رواية احباء يجمعهم القدر الفصل السادس والعشرون 26 بقلم لولا
رواية احباء يجمعهم القدر الجزء السادس والعشرون
رواية احباء يجمعهم القدر البارت السادس والعشرون
رواية احباء يجمعهم القدر الحلقة السادسة والعشرون
شيرين بحب انا شيرين سعد بنت عم عمر وحبيبته
عمر باس خدها بحب واكمل وانتي واحشتيني اكتر يا روح قلبي بجد
حور بابتسامه فيها كسره ووجع اكملت اااه تشرفنا
شروق بحب شيرين كنتي واحشاني اووي يا قمر وحضنتها
شيرين بحب وانتي اكتر يا مدام شروق وحطت ايديها علي بطنها واكملت بضحك اخبار الباشا الصغير ايه
شروق بضحك الحمدلله يا حبيبتي عقبالك انتي وعمر
شيرين بحب يارب يا حبيبتي يارب
عمر باس ايديها واكمل باذن الله يا حبيبتي
غاده ضحكت وهي باصه للورق قصدها تتريق علي حور بعدين رفعت وشها بصتلها بشماته وهي بتبتسم بخبث
حور وهي بتجاهد ان دموعها متنزلش اكملت بوجع عن اذنكم ورايا شغل تشرفنا يا انسه شيرين وطبعا متنسوش تعزموني علي خطوبتكم عن اذنكم
شروق يلا سلام انا دلوقتي
عمر تمام روحي
شيرين قعدت جمبه واكملت احكيلي كل حاجه فاتتني بقي
عمر عنيا اخلص ونروح نتغدا واحكيلك
————————————
فارس كان داخل مكتبه لمح حور بتعيط فاكمل حور تعالي ورايا
حور وهي بتمسح دموعها اكملت امرك يا فندم
فارس قعد واكمل اقعدي
حور قعدت واكملت اؤمرني يا فندم
فارس انا قولتلك بلاش الرسميات دي يا حور انا مش غريب انا جوز اختك واخوكي الكبير
حور بابتسامه حاضر يا فارس
فارس تمام في ايه معاكي بقي
حور بوجع مفيش انا كويسه اهو
فارس علي فكره انا بعرف اقرا العيون كويس جداا فبلاش تكدبي عليا يكون افضل
حور دمعه نزلت منها فاكملت بوجع حاسه اني مليش حظ خالص ومش مكتوبلي افرح ابداا
فارس قام من علي كرسي مكتبه وراح قعد قدامها واكمل لا انتي اول مره تبقي كده في ايه قولي يا حور انا سامعك
وشروق دخلت واكملت هو انتي يابت انا مش قيلالك استنيني جيالك عايزاكي علشان كنت في الحمام
فارس اقعدي يا شروق انا اللي نادلتها وبصلها واكمل كملي
حور بدموع مفيش حاجه انا بس حاسه اني لوحدي وللحظه فكرت في حاجه وسكتت ثواني واكملت بوجع ودموع بس هي للاسف مش ليا وابتسمت بوجع وهي بتمسح دموعها واكملت بس انا مش زعلانه خلاص متقلقوش عليا
فارس بتنهيده حور انا مفهمتش حاجه بردو قولي في ايه
شروق بتنهيده انتي بتحبي عمر مش كده ??
حور بصدمه لا طبعا انتي اتجننتي
شروق عيني في عنيكي كده
حور بصتلها فاكملت شروق هتستحملي يخطب شيرين بعدين يتجوزها وتنام في حضنه وتبقي ام لاولاده يا حور ??
حور بصت في الارض بنكسار ودمعه نزلت منها واكملت بوجع وعنيها فيها دموع مش كل حاجه بنتمناها بناخدها يا شروق ومش كل واحده بتحب شخص هتتجوزه ومش كل حلم بنحلمه بيكون نصيبنا اه انا حبيته معرفش امتي وازاي ده حصل بس لقيت في عمر الشخص اللي كنت بدور عليه وبقول لما الاقيه هقول هو ده وفعلا حصل قولت هو ده انا كنت حاسه بملل وان حياتي روتنيه اوي لحد ماهو دخلها عملها شكل تاني خالص بقيت احب شغلي علشان اشوفه يا شروق انا اول مره شوفته كانت اول مره قلبي يدق واسمع دقاته كانت اول مره احس برعشه جوايا وانا بصاله وقولت لنفسي هو ده اللي بتدوري عليه ده اللي هيبقي جوزي بس في النهايه اراده ربنا فوق كل شئ وهو بيحب شيرين دي فربنا يخليهم لبعض
شروق بحزن انتي متاكده انك هتعرفي تتخطيه يا حور
حور بدموع مش سهل ابداا بس هحاول تعرفي لما شوفتها في حضنه حسيت بايه يا شروق حسيت بصراع بين اني عايزه اعيط وبين اني عايزه افضل متماسكه علشان مبانش ضعيفه كنت نفسي اقولها ده مكاني انا بس بأي حق اقول كده انا حسيت بناار يا شروق بس مقدرش اتكلم لاني ببساطه بغير علي حاجه مش ملكي
فارس بتنهيده انا لامس صدق مشاعرك وشايف الحب في عنيكي وحقيقي يابخت عمر ان حد بيحبه كل الحب ده
حور بوجع ودموع اكملت مش مهم حبي ليه كبير قد ايه المهم هو اختار مين وانا والله مش ضدده هو مش ذمبه اني حبيته يا فارس القلوب مش عليها سلطاان
فارس مسح دموعها واكمل بس يابت انتي بتعيطي ليه دلوقتي علشان عمر انا هبعت اجبهولك متكتف دلوقتي واربيه علشان سبب الدموع دي كلها
حور ضحكت من بين دموعها
فارس بابتسامه ايوه كده اضحكي مش عارف اومال لو عمر الشريف كان عمل فينا ايه ياختي واكمل بحب خديها كلمه من اخوكي انا عمري ماقولت حاجه غلط عمر هيقع فيكي انتي
شروق ازاي بقي وهو بيحب شيرين وهيخطبها
فارس بصلها بحده واكمل خلااص يا شروق كفايكي سيبك من شيرين خالص دلوقتي انا بتكلم في قدام
حور بتنهيده حزينه اكملت بوجع اتمني يا فارس ولو محصلش يبقي دي اراده ربنا واكيد هتمناله السعاده حتي لو مش معايا
شروق بحده ايييه حتي لو مش معاكي اييه ياروح امك ازاي يعني يبقي حضن غير حضنك وزوجه غيرك طب ده انا عندي اقتله اهون من اني اشوفه مع غيري سعيد
فارس بصدمه ايه اقتله! !!!! وبص لحور واكمل لو في مره مجتش الشغل في معادي بلغي البوليس
شروق مسكه قميصه واكملت بضحك بتاخد ااكلام علي نفسك لييه هاا انت سعيد معاايااا انااا مراتك حبيبتك يبقي الكلام مش ليك صح
فارس بضحك انا لو مش سعيد بعد الكلام ده انا هطير من اافرح معاكي سعيد ايه بس
حور بضحك والله مجنوونه ربنا يكون في عونك مكانتش كده
فارس بضحك اه منا واخد بالي ليا الجنه والله
شروق برفعه حاجب لا والله طب متكلمنيش تاني
فارس شدها لحضنه وباس خدها واكمل بحب يا خواتي هو انا اقدر علي زعلك يا قمر انت
شروق دلوقتي قمر اه ابعد بس كده واتلم علشان احنا في الشركه هاا والبت واقفه
حور بضحك لا لو علي البت انا خارجه اهو رايحه الحمام خدوا راحتكم علي الاخر وطلعت وقفلت
شروق بضحك يا ندله يا جزمه
فارس قام وقف وشد وسطها ليه واكمل بضحك وليه متقوليش صاحبه جدعه
شروق بحب اممم ده علشان علي هواك مش كده
فارس بحب اممم كده جداا وهمس بهيام واحشتيني
شروق بخجل بصت في الارض واكملت بس يا حبيبي احترم نفسك هو احنا لحقنا
فارس بضحك حقيقي مش متعود لسه علي الموضوع ده بس كل ما افتكر انك حامل وبعد كام شهر هيبقي عندنا طفل اطير من فرحتي بجد ياشروق
شروق حطت ايديها علي رقبته واكملت بحب ده بسبب فضل ربنا ونعمته علينا بجد يا قلب شروق
فارس قرب باسها بحب وشدها ليه اكتر وفاجاه حد خبط وفتح
فشروق زقته بسرعه
غاده اتصدمت من اللي شافته واكملت بحقد وكره سوري يا فندم حقك عليا
فارس بعصبيه انتي مش المفروض تخبطي يا حيوانه انتي وفي برا واحده تسااليها تتدخلي ولالا
غاده بغيظ وهي باصه في الارض اكملت ماهو حور في الحمام بعدين انا خبطت بس حضرتك مسمعتنيش
فارس بعصبيه تاني مره مشوفش وشك في مكتبي اي تعامل بينا حور توصله فااااهمه
غاده بفزع وهي بتهز راسها ب اه كذا مره اكملت فاهمه يا فندم فاهمه
شروق راحت حضنته واكملت بدلع خلاص ياحبيبي اهدي هي اكيد صح خبطت بس احنا مكناش واخدين بالنا وبعدين غاده مننا وعلينا يعني عديها خلاص بس المره الجايه تاخد بالها مش كده يا روحي
غاده بكرهه كده يا هانم طبعا
شروق بابتسامه خبيثه طب تمام روحي علي شغلك بقي علشان مش فاضيين زي ماشوفتي
غاده سابت الورق ومشيت وهي متعصبه جداا ومتغاظه
فارس شدها ليه وسند جبينه علي جبينها واكمل بضحك ايه النمره اللي عملتيها دي بقي
شروق بضحك احسن يخش تطق وتموت بلسكته القلبيه الحيوانه
فارس بضحك صحيح ان كيدهن عظيم واكمل بجديه بس مش اوڤر اللي عملتيه مع حور ده ياشروق
شروق بتنهيده لا عادي يعني يا فارس
فارس لا ياشروق البنت بتعيط وانتي تقوليلها ماهيخطب شيرين ده كلام يعني
شروق اهو اللي حصل كنت عايزه اتاكد اكتر
فارس اكتر ايه يابنتي ده واضح للاعمي انها بتحبه
——————————————
في اوضه من اوض الاجتماع الفاضيه دخلت غاده
غاده بحده بقولك حاامل هتتصرف ازاي
وائل ملكيش انتي دعوه بقي
غاده بحده اللي في بطنها ده لازم ينزل مش عايزه فارس يتمسك بيها علشان ابنه
وائل بضحك ماهينزل هو بعد اللي هعمله تفتكري هيفضل ?
غاده انت مش قولت لو لحقت يعني مش اساسي انك هتقربلها
وائل بضحك كبرت في دماغي بقي تبقي اساسي وهقربلها
غاده مش فارقلي كتير هبب اللي تهببه المهم الزفته دي لازم تطلق من فارس ولما فارس يتكسر منها انا هقرب منه ومتقلقش مش هنساك في اي معلومه مع اني عارفه ان موضوع قربك من شروق ده مش خدمه ليا اصلا
وائل بضحك اومال هعمل كده يا ليه يا حلوه
غاده بضحك عليا انا الكلام ده يا وائل ده انا حفظاك انت عايز شروق علشان احلوت في عنيك مش علشان تساعدني اكسر فارس واقرب منه
وائل بخبث بلظبط كده هي حقيقي عجبتني اوي ويبقي عصفورين بحجر واحد
غاده هتنفذ امتي
وائل هقولك كل حاجه في مواعيدها بس متقلقيش اقرب وقت ممكن
غاده بحقد ياريت بسرعه هموت واشمت فيها بنت الجزمه دي
وائل بخبث الصبر حلو سبيني ادورها في دماغي وهعرفك
——————————–
عند فهد وليلي
ليلي قاعده قدام الشاشه بتتفرج علي مسلسل فهد جيه قعد جمبها وخدها في حضنه
ليلي كنت فين كل ده
فهد بضحك كنت بدور علي شاحن علشان اشحن الموبايل اللي حلتنا
ليلي اه فعلا كان هيفصل اطمنت علي يوسف ومراته
فهد اه يا حبيبتي كويسين
ليلي طيب الحمدلله فهد معلش شيل ايديك ثواني دايس علي شعري جامد
فهد رفع ايديه وهي حركت شعرها بعيد ورفعت رجلها ااظاهره من القميص علي الكنبه ودخلت في حضن فهد تاني
فهد زاح شعرها بعيد عن رقبتها وقرب باسها بحب
ليلي قشعرت من لمسته وبصتله فلقيته باصص ليها بحب بالغ فاكملت بتوتر احمم انا عارفه النظره دي كويس
فهد بهيام وهو بيدفن وشه في عنقها اكمل خلاص بقي يا ليلي حرام عليكي انا مبقتش قادر
ليلي قامت وقفت واكملت لا يعني لا قولتلك لما الاقيك رجعت فهد بكل حاجه فيه
فهد بحده انا عايز اعرف انا مطلوب مني ايه المفروض يتعمل اكتر من كده ومعملتوش مش فاهم انتي ليه مبتقدريش اي حاجه عملتها علشانك من يوم ماشوفتك وانا مقضيها تضحيات لدرجه قلبت علي جمال اللي الغلطه معاه بفوره ولعتله في الفندق بتاعه هربت البنات وجوزتهم ومسحت اي حاجه وحشه عليهم خدتك علي ايدي وانا تعبان وواخد رصاصه وبجري بيكي زي المجنون خوفت عليكي وكنت هموت من قلقي وشوفتيني خاطرت بحياتي و بعدت عن الدنيا كلها وجيت معاكي هنا وبعدت عن اخويا والوحيد اللي فاضلي من اهلي كلهم وعشت معاكي بعيد بكتيرر عنه مبحبش اشوف دموعك وبتنارل واصالحك حتي لو انتي اللي غلطانه بهتم بأقل تفاصيلك ومش باجي عليكي ابداا استحملت منك كلام صعب كتير محدش يستحمله وسكت عن رفضك ليا المستمر طول الوقت كل ده ومش فهد يا شيخه الله يحرق فهد علي معتز بجاز وسخ انتي محدش عاجبك ولا فارق معاكي ولا شايفه اي حاجه اصلا
ليلي بحزن منكرش اني مقدره اووي بجد كل ده بس انا خدت صدمه كبيره اوي عليا ومش من يوم وليله معتز هيتحول و هيبقي حبيبي اللي فضلت سنين حياتي ادور عليه وكمان نفسياا مش مهيئه انك من معتز لفهد فاجاه كده ومفروض اسمح انك تقربلي بقي
فهد انتي بتمثلي مش اكتر يا ليلي انتي من وانا معتز في نظرك مش فهد قربي منك عجبك بس انتي ازاي تقولي كده لا طبعا ازاي
ليلي بحده انت ايه اللي انت بتقوله ده مفيش الكلام ده طبعاا
فهد بضحك تمام انا هثبتلك و اللي ميزعلش انا هخليكي انتي اللي تتقربي مني وهرفضك واحسسك باللي بحسه بقي يا ليلي
ليلي بضحك نعم نعم نعم والله صعبانه عليا الثقه اللي بتتكلم بيها
فهد بضحك تمام تمام هنشوف
———————————–
في فيلا الشافعي
سعاد يعني هي مراتك بتعمل ايه في الجنينه لوحدها بس ادخل اقعد معاها
يوسف بضحك ايه الحنيه دي بس يا ماما ربنا يهديكي كده علطول المهم فهمتي اللي قولته
سعاد ايوه ربنا يستر
يوسف طب انا هقوم اخد شاور وانزلكم
سعاد ماشي
وطلع
سعاد فونها رن فمسكته و ردت واكملت بحده انتي ملكيش دعوه بابني لا بخير ولا بشر
– انا قولت اللي عندي انتي لو فكرتي تأذيه انا اقتلك بايديا الاتنين
– وريني اخرك يا حبيبتي غوري جتك الارف وقفلت ورمت الفون
وكانت روح بتتحرك بلكرسي بتاعها في اتجاها للدخول وسمعتها
روح بقلق مين دي اللي ماما سعاد بتزعقلها وليه عايزه تأذي يوسف
روح دخلت واكملت ماما سعاد هو حضرتك كنتي بتكلمي حد
سعاد بتوتر انا ابداا بس بقولكم ايه عايزين ننقل بسرعه من هنا وكمان بلاش يوسف ينزل الشغل الفتره دي
روح بقلق ليه في ايه
سعاد بتوتر عادي نقضي وقت كلنا لمه مع بعض كده بلاش شغل يا روح انتي ادلعي عليه وهو هيوافق اسمعي بس الكلام يابنتي هو تعب اوي الفتره اللي فاتت اقنعيه ياخد اجازه كام يوم
روح قلقت من اصرار حماتها انهم يمشوا وان يوسف يأجز فاكملت بقلق تمام اكيد مش هخليه ينزل الشغل هقعده وسطنا كام يوم عنيا يا ماما
سعاد بحب تسلم عنيكي يا حبيبتي صحيح الدكتوره قاالتلك ايه
روح حطت ايديها علي بطنها واكملت بحب الحمدلله زي االفل
سعاد بحب الحمدلله يارب عقبال ماتقومي بخير كده
روح بحب االلهم امين يارب
وفونها رن
روح ايه يا فارس عامل ايه يا حبيبي وشروق عامله ايه
فارس زي الفل ياست البنات وانتي ايه اخبارك واخبار الباشا الصغير
روح بضحك الحمدلله احنا الاتنين بخير
فارس الحمدلله يا حبيبتي فين بقي جوزك الرخم
روح بضحك جوزي الرخم بياخد شاور
فارس بضحك تمام قوليله بقي اننا هنسبقكم علي الفيلا انا لسه مستلمها حالا وشوفوا هتيجوا امتي وتعالوا
روح بحب تمام يا فارس انا هقوله
فارس ماشي يا حبيبتي الا قوليلي الحيوان ده ايه دنيته معاكي بيضايقك اوعي يكون بيضايقك اقتلهولك
روح بضحك لا يا حبيبي الحمدلله ربنا هاديه خالص وحنين وشايلني جوه عنيه متقلقش عليا يا غالي
فارس بحب ماشي طمنتيني اي حاجه يضايقك فيها قوليلي علطول هو احنا عندنا كام الدكتوره روح يعني
روح بابتسامه حقيقي ربنا يخليك ليا يارب عوضت مكان ابويا واخويا يا فارس
فارس بحب قولتلك انا موجود وهفضل موجود طول الوقت ومش بعزك علشان يوسف صاحبي لا انتي اقربلي منه انتي اختي يا روح وربنا يعلم غلاوتك عندي
روح بحب حقيقي مش عارفه اقولك ايه ربنا يخليك لينا يا غاالي ونفرح بعوضك انت وشروق
فارس بضحك في السكه هو انتي متعرفيش
روح بستغراب هو ايه اللي في السكه لا معرفش
فارس بضحك شروق حامل بقالها شويه اهي ومطلعه عين اهلي والله ياروح
روح بفرح والله العظيم بجد
فارس اه والله خديها اهي
شروق بحب ايه يا قلبي عامله ايه
روح بفرح والله انتي جزمه كده تخبي عليا حاجه زي كده يا شروق لما اشوفك
شروق حقك عليا بس حقيقي دماغي مش فيا الفتره دي
فارس جمبها اكمل اه دماغها بتفكر ازاي تحرق دمي بس
شروق زغدته بايديها واكملت بضحك اتلم هاا
فارس بضحك اوامرك يا باشا
روح بفرح علي العموم المهم الخبر الحلو ده الف مليون مبروك يا قلب اختك وتقومي بالف خير انتي والبيبي يارب
شروق بحب يارب يا عمري انا وانتي
روح يلا هقفل معاكي ولو عرفنا نجيلكم انهارده هنجيلكم
شروق ماشي يا حبيبتي
روح باي
شروق باي
روح ها يا ماما نروح انهارده ننقل ولا حضرتك شايفه ايه
سعاد لالا باذن الله ننقل بس جوزك ينزل
وبعد شويه نزل يوسف
سعاد يلا يا يوسف حضر شنطك انت ومراتك فارس اتصل وقال انه استلم الفيلا ورايح يقعد فيها
يوسف بستغراب هتنقلوا دلوقتي
روح بمرح اه يا يوسف بليز وشروق واحشتني مكنتش عارفه اشوفها خالص الفتره اللي فاتت
يوسف بحب ماشي يا ست اابنات هحضرهم حالا
روح بمرح ايوه كده حبيبي ياااناس
وراح حضر شنطهم
روح ها خلصت
يوسف اه تعالي بس انتي اغيرلك هدومك علشان نمشي
روح بتوتر لا ليه مالها دي
يوسف بضحك وهو بيشيلها اكمل اه مش هنخلص شكلنا من الكسوف ده مش كده
روح باحراج مش كده بس هو
يوسف بضحك بس بس حتي وانتي بتحاولي تبرري بتتكسفي وفك زراير شميزها فشهقت روح
يوسف بضحك في ايه يابنت المجانين مالك
روح غمضت واكملت باحراج مفيش اخلص بسرعه
يوسف ضحك عليها وباسها بحب بعدين ساعدها تغير هدومها وشالها ونزلوا
سعاد ها خلصتوا
يوسف اه خلاص ياست الكل
سعاد بحب يلا بينا
وفعلا اتجهوا انهم ينتقلوا الفيلا الجديده
———————————–
علي البحر قدام الشركه قاعده حور وسايبه شعرها الطويل ودموعها يتطايروا مع الهوا وهي باصه للبحر بشرود
عمر شافها وهو ماشي بعربيته فوقف ونزلها واكمل وهو بيحط ايده علي كتفها بتنهيده ايه مقعدك لوحدك كده يا حور
حور بصتله بعدين وجهت نظرها للبحر تاني واكملت بهدوء لا دي مش اول مره احنا اصلا صحاب
عمر قعد جمبها واكمل بستغراب مين اللي صحاب
حور بابتسامه فيها وجع اكملت انا والبحر مع انه غدار شويه بس الوحيد اللي عمره مخذلني دايما بروح اقعد قدامه ارتاح نفسيااا وانا بحكيله اسراري وتنهدت بحزن واكملت هو خير كاتم للسر احسن من ناس كتير وانا تقريبا مبحكيش غير ليه ومليش غيره
عمر بحزن هو انتي عايشه لوحدك ?
حور هزت راسها ب اه واكلمت وكده احسن يا عمر بدل ما اتعشم في ناس واحلم بحاجات مش هتحصل لا انا اكتفي بنفسي احسن ومستناش حاجه من حد
عمر بحزن انتي ليه بتقولي كده يا حور
حور بوجع اعتقد من اسوء اللحظات اللي ممكن تمر على الإنسان لحظة اكتشافه قد ايه هو مغفل وانه كان مضحوك عليه او هو اصلا فهم كل اللي حواليه من الاول بطريقه غلط وهنا بقا بتبدي دماغه تسوحه وتخليه يشك في كل ذكري وكل كلمة اتقالتله
اللي هو بص ياعبيط بص كل ده كان كدب وأنت زي الاهبل صدقت وطلعت زيك زي أي حد عادي بلا سبيشيال بلا نيلة يعني انت مكنتش مميز زي مافكرت وده كله يا عمر بيجي عن طريق العشم فاني بعشم ان يكونلي نفس المكانه جواه الشخص اللي انا حطيته في مكانه عاليه جوايا فا لا العشم ده صعب اوي بجد وبيكسر فا اللي اكتشفته ان الوحده اللي كانت بتضايقني دي طلعت بتحميني بجد لو كنت فضلت وحيده مكنتش عرفت حد واتعشم فيه وفي الاخر واتكسر بلشكل ده
عمر بحزن اقولك رايي
حور بابتسامه حزينه اكيد
عمر ليه متجربيش تعاتبي الشخص اللي انتي اتعشتمي فيه وخذلك ده يمكن تكوني فاهمه غلط يا حور العتاب بجد احسن وسيله لاستمرار علاقتك بأي شخص لانك مش بتسيبي نفسك تخزني جواكي لا انتي بتطلعيه اول بأول زي الكوبايه كده لو فضلنا نملاها من غير مانفكر ندلقها هتتملي علي الاخر وهتبقي مش قادره تتحمل المايه تاني وهتفضل تدلق انما لو كل مانحط فيها شويه ندلق علطول مش هيحصل كده ابداا
حور بدموع ووجع العتاب ينفع لما يبقى في سوء تفاهم لما حد يقول لك كلمة تزعلك لما تتفق مع حد على ميعاد ويتأخر عليك لكن ما ينفعش تعاتب حد عشان داس عليك او جرحك او ظلمك او أهانك او خانك وبصتله بوجع واكلمت او فكرته حبك ومحبكش اصلا أصل هتعاتبه تقول له إيه؟ هتلومه مثلا عشان هونت عليه؟! لأ فوق كدا يا عمر وبلاش تقلل من نفسك كل الخلافات قابلة للعتاب إلا الاذى والوجع ما بنعاتبش عليه ولا ينفع حتي نفكر نعاتب عليه
عمر بوجع يااه انتي جواكي كل ده يا حور
حور بدموع ووجع واكتر بس ميهمكش ومسحت دموعها واكملت بس متقلقش انا بخير طول حياتي مطلبتش من حد يمسحلي دموعي ومصحتش حد من نومه يكلمني عشان اهدى وانا في موقف صعب ومحتااجه حد معايا انا عشت كل اللي فات ده لوحدي ومعنديش مانع اعيش كل اللي جاي لوحدي بس محسش ولو ثانيه واحده اني تقيله علي حد لان اللي اتعود علي تجاوز حزنه لوحده مش هيأثر فيه وجود حد او غيابه
عمر بحب انتي مش تقيله علي حد يا حور حقيقي يابخت اي حد انتي في حياته اصلا انتي متعرفيش قيمه نفسك بجد بنت جميله مرحه وزي ماجواكي شخصيه مجنونه شويه في بنت عاقله اوي وناضجه وشافت كتير في حياتها حقيقي انتي نعمه وكنز في حياه اي حد يا حور وكلنا شوفنا حاجات صعبه في حياتنا بس مش كلنا بلقوه دي
حور بابتسامه مزيفه ميرسي يا عمر وحقيقي ربنا يعين كل واحد علي الوجع اللي جواه ويعوضه عن الصعب اللي محدش يعرف عنه حاجة غيره
عمر بابتسامه دي الحقيقه من غير شكر وحقيقي ربنا يسمع منك بجد هسالك سؤال
حور بحزن اممم اتفضل
عمر بحب عمرك حبيتي يا حور ??
حور بابتسامه وجع انا حبيت اه وبصت لملامحه واكملت بعيون فيها دموع لا عشقت مش حبيت
بس انا حبي كان اصعب حب
عمر بستغراب وايه هو اصعب حب من وجهه نظرك ??
حور بوجع ودموع الحب اللي فضل جوانا لناس مفضلتش في حياتنا
عمر بحزن فراق ولسه بتحبيه ولا من طرف واحد
حور هزت راسها ب اه واكملت بهدوء من طرف واحد بس انا مش زعلانه يا عمر
عمر وجه وشها ليه واكمل بوجع انتي كدابه يا حور انتي زعلانه وواضح جداا
حور بدموع ووجع يمكن علشان إحساس إنك تعمل delete ( حذف ) لذكريات جمعتك بشخص مبقاش موجود ف حياتك دا أسوأ احساس ممكن تحسه لانك بتكون وصلت لمرحله اتقفلت فيها من كل حاجه مبقتش حابب تشوف حاجه بتفكرك بيه ولا تفكرك بالايام اللي تعبت و قضيت على طاقتك و نفسيتك بسبب محاولاتك مع حد ميستهلش حبك انت طول الوقت كنت بتدعي وتسعي وتحاول تثبتله انك بتحبه بس هو مقدرش فا يمكن التخطي بتاع الايام اللي عشتها هو االلي هيبقي صعب شويه وطبيعي ازعل شويه في النهايه انا خسرت حد كنت شيفاه الدنيا وعوضي عن اللي مريت بيه في حياتي بعد موت بابا وماما وانا صغيره حقيقي حياتي اختلفت خالص عشت مع عمي الوحيد في بيته بس مراته قالتله وديها ملجأ احنا مش هنصرف عليها وعمل كده فعلا ورماني ولما تميت السن القانوني اني هخرج روحتله تاني بس مكنش موجود في البيت ساعتها مكنش في حد غير شريف ابن عمي ولما عرف اني خرجت من الملجأ مرديش يمشيني واتصل بعمي وجابه فلما جيه قالي انه عايز يجوزني لابنه بس طبعا ده علشان ياخدوا مني الميراث بتاع ابويا فرفضت زاد عياطها واكملت بوجع فقال لشريف يحاول يعتدي عليا وفضلت تعيط
وهنا عمر كور ايديه بعصبيه واكمل كملي يا حور
حور بدموع علشان انقذ نفسي وافقت امضي تنازل علي ورثي وهو شرك بين عمو وبابا في مستشفي كبيره في البلد وبعد ما ماضيت رموني في الشارع وفين وفين بقي اشتغلت بغسل صحون وجبت شقه علي قدي لحد ما فارس ربنا يفرح قلبه خلاني اشتغلت معاه
عمر بدموع انتي شوفتي كتير اوي يا حور
حور بابتسامه وجع انا اتعودت خلاص ومسحت دموعه واكملت بوجع حقك عليا معلش يا عمر صدعتك
عمر مسح دموعها واكمل بحب صدعتيني ايه انتي عبيطه يا حور ده انا فرحتي مش سيعاني اني قعدت اتكلمت معاكي شويه ومسك ايديها باسها واكمل انا اسف لكل الوجع اللي جواكي ده يا حور ووعد مني طول منا عايش هحميكي بروحي وهرجعلك حقك وزياده من عمك كمان
حور بابتسامه ترجعلي حقي مره واحده عمي مش سهل ولا شريف سهل انت مش قدهم يا عمر وبقاله فتره بينطلي كل شويه واحلويت في عنيه لما عرف اني اشتغلت في شركه العامري
عمر بحده ازاي يعني بيجيلك بيتك ?
حور اه
عمر بحده وانتي تفتحيله ليه اصلا ده شخص مش محترم وكان هيأذيكي
حور لو مفتحتش بيكسر الباب انت متعرفش شريف يا عمر
عمر اتعصب جدا واكمل بحده حور لو سمحتي اقفلي عليكي بلمفتاح والقفل والايام هتثبتلك اني قدهم واكتر كماان وهجيب حقك وزياده
حور بحب حاضر يا عمر ورايحه تكمل كلام لقيت فونه رن فعمر كنسل
حور لمحت الاسم وانه شيرين فاكلمت بوجع ملهاش ذمب هي تكنسل معاها علشان قاعد معايا دي خطيبتك ميصحش انا كده كده ماشيه وقامت وقفت
عمر مسك ايديها واكمل استني يا حور مخلصناش كلامنا
حور بوجع وانا معنديش حاجه تانيه اقولها يا استاذ عمر ووقفت تاكسي وركبت ومشيت
عمر نفخ بعصبيه وركب عربيته درب الدريكسيون بغل ومشي
————————————
عند فهد وليلي
ليلي من المطبخ فهد اعملك معايا قهوه ?
فهد ماشي يا حبيبتي
ومسك فونه واكمل الو حضره الرائد اسلام معايا
اسلام ايوه مين
فهد طلع برا.ووقف قدام الفيلا واكمل فهد العامري انا جاهز اديك الاصوات اللي عايزها ضدد جمال الدمنهوري
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
