رواية احباب رمضان الفصل الثالث عشر 13 بقلم صفاء حسني
رواية احباب رمضان البارت الثالث عشر
رواية احباب رمضان الجزء الثالث عشر
رواية احباب رمضان الحلقة الثالثة عشر
انتهوا الجميع من السحور ودخلت حنان مع ديمة الغرفة لكى تعطي لها العلاج وكان فى داخلها احساس أن ديمة عندها مشكلة أو سر ابتسمت
مياعد الحقنة يا ديمة
نظرت ديمة لها بخوف وبطريقة طفوليه
حقنة ايه احنا متفقنيش علي كدة على فكره انسي خالص
ابتسمت حنان
انسي ايه يا بنتى انتى حرارتك مرتفعة ميغرقيش انك قدرت تسحري معانا ده بس عشان المسكن لكن لو ما اخدتش الحقنة بجد ممكن ترجع الحرارة تانى وكدة هضيع الصيام عليك
نظرت له ديمة بطفولة عشان تعترضي
طيب شوف علاج تانى غير الحقنة أنا بخاف منهم اوى بالله عليك يا اختى
اندهشت حنان بالأسرة ده ازى مرة واحدة اعتبروها بنتهم هى واخواتها اكيد السكينة سرقهم على فعل الخير او ممكن بجد هما طيبين كدة ازى اي كان أنا لازم انزل واشتغل عشان ممكن يحسوا أن الحمل كبير عليهم ،او ممكن مع نفسهم هى صدقت ترمي اخواتها علينا انا منكرش انى فرحانه انى عايشة معهم لكن لو حصل فى الاموار اموار لازم اعتمدت على نفسي
فاقت حنان على حديث ديمة
رايك ايه يا اختى موافقة اخد علاج مش حقنة
ابتسمت حنان وقالت
طيب ممكن العب معاكى لعبة ولو انتى كسبت اجيب ليك حبوب
ابتسمت ديمة بفرحة
لعبة ايه بجد أنا نفسي العب طول عمري وحيدة ونفسي اخت العب معها اجري وراها
ضحكت حنان هنلعب ونجرى كل حاجه بس دلوقتي هنلعب لعبة الصراحه
اربط عيونك وهسالك وانتى تجوبي
هزت ديمة بفرحة وقالت
اوكى يلا نبدا
بالفعل حنان جابت ربطه وغميتها عيونها وطلبت منها تقف وهى هتسالها
وبدأت تسألها وهى يتجهز الحقنة
هو انتى ليه مش بتحبي الحقنة احنا اتفقنا الصراحه
هزت ديمة راسها
عشان قبل كده دكتور اعطنى حقنة وانا صغير بطريقة عنيفة سببت لي ب التهاب تحت الجلد وورم ومكنتش عارفة امشي او اتحرك منكرش أن بابا اقدم بلغ فيه واتحساب لكن استمريت اتعلاج شهرين بالأدوية ومن وقتها مش باخد غير حبوب
كانت حنان جهزت الحقنة واقتربت من مكان المقعدة وكشفت كان فعلا اثار خفيفة مكان حقنة رغم المفروض اثر الحقنة بيضيع بعد الانتهاء
سألتها سؤال تانى
هو انتى زعلانة ليه يا ديمة ايه السر الا مخليك مضيقة
اتنهدت ديمة واخدت نفس طويل
هقولك عشان فعلا نفسي اتكلم مع حد
هزت راسها حنان بالموافقة
أنا سمعاكى اتكلمى
مسكت حنان القطن وطهرت المكان وديمة بتحكى ثم قربت سن الحقنة براحة بعد ما مسحت المكان برش مخدر موضعي وبدت تدخل الحقنة بدون ما تشعر وبالفعل أعطت لها الحقنة وديمة صرحانة ولم تشعر غير بشد عضلي بسيط
ولم انتهت حنان وابتسمت خلص يا ستى اللعبة خلصت واخدى الحقنة
اندهشت ديمة وهى خايفة
انتى بتقول ايه اوعى تكون سببت لي اى جرح انتى ضحكت عليا انا مخصامكى
بابا ماما
استغربت حنان تصرف ديمة وبدت تهديها
ارجوك أهدى يا قلبي والله العظيم مفيش حاجه انتى حاسة بحاجة
على قدوم الاب والام واستمعوا إهانة ديمة ل حنان وهى تقول
انتى ازى تتعدى حدودك وتعملى في كدة رغم انى حذرتك، وقولت ليك انى حصلت لي كارثة بسبب الحقنة، لكن انتى استغفلتنى وفجأة اعطتنى الحقنة مين اداك الحق تعمل كدة، والا صدقت أن بابا وماما هتكون ما بينا وفكرت شوية انا سمعتها في المسلسل
اه
قولت اخلص من بنتهم عشان اكون على الحجر صح
نزلت دموع حنان مكنتش متوقعة رد فعل ديمة يكون كدة ممكن تكون فعلا غلطت واتسرعت لكن هى محتاجه الحقنة
صرخ عمر وقال
ديمة انتى وعى للكلام الا بتقوليه اعتذر ل اختك دلوقتي والا اقسم بالله اخصمك
نظرت له ديمة وقالت
ماتعرف عملت ايه الاول وبعد كده احكم انك تستاهل تخصمنى والا لا
اتنهدت سيلا واقتربت من حنان وضمتها ومسحت دموعها
انا بعتذر يا بنتى من إهانة ديمة والله العظيم
هزت راسها حنان وهى بتعتذر
انا الا بعتذر وهى عندها حق والله العظيم انا مقصدش اى حاجه تاذيه أو تضرها وحياة إذن الفجر الا ياذن دلوقتي انا كل الموضوع حبيت اديها الحقنة بطريقه لعبة بعملها مع الناس إلا بيخافوا ياخدو الحقنة بشدد تفكيرهم عن الحقنة ف مش بيحسوا ب الم أو وجع ومكنتش متوقعة أنها تزعل تصورت أو تخيلت أنها هتقول يا بنت الا ايه عملتيها ازى ونضحك انا بعتذر ولكن ربنا ارد كدة عشان القرار إلا انتم قرارته ظلم ل بنتكم وممكن فعلا هى من جوها مش موافقة ومش عاوزة حد يشاركها واخواتى انا مسؤولية عنهم
شعرت ديمة بحرج عندما انتبهت أنها عكت الدنيا ولكن هى أيضا مش قصدها تهينها أو تعيرها واقتربت منها وهى بتعيط واترمت فى حضنها
انا اسفة يا اختى متزعليش منى
انتى بكرة هتتعود عليا انا مجنونة ومرة واحدة بتعصب ومش بعرف بقول ايه وممكن اجرح اى حد اقدمى من غير ما انتبه غبية بعيد عنك ما انا اترمت فى السجن عشان كدة مرة واحدة اقعد اشتمى فى السواق واهددها وهو طلع اذكى منى وحوار كل الا عملته ل صالحه ارجوك متزعليش منى انا عندى عقدة من الحقنة وبخاف يحصل معايا زى ما حصل زمان بالله عليك اقبلي عذري
الكل انتظر حنان تتحدث
كانت حنان خايفة أنها تكمل فى الموضوع التبنى ده ل يجى فى يوم حد فيهم يغير رأيه او فى لحظة عصبية يعيروها هى أو حد من اخواتها. وقالت
انا مش زعلانة منك انتى قولت الحقيقة إلا الكل يقولها انى عاوزة اخد مكانك انا واخواتى
وعشان كده بقول انا هنزل الشقة تحت دلوقتي وبكرة باذن الله بعد اذنكم هروح اشتغل في الصيدليه وسيبوا كل وضع على ما هو عليه
اه اخواتى يكون في وسطكم لكن بلاش مدارس خاصة وحياة فوق الحلم عشان يوم ما يفوقى من الحلم ده هقع انا واخواتى مكسورين
ابتسم عمر وقال
انتى ليه دخلت فى دراما تركيه وتخيلت أن حاجة حصلت ل بنتين واحنا نتهمك وترجع زى زمان انتى وأخواتك ليه حاسه أن احنا ممكن يكون ورنا مصلحة وقلبك مش مطمن لكن هريحك مش هنعمل اي خطوة ل اخواتك الا بعد العيد ومش هنعمل اي حاجه او أجرا الا بعد العيد
تكونى اخد علينا وعلى ديمة وهى كمان اخدت عليك
ام بخصوص المسكن والملابس والشراب والتعليم مسؤولية وده مش محتاج اذنك ده عملى مع ربنا
يلا بقي كل واحدة تلحق تشرب عشان الفجر ياذن
وانزل براحتك يا حنان الصيادلة اصلا التعليم السنة. الجاية واكيد هتملى من القعدة فى البيت
يلا شوفي هتناموا فين الواحد ما يخدش من الأولاد وجع القلب غلبتوا اخواتكم الصغيرين
انسحب عمر وسيلا وترك ديمة وحنان واقفين
وديمة تشعر بالخجل ثم قالت
مش هتقولى لي اعمل ايه فى موضوع عبد الرحمن وليان ونيل عشان انتى اخدنى فى توكة
سمعت حنان منها الافيهة بطريقتها وفتسطت من الضحك
توكة ايه يا بنتى لا انتى محتاجه دورس خصوصا بس برافو عليكي عرفت الافيه ده من فين
ردت ديمة. ببراءة
يعنى ايه افيه انا سمعته من الناس فى القهوة واحد كان بيقول ل صحابه كدة ما تاخدنيش فـ توكة
ابتسمت حنان وقالت
اسمها ما تاخدنيش فـ دوكة يا ديمة
تعالى معايا عشان واضح اخد وقت عشان اغير طبع الأمريكية ل مصريه ويطلع عين الا جاوبوني
نظرت لها ديمة ببراءة
يعنى ازى هتطلع عينهم هو انتى دريكور أو مصاص دماء يطلع عين حد
ضحكت حنان
حرام عليكى يا ديمة بجد هموت من الضحك والله العظيم اشرب بو ماء وافهمك وافتكرت حاجه من الحديث وسألتها
هو انتى ازى عرفت تجيب مصطلح الجملة ده
قولت اخلص من بنتهم عشان اكون على الحجر صح
نظرت لها ديمة وكشرت وقالت
حقك عليا والله سمعتها في المسلسل الا كان شغال ومكنتش عارفة اقولك ايه ف طلعت منى
هنا حنان وقعت في الأرض من الضحك وهى بتقول
بجد معقول لا مش معقول على رأي محمد فؤاد
نظرت مين محمد فؤاد حبيبك ده
كانت حنان مش قادر من الضحك وردت
لا مش حبيبي هو انا اطول يا بنتى ده مغنى وصوته حلو وده كلمات اغنيه ليه هبقي اسمعها ليك في العيد
سالتها ديمة بحيرة
ليه فى العيد ما ممكن تشغلها دلوقتي
هزت راسها حنان بالرفض
اولا مش ينفع عشان الفجر ياذن ولازم نصلي الفجر وننام ثانيا الاغانى فى رمضان مينفعش
استغربت ديمة.وسالتها
اشمعنا رمضان هى ليه مواعيد
ضحكت حنان ومدت ايديها سحبتها داخل الغرفة وقعدت وقالت
تعالى افهمك
هو الصح أن الاغانى والموسيقى حرام عشان بدخل الشيطان وبتغير مودك يعنى بتسمع كلمات اغنيه بتلقي نفسك كانك عايشيها وكأنها قالت ليك ولو عايشة قصة حب او لا ببتاثر وتلهيك عن ذكرى الله
لكن للاسف احنا مش بنطبق الدين بالمسطرة
وغصب عنك في كل محل فى الشارع بيشغل اغانى فى كل مكان موسيقى وربنا كبير ومش يحسبنى
فعشان كدة فى رمضان بحاول نتدرب على عدم سماع الاغاني ونبدلها بالقران الكريم
قطع حديثهما الاذن بصوت عبد الرحمن كان صوت جميل وهو بيقول
الله اكبر الله اكبر
ابتسمت ديمة وقالت
ده عبد الرحمن انا حفظت صوته هو بيذان
هزت راسها حنان بالتاكيد اه
يلا.بسرعة نتوضي
بالفعل اتوضي وصلوا واستمعوا ابتهالات عبد الرحمن بعد رمضان وهو يقول مرحبا رمضان
.نظرت من النافذة وهى شايفة الرجال والأطفال
وهم بيصلوا فجات ليه فكرة أنها تصورهم دخلت تدور على الموبايل وبعد ما لاقيته وبتفتحوه وفجأة.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احباب رمضان)
