي الخميس الجاي إن شاء الله مناسب ليكوا الميعاد ؟؟ .
علا : اه مناسب ، تنوروا يا عمر
عمر : تعالوا بقا عشان اوصلكوا
فيروز : لا بلاش يا عمر نتعبك
عمر : مافيش تعب ولا حاجه يلا
فيروز : لا ياعمر هنتعبك و أنت لسه عامل عمليه و ….
قاطعاها عمر اللي شدها من ايدها و شد الشنطه بايده التانيه
عمر ضحك :معلش بقا يا حماتى .. بنتك مابتجيش غير كدا 😂
علا : لا هتقولى مانا عرفاها
فيروز برقتله : لو سمحت الطريقة دي بتاعتي كنت بعاملك بيها و انت عيان أما كنت ماترضاش تاخد الدوا .. ماتسرقش الفكره مني !!
عمر بص ل علا :خلاص يا طنط علا طريقة بنتك دي هااا 😂
علا اكدت على كلامه : ايوا خلاص دي طريقتك يا فيروز 😂😂
فيروز بصتلهم ب شموخ: ايوا كدا
عمر :طب امشي قدامى .. أمشى 😂
و هما خارجين قابلوا حامد نازل من فوق
فيروز همست وهي بتئفئف : هوففف ، ياربي هو مافيش لحظه سعيدة ممكن تكمل للآخر !!
حامد : انت رايح فين يا حليتها و واخدهم معاك !!
عمر: ما بلاش بقا يا عمي بدل ما نزعل من بعض
حامد : ماتقدرش تعمل حاجه
عمر : اوففف هو اللي هنعيده هنزيده .. بص يا عمي فيروز و مامتها معايا . و ف حمايتي لحد ما نتجوز
. بلاش تخليني اوريك عمر الشافعي ممكن يعمل ايه تمااام !!
سابه عمر و نزل مع فيروز و علا
عمر وصلهم و علا طلعت تفتح باب الشقه
فيروز نزلت و بصت ل عمر ف عنيه من شباك العربيه : شكرا .. شكرا على كل حاجه ، اتنهدت و كملت كلامها : أنت بجد عوض ، عوض ربنا الجميل ليا .
عمر بص لعنيها بحب صادق : انتى اللي عوض ليا عن كل حاجه .. انتى رجعتينى للحياة تاني من اول لحظه شوفتك فيها ، انتي كنتي النور الي نور عتمتي ، انا فعلا حبيتك ، حبيتك في ابتلائي .
……………………
” الحُب يبان ف عيوني ♡ ” .
” و إيديا تقول خَبوني ♡ ” .
من شُوقها ل لَمس إيديك ♡” .
” و الدُنيا تبقى أنا و أنتَ ♡ ” .
” ولا بسأل فين أو أمتي؟؟ ♡ ” .
” طول ما انا فى حُضن عينيك ♡ ” .
الأغنية : بينت الحُب عليا .
المغنية : ميادة الحناوي .
……………………………….
عمر استنى فيروز تطلع و بعدها دور العربيه و طلع علي اسكندرية
وصل القصر و دخل كانت الأنوار كلها مطفيه بص لقا اباجوره واحده منوره ومامته قاعده بصاله
فريدة : كنت فين ؟؟
عمر و هو طالع على السلم : كنت عند فيروز
فريدة شهقت بصدمه و قامت جابته من ايده :نعم يا حبيبييي سمعنى كدا ، أصلي شكلي ماسمعتش كويسس !!!!
عمر لف و بصلها ببرود : ايوا يا ماما كنت عند فيروز كنت بتقدملها .. علفكرا بابا عارف
فريدة بصتله بصدمه : اييه !! بتتقدملها !! ما انا عارفه أبوك هوه تلاقيه اللي كبر الفكرة ف دماغك ، أنت عاوز تموتن.ي مجلوطه صح !!! مالقتش غير ديي !! ما قدامك سيرين بنت خالتك !
عمر : اه قولي كدا بقا !! طب بصي يا ماما انا مفيش حد هيتكتب على أسمى غير فيروز ، فيروز و بس !
وسابها و طلع و هو بيستغفر ربنا دخل اوضته ورمى نفسه على السرير و هو بيتألم من رجله اتعدل و فتح الكومود و خد مسكن و شرد و هو بيفتكر فيروز لما كانت بتيجي تديله الدوا و حوارتهم سوا بس فاق من الذكريات السعيدة دي لما افتكر حواره مع فريدة ، الابتسامة اختفت و حط المسكن ف الدرج و قال ف سِره : شكل فيروز هتتعب معاكي اوي يا فريدة هانم ، بس أنا عمري ما هاسمح ب دا .
و قام يجيب مايه من على المكتب لقى الدرج مش مقفول كويس فتح الدرج و لقى جواه file الصفقه و ورقه مكتوب فيها : الصفقه اهيه يا بشمهندس ، ابقى خد بالك بقى .
فيروز .
ابتسم عمر عليها و قفل الدرج بالمفتاح
وهو بيحاول يجمع الخيوط
فرد جسمه على السرير و قفل النور و همس وهو بيغمض عينيه : فيروز
ونام علطول
_______________
ف فيلا صبا و سيرين
كانت سيرين بتكلم المجهول : اعملك ايه !! الأمور ما مشيتش زي ما كنا مخططين !!
المجهول: بقولك ايه انا عرفت إن حبيب القلب هيخطب فيروز ف لو ماشهلتيش نفسك هتزعلي مني اوي انا هزوره بكرا و اشوفه ناوي علي ايه !!
و قفل ف وشها المكالمه
سيرين: اه يا ابن ال !!!! ماشي يا عمر و ديني لأوريك ازاي تختار فيروز دي عليا أناااا !!! انا سيرين هانم !
________________________
ف مكان تاني اول مره نروحه
ف فيلا المنياوي
ريم كانت واقفه ف اوضتها قدام المرايه بتحط مكياج صا.خب جدا و لبست فستان يُكاد يكون مش موجود
ونزلت لقت جيجي [ جيهان ] مامتها و كمال باباها
ريم :هاي بابي هاي مامي
كمال بصلها من فوق ل تحت و ماعلقش على منظرها و قال : هاي يا حبيبت بابي
و سابها و طلع المكتب
جيجي : اي ريمو رايحه فين؟؟
ريم : سهره يا مامي .
جيجي : مع خالد .
ريم :sure يا مامي .
• Stooooop
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببتها في ابتلائي)
