رواية احباء يجمعهم القدر الفصل العاشر 10 بقلم لولا
رواية احباء يجمعهم القدر الجزء العاشر
رواية احباء يجمعهم القدر البارت العاشر
رواية احباء يجمعهم القدر الحلقة العاشرة
ليلي بعياط وصراخ همست محتجالك اوي يا فهد
معتز اتصدم ان هي لابسه سلسله باسمه ( فهد) وكمان لما حست بخطر قالت اسمه زي ماكانت بتعمل زمان وافتكر وعده ليها انه طول ماهو عايش محدش يقدر هيأذيها فقام من فوقها ودموعه نزلت بوجع
ليلي بعياط وهي بتحاول تداري جسمها اكملت بوجع وعياط وحياه كل حبايبك سبني في حالي ومتعملش فيااا كده وباست ايده واكملت ارجوك سبني في حالي
معتز بدموع ووجع راح جابلها دريس طويل وبكم ورماه علي السرير واكمل بدموع ووجع هداري وشي وقومي يا ليلي غيري هدومك وتعالي
ولف واداها ضهره
وليلي فضلت تعيط صعب عليها نفسها كان خلاص هيتمكن منها وقامت تغير الفستان اللي اتقطع كله من فوق وهي موجوعه اوي ودخلت الحمام
معتز كان سامع صوتها وهي بتعيط وقلبه بيوجعه اكتر واكتر فاكمل بدموع وحده وهو بيضرب علي قلبه خلاااص ارحمني بقييي كفااايه عذاب وقعد علي الاوض وفضل يعيط وعياطه يزيد مع عياط ليلي واكمل لنفسه بوجع وعياط انا ازاي كنت هعمل في ليلي كده برغم كل ده منسيتنيش وهتفت باسمي لما احتاجتني اومال لو عرفت اني اللي كان هيغتصبها هو هو اللي هي بتنادي عليه ينجدها تعمل ايه ليه يا ليلي ظهرتي في حياتي وليه اشوفك في المكان الزباله ده اعمل ايه واخرجك ازاااااي ازاااااي انتي دخلتي مكان طلما عرفتي سره مينفعش تخرجي عااايشه ويااااما بنات ورجاله ماتوا قدام عيني بسبب كده وكنت حريص مفهمكيش حاجه بس منها لله لميس مش هسامحها ولا هسامح نفسي بس ليه كدبتي يا ليلي ليه عملتي فيااا كده زمان وبسببك شوفت ذل وتعب وعشت في الشوراع وبقيت الشخص الزباله ده بس برغم كده مقدرتش أذيكي انتي مقدرتش اعمل فيكي زي حد فكرت فهد خلاص مات وماتت معاه طيبته وحنيته وقلبه وبكلمه ونظره منك بس ولما بوستك رجع تاني هو هو للاسف بس مينفعش خالص تعرفي اي حاجه دلوقتي هتكرهيني وانا مش هستحمل كده وفضل يعيط وهو موجوع اووي ومحتار يعمل ايه ويخرج ليلي ازاي من هنا
وبعد شويه خرجت ليلي وهي لابسه الدريس وعنيها مورمه من العياط وقعدت قدامه
معتز وهو عنيه حمرا من الدموع قام وقف وقرب منها وهي بترجع لورا وخايفه
ليلي بخوف ودموع ابوس ايدك خلاص
معتز حط ايده علي وشها فاترعشت من لمسته واكمل بحزن ودموع حقك عليا اهدي اهدي ومسح دموعها وحط ايده عند السلسله وخرجها من الفستان واكمل بتنهيده حزينه مين فهد ده
ليلي بدموع ووجع ده حبيبي وكل دنيتي انا مش عايشه غير علشان عندي امل اني اشوفه وربنا يجمعني بيه وبدعي كل يوم بكده و مستنيه يستجيب دعائي
معتز دموعه نزلت وقلبه وجعه اوي من كلامها وندم علي طريقته معاها اكتر واكمل بوجع في سره ياريته ماجمعك بيه يا ليلي ولا سمع دعائك واكمل بصوت موجوع تمام تعرفيه منين
ليلي قعدت قدامه واكملت بدموع هو ابن عمي وبحبه من وانا عيله صغيره
معتز بوجع اممم وراح فين
ليلي انهارت عياط واكملت السؤال ده علي سأله ليا قولتله معرفش لفهد مكان غير قلبي انا متأكده انه جوايا بس مكانه الحالي معرفوش لاسباب شخصيه
معتز بغيره وعلي ده يخصك ف ايه
ليلي بدموع قولتلك جارنا بيحبني بس انا مش بحبه ومش هحب غير فهد طول حياتي
معتز بحزن طب احب اعرف ايه هي الاسباب الشخصيه
ليلي بدموع هتفرق في ايه
معتز بحده جاااوبي يا ليلي
ليلي بدموع ابويا الله يرحمه ويسامحه فك فرامل عربيه عمي ومرات عمي اللي هما امه وابوه علشان الورث ولان ساعتها كان فهد واخوه التؤام فارس لسه 17 سنه فكل الاملاك راحت لابويا وابويا كان بيكرهم اوي فحب يطردهم طب يعمل كده ازاي واحنا في الصعيد هيتقال جاحد رمي ولاد اخوه في الشاارع واخوه لسه ميت مكملش كام ساعه فهو عارف اني كنت بحب فهد وده لان فهد كان دايما يحضني قدامه ويحميني منه لما يجي يضربني ويقوله هتجوزها فهددني قالي لو مقولتش ان فهد حاول يعتدي عليا هيقتله زي اهله وفعلا كان يقدر يعملها فانا خوفت ويوميها قولت لفهد يجي ينيمني وهو كالعاده مبيحبش يرفضلي طلب صمم بس انا قولتله خايفه وهو مبيحبش اخاف في وجوده راح نام جمبي ولما جيه يبوس خدي ابويا دخل لانه كان مراقبنا واتهمه انه حاول يعتدي عليا ولما فهد بصلي علشان اتكلم للاسف
معتز بوجع ودموع قولتي اه
ليلي بدموع اه فعلا قولت كده وساعتها فهد ضربني بلقلم وبابا قال لاهل ااصعيد كلهم انه مينفعش يقعد معانا بسبب انه حاول يضيع شرف بنت عمه فمش يتأمن عليه وانا كنت بأيد كلام بابا وده اخر يوم شوفت فيه فهد كان من 10 سنين ساعتها البيت وقع واهلي ماتوا وماما سوسن لحقتني وربتني هي بس كده
معتز بدموع لسه بتحبيه
ليلي بدموع ووجع بحبه ?? انا بعشقه الحب مش مقامه ومقدرتش انساه رسمت صوره لملامحه وهو صغير وفتحت تليفونها واكملت اهي حطاها علي الشاشه وكل عيد ميلاد بكلمه وبجيب ليه تورته
معتز مسك الصوره وعنيه دمعت واكمل بوجع وعنده كام سنه
ليلي 27 سنه منهم 10 سنين بعيد عن عيني وقلبي مفطور عليه يا معتز وبرغم ماما قالتلي ممكن بعد الشر يكون حصله حاجه الا اني ميأستش ومش هيأس ومصير الحي يتلاقي
معتز بدموع ووجع منك لله يا ليلي ظهرتي في حياتي ليه
ليلي بدموع وبحده قدري الاسود اللي جابني احتياجي اللي جابني انا خريجه علوم ومليش في الهم ده بس اعمل ايه مجبوره
معتز مسح دموعها واكمل خلاص ممكن تبطلي عياط
ليلي بحزن حاضر وتليفوني مش شغال ليه اتصال
معتز بسخريه اكيد خدت الخط اانا مضمنكيش وقام وقف واكمل وانا هنفذ كلامك يا ليلي
ليلي بخوف اللي هو ايه
معتز هكتب عليكي
ليلي بعياط لالا حتي بعد كل اللي قولتهولك
معتز بوجع ده انا احتياجي ليكي زاد بعد الكلام ده يا ليلي
ليلي بعياط معتز انا مش بحبك انا بحب فهد
معتز وهو بيقرب منها اكمل وانا بحبك يا ليلي وبااسها بكل حب وهي فضلت ترفض بس بعدين حطت ايديها علي رقبته وصوابعها تخللت مابين شعره وهو شدها ليه اكتر وبعدين بعد عنها علشان تتنفس وسند جبينه علي جبينها واكمل بحب متقلقيش ومتخافيش مني يا ليلي وسامحيني
ليلي وهي بتبصله اكملت بستغراب اسامحك علي ايه
معتز طلع مسدسه وضربها بيه علي دماغها فاوقعت مغمي عليها واكمل بضحك علي ده اصل مفيش منوم هنا وشالها حطها علي السرير وقعد جمبها واتصل بعمر
عمر الو يا معتز بيه
معتز روح شوفلي لميس فين حالا وقولي
عمر مشي وشافها واكمل قاعده مع زباين يا فندم
معتز تمام دلوقتي في رجاله واقفه عند الباب الخلفي ??
عمر راح شافهم واكمل لا يا فندم
معتز طيب الحمدلله اطلعلي بسرعه عايزك
عمر امرك يا فندم وقفل معاه
معتز بص علي ليلي اللي نايمه وشال شعرها من علي وشها وباسها بحب واكمل بسببك يا ليلي وبسبب رجوعك لحياتي انا هعمل اي حاجه علشان افضل معاكي بعيد عن كل القرف ده وههد الدنيا دي كلها علي اللي فيها بس الصبر حلو
عمر خبط ففتحله معتز ودخله وقفل
معتز بص بقي انت دراعي اليمين فكل حاجه واخويا وصاحبي من زمان فمفيش غيرك اقدر اديه الامانه دي
عمر عنيا ليك يا معتز طبعا
معتز جاب شوال واكمل امسك ده علشان هحطلك فيه ليلي
عمر بصدمه تحطلي فيه ليلي
معتز بحده اخلص امسكه
عمر فعلا مسك الشواال ومعتز حط ليلي جواه واكمل بتحذير براحه علشان تاخد نفسها يا عمر تاخدها من الباب الخلفي وحسك عينك حد يلمحك وتوديها شقتي اللي في المقطم دي محدش يعرف بيها غيرك انت وفارس
عمر عنيا يا معتز وشال ليلي
معتز بتحذير تحطهاا في عنيك وتوصل عرفني
عمر عنيا والله متقلقش
وفعلا خد ليلي ونزل بحذر وركبها في العربيه من ورا ومشي
عند معتز في الاوضه عور رجله بلسكينه ورمها من الشباك علشان محدش يشوفها وحط رجله علي الملايه بتاعت السرير فطبعت
بعدين عقم الجرح وهو بيتوجع واكمل بحب كله فداكي يا ليلي ونزل بنطلونه وداري الجرح وخلع قميصه رماه علي الارض وجاب فستان ليلي المقطوع ورماه علي الارض ونام علي السرير واتصل بحازم
حازم الو يا معتز بيه
معتز اللي هقولك عليه يتنفذ بلحرف الواحد
حازم امرك
معتز روح ارمي كلام قدام لميس انك سمعت ليلي بتصرخ من كام ساعه واني منزلتش من ساعتها لا اكتر ولا اقل وحسك عينك تبوظ حاجه
حازم عنيا يا معتز بيه
وقفل معاه
معتز بتنهيده ربنا يستر في الحل ده مؤقتاا
في البار
حازم دخل واكمل للميس صحيح مشوفتيش معتز بيه
لميس لا مشوفتوش من الصبح
حازم بضحك يخربيته هو لسه مشبعش من الحلوه اللي معاه
لميس بستغراب مش فاهمه
حازم بضحك اصل من الصبح هو عند ليلي في الاوضه وسمعنا صراخها بس فكرته نزل تلاقيها عجبته بقي
لميس بغيره لا والله وزقته واكملت اوعي كده وطلعت للاوضه ودخلت من غير ماتخبط لقيت معتز نايم عاري الصدر وقميصه مرمي وهدوم ليلي متقطعه ومرميه ضحكت بخبث وراحت تصحيه
معتز بتمثيل نوم اكمل اممم خير
لميس بحب ده انا ياروحي قوم انت خلاص اثبت انك معتز حبيبي
معتز قام واكمل بتمثيل نوم ايه روحي وبص للسرير واكمل بحده مزيفه هي بنت الكلب اللي كانت هنا دي راحت فين
لميس بخوف راحت فين يعني ايه انت بتهزرررر
معتز قام من السرير واكمل يااانهار ازرق ازاي تهرب انتوا اتجننتواااا
لميس بصت للسرير واكملت يخربيتك ايه الدم ده هي اصلا عرفت تهرب ازاي بلحاله دي
معتز بتمثيل ضحك هو انتي مش بيعجبك حاجه خالص يا لميس
لميس بحده مش وقت هزار اديك نفذت بس البت هربت جمال الدمنهوري لو عرف فيها قطع رقاب ليا وليك
معتز بنفخ متقلقيش هجيبها
لميس لطمت واكملت يانهار ازرق ولو بلغت انت اغتصبتها يعني هنروح في ستييين داهيه
معتز بعصبيه ما كله منكك قالت هتغور من الشغل قوليلي وانا هتصرف مش تتطلعي الرجاله تحاول تعتدي عليها وعرفتيها كل وساختنا حتي قبل ماعمل حاجه
لميس بخوف انت مش عملت انت انتقمت وقال انا اللي شكيت انك ميال ليها قال ده منظر الفستان لوحده يرعب يخربيتك من امتي وانت كده
معتز وهو بيشرب سجاير اكمل بقولك ايه حلي عن دماغي انتي مش بيعجبك اي حاجه وبسبب غبائك البت هربت انا هعرف جمال بيه التهور اللي عملتيه وانك عرفتيها كل حاجه قبل منا اتصرف واطلعلها
لميس بخوف لالا ارجوك يا معتز ده يموتني خلاص مش هدخل في اي حاجه تاني انت دور عليها وهاتها بطريقتك بس تضمن منين انها متبلغش عننا
معتز وهو بينفخ دخان السجاير اكمل اضمنلك انا انها مش هتتكلم هددتها تهديد محترم بناس من اهلها اني هأذيهم لو فتحت بوقها هتخاف تتكلم متقلقيش
لميس بخوف يارب يارب يحصل كده
معتز وهو بيلبس القميص اكمل يلا انا ماشي وانتي طلعي حد يغير الملايه دي وعاقبي ولاد الكلب اللي المفروض يحرسوا الباب الخلفي
لميس نهارك اسود عايز العاملين يقولوا ايه هشيلها انا وهعاقب اهلهم صبرهم عليا بس
معتز بضحك شيليها انتي مش هتفرق وشوفي هتعملي ايه معاهم وقوليلي ومشي هو بيبتسم بخبث علي نجاح خطته
———————————
في فيلا العامري
في اوضه روح
روح صحيت تعبانه جدا ومكنتش قادره تنزل الدرس. ومسكت فونها
روح الو يا ريم
ريم ايه يابنتي فينك
روح بتعب حاسه مصدعه اوي ذاكرت امبارح كتير فمش قادره اجي بصراحه ممكن تسجلي الحصه وتبعتيهالي
ريم تمام يا حبيبتي الف سلامه
روح بحب الله يسلمك ياروحي وقفلت معاها وقامت خدت شاور ولبست دريس مريح ونزلت تعمل قهوه علشان الصداع
في اوضه فارس وشروق
شروق صحيت قبل فارس وبصت عليه بحزن وقامت تاخد شاور بعدين صحته
شروق فارس فارس ممكن تقوم
فارس وهو بيتعدل اكمل بنوم ايه يا شروق
شروق يلا الطياره هتفوتنا
فارس وهو بيفتح عينه اكمل معتز حجز الطياره بليل علشان عارف ان العرسان بتتنيل تنام كتير فنكون براحتنا بس طبعا ملناش احنا دعوه بلكلام ده
شروق بضيق انا نازله
فارس وهو بيقوم اكمل البسي حاجه طويله ولمي شعرك و اتفضلي وانا هاخد شاور ونازل
شروق تمام وفعلا غيرت ولمت شعرها ديل حصان ونرلت
نفين صباح الفل يا عمري فين فارس
شروق بابتسامه صباح الفل يا حبيبتي هينزل اهو بياخد شاور
تولين شدو حيلكم بقي عايزه ابقي عمتو
شروق بابتسامه مزيفه باذن الله ياروحي واكملت اساعدك في ايه يا داده
نفين لا ياروحي اقعدي كلي انتي وانا بعمل كل حاجه
شروق لا طبعا هساعدك
نفين يابنتي انتي عروسه اقعدي بس
شروق بضحك وايه القانون اللي ينص ان العروسه متعملش حاجه يلا بس هساعدك
روح بضحك قانوني انا لما اتجوز باذن الله
شروق بضحك اتلمي يا ام لسانين ومروحتيش درسك ليه يا مقصوفه الرقبه هاا وخلعت الشبشب ورايحه تضربها شافت فارس نازل فجريت استخبت وراه واكملت بضحك قول لمراتك تحل عني يا ابو نسب
فارس بضحك مالك بمرات اخويا يا شروق عملتلك ايه
شروق بصدمه الله ده انت عارف
روح بصتله واكملت بضحك ايه ده هو الواد حبيبي قالك يا خباص يا يوسف
فارس بضحك طبعا ده اخويا وسرنا سوا
شروق بحده شايفه يا حيوانه مش انتي ورايحه تمسكها
فارس بضحك خلاص بقي عيب البت في حمايتي
شروق بحده اسالها كده مراحتش درسها ليه هي في ثانويه عامه هنستعبط
فارس لف واكمل ينفع كده يعني وانا عمال ادلع فيكي واقول مالك بمرات اخويا طب ده لو سقطي يوسف هيعلقك
روح بضحك والله صحيت مصدعه ومكنتش قادره خاالص وقولت للبت ريم تسجلي الحصه وهي اصلا انجلش وانا باخد كورس مع يوسف يبقي يشرحلي عادي
شروق بحده يوسف يشرحلك اه وبتركزي مع يوسف ولا مع الشرح التعليم باظ انتي منا متخلصي السنه دي هتخلص روحي معاكي
روح طلعت لسانها واكملت ابقي شوفي بس كليتك وتعالي اتكلمي
شروق هروح يا حبيبتي بس علي الامتحانات خلصت المنهج خلاص ودي اخر سنه فاحترمي انتي نفسك بس
روح وشغلك?
فارس بحده شغل ايه مفيش شغل خلاص تشتغل ليه يعني
شروق فارس انا كده كده لازم ارجع الشغل وقولت لحور بس تاخدلي اجازه مؤقتا علشان هتجوز بس مينفعش مشتغلش اختي ثانويه عامه ومحتاجه فلوس
فارس بحده انتي هبله ولا عبيطه تبقي متجوزه راجل اعمال وتروحي تغسلي صحون في مطعم انا اقدر احطه كله تحت رجلك
شروق عنيها دمعت واكملت بوجع ودموع اللي بتغسل صحون دي انت اختارتها واتجوزتها بمزاجك ومن غير حتي متسأل عن رايها يا فارس بيه وطلما انا مش قد المقام طلقني وتبقي ريحت واستريحت علشان شكلك قدام الناس عن اذنك وطلعت علي اوضتهم
نفين بحزن ليه كده يابني بس نكدت عليها وجرحتها
فارس بحزن انا مقصدش يا داده بس فكره انها تشتغل عند حد وتتمرمط وهي مراتي دي عصبتني اوي
روح بحزن شروق كانت بتعمل كده علشاني ولان مجدي كان اصلا ساعات مش بيجبلنا ناكل وضرب ليل مع نهار
تولين بحزن البت عاشت حياه صعبه اوي يافارس وهي قالت كده علشان مش واخده عليك فاكيد مش هتطلب منك فلوس لاختها هتتحرج وبعد جوازها منك حياتها اتغيرت خالص اكيد مش هتنسي حياتها القديمه بسرعه كده
فارس بحزن عارف بس مكنش قصدي حقيقي
نفين بحزن روح صالح مراتك
فارس بحزن حاضر وبص لروح واكمل زيك زي تولين واللي تعوزيه انا هدهولك انتي مرات اخويا واختي ويوم مايجي يوسف عايزك هيقولي اناا
روح بحب ربنا يخليك لينا يا فارس بجد
فارس بحب ويخليكي لينا يا قمر
وطلع لاوضتهم
في الاوضه
شروق قاعده بتعيط
فارس دخل واكمل بحزن وهو بيقعد قدامها ومسك ايديها انا اسف يا شروق
شروق بعياط فارس بيه بنفسه جاي يعتذر لا ازاي شكلك ميصحش
فارس بحزن شروق حقيقي انتي متعرفيش عني حاجات كتير انا عشت حياه صعبه اوي وغصب عني قسيت شويه وهفهمك كل ده مع الوقت بس مش عايزك تعيطي بسببي حقيقي مكنش قصدي اجرحك كده بس انا عارف ان اكيد كنتي بتتعبي اوي وعارف اني اتجوزتك فاجاه وحياتك اتغيرت فاجاه ولسه مش واخده علي الوضع بس خلاص اعتبريني عوضك عن كل القرف اللي عشتيه انا مش عايز مراتي تشتغل عند حد انا عايز مراتي دي ست البنات الكل ينفذلها بس مش قصدي ابدا اقلل منك لان حتي انا جيه عليا وقت كنت فقير
شروق حضنته واكملت بدموع انا تعبت اوي يا فارس بجد
فارس فرح انها حضنته وضمها ليه اكتر واكمل بحب وفارس موجود علشان يشيل التعب ده كله وباس جبينها واكمل وهو بيمسح دموعها انتي هتتخرجي من ايه
شروق السن فرنساوي
فارس حلو اوووي انا محتاج مترجمين فرنساوي اتخرجي واخدك معايا علشان انا مش ضد المراه الناجحه بس اهو شغلنا تليق بيكي انتي بعد تعبك ده كله وكمان انتي تعبتي كده علشان اختك قبل نفسك وبردو تبقي قدامي علشان اطمن
شروق بحب شكرا يا فارس
فارس بحب اظن مفيش واحده بتقول لجوزها شكرا ها لسه زعلانه ?
شروق بحب لا خلاص
فارس بحب وهو بيقرب منها لا ده انا اتاكد بنفسي وقرب منها اوي ورايح يبوسها فونه رن
شروق ضحكت وبعدت عنه واكملت بضحك شوف مين
فارس رد واكمل بحده ايه يا حيوان
معتز بضحك حيوان الله ايه المعامله الناشفه دي يا برو
فارس بحده اخلص عايز ايه
معتز بضحك شكلي رنيت في وقت غلط
فارس وهو بيبص لشروق اللي عامله تضحك واكمل ااه جدااا الحقيقه وضحك علي ضحكها
معتز بضحك علي عيني انزلك بس عايزك في موضوع مهم في شقه المقطم قبل ماتسافر
فارس بقلق في ايه
معتز خلص بقي هشوفك هناك باي يابرو
فارس باي
وقفل
شروق في حاجه معاه
فارس بيقولي عاوزني قبل مانسافر هروحله وهجيلك جهزي نفسك بس علشان لو اتاخرت نلحق
شروق بحب تمام ماشي
فارس باس جبينها واكمل حقك عليا
شروق بحب خلاص والله مفيش حاجه
فاارس بحب ماشي يلا باي
شروق باي
———————————–
في المستشفي
يوسف بقلق ها يا دكتور طمني
الدكتور للاسف حاله مامتك بتتاخر اوي لو سمحتم ابعدوها الفتره دي عن اي انفعال
يوسف بحزن تمام يا دكتور
ودخل لمامته
يوسف بحزن باس راسها واكمل حمدلله علي سلامتك يا حبيبتي
سعاد ——
يوسف بحزن خلاص بقي متزعليش
سعاد بتعب يبقي تسمع مني وتفرحني لو مش عايزني ازعل
يوسف بتنهيده تمام يا ماما هخطب مني ممكن تهدي بقي علشان متتعبيش اكتر
سعاد بفرح ايوه كده فرح قلب امك
يوسف بوجع في سره اكمل هعمل ايه مع روح بجد انا تعبت ومش عارف اعمل ايه محطوط مابين نارين
———————————
في شقه المقطم
معتز تعبتك يا عمر
عمر والله انت متعرفش غلاوتك عندي قد ايه ولا تعب ولا حاجه
معتز بحب تسلم يا عمر بجد
عمر يلا عايز حاجه
معتز سلامتك واي قلق عرفني بيه
عمر عنيا ومشي
وشويه وجيه فارس وخبط
معتز فتح واكمل تعالي يا حبيبي
فارس بقلق ها في ايه يا معتز
معتز بابتسامه فهد يا فارس
فارس بستغراب مش فاهم
معتز بابتسامه كنت صح لما قولت ان فهد هيجي يوم هيرجع وان لما عيط دي كانت البدايه
فارس بفرح حضنه واكمل الحمدلله يا حبيبي بجد نشكر ربنا انك رجعت لصوابك واكمل بستغراب بس مش فاهم حصل ايه غيرك كده
معتز بضحك هقولك بس متتخضش
فارس بستغراب تمام قول
معتز مسك ايده ومشي بيه ودخلوا الاوضه
معتز بضحك اهي اللي غيرتني
فارس بصدمه ليلييييي
معتز بضحك تخيل
فارس بصدمه لالا اانا مش فاهم دي هي بجد ولا شبهاا
معتز بضحك اممم هي بس عرفتها منين
فارس بضحك اخاف اقولك تزعقلها
معتز امممم يبقي شعرها
فارس بضحك اه بصراحه من زمان وهو مميز جدااا
معتز طب اتلم طب
فارس بضحك انت عبيط دي اختي صحيها واحشتني وعاشت ازاي لازم اعرف واشكرها علي انها رجعتك فهد من تاني
معتز بسرعه مسكه واكمل لالا استني بس ليلي متعرفش اني فهد
فارس بستغراب ازاي وصح شوفتها ازاي
معتز بتنهيده انا هقولك كل حاجه وحكاله
فارس بخوف وصدمه يانهاررك ازرررق جمال الدمنهوري لو عرف هتروح في ستييين داهيه واكمل بعصبيه علشان كده قولتلك بلاش تدخل مع الناس دي من الاول مسمعتش الكلام وناااوي علي ايه يا بااااشا ده لو عرف ان االبنت اللي هربت دي انت هتتجوزها وبتحبها هيأذيهااا وكمان انت عاايز تبلغ عنه انت اتجننت
معتز بدموع انا نقطه ضعفي دلوقتي ليلي يا فارس بس هي تستاهل ان جوزها يكون ليها هي بس كفايه قرف بقي وبعدين انا هحميها بروحي ومحدش عارف البيت هنا ومحدش يقدر يوقع جمال الدمنهوري قدي انا عارف وماسك عليه كل حاجه
فارس بدموع انا خايف عليك لتاني مره انت ماشي في سكه اللي يروح ميرجعش الناس دي خطر جدااا ومش بترحم وانت عارف
معتز بدموع عارف و يمكن ده عقاب علي كل اللي عملتوا انا اللي دخلت اللعبه دي وانا اللي استاهل واتحمل نتيجه عواقبها
فارس بدموع وانا وليلي لوحصلك حاجه هنروح فيها يا فهد
معتز حضنه واكمل بدموع ارجوك متصعبهاش عليا وانا لسه اهو بفكر روح انت شهر عسلك واتبسط ومتقلقش مش هعمل اي حاجه دلوقتي خالص
فارس بدموع وجعت قلبي يا فهد اتبسط ازاي بس انت بتقول ايه
معتز بدموع باس جبينه واكمل حقك عليا انت وليلي يا فارس انت ياما نصحتني بس الكره كان عامي قلبي وعقلي عن الصح
فارس حضنه واكمل بفرح الحمدلله انك رجعت فهد ودي اهم حاجه
معتز بحب الحمدلله يا حبيبي هروح انا اجيب المأذون خليك مع ليلي لحد ماجي
فارس بحزن كان نفسي اسلم عليها اوي
معتز حقك عليا نخلص من القرف ده واجبهالك تسلم عليها براحتك
فارس ماشي يلا روح ومبروك يا حبيبي
معتز بحب وفرح الله يبارك فيك يااارب
ونزل علشان يجيب المأذون وفارس باس جبين ليلي واكمل بدموع واحشتيني اوي يا قرده كبرتي وبقيتي جميله فوق جمالك يا ليلي كنت واثق ان الموضوع وراه حب وطلع احساسي صح ياريتك ظهرتي من زمان يا ليلي واحشتيني يابنت عمي
وقام قعد برا وهو حزين وعنيه بتدمع علي اخوه وخوفه عليه وقام جاب كوبايه المايه يشرب
ليلي من وراه معتز
فارس اتصدم والكوبايه وقعت منه
ليلي راحت قدامه واكملت مالك في ايه
فارس بتمثيل اتخضيت بس اخص عليكي يا ليلي فكرك هتنامي اكتر من كده
ليلي ضربته في صدره واكملت اه منتا قليل الادب ضربتني بلمسدس جامد متعرفش حاجه عن معامله المرأه
فارس ضحك واكمل حقك عليا
ليلي بستغراب من امتي الادب ده مش متعوده عليك كده ومسكته من قميصه واكملت بحده وبعدين انت قبل ماتضربني ازاي تبوسني بلطريقه دي انت اتجننت ولو قربت مني تاني هتشوف مني وش مش هيعجك اانا بحذرك اهو
فارس فضل يضحك جامد لحد ماعنيه دمعت من الضحك واكمل بضحك شديد حقك حقك عليا يا ليلي مش هعملها تاني بس مش المفروض اني هتجوزك
ليلي بعصبيه تتجوز مين بقولك ايه حل عن سمايا انت صدقت انا مش عايزه اتجوزك يا معتز وانا فين جبتني هنا ازاي واكملت بدموع انا مبهزرش بس مش هينفع اتجوزك انا بحب فهد اوي مش هقدر اكون لغيره
فارس بدموع وفهد معشقش غيرك يا ليلي
ليلي بدموع وانت ايش عرفك
فارس بتوتر ايه اه اصل واحده قمر زيك اكيد لازم يحبها بس عموما انا بغير علي مراتي متجبيش سيره حد تاني غيري تمام فتح الستاره علشان يبص اخوه جيه ولالا والشمس جات علي وشه
ليلي بدموع ارجوك افهمني وركزت واكملت لحظه لحظه انت عنيك قلبت زرقه امتي انت مش عينك رمادي
فارس اتصدم واكمل بضحك مزيف اه دي لينسز لزوم اني عريس بقي وكده
ليلي بحده في راجل يركب لينسز
فارس بضحك ولا تزعلي هشلها ياستي
ليلي بحزن معتز
فارس ايه يا حبيبتي
ليلي بصدمه حبيبتك مالك يا معتز فين قساوتك وعصبيتك وبعدين انا مش حبيبه حد غير فهد تمام
فارس بضحك تصدقي اني غلطان ان عايز اتغير معاكي
ليلي بحزن اتغير وسبني في حالي
فارس بصي يا ليلي
وفي نفس اللحظه باب الشقه بيتفتح وبيدخل معتز فاتصدم فارس وليلي رايحه تلف علشان تشوف مين
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
