رواية احباء يجمعهم القدر الفصل الثامن والثلاثون 38 بقلم لولا
رواية احباء يجمعهم القدر الجزء الثامن والثلاثون
رواية احباء يجمعهم القدر البارت الثامن والثلاثون
رواية احباء يجمعهم القدر الحلقة الثامنة والثلاثون
فهد تنهد بحزن وبص لاميره تاني وبعدين وجه نظره لجمال واكمل بشجاعه اولا يا سياده القاضي التسجيلات دي مزوره وجمال معملش اي حاجه من اللي اتقال وبريئ
جمال اتصدم اوي وكذلك اميره وبصتله بصدمه
في مكتب فارس
فارس بحده نعممم
ليلي بصدمه ايه اللي اخوك عمله ده
في المحكمه
القاضي بستغراب ازاي يعني الكلام ده
اسلام بحده نعم انت اتجننت ايه هو الكلام ده
القاضي خبط واكمل بحده هدوء لو سمحت يا حضره الرائد انت دورك خلص خلاص وهو شاهد وبيقول شهادته
اسلام بص لفهد بحده وسكت
فهد هو الاصوات دي اتقال فيهاا ايه ? انه تاجر سلاح ومشغل بنات في الفندق مش كده
القاضي اه كده
فهد وانا هقدر اثبت لحضرتك ان كل ده كدب وبأدله قاطعه
اميره بصتله باندهاش وصدمه بس من جواها تمنت لو فعلا فهد يقدر يعمل كده
وكذلك جمال كان واقف مش قادر يتكلم من الصدمه ومش قادر يفهم ليه فهد بيعمل كده علشانه
القاضي سامعك بس هسألك سؤال
فهد اتفضل يا سياده القاضي
القاضي طلما انت عارف ان جمال الدمنهوري مظلوم ومعملش كده بلغت عنه ليه واديت الرائد اسلام الاصوات دي انت عارف انك لو اثبت فعلا انه بريئ انت هتتسجن لانه بسببك حد معملش حاجه كان هيتعدم ويعتبر بلاغ كااذب
في مكتب فارس
ليلي بصدمه ودموع ايييه وكانت هتقع مسكها فارس
ليلي بعياط ووجع فارس الحق القاضي بيقول ايييه شااايف اخووك بيعمل ايه عايز يقهرني ويموتني
فارس بخوف اهدي يا ليلي اهدي علشان خاطري واكمل بحده انسااان متخلف وغبي انا هربيه من اول وجديد الحيوااان ده
شروق بخوف اهدي اهدي باذن الله خير
عمر قعد وحط ايده قدام وشه ونفخ بتوتر
حور بحزن اهدي باذن الله خير
في المحكمه
جمال بخوف وبمقاطعه لا يا سياده القاضي فهد مع
فهد لف وبصله بحده واكمل بحده ومقاطعه ممكن تسكت انت ووجه نظره للقاضي تاني واكمل انا عارف يا فندم القانون كويس اوي بس اديني فرصتي اشرحلك وبعدين الحكم اللي حضرتك شايف قولوا
اميره بخوف يالهوي حطيت نفسك في موقف وحش اووي
يارب يارب يكون معاك يا فهد وفضلت تدعي وهي دموعها بتنزل ودقات قلبها بقيت سريعه اوي ومرعوبه
القاضي حقك طبعا اتفضل
فهد بتنهيده اولا واحد زي جمال الدمنهوري من اغني اغنياء رجال الاعمال في مصر في المعمار وعنده شركه كبيره شغاله حلو جداا وبيطلعله منها بلدولار في الواقع واحد زي ده مش هيحتاج لفلوس علشان يشتغل في السلاح لانه بلفعل معاه فلوس كتير اووي ورجال الاعمال بتتمني تشاركه وده لانه معروف جداا في الوطن العربي وده اكبر دليل ان لحد دلوقتي مفيش ظابط قدر يمسك عليه دليل يدينه علشان هو في السليم بس ده كله كلام من وجهه نظري مش دليل كافي و لان القانون يعني ادله فانا مع حضرتك اولا انا اه اديت لاسلام الاصوات بس مش انا اللي سجلتها شخصياا
اسلام بحده يعني ايه هو مش انت قايلي انت كنت بتسجله علشان لو قلب عليك تعرف تمسكه
فهد ارد يا سياده القاضي ?
القاضي اتفضل وبص لاسلام بحده واكمل انت مش في الشارع يا سياده الرائد في احترام للقانون
فهد انا قولتلك اني بسجل اه بس مقولتش اني بسجل بنفسي يا حضره الرائد و اه انا كنت خايف يقلب عليا بس مش علشان هو تاجر سلاح ومشغل بنات لا علشان هيلاقي احسن مني كتير اوي يتمونوا يشتغلوا معاه فهيقولي شكرا جبت بدالك فكنت عايز اخد اسرار من الشغل اللي هو الشغل الطبيعي علشان كل ما اعرف اسراره هيتمسك ببا اكتر مش اللي اتقال في الاصوات ده خالص واللي سجل الاصوات دي واحد اسمه فاروق حمدان مش انا وده توفي لما الفندق ولع
القاضي ايه اللي يثبت ان فاروق اللي مات ده هو اللي سجل مش انت
فهد اتفضل يا فندم ادي تسجيل من تسجيلات الفندق انا قاعد في مكتبي وهو بيدخل بيديني الاصوات( والفيديو ده صوت وصوره وبيقولي امسك تسجيلات تخص جمال اهي وانا خدتها منه شلتها في الخازنه )
القاضي تمام كمل
فهد يعني مش انا فعلا اللي سجلتها وفي مره بنتكلم انا وفاروق برا الشغل قالي متفتحش اي حاجه منهم غير للشديد القوي فقولتله ليه يا فاروق دي تسجيلات عاديه قالي اسمع الكلام بس ومتفتحش منهم حاجه دلوقتي فانا سكت ومهتمتش للامر خالص بس لما حصل بيني وبين جمال خناق واختلفنا وبطلت اشتغل معاه خدت مراتي وبعدت عن هنا شويه وكنت متغاظ من جمال جداا لاني فكرته السبب في حريق الفندق علشان اموت جواه يعني بس طلع اصلا هو كمان كان في الفندق فاكيد مش هيولع فيه وانا عرفت ده متاخر ولما فاروق مات جوه الفندق وانا خدت مراتي وبعدت خوفت جمال يأذيني بسبب الخناق اللي حصل بينا وخصوصا ان حد قاله اني انا اللي ولعت في الفندق المهم ساعتها كلمت الرائد اسلام وقولتله يجي ياخد اصوات ضدد جمال طبعا حضرتك هتقولي اما هو زي ماقولت شخص كويس الاصوات دي بتقول كده ازاي انا هثبتلك بلدليل القاطع اليوم ده لما كلمت اسلام قبلها كنت بشوف حاجات قديمه فسمعت الاصوات لاول مره لان كبرت دماغي لما فاروق قاالي مفتحهاش ولو كان عايش كان جمال خرج من زمان لان السر معاه المهم استغربت ان جمال ليه في السلاح وحتي الفندق اللي انا مشاركه فيه بيتاجر فيه بلدعاره فقولت بس هي دي فرصتي ابلغ عنه وابعده عن طريقي بدل مانفضل انا وهو في بينااا بحور مشاكل وده دليل تاني لانه ازاي الراجل اللي انا وهو مش بنطيق بعض نهائي وحصل بينا بحور مشاكل اني اقف ادافع عنه مش غريبه دي شويه يا سياده القاضي بس ده لانه بريئ المهم ساعتها قولت يلا يغور جمال ويتحبس وانا ارتاح وده اللي حصل لحد ما مدام اميره الدمنهوري كلمتني وكانت بتتكلم فعلا بود ومحبه ولا اكني عملت كده في جوزها فلما قالتلي انها حامل في تؤام ساعتها انا حسيت باحساس بشع اوي انه بسبي اطفال هتتيتم من قبل ماتيجي وضميري صحي قولت طب ما ممكن يكون الاصوات دي مزوره ليه امشي ورا حاجات سمعتها وخلاص خصوصا اني كنت دراع جمال الدمنهوري وصاحبه وسره معاايا وعمره ما جبلي سيره الكلام ده لا سلاح ولا بنات ولا غيره فسمعت الاصوات مره واتنين ولفت نظري حاجه مهمه اوي
القاضي ايه هي
فهد بتنهيده بص حضرتك قدامك كده وراح فهد جاب لاب توب وحط التسجيلات عليه واكمل من غير متشغلها واقري بعنيك متعليش صوتك اقري بس بعنيك بص فاروق لما سجل الصوت كتبه بلتاريخ اللي سجله فيه ساعتها و مكتوب ( تسجيل يوم 8/17 )
والتاني ( تسجيل يوم 8/18 )
القاضي تمام قريت وده ايه فايدته
فهد تسمحلي يا سياده القاضي اسأل جمال بيه سؤال
القاضي اكيد اتفضل
فهد مع العلم اني مليش مصلحه انه يخرج وبردو مقولتش لاي حد من الموجودين في القاعه التسجيلات اتسجلت يوم ايه معادا القاضي طبعا شاف بعنيه
القاضي تمام يا فهد اتفضل
فهد جمال بيه انت سافرت تركيا امتي بلظبط من كام لكام
جمال وهو بيفكر اكمل تقريبا من 8/15 الي 8/20
فهد لف للقاضي واكمل بابتسامه اديك سمعت حضرتك اقوي دليل في القضيه اما جمال بيه يوم 15 كان في تركياا اصلا الاصوات ازاي بتقول انه كان في المكتب بتاعه في مصر ومتسجله يوم 17 و 18 لما هو اصلا مكنش هنا ورجع بعد التسجيلات دي بيومين كمان
القاضي طب وايه يثبت ان جمال فعلا كان في تركيا ساعتها
فهد بابتسامه كنت عارف حضرتك هتسأل السؤال ده اولا انا هقولها تاني مليش مصلحه اساعده لان بيني وبينه عداوه ومشفتوش خالص حتي ولنفترض انه علاقتنا كويسه ببعض وانا عايز اخرجه مشفتوش ولا مره في الزياره علشان اقوله يقول كده
ثانيا هو بنفسه اللي قال الايام قدام حضرتك ومن غير مايشوف اللاب لا هو ولا غيره. يعني ميعرفش ايه اللي مكتوب اصلااا علشان يقول التواريخ اللي قالها دي وحضرتك بس شوفت التسجيلات مكتوب عنوانها ايه وهو سالته سؤال رد عليه مش اكتر
ثالثا هرجع اقول ولان القانون يعني ادله فانا جبت لسيادتك 5 مقاطع من الفندق في تركيا بعدد الايام اللي هو كان فيها هناك وبيبان فيهم وهو خارج وهو داخل ومكتوب علي كل مقطع فيهم فعلا التاريخ اللي هو قاله وقسمابالله انا مكنتش اعرف انه هيقول الايام دي انا بس واحد حبيبي في تركيا طلبت منه يجبلي من الكاميرا بتاعت اافندق بتاعه اللي كان مقيم فيه جمال بيه وطلبت منه ان يكون التاريخ مكتوب تحت كل فيديو وهو دور وجابلي خمس فيديوهات بخمس تواريخ من 15 لي 20
وفعلا فهد شغل المقاطع وشافهم القاضي كلهم بنفس التواريخ اللي قالها جمال
فهد بتنهيده وبكده قدرت اثبت جزء بسيط وانه فعلا لما التسجيلات دي اتسجلت جمال بيه اصلا مكنش في مصر وقدرت اثبت اني مش انا اللي سجلتهم
القاضي طب ازاي التسجيلات دي بصوته وايه يثبت انه مش هو حتي لو مثلا في التليفون المهم انه صوته اللي قال كده
فهد بتنهيده مع ان الادله قاطعه بس بردو عملت حسابي وجبت لحضرتك ورقه مختومه من شركه الديب الشركه دي معروفه بانها بتفهم كويس في الذكاء الاصطناعي والفبركه والفوتشوب وكل الكلام ده والورقه دي ممضيه ومختومه من عماد الديب نفسه مالك الشركه وبتثبت انهم بعد بحث وفحص كامل للتسجيلات دي انها مزوره ومستخدمين في تزويرها الذكاء الاصتناعي وده سهل جداا يتعمل دلوقتي وناس كتير بتأذي بعض بيه مجرد بس ما جمال بيه يتكلم مثلا يقول صباح الخير وحد يسجل صوته يقدر يستخدم الصوت ده في الذكاء الاصتناعي ويخليه يقول اي حاجه هو عايزها
القاضي اه عارفه طبعا الذكاء الاصتناعي جايب مشاكل كتير طب وريني الورقه دي كده
فهد بابتسامه اتفضل يا فندم
وفعلا فهد ورهاله وانها ممضيه ومختومه ونفس الكلام اللي قاله فهد
القاضي تمام يا فهد كده فاضل قضيه بتاعت البنات اللي بتشتغل في الفندق
فهد بابتسامه منستش طبعا يا فندم وخليت الرائد سيف الالفي خد اذن نيابه وسجلت فيديو ل 6 البنات وهما بيتكلموا عن الموضوع ده من غير مايخدوا بالهم بس حضرتك بس تشوفوا لان مش عاوزين حد يعرف هما مين احسن منجبش لحد فضايح وفي الفيديو ده البنات بتقول انهم كانوا بيروحوا يسهروا لليل ويرجعوا و مكنش بيحصل اي اعتداء عليهم او اتجار بيهم
القاضي تمام وريني الفيديو ده
فهد سيف لو سمحت هاته
سيف قام وراح حطه قدام القاضي وقعد تاني
والفيديو كان بيقول
( فهد بضحك فينكم مختفين يا بنات واحشتني ايام قعدتنا زمان
ساره. بضحك اه مين سمعك كنا بنفضل نسهر لوش الصبح واروح اتهزق من ابويا
دنيا بضحك دي كانت ايام فظيعه ضرب وتهزيق منهم كل يوم بس الفندق والبار ولعوا ومن ساعتها مش عارفين نسهر فين والنبي يا فهد
فهد بضحك ياستي اديني جيت من غير مانروح نسهر كلعاده المهم اطمنت عليكم متقطعوش الجوابات صحيح شوفتوا الافتري اللي حصل
تاليا حصل ايه
فهد بضحك تخيلي جمال اتحبس ومتهمينه انه كان بيتاجر ب البنات اللي بتروح البار وبيخلي حد يعتدي عليهم
ملك بضحك ايه الكلام الفاضي ده لا طبعا جمال هيعمل كده ليه ناقصه فلوس مثلا
تاليا بضحك حصل دي ناس فاضيه يا فهد
جودي يا باشا دي غيره باينه اوي هي العين بتكره الاحسن منها
يارا جمال هيخرج منها ايه الهبد ده الكلام ده مش بيحصل هو الواحد علشان بيروح يسهر شويه طلعوا عليه كل ده
فهد بضحك فعلا الناس مش وراها غير الرغي. )
وخلص الفيديو
فهد بابتسامه اديك سمعت بنفسك حضرتك واكيد لو هما حصل فيهم كده مش هيكدبوا لا ده بلعكس ماهيصدقوا ينتقموا من الراجل اللي دمر حياتهم بلشكل ده وباين جداا انهم مش بيبصوا علي ااكاميرا اللي في جيبي ولا واخدين بالهم اني بصور وخصوصا انه بأذن نيابه يعني كان مباشر كده اللي اتقال ده اتقاال والرائد سيف الالفي سامع كل حاجه فكده حضرتك قدرت اثبتلك بكل الادله القاطعه ان جمال بريئ
وفاجاه علت اصوات التسقيف من الصحافه والهتافات لفهد وبراعته في اثبات الادله
القاضي بحده هدوء لو سمحتم وبص لفهد واكمل بضحك انت مش جيت تشهد انت عملت مرافعه كامله يا فهد
فهد بابتسامه شكراا يا فندم
القاضي انت خريج ايه يا فهد
فهد بضحك الحقيقه يا فندم انا خريج حقوق بس عمري ماشتغلت بشهادتي خالص غير فتره صغيره محامي شركه الانصاري لكمال بيه
القاضي بضحك لا يا جدع ده طلعت مش موهوب وبس لا دي مهنتك كمان
اسلام بحده يعني اي يا فندم
القاضي بحده ممكن تسكت خالص يا اسلام انت دورك خلص
وقام علشان يقرر هيقول ايه
واسلام بص لفهد بحقد وراح ناحيته واكمل بحده هو شغل عيال انت ازاي تقول نحبسه بعدين تروح انت تطلعه هااا
فهد بحده مش معني انك ظابط هسكتلك لما تعلي صوتك عليا احفظ ادبك واتكلم عدل القانون يعني ادله وانا اثبت بلادله
اسلام بحده ادله مزيفه
فهد بضحك اثبت بقي وهمس بقولك ايه يا اسلام اخرج منها احسنلك انت قدمت اللي عندك وانا قدمت اللي عندي والقاضي هيقول الخلاصه
اسلام بصله بحده ومشي من كل المحكمه
اميره بصت بدموع فرح وامل لفهد وهو ابتسملها بفرح كبير وبص لجمال اللي كانت كل نظرته لفهد تحمل معني ليه عملت كل ده علشاني انا مستاهلش وعيونه مليانه دموع
فهد قرب منه واكمل بدموع فرح لو طلعت يا جمال انا هفضل طول عمري كله فخور بلكليه اللي اضايقت لما دخلتها
جمال بدموع ليه يا فهد تعمل كده وازاي
فهد مسح دموعه وابتسم واكمل اجمد كده متعيطش مش متعود علي جمال الدمنهوري بيعيط ابداا وادعي ربنا القاضي يخرجك وانا هقولك ليه وازاي
القاضي دخل وقعد وخبط وكله انتبه ليه
اميره بدموع يارب يارب وغمضت عنيها وتقسم ان دقات قلبها كانت مسموعه زي الطبل من الخوف وجسدها كان بيرتعش
فهد بقلق يارب خير باذن الله خير
جمال غمض عنيه ونفخ بخوف واكمل بدموع وهمس عارف اني غلطت وكتير اوي بس علشان عياالي واميره يارب سامحني
القاضي بعد الاطلاع علي الاوراق وسامع الشهاده كامله بلادله قررت المحكمه بلحكم علي المتهم جمال احمد علي الدمنهوري بلبراءه رفعت الجلسه
اميره فتحت عنيها بصدمه وابتدت تعيط بهستريه من الفرح لولولوولولولولوولولولولوولي صوت زغرطوتها سمعته كل القاعه واكلمت بدموع فرح والنبي بجد هيخرج والنبي مش مصدقه وفضلت تتنطط من االفرح وهي حاطه ايديها علي بوقها ومصدومه ودموعها بتنزل
جمال بصدمه اييه ده هو ده بجدد واكمل بدموع فرح هو انا هخرج بجد?? الحمدلله يارب الحمدلله حمداا كثيراا وبص لاميره وشاف فرحتها ودموعه نزلت اكترر وسجد شكر لله وهو بيبكي من الفرح والمعجزه اللي حصلت
اميره بعياط من الفرح شكرااا ياااارب شكرراا يارب الحمدلله الحمدلله انا مش قاارده اصدق الحمدلله بجد
فهد تنهد بارتياح واكمل بفرح شكرا يا سياده القاضي بسبب حضرتك هنام علي المخده مرتاح
القاضي بابتسامه لا ده الصح متشكرنيش انا احب ابدي اعجابي بيك وبمرافعتك الهايله والكامله كل الادله مش هقول شاهد لالا انت مكنتش شاهد انت فعليا كنت محامي وشكلك كنت مجتهد في حقوق وبنصحك كمل شغلك كمحامي
فهد بضحك شكرا بجد مش عارف اقول لحضرتك ايه بس دي اول مره في حياتي اقف قدام قاضي واعمل كده بس الحمدلله عدت علي خير
القاضي بابتسامه و اول قضيه تكون قضيه مهمه زي دي و مصر كلها بتابعها وتقف بكل شجاعه وانت اللي مقدم البلاغ وتقلب الدنيا كده تبقي انت فعلا هايل يا فهد
فهد بابتسامه فرح شكراا بجد يا فندم عن اذنك
وراح في اتجاه انه يخرج برا في قاعه الانتظار علشان يستني جماال يطلعله
————————————
في مكتب فارس
فارس بصدمه انا لسه مذهول هو اللي كان بيتكلم ده اخويا ??
حور بضحك اخوك مين وربي ده معلم ده يوديكم البحر ويرجعكم عطشانين عملها ازاي ابن القرده
عمر بصدمه انا قولت رايح يشهد مش رايح يترافع ده صدمنا كلنا
ليلي ضحكت بسخريه واكملت بدموع وعمال يخطط ويجيب ادله ويشتغل علي القضيه ولا اكني مراته ولا معرفني حاجه ولا ليا لازمه اصلا واخرها يحلف عليا بلطلاق
فارس بتنهيده ليلي علشان خاطري ممكن تهدي ومتضايقيش نفسك انا هبهدلهولك والله
ليلي بدموع كبر دماغك يا فارس انا بقي لما يجي هقوله يطلقني صح
شروق بصدمه يطلقك ?? بس يا ليلي انتي اتجننتي ولا ايه يطلقك ايه بس ده انتي وفهد زي السمك ف المايه متعرفوش تعيشوا من غير بعض
ليلي بدموع انا السمك انما هو المايه لو سمكه طلعت هتموت. انها سابت المايه بس المايه فيها سمك تاني فمش هتغلب
فارس يتنهيده طب بتضحكي علي نفسك وخلاص انتي عارفه ان فهد معشقش غيرك في الدنيا ومش معني انه خبي عليكي يبقي مش بيحبك ده خبي علينا كلنا يا ليلي وده لانه عارف ان محدش فينا هيوافقه في اللي عمله ده نهائي وبلنسبه للحلفان فهي كلمه طلعت وقت عصبيه
شروق اه بلظبط انما هو ميقدرش يطلقك لو حصل ايه وقال كده كنوع من الضغط عليكي علشان خاف يسيبك لوحدك ويمشي يكون جمال مثلا مراقبكم ومسلط انه مجرد مافهد يطلع يأذوكي فخاف يسيبك وخاف ياخدك فقاالك تيجي هنا واه كلمه طلعت بس ذله لسان ده بيعشقك يا ليلي هتسني كل حاجه علمها علشانك فاجاه كده علشان غلطه ده عنيه بتلمع لما بينطق اسمك او يشوفك بطلي هبل كده واهدي وهدي سرك اتقمصي شويه وخلاص انما معندناش طلاق احنا انا عمري ماقولت لفارس في أي خلاف يطلقني غير مره لما مكنتش اعرف انه حبيبي
ليلي بدموع ولا فارس عمره قالك هتروحي ولا احلف بلطلاق ?
شروق يمكن علشان عمري ماقولت لفارس لا في حياتي كلمته بسمعها علطول وعلشان اكون صريحه هو مشوار الدكتوره قبل كده بس روحت من وراه ومن ساعتها مبطلعش في حته من غير مايعرف وحصل حوار تاني بس ده كان غصب عني وهو عرف اني فعلا مقصدش ده حتي لما بيبقي في كلام بيتقاال وانا مثلا اتكلم مجرد مايقول شروق متتكلميش انتي بسكت يا حبيبتي اارجاله مبتحبش العندد اسمعي مني فكل حاجه بقي مش مواقف ومواقف لا في كله مش بتحب العند واهي كلمه حاضر بتريح
ليلي بحزن والله انا فهماكي وانتي صح بس كنت خايفه عليه مش قصدي اكسر كلامه خالص
شروق وانا مقولتلكيش هو من حقه يقولك اللي قاله بردو هو غلطان بس مش هنمسك لبعض علي الواحده يعني لازم نعدي علشان المركب تمشي افتكري فهد عمل علشانك ايه وبيحبك قد ايه حتي يعني سوري بس انتي فهماني حقه اللي انتي منعتيه منه لفتره كبيره ده انتي اتجوزتي بعد جوازي بيومين ولسه بس قريب رضيتي عنه وطريقتك معاه وكل حاجه عملتيها بصراحه مفيش راجل كان يتحملها بس اتحمل لانه بيحبك يا ليلي وبيحبك اوي كمان فمش علشان غلطه هنقول انه اتغير وبلنسبه لانه خبا عليكي موضوع جمال ده زي ماقاال فارس لانك كنتي هتقوليله لا ولو مسمعش منك كنتي هتسلطي فارس عليه وهتعملي كل حاجه بس هو ميقفش يعمل كده في المحكمه ده انتي فضحتيه وخربتي الدنيا علشان هيروح بس مبالك لو كان قالك هيعمل ايه فعلا محدش فينا كان هيرضي ابداا فعدي يا لولا واضحكي كده فهد بيحبك واوي كمان وبقي في سكره جوه زهق من دي ام نكديه
ليلي بضحك من بين دموعها حاضر يا شروق هعمل كده عنيا
شروق بضحك يلا شدي حيلك ونجوز النونو للنونو بتاعي لو النوع اختلف
ليلي بضحك موافقه طبعا بس ده في حاله لو انتي ولد وانا بنت علشان الولد يكون الكبير
شروق بضحك كبير صغير هي البنت لابن عمها وغمزت ولا انتي شايفه ايه
ليلي ابتسمت بحب واكملت حيوان بس للاسف بحبه
فارس بضحك اخو الحيوان قاعد هاا
ليلي بضحك انت حبيبي انت ياريت كله زيك مننا وعلينا اكيد مش هتقول ها
فارس بضحك ارشيني علشان متكلمش
ليلي بضحك طب تصدق قوله عادي انا هخاف ليه مجرد مايجي يقولي هو ده حصل يا ليلي هقوله
شروق بضحك ايوه هتقولي ايه
ليلي بضحك هقوله لا طبعا ياروحي وابوس خده هينسي هو سألني علي ايه اصلا
عمر بضحك ااه انتي عارفه نقطه ضعفه بقي
يوسف بضحك ستات قادره
شروق بضحك عيال نبيل الاتنين كده وحياتك مش بيتصالحوا غير بلطريقه دي
فارس بضحك بس يخربيت امك ايه كفايه فضايح
شروق بضحك الله مش الحقيقه
فارس بضحك هو اه بصراحه بس لما بتكونوا غلطانين اوي والله لو ايه مش بنتاثر
ليلي بضحك ايوه ايوه حصل قبل كده ضايقت فهد رحت حطيت ايدي علي رقبته كده وبصالحه راح نزل ايدي وقالي علي اساس كده هتصالحيني يعني ونزل وسابني
شروق بضحك اه بصراحه في دي اه بيحصل بس الطريقه دي بتنفع في الاغلب
حور بضحك يالهوي ومبسوطين ده ايه الاحراج ده
عمر بضحك خدي بالك لما نتجوز انا بتصالح زيهم اصل احنا عشره
كلهم فضلوا يضحكوا بشده
حور بخجل عمر بجد اتلم وخبت وشها وهي بتضحك من الكسوف
عمر باس ايديها واكمل بضحك خلاص خلاص احمريتي علي الاخر كفايه كسوف
حور باحراج بجد انت عايز تتربي وضربته في كتفه
عمر بضحك خلاص والله سكت
شروق ضحكت عليهم وبصت لي ليلي واكملت بحب ايوه كده اضحكي وفكي شويه ومتنسيس كلامي ليكي ابدا يا ليلي خديها مني بقي كلمه فهد من نفسه عارف انه غلط وهيصالحك انتي اتقلي حبه كده بس مش برخامه وعدي دنيتك وربنا يهدي سركم يا حبيبتي وتفرحوا بي البيبي
ليلي بحب حاضر وامين يارب بجد
فارس بحب انتي عقلتي كده امتي يابت ياشروق
شروق بضحك طول عمري ياروحي انت بس اللي مش بتاخد بالك
حور بضحك امممم اممم هتقوليلي
فارس بضحك لا بلاش حوراات بس خلينا ساكتين احسن مش ناقص نكد
شروق بضحك ماشي يا فارس ماشي هوريك هعمل ايه بس لما نكون لوحدنا
فارس ضحك واكمل بغمز وانا موافق
شروق بضحك يا قليل الادب احترم نفسك الناس قاعده انا مقصدش كده
فارس بضحك ابقي اعرف قصدك لما نكون لوحدنا بقي دلوقتي يلا انا هنزل رايح عند فهد علشان حسابي معاه لسه مخلصش
عمر بتنهيده انا مش قادر افهم لدلوقتي ليه عمل كده وطلع جمال
ليلي بحزن انا عارفه
عمر ليه
ليلي بحزن اميره حامل في تؤام وفهد من ساعه ماعرف وهو نفسه يخرج جمال بأي طريقه لاجل عياله خصوصا ان جمال اتغير وكتب علي اميره رسمي وبقي شخص تاني
شروق بحزن ما هو بصراحه حرام اطفال يحصل فيها كده ومش هقولك تسقطهم وخلاص علشان ميبقوش ايتام لاني لما اتحطيت في الموقف ده انا كنت منهاره هو مش سهل ابداا بجد
فارس بستغراب ازاي يعني اتحطيتي فيه مش فاهم
شروق اتصدمت من كلامها واكملت بتوتر اقصد الحلم اللي حكيتهولك يا فارس بجد مجرد التخيل صعب انك تبقي مضطر تنزل حته منك فاميره فعلا وجعها صعب اوي
فارس بشك تمام يا شروق
ليلي خدني معاك يا فارس
فارس طب يلا تعالي
شروق اه وانا خدني معاك معلش يا فارس
فارس بصلها بصه هي مفهمتهاش واكمل عمر روح شروق بعربيتك الفيلا معلش وخليكم هناك هجيب فهد وسيف ونعد كلنا سوا
عمر حاضر
شروق بستغراب فارس انت مسمعتنيش انا قولتلك خدني
فارس بحده ومقاطعه لا مسمعتش علي البيت وخرج وهو ماسك ايد ليلي
حور بشك في ايه يا شروق مش ملاحظه ان جوزك قلب عليكي فاجاه عملتي ايه انتي
شروق بحزن كبري دماغك يا حور ويلا بينا نروح
عمر يلا
وطلعوا
————————————
عند فهد
فهد كان واقف ومستني زي ماهو لان طبعا الاجرائات بتاعت الخروج بتطول اوي
اميره شافته فراحت عنده واكملت بعياط من الفرح انا مهما اشكرك مش هعرف اوفيك حقك يا فهد ربنا يخليك لاهلك وحبايبك ويفرح قلبك زي مافرحتني وردتلي روحي ورجعتلي جوزي ليا ولعياله بجد مش عارفه اقولك ايه انت الاستجابه والمعجزه اللي كنت كل سجده بدعيها بيقين انها تيجي تنفذ جماال لانه اتغير وتاب وترجعه ليا ولعياله حقيقي مفيش كلمه توصف مدي شكري ليك
فهد بابتسامه بس بس ممكن تهدي انا معملتش حاجه خالص ده كان الصح يا مدام اميره محدش فينا ملاك وجمال خلاص اتغير يستحق فرصه تانيه يعيش بيها حياه نضيفه
اميره بدموع برغم كل اللي عمله فيك انت مفيش زيك والله يا فهد بجد مش عارفه اقولك ايه والله العظيم مش عارفه اعبر غير اني بس مبسوطه اوي وهطير من فرحتي مش قادره اتخيل انه حصل كل ده فاجاه كده من الاعدام لبراءه ده انا كنت بدعي يتسجن كام سنه مش مشكله بس ميموتش بس حقيقي ربنا فضله عظيم الحمدلله ربنا يفرحك يا فهد ونشوف عوضك يارب
فهد بحب قريب باذن الله
اميره بفرح ايه ده ليلي حاااامل
فهد بحب اه نشكر ربنا بقالها اسبوع اهو
اميره بفرح يا الف مبروك والله فرحت قلبي بلخبر ده عقبال ماتقوملك هي فهد الصغير بخير يارب
فهد بحب يااارب يسمع منك ربنا وانتي وهي ومرات فارس ومرات يوسف يارب
اميره بضحك ده الفريق كله حوامل بقي
فهد بضحك اه خدت بالي
وعلي كلامهم خرج جمال ولمحته اميره من بعيد
اميره بدموع فرح جمااال وجريت لحد ماوصلتله واتعلقت في رقبته وحضنته وهي بتعيط من الفرح وهو ضمها ليه اكترر وهو بيبكي الفرح
اميره بعياط فرح الحمدلله الحمدلله يا حبيبي انك بخير نشكرر ربنا ونحمد فضله انه ادالك فرصه تانيه وسمحلك تعيش حياه جديده بعيد عن كل القرف القديم ده انت انهارده اتولدت من جديد يا جمال وهتفضل معايا طول العمر حقيقي مكنتش قادره اصدق انك ممكن تسبني كنت هتكسر بعدك وهموت بس الحمدلله يارب الحمدلله انك مخذلتنيش ولا خذلت دعايا بل ادتني اكتر ما اتمنيت كنت واقفه مستينه حكم موتي وقهرت قلبي وكسرته بس ربنا عظيم وسمعت اللي فرح قلبي وردلي روحي الحمدلله يا حبيبي انك بخير الحمدلله انك خرجت وهتفضل معايا وضحكت بفرح واكملت وهتشوف ولادك كمان وهتكبرهم وهنعمل كل اللي نفسك فيه
جمال بدموع فرح اااه يا اميررره اااه متخيلتش اني هخرج وهاخدك في حضني خالص انا لو كنت بتمني اني اخرج فعلشاانك انتي وعيالي بس يا اميره عارف انك هتتعبي من غيري وهما هيفتقدوا ابوهم انا كنت هتقهر علي بعدك عني بس الحمدلله بجد الحمدلله انا مش مصدق خالص انا حاسس اني في حلم بس حلم حلو اووي ومش عايز افوق منه بجد دي حقيقي معجزه وطلما ربنا راضاني وخرجني من محنتي دي من انهارده خلاص هبقي واحد جديد و هبدا معاكي حياه جديده خالص مفيهاش غير الخير والصح وهنودع اي حاجه وحشه ومش هخرجك برا حضني ابداا يا قسمتي ونصيبي الحلو يا عوضي عن كل اللي شوفته ونورعيني اللي بشوف بيها ظهرتي ودخلتي حياتي وكنتي السبب بكلامك وتأنيبك ليا المسمتر اني اتغير وحط ايده علي بطنها واكمل بحب حتي عيالنا لما عرفت بيهم قولت اتغير لاجل يعيشوا في سلام واللي عملته ميتردش فيهم انا لو خرجت انهارده فا ده من دعواتك ليا يا اميره ربنا سمع منك واستجاب لانك مفيش اطيب منك ولا من قلبك تعرفي انا فعلا مش عارف اعبر عن حبي ليكي بكلام وباس جبينها واكمل ولا عن فرحتي اني معاكي دلوقتي بكلام بس كل اللي هقولهولك انك فعلا الدنيا في عيني يا اميره وبوعدك ان مش هنجيب سيره اللي فات خلاص للابد احنا اتولدنا انهارده من جديد ووطي باس بطنها واكمل بدموع فرح وفرحتي اني هشوفهم لما يجوا ومش هتحرم منهم مش سيعاني ومخلياني عايز اتنطط بجد حقيقي نعم ربنا كتيرره اووي وفضله عظيم لا حرمني منك ولا من عيالي اللي لسه مجوش واداني وراضي قلبي واداني فرصه تانيه اني اعيش حياه نضيفه الحمدلله بجد
اميره نزلت لمستواه وحضنته واكملت بحب ودموع وهي بتمسحله دموعه خلاص بقي يا حبيبي بلاش دموع كفايه حزن احنا تعبنا اوي يا جمال ومش عايزين من اللي جاي غير اننا نقرب لربنا ونفرح ونعيش كل حاجه سوا بقي ونعوض بعض عن كل اللي فات من عمرنا
جمال بحب اكيد يا حبيبتي ومسح دموعها واكمل بس واحنا بنقرب لازم نقرب صح
اميره بستغراب مش فاهمه
جمال حط ايده علي شعرها واكمل بحب يعني لازم تغطيه يا اميره
اميره بدموع فرح هو بجد انت اللي بتقول كده
جمال طب تصدقي مش هتكلم معاكي تاني وقام وقف
اميره حضنته واكملت بحب وفرح قولتها يا جمال من قبلك اني لازم اتغير وفعلا نيتي اني كنت هلبسه بس استغربت انك انت اللي بتشجعني بس فرحتي اكبر من استغرابي وحاضر يا حبيبي هنخلي فرحتنا اتنين ومن انهارده هلبس الحجاب
جمال باس جبينها واكمل ربنا يهديني ويهديكي يا اميره قلبي وحياتي
فهد كان واقف قدامهم شويه وشايف وسامع كل حاجه وتنهد براحه علي قراره فانه يخرج جمال وراح عندهم واكمل بضحك ما خلاص يا چيمي كفايه احضان وبوس صحيت الجفاف العاطفي اللي جوايا
جمال بص في الارض ودموعه نزلت
فهد قرب منه ورفع وشه واكمل بحب لا يا جمال متوطيش راسك ليا انا اخوك الصغير اوعي تتكسف مني انت لو كنت وحش انا كنت زيك يمكن انت ابوك كان مقويك قبل مايموت علي كده فطلعت وحش غصب عنك لان ابوك نفسه كده انما انا ابويا لو كنت بصيت لحد بس واانا بقول صباح الخير كان يبهدلني مفيش غير ليلي كنت بقوله انا رايدها وهاخدها فكان يسمحلي اني اكلمها براحتي يعني كنت عمري ما كلمت بت ولا حضنتها غير ليلي مراتي ومع ذلك غيرت مبادئي وبقيت وحش ااه هو من اللي شوفته بس الغلط مالوش مبرر وغلط عن غلط بيفرق واحنا الاتنين غلطنا واحنا الاتنين اشتركنا في الفندق سوا واحنا الاتنين اتغيرنا بعد كده يبقي احنا الاتنين نستحق فرصه تانيه مش من العدل ابداا انك تموت وانا اعيش لمجرد اني عرفت اني غلط قبلك بس كنت بغلط زيك
جمال بدموع فهد انا مش الفندق بس انا كل ااكلام اللي اتقال ده كان صح
فهد حط ايده علي بوقه واكمل بهمس وحده بس هششش انت عايزني اتحبس ده تزيف قانوني اسكت الله يرضي عنك صحيح الورقه بس اللي مزيفه بس بردو اسكت انما الباقي صح حتي البنات وافقوا بارادتهم
جمال بدموع عملت كده ليه وازاي يا فهد انت عرضت نفسك لخطر كبير وكل ده ليه انا اذيتك في حياتك واكمل بوجع وهي بيبص بعيد وكنت هعمل فيك حركه وحشه وتكسرك طول العمر وبصله واكمل بدموع ليلي انا عارف ان فعلا مكنش ليها ذمب وانا اسف بجد يا فهد انا كنت غلطان ووحش اوي بس بوعدك من انهارده خلاص عمري ماهغلط تاني ومفيش اي ست في حياتي غير هي اميره وبس
فهد بابتسامه ولولا انك جوزها كنت هقولك ملكش دعوه بيها دلوقتي وطلما هتوب اتجوزها بص يا جمال المثل بيقول داين تدان بس انا كمان ربنا كان رحيم معايا في المثل ده لو كان اتنفذ كان زمان ليلي خسرت شرفها وانا اتقهرت عليها زي ماقهرت بنات كتير اوي بس ربنا لمس صدق قلبي وكلامي وشاف اني نيتي فعلا اني خلاص مش هبقي وحش تاني فحماها منك ومن غيرك والحمد والشكر لله محدش لمسها ولا حد اذاها وحققت وعدي ليها وهي حاليا بقيت مراتي وام ابني اللي جاي وكل حياتي كمان ويعلم ربنا انا ليلي عندي خط احمرر بس مفيش حد ملاك وخلاص اللي فات مات انا مش هلومك لاني كنت زيك
جمال بدموع مبروك يا حبيبي وتقوملك بالف خير يارب و انا اسف بجد يا فهد انت خلتني احس اني حقير اوي لما جيت عملت كده وطلعتني وانا كنت هقتلك ودمرت حياتك انت ومراتك بجد متخيلتش تعمل كل ده حقيقي الموضوع صعب اوي ودموعه زادت واكمل تعرف لما اتغيرت وبقيت كويس وجيه اسلام قالي انك هتشهد ايه وجعني
فهد بحزن ايه وجعك
جمال بدموع ان فهد اخويا الصغير وصاحبي وبير اسراري هو اللي هيجي ويقول حكم موتي بنفسه بس مزعلتش منك وقولت حقك انا اذيتك كتير بس صعب عليا اني هموت بحكم منك انت وانا كمان معوضتش اميره عن كل اللي شافته معايا هي متستاهلش كده اميره هي البنت اللي قولتلي هتوقعك وحصل وهي بقيت كل حياتي
فهد حضنته واكمل بدموع كان يصعب عليا اقول كلام يوديك للموت يا جمال وانت كنت صاحبي واخويا الكبير مقدرش اعمل كده مفيش حد ملاك كلنا كنا وحشين وكلنا اتغيرنا وزي ما غلطك دخلك السجن غلطك خرجك منه
جمال ودموعه علي خده اكمل بستغراب ازاي
فهد بابتسامه ولادك هما الغلطه الوحيده العدله ليك من قبل مايجوا الدنيا وشهم حلو عليك لما عرفت ان اميره حامل في تؤام يوميها منمتش من التفكير وفكرت فكل الخطه دي وخدت منها رقم عماد الديب لاني كنت علي تواصل مع اميره وهي اللي قالتلي اهرب منك لما عرفت مكاني و فضلت شهر بروح واجي علشان انفذ الخطه دي وضحك واكمل يعني بخرج اجيب ادله ليك تساعدك وانا خايف ان حد من رجالتك يشوفني تخيل
جمال بابتسامه انت فعلا صح ولادي وشهم حلو عليا من قبل مايجوا واميره طول عمرها الملاك. اللي في حياتي بجد يابختي بيها وعملت الصح لما قالتلك وطول عمرها صح الحمدلله مكنتش هسامح نفسي طول العمر لو وصلولك واميره مش ساعدتك انت بس دي ساعدتني انا كمان مشلش الذمب ده وانك تيجي تطلعني لان لو وصلولك عمرك ماكنت هتساعدني ربنا عمل الصالح وانا يوم ماعرفت بردو انهم تؤام في نفس اليوم قولت لعاصم يبطل تدوير عليك ويسيبك في حالك خالص
فهد بضحك لا يااا رااجل وانا اللي بقول كويس الدنيا ماشيه عادي وبخرج وبرجع اقسم بالله ده انا عامل مع ليلي حوار علشان اجي وكل نزوله كانت بحوار بردو
جمال بحزن حقها طبعا تخاف اللي حصل مش قليل ابداا
فهد بحب اللي حصل يتنسي خلاص خلينا في انهارده يوم جديد بحياه جديده
جمال حضنه واكمل بحب اللي عملته انهارده يا فهد انا مش هنساه طول حياتي دين ليك طول العمر انت ادتني اغلي هديه ممكن اخدها في حياتي من حد البراءه وبسببها هفضل مع اميره وهشوف عياالي كمان
فهد وهو حاضنه طبطب علي ضهره واكمل بحب محصلش حاجه انا عملت الصح واكمل بضحك وربنا يسامحني بقي علي كل الحورات دي بس الشهاده لله هي الورقه بتاعت عماد بس والباقي صح
اميره بضحك هيسامحك علشان انت نيتك خير وقلبك ابيض يا فهد
جمال بحب يارب يسامحنا كلنا وضحك واكمل بهمس بس ايه ده يخربيتك معلم معلم معلم ده انا اقتنعت عملتها ازاي
اميره بضحك حصل والله لولا اني عارفه كنت هقول كلامه كله فعلا صح
فهد بضحك دي اقل حاجه عندي ابهرتكم مش كده ??
جمال بضحك انت ابهرت مصر كلهااا انت بقيت اشهر شاهد عمل مرافعه في مصر
فهد بضحك علشان تعرف بس انا مش اي حد انا فهد العامري بردو
جمال بضحك انت تسيبك من اي حاجه وافتح مكتب كبير للمحماه انت بعد اللي انت عملتوه ده انهارده مصر كلها هتجيلك انت
فهد بضحك يا شيخ مش للدرجه
جمال فهد انا مبهزرش. القضيه ميته وانت عرفت تتطلعني منها زي الشعره من العجينه حتي لو كانت الورقه بس كدب بس انت هاايل بجد وانا بردو مش فاهم الباقي عملته وجبته ازاي
فهد بضحك هقولك هقولك بس ايه رايك اخش ارفعلك قضيه رد شرف كمان علشان حبسوك ظلم علي حسب قرار المحكمه انهارده
اميره بضحك ياا بجحتكم مش للدرجه خلاص
جمال بضحك لالا هو لحد كده الحمدلله نحمد ربنا ونشكر فضله مش عاايز اكتر من كده بس فكر بجد في مكتب المحاماه
فهد بضحك عنيا حاضر هفكر مع اني لما دخلت حقوق اضايقت اوي بس قولت انا عملت اللي عليا ودرست يعتبر بلعافيه بسبب اني كنت عايش في المحل بس قولي يا جيمي
جمال اه سامعك
فهد بضحك ماذا بينك وبين الله علشان ادخل انا حقوق وتمر السنين ومستفدش بلكليه دي ولا بشهادتي غير علشان اخرجكك انت بس
جمال بضحك والله انا مفيش اوحش مني يا فهد بس هو ربنا عظيم وكريم اكمل بحب واقولك علي الخلاصه انت اللي مكنتش حابب مجالك وكليتك واديك اعترفت من شويه انك كنت مضايق فطبيعي محبتش تشتغل فيها فمستغلتهاش اصلا انما انت موهوب واي حد غيري كنت هتقدر تساعده بردو لانك مسكت اكبر قضيه في مصر وواقف بكل ثقه اسد بيتكلم ولا حتي بتتوتر ومش بقولك كده علشان تعمل مع الكل زيي لا خليك مع الحق انا عارف انك اكيد عرفت من اميره اني بقيت اصلي واتغيرت ومع حملها واننا عشره وهي اصلا القضيه بسببك علشان بلغت فانت عملت كل ده وخرجتني بس طبيعي مش هتبقي دي طريقتك
فهد بحب اه فعلا ده اكيد نروح من ربنا فين يعني بس موضوعك انت انا كنت مشيل نفسي الذمب لاني غلطت زيك فا ليه اسيبك تتعاقب مع انك توبت بس لو هشتغل كده فبعد كده نرضي ربنا اهم حاجه
جمال بحب بلظبط كده وحاجه كمان انت مدخلتش الكليه علشان بعد كده ربنا يجعلك سبب تنقذني لا ده هو ربنا حطك في المكان الصح ليك اللي انت فيه هتعرف تعمل اسم وشهره وبعد كده خلاك عرفتني واترافعت عني ومصر كلها سقفتلك وهتفتلك انك ازاي اثبت كده ودي هي العبره لما انت دخلت كنت مضايق بس ربنا شايف ان ده مكانك يا فهد ولما اتخرجت وكبرت دماغك تمر السنين تتضطر ترجع لمجالك واشتغلت كتير وطلعت نتيجه هايله ونجحت نجاح مبهر شافته كل الشااشات وكده تكون خطه ربنا ليك اكتملت وطبيعي هو صح لما اختارلك حقوق لانك جدير بيها والنجاح مش انك دكتور ومهندس فارس اخوك خريج تجاره وبدا محاسب وصاحب شركات دلوقتي فانت اللي بتعمل لنفسك قمه يا فهد بص وراك هتلاقي ناس قد كده عايزه تدخل تعمل معاك لقاء صحفي بس انا وصيت رجالتي تبعدك عن اي سؤال خلاص بس فعلا انت جدير بمهنتك ونجحت واتشهرت يا فهد وانا فخور بيك. ولو كان حد غيري بقضيه مختلفه كنت هتخرجه بردو بس انت مكنتش مدي نفسك فرصه تجرب
فهد بحب بجد تسلم يا جمال وفعلا كل كلامك صح والله ربنا دايما بيختار لينا الصالح لينا ربنا يخليك ليا وتفضل كده دايما بنفس العقل ده يااااه
جمال بضحك باذن الله خلاص مش هيبقي في غير كده
وفارس وليلي جم ملقيهمش برا فدخلولهم الاستراحه اللي بيقعد فيها الناس
فارس استغرب كميه الزحمه وخد ليلي قدامه وهو ماشي وحطها بين ايديه بس باعد ايده عنها علشان محدش يخبط فيها ودخل عند فهد الاوضه الفاضيه اللي هما فيها
فهد لما شافها اكمل بحده انتي ايه اللي جابك هنا
ليلي بصت لفارس بحزن
فارس بحده ايه يا حيوان يا ابن الجزمه انا اللي جبتهااا في اييه مالك
فهد بحده يعني انت شايف ان اقولها متجيش وانت تجيبهااا ده صح يا فارس
فارس بحده واللي صح اللي انت عملته مش كده ?? ثم انها جات لما المحكمه خلصت ومعايا علشان ناخدك ونمشي
فهد جيه يمسك ايد ليلي بعدت لورا واستخبت ورا فارس
فهد بضحك لا والله وده من ايه ده
ليلي بدموع انا غلطت اني جيت اطمن عليك واشوفك اصلاا انا فعلا معنديش دم ولا كرامه مفروض بعد ما كنت هتحلف عليا بلطلاق مقعدش علي ذمتك دقيقه اصلا
جمال بصدمه انت كنت هتحلف عليها بلطلاق ?
فهد بحده اه كنت هتنيل بس ذله لسان وقت عصبيه هي بس بتحب تمسك في الغطله وبعدين متفضليش دقيقه علي ذمه مين انتي اتجننتي وراح يقرب منها فارس وقف قدامه واكمل بحده ملكش دعوه بيها
فهد فاارس دي مرااتي
فارس بضحك تصدق مكنتش اعرف وانت فاجئتني بس مش المفروض مراتك دي ليها احترامها ولا انت متعودتش تحترم حد اصلا ليه قالت ايه هي علشان كنت هتحلف عليها بلطلاق علشان خايفه عليك
فهد بحده فارس انت عارف اني بحبها اوي انا قولت كده غلطه مني بجد والله مش قصدي عايزك تصدقني
فارس لا منا مصدقك من غير حلفان واما هو كده دي طريقه تقابل بيها بني ادمه بتحبك وقاعده طول المحكمه قلبها دقاته مهديتش وخايفه عليك ده جاتلي المكتب منهاره وبتعيط بسببك ومش معني انك اخويا هسكتلك لا يا فهد ليلي بنت عمي ويتيمه وزي ماهو مسئوليتك هي مسئوليتي انا كماان وواجبي لما انت تيجي عليها انا هقفلك واجيبلها حقهااا
فهد بدموع فارس انا مقصدش ابداا احسسها بكده واعيطها والله ده من خوفي عليها مكنتش عايزها تيجي فطلعت مني كده
ليلي بحده ودموع. تصدق هصدقك هو لو صح خوف عليا رايح تتطلع اللي دمر حياتنا ليه واللي انت خوفت منه عليا ليه ولا خلاص دلوقتي مبقاش يخوف
فهد بحده ليلي احترمي نفسك انتي عارفه ان جمال اتغير اوي ومبقاش زي الاول بس قولت احتياطي اعمل حسابي ومتجيش معايا وزي ماهو كان وحش انا كنت وحش وزي مانا ليا واحده بتحبني هو ليه واحده بتحبه وزي مانتي حامل مراته حامل وفي اتنين كمااان يبقي اشمعنا انا اعيش وهو يموت واحنا الاتنين غلطنا
جمال بحزن سيبها يا فهد سيبها تقول اللي هي عايزاه حقها وبيقرب ببطئ فاليلي رجعت ورا فارس
فارس بحده مكانك لا ليك كلام معايا ولا مع بنت عمي صاحبك اهو اللي خرجك كلمه هو وبس
فهد فارس ميصحش كده ده انا بقول عليك عاقل
فارس بحده انت مخدتش رايي ولا راي مراتك ولا راي حد مش مفروض مننا نقبل بعد كده اللي انت عملتوا. انت براحتك بس احنا مش مضطرين
جمال بتنهيده فارس ممكن اتكلم معاك شويه
فارس اتفضل
جمال بتنيهده انت بتحب مراتك مش كده ?
فارس اه طبعا بحبها ومن زمان اوي كمان
جمال تخيل حياتك من غيرها كده
فارس سكت ثواني وعينه اتملت دموع واكمل التخيل صعب شروق مالكه كياني وكل حته جواايا اكيد مش هقدر ابعد عنها
جمال بحزن طب وهي حامل تعلقك بيها زاد
فارس ابتسم واكمل هي فعلا حامل بس تعلقي مش زاد بلمعني علشان هي حامل فاتعلقت بيها اكتر لا بس انبساطي اني هشوف عيالي منها خلاني اعشقها اكتر واكتر لانها حققت حلم من احلامي وده كله لاني طبعا بحبها اوي
جمال بحزن تمام انا اقصد كده طب ولو انت اتولدت وسط ناس وحشه هتتطلع انت كويس
فارس اكيد لا وانا هعرف الكويس ازاي وانا مش شايفه قدامي يعني
جمال بحزن طب ولما انسان وحش بس هو غصب عنه لاني قولتلك انه اتولد وسط الوحش ولقي الوحش لقي فلوس كتير اه بس وماله ما البحر يحب الززياده مش مهم بقي جات صح ولا غلط وجيه يوم حب ولما حب حبيبته دي شالت حته منه بس هو كان لسه وحش ومتغيرش واتحكم عليه بلموت لو انت مكانه هتحس بايه وانت سايب مدام شروق وابنك
فارس عنيه دمعت واكمل بصوت منخفض حزين اكمل هحس بوجع وقهر بس انا مش متخيل اني ممكن اقدر اسيبهم اصلا
جمال بدموع ودي حياتي باختصار ولان اخوك عارف كل ده وعارف اهلي والناس اللي انا اتولدت وعشت وكبرت وسطهم قدر يفسر انا ليه برغم اني حبيت مقدرتش اغير نفسي زي ماهو عمل لانه مجرد ماشااف ليلي قلب عليا وهد الدنيا كلها طب منا حبيت اميره ليه معملتش زيه وبعد تفكير طويل لقيت اني عمري ماعرفت يعني ايه صح اصلا عمري ماعرفت الحلال ده اللي هو ايه مش فاهم مفروض اعمل ايه اتعودت بقي علي الشركات والفلوس والسلاح وحياه كلها رفاهيه ونسيت ان في ربنا عادل وبيحاسب مهما طال الزمن فهد حب وانا حبيت وطبطب علي كتف فارس واكمل فهد اتغير بسرعه لان كان في شخص مثالي زيك كل يوم يهزقه ويبهدله ولو حتي مكنش بيتغير بس يكفي انه كان في حد يواجهه للصح ويزعقله ويبهدله فهد كان عارف الصح من الغلط وااحرام من الحلال لانك اخوه يا فارس لانك مكنتش بتسيبه ابداا وبتفهمه بس فضل وحش بسبب موضوع ليلي ومجرد ما ليلي ظهرت تاني حياته نسي كل حاجه اكتسبها من الوحاشه ورجع فهد اخوك تربيتك كله مبادئك وقيمك ونسخه منك فهد ابن الحج نبيل الراجل المحترم عاش اصيل ومات اصيل كبير وعمده الصعيد فلما مشكلته اتحلت قدر يعرف الصح من الغلط انما انا عينه دمعت واكمل انا جمال الدمنهوري ابن احمد الدمنهوري بردو تاجر السلاح محدش فينا اتولد وحش او حلو او حرامي او غني او فقير بمزاجه يا فارس بس هي الدنيا دي وتجاربها شكلت شخصيتنا ويرجع طبعا للاهل واللي الاهل علموه لاولادهم ايه انا تغيري كان اصعب من فهد بكتير لاني مكنتش اسمع حاجه عنه غير من دي وضم اميره تحت كتفه وباس جبينها واكمل هي دي 6 سنين زن علي وداني ولما وقعت في محنه مفتكرتش غير كلام اميره وفضل يرن في وداني طول الوقت لانهز الشخص الوحيد اللي كان بيفوقني وكان هو عذاب الضمير فعلا وقولت لرجالتي ملهومش دعوه بفهد تاني واتغيرت بس كان فات الاوان بس ربك كبير وعظيم مرديش لا يحرمني منها ولا من عياالي واداني فرصه اانا مش برر بس انا فعلا كان غصب عني يا فارس ومش طالب غيرك انت وفهد وليلي تسامحوني
فارس بابتسامه بص لي ليلي واكمل بحزن من اجل جمال بصراحه انا شايف انه صح وفعلا مفيش حد ميستاهلش فرصه تانيه وهو كان غصب عنه بس اديه اتغير فعلا محدش بيتولد وحش بس مش كلنا حياتنا زي بعض المهم اننا نعرف الصح ونتغير يا ليلي
ليلي هزت راسها ب اه واكملت مسمحاك يا جمال واللي فات مات خلاص
فارس بحب وانا مسامحك خلاص ده ربنا بيسامح مين احنا علشان نعمل كل ده اذا كان ربنا سامحك وجمال حضنه وفارس بادله الحضن بفرح
واميره حضنته ليلي واكملت بحب مبروك يا حبيبتي وعقباال ماتقومي بالف خير يارب
ليلي بحب الله يبارك فيكي يا قمر انا وانتي يارب
فهد طبعا انا قايلك اني سامحتك
جمال حضنه واكمل ده انت حبيبي انت
فارس بضحك صح يا ابن االقرده انت عملت المرافعه دي ازاااي يخربيتك
فهد بضحك نروح وافهمكم كل حاااجه هنا مش هينفع حتي لو مفيش حد منضمنش
فهد بضحك نروح وافهمكم كل حاااجه هنا مش هينفع حتي لو مفيش حد منضمنش
ليلي برفعه حاجب عمرك ماقولتلي يعني انك خريج حقوق
فهد بضحك علشان انتي خريجه علوم واشطر مني فهتذليني علشان كنت في الرايحه والجايه اقولك ذاكري يا فاشله
فارس بضحك يخربيت فقرك يا فهد
جمال بضحك لالا طبعا متتحسبش كده انا قولتلك اييه انت اللي بتعمل لنفسك قمه في اي مكان
فارس وهو بيعدل جاكته اكمل بثقه احمم شكلي وانا خريج تجاره وصاحب شركات
فهد بضحك ذل ابونا بقي
جمال بضحك حقه يا عم تعب طبعا
ليلي بضحك انا مش عايزه اقولكم ان. خريجه علوم دي ملقيتش شغل واشتغلت عند الحيوان ده واتجوزته فاهي فعلا مش بلكليه
فهد برفعه حاجب حيوان ?
ليلي ربعت ايديها واكملت اه حيوان وقصر لاني مش بكلمك
فارس بضحك يعني سامحتي جمال ومش مسامحه فهد
جمال بضحك بس متسخنهاش بقي
فهد وهو بيقرب منها اكمل بضحك معلش تعالي علي نفسك وبجمله السماح انهارده سامحيني معاه
ليلي لا يا فهد ورايحه تقف ورا فارس علشان ميمسكهاش
فهد بضحك وحياتي اقفي مكانك ومتتحركيش خالص
ليلي وقفت وهي بتغمض عنيها بعصبيه
فارس بضحك يا شيخه اتنيلي يعني عامله فيها. زعلانه منه ولما حلفك بيه وقفتي
اميره بضحك بتحبه اوي عسل والله
ليلي لا مش بحبه ومش عايزه اكلمه
فهد قرب منها وشدها ليه واكمل بحب مش بتحبيني هاا
ليلي بكدب اه مش بحبك
فهد بخبث تمام وبيقرب علشان يبوسها
ليلي بسرعه لالاالا متستعبطش الناااس واقفه يا فهد ابعد كده واتلم
فهد بضحك لا ما هو انتي لو مردتيش انا هعملها وانتي عارفاني كويس
فارس بضحك اتلم يا مهزق وسيب البت
فهد بضحك مش هيحصل تنطق الاول
ليلي بتوتر اوعي بجد عايزني اقول ايه
فهد بضحك بتحبيني قد ايه
ليلي مبحبكش
فهد كده طيب ورايح يبوسها وقفته واكملت لالالا قد الدنيا كلها بموت فيك كمان وبعشقك مش بحبك بس
فهد بضحك ايوه كده ياروحي وقرب باسها بردو وبعد بسرعه
ليلي باحراج يا حيوان انت ايه اللي علمتوا قدام الناس ده
فارس بضحك والله العظيم الواد ده مترباش اساسا
جمال بضحك طب قولنا انك هتعمل كده بجد كنا نطلع احنا وخدوا راحتكم وربنا فكرتك بتهددها
اميره بضحك واناا والله
ليلي باحراج دفنت وشها في صدره واكملت شايف شايف بسبك حطتني في موقف عامل ازاي
فهد حضنها اكتر واكمل بضحك هي اللي بتقرب مني اهو تحرش رسمي وفي مكان محترم
ليلي ضربته في صدره اكلمت بضحك والله انت فعلا متربتش ورايحه تمشي شدها ليه وباس جبينها واكمل بحب حقك عليا كان يتقطع لس
ليلي بماقطعه حطت ايديها علي شفايفه واكلمت لا بعد الشر عليك متقولش كده
فهد باس ايديها اللي علي شفايفه واكمل بحب وربي بعشقك اكتر من العشق نفسه هتقوليلي ازاي هقولك معرفش بس بموت فيكي وحضنها
ليلي بحب وانا اكتر بس بجد اتصدمت من الكلمه دي اوي
فهد انتي فكرك اني ممكن اعمل كده يا ليلي
ليلي بحب تؤ لا طبعا
فهد رفع ايديها باسها واكمل بحب اديكي جاوبتي علي نفسك ليلي انتي حياتي انا مقدرش اعيش من غيرك اصلاا
ليلي بحب ربنا يخليك ليا ياررب يا حبيبي
فهد بحب ويخليكي ليا يا نورعيني وبص لجمال واكمل هتيجي انت واميره عندنا نتغدا سوا ونحكي علي رواق عملت كده ازاي
جمال عنيا بس هروح مع اميره عند الدكتوره وهجيلك
اميره بستغراب اشمعنا انهارده عادي وقت تاني
جمال هو كده عادي
اميره بضحك بردو يا جمال مش هتبطل ابدااا
جمال مش هبطل ايه ??
اميره بضحك كبريائك وغرورك
جمال لاالا فين الكبرياء والغرور
اميره بضحك يعني انت مش عايز تروح للدكتوره علشان تشوف عيالك في السوناار بس غرورك منعك تقول كده
فهد بضحك ايييه لا بتهزرري
جمال بص حواليه واكمل بضحك بصراحه هو كده لاني مبسوط اني خرجت فعايز اشوفهم بس مش كبرياء وغرور انا بس اتكسفت يعني مش متعود ان ليا زوجه واولاد والكلام ده
فارس بضحك ده ايه العسل ده ربنا يفرحك بيهم يارب وتشوفهم علي خير يا حبيبي
جمال بحب امين يارب
فهد فضل بيضحك علي كلام جمال
جمال بحده ايه يا مهزق ماتحترم نفسك اراجوز قدامك
فهد بضحك ااه يابطني مش قادر من الضحك
ليلي بضحك فهد اتربي بجد ايه بيضحك دي مشاعر اب حلوه اوي مش احسن منك يا معفن
فهد بضحك ممكن تسكتي يا ام حمل في اسبوع انتي نروح نشوف ايه مش فاهم وبعدين انا بضحك لان الحب بيبهدل اووي بجد بقي جمال الدمنهوري بقي عنده قلب وبيحس وعايز يشوف اطفاله في السونار ومبسوط بيهم كمان فعلا سبحانه مغير الاحوال لالا مغير ايه مبدل الاحوال ده انت اتبدلت
جمال بحده ماتتربي يا مهزق وبص لاميره واكمل شوفتي يا اميره مش عايز اقول ليه قدامه
اميره حضنته واكلمت بضحك معلش يا روحي ماهو حقه بردو هو اكتر حد عاشرك وانا بعديه بس انا حفظتك حتي بشخصيتك الجديده ففهمت انت عايز ايه وسيبك من فهد خالص يلا نروح نشوف عيالنا
جمال باس جبينها واكمل بحب ماشي ياروحي يلا وبص لفهد واكمل بضحك هربيك بس مش دلوقتي
فهد بضحك مستنيك يا غالي وحط ايده علي كتف ليلي وجمبه فارس وخرجوا
في الشارع كلهم ماشين قبل مايركبوا العربيات جات بنت غريبه
البنت لو سمحت لو سمحت
فهد بص حواليه بعدين بصلها وهو بيشاور علي نفسه واكمل مين انا
البنت بفرح اه انت ممكن اتصور معاك
جمال بضحك يا عاصم يا ابن الجزمه قايلك ماتخليش حد يكلمه صبرك عليا بس لما اروقلك تعالي يا عاصم هنا
ليلي بحده ليه يا حبيبتي تتصوري معاه مايكونش لاعيب كوره ولا ممثل مشهور
البنت بفرح هو فيه سيره غير عليه ده الهيرو بتاعنا
ليلي مسكت فيها واكملت بحده هيرو بتاع مين ياروح امك مش فاهمه
فهد وهو بيبعدها عنها اكمل بضحك بس يا ليلي يا ليلي بس يا حبيبتي ميصحش كده
ليلي بحده انت مش شايف طريقتها
فهد بضحك البنت بتقول صوره معملتش جريمه يعني
ليلي بصتله برفعه حاجب فاكمل بس طبعا طبعا مش هتصور متقلقيش
جمال بضحك يعجبني فيك شخصيتك القويه
فهد بضحك عيب عليك
البنت ايه ده انت مش هتتصور فعلا ميبنش عليك التكبر يعني
فهد لا طبعا والله انا مش كده واكمل فارس
فارس بصله وهو بيفتح باب عربيته اللي واقفه بعيد شويه واكمل خير
فهد تعاالي تعالي
فارس. قفلها تاني وراحله واكمل ايه يابني في ايه
فهد بضحك متتصدميش ده اخويا التؤام فارس العامري ميمشيش هو معاكي في الصوره ركزي كده هتلاقيها تعدي
فارس انا مال امي يا عم انت بتلبسهاني ليه
فهد همس بضحك وحياه شروق اتصور انت مش ناقص نكد
البنت بضحك ايه العسل ده انتوا قمرات اوووي لا ده هتبقي اجمل لو اتصورتوا معايا انتوا الاتنين
جمال بضحك احممم البس يا معلم وبص لي ليلي واكمل انا لو مكانك علي اقرب مأذون ياما واتصلي بشروق واطلقوا قوليلها جوزك وجوزي بيتشقطوا
فهد بضحك اااه يا حقنه انت
فارس بضحك تصدق خساره فيك السماح
ليلي بحده والله طب خليك واتصور معاهااا يا فهد خلييك اللي تكلمك تاني تبقي بنت كلب
فهد بضحك الله يرحمه متجوزش عليه غير الرحمه بس كان كلب فعلا خسرني كل حاجه معادا انتي ودلوقتي حتي زمان خسرتك
جمال بضحك رومانسيه دي كده يا مرسي
فهد بضحك اسكت انت علشان خربتها خلاص
ليلي بحده فاااارس انا ماشيه
فهد طب قسمابالله لو اتحركتي ههزقك
ليلي بحده ايه هو بلعافيه
فهد بضحك اه بلعافيه
البت ادت اميره الفون واكملت بحب شكلك هاديه وكيوت صورينا انتي لحسن التانيه دي غريبه شويه
اميره كتمت ضحكها بلعافيه ومسكت اافون صورتهم
ليلي بحده غريبه ايه ياروح امك مش فاهمه ايه شيفاني بشد في شعري ولا ناقصني حاجه منا مش فاهمه
عاصم جيه واكمل امرك يا جمال بيه مشيت كل الناس االلي حوالينا خلاص
جمال هو انا مش قولتلك متدخلش حد خالص ينفع كده
عاصم اه اابنت دي قالتلي موضوع حياه او موت قولت يمكن عايزاه في قضيه ولا حاجه فبلاش اقطع برزقه
اميره فضلت تضحك
فارس بضحك ليلي جوزك عندك ياما انا مليش دعوه ومشي من جمبه
فهد بضحك والله انت ندل
ليلي بحده حياه او موت اه ومسكته من قميصه واكملت روح شوفها يا متر مش بيقت محامي قد الدنيا روح شوف الحياه او الموت يلا يا هيرررو وزقته ومشيت وراحت عند البت واكملت بعصبيه حياه او موت ها انتي يابت ملقتيش حد يربيكي علشان تخشي تتلزقي وسط اتنين رجاله كده بشورت وكات ومسكته فيها وفضلوا يتخانقوا
فهد بحده بس يا ليلي يا ليلي بس بقييي يخربيتك
ليلي بحده ممكن تسكت انت طبعا منتا عجبك
البنت بحده اوعي كده فكراني هسكتلك ولا ايه لا يا حبيبتي انا اه ابان كيوت بس بعرف اضرب كويس اوي
ليلي بضحك يابت انا لو نفخت فيكي هطيري
البنت ليه فكراني زيك معصعصه
ليلي بضحك م ايه ياروحي معصعصه شوفي نفسك بس ده انا مفيش في حلاوتي يا حبيبتي هتقارني نفسك بيا وزقتها واكملت جتك الارف علي الصبح
البنت وقعت جمب فهد فسندها بتلقائيه
البنت بحب ياروحي مش بقولك الهيرو بتاعي
جمال يا نهااار اسود
ليلي بحددده فهههههد
فهد اتخض من صوتها وساب البنت وقعت علي الارض واكمل ايه يا حبيبتي
ليلي بدموع انا مش حبيبت حد وركبت جمب فارس واكملت اطلع يا فارس
فارس طب و ف
ليلي بدموع وحياه شروق اطلع هو معاه عربيته
فارس بتنهيده امري لله وطلع
فهد بصوت عاالي ليلي بت يا ليلي استني يخربيت اهلك
جمال بضحك راحت عليك خلاص
اميره بضحك دي نويالك
فهد بنفخ والله مش قصدي هي كانت هقتع وانا جمبها لا ارادي كده مسكتها مش قصدي حاجه
جمال روح صاالح مراتك بجد واحترم نفسك واضح انها بتغير عليك اوي وصعبت عليها نفسها لما البنت اتصورت معاك وبعدين انت مسكتها
فهد بتنهيده والله انا تعبت
اميره بحب معلش بس دي ليلي بردو مش اي حد
فهد مش من ليلي تعبت ان بطلع من مشكله الاقي مشكله
جمال طبطب علي كتفه واكمل مراتك طيبه وغلبانه وقلبها ابيض انت كنت مضايقها ومجرد ماقولت كلمتين جوا سامحتك وانا برغم كل ده سامحتني هو بس الزعل علي قد المحبه
فهد بتنهيده صح عندك حق يلا انا هروح اجبلها الحاجات اللي بتحبها علشان اصالحها وانت روح مع اميره للدكتور وتعالي
جمال تمام حاضر
وكل منهم مشي
————————————
بعد شويه في العياده
الدكتوره ها قوليلي بقي ماشيه علي العلاج كويس ولالا
اميره بابتسامه اه الحمدلله يا دكتوره
الدكتوره بحب طب الحمدلله وشكلك المره دي احسن بس جوزك بشبه عليه
جمال بتنهيده اه يا دكتوره منا جمال الدمنهوري
الدكتوره بتفاجئ اااه يبقي علشان كده عيطي انك حامل في تؤام وهو كان محبوس مش زي ماقولتي مسافر
اميره بحده اعتقد دي مسائل شخصيه وجوزي قدام الدنيا كلها طلع بريئ
جمال اهدي يا اميره خلاص
الدكتوره حقك عليا مقصدش ازعلك وطبعا طلما طلع بريئ خلاص احنا مش هنقدر نتكلم المتهم بريئ حتي تثبت ادانته وهو متثبتش عليه حاجه اصلا فخلاص انا مش قصدي اضايقك انا بس اتفاجئت
اميره بهدوء تمام محصلش حاجه
الدكتوره يلا نامي علي السرير واكشفي بطنك
اميره نامت واترددت تكشف بطنها قدام جمال وكانت محرجه اووي
جمال بضحك يخرب عقلك انتي مكسوفه مني انا يا اميره
اميره بتوتر ايه لا طبعا
جمال مد ايده وفتح الشميز اللي هي لابساه
ااميره مسكت ايده واكملت باحراج بس اتلم علشان خاطري
جمال بضحك عملتلك ايه يا حبيبتي لكل ده اهدي بس ورفع البدي اللي تحته واكمل للدكتوره تمام كده
الدكتوره جات وحطت الجل وابتدت تعملها السونار وجمال متابع الشاشه بابتسامه وفرح مفارقوش وشه واول ما شاف الدايرتين اللي لونهم ابيض اكمل للدكتوره بفرح هما دول صح
الدكتوره بحب اه هما
جمال دموعه نزلت من الفرح واكمل بحب ثبتيها علي كده وخدي صوره للسونار بلشكل ده
الدكتوره فعلا عملت كده وبعد شويه من الفحوصات واكملت بحب زي الفل صحتك كويسه الحمدلله
جمال بحب الحمدلله يارب ومسك المانديل مسح الجل من علي بطن اميره ووطي باس بطنها بحب واميره اتعدلت وحضنته بدموع فرح وهي مبسوطه اووي انه جمبها
جمال مسك البدي نزله بعدين قفل شميزها وظبط الهدوم وخرجوا
الدكتوره بحب كده تمام امشي علي نفس العلاج تاني واشوفك كمان اسبوعين
جمال ممكن حضرتك تكتبي مواعيد الدوا في ورقه
اميره حبيبي انا حافظاهم
جمال حتي لو
الدكتوره كتبتهم وادتهاله
جمال شكرا تعبناكي
الدكتوره ولا تعب ولا حاجه ده واجبي
ومشيوا
اميره انت خدت ورقه بلمواعيد ليه منا عرفاها
جمال طلع محفظته وحط الورقه فيها واكمل بحب علشان لو كنتي نايمه اصحيكي تاخديهم واعمل حسابي ان يكون في اكل قبل ماعدهم فكتبتهم لحد ماحفظهم
اميره بعيون مليانه حب اكملت وربنا بموت فيك وبحبك
جمال باس ايديها واكمل بحب وانا اكترر
————————————
في عربيه فارس
فارس فكي بقي يا لولا
ليلي كبر دماغك يا فارس
فارس ياحبيبتي هو ميقصدش والله
ليلي بدموع ولا يقصد مش هتفرق
فارس يعني انا خدتك علشان اصالحكم تتخنقوا قبل ماتروحوا
ليلي مش هو اللي بتاع بنات
فارس بضحك بتاع بنات ايه بس ده قبل مانتي تخشي حياته دلوقتي مفيش الكلام ده راحت عليه
ليلي بسخريه ماهو واضح االي في طبع مش بيغيره يا فارس
فارس اتفق بس ده مش طبعه ده كان كده كام سنه وشكرا هو حاليا رجع لطبعه
ليلي بتنهيده مش فارقه كتير
فارس لما يجي هيصالحك والله
ليلي بدموع عادي والله يا فارس
فارس يابت عليا انا الكلام ده عموما يلا علشان داخلين البيت خلاص
وفعلا وقفوا بلعربيه ونزلوا ودخلوا
فارس فينهم يا تولين
تولين روح وطنط سعاد في المطبخ وحور وعمر في الجنيه ويوسف في اوضته وطنط نفين عند شروق
فارس بستغراب ايه ده ليه
تولين بتوتر عادي يعني مفيش حاجه
فارس برفعه حاجب والله
تولين بتوتر هيكون في ايه يعني يا فارس مالك
فارس انا هعرف بمعرفتي في ايه روحي ودي ليلي اوضتها واقعدي معاها لحد ما البيه اخوكي يجي
تولين حضنتها واكملت بحب وفرح والله واحشاااني اوي تعالي اوريكي اوضه فهد اللي هتقعدوا فيها ونرغي شويه علشان مش مرتاحه لشكلك
ليلي بحب وانتي والله واحشاني اكتر يلا
وطلعوا
في اوضه شروق
نفين ها يابنتي متاكده انك احسن
شروق بتعب الحمدلله رسيت علي كده يا طنط محصلش حاجه ده هو نزيف بسيط والدكتوره جات لحقته نشكر ربنا
فارس دخل وهو بيرزع الباب واكمل بعصبيه انا عايز افهم دلوقتي في ايييه
شروق اتخضت واكلمت بخوف في ايه يا فارس دي طريقه مالك يا حبيبي في ايه
فارس بحده انتي اللي مالك وفي ايه منا لازم افهم
نفين هسيبكم لوحدكم شويه وطلعت وقفلت الباب
شروق بدموع اقعد يا فارس
فارس قعد قدامها علي السرير واكمل بقلق شروق انتي بتعيطي
شروق بدموع ممكن احضنك
فارس بوجع من منظر عياطها اكمل طبعا يا حبيبتي ايه الكلام ده انتي بتستأذني ده مكانك اصلا وملك ليكي وضمها ليه وهي فضلت تعيط وهو بيمسح علي شعرها
فارس بوجع وحزن بس يا حبيبتي بس فيكي ايه يا شروق احكيلي ارجوكي
شروق ددموع ووجع انا عندي مشكله في حملي وممكن ميكملش يا فارس
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
