رواية احباء يجمعهم القدر الفصل السابع والعشرون 27 بقلم لولا
رواية احباء يجمعهم القدر الجزء السابع والعشرون
رواية احباء يجمعهم القدر البارت السابع والعشرون
رواية احباء يجمعهم القدر الحلقة السابعة والعشرون
فهد طلع برا واكمل فهد العامري انا جاهز اديك الاصوات اللي عايزها ضدد جمال الدمنهوري
اسلام يااه ده انا قولت انك نسيت كلامنا
فهد لا يا باشا فاكر كنت بس بدور علي حته اتخبي فيها منه مؤقتا وعملت كده بس انا مش هقدر اجيلك لاني مش ضامن ارجع تاني وانا معايا مراتي فمش هينفع اسيبها لوحدها
اسلام تمام تمام مفيش اي مشكله انا هجيلك ابعتلي اللوكيشن
فهد تمام يلا باي
اسلام باي
وبيلف علشان يدخل لقي ليلي واقفه علي اول البيت
ليلي بدموع انت ايه اللي انت هببته ده
فهد وهو بيدخل اكمل هببت ايه يعني ده الصح ولا هنفضل حياتنا كلها هربانين
ليلي دخلت وراه ومسكت ايده واكملت اقف كلمني زي ما بكلمك يا فهد
فهد بتنهيده نعم يا ليلي
ليلي بدموع انت عارف انك فتحت علي نفسك ابواب جهنم اكتر ماهي مفتوحه
فهد بوجع عارف بس مش هقدر معملش كده يا ليلي لازم جمال يتحبس علشان انا اعرف اعيش
ليلي بحده ودموع وانت فكرك ان مالوش حد برا السجن يعرف ينتقمله انت بتفكرر اززاي
فهد مش مهم مش فارق معاايا حاجه غير يدخل السجن واطمن وانا هطلب حراسه مشدده علينا المهم يتنيل يدخل
ليلي حضنته واكملت بدموع فهد انا خايفه عليك اوي انا مصدقت رجعتلي ابوس ايديك يا فهد خد حذرك انت لو حصلك حاجه انا هم
ولم تكمل حط ايديه علي شفايفها واكمل بحب اللي سانده ربنا مش هيقع يا ليلي بعد الشر عليكي يانورعيني متقوليش كده انتي بس ادعيلي واكيد ربنا هيقف معايا علشان انا مع الحق
ليلي حضنته واكملت بدموع ربنا ينصرك عليه يا حبيبي وميوجعش قلبي عليك ابداا ويديمك ليا يا نورعيني
فهد مسح دموعها وباس خدها واكمل خلاص بقي قولنا العيون الحلوين دي متبكيش
ليلي ابتسمت بحب واكملت حاضر يا حبيبي
فهد يلا هدخل انا اجيب القهوه ونقعد علي الكنبه نشربها
ليلي فهد بليز ممكن نشربها علي البحرر
فهد لا طبعا
ليلي بضيق بليييز
فهد بحده قولت لا ده منظر تخرجي بيه انتي اتجننتي
ليلي بضيق ربعت ايديها واكملت علي فكره مفيش حد غيرنا الدنيا هاديه خالص
فهد بحده ولو لا بردو افرض حد من رجالتي جيه وشافك كده انتي اتجننتي
ليلي بنفخ خلاص قعدنا
فهد دخل المطبخ وهو بيضحك واكمل كده كده كنتي هتقعدي وراح جاب القهوه وحط عند ليلي حبوب وهو بيضحك بعدين طلع وحطها وشربوا وهما بيتكلموا سوا
وبعد شويه الشاشه طفت
فهد ايه ده مالها الشاشه طفت ليه وقام يشوفها
ليلي وقفت واكملت بلا وعي وبتوهان واضح في صوتها انا ياروحي اللي طفيتها صدعتني خلاص
فهد ضحك واكمل اااه بدأنا واكمل بخبث طب ياروحي انا هطلع انام
ليلي عقدت حواجيبها واكملت تتطلع تنام وتسبني يا فهد اخص عليك
فهد بضحك طب يا حبيبي انتي عايزه ايه مني مش فاهم
ليلي راحت حطت ايديها حوالين رقبته وهو شد وسطها ليه وقربها من صدره العاري واكمل بحب اممم سمعيني يا حرمي المصون خير
ليلي بصت في عنيه واكملت بحب عايزه نكمل جوازنا يا فهد
فهد بضحك ايه ده فاجاه كده
ليلي باست خده واكملت بحب لا مش فاجاه انا من زمان وانا بحلم بي اليوم اللي هبقي مراتك فيه فا ليه لا
فهد بابتسامه كلها حب اصل حضرتك مكنتيش موافقه
ليلي وهي بتقرب من وشه اوي اكملت بهمس ليه هو مش احنا متجوزين
فهد سند جبينه علي جبينها واكمل بحب اه طبعا متجوزين بس انتي مكنتيش موافقه
ليلي بضحك لا مين قالك كده ده انا موافقه خالص وقربت باسته هي واكملت بحب وبهمس نفسي في بيبي منك اوي يا فهد
فهد نسي مخططه كله وهزاره معاها لانه كان ناوي يهزر شويه علشان قالها انتي اللي هتقربي مني وهقولك لا ومقدرش يسيطر علي مشاعره وباسها بحب وكأنه مستني منها اشاره وشدها ليه اكتر وهي حطت ايديها حوالين رقبته وتجاوبت معاه ومال بيها علي الكنبه وحاوطها بين ايديه وباس خدها وبدا في فك زراير قميصه اللي هي لبساه وقبل مايخلص فكه قام وقف ورايح يمشي ليلي مسكت ايده
ليلي بستغراب مالك يا حبيبي
فهد بحزن قومي يا ليلي مش هينفع
ليلي بستغراب ليه في ايه
فهد بحزن مال باس جبينها واكمل انتي مش في واعيك دلوقتي يا ليلي وحبك ليا اللي كنت واثق فيه هو اللي حرك مشاعرك ناحيتي يعني فعلا انتي بتعانديني صحيح انا انجذبت ليكي وكنت هكمل بس مقدرش اعمل كده وانتي مش في واعيك حتي لو عارف انك بتحبيني اوي وانا بحبك اووي اووي بس لما تصحي مش هتسامحيني ولا انا هسامح نفسي اني خدتك وقت ضعفك وانا اقسمت اني مش هاخدك غير برضاكي انتي مش اي حد يا ليلي انتي بنتي وحبيبتي وصاحبتي قبل ماتكوني مراتي اللي شايله اسمي وانا صحيح بحبك وبتنماكي وفقدت السيطره علي مشاعري شويه وكنت هتسرع بس ده لاني بجد بحبك اوي وباسها برقه
ليلي بلا وعي فهد اانا مش فاهمه اي حاجه يا حبيبي انت تقصد ايه
فهد شالها بين ايديه واكمل وهو طالع الاوضه مش مهم تفهمي المهم انك لما تصحي مشوفش في وشك نظره ندم ابدا من قرربي منك حتي لو شوفتك انهارده بشكل غير المعتاد بس انتي واقعيا لسه مش متقبله وانا معاكي لحد ما تتقبليني
ليلي حاوطت رقبته بايديها وهو وشايلها وباست خده واكملت بهمس انا مش فاهمه حاجه بس تمام
فهد بضحك مش ناويه تعدي ليلتك انتي يا ليلي انهارده
وراح حطها في السرير وبيقوم مسكت ايده
ليلي بنوم تعالي عايزه انام في حضنك
فهد بضحك لا الاحسن اخد شاور واطلع تكوني نمتي علشان اكتر من كده نفسيتي هتتعب
ليلي بصتله بعدم فهم وحطت راسها علي المخده براحه وفهد دخل خد شاور واكمل لنفسه وهو بيضحك حلو كده كنت عايز تضايقها وتبعدها عنك وتهزر شويه اتضايقت انت وفقدت سيطرتك علي مشاعرك وتنهد واكمل عملتي فيا ايه يا بنت عمي مخلياني برغم حبي الكبير وانجذابي ليكي اللي عمري ماحسيته تجاه اي بنت اني اسيبك بكل ارادتي لاجل اني فارقلي احساسك ومشاعرك اكتر من اي حاجه حقيقي محبتش ولا هحب قدك يا ليلي وبدا يسترجع كلمااتها ليه وانها نفسها في بيبي منه فابتسم غصب عنه واكمل عمري مافكرت اصلا في موضوع اني ابقي اب ده يااه ومنك انتي كمان بس حقيقي معاكي حياتي كلها اتغيرت180 درجه للاحسن يا ليلي
وخرج من الشاور لقاها نايمه زي الملايكه وشعرها الاحمر مغطي وشها راح خدها في حضنه وباس جبينها وناموا
———————————–
في المطعم
شيرين ايه يابني كل ده يخربيتك انا زهقت وانا مستنياك
عمر وهو بيقعد قدامها اكمل بضحك معلش خليها عليكي يا شيري كنت قاعد مع مرات اخوكي المستقبليه شويه
شيرين بحب زين ماختارت زي القمر بجد يا عمر واكملت بحزن بس صعبت عليا انت زودتها لما بوستني بجد انا حسيت انها كانت هتعيط صعبت عليا الصراحه
عمر بضحك وايه الجديد احنا اخوات في الرضاعه مش اول مره ابوس خدك يعني يا شيرين
شيرين حتي لو هي عارفه انك ابن عمي بس متعرفش بحكايه اخويا دي ثم اني قدمت نفسي اني حبيبتك
عمر بتنهيده انا مش ندمان اني عملت كده يا شيرين حور جواها شخصيه مكسوره اوي غير الشقيه اللي بتضحك اللي مصدراها لكل الناس وانا عرفت عنها شويه وحقيقي كل دمعه كانت بتنزل منها بتحرق قلبي بس زي مازعلتها هفرحها
شيرين بحزن اه كفايه كده بجد انت كان كل قصدك تعرف هي بتحبك ولالا واظن خدت اجابتك
عمر بضحك حاضر والله انتي ليه محسساني اني عاجبني وجعها كده يا شيرين
شيرين بحزن مش كده بس كسره القلب وحشه دي مدام شروق دي عليها افكار يالهوي عليها
عمر بضحك ده حقيقي هي فكرتها وهي اللي كلمتك مش انا يعني انا مجرد ممثل بس
شيرين ضربته واكملت ممثل اه جتك الارف في رخامتك خليت البت تكرهني
عمر بضحك لالا حبيبتي اطيب من كده بكتير متقلقيش
شيرين طب خلص واعزمني بقي
عمر عنيا بس كده
وقعدوا ياكلوا وبيتكلموا
———————————–
في الفيلا الجديده
نفين يلا حطيت الاكل اهو فين يوسف وروح
فارس كلمتهم خلاص قي الطريق
والباب خبط
شروق بفرح اهم جم وراحت فتحت
شروق بفرح وحب حبيبت قلبييي واحشااني ووطت حضنتها
روح بحب وانتي اكتر بجد ياروح قلبي
يوسف بضحك ايه ده غيرتي كلامك مش دي اللي هروح اضربها علشان خبت عليا انها حامل
روح بحب مقدرش طبعا شوفتها نسيت كل حاجه
شروق باست خدها واكملت قلب اختها يا نااس
سعاد بحب مبروك يا شروق تقومي بخير يا حبيبتي
شروق بحب يارب يا حبيبتي ربنا يخليكي
نفين يلا يا حبايبي الاكل اتحط
فارس حضن يوسف واكمل واحشتني اخبارك اي
يوسف بحب بخير يا غالي
تولين فارس انا ماشيه ها
فارس مش قولتلك كلي معانا وامشي ولا هو الكلام مش بيتسمع
تولين بليز بقي يا فارس قولتلك هاكل مع سيف
فارس تمام وقعد
تولين جات حطت ايديها الاتنين حواليه وهو قاعد وضهره ليها واكملت لما ابويا واخويا اللي فاضلي يتقمص كده يبقي انا هعيش اكلم مين ها
فارس وهو بياكل اكمل اه ماهو واضح يا تولين كلمتي مبقاش ليها قيمه خالص
تولين لا طبعا كلمتك سيف علي رقبتي وانت عارف اني بسمع كلامك بس مستعجله اوي
فارس ومكالتيش من الصبح والمفروض انك مريضه ضغط ولما بتنزلي مش واكله وواخده النقط بتدوخي وتتعبي بعدين انتي هتلفي لفتك وتقعدي في الاخر تاكلي مش هتمشي تاكلي علطول انا لو عارفك هتاكلي علطول كنت قولتلك روحي
تولين بضحك ده حقيقي وقعدت واكملت خلاص هاكل وهمشي مقدرش علي زعلك ياروحي
فارس بحب جدعه ربنا يهديكي يا حبيبتي
شروق داست علي رجله وهي قاعده جمبه فبصلها بمعني في ايه
شروق بهمس ماشي صبرك عليا نام في حضن اختك انهارده
فارس بضحك امم بدأنا يارب ارحمني وخفف عني يارب نفسيتي كده هتتعب
شروق زغذته بايديها واكملت اتلم
فارس بضحك اديني سكت ربنا يهديكي ياروحي
تولين بحب الا انتي يا روح لو جبتي ولد هيبقي اسمه ايه ولو بنت هتبقي ايه
روح ابتسمت بحب واكملت انا ويوسف اختارناه من بدري لو ولد انما لو بنت مش عارفه
سعاد بضحك انا عارفه اقول
شروق بضحك ايه ده هو انتوا ناوين تخبوا ولا ايه
يوسف بضحك هو اه قولنا هنخبي بس ايه رايك يا روح نقول ولالا
روح بحب ابتسمت لا هقول خلاص هيبقي فارس يوسف عز الدين الشافعي
فارس ساب الاكل وبصلها بصدمه ممزوجه بفرح واكمل فارس!! هتسمي ابنك علي اسمي! !!!!
شروق بضحك هو احنااا خلصانين من الكبير علشان تجيبلنا صغيرر اتوكسي
يوسف بضحك شايف يا عم مراتك
فارس بضحك يا شروق اتلمي انا ساكتلك لاجل حبيبي اللي جوه ده بس
روح بابتسامه حب انا لما اتولدت ابويا كان مات ولما كبرت شويه امي ماتت وشوفت ايام صعبه اوي وشروق كتر خيرها قوتني وساعدتني كتير وهي زيها زيي محتاجه اللي يساعدها حياتي متحسنتش غير لما يوسف دخلها وقولت خلاص هو اللي هتحامي فيه بعد كده بس لما انا ويوسف اتخانقنا انا ملقتش حد غيرك يسندني و يقفلي يا فارس وربنا يعلم بغلاوتك عندي قد ايه بجد
فارس قام وقعد قدامها ومسك ايديها واكمل بحب انتي زيك زي تولين عندي انتوا الاتنين بناتي واخواتي الصغيرين وانتي بلذات الصغيره خالص فا المدلعه بقي واللي واخده ركن كده لوحدك واللي انا عملته ياروح كان واجب اخ لاخته الصغيره وحقيقي كتير عليا اوي انك تسمي ابنك علي اسمي
شروق وهي بتاكل اكملت نسيت ليلي يا فارس اختك هي كمان بردو
فارس بضحك صبرني يارب علي ما ابتلتني
نفين بضحك الله يكون في عونك
يوسف بحب فارس انت زي ماوقفت مع مراتي انت مسبتنيش في حياتي كلها ولو لحظه وانا وهي خدنا القرار ده كل واحد مع نفسه بعدين اتفاجئنا اننا متفقين ومفيش نقاش خلاص
روح ابتسمت بحب واكملت اه وبعدين انت اسمك حلو اوي وعاجبني
يوسف احم احم
روح بضحك مش هيبقي اسم ابني يا يوسف مالك
فارس بضحك هنبتدي غيره اهو وعموما ربنا يقومك بالف سلامه ياست البنات وباس جبينها
روح بحب الله يسلمك يا غالي من اول يوم شوفتك فيه وقولت شروق محظوظه اوي وفعلا انت مش بس بتعمل واجباتك ليها كحبيبها وجوزها انت مش بتنسي حد اصلا
شروق بابتسامه لا ياروحي ده هو حبيبي كده مبيسبش حد خالص وكل البنات اخواته مشاء الله عليه
فارس نفخ واكمل استغفر الله العظيم يارب وبص لشروق واكمل بهدوء كلمه تانيه هتتهزقي
نفين بضحك مش هتسكتي انتي غير لو اطلقتي وخربتي بيتك
شروق برفعه حاجب نعم نعم نعم يطلقني ليييه انشاء الله هو انا قولت حاجه غلط ده بكره هلاقيه حاضنلي غاده وبيقولي اختي
فارس بضحك عنيا بس كده وهي ماهتصدق
شروق قامت مسكته من قميصه واكملت اتلم هاا ده لو حصل اقتلك انت وهي
روح بصدمه انتي بقيتي متوحشه كده امتي
تولين بضحك من ساعه ماحملت علي العموم انا همشي كلت اهو ولو حصلك حاجه اكيد مش هنساك في دعائي انت اخويا بردو
فارس بضحك واطيه طول عمرك
تولين وهي ماشيه اكملت بضحك طبعا اومال احصلك
فارس بضحك نزلي ايدك يا حبيبتي منظري قدام الناس ميصحش
شروق سابته واكملت ماشي يا فارس ماااشي علي حرقه الدم بتاعت كل شويه دي
فارس يوسف تعالي يا باشا نتمشي في الجنينه نشم هوا وسيبها هي تهري كتير كده
يوسف بضحك يلا ياباشا
ودخلوا
سعاد خدي بالك ان الرجاله بتتخنق من الغيره الزياده خلي ثقتك في جوزك اكتر من كده زي ماهو واضح انه مديكي ثقه كبيره اوي
شروق قعدت بضيق واكملت يا طنط سعاد انا بحبه اوي وطبيعي اغير عليه غلطت في ايه يعني
نفين انا مع سعاد غيري بس حكمي عقلك فارس بيحبك ومحبش غيرك لو هو من الرجاله اياهم كان زمانه مش متجوزك ومقضيها كل يوم شويه انما يا هبله ده محبش واتجوز غيرك ايه يجبره يعمل كده يعني
شروق بتنهيده انا عارفه بس غصب عني بغير وحاضر هحاول اقلل شويه
روح غيري براحتك بس متحسسيش جوزك انك شيفاه مذنب في غيره بتبقي حلوه كده وتفرح وفي غيره بتبقي اوفر وانتي شكل حملك مأثر عليكي
شروق والله انا ماعارفه مالي يا روح فعلا بس من ساعه ماسمعت غاده دي وهي بتخطط تاخده ومش عارف ايه وانا كل مايكلم بنت بولع
نفين بضحك علشان هبله سبيها تهري براحتها ده جوزك انتي وابو اللي في بطنك وبيحبك ومفيش سبب مقنع انه يعمل كده
روح اما دي بت بجحه صحيح وقولتي لفارس عليها
شروق بتنهيده قولت
سعاد وهو قالك ايه
شروق فضل يضحك ويقولي الكلام الاهبل ده اخري اسمعه واضحك
نفين شوفتي مش قولتلك اعقلي يا شروق ومتخربيش بيتك الغيره الزايده بتجيب شك ولو الشك دخل قلبك هتخربي بيتك
شروق بتنهيده حاضر يا طنط يلا بس اساعدك
وقامت تشيل معاها الاطباق
روح مشت الكرسي شويه واكملت ماما ممكن نقعد في الجنينه
سعاد بحب اه طبعا يا حبيبتي يلا
ودخلوا
في الجنينه
روح بستغراب اومال فارس فين
سعاد تلاقيه طلع من الباب الخلفي ولا حاجه راح حته
روح بستغراب هو يوسف بيكلم نفسه ?
سعاد بضحك لا يابنتي سلامه النظر ده حاطط السماعه وبيدندن معاها
روح بضحك اه منا بقول
سعاد بحب ربنا يحميه يارب ويحفظهولي من كل شر
روح بقلق ماما هو في حاجه
سعاد بانتباه ها لا طبعا مفيش حاجه ايه رايك نقعد علي النجيله شويه سقعه وحلوه
روح بابتسامه تمام واهو احسن من الكرسي
وفعلا سعاد ساعدتها وقعدوا علي الارض الخضرا يحكوا وبعدين فون سعاد رن
سعاد بتوتر هقوم ارد وجيالك
روح بقلق اتفضلي وسعاد خرجت من الجنينه علشان تتكلم وفضلت روح تفكر ياتارا مين اللي عايز يأذي يوسف ده وليه ماما مخبيه علينا
وفاجاه لقيت شخص واقف اخر الجنينه من بعيد شويه ويوسف مديه ضهره ومش سامع اي حاجه بسبب السماعات اللي في ودانه ومصوب عليه مسدس
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
