رواية احببتها في ابتلائي الفصل التاسع 9 بقلم هنا مصطفى
رواية احببتها في ابتلائي الجزء التاسع
رواية احببتها في ابتلائي البارت التاسع
رواية احببتها في ابتلائي الحلقة التاسعة
بصت فيروز و لقت حامد داخل المستشفي
Stoooop …
• Flash back :
عند حامد راح ل حارس عمارة علا عشان ينفذ اللي نشوى قالتله عليه ..
حامد : السلام عليكم يا عم صبحي
صبحى : عليكم السلام و رحمة الله و بركاته .. ازيك يا باشا عامل اي
حامد : الحمدالله يا عم صبحي
صبحي : انت ماعرفتش اللى حصل ل مدام علا ..
حامد و هو بيدعي الاستغراب : اي اللي حصل !
صبحى : إمبارح الآنسة مريم ….
وحكاله على ال حصل ل علا و اللي مريم عملته
حامد بحزن مُزيف : لا إله الا الله .. طب عنوان المستشفى اي يا عم صبحي
صبحي: ماعرفش يا بيه . بس اعرف انه اسمها ….
و قاله اسم المستشفى
حامد: تسلم يا عم صبحي ..
مشي حامد و كتب علي آل location اسم المستشفي و طلعله عنوانها و راح
• Back :
دخل من الباب و فيروز سرحانه خايفه يكون شافها او جاي هِنا عشان يئذي مامتها
فاقت فيروز من سرحانها علي صوت موظفه الإستقبال
الموظفه : يا انسة حضرتك كويسه ؟؟
فيروز : آه .. آه كويسه .
الموظفه : حضرتك كدا خلصتي الإجراءات اللازمة .. تقدري تتفضلي
فيروز : تمام شكرا ليكي
مشيت فيروز بس ماخرجتش من المستشفى هي طلعت ورا حامد عشان تشوفه هيعمل اي طلعت ووقفت علي جمب .. و لقته بيزعق مع الممرضه ..
حامد : بقولك انا عاوز ادخل اشوف مراتي
فيروز في سِرها باستهزاء : مراتك برضو يخربيت كدبك !
الممرضة : لو سمحت يا فندم تتكلم بطريقه افضل من كدا .. ثم اساسا الزياره بتاعت انهارده اتخدت خلاص
حامد : مين اللي جه؟
الممرضه: بنتها
حامد اتصدم : بنتها !
الممرضه: ايوا يا فندم هوا في حاجه؟؟
حامد: لا لا مافيش .. طب من فضلك هي مشيت من امتي ؟
الممرضه : من ربع ساعة تقريبًا
حامد: تمام
حامد كان لسه هايمشي سمع فونه بيرن
حامد : الو يا سعيد
سعيد : اي نفذت
حامد : لا ماعرفتش اديلها الس.م في الكانيولا مارضيوش يدخلونى ، بس عرفت انه …….
وحكاله على اللي عرفه
سعيد بلهفه : طب أنجز وروح شوفها
حامد : اه منا هاعمل كدا
ف اللحظه دى نزلت فيروز بسرعه قبل ما يشوفها وخرجت من المستشفى و ركبت تاكسي وراحت علي الاوتيل
في الطريق كانت فيروز مصدومه من اللي هو كان عاوز يعمله .. كان بيحاول يقت.لها للمرة التانيه ، بكُل جب.روت ، و من غير أي رحمه
فيروز اتصلت على مريم : آلو
مريم : ايوا يا حبيبتى عامله اي
فيروز : تمام يا روما .. وانتى ؟
مريم : كويسه .. خير يا فيروز؟؟
فيروز : بصي …..
و حكتلها علي مكالمه سعيد و حامد
مريم : هما مش هيهمدوا بقااا ولا اي !!
فيروز : ماعرفش .. بصي حاولي انك تبقي جمب ماما اغلب الوقت و تدخليلها انتي او طنط ثريا الزيارة عشان عمر ماينفعش اسيبه اكتر من كدا و كمان عشان مايشوفونيش .. حقك عليا هتعبك .
مريم : من عنيا .. مافيش اي تعب يا حبيبتي و ماتخافيش عليها هنحطها ف عنينا
فيروز : واثقه من كدا .. يارب عمر بقى يستجيب للعلاج بسرعه و يتحسن .
مريم: ان شاء الله يا حبيبتي
قفلوا المكالمه وبعديها فيروز اتصلت برقم مجهول و
قالت : نفذ
وقفلت من غير ما تستني الرد
________________________________
في قصر الشافعي
عمر : ما تهدى شويه يا ماما انا مش فاهم ايه اللي حصل البنت مامتها تعبت وراحتلها وارد يحصل يعني
فريدة بعجرفه : لا المفروض تيجي تستأذني انا . مش انت !
عمر : و هي بتعالجني انا يا مدام فريدة ، مش انتي .
و سابها واتحرك بالكرسي
فريدة : اما وريتك يا جربوعه انتي مابقاش أنا فريدة هانم !!
وصلت فيروز القصر ساعتها و دخلت ل عمر
عمر : ازيك يا فيروز ..
فيروز : الحمدالله .. وأنت
عمر : تمام
بص بقى يا عمر احنا انهارده هنجرب حاجه جديدة
عمر : اي هيا ؟
فيروز: هطلع فوق بس أودى حاجتى وجايه
عمر : ماشي .. مستنيكي
طلعت فيروز ودت حاجتها و غيرت هدومها وخدت فونها و نزلت
و هي نازله قابلت كارم
كارم : ازيك يا فيروز
فيروز : تمام يا دكتور
كارم : طب عاوزك في المكتب
فيروز : ماشي
وراحوا هما الاتنين المكتب
كارم: اقعدي يا فيروز ..
فيروز قعدت. وكارم كمل كلامه ..
كارم : بصي يا فيروز هي نتيجه التحليل طلعت
..
فيروز : طب طلع فيها ايه ؟؟
كارم بغضب : الدوا متبدلل ! متبدل بواحد تاني بيبطل مفعول الادويه وتقلل استجابتة ليها !!
فيروز : انا بقالي حوالي اسبوعين مابديش ل عمر منه ، بديله من علبه تانيه انا شايلاها معايا ، بس ليه سيرين ممكن تعمل كدا ؟؟
كارم : ماعرفش بس هعرف .. وعلي ماعرف . العلبه اللي هتبقي موجوده في الدولاب تاخدي منها كل يوم حبايه ترميها في الحمام .. وتدى ل عمر من اللي معاكى
فيروز : تمام يا دكتور
خرجت فيروز و عقلها ب يودي و يجيب ، ليه سيرين هيبقى ليها مصلحه ل كدا ..
راحت ل عمر
عمر ضحك : اي يا بنتى انا قولت انك نمتي فوق
فيروز ضحكت : لا يا سيدى مانمتش ولا حاجه
عمر : طب قوليلي هنعمل ايه ..
فيروز : بص تعالي كدا
وشدت ايده و سندته
عمر : انتى بتعملى اي مش هعرف اقف
فيروز : لأ .. هتعرف .. يلا لازم اشوف الأعصاب بقت احسن ولا لسه ضعيفه عشان نقدر نحدد معاد العمليه …
عمر : مش قادر يا فيروز بجد .
فيروز بصتله بتحدى : لا هتقدر .
و شدته من درعه غصبن عنه ووقفته و هي سنداه
عمر : ياه بقالي كتير اوي ماوقفتش .
عمر اتألم و قال : آه ، سيبيني يا فيروز .. الوجع صعب بجد
فيروز : انا كدا اتطمنت إن العلاج جايب نتيجة .
كارم كان متابعها من بعيد وقال ف سِره : كنت متأكد انك دكتورة شاطره .. و ماخيبتيش ثقتي فيكي .
فيروز قعدته تاني وقالت : بقولك اي يا عمر ؟؟
عمر بضيق بسبب الآلم اللي حاسس بيه :ايه تانى عاوزانى اقوم العب جمبااز ؟!
فيروز ضحكت بهستيريه : لا مش للدرجادي .. ممكن المرة الجايه لو عاوز
عمر بصلها بصه ناريه
فيروز ضحكت : خلاص يا عم مالك قَفوش كدا ليه .
عمر بصلها و ضحك
سكتت لحظات وقالت : مش ناوي انك تحكيلي سبب الحادثة ؟
عمر شرد : اه .. هحكيلك يا فيروز هحكيلك .
………………..
ونكمل ال Chapter الجاي .
يا ترا اي سبب حادثه عمر .. وليه سيرين مبدله الدوا ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببتها في ابتلائي)
