رواية اتجوزني عشان اربيله ابنه بس الفصل الخامس والعشرون 25 بقلم رحاب القاضي

رواية اتجوزني عشان اربيله ابنه بس الفصل الخامس والعشرون 25 بقلم رحاب القاضي

رواية اتجوزني عشان اربيله ابنه بس الجزء الخامس والعشرون

رواية اتجوزني عشان اربيله ابنه بس البارت الخامس والعشرون

رواية اتجوزني عشان اربيله ابنه بس الحلقة الخامسة والعشرون

_اتجوزني عشان اربيله ابنه «٢٥»..
ــــــــــــــــــــــــــــــــــــــــــــــ
_في البدايه عايزه اقول ان البارت النهارده مش النهايه، لا لسه باقي خمس بارتات تاني علي النهايه تمااااااااام…
_في بيت حازم كان نازل رايح الشغل ولقي في وشه نيره وعيونها كلها دموع..
حازم بقلق
نيره مالك يا حبيبتي في ايه، ده النهارده الحنه بتاعتك عامله كده ليه؟..
نيره بخوف
عمر..
حازم بقلق
ايه مالو عمر في حاجه ولا ايه؟..
نيره بضيق
حلمت بيه وكان حلم وحش اووي..
حازم بغيظ
يا شيخه ينعل ابو شكلك بجد هو انا ناقص ده انا بزق في الايام وبقول يارب استرها..
نيره ببكاء
ما هو كان حلم وحش اووي يا حازم..
_حازم طلع وقفل الباب ومسك ايدها وقعدو علي السلم وحضنها وقال..
حازم
ايه يا ستي الحلم اللي حملتيه بقي انا سامعك اهوو..
نيره بخوف
حلمت ان عمر جاي يحضر فرحي ونور كانت معايا بس كانت هي اللي لابسه الفستان وعمر جه وقال ده بتاع نيره ولازم يتقطع وقطع الفستان ونور كانت بتقولي انا السبب انا اللي لبسته.. ايه بقي تفسير الحلم ده؟..
حازم بثبات
هو ليه تفسير واحد بس انا خايف اقوله تقلقي بصراحه…
نيره بدموع
قول يا حازم انا قلقانه لوحدي اصلا وقلبي مقبوض…
حازم غمزلها وقال
التفسير الوحيد للحلم ده ان التوتا كانت اا..
ضربته علي كتفه جامد وقالت
اتلمم يا قليل الادب يا مش متربي انت..
حازم ضحك وقال
نعم يا قلبي بتنادي ليه وانا جنبك..
نيره
والله العظيم طريقتك دي مخوفاني منك اصلا وبفكر اجل الف…
زعق فيها حازم وقال
نعممم يا اختي تأجلي ايه، ده انا اروح فيكي في داهيه لو كملتي الجمله دي…
نيره بخوف قالت
ياااه عليك ده انا بهزر، ده انا ما صدقت اني هتجوزك واتلم في بيتك…
حازم بخبث
لا متتقالش كده اسمها اتجوزك واتلم في حضنك..
نيره بكسوف
حازم عيب كده اوعي انا لازم انزل النهارده الحنه وفي حاجات كتير لازم اعملها…
حازم قرب منها اكتر
ما هي الحنه دي انا الفضل فيها مش انا العريس حضن بقي علي الماشي…
_قبل ما ترد عليه نزل واحد جارهم من فوق وقال وهو بيبصلهم بقرف…
الراجل
ايه قلة الادب دي انتو مش اتجوزتو ما تتلمو بقي وتدخلو شقتكم وارحمونا من قعدت السلم دي..
حازم بغيظ
هو انت يا استاذ سيد يا هادم لحظاتي السعيده منذ الطفوله، مش انت طلعت معاش رايح فين علي الصبح كده ولا انت قاصد تقرفني..
الاستاذ سيد
انا رايح النادي بقالي سنه ما روحتش وقولت احرك رجلي واروح النهارده..
حازم بحده
بقالك سنه ما روحتش وجاي علي وش امي انا تروح…
الاستاذ سيد
شكلك كده مش واخد اجازه انت النهارده تعالي بقي وصلني في طريقك انا مكسل اسوق..
لطم حازم علي وشه وقال
طيب طيب يلا بينا، وانتي عروسه بتضحكي فرحانه اوووي يا اختي اتنيلي انزلي يلاااا..
ــــــ #بقلم_الكاتبه_رحاب_القاضي ــــــــ
_وفي القسم كان معتز مبسوط جدا انه قدر يثبت تهمة قتل سماح علي فخري..
علاء
انت قلبك ميت والله تخلينا نروح بالليل ونطلع جثه من تحت الارض ونوديها الطب الشرعي مع القوه، جبروت والله..
معتز
كان لازم نعمل كده والا كان ممكن تحصل حاجه او ينقلو مكانها، وبعدين مبروك كده علي فخري الاعدام..
علاء
حصل عقبال ابنه بقي ونخلص من القضيه الهم دي، قولي هو فخري هيترحل امتي علي النيابه..
معتز بص في ساعته وقال
كمان نص ساعه بالظبط..
دخل العسكري وقال
بعد اذنك يا معتز باشا، في واحده بره اسمها علا زين الشناوي عايزه تقابل حضرتك..
معتز بقلق
علا… طيب دخلها وابعت هات شاي..
العسكري
تمام يا افندم..
وقف علاء وقال
همشي انا بقي اشوف الواد حازم قال جاي عشان كلنا كده هنوصل فخري للنيابه هنعمله حتت زفه انما ايه معتبره..
معتز ضحك وقال
ههههه ماشي يا علاء نعمل زفه حقنا…
_طلع علاء وراح مكتبه ودخلت علا وسلمت علي معتز وقعدت قدامه…
معتز
خير يا علا جايه لحد هنا بنفسك في ايه؟..
علا بقلق
بابا مش ناويلك علي خير يا معتز خالص، انت لازم تخلي بالك من اياد عشان اا..
معتز بجمود
انا ما اتخلقش علي وش الارض اللي يقدر ياخد مني ابني، وبعدين ايه اللي خلاكي تقولي كده؟..
ردت عليه علا وقالت بضيق
سمعته بيكلم واحد وبيقوله علي مكان حد تاني بس ما اخدتش بالي كويس، وقاله اهم حاجه اياد يكون عنده وبعد كده هيعمله اللي عايزه..
معتز بعدم فهم
طيب انتي ما سمعتيش اسم اللي بيكلمه ده، او اسم حد تاني..
علا
للاسف مش فاكره خالص بس كان قال اسم عوض ومكان عوض باين..
معتز بجمود
تمام يا علا وشكرا جدا لكلامك ده، وما تقلقيش انا هعرف اخلي بالي كويس..
علا وقفت وقالت
اوكي يا ميزو هبقي اجي اقعد مع اياد شويه عند طنط الفت تمام..
معتز
تمام يا حبيبتي، استني بس في شاي جاي في الطريق…
علا
لا معلش وقت تاني خليك انت بس تشوف شغلك..
معتز
تمام يا علا وخلي بالك من نفسك، ولو احتاجتي اي حاجه قوليلي..
_وطلعت علا بره مكتب معتز وشافت في وشها حازم، ابتسمت بسرعه وقالت..
علا
ازيك يا حازم عامل ايه انا مبسوطه اووي اني شوفتك و…
حازم بجمود
تمام الحمد لله معتز جوه صح؟.
علا
اا طيب استني ممكن بس تيجي معايا نشرب حاجه ونتكلم شويه..
حازم اتنهد وقال
لا والله مش هقدر، انا اصلا جاي اخلص حاجه هنا وماشي تاني عقبالك النهارده حنتي..
اتملت عيون علا دموع وقالت
اييه حنتك ازاي يعني، انت هتتجوز طيب وانا؟..
حازم بضيق
لو سمحتي يا علا بلاش كلام في حاجات قديمه..
علا ببكاء
فيها ايه البنت اللي انت هتتجوزها مش موجود فيا عشان تختارها هي وانا اللي جيتلك لحد عندك وقولتلك اني بحبك..
حازم بضيق
وانا وقتها قولتلك اني بحب وحده تانيه وبعشقها ومش شايف اي وحده غيرها..
علاء مسحت دموعها وقالت
تمام يا حازم انا اسفه اني عطلتك بعد اذنك..
مشيت علا وحازم قال لنفسه بسخريه
بتحب فيا ايه دي طيب نيره عبيطه ومش شايفه غيري من صغرها، علا دي فاكراني مهند ليه بس..
معتز
انت بتكلم نفسك يالا ولا ايه؟..
حازم
لا ما تاخدش في بالك، المهم يلا بينا ننزل العروسه طالعه والصحافه ماليه المكان بره وهتبقي حفله معتبره..
معتز
العروسه اللي هو فخري، اقسم بالله الراجل ده صعبان من السف اللي عامله عليه انت وعلاء..
حازم
طيب الحق موبيلك بيرن، ومريم كلمتني وقالتلي خلي الحيوان صاحبك يرد علي موبيله..
معتز
يا بت الجزمه طيب انزل انت انا هكلمها وجااي..
نزل حازم وهو طلع موبيله ورد علي مريم وقال
يا بومه انا مش قايلك بلاش تهزئ قدام الناس وخليها بينا وبين بعضينا..
مريم وهي بتاكل
ما كانش حد غريب ده حازم، المهم انا عايزه اروح لنيره..
معتز بغيظ
مش فاهم منك حاجه خلصي اللي في بوقك واتكلمي..
مريم
بقولك عايزه اروح لنيره وطنط الفت جايه معايا وفريده هناك من الصبح..
معتز
ثواني بس هي فريده تعرفهم منين اصلا؟..
مريم
ما انت عارف فريده بتحب الظيطه ولما عرفت ان نيره لوحدها قالت هتروحلها بدري وجابتلها حنه وحاجات حلوه عشان الفرح.. اهي عيلتها كلها مايته وهيتعملها حنه ياللي ما تفيت عليا حتي بشوكلاتايه في فرحنا يا نتن…
معتز ضحك وقال
هو انتي ايه حكايتك النهارده عماله تهزاي فيا، مش هسكتلك كتير يا ام لسانين انتي..
مريم
شوفت سمعتلك اغنيه حلوه اوي بتاعت محرم فؤاد لايقه عليك جدا…
معتز
سمعيني بس كلمات صوتك وحش ما تغنيش..
مريم بغيظ
وربنا ما انا قايله يخربيت اللي عايز يبقي رومانسي معاك اقفل، وخلي البغل اللي اسمه فتحي ده يخرجني عشان ما اقطمش في زمارة رقبته..
معتز
بت استني الاغنيه اللي سمعتيها عليا بتاعت رمش عينه اللي جرحني رمش عينه، مين يا ناس يحكم ما بين قلبي وبينه..
مريم ضحكت وقالت
ههههه وانت عرفت منين بقي؟..
معتز
كنتي منزلاها استوري من شويه وو…
_سكت لما سمع صوت ضرب نار ولما بص من الشباك لقي فخري واقف وسط العساكر وفي هجوم علي القسم من ناس مسلحين..
مريم
سكت ليه هو الشريط سف عندك ..
معتز بجمود
هكلمك كمان شويه، وما تطلعوش من البيت غير لما اجي..
_قفل معتز في وشها وطلع سلاحه ونزل وملامحه اتحولت كلها للغضب وبشكل مخيف كمان. واول ما نزل ادي اوامر للعساكر انهم يقفو في اماكن معينه ويهاجمو، وفعلا قدرو يسيطرو علي الوضع بس المشكله ان كان فيه صحافه ومدنين كتير، وخد باله معتز من فخري اللي قدر يتحرك لوحده ناحية الرجاله..
حازم بقلق
اقسم بالله يا معتز لو اتهبلت واتحركت من مكانك لهطلع وراك وهتبقي خربت..
معتز بغضب
يا غبي هيهرب مننا وهنبقي ما عملنااش حاجه..
حازم بحده
ما يهرب يا عم هنجيبه هيروح فين يعني؟…
معتز بفضب
وانا ما يتعلمش عليا…
_خلص كلامه وفضل يضرب في الرجاله اللي مستنين فخري وفخري من خوفه اتحرك غلط وفي الوقت ده جات طلقة معتز في صدره ووقع ميت وفي اللحظه دي وقف ضرب النار والرجاله اللي جايه تاخده مشيت، ومعتز كان مصدوم هو ما كانش قصده يقتله..
ــــ #بقلم_الكاتبه_رحاب_القاضي ــــــ
_في المكان اللي متخبي فيه عمر، دخل عنده خالد وقال..
خالد
امسك يا عموري ده نسخه من المفتاح بتاع شقة اختك الجديده..
عمر بقلق
طيب انتو هتخلوني اروح هناك تمام مع ان صحاب حازم وحازم نفسه كلهم تبع الشرطه، انا هدخل اعمل اللي عايزه في الشقه ازاي وجوزها هيكون معاها، ده كاني رايح اسلم نفسي ولا اغسل شرفي ولا حاجه..
ضحك خالد بسخريه وقال
انت بكره الصبح هتروح الشقه وتتخبي فيها وبالليل اختك هتكون في الشقه لوحدها والباقي بتاعك..
عمر اتنهد وقال
المهم اني اخلص منها، مش قادر اتخيل انها بعد اللي عملته ده لسه عايشه، دمي محروق منها ومش ههدي غير لما اغسل شرفي بايدي…
_دخل عمر الاوضه الصغيره اللي في المكان وطلع خالد من بره، وكلم سيف وقاله..
خالد
ايوه يا سيف بيه، عملت اللي قولتلي عليه والبواب جابلي مفتاح الشقه..
سيف
تمام مش عايز الواد يدخل عليها فاهم، تموت قبل ما دخلتها زي ما قولتلك تعمل..
خالد
اعتبره حصل يا بيه، اصلا والواد ده غبي اووي ده ماشي ورا اي حاجه بقولهاله ومش واثق في اخته بربع جينيه..
ضحك سيف وقال
هههههه ما هو اللي شافه علي اخته الاولي يخليه يصدق اي حاجه علي التانيه..المهم نفذ اللي هقولك عليه..
ــــ #بقلم_الكاتبه_رحاب_القاضي ــــ
يوسف بدموع
ايه ابويا يعني ايه ابويا مات، قتله ابن الكلب..
عوض
قولتلك الواد مش ساهل وقال ايه عايز تنزله، انت لازم تسمع الكلام اللي هقولك ايه..
يوسف بحقد
ما بقاش فيها عقل، الواد ده اقسم بالله لحرق قلبه قبل ما اقتله..
عوض
قصدك عيلته مش كده؟..
يوسف بحقد
دم الحج فخري بعيلته كلها… كلم سيف خليه يجي هي كده جابت اخرها…
_وفي القسم اللواء كان متعصب وقال..
اللواء
كان في مليون حل غير انك تاخد قرار بالسرعه دي..
معتز بجمود
يا افندم ده كان هجوم علي القسم ولو ما كنتش اخدت القرار ده بسرعه كانت كل حاجه هتبقي خارج سيطرتنا..
حازم
معتز معاه حق يا افندم، وفخري مات اثناء هروبه والهجوم اللي حصل…
اللواء بضيق
ما تنسوش ان يوسف بره واكيد مش هيعدي اللي حصل لابوه ده خالص..
معتز بحماس
طيب ما ده حلو هو هيتعصب فهيظهر فاقبض عليه..
اللواء
مش بالسهوله دي يا معتز، الموضوع كبير يا معتز انا قولتلك مدام دخلو في الاول انهم يهددوك بعيلتك كنت انسحبت، دلوقتي الرد هيكون علي عيلتك مش عليك..
معتز بجمود
ولو كنت انسحبت مع احترامي لكل زمايلي كان فخري وابنه زمانهم طاحين في البلد ولا حد قادر يوقفهم…
حازم
هو انا مش قصدي اطبل لمعتز عشان صاحبي، بس هو معاه حق برضوو..
اللواء اتنهد بضيق وقال
اتفضلو علي شغلكم، وما فيش اي خطوه تتاخد غير باذن مني مفهوم..
حازم ومعتز في صوت واحد
تمام يا افندم..
ــــ #بقلم_الكاتبه_رحاب_القاضي ــــ
_في المستشفي كان بهاء قاعد جنب ندي النايمه وبيبصلها وهو مبتسم، وبعد شويه فاقت وقالت..
ندي بتعب
انت مبحلق فيا كده ليه؟..
بهاء بحزن
بقي انتي مرات مجرم، فكرتيني بالمسلسل التركي بتاع حب ابيض واسود..
ندي
ايه ده انت بتسمع تركي، ما يبانش عليك..
بهاء
من الفضي بخلص شغل في المستشفي واروح اعمل كيس الاندومي واقعد اعيط بقي قدام التركي..
ابتسمت ندي وقالت
هو في ناس طيبه زيك كده، وبعدين انت ليه علي طول قاعد هنا، هي مش المستشفي دي بتاعتك والمفروض عندك شغل وكده..
اتوتر بهاء وقال
هاا يعني انا اا بصراحه قلقان وخايف عليكي اووي ومش بكون مرتاح غير وانا هنا، بصي فكك المهم انتي عامله ايه؟..
ندي بدموع وخوف
هو الدكتور قال اني احتمال كبير جدا اني وانا بولد هموت صح انا سمعته وهو بيقولك انت والظابط..
مسك بهاء ايدها وقال بدموع
لا هو ما يعرفش حاجه الاعمار دي بيد الله لا انا ولا انتي ولا هو نقدر نتحكم فيها..
ندي بحزن
انا لو حصلي حاجه يوسف هياخد بناتي، هيعيشو ازاي طيب..
بهاء حط ايده علي شعرها بتوتر وقال بدموع نزلت
ممكن تهدي وافتكري ان ربنا هو اللي خلقنا وهو اللي خلق بناتك وهو اللي هيحميهم من شيطان جوزك ده..
_ابتسمت ندي وبعدين من تعبها نامت تاني علي نفسها…
بهاء لنفسه بغيظ
يخربيت ام الحب اللي من اول نظره ده..
ــــــ #بقلم_الكاتبه_رحاب_القاضي ـــــــ
_وفي بيت معتز كان نايم ومريم في حضنه ورافعه ايدها اللي مرسوم عليها حنه ومعتز ضحك وقال..
معتز
اقسم بالله هي لايقه علي ايدك اوووي..
مريم
انا مش علي لايقه ولا لا، ليه البنت اللي رسمتلي الحنه قالتلي ان ايد البنت ما بتشلش غير اسم واحد وهو اسم حبيبها، زي قلبها مش بيشيل غير واحد..
معتز
طيب ما ده كلام حلو فين المشكله فيه؟..
قعدت مريم وقالت
واحد بس طيب خد عندك قلبي انا فيه نبدأ بمهند وبعد منه الواد امير بتاع فريحه وبعد منه كريم بتاع فاطمه وبعد منه ارناف بتاع كوشي ده هندي وكتييير اخرهم فريد بتاع سيران..
معتز بغيظ
اييييه قلبك ده ولا مركز شباب، وبعدين جوزك فين من ده كله..
مريم غمزتله وقالت
يا اسطا انت القلب كله والله..
معتز
اسطاا هي حماتي ولدتك في موقف مكروبصات صح..
ضربته علي كتفه وقالت
لم نفسك.، وبعدين انت بكره هتنزل تصالح باباك وتخليه يجي معانا الفرح..
معتز بحده
مريم الموضوع مقفول بابا مش شايف نفسه غلطان ودي مشكلته لما يفوق انا ابنه برضو ومش هسيبه، وبعدين سيبك من ابويا وامي ايه الحلاوه دي..
مريم عملت نفسها هتنام
يالهوي الواد اللي في بطني ده مطلع عيني ولازم انام..
معتز بخبث
ااه ااه ما احنا هنام برضو هااا..
ــــ #بقلم_الكاتبه_رحاب_القاضي ــــــ
_تاني يوم قدام بيت حازم الساعه خمسه الفجر، وقفت عربية خالد ونزل عمر وطلع فوق فتح شقة حازم بشويش ودخل، وراح دخل اوضة الاطفال وقعد فيها..
_وبعد شويه صحي حازم وغير هدومه ونزل تحت واول ما خبط علي الباب فتحتله نيره اللي كانت حاطه ماسك علي وشها..
حازم
اعوذ بالله من الشيطان الرجيم انت مين يااه..
نيره
اخص عليك يا حازم انا نيره..
حازم بغيظ
وايه اللي منيلااه في خلقتك ده، ما احنا مش عاملين فرح..
نيره
يا حبيبي انا عامله كده عشانك انت..
حازم
ما انا متنيل هتجوزك بخلقتك الاولانيه وعجباني كنت اشتكيتلك..
نيره بغيظ
انت علي طول كده كاسر بنفسي حتي يوم فرحي..
حازم قرب منها وقال
هو انا كنت مجهز كلمتين هقولهم عشان فرحنا بالليل بس لما تغسلي وشك هبقي اقولهملك…
نيره بحده
اطلع بره يا حازم اصلا انا غلطاانه اني فتحتلك، انا كنت سمعت كلام خالتو لما قالتلي مش هخليك تشوفني عشان فال وحش..
حازم
هي معاها حق اقفلي، هشوف ايه يعني الله يقرفك..
_وبالليل في بيت معتز كانو بيجهزو عشان رايحين فرح حازم ونيره…
مريم بغيظ
هو ايه اللي مش عايز تلبس بدله يا اياد، انت مش عايز تبقي زي العريس..
اياد
لا طبعا حازم ده عبيط ايه ده اللي ابقي زيه..
ضحك معتز اللي واقف عند الباب وقال
ههههههه والله انت يا اياد بتفهم زي ابوك..
مريم بغيظ
ده بدل ما تقولو عيب وفي الاخر تقولي انتي يا مريم اللي خربتي الواد..
معتز
طيب سيبك منه وخليه يلبس اللي عايزه وتعالي اعمليلي الجرافيته..
مريم بحده
يا عم غور يا عم هو هتبقي عليا انت وابنك، وبعدين فيك ايدتين اعملها لنفسك..
معتز بغيظ
ايدتين والمفروض انك مدرسة اجيال ومش عارفه تقولي ايدين زي الناس..
طلعت الفت من اوضتها وقالت
يلا يا ولاد انا جهزت اهو يلا بينا…
معتز
ماما هو ممكن طلب، الفستان ده قصير ممكن تغيريه….
الفت بحده
معتز انا موتي وسمي حد يتحكم في لبسي، عندك مراتك مشي كلامك عليها..
مريم
ههههههههه جبهتك وصلت الفرح وانت قاعد هنا…
_بعد شويه كان معتز قاعد جنب السواق، ومن ورا مريم والفت واياد..وفجأه رن موبيل معتز برقم فتحي ورد عليه وقال..
معتز
في ايه يا فتحي ما انا لسه سايبك يا ابني؟..
فتحي وهو بياخد نفسه بالعافيه
في هجوم حصل علينا يا افندم وكان فاروق بيه لسه واصل البيت وتعيش انت..
_اتصدم معتز وقبل ما يقول اي حاجه عدت من جنبيهم عربيات سودا كتير وبدأو يضربو عليهم ناار وكان في العربيات دي يوسف اللي ضرب اكتر من طلقه علي العربيه ومنهم اكتر من وحده جات في الفت اللي ماتت فيها..
مريم وهي حاضنه اياد اللي بيعيط بخوف
معتزززز الحق طنط ما بتنطقش..
معتز كان هيتجنن ومش عارف يعمل ايه وقال
انزلي بسرعه تحت يلاا يا مريم وخلي اياد في حضنك..
_وفجأه. السواق هو كمان اتقتل ومعتز لف بالعربيه لمكان زراعي بعيد عن العربيات وقال لمريم..
معتز وهو بيمسك سلاحه
مريم اوعي تتحركي من هنا لو ايه حصل..
مريم ببكاء وخوف وهي حاضنه اياد
انت سايبني ورايح فين، وطنط الفت اا..
بص معتز لمامته بدموع وقال
لازم امن المكان عشان نمشي هرجعلك ما تخافيش..
_ومشي معتز وهو بيحاول يدور علي مكان يقدر يمشي منه واستغرب ان العربيات اللي هاجمتهم اختفت، وفي عربية معتز الباب اتفتح ومريم افتكرته معتز وقالت..
مريم بخوف
معتز انت جيت اا….. سيف..
اتصدمت لما لقيت سيف قدامها وسحبها من شعرها وقال بعصبيه..
سيف
وصلنا للاخر يا بت عمي..
مريم ببكاء وغضب
اتفو عليك يا حيوان انت ايييه ازاي تعمل كده.؟.
سحب اياد اللي بيعيط من حضنها ورمااه علي الارض جامد، وزعق فيها وقال..
سيف
انا هعرف اربيكي كويس، عملالي فيها الام الحنونه..
مريم بخوف علي اياد
هات اياد اوعي تعمل فيه حاجه هو مالوش دعوه..
اياد ببكاء
سيب ماما ما تخدهاش مني..
_جه معتز في الوقت ده وهو ماسك سلاحه وقال بعصبيه..
معتز
سيبها يالاااا والا هصفيك دلوقتي..
ظهر يوسف من وراه وقال
مش هتلحق يا حضرة الظابط، خد اللي يخصك وامشي يا سيف..
معتز بحده
سيبها يا سيف ما توديش نفسك في داهيه زي الوسخ ده..
سيف بحقد
لا انا عايز اروح في داهيه…
_ خلص كلامه وضرب معتز بالنار اللي وقع علي الارض سايح في دمه..
مريم صرخت برعب وقالت
معتززز سيبني يا سبف ياااا معتز..
قرب يوسف من اياد اللي كان بيبص لباباه وبيبكي واخده معاه، ومريم فضلت تصوت علي الاتنين، بس سيف خدها غصب عنها لعربيته و….
ـــــــ #بقلم_الكاتبه_رحاب_القاضي ــــ
ـ في بيت حازم دخل شقته هو نيره وقرب منها وقال..
حازم
هو مش فرح كبير وحتي معتز ومريم طلعو انداال، بس الف مبروك..
ضحكت نيره بهدوء وقالت
هههه الله يبارك فيك، هو خلاص كده بقيت حياتنا واحده ومتجوزين بجد..
حازم ضمها ليه وقال
مبسوطه يا نيره؟..
نيره
ده انا اسعد واحده في الدنيا كلها…
_قبل ما يرد حازم موبيله رن برقم اللواء..
نيره
مش المفروض تقفله..
حازم بقلق
لا ده اللواء اكيد في مصيبه ثواني..
رد حازم وقال
ايوه يا افندم اكيد حضرتك مش مكلمني تباركلي في وقت زي ده..
اللواء
تعالي علي المستشفي العسكري يا حازم بسرعه معتز اتعرض لهجوم هو وعيلته وبين الحيا والموت…
اتنفض حازم بخوف وقال
حح حاضر اا انا جاي حالا..
قفل مع اللواء وسالته نيره بقلق. قالت
في ايه يا حازم وشك قلب كده ليه؟..
حازم بدموع
معتز اتعرض لهجوم وهو بين الحيا والموت..
نيره بقلق
يا نهار اسود استني هغير هدومي واجي معاك..
حازم بخوف
لا لا خليكي انا هبقي اطمنك بس لازم اروحله..
نيره
ماشي يا حبيبي وان شاء الله خير…
_طلع حازم وهي دخلت اوضة النوم بتاعتها، وجات تفك الفستان بس اتصدمت لما سمعت صوت عمر وراها اللي قال..
عمر
مبروك يا عروسه..
بصتله ولقيته ماسك في ايده سكينه وقالت بخوف
عمر انت ازاي جيت هنا؟…
_تفتكرو ايه اللي هيحصل؟…
ــــــــــــــــــــــــــــــــــــــــــــــ

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية اتجوزني عشان اربيله ابنه بس)