رواية احببتها بنقابها اكثر الفصل الثاني والعشرون 22 بقلم حبيبة محمود
رواية احببتها بنقابها اكثر الجزء الثاني والعشرون
رواية احببتها بنقابها اكثر البارت الثاني والعشرون
رواية احببتها بنقابها اكثر الحلقة الثانية والعشرون
بسم الله الرحمن الرحيم
اللهم صل وسلم على سيدنا محمد وعلى آله وصحبه وسلم اجمعين
سبحان الله وبحمده سبحان الله العظيم
استغفر الله العظيم و اتوب اليه
قبل ما ابدأ انت قبل ما تقرأ الرواية قضيت فضل ربنا عليك ، صليت كل فروضك ، وردك من القرآن ، وردك من الذكر ، لو لسه مخلصتش حاجه من دول الرواية مش هتطير قوم وبعدين ارجع أقرأ
والله فانية وما عندكم ينفذ وما عند الله باق
محمود: انا اسف يا مصطفى بس هترجع مصر لان الشر…
مصطفى : الشركة رفدتنى علشان بقيت عاجز غير قادر على العمل
لعل الخير يكمن فى الشر وكويس انها جت منهم
إن شاء الله الرجوع امتى علشان بلدى وحشتنى
محمود: بلدك بردوا ولا بنت بلدك
مصطفى : مش علشان حكيت ليك كل شوية تلمح بالكلام ويعلم ربنا انى احبها فى الله واخشي عليها من نفسي ومن كلام اى حد يجيب سيرتها
محمود: ما انا عارف هو انا هنسي أما كنت ايام الجامعة تخلص المحاضرات وتروح تمشي وراها من بعيد علشان لحد يأذيها
إن شاء الله خير وهتكون من نصيبك بإذن الله
مصطفى : اللهم آمين يارب العالمين
بطلبها من ربنا فى كل سجدة وفى كل وقت وحبي ليها كل يوم يزداد ويا فرحة قلبي بيها لما ترتدى النقاب
اللهم انى استودعك ايها فأحفظها يا من لا تضيع ودائعك
محمود: يلا بقي جهز نفسك ، هنسافر بكرا إن شاء الله
مصطفى: هنسافر ؟!
تقصد هتسافر
محمود: وانا النداله واخدة موضعها معايا للدرجة دى انا قدمت استقالتى
وجاى معاك
نسيب الصحاب دول ونروح
لمكان أول مرة نروحة
سماح : انت يا زفته تعالى اغسلي المواعين دى
البنت : حرام عليكي بقي ما تخلى بنتك انا لسه جاية من الجامعه وتعبانة
سماح : انت يا مقصوفة الرقبة زى امك بتعلى صوتك عليا
البنت : امى دى احسن منك ، امى دى اللى امنتك على بيتها وفى الاخر سرقتى جوزها ، متجبيش سيرة امى على لسانك تانى
أخذت تضربها وتركتها فى غرفة مظلمة
سماح : والله العظيم اول عريس لجوزك ليه ولازم يكون فقير علشان يزلك يا بنت هيام
اصبري عليا بس اما ابوكى يجي
فى امريكا
فى المستشفى
عبدالرحمن: ممكن ادخل ليها أشوفها يا دكتور
الدكتور: مينفعش يا بشمهندس انا عارف انك خايف عليها بس لازم هواء نقي جنبها ومتتعرضش لأى تلامس
عبدالرحمن: اكلمها من بعيد هى هتسمعنى بالله عليكم
الدكتور : تمام ماشي بس ٥ دقائق بس علشان احنا مش فى مصر هنا فى نظام وانا ممكن اتاذى يا بشمهندس
عبدالرحمن: مش هطول والله
اذكر الله
لا اله الا الله وحده لا شريك له له الملك وله الحمد وهو على كل شيء قدير
فى داخل غرفة رحمة
يجلس عبدالرحمن بالقرب من اخته
عبدالرحمن: رحمة عايزك قوية وتقومى بالسلامة
وحشتيني ، وحشنى الكلام معاكى ، قومى علشان انا جبتلك فى البيت شوكولاتة كتير اوى
انا عارف انك سمعانى
عارفه انا هحكيلك على سر محدش يعرفه خالص
انا بحب اسماء ومش من شهر او شهرين
لأ من وانت فى اعدادى كنت فاكر ان دا حب مراهقة وطيش شباب بس كل ما بكبر حبي ليها بيزيد ،اما قولتيلي أنا جايبه ليك عروسه قلقت اوى بس اما عرفت انها اسماء عملت فرح جوا الاوضه والله هبل معلش فضلت اصلي وادعى كتير أنهم يوافقوا
يلا قومى بقي علشان اكملك ، عايز اتجوز يا بت بقي
يلا هانت فاضل ساعات وتعملى العملية واسبوع واحد ونرجع بالسلامه
فى منزل رحمة
هناء تصلي وتبكى وتدعى الله ان يشفي ابنتها
انتهت من صلاتها
واتت ناهد
ناهد: عامله اى يا حبيبتي دلوقتى
هناء: الحمدلله كويسه يا ناهد ، بس قلبي واجعنى على رحمة اوى ، ادعيلها يمكن تكونى اقرب لربنا منى
اخذتها ناهد فى أحضانها
ناهد: والله بدعى ليها فى كل وقت ربنا يشفيها يارب شفاء لا يغادر سقما يارب وبإذن الله هترجع وتملا البيت فرحة وخناق مع روان
( حنينة اوى ما شاء الله ، لازم البنت تتعب يعنى 😂)
هناء: إن شاء الله ، الا صحيح البت روان دى فين مش ظاهرة بقالها كتير
ناهد: زعلانة علشان عبدالرحمن اتجوز اسماء
هناء: اندهى عليها تيجي ليا بسرعه
ناهد : حاضر
فى منزل اسماء
حنان: اسماء هو عبدالرحمن متصلش بيكي انهاردة
اسماء: لا يا ماما اتصل امبارح بس
تلاقيه مشغول بقي فى إجراءات المستشفي ومع رحمة اهم حاجه أنه طمنا بس
امانى : إن شاء الله رحومة هترجع ،وحشتنى البت دى اوى والله
اسماء: إن شاء الله ربنا يشفيها يارب
حنان: آمين يارب العالمين ، ربنا ميحرقش قلب ام على ابنها او بنتها ابدا يارب
اسماء : استغفر الله العظيم يارب ازاى نسيت
امانى: نسيت اى
اسماء: يا بنتى مش رحمة قالتلى انزل كل يوم حلقة بصوتى على الجروب
يلا انا هقوم ، بالله يا امانى انزلى هاتى قهوة من تحت
امانى : هو مفيش غيري يعنى ما تنزلى انت
حنان : امانى هى كلمة واحدة اختك عملت شغل البيت كله وانت نايمة يلا يا حلوة وتيجي بسرعة وبلاش خناق مع العيال بتوع الشارع يا مشكلة هانم
فى الداخل بدأت اسماء تكتب ما طلبته رحمة وتسجلة
💜💜💜💜💜💜💜💜💜💜💜💜💜
(رحلة إلى الله)؛
السلام عليكم ورحمة الله وبركاته ، كيف حالكن يا جميلات
انهاردة انا هسجل بدل رحمة الى أن يتم الله شفائها على خير دعوة إليها يا رفاق عسي أن تكونوا إلى الله اقرب منى
عايزين نرجع لربنا يا جماعة ونفوق من الغفلة إللى احنا فيها😿💔
عايزين نرجع له بقي ونقوله يارب سيبنا الذنوب والمعاصي ورجعنالك
يارب توب علينا واهدينا
يارب ارزقنا حلاوة الإيمان
اى رأيكم نكون صحبة صالحة لبعض ونعين بعض
بس عايزاكى تعرفي أن ربنا بيحبك أنه ييسرلك الكلام ده ويبعتلك صحبه صالحة
جايز تكون دى فرصة من ربنا ليكي ويمكن اخر فرصة كمان
اغتنميها بقي
سمعت الشيخ عمر عبد الكافي بيقول أن من علامات حب الله للعبد الصحبة الصالحة
اذا كان غافل ذكرته وان كان ذاكر اعانته
***********
يلا نبتدى اولى خطوات الالتزام وأولى خطوات الفردوس الاعلى
اول خطوة (التوبة)
قوم دلوقتى توووووووب ،،،،، افرش سجادتك واخلو مع الله
قوله يارب رجعتلك سامحنى واغفرلى يا رب
ابكى بين أيديه دى العين الباكيه من خشية الله لا تمسها النار
اعزم على عدم الرجوع الى المعصيه واندم عليها
اسمع ربك بيقول اى فى الحديث القدسي
يقول الله عز وجل “من ذكرنى فى نفسه ذكرته فى نفسي ومن ذكرنى فى ملأ ذكرته فى ملأ خير منه ومن تقرب إلى شبراً تقربت إليه ذراعا ومن تقرب إلى ذراعا تقربت منه باعا ومن آتنى يمشي آتيته هروله ” سبحانه
من نقفل ابواب غرفتنا لنعصيه فيدخل لنا الهواء لنتنفس
📑 ١
التوبه والاستغفار سبب رئيسي في تفريج الهموم وزيادة الرزق
قال صلى الله عليه وسلم
“من لزم الاستغفار جعل الله له من كل هم فرجا ومن كل ضيق مخرجا و رزقه من حيث لا يحتسب”
قال تعالى “فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا
واوعوا تجعلوا أشخاص بينكم وبين ربنا
اوعى يا حبيبتي تقوليلي انا بحب فلان ومش هقدر اسيبه
ولا انت يا اخى تقولى انا بحبها وهتقدملها لما اخلص
يا حبيبتي انت غاليه وجوهرة والله لو ليكي نصيب فيه لو الدنيا اتقلبت هيكون ليكي
وانت طيب ما تسيبها دلوقتى وتحافظ عليها حتى من نفسك لحد ما ربنا يقدرلك
وييسر لك الأمور وقولها تعالى نتوب ونمشي فى الطريق الصح انا وانت لحد لما ربنا يكرمنا ونتقابل فى نص الطريق ونكمله سوا فى الحلال
وتأكدوا اللى بيسيب حاجه لله ربنا بيعوضه احسن منها
“وعن تجربة والله انا رحمة اهو بقولك ان ربنا هيعوضنى واكتر مليون مرة مما تركت ”
قال رسول الله صلى الله عليه وسلم
“من ترك شيئا لله عوضه خيراً منه ”
ربنا كريم وبيعطى من غير حساب بس انت ارجع له
قال تعالى
“الطيبون للطيبات والخبيثون للخبيثات ”
ولو صدقتوا النيه والله ربنا هيعينكم
خلو قلوبكم عامرة بذكر الله
اعمل وقفه كده مع نفسك وامسح كل الارقام اللى على موبايلك اللى ممكن تكون حاجز بينك وبين الطريق الى الله
💜💜💜💜💜💜💜💜💜💜💜
الكلام دا ليا قبل ما يكون ليكم والله
فى منزل رحمة
ناهد ندهت على روان
هناء: ادخلى يا روان مالك
روان : بصي يا ماما انا مش هدخل عندكم تانى علشان عبدالرحمن ابنك وحش
هناء: عبدالرحمن ابنى وحش ؟! ليه بس كده
ناهد: عيب يا روان نقول على ابيه كده
روان : انا بكلم ماما هناء دلوقتى
هناء: سبيها يا ناهد ، اتفضلي كملى يا روان هانم
روان : روان هانم زعلانة علشان ابنك سابنى وخد ابلة اسماء العسولة لا وحشه هى كمان خدت حبيبي منى
هناء: 😂😂ليه يا بنتى دا كبير عليكي
روان : ما انا هكبر انا كمان انا خلاص بقيت فى أولى ابتدائي
وهو قالى أنه بيحبني انا
فاكرة اما رجعت من الحضانة وهو شافنى والواد عمر ابن طنط منار قالى بحبك واتجوزيني يا روان واغسلك المواعين هو زعق ليه وقال إنه بيحبنى
هو هيتجوزنى انا مليش دعوه
هناء: فاكرة يا لمضة ، بس هو خلاص اتجوز
وعن نفسي يا قمر انت اول ما تكبري وتبقي عروسه اجيب ليكي احلى عريس
ناهد : انت هتسمعى كلامها ولا اية يا هناء دى عيله صغيرة وهبله
روان: انا هبلة والله لقول لجدو
فى إحدى الاماكن الأخرى
فى أحد الغرف المظلمة
البنت : يارب أنا تعبت والله العظيم ، انا خسرت امى وانا لسه صغيرة ،قولت ربنا مبيجبش حاجه وحشه ورضيت اعيش يتيمة ، حياتى بتضيع يارب خدنى عندك يارب أنا تعبت من ابويا ومراته حسبى الله ونعم الوكيل
وفجأة دخلت زوجة أبيها
سماح : قومى يا حلوة يلا علشان كتب كتابك بكرا ، روقى البيت علشان عريسك جاى
لا بس غنى اى وفلوس اى خسارة فيكي
البنت : جوزيه لبنتك انا مش عايزة حاجه
سماح : بنتى انا تتجوز واحد قد جدها
انت بس يا خدامة اللى ليكى كده بنتى دى ستك وتاج راسك
يا شيخة 😡
فى المستشفى
الدكتور : بشمهندس عبدالرحمن خلاص الانسه لازم تجهز للعمليه دلوقتى
عبدالرحمن: طب شوية بس يا دكتور
أدخلها مرة أخيرة والله العظيم
دخل لها
حضنها وفضل يبكى ، رحمة بالله عليكى تتمسكى بالحياة علشان خاطرنا ، علشان بابا حبيبك يا رحمة ، كلمنى انهاردة وعايز يسمع صوتك
ازالت رحمة القناع عن وجهها
اصبحت تكح بشدة فهى بحاجه الأكسجين
رحمة : عبدالرحمن بالله عليك افتح الفون عايزة أبعتلهم فيديو لآخر مرة ، انا مش عارفه هخرج تانى ولا لأ
عبدالرحمن: حطى الأكسجين يا رحمة انت مش قادرة تتكلمى وانت هتخرجى
رحمة : حقق ليا اخر أمنية يا عبدالرحمن
الله يرضي عنك
فتح الفيديو
هات الفون حطة قصادى واعدلنى يلا
واول ما ادخل العمليات ابعته للبنات ولللبيت عندنا
فعل مثلما طلبت
رحمة : يلا اخرج برا بقي
وضعت القناع مرة أخرى لثوانى ثم إزالته عنها
السلام عليكم ورحمة الله وبركاته
اخباركم اى وحشتونى كلكم
انا لما الفيديو دا يوصل هكون فى العمليات
انا والله العظيم ما زعلانه لو جرا ليا حاجه انا هقابل حبيبي اللى وحشنى
متزعلوش إن شاء الله هكون فى مكان كويس
بس انتم ادعولى
اى دا انا لسه عايشه معلش من تأثير العلاج
المهم وحشتونى كلكم ماما ، بابا، جدو ، معتز ، يوكا ، ماما ناهد كمان انا بحبها اوى والله ، اسماء ، نور ، نهر ، امانى ، وروان الشقية وحشتنى اوى
كلكم وحشتونى والله
وضعت القناع مرة أخرى لدقيقة ونصف قم إزالته
انا عارفه انكم زعلانين علشان والفترة دى صعبة اوى بس إن شاء الله خير ربنا مش بيجيب حاجه وحشة
فى منزل مصطفى
الام : سلمى تعالى رنى على اخوكى يا بنتى
سلمى : حاضر يا امى
بس انت لسه مأخدتيش الدوا استنى هروح اجيبه
الام: ماشي بس بسرعة علشان اخوكى نطمن عليه
وحشنى اوى ربنا يحفظك يارب يا مصطفى
سلمى : آمين يارب العالمين ، يلا يا ست الكل خدى الدواء
أخذت الدواء
وبدأت سلمى ترن على أخيها
فسمعت الباب يطرق
هشوف مين واجى حالا يا ماما
قامت سلمى لفتح الباب
وصدمت مما رأت
انتهى البارت
يا ترى مين البنت اللى مرات ابوها وحشه وبتتعذب دى؟!
يا ترى سلمى صدمت من اى ؟!
ومين على الباب ؟!
رحمة هيحصل ليها اى ؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببتها بنقابها اكثر)
