رواية احببتها بنقابها اكثر الفصل الثاني عشر 12 بقلم حبيبة محمود
رواية احببتها بنقابها اكثر الجزء الثاني عشر
رواية احببتها بنقابها اكثر البارت الثاني عشر
رواية احببتها بنقابها اكثر الحلقة الثانية عشر
بسم الله الرحمن الرحيم
اللهم صل وسلم على سيدنا محمد
هوبا نهر وقعت العصير على الدكتور أحمد
حاول احمد أن يكتم غيظة وغضبه
بعد اذنك يا عمى ممكن ادخل الحمام اغسل
الاب : اتفضل معايا يا احمد تعالى
تقف الام بجانب نهر
الام : انت غبية يا بت بتوقعى العصير عليه مش تخلى بالك
نهر : والله العظيم ما اقصد
فاطمة (ام احمد) : حصل خير
اخبارك اى يا نهورة ، كبيرتى يا نهر ومش فاكرانى طبعا
نهر : الحمدلله بخير يا طنط ربنا يعزك يارب
احمد غسل وحطوا الاكل وقعدوا
بعد كده قعد نهر وأحمد لوحدهم بس الباب كان مفتوح والاهل قدام الباب فى الصالون
احمد : السلام عليكم ورحمة الله وبركاته
نهر : وعليكم السلام ورحمة الله وبركاته
احمد : عايزة تسألى عن حاجه
نهر :
احمد : اى مش بتردى ليه يا انسه
نهر : انا اسفه ، بس كيف حالك مع الله
احمد: الحمدلله محافظ على كل الفروض والسنن وخاتم القرآن ٣ مرات وانا دكتور جامعى وعندى ٣٥سنه
انا عارف ان سني كبير وتقدرى ترفضي
نهر : عمرها ما كانت بالسن ، انا اهم حاجه عندى التزامك واخلاقك وتأدبك مع الله
احمد : طب اتفضلي عرفيني بنفسك
نهر : انا نهر طالبة فى كلية تربية طفوله عندى ٢٠ سنه وحضرتك الدكتور بتاعى المهم انا الحمدلله ربنا أنعم عليا وختمت القرآن من ٦ شهور بفضل ربنا ثم صحبة الجنة الصالحة
الحمدلله محافظة على كل الصلوات
ومنتقبة
احمد: اللهم بارك ، ربنا يحفظك يارب بس انت ازاى طالبة عندى
نهر بإبتسامة : انا منتقبة فأكيد حضرتك متعرفنيش ، لو حضرتك عايز تشوفنى انا ممكن ارفع النقاب
احمد : لأ مترفعيش لو حصل نصيب ابقي اشوفك بعد كتب الكتاب
إن شاء الله نصلي استخارة وربنا يقدم اللى فيه الخير
بااااااك
نهر : وبس كده واتصلوا بينا انهاردة وقالوا إنهم موافقين وإن شاء الله هنقرأ الفاتحة الجمعة الجاية وطبعا انتم هتيجوا من الصبح
امانى : الله اكبر واخيرا هلبس فستان سواريه قريب
بارك الجميع لها وتمنوا لها حياة سعيدة
فى اليوم التالى
تذهب هناء إلى منزل اسماء
حنان : نورتي يا ام عبدالرحمن والله
هناء: بنورك يا يا ام اسماء
حنان : انا اسفه والله انى مجتش مع البنات اشوف رحمة بس هجيلها قريب انت عارفه الشغل عندنا فى المصنع مش بنخرج قبل الساعة ٥
هناء : ربنا يعينك يارب ، تشرفي فى اى وقت
المهم انا كنت جاية وعايزاكى فى طلب بس يارب ما تكسفيني
حنان : عنيا ليكي يا ام الغالية
هناء: انا جاية اخد معاد علشان نخطب اسماء لعبد الرحمن
حنان : والله انا مش عارفه اقول ايه بس اصبري عليا يومين على ما اتصل بعمها وخالها ونشوف اي هيتم
هناء : تمام يا حبيبتي استأذن انا علشان رحمة لوحدها
اللهم صل وسلم على سيدنا محمد
فى بيت رحمة
تجلس فى غرفتها تبكي لا تعرف ماذا تفعل أصبحت ضعيفة ، تؤدى فروضها وهى لا تقوى على التحمل ، تصبر وتقول الحمدلله
( ونحن إذا أصابنا قليل من الصداع نجلس ولا نؤدى فروضنا وحتى لو لم نكن مرضي نتكاسل عن الصلاة ، حافظوا على الصلوات ، أدوا الفروض بخشوع ، ما اجمل لذة الايمان ، دائما ما اتذكر عندما اتكاسل عن الصلاة أن الدنيا فانية وأتذكر ظلمة القبر فأقف سريعة اتوضأ ، وعندما اتكاسل عن السنن اتذكر وما زال عبدى يتقرب إلى بالنوافل حتى أحبه أتذكر أن من صلي الخمس صلوات فى وقتها كان له عهد عند الله أن يدخله الجنه)
تتصل نور برحمة
نور : السلام عليكم ورحمة الله وبركاته، اخبارك يا رحومة اى
رحمة: وعليكم السلام ورحمة الله وبركاته ، الحمدلله بخير يا قلبى ، اخبارك انت والبنات اى وحشتونى
نور : الحمدلله يا قمرى احنا هنجيلك انهاردة إن شاء الله بعد الجامعة
رحمة بفرحة : بجد 🥰 تشرفوا يا حبايبي فى اى وقت
نور : طب يلا سلام عليكم علشان المحاضرة هتبدأ .
رحمة : سلام عليكم ورحمة الله وبركاته
تجلس رحمة تتذكر ماذا كانت تفعل بعد الجامعة عندما كانت تجمع الفتيات حولها
فى المسجد.
فلاش باك
إحدى الفتيات : انا مش عارفه دائما كده بحس بضيق وخنقة
اعمل اى يا رحمة
بصوا يا بنات
طبعا كلنا عارفين قوله تعالى ” الذين آمنوا فينا وتطمئن قلوبهم بذكر الله آلا بذكر الله تطمئن القلوب”
اى تسكن وتهدأ نفوسهم
اى ده بذكر الله كل الخانقة والضيق يزول 🤯
اه يزول
يعنى انا نحس بالراحة والسكينة بذكر الله
اه والله لأ وكمان هيتفتحلك كل الابواب المغلقة تعرفي مع إن ذكر الله خفيف على اللسان إلا أنه أثقل فى الميزان واحب ما يكون إلى الرحمن
مش مصدقة اسمعى كده الحديث ده
قال رسول الله صلى الله عليه وسلم”كلمتان خفيفتان على اللسان ثقيلتان في الميزان حبيبتان إلى الرحمن سبحان الله وبحمده سبحان الله العظيم”
ذكر الله يا بنات مش حاجه صعبة لأ والله دى سهلة اوى وانت فى المواصلات وانت بتتمشي وانت بتعملى شغل البيت تعرفي انى أما بذكر الله وانا بعمل شغل البيت وست الحاجه ماما عماله تزعق بذكر الله الاقى نفسي خلصت فى ثانية
عودى لسانك على ذكر الله تفتح لكى الابواب المغلقة
تعرفي انك لو ذكرت الله فى اليوم مائة مرة كتبت لك مائة حسنه ومحيت عنك مائة سيئة وكانت بمثابة عتق عشر رقاب لأ وكمان كانت لك حرز من الشيطان اليوم كله 🙂🙂
فاللهم علق قلوبنا بذكرك وأنر دربنا بذكرك وأثقل ميزاننا بذكرك
. باااااااااك
ادمعت عين رحمة فهى كانت تحب الدراسة والجامعة كانت تريد أن تكون من جنود الله فى الارض
. استغفر الله العظيم و اتوب اليه
فى المسجد
كان عبدالرحمن يصلي العصر وقابل مصطفى
عبدالرحمن : السلام عليكم ورحمة الله وبركاته اخبارك اى يا بشمهندس مصطفى
مصطفى : وعليكم السلام ورحمة الله وبركاته فى نعمة والحمد لله
اخبار الآنسة رحمة ايه
عبدالرحمن : الحمدلله بخير ، ربنا يشفيها يارب
مصطفى : آمين يارب وانا دائما ما اضمها فى دعائى ، كان نفسي تكون حلالي ولكن يبدو أن الله لم يشاء
عبدالرحمن : النصيب بقي ، ربنا يعوضك خيراً منها
مصطفى : لأ ما انا مسافر بقي وربنا اعلم هرجع امتى
عبدالرحمن : تسافر وترجع بالسلامه ، طب هات رقمك بقي علشان ابقي اطمئن عليك وأجى اوصلك المطار
مصطفى : حبيبي تسلم من كل سوء ربنا يكرمك اتفضل اكتب ………..010 انا بإذن الله هسافر الاسبوع القادم
عبدالرحمن: بالسرعة دى طب تمام انا لازم اقابلك قبل ما تسافر
مصطفى: إن شاء الله
بعد اسبوع فى يوم الجمعة
كانت تسير الايام على نفس النمط ولكن اليوم خطبة نهر
لا اله الا الله وحده لا شريك له له الملك وله الحمد وهو على كل شيء قدير
فى منزل نهر
نهر : هو انتم مجبتوش رحمة معاكم ليه
اسماء : مقدرتش تيجي وبعدين هى كانت فى المستشفى من يومين والعلاج تعبها اوى
نهر : ربنا يشفيها يارب بس بصوا انا هاخد مفتاح العربية من بابا ونروح نجيبها
يلا هجووووووم
امانى : جاهزون يا اطفال
الجميع : هاى هاى كابتن
امانى : لا اسمعكم
الجميع : هاى هاى كابتن
وخرجت نهر والبنات لرحمة واجبروها على الذهاب معهم ( كم أتمنى صحبة صالحة هبلة زى دى )
طبعا الاخت رحمة مجهزتش حاجه
البنات جهزوا ليها احسن فستان واشتروا ليها نقاب جديد وذهبوا إلى بيت نهر
سبحان الله وبحمده سبحان الله العظيم
فى المساء
كان الجميع متجمعون
احمد وعائلته وأصدقائه
تمت قراءة الفاتحة ومامت احمد لبست نهر دبلة وخاتمين لحد ما يجي كتب الكتاب وتيجي باقي الشبكة
كانت نهر لابسه فستان فضى سيمبل على نقاب من نفس اللون وخمار
رحمة ونور زى بعض لبست دريس لونة تركواز وخمار ابيض ونقاب من نفس اللون
اسماء وامانى التوأم لابسين زى بعض طبعا دريس لونة نبيتى وخمار لونة اوفوايت
والجميع انبهر بجمالهم
للتوضيح ( السيدات فى الطابق العلوى والرجال فى الطابق السفلي ، معندناش بنات تنكشف على رجالة 😂)
البنات رفعوا النقاب وكانت نهر آية فى الجمال فهى ذات بشرة بيضاء ويشع من وجهها براءة لا توصف
كانت تجلس رحمة بجانب نهر وكانت جميلة هى كمان ذات بشرة خمرية ولكنها جميلة
طبعا اسماء هى اللى غنت ونور جابت الدف وكانت ليلة جميلة
ولكن لازم امانى تختم اليوم بشوية هبل راحت خدت نهر على خوانة وقرصتها من ركبتها وتألمت نهر بس حاولت تدارى صوتها
نهر بغيظ: اه يا امانى الكلب ، اى اللى عملتيه ده
امانى : اقرصيها فى ركبتها تلحقيها فى جمعتها
الله يرحمك يا جدتى قالتلى المثل ده وانا بحب ستي واعمل اللى تقوله ستى اه
و لولولولولولولوى
وزغرتي يا انشراح 😂😂
انتهت الليلة
واتى عبدالرحمن لاصطحاب أخته
وأصرت ان تأخذ رحمة امانى واسماء معها لتوصيلهم
وصلوا البنات لبيت اسماء وامانى
اسماء : اتفضلوا اشربوا حاجه
رحمة : تسلمي يا حبيبتي تصبحوا على خير
وذهبت رحمة إلى بيتها
مرات عمها ناهد : اهلا برحمة هانم اللى عامله نفسها تعبانة ومش قادرة ما انت كويسه اهو زى القردة
عبدالرحمن: بعد اذنك يا مرات عمى متكلميش اختى كده
واخد أخته وطلع
عبدالرحمن: رحمة كده كتير انا لسه شباب ومدخلتش دنيا
انت بتتخنى كل يوم يا بت عن اللى قبله
رحمة : ملكش دعوة يا شحط يا ابو طويلة خليك فى نفسك وشيل وانت ساكت
عبدالرحمن : ماشي يا زفتة
كنت عايزك فى موضوع مهم
رحمة : نعم يا رمضان
عبدالرحمن :
رحمة : انت بتقول اى 💔
استوووووب
البارت خلص
عبدالرحمن قال اى لرحمة ؟!
وياترى اسماء هتوافق ولا لأ ؟!
ورحمة قالت لها ولا لسه أن اخوها العريس ؟!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببتها بنقابها اكثر)
