رواية احباء يجمعهم القدر الفصل الحادي والعشرون 21 بقلم لولا
رواية احباء يجمعهم القدر الجزء الحادي والعشرون
رواية احباء يجمعهم القدر البارت الحادي والعشرون
رواية احباء يجمعهم القدر الحلقة الحادية والعشرون
لميس بخبث ازيك يا جمال بيه
جمال ايه لميس خير مش عادتك تكلميني انتي يعني
لميس بضحك الحق عليا يعني بطمن علي حضرتك
جمال بضحك لا ياستي اطمني بس انا مستغرب لان دايما معتز اللي بيكلمني ها طميني بقي ايه اخبار الشغل
لميس بخبث معتز يا بيه
جمال ماله معتز
لميس بقي مش زي الاول وهرب 3 بنات انا جبتهم وكل واحده بطرق مختلفه واخرها مبقاش يشتغل عدل اصلا وسايب كل حاجه عليا
جمال بحده نعمممم معتز ازاي يعني الكلام اللي بتقوليه ده انتي اتجننتي ده دراعي اليمين وصاحبي وانا مخليه المدير للفندق لاني بثق فيه جداا وهو ياما كشفلي ناس جواسيس وسطنا كانت بتحاول تهرب او تعرف الحكومه حاجه عن الفندق مش هو اللي يستعبط في الشغل يا لميس انتي بتقولي اييه?? انتي واعيه لنفسك ??
لميس بحزن والله يا جمال بيه زي مابقولك كده وكمان قاعد مع بنت في بيت في المقطم معرفش مين دي وهبعتلك دليل كمان انه هرب بنت
جمال بحده ابعتي يا لميس
وبعتتله لميس الفويس وسمعه كله
جمال بعصبيه ياا ابن الكلللب بقي كده حصلك ايه يا معتزز ده انت اكتر حد بثق فيه تعمل فيا كده ده انت ليله اهلك سودا معايا انت وقعت في اللي لا بيرحم ولا بيسيب حقه
ورن علي لميس
لميس بتوتر ايوه يا فندم
جمال بخبث تحركات معتز كلها تكون عندي بيعمل ايه بيروح فين بيشوف مين علشان شكله هيوحشنا اوي
لميس بخوف جمال بيه انا قولت لحضرتك ااكلام ده علشان نشوف مين البنت اللي قاعد معاها دي ونعاقبه ونقرص ودنه ونربيه شويه وخلاص يرجع يشتغل تاني ورجله فوق رقبته بس مش موت انت عارف ان معتز اكفئ الناس واصلابهم في التعامل وليه كلمه وشخصيته قويه وبيعرف يتصرف في الشغل مش هنلاقي زيه تاني
جمال بضحك عارف يا لميس وعارف ان اللي سمعته ده مستحيل يكون معتز دراعي اليمين ده اتبدل ده رجع فهد بغبائه وبطيبته بكل حاجه ومبقاش قاسي … زي منا عارف بردو انك بتحبيه فمش عايزاه يموت انتي بس هطقي منه علشان عرف بنت غيرك وخدته ليها لوحدها وغيرته
لميس بدموع اه بحبه وعلشان خاطري يا جمال بيه
جمال بمقاطعه اكمل بعصبيه لمييييس مش عايز رغي تاااني في الموضوع ده انا في اقرب وقت هرجع واتعاملي مع معتز طبيعي وسيبيه يهبب اللي يهببه واياااكي يحس انك عرفتيه علي حقيقته او حكتيلي ساعتها مش هيبقي معتز بس اللي هيواحشني فهمتي طبعا يا لميس
لميس بتوتر بلعت ريقها واكملت فهمت طبعا يا جمال بيه امرك
جمال واللي هقولك عليه تنفذيه
لميس بخوف طبعا
جمال تمام وقفل الفون واكمل بحده اما ربيتك يا ابن الكلب وحرقت قلبك قدام عنيك وموتك مبقاش انا جمال الدمنهوري انا تعمل فيا كل ده بعد ما اثق فيك وامنك
اميره بقلق في ايه يا حبيبي
جمال بضيق مفيش يا اميره مفيش نامي انتي
اميره بقلق هو معتز عملك حاجه
جمال بحزن قولي معملش اي بجد خان ثقتي فيه ويصعب عليا اني هأذيه ده معايا من زمان بس هو اللي اضطرني لكده
اميره.بحزن جمال حكم عقلك ده اخوك الصغير مش صاحبك بس صحيح الفرق بينكم 6 سنين بس هو بيعتبرك اخوه الكبير و اكتر بلاش الغدر يجي منك
جمال ضغط علي ايده بعصبيه واكمل بحده الغدر جيه منه هو يا اميره يستحمل بقي
عند لميس في المكتب
حازم انتي واقفه بتعملي ايه يا ساره
ساره بخوف هاا لا ولا حاجه انا ماشيه اصلا
لميس وقفت قدامهم واكملت بحده خييير جايه ليه
حازم لميس هانم انا جيت لقيتها واقفه اصلا
ساره بتوتر لالا انا لسه جايه يا لميس
لميس بخبث وكنتي عايزه ايه
ساره بتوتر ولا حاجه كنت معديه من هنا بس عن اذنك ومشيت
لميس بحده حاازم
حازم امرك يا لميس هانم
لميس بحده بنت الكلب دي تمشي وراها ولو راحت ناحيه معتز تجيبهالي
حازم امرك يا فندم
في مكتب فهد
فهد خد مفاتيحه والفون وخرج وقفل الباب وفي اتجاهو انه يطلع من الفندق بنت خبطت فيه جامد
فهد اييه يابنتي مش تحاسبي
البنت اسفه مخدتش بالي
فهد بضحك مخدتيش بالك ايه ده انتي دخلتي في حضني
البنت حقيقي بعتذر
فهد تمام انتي داخله ليه هنا
البنت هقدم علي وظيفه
فهد لا الله يكرمك كده لفي وارجعي انا تعبت
البنت بستغراب ليه
فهد يابنتي اسمعي الكلام وبلاش شغل هنا انتي حورا وافتكري اني قولتلك امشي
البنت بتوتر لا خلاص همشي
فهد تمام سلام
ساره راحت عند المكتب لقيته مقفول اكملت بدموع يالهوي هو مشي هقوله ازاي يارب دلوقتي بس
وجريت ناحيه الباب ولمحته خارج
ساره بصراخ مع
ولم تكمل الاسم حازم حط ايديه علي فمها يمنعها وشدها
فهد لف ملقاش حد فاكمل بستغراب يبقي متهيألي وركب عربيه
في مكتب لميس
حازم شال ساره ودخلها رماها علي الارض قدامها واكمل كانت هتنادي عليه يا هانم بس لحقتها
ساره بوجع اااه انت غبي
لميس بحده كنتي عايزه تنادي علي معتز ليه يا ساره
ساره بخوف كنت كنت هقوله علي حاجه عاديه يا لميس عادي فيها ايه ما كلنا بنقف نتكلم معاه
لميس بضحك انتي هتصيعي عليااا يابت انتي ولا ايه ومسكتها من شعرها واكملت بحده انتي هتقولي ولا اربيكي انا وبردو هعرف علشان شكلي انا الهبله الوحيده هنا ومش عارفه حاجه
ساره بعياط مفيش حاجه اصلا علشان اقولهالك
لميس بضحك بت انتي فكراني هبله ولا ايه انا عارفه انك سمعتيني وانا بكلم جمال بيه وانك كنتي هتروحي تقولي لمعتز بس ليه بقي اقوللك انا لييه يا روح امك شكله لما طلعك معاه الاوضه مقربلكيش وقالك انه بقي يا حرام بقي ملاك ومش هيغلط تاني مش كددده
ساره بعياط لا طبعا مين قالك كده ساعتها قربلي عادي ايه الكلام الاهبل ده هو من امتي ومعتز كده اصلا وايه حوار كلامك مع جمال بيه ده انا مش فاهمه
لميس بعصبيه اه شكلك هتسعبطي انا بقي هجبلك كل الجارد بتوعي يتسلوا عليكي شويه لحد ماتنطقي
ساره بعياط لالا يا لميس ارجوكي لا صدقيني انا معرفش اي حاجه خالص هو انا لو اعرف عن معتز حاجه مش هقول ليه ماهو اللي اعتدي عليا وبسببه خسرت شرفي وحياتي وخلاني بقيت هنا اكيد هحب اني انتقم منه مش اساعده فكري كويس يا لميس
لميس بحده خلاص غورها علي تحت يا حازم مش ناقصه قرف بس قسما بالله يا ساره لو عرفت انك تعرفي حاجه وخبتيها عليا نهايتك هتكون علي ايدي خدهااا من وشي
حازم شدها وطلع وقفل
لميس قعدت علي الارض واكملت بعصبيه ودموع اعمل ايه انا دلوقتي منك لله يا معتز اديه هيقتلك غبي غبي ايه غيرك كده يا معتز حرام عليك ايه السبب انك ترجع تاني بلشكل ده بعد ماكنت اقوي واحد وبتدوس علي كل اللي يقابلك ومين بنت الكلب اللي كنت حاضنها دي وعهد الله لهوريها مين لميس وازاي فكرت تغيرك وتاخدك مني بس الصبر حلو
———————————–
في عربيه فهد
فونه رن
فهد ايه يا حبيبتي
ليلي بخوف ها عملت ايه
فهد كله تمام يا حبيبتي هربتها وقولت لخرا اني طلعت ملقتش حد في الاوضه وان في ملايه مرميه من الشباك فكده البنت هربت
ليلي تنهدت بارتياح واكملت الحمدلله يعني لميس صدقت
فهد اه بس ربنا يستر قلبي مقبوض اوي يا ليلي بجد
ليلي تنهدت بحزن باذن الله خير حتي انا حاسه بكده بس انشاء الله لا مش هيحصل حاجه
فهد بتنهيده يارب
———————————–
في المخزن
تاليا انتي هتفضلي تعيطي كده ومش عايزه تفهمينا في ايه
ساره بعياط لميس عرفت كل حاجه وقالتها لجمال وكده هيقتل معتز
يارا بصدمه ايييه حصل ازاي ده
ساره حكتلهم كل حاجه
جودي بخوف يانهار اسود ومنيل لازم نعرف معتز
ساره بعياط ملحقتش اقوله انا خايفه يموته قبل ما اقوله يتصرف
دنيا بتوتر اهدي اهدي وادينا كلنا عرفنا لو شوفناه هنعرفه
ساره بعياط مش بسهوله كده لميس شكت فيا ومش هتخلي حد مننا يجتمع معاه لوحدنا ابدا
ملك بنفخ ياربي طب هنهبب ايه
يارا بدموع ملهاش حل خلاص اقعدوا استنوا دوركم او عيشوا كده
جودي بدموع ومحدش قد جمال الدمنهوري ولا حتي معتز كنت هقول يقدر عليه لو كان زي زمان انما هو اتغير
سارع بدموع اتغير لانه رجع لحبيبته وبقي في ليلي لميس لو عرفت ب ليلي هيبقي مصيرها زينا علشان تكسر معتز بيها وليلي هي نقطه ضعفه
يارا بتنهيده انا تعبت اوي ومش عارفه افكر خالص
————————————
في بيت ليلي وفهد
فهد وصل ودخل البيت
ليلي حمدلله علي سلامتك
فهد حضنها واكمل الله يسلمك يا حبيبتي
ليلي بستغراب ايه ده يا معتز
فهد مالك في ايه
ليلي بحده ايه ريحه البرفيوم الحريمي اللي علي هدومك ده
فهد شمه واكمل مش واخد بالي
ليلي بحده ما طبيعي متاخدش باالك اصلا هو انت هيهمك البرفيوم ولا اللي كانت حطاه
فهد بحده ليلي احترمي نفسك ومتتهمنيش بأي كلام وخلاص
ليلي بحده. انت ليه محسسني انك بتقوم من علي السجاده وانا ظلماك لا انا مش بتهمك انا بتكلم في عاده انت متعود عليها 7 سنين انت متخيل كام سنه انت كل شويه بتغلط انت حقير وزباله انا كل ما افتكر انت كنت ايه كل المده دي وكام بنت خسرت شرفها بسببك اقرف اني متجوزاك اصلا ليه بتستغرب لما بقولك كده منتا اصلا كده زيك زي اي راجل بتضعف ومش بيهمك غير رغبتك حتي لو حاولت تتغير عادي ترجع تاني ما دي طبيعتك الحيوانيه اصلااا انت اكتر حد زباله شوفته في حيااتي يا معتز واللي يعمل كده ميبقاش رااجل اصلااا
فهد ضربها بلقلم بقوه فوقعت علي الارض واكمل بعصبيه ودموع حذرتك كتيير اوي يا ليلي بس كل انسان ليه طااقه وانا مش هستحمل منك اي كلااام تاني انا مبقتش كده بمزاجي انا مشوفتش من اهلي ولا حبيبتي ولا من الددنيا دي كلهااا خير انا الدنيا كلها دداااست علي وشي اااه ده مش مبرر لغلطي بس فوقت والبرفيوم ده بنت خبطت فيا وانا خارج وقولتلها امشي من هنا وخليتها روحت اتغيرت علشانك وعلشان بحبك ومفرقش معايا اني ممكن اموت لو اتكشفت اني مقتلتكيش ولا حتي اعتديت عليكي عملتلك قيمه كبيره اوي جوايا وشوفتك ست البنات والوحيده اللي قدرت تغيرني وتقتل الشخص الوحش اللي جوايا بس انتي ايه مش بتحبي غير نفسك وبس وكل شويه تفكريني بغلطي انا لو زباااله كده وراجل مش بيهمه غير رغباته زي ما الهانم ليلي بتقول يبقي اهو مفيش اسهل منك علي الاقل حلالي وانتي الوحيده اللي مش هشيل ذمبها ولا هبقي اذيتها لانه حقي بس انا معملتش كده وخدت قسم علي نفسي انتي بلذات مقدرش اجبرك وده لاني بحبك بس اول مره يا ليلي توصليني لمرحله احس ان حبي ليكي مذله ومهانه كده انا كنت راجل مش بيضعف ولا بيتهز ويميل بس بيضعف ويتهز ويميل لدموعك ومن خوفه عليكي وانتي مش عايزه تصدقي شالله ما عن اهلك صدقتي مش هحاول اثبتلك حاجه تاني
ليلي بدموع يعني قدرت تضربني اهو يا معتز
فهد بحده واكسر راسك لو غلطي تاني انا جوزك مش عيل صغير معاكي ومش معني اني بحبك فا ده يديكي حق انك تغلطي وعارفه اني مش هقدر اكلمك لااا يا ليلي خلاص انا جبت اخري من طريقتك دي
ليلي بدموع تمام طلما كده طلقني وتبقي ريحت واستريحت
فهد مسكها من شعرها واكمل بحده انا مششش قولت السيررره دي متجيشش تاني ولا انتي مبتفهميش انا طلاق مش هطلق ولا حتي في نزول من هنا تاني
ليلي بوجع ودموع اااه طب طب خلاص سيب شعري
فهد ساب شعرها بحزن واكمل كفياااكي عياط
ليلي بدموع وبحده ملكش دعوه اعيط ولالا
فهد بحده طب طول منا بتكلم صوتك ميعلاش انا مش عايز اتغابي عليكي ومسح دموعها واكمل خلاص كفياكي عياط بقي
ليلي بحزن تمام اوعي ايدك بقي وقعدت علي الكنبه بتعب
فهد بخوف مالك فيكي ايه
ليلي بتعب مفيش بطني واجعااني اوي عادي
فهد انتي مكالتيش طيب
ليلي بوجع لالا مش جعانه دي حاجه تانيه متشغلش بالك انا هبقي كويسه
فهد بفهم ااه طيب تمام وشالها بين ايديه
ليلي بحده نزلني حالا واياك تشلني تاني انت فااااهم
فهد هعمل نفسي مسمعتش اي حاجه ودخل بيها اوضتهم وحطها علي السرير واكمل ثواني هعملك حاجه تشربيها وجاي
ودخل المطبخ عملها ينسون وراح قعد جمبها واكمل امسكي
ليلي اتعدلت واكملت تمام شكرا
فهد باس جبينها واكمل من غير شكر احنا واحد
ليلي بحده مالهاش لازمه طريقتك دي ولو سمحت ابعد ايدك عني وحاول تعتبرني مش موجوده في البيت اصلا
فهد بتنهيده خدي بالك انك انتي اللي بتعصبيني وبترجعي تزعلي لما امد ايديي عليكي
ليلي عنيها دمعت وسكتت
فهد مسح دموعها واكمل طب ممكن اعرف بتعيطي ليه
ليلي بدموع علشان انت اول مره تمد ايدك عليا وطبعا بتضرب بقلب جامد عارف ان مفيش حد يقفلك منا مليش اهل وحتي الوحيد اللي كان بيحميني الدنيا استخسرته فيا
فهد بدموع ووجع ليلي انا مقصدش احسسك بكده بس انتي غلطي في حقي جامد ومش اول مره
ليلي بدموع عارفه
فهد باس خدها واكمل اهو ياست البنات يخش كانت ايدي تتقطع قبل ماتتمد عليكي
ليلي بدموع بعد الشر متقولش كده
فهد بضحك ايه الحنيه دي طب ممكن كفياكي عياط
ليلي مسحت دموعها واكملت تمام يا معتز عن اذنك
فهد رايحه فين
ليلي بحزن هشرب الينسون في البلكونه مخنوقه شويه
فهد فتح ايديه واكمل انتي تعبانه تعاالي ريحي جسمك ونامي في حضني طلما مخنوقه
ليلي بوجع ولو انت سبب الخنقه والحزن
فهد بضحك يبقي انا بردو اللي افرفشك عادي
ليلي راحت نامت في حضنه وفضلت تدمع من غير صوت وهو فضل يمسح علي شعرها ومسك كوبايه الينسون وعدل ليلي في حضنه وشربها
ليلي بعد ماخلصت اكملت بتعب شكرا تعبتك
فهد ولا تعب ولا حاجه سلامتك يا حبيبي
وخدها في حضنه وفضل يطبطب عليها لحد مانامت فاكمل بحزن طول عمري انا امانك وحمايتك بس انتي وصلتيني لمرحله صعبه اوي بجد يا ليلي حقيقي انا جوايا وجع وتعب محدش هيعرف يفهمه مهما يحصل
————————————
في الشركه في مكتب فارس الباب خبط
فارس ادخل
حور فارس بيه في واحد اسمه وائل عايز حضرتك برا
فارس بنفخ ده ايه جابه ده تمام دخليه يا حور
حور امرك
فارس استني بس
حور ايوه
فارس بلاش الرسميات دي انا اخوكي فارس بس
حور بابتسامه حاضر
وطلعت ودخل وائل
وائل ازيك يا فارس
فارس بضيق اهلا خير
وائل بضحك كل خير انشاء الله جيت اقولك علي صفقه متتعوضش
فارس بضحك صفقه وبيني وبينك طب ازاي هو انت متعرفش انت قاعد قدام مين يا وائل ولا ايه ولا علقه اخر مره نسيتك
وائل بحده انا جاي اتكلم في شغل اللي فات مات وبص لشروق واكمل باعجاب ولا ايه يا مدام
فارس بحده شروق
شروق بتوتر ايه يا حبيبي
فارس بحده برا جمب حور
شروق قامت وقفت واكملت بتوتر حاضر وخرجت وقفلت
فارس بعصبيه انا لولا اني محترم وانك في مكتبي كنت وريتك مقامك صحيح دلوقتي بس هكتفي بطردك من مكتبي واقولك المقابله انتهت انا ميشرفنيش اني اشاركك في اي حاجه
وائل بحده تمام يا فارس تمااام افتكر انك قولتلي انا الكلام ده وهتندم عليه كويس اوي
فارس وهو بيقرا الورق اللي قدامه اكمل بلا مبالاه متقلقش مش هنسي
وائل طلع ورزع الباب
برا المكتب
حور بخضه بسم الله ايه يا كابتن براحه
وائل بحده والله ما ناقص قرفك علي المسا وبص لشروق واكمل باعجاب هو فارس دايما حظه في السما كده
شروق بحده همست احترم نفسك انا مش عايزه اناديه واقوله انت قولت ايه منظرك هيبقي خرا فغور من هنا احسنلك
وائل بضحك غاير يا قمر غاير متقلقيش
ومشي
حور بضيق ده ايه الراجل المهزق ده بجد
شروق بتوتر انا مش مطمناله باين عليه شراني ربنا يستر منه
تحت في الشركه
غاده بستغراب وائل بيه وائل بيه انت ايه جابك هنا
وائل وقف وهمس بحده انتي مجنونه واقفه بتكلميني ليه لو حد شافنا وقال لفارس
غاده ب كره منا قولتلك في الفون كده كده خربت ونزلت الحسابات بسبب العقربه مراته
وائل بضحك دي حته قشطه عقربه مين دي خساره في اهله
غاده بضحك ايه ده هو انت عينك منها يا بيه ولا ايه
وائل بضحك منتي عارفاني هو انا جديد عليكي
غاده بضحك اه عارفاك بس صحيح شروق واخده في جوزها مقلب اوي كان بيروح معاك البار ومقضيها وبتقولي عمره ماغلط دي هبله وعبيطه شكلها
وائل بضحك لا هو فعلا عمره ماغلط سمعت البنات بيتكلموا سوا مره وقالوا انهم بيروحوا مع فارس لانه مش بيقرب لاي حد يعني شروق مغلطتش يا قمر
غاده بحقد اييه طب ده اوقعه ازاي ده انت شكلك هتخلف بوعدك معاايا لان كده فارس صعب يعمل كده وكمان للاسف بيحب العقربه دي اوي
وائل بخبث عيب عليكي هوقعهولك بس الصبر سبيني افكر وبعدين ماهو بسبب غباء اهلك و رغيك في الفون مش هعرف اوصل لاي معلومات تاني عن الشغل واديني حاولت اشاركه رفض بس بعون الله لهندمه وبلجامد اوي
غاده بضحك شروق
وائل بخبث بتفهمي يلا همشي انا واكلمك بعدين فتحي مخك
غاده حاضر باي
———————————–
في مكتب فارس
شروق انت كده قربت تخلص
فارس اه خلاص هنشمي اهو
ورفع السماعه واكمل حور معلش قولي لعمر في الحسابات يجيب الورق اللي بعتهوله من شويه
حور حاضر
وقفلت
في مكتب الحسابات
حور مين فيكم استاذ عمر
غاده نزل يجيب قهوه
حور تمام لما يجي قولوله يروح لفارس بلورق اللي بعتهوله من شويه
غاده بضحك فارس حاف كده
حور لا حطيلهاا ملح يا خفه فارس جوز اختي وهو اللي طلب مني اناديه باسمه انما حضرتك طبعا في رسميات في التعامل وبصتلها بقرف
ورايحه تطلع خبطت في عمر ودلقت القهوه عليه
عمر بوجع من سخونه القهوه اكمل اااااه يخربيت امكك ايه ده مش تخلي بالك
حور بخوف انا انا اسفه مخدتش بالي حقك عليا
عمر بوجع خلاص خلاص محصلش حاجه اوعي من وشي
حور بخوف لالا تعالي اشطفها بشويه مايه وشوف الحرق كبير ولالا
عمر بوجع خلاص كويس
حور شدت ايده ووقفت قدام الحمام جابت مايه ودلقتها علي صدره
عمر يخربيتك بتعملي ايييه انتي
حور بتوتر علشان بهدي الحرق فدلقت مايه اومال هعمل ايه انا مش دكتوره معرفش
عمر بوجع لا كتر خيرك الحقيقه وفتح اول كام زرار من قميصه علشان يشوف الحرق
حور باحراج انت بتعمل اييه يا كااابتن انت
عمر بحده بشوف ام الحرق شكله ايه دي قهوه لسه نازله من علي النار حضرتك
حور بحزن انا اسفه بجد وبصت واكملت ونشكر ربنا انها مش كبيره احمرت بس
عمر بصلها وسكت
حور بابتسامه بس علي فكره سمعت انه دلق القهوه خير
عمر ضحك واكمل بت انتي هبله كده بتهوني عني يعني عموما هي بسيطه مفيش داعي للاعتزار
حور بابتسامه المهم انك ضحكت يبقي مش هتزعل مني وتفضل تدعي عليا
عمر بضحك لا طبعا هدعي عليكي ليه علشان كوبايه قهوه
حور بحزن لا علشان حرقتك
عمر بابتسامه ياستي عادي شوفت اصعب من كده هو انتي يعني كنتي قاصده
حور بابتسامه سلامتك وعموما هعملك غيرها تعويضاا مني
عمر بضحك وانا موافق
شروق جات واكملت بصخك ابقي انا دورت عليكي في الشركه كلها وانتي واقفه هنا بتهببي ايه معاه عند الحمام يا حور
عمر باحراج مدام شروق هي كانت بتطمن عليا لاني جيت اغسل قميصي علشان هي دلقت عليه قهوه بس
حور باحراج اه وانا رايحه انادي عمر لفارس خبطه
شروق بضحك تنادي مين
حور بستغراب عمر ايه بيضحك
عمر بضحك اني عمر مثلا
حور بضحك بجد وتذكرت ان غاده قالتلها بيجيب قهوه واكملت اه صحيح دي العقربه اللي كانت معاك في المكتب قالتلي بيجيب قهوه ازاي مجاش في بالي معلش سوري عموما فارس عايزك بلورق اللي بعته من شويه عن اذنك
ومشيت
شروق بضحك هبله متاخدش عليها وسلامتك
عمر بضحك الله يسلمك يا هانم بس والله لا دي سكر جدااا
شروق بابتسامه احممم احممم طب هتروح لفارس ولا ايه
عمر باحراج ااه ااه طبعا رايح عن اذنك
ومشي
وشروق ابتسمت
بعد شويه في مكتب عمر
حور بحب اتفضل اهي القهوه يارب تعجبك
عمر بحب تسلم ايديكي يارب بجد تعبتك
حور بحب لا ده انا اللي بعتذر حقيقي
عمر بابتسامه محصلش حاجه والله خلاص
حور بحب عموما الف سلامه عليك
عمر داق القهوه واكمل الله يسلمك وابتسم واكمل والله العظيم جميله جداا احلي من اللي بعملها كمان تسلم ايدك يارب بجد
حور ابتسمت بفرح الحمدلله الف هنا يلا عن اذنك رايحه اكمل شغلي
عمر بابتسامه اتفضلي وفضل متابعها بعنيه لحد ماخرجت وبص للقهوه وابتسم وكمل شغل
——————————–
عند يوسف وروح
يوسف بتشجيع ايوه ايوه خطوه كمان عاش يا حبيبي جدعه يلا
روح بتعب ودموع لالا مش قادره الله يخليك يا يوسف
يوسف بحزن يا حبيبتي ده انتي يادوبك مشيتي خطوه
روح بدموع مش قادره اقف اصلا حاسه اني هقع قعدني علي الكوسي خلاص يلا بجد تعبت سعاد جابت الكرسي المتحرك واكملت بحزن خلاص يا يوسف خلاص سيبها واحده واحده تمشي اكتر
روح قعدت واكملت بتعب ودموع انا مش عاجبني العجز ده انا حاسه اني مش قادره اعمل ابسط تفاصيل حياتي
سعاد بحزن اخص عليكي هو انتي لو طلبتي مني انا او يوسف اي حاجه هنقولك لا ياروح
روح بدموع لا طبعا مش كده يا ماما بس بجد الموضوع مأثر فيا نفسيا اوي
سعاد بحزن باذن الله هتتحسني يا حبيبتي
يوسف مسح دموعها واكمل بحب والله العظيم هتقومي وهتبقي زي الفل شد حيلك بقي كده واتجدعني في الجلسه علشان انتي واحشاني جداا
روح باحراج ضربته في صدره واكملت اتلم يا يوسف امك قاعده ايه الكلام ده
يوسف بضحك بتزعلي لما اقولك انك مش سالكه انا دلوقتي اقصد واحشاني روح وشقاوتها مش اللي في دماغك
سعاد فضلت تضحك عليها
روح خبت وشها في حضنه واكملت انت علطول قليل الادب فانا فهمت غلط
يوسف باس خدها واكمل بضحك وهو بيغمز هو انتي فعلا واحشاني مكدبتيش وحط ايده علي بطنها واكمل بضحك بس ادينا صابرين علشان حبيب بابا
روح باحراج ضربته واكلمت يووسف بجد بطل قله ادب ماما تقول ايييه
سعاد بضحك هقول ايه هقول معرفتش اربي بس
يوسف بضحك ليه محسساني اني شقطك كده مش انتي مراتي وهي امي اشطا يعني فبراحتي مش اغراب انتوا
سعاد بضحك ربنا يخليكم لبعض يا حبيبي
يوسف حضن روح وهو بيضحك علي كسوفها واكمل بحب امين يارب وتقوملي بالف سلامه
روح بحب يارب بجد
وفون يوسف عمل صوت مسدج فمسكه واكمل روح
روح ايه في ايه
يوسف بتوتر قعد واكمل نتيجتك طلعت شروق بعتتلي بتقولي اشوفها
روح بتوتر ايه ده بجد
يوسف بخوف اه اهدي هشوفها اهو
سعاد حضنتها واكملت اهدي انتي تعبتي طول السنه وعملتي اللي عليكي واخر مادتين امتحنتي حامل وكل ده مش منسي عند ربنا
روح بخوف يارب يا ماما بجد والله تعبت اوي السنه دي ونفسيا اكتر ومع ذلك كنت بذاكر مغبتش خالص غير مره ويوسف بردو ذاكرلي
يوسف انتي بعتيلي رقم جلوسك واتس
روح بتوتر اه شوف وخلص يا يوسف
يوسف حاضر بكتبه اهو
روح بتوتر هاا ظهرت
سعاد بتوتر اهدي باذن الله حلوه
يوسف شاف النتيجه واكمل بصرااخ من الفرح 93% ياااروح
روح بعياط من الفرح والنبي بتتكلم جددد
يوسف حضنها ولف بيها واكمل بفرح طبعاااا بتكلم جددد رفعتي راسي انا فخور بيكي بجد ياااروح قلبي من جوووووه
سعاد بفرح لولولولولولولي مبروك يا دكتوره روح وقامت حضنتها واكملت بفرح مبروك يا قلب ماما فرحتي بيكي متتوصفش يا روح بجد
روح بعياط من الفرح الحمدلله الحمدلله بجد ربنا فرحني واكرمني بعد التعب ده كله بلمجموع اللي اسعد قلبي اشكرك يارب وفضلت تعييط من الفرح
يوسف قعد وخدها في حضنه واكمل بفرح يااابت كفاياااكي عياط انتي تزعلي تعيطي تفرحي تعيطي خلاااص بقي استني هكلملك شروق وفارس كول
روح بدموع فرح مش قادره اصدق يا يوسف بجد كان فضل الله عظيماا حقيقي ربنا كريم اووي وعوضني العوض اللي يجبر قلبي ويراضيه الحمدلله
يوسف بفرح الحمدلله
وكلم فارس وشروق
شروق بدموع فرح ايه المجموع القمر ده كسفتيني مش هعرف اهزقك يا احلي دكتوره روح في الدنيا
روح بدموع مكنتش هبقي كده لولا تعبك علشاني يا شروق انتي اللي ليكي الفضل بعد ربنا في النجاح ده انا بحبك جداااا
شروق بدموع يا حبيبت شروق ده تعبك انتي وسهرك انتي تستاهلي ربنا يفرحك كده واكتر ربنا عوض تعبك بلمجموع وجمعك بللي بتحبيه وانا كاختك مش عايزه اكتر من كده واني اشوفك سعيده طول العمر انا عملت واجبي يا روح
روح بدموع انتي عملتي اكتر من المفروض واستحملتي علشاني كتير وادي تعبك ليا جيه بفايده انا لو نفسي اعمل اي حاجه اردلك بيها الجميل ده شلتيني علي كتفك وعمرك ما بينتي انك تعبانه كنتي بتديني الفلوس اللي معاكي كلها وتكدبي وتقوليلي معايا ترجعي تعبانه من الشغل والقرف اللي بتشوفيه مع دراستك كل ده ومع ذلك بتقوليلي كملي مذاكرتك انتي وبتقومي تطبخي وتعملي اكل وانتي هتموتي وتنامي انتي عملتي كل واجبات الاخت والام ليا يا شروق ربنا يخليكي ليا يا نورعيني
شروق بدموع ويخليكي ليا يا حبيبتي وتقوميلي بالف خير انتي وحبيب قلب خالتو من جوه وربنا يشفيكي ويعافيكي يا غاليه وكل كلامك ده فوق راسي بس انا فعلا عملت اللي كان مفروض يحصل انتي بنتي ياروح مش اختي بس انا من يوم ماجيتي الدنيا بعتبرك من مسؤليتي ومبروك يا نورعين اختك
روح بحب الله يبارك فيكي يارب
فارس بحب وفرح انا مهما اقولك فخور بيكي قد ايه مش هتتخيلي بجد عاش يا حبيبتي فرحتينا كلنا بيكي ورفعتي راسنا لفوق اووي برغم كل اللي مريتي بيه بس عملتي اللي عليكي وليكي عندي هديه حلوه جدااا علي الخبر الحلو ده
روح بحب الله يبارك فيك يارب يا حبيبي ويديمك انت وشروق في حياتي دي احلي واجمل هديه
فارس بضحك كده كده احنا قاعدين علي قلبك بس هديتك هتيجي بردو احنا مش هنبقي دكاتره ولا ايه وهنروح جامعه يبقي لازم دكتوره روح يجلها احلي عربيه تروح بيها علي الخبر الحلو ده
يوسف بضحك ياااابارد انا كنت هجبلها العربيه وعاملها مفااااجاه اقول عليك ايه يا فارس بس
فارس بضحك ميخصنيش غير انت بقي انا قولت الاول قدامها
روح بضحك استنوا بس انتوا بتتخانقوا علي ايه انا مبعرفش اسوق اصلا
يوسف بضحك اومال انا موجود بعمل ايه يا عمري هعلمك طبعا
روح بابتسامه حقيقي مش عايزه اتعبكم محدش يجيب حاجه
فارس مفيش الكلام ده هجيبها خلاص
يوسف لا انا كده كده كنت هعملك مفاجاه بس فارس خد مني فكره العربيه فهحجز تذاكر ونسافر باريس كام يوم علشان دكتوره روح كان نفسها تروحها
فارس بحب فكره حلوه جدااا ونبقي عملنا الحاجتين
روح بضحك لا بتهزروا بجد ده يارتني نجحت من زمااان كل ده مره واحده باااريس وعربيه انا بحلم صح فوقوني
يوسف بضحك لا مش بتحلمي حقيقي يا عمري تعبتي وتستاهلي
شروق بفرح ربنا يفرح قلبك اكتر واكتر يا حبيبت قلبي بجد واشوف الضحكه القمر دي دايما منوره علي وشك
روح بحب وفرح انا وانتي يا غاليه بجد
وفضلوا يتكلموا سوا شويه وفرحانين بنجاح روح
————————————
بعد مرور شهر الامور ماشيه تمام شروق وفارس متفاهمين جدااا وشروق خلصت امتحانات وابتدت تساعده في الشركه
وائل وغاده بيخططوا ازاي يخسروا فارس في الشغل ويعرفوا معلومات عن الصفقات وكمان ينتقموا منه ويوقعوا ازاي
وحور وعمر اللي بقيوا اصدقاء
يوسف وروح اللي سافروا باريس واتبسطوا جدااا ورجعوا علشان تقديم روح لكليه الطب وفارس فعلا جبلها العربيه وحياتهم ماشيه حلو جداا ولسه ماشيه علي العلاج الطبيعي ومامته كانت عملت عمليتها وبقيت زي الفل
وفهد وليلي اللي حياتهم معقده شويه وبيتعاملوا مع بعض بشئ من اللا مبالاه وبيعدوا ايامهم وخلاص وفهد بقي يروح الفندق ساعتين بلكتير ويرجع وفعلا لميس مكانتش بتخلي حد من البنات يشوفه خالص لوحدهم
واخيراا لميس وجمال اللي كان بيكلمها وبتقوله كل جديد وقالها تعمل ايه بلظبط
————————————
في فيلا العامري في الجنينه
فارس طب والحل هتفضل كده
فهد يعني هو بمزاجي يا فارس انت ليه محسسني اني عاجباني عيشتي معاها دي
شروق بتنهيده طب وهي مش بتحس بمشاعر خالص ناحيتك ده انا لما كنت في موقفكم ده كان جوايا تناقض اللي هو حاسه اني بتشد ليه وفي نفس الوقت مش عايزه احبه علشان فاكره اني بحب غيره فا هي ايه بقي
فهد بحزن هي كده يا شروق وساعات بتحضني من نفسها مش بتحب ازعل بيحصل كده مواقف يمكن تبان صغيره اوي بس هي عندي كبيره يعني قبل كده لما زعلت باستني في خدي وقالتلي مزعلش ودي كانت مستحيل تعملها تمام حلو بتحبيني يا ليلي لا بحب فهد ومتحلمش احبك وكل شويه كلام من نوع انت بتاع بنات ومش بيهمك غير رغبتك الحيوانيه وانا مستحيل اخلي واحد زيك يقربلي متحلمش انك تطول شعره مني وشتايم وقله قيمه طول اليوم لدرجه وصلتني مره ضربتها بلقلم وانا عمري ماعملت كده
فارس بضحك قولتلك دي اللي هتربيك شايف بسببها قاعد عامل ازاي
فهد اضحك اضحك منتا بتشمت فيا علشان ياما حذرتني
فارس تبقي عبيط لو فكرتني شمتان فيك بس لا انا فرحان اني توقعت صح وان بسبب رجوع ليلي انت رجعت فهد اخويا تاني لو ليلي كانت ماتت انت كنت هتفضل معمي عن الصح وكنت هتفضل في القرف ده طول العمر ومش هتسمع مني ولا هتقتنع بس هي رجعت ورجعتك معاها صحيح انت في خطر دلوقتي وهي زيك بس ده بسبب انك من الاول كنت غبي بس ملحوقه هتتحل باذن الله وهتخرج من وسط الناس دي بخير وتعيش حياتك انت ومراتك
فهد بتنهيده حزينه انا والله فقدت الامل في اني اخرج من وسطهم مش عارف اعمل كده ازاي ولميس حاطه عنيها عليا اوي طول منا هناك حاجه تقرف وكمان جمال كنت بعتبره اخويا الكبير وصاحبي لو عرف هيتكسر مني لاني خونت ثقته و هتبقي دي نهايتي وياريت برجع البيت برتاح بعذ كل المعاناه دي لا بلاقي حرب تانيه مع ليلي اللي مع كل غلطه بتنسي الحلو كله وترجع تفكرني باغلاطي
فارس خد بالك كل ده. مزعلها ومعصبها وبتفضل تفكرك بيه وهي متعرفش انك فهد مبالك بقي لما تعرف
فهد بدموع اااه يا فارس اهو انا شايل هم اللحظه دي انت عارف صعبت عليا نفسي اوي لما ضربتها بلقلم وقالتلي اصل انت عارف ان مليش حد وحتي اللي بيحميني الدنيا استخسرته فيا وانا اصلا اللي ضربتها اوقات لما بصحي اشوفها بتعيط وماسكه اسمي اللي علي رقبتها ببقي نفسي اخدها في حضني واقولها انا حبيبك ومعاكي اهو يا ليلي متعيطيش اوقات ببقي نفسي اصرخ واقولهاا انااا فهدد يا ليلي اديني جيت ودعائك استجاب اهو بس مش قادر خايف تكرهني مش هستحمل نظره ااعتاب في عنيها يا فارس وانا متعود لما تيجي سيرتي بتبقي نظره حب واشتياق بس
شروق بحزن اقولك رايي يا فهد
فهد بدموع اكيد
فارس مسح دموعه وباس جبينه واكمل بحب اهدي والله هتتحل هي مساله وقت خليك قوي
شروق بتنهيده رايي انك انت تعرفها بنفسك انك فهد
فهد رايح يتكلم قاطعته شروق واكملت سبني اكمل كلامي افهم يا فهد سواء دلوقتي او بعدين هي هتعرف مصيرها تعرف مهما الوقت طول بس لو عرفت من برا هتتوجع اكتر انك استغبيتها طول الفتره دي وانك شوفت اشتياقها ليك قد ايه وبردو سكت وهي فكلا الحالات هتتعصب وهتزعل وممكن تقول كلامك يوجعك بس لو عرفت منك انت فايكون احسن وانت اسهل عليها شويه وبعدين هتهدي وهتحضنك وتسمعك ااكلام اللي انت نفسك تسمعه وهتوافق تكمل جوازكم وكمان هتدعمك في اللي جاي كله وبدل منتا بترجع من قرف الفندق لوجع وحزن في البيت مع ليلي لا هترجع تلاقي حضن مفتحولك عشا هادي قاعده فيها كلام حلو وده هيشجعك اكتر انك تحارب قصاد الناس دي وتخلص بسرعه علشان ترتاح منهم علطول واهو علي الاقل يبقي الهم بتاع موضوع ليلي ده خلص من علي قلبك
فارس انا مع شروق جدااا حقيقي كفايه كده
فهد بدموع ووجع خايف اوي يا شروق
شروق وطول منتا ساكت هتفضل خايف يا فهد
فارس ده حقيقي وبردو مهما طولت هتعرف هتعرف يبقي علي ايه
فهد بحزن يعني انتوا شايفين كده
فارس وشروق في نفس واحد اه شايفين كده
فهد مسح دموعه واكمل بحب تمام هعرفها وادعولي بجد
شروق بحب ده اكيد
فارس بحب ربنا يفرح قلبك يا حبيبي
فهد بحب مش عارف اشكركم ازاي علي وقفتكم جمبي طول الوقت وكمان علي تشجيعك اني اتكلم ياشروق
شروق بحب فهد انت اخويا وده واجبي اني انصحك
فارس بحب وكده وكده مفيش شكر مابين الاخوات ولا ايه
فهد حضنه واكمل بحب اكيد يا حبيبي
فارس بحب يلا بقي روح الحق
فهد بفرح تمام باي
شروق بحب باي ابقي طمنا
فهد وهو طالع اكمل من عيوني
فارس بتنهيده يارب تسامحه بقي
شروق مش بسهوله بس كده نبقي بنقرب اوي
———————————–
في عربيه فهد رن علي ليلي
ليلي الو يا معتز
فهد بحب ايه يا روحي بقولك اجهزي علشان نتغدا برا
ليلي بستغراب اشمعنا
فهد بحب عادي اهو اخرجك شويه بدل منتي دايما قاعده في البيت
ليلي بابتسامه تمام هلبس
فهد بحب ماشي هوصل هديكي رنه
ليلي بابتسامه تمام باي
فهد بحب باي يا حبيبي
وقفل ورمي الفون جمبه واكمل بحب خلاص يا ليلي لازم تعرفي كل اللي جوايا وانهارده واني علشانك هحارب اي حد
————————————
في بيت ليلي
ليلي اختارت الدريس اللي كانت جيباه ولفت الطرحه وحطت ميكاب هادي وكانت زي القمر ولبست الكوتش والباب خبط
ليلي ايوه جايه يا معتز حاضر وفتحت
ليلي بصدمه ورعب نطقت بتقطع ل لم لميس
لميس بصدمه ليليييي
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
